عاد الكِضِب مو سمِح.. موت د. خليل فرحني جد

Quote: غفرنا دي شِني كمان.. إنت بِتِتْكلم بِلسان منو؟ صفاء النِية ولا سوادا ده ما عِنْدي غرض بيهو، البِهِمني الأعمال الحصلت في الواقِع وتضررنا منها، الزول أسَود النِية لامِن يِتْحَول إلى بياض النِية ده بِكون نتيجتو مع رب العالمين، لكِن ها التَحَوُل ما بِجُبْ أعمالو ذات السواد.. دي قاعِدة ظالمة جِدًا، على كِده عُمر البشير مُمْكِن ننسى ليهو كُل العملو في الـ21 سنة الفاتت بِإعْتِبارو أصبح مِن ذوو النية البيضاء!

Quote: الكلام ده قولو لأسُر الـ28 ضابِط القتلُمْ البشير صباح العيد.. الكلام ده قولو لأهل مجدي الحلفاوي.. الكلام ده قولو لِناس كجبار.. الكلام ده قولو لِمَوتى حروبات غرب السودان مِن المدنِيين

القتلهم عمر البشير في صباح العيد ديل اهللي، ومجدي اهلي، وناس كجبار كذلك وناس غرب السودان اهلي برضو

لكن لن اتوقع انو اليوم البشير اليعلن فيهو نهاية مشواره الخاسر معانا باي شكل كان، ونصر انو يواصل في مشواره
عشان نقبضه ونحاكمه!! هل تتوقع ان اسر شهداء رمضان ح يصرو انو البشير دا يقعد في الكرسي لحد ما نقبضو!!

وبالنسبة لخليل، اهل الدم من الجنوبيين (لمن كان دباب) زااااتم مشو ليهو وقالو ليهو سماح يا زول، ونفتح صفحة جديدة



نرجع لقصة الحرباء

Quote: كلام فوقو منطِق لِمن أراد أن يرضى بِتَلَوُن الحِرباء

فرق كبير يا عزام من زول كان نايم وين ما عارف وقالوا ليهو تعال اشتغل مساعد رئيس (كاول وظيفة ليهو)

وبين زول رفض دا كلو ومشى الخلا شال سلاحو وعايش مشرد في الفيافي خاتي روحو في يدو

لكن برضو اديك حقق، كلامك برضو فيهو منطق، لكنها سياسة، سياسة السادة يا حبيب والله يبيعوك ضحى