أغاني الشايقية في القرن التاسع عشر وبداية القرن الماضي

Quote: الأخ صلاح هذه محاولة متواضعة لكتابة كلمات الأغنية التي غنتها المجموعة والتي أتي بها الأخ طارق ميرغني أعلاه اللبيب ولَّف جاب فنون جاب كلاماً يمشي موزون لأم ضميراً ليني عرجون هي الدباس الفوق الغصون وهي الضهب في البنك مخزون هي الملك بجلالته في الكون سمحة هبلت أبان دقون الجسيم ما طلعه صابون بالزباد والمسك مدهون زي الحرير الأصلي في اللون تشبه الجدي ود اللبون .. يابا شيخ زمراوي الولي شيخ منور ولدك علي خلوا بالكم يا سِيادي للبنية الشاغلة بالي .. داير انط الحوش دردرب انا داير اشوف اللابس الدهب أنا داير أضوق التين والعنب العكاكيز فوقي رب رب الا سيفاً ياخدني تب وداير أضوق سجنك ياصنب .. أنا داير أكاسر الهبر العصير فوق محارف تيل الصقير كان غفل وكان لاح لك الدير سوَّي فر القمري في الطير وخدرتها المزروع في القرير وما نجض لليلي خدير وما نقر بالسوس تمرو خير يا إلهي القول مو كتير وسوي دارة الحلقة أم فقير .. يامهيرة فارس اللعوب تِلِّي إيدِك ورفرفي التوب خلِّي شلاّخك للهبوب وإن لقيتك ماني مغلوب يا قميرية برسلك طيري فوتي الجو السِلِك لي عجب روحي بدردرك الأبوك ربَّاكي بالضحك وعمره ما نهرك وزعلِك .. بالله شوف : الأبوك ربَّاكي بالضحك وعمره ما نهرك وزعلِك يخلي الأب طوَّالي يحن علي بناته !!!! ..