|
Re: فـيديــو مبـالـغه ... جـامـعه تـخـرج راستــات , والله صـحـى (Re: عبدالله ابوشوارب)
|
سلام اخ خضر نزل الفيديو في يالفيس بوك واتحيرت في خريجيين الطب واتعوضت الله في بعض الدكاترة لان هذا لايمثل كل الخريجين ولو كان ده المستوى لبانة وتهييص زي ده احسن لو جانا المرض وعافانا وعافاكم الله نحجز مصر او الاردن من اسة المشكلة الاخطر انو الشباب صار مقلدا يعني السنة الجاية لو ربنا احياك واحيانا تشوف البلدع وخوفي من انها تصبح عادة وتقليعة جديدة
| |
|
|
|
|
|
|
Re: فـيديــو مبـالـغه ... جـامـعه تـخـرج راستــات , والله صـحـى (Re: عبداللطيف محجوب)
|
دكتور ابن دكتورة وابوه دكتور حفلات التخرج في السودان اصبحت لها شكل مغاير وغير تقليدي والجامعة خرجته دكتور مستواه الاكاديمي تجدونه في الشهادة اما حفل التخريج فمسألة خاصة جدا تخص الشباب المتخرجين واضح الفكرة عمل معادل كوميدي لاغنية بنات مشهورة واللبان والنضارة السودة والازياء جزء من الفيديو كليب الاتصور يعني الدكتور دخل في شخصية تناقض شكل وهيبة الدكاترة الجامدين ومن هنا تظهر المفارقة وكثيرون في الحفل بكونوا ما مصدقين ده الدكتور البعمل كده بعدين معروف انو الدكاترة غير انو ليهم عالمهم السري والخاص هم من اكتر الناس محبة للفنون والموسيقى والتراث واجمل الادباء والكتاب والسينمائيين دكاترة من مصطفى محمود وامير تاج السر ويوسف ادريس ويحي الفخراني الى عزوز عبد الباسط السيد هم حملة جماعة الموسيقى الكلاسيكيةوالاستماع والادب الرصين يعني لو حتوفي يوم اطلعو راستات وفارات ما بفهمو حاجة عجبي يرقص الرئيس نقول ووب يرقص الخفير نتبشتن يرقص الدكتور نقيم الدنيا ولا نقعدها لابعجبكم العجب ولا الصيام في رجب دي حفلة خاصة جدا بتاعة تخرج مايتم فيها يخص ولا يعم يعني الدكتور ده لامن يجي يشتغل حيكون مدور استريو وبلوك في لبانه ولابس نضارة سودة وبكشف على موسيقى الكشف قومو لفو ..
| |
|
|
|
|
|
|
Re: فـيديــو مبـالـغه ... جـامـعه تـخـرج راستــات , والله صـحـى (Re: Munir)
|
.. أنا غايتو الفيديو كيفني .. سيناريو المقدمة بتاع تسليم النضارة شئ بديع .. أنغام الربع رائعة .. الأغنية تمام .. فرحة الأصحاب بصاحبهم جميلة .. الباك قراوند بتاع ال men in black الشغالين هجيج تحت المنصة برضو مبهج .. والبنات زاتم متكيفات ..
الكونكلوشن: فيديو جميل يبعث التفاؤل ومبروك للخريج ..
| |
|
|
|
|
|
|
Re: فـيديــو مبـالـغه ... جـامـعه تـخـرج راستــات , والله صـحـى (Re: الحاج حمد الحاج)
|
Quote: Quote: phd in what ?
لا أعتقد أنها دكتوراة؛ غالباً ما يكون تخريج أطباء بشريين، صيادلة .. أو مختبرات!
رُغم أن لي آراء في الفيديو .. إلا أنني أفتكر أن هذا ليس شئ عام كي يطرح في مكان عام لنتناقش فيه!
وأحترام رأي الجميع إن كان غير ذلك :) |
شكراً عبداللطيف على التوضيح فعلاً اعتقدت انها حفل تخريج جامعى لكن حيرتنى لقب دكتور نحن بنخلط بين الطبيب وحامل الدكتوراة
فيديو لذيذه فكرته وما فيهو حاجه اللهم الا انه معناة نوع اغانى الجبجبه دى اصبحت عااااااااااااااااااااااااااادى ياخ بس خايف انه الذوق العام كله بقى كده على اى حال هذا جيل جديد و مبروك عليهم شهادات التخرج والغناء الجديد
| |
|
|
|
|
|
|
Re: فـيديــو مبـالـغه ... جـامـعه تـخـرج راستــات , والله صـحـى (Re: خضر الطيب)
|
التحيه والتقدير لكل المتداخلين
احمد عكاشه
عامر جابر
محمد زكريا
عبد الله ابوشوارب
عادل خيارى
عبد اللطيف محجوب
محمد سنى دفع الله
بدر السنوسى
منير
خالد عثمان جعفر
الحاج حمد الحاج
دينا خالد
محمد ابراهيم
والتهنئه خالصه للدكتور عمر نجل الدكتور الصديق الفاتح عمر مهدى
بمناسبة التخرج وعقبال الدكتوراه
للمعلوميه : تعرفت على الدكتور الفاتح عمر مهدى حينها كان عمر ابنه الخريج عمر لم يتجاوز الثلاث سنوات
كانت عيادة الدكتور الفاتح فى عمارة نديم فى الشهداء بامدرمان , كان صديقى والذى اصبح نسيبى بعدها يمتلك
محل للفيديو والكاسيت في نفس العماره , كنت متواجدا بصوره دائمه فى هذا المحل وهو فى مدخل العماره
من اكثر المداومين على هذا المحل كان دكتور الفاتح , رجل فنان قبل ان يكون طبيبا يداوى العيون
وما ادراك ما اطباء العيون , كان دائما يسأل عن الجديد , رجل فنان ومستمع من الطراز الفريد
رأئى فى هذا الفيديو وبعيد جدا عن علاقتى بدكتور الفاتح , انا حقيقه الفيديو عجبنى حد الاندهاش
والعنوان الفوق دا عنوان كان موجود مسبقا فى الفيديو ( تخريج راستات)
التعليقات الموجوده في اليوتيوب بجد تعليقات جارحه جدا بتمس اسره جميله جدا
وذى ما معروف انو فى اليوتيوب اى زول ممكن يدخل باى اسم ويتلفظ بالفاظ قاسية جدا تسئ للاسره الجميله دي
هنا في سودانيز الوضع مختلف عن اليوتيوب , بمعنى انو الناس مهما كانت مختلفه مع الحاجه دى بكونوا معقولين
هذا ماوجب توضيحه .. ونواصل
| |
|
|
|
|
|
|
Re: فـيديــو مبـالـغه ... جـامـعه تـخـرج راستــات , والله صـحـى (Re: Mustafa Muckhtar)
|
الحفلة دى حفل تخرج يعنى خصوصيتها بتختلف عن اى حفلة خاصة تانية ,المفروض تعكس مستوى الجامعة وهيئة التدريس وبتحترم الصرح التعليمى مافى عيب فى الرقص بس فى العادة بحصل بعد استلام الشهادات والتفاصيل الاكاديمية وكمان للروب قدسية خاصة ما بتجدع زى فركة العروس ,ومعقول خريجين جامعة محترمة بتكون موسيقى التخرج باغنية تعبانه وغناية بيت طهور ,غايتو بنرجع ونقول لكل جيل محن بتختلف عن محنا .
| |
|
|
|
|
|
|
|