|
|
 من سمح لابنته بلعب كرة القدم لا يدخل الجنة ورب الكعبة
|
Quote: في خطبة الجمعة لإمام مسجد (جامع الخرطوم الكبير) الشيخ كمال رزق صوب إنتقادات حادة تجاه فريق كرة القدم النسائية وطالب بإيقافه وقال إن من يسمح لابنته بالذهاب إلى ميادين كرة القدم فهو (ديوث) على حد تعبيره.. وقال مولانا رزق في خطبة الجمعة الماضية إن الدول الغربية تحاول تشويه صورة الإسلام بمساعدة ودعم أشباه المسلمين من الرجال كما سماهم في مسعاهم لخدش الحياء وذلك بمؤامرتهم ضد المرأة المسلمة.. مضيفاً أن السودان يحاول مسابقة الأمم في الرياضات النسوية.. وتابع أن كل من يسمح لابنته أن ترتدي ملابس الكرة
ولو كانت ساترة وتبدي حركات لا يجوز أن تؤديها إلا في الفراش ويتفرج عليها أشباه الرجال بنظرات جائعة فهو (ديوث) لا يدخل الجنة (ورب الكعبة) وأشار إلى وجود مؤامرة قبيحة وكريهة تهدف إلى تدمير المجتمع السوداني وشدد على ضرورة وضع المرأة في مكانتها وحمايتها.. يذكر أن صحيفة (الزعيم) فتحت ملف كرة القدم النسائية في أعدادها السابقة وتناولت القضية من جميع الأوجه وأشارت إلى قرار الإتحاد الدولي الفيفا بإلزام الإتحادات الوطنية بما فيها العربية والإسلامية بتكوين منتخبات نسائية لكرة القدم (أ) و(ب) و(ج) مقابل أموال الدعم التي تأتي تحت غطاء (مشروع الهدف).
|
http://www.cover-sd.com/news-action-show-id-18469.htm
|
|
  
|
|
|
|
|
|
|
|
Re: من سمح لابنته بلعب كرة القدم لا يدخل الجنة ورب الكعبة (Re: زهير الزناتي)
|
اسأل شيخ الغفله ده و كرة السله كيف؟
والله ما اضر الاسلام الا مثل هولاء..
وكمان شيخك هو البوزع الدرجات ويحدد من يدخل الجنة ومن يدخل النار..
حاله حال شيوخ الزمن القديم..
فى حين كان الطاعون يفتك بالملايين كان شيوخ
ذلك الزمن يتجادلون هل الملائكة ذكور ام اناث؟
اللهم لا تؤاخذنا بما فعل السفهاء منا..
| |
|
|
|
|
|
|
|
|
|
Re: من سمح لابنته بلعب كرة القدم لا يدخل الجنة ورب الكعبة (Re: صديق الموج)
|
يا ابو الزهور هو عمك ده خلى لرب الكعبة شنو؟ ما يا هو بيدخل الجنة و يطلع منها زي الما حاصل حاجة.
احتمال يكون منصب نفسو رب الجامع الكبير و بيشترك مع رب الكعبة في اتخاذ القرار.
بعدين ناس الكورة ديل حركات "الفراش" دي شنو القاعدين يعملوها في الميدان؟
تعالوا افتوا لينا يا خليل و وليد عبد اللطيف.
| |
|
|
|
|
|
|
|
|
|
Re: من سمح لابنته بلعب كرة القدم لا يدخل الجنة ورب الكعبة (Re: سيف النصر محي الدين)
|
هههههههههه
ياخ الحكاية دي فيها مناقضة, و نسخ لحديث الرسول عديل كدة!
يعني انا هسع ضامن الجنة;"من كانت لديه ثلاث بنات فأدبهن و علمهن دخل الجنة", و بقيت افكر في اني ابني كم طابق لفوق, عشان ابهات الاولاد الماعندهم طريقة في الجنة, يجو يأجروا مني, خاصة عندي خمسة بنات يقوم يجي الامام الدايش دا ينسخ حديث الرسول يقلع مني الجنة بس عشان بناتي بلعبن كورة?
و الله يا امام شوف-طشاش نحن داخلنها الجنة دي داخلنها.
الرياضة مهمة جدا للبنات كما هي مهمة للاولاد.
علموا بناتكم كرة القدم, و الكراتيه, و التاكوندو, و السباحة, و الجري, و الرماية, و ذلك خير ضمان لوقف اضطهاد المرأة!
| |
|
|
|
|
|
|
|
|
|
Re: من سمح لابنته بلعب كرة القدم لا يدخل الجنة ورب الكعبة (Re: طارق الجبلابى)
|
شكرا علي فتح البوست المهم
كلام مثل هذا الحمار لا يقدم و لا يؤخر
اذا كانت المجتمع السوداني سيتحطم بلعب النساء لكرة القدم فليتحطم و يزول كمان
الغريب أن هذا الجاهل يخاطب الشعب السوداني كأن له سلطة
و طبعا الدين اليومين ديل سلطة و نوع حقير من السلطة
في كل مرة يطلع علينا عبد الحي يوسف
يوم ما تعرف مين كدا عبد الكريم
و يوم من ايام زمان حاج نور
و قبلهم المخرف السوداني حسن الترابي
يا جماعة جانا مرض عديل كدا من رجال الدين و قصصهم
لدرجة ان الواحد عندو طمام.
شوف فكرة أن الرجل الذي يسمح هو ديوث دي قول لهذا المعتوه ديوث ابوك
اين حرية المرأة من الفكرة
و اين فكرة أنه لا سلطة لاب، ام ،او رب او غيره علي اي مواطن عمره اكثر من 18 عام
الناس سواسية امام القانون
وحتي سلطة الاب و الام في العالم المتمدن علي ابنائهم الان فيها قولان
لانو كمان في موضوع ال abuse
السودان في عهود الظلام
ربنا ينور جنباته بضوء الحرية الباهر
و كلمة أخيرة
مرضتونا الله يمرضكم يا رجال انعل .....كم
طه جعفر
| |
|
|
|
|
|
|
|
|
|
Re: من سمح لابنته بلعب كرة القدم لا يدخل الجنة ورب الكعبة (Re: زهير الزناتي)
|
Quote: هههههههههه
ياخ الحكاية دي فيها مناقضة, و نسخ لحديث الرسول عديل كدة!
يعني انا هسع ضامن الجنة;"من كانت لديه ثلاث بنات فأدبهن و علمهن دخل الجنة", و بقيت افكر في اني ابني كم طابق لفوق, عشان ابهات الاولاد الماعندهم طريقة في الجنة, يجو يأجروا مني, خاصة عندي خمسة بنات يقوم يجي الامام الدايش دا ينسخ حديث الرسول يقلع مني الجنة بس عشان بناتي بلعبن كورة?
و الله يا امام شوف-طشاش نحن داخلنها الجنة دي داخلنها.
الرياضة مهمة جدا للبنات كما هي مهمة للاولاد.
علموا بناتكم كرة القدم, و الكراتيه, و التاكوندو, و السباحة, و الجري, و الرماية, و ذلك خير ضمان لوقف اضطهاد المرأة! |
ههههههههههههههه الزول ده بكلم ليك ابوهو وتلقى نفسك ما لامي لا في الجنة لا في سقطها
| |
|
|
|
|
|
|
|
|
|
Re: من سمح لابنته بلعب كرة القدم لا يدخل الجنة ورب الكعبة (Re: قصي مجدي سليم)
|
علموا بناتكم كرة القدم, و الكراتيه, و التاكوندو, و السباحة, و الجري, و الرماية, و ذلك خير ضمان لوقف اضطهاد المرأة!| Quote: علموا بناتكم كرة القدم, و الكراتيه, و التاكوندو, و السباحة, و الجري, و الرماية, و ذلك خير ضمان لوقف اضطهاد المرأة! |
نعم الكلام يا بدر.....بس الكتب ذات الطبعة الواحدة نعمل ليها Updating كيف......؟؟
و بعدين ناس الجوامع ديل سيظلوا ينظرون للنساء كنيق يفتحلهن بعير فقط.......شايف المحنة دي !!
| |
|
|
|
|
|
|
|
|
|
Re: من سمح لابنته بلعب كرة القدم لا يدخل الجنة ورب الكعبة (Re: عمار عبدالله عبدالرحمن)
|
كتب أحد المشاركين الحديث هكذا
| Quote: (من ذا الذى يتألَه علىَ.. ) |
وقد جعله من الألوهية.. وهذا غلط، قد يكون تصحيفاً في فهم النص
أو خطأ في الكتابة.. أو غير ذلك.. والله أعلم
فـ نص الحديث هكذا
عن جندب بن عبدالله البجلي: أن رسول الله صلى الله عليه و سلم حدّث: أن رجلا قال: والله
لا يغفر الله لفلان، وإن الله تعالى قال من ذا الذي يتألى علي أن أغفر لفلان فإني قد غفرت
لفلان وأحبطت عملك أو كما قال". أخرجه مسلم
ومعنى يتألى: أي يحلف، والألية اليمين والحلف.
| |
|
|
|
|
|
|
|
|
|
Re: من سمح لابنته بلعب كرة القدم لا يدخل الجنة ورب الكعبة (Re: صديق الموج)
|
الله يحييك يا زهير
ظاهر كلامك هنا
| Quote: أكيد يا عماد سخرية غير مقبولة ... وكنت حا ارد عليهو حسب تسلسل الردود |
قد يفهم منه القاريء توقفك عند مسألة (العوارة) وهذا باعتبار أن سياق كلامك موهم...
إن كنت لم تفهم قصدي.. فأنا قصدت نقطة أخرى
وانا بالضبط أتكلم عن ما ذكره صاحب الكلام الذي اقتبسته، وهو قولة ود الله
هل هذا التعبير نفسه جائز في حق الله سبحانه وتعالى..
اللفظ في حد زاته ينسب لله (الولد) وهو أمر جعله القرآن في باب الكفر (وبسببه حكم الله تعالى بكفر النصارى)
وهنا.. خلينا نحاكم النص بمعزل عن محاكمة الشخص.. ولتحصر نفسنا في النص فقط
عشان ما يجيني واحد ويشبك لي في رقبتي.. خلينا مع التعبير ده: ود الله استغفر الله
على أقل تقدير: هل يجوز أن نجعل (الله العظيم) في تعابيرنا بهذه الطريقة؟!!!ا
أليس هذا من الحط والازدراء لاسم الله تعالى؟!!!
الحتة دي دين.. وأنت مسلم وأحسبك ممن يربصون اسم الله تعالى ويحفظه
وأظنك لا ترضى هذا التعبير المشين والقبيح
| Quote: ... بس انت كمان ورينا رايك في كلام الإمام ... |
بخصوص كلام الإمام.. أول حاجة حتى نكون عادلين في محاكمة الرجل.. خلينا نقيف شوية مع النص النبوي:
عن عمر بن الخطاب رضي الله عنه قال: قال رسول الله صلى الله عليه وسلم:
ثلاثة لا ينظر الله عز وجل إليهم يوم القيامة:
العاق لوالديه، والمرأة المترجلة، والديوث
وثلاثة لا يدخلون الجنة: العاق لوالديه، والمدمن على الخمر، والمنان بما أعطى".
الحديث أخرجه النسائي بهذا السياق.
وجاء في رواية أحمد تفسير الديوث: "... والديوث؛ الذي يقر في أهله الخبث".
ده النص النبوي.. خلينا نطرح عدة أمور يا زهير عشان نعرف مكمن الاتهام وين؟!!!:
لو أن الإمام قرأ هذا النص ثم قال: والله لا يدخل الجنة ديوث.. هل هناك مشكلة؟!
أم أن مشكلة الإمام أنه جعل لعب الكرة للبنت مع كشف فخذها دياثة، وهذا محل المشكلة؟!
أم ان المشكلة في كونه قام بتعيين فرد باسمه وشخصه؟!
أم المشكلة في كونه حلف على الفتيا؟!
أم أن هناك أكثر من مشكلة كما يتضح من الافتراضات الوارد أعلاه؟!
يعني مفروض نحدد موضع النزاع وين يا زهير،،، عشان نقدر نحاكم الرجل بعدل
وصدقني.. لو غلطان، فالمسألة دين، ويجب أن نقول: غلطان
تحياتي
| |
|
|
|
|
|
|
|
|
 Re: من سمح لابنته بلعب كرة القدم لا يدخل الجنة ورب الكعبة (Re: عماد حسين)
|
Quote: بعدين ناس الكورة ديل حركات "الفراش" دي شنو القاعدين يعملوها في الميدان؟
تعالوا افتوا لينا يا خليل و وليد عبد اللطيف. |
سيف خلّني اللطنبجا قبل ما يجوك ناس خليل ووليد الماهن مطرطشين:
Backward
_
زناتي،
ياخي ما طَقَش عينك عنوان بوست قبل يومين تلاتي، بوست الغريب، يحتفي بتخريج الدفعه السادسه للأكروبات السودانيه من الصين الشقيقه؟
| |
|
|
|
|
|
|
|
|
|
Re: من سمح لابنته بلعب كرة القدم لا يدخل الجنة ورب الكعبة (Re: محمد عبدالرحمن محمد)
|
| Quote: بعدين ناس الكورة ديل حركات "الفراش" دي شنو القاعدين يعملوها في الميدان؟ |
الضقّيل ... الباكورض ... الهيد ... الاسكرو ... ون تو ... التمنيات ... الكعب ... وهلم جرا (مع الإعتذار للعزابة في الإمساك عن الشرح!)
_______________________________________
انا جايي بس داير عماد حسين يشرح لينا الحديث بالعامي باعتبار انو "يتألى" يعني "يحلف" ... هو زول قال "والله لا يغفر الله لفلان" والله قال ليهو "فإني غفرت لفلان واحبطت عملك" ... جايي انت تدافع عنو - بعد ما الله احبط عملو - بالحذلقة اللغوية بتاعة "السلف الطالح"؟ لو عندك تأويل وهابي لا يأتيه الباطل بين يديه ولا من خلفه تعال قولو لينا هنا بالدارجية الفصحى ... "ود الله" دا بنناقش موضوعو بعد داك ...
وميري كريسماس وهابي نيواير بجاه الانبيا والاوليا ...
(بعدين اسألني من نكتة: "يا مهدي الله الخلقتني")
... المهم ....
| |
|
|
|
|
|
|
|
|
|
Re: من سمح لابنته بلعب كرة القدم لا يدخل الجنة ورب الكعبة (Re: تبارك شيخ الدين جبريل)
|
Quote:
كتب أحد المشاركين الحديث هكذا
Quote: (من ذا الذى يتألَه علىَ.. )
وقد جعله من الألوهية.. وهذا غلط، قد يكون تصحيفاً في فهم النص
أو خطأ في الكتابة.. أو غير ذلك.. والله أعلم
فـ نص الحديث هكذا
عن جندب بن عبدالله البجلي: أن رسول الله صلى الله عليه و سلم حدّث: أن رجلا قال: والله
لا يغفر الله لفلان، وإن الله تعالى قال من ذا الذي يتألى علي أن أغفر لفلان فإني قد غفرت
لفلان وأحبطت عملك أو كما قال". أخرجه مسلم
ومعنى يتألى: أي يحلف، والألية اليمين والحلف. |
يا عماد حسين الوهابى
عينك فى الفيل تطعن فى ضله
غاض الطرف عن الشخص المشرف على إدخال الناس الجنه وجيت ساكى مداخلتى
والا عايز تورينا انه أخونا بكرى مد ليك الكوته ؟
| |
|
|
|
|
|
|
|
|
|
Re: من سمح لابنته بلعب كرة القدم لا يدخل الجنة ورب الكعبة (Re: ABDALLAH ABDALLAH)
|
Quote: وقد جعله من الألوهية.. وهذا غلط، قد يكون تصحيفاً في فهم النص
أو خطأ في الكتابة.. أو غير ذلك.. والله أعلم
|
عبد الله اخوى صباح الخير ..
اخونا عماد برضو وضع ليك العذر فى احتمالية الخطأ فى الكتابة وبى كدة كان منطقى ومعقول جدا فى رده عليك وكان الباقى عليك تعتذر عن الخطا بدلا من المكابرة .. ياخى عملت خطأ كبير وكان ممكن واحد يقرأ كلامك ويقتنع بان صياغتك للحديث صحيحة وممكن كان تتنقل على كدة لكن اخونا عماد جزاه الله خيرا صحح هذا الخطا فكان الاوجب ان تعتذر اولا ثم ترد عليه الرد المنطقى اللى يخلينا نحن المتابعين ديل نتعلم منكم حاجة.
| |
|
|
|
|
|
|
|
|
|
Re: من سمح لابنته بلعب كرة القدم لا يدخل الجنة ورب الكعبة (Re: ismeil abbas)
|
Quote: عبد الله اخوى صباح الخير ..
اخونا عماد برضو وضع ليك العذر فى احتمالية الخطأ فى الكتابة وبى كدة كان منطقى ومعقول جدا فى رده عليك وكان الباقى عليك تعتذر عن الخطا بدلا من المكابرة .. ياخى عملت خطأ كبير وكان ممكن واحد يقرأ كلامك ويقتنع بان صياغتك للحديث صحيحة وممكن كان تتنقل على كدة لكن اخونا عماد جزاه الله خيرا صحح هذا الخطا فكان الاوجب ان تعتذر اولا ثم ترد عليه الرد المنطقى اللى يخلينا نحن المتابعين ديل نتعلم منكم حاجة. |
الأخ عابدون شكراً لتعقيبك الذي لامس وتر الحقيقة
أكرمك الله في الدارين
| |
|
|
|
|
|
|
|
|
 Re: من سمح لابنته بلعب كرة القدم لا يدخل الجنة ورب الكعبة (Re: ABDALLAH ABDALLAH)
|
Quote: ... ده ياهو ده حال كتيرين هنا
مش نضال ضد الكيزان.. يسب أبوهو وامو زاتو
أم كوز وأبو كوز.. المشكلة شنو يعني؟!
على قول قيقراوي: المافي شنو؟! |
أها يا عماد،
رايك شنو في ده
Quote: ولكن لأنهم ماجاءوا الا للمناكفة استمروا فى صج اذاننا بلغة الشوارع التى رضعوها من اثداء امهاتهم واكيد ان لهم امهات وعليهن ان يعتذرن للشعب عن انجابهن لهم. ’
|
| |
|
|
|
|
|
|
|
|
|
Re: من سمح لابنته بلعب كرة القدم لا يدخل الجنة ورب الكعبة (Re: عماد حسين)
|
Quote: الاخ/ محمد عبدالرحمن محمد
لا أدري عمن نقلت كلامك هذا
لكن كموقف مبدئي: أيا كان القائل، فهو سلوك مرفوض البتة
تحياتي |
مرفوض شنو ها؟ ... خلّي الطابق مستور ... نرجع لى موضوع البوست .... رايك شنو في الإمام والفسوى بتاعتو؟
(السين خطأ غير مطبعي .... ومزهّجني جداً جداً)
... المهم ....
| |
|
|
|
|
|
|
|
|
|
Re: من سمح لابنته بلعب كرة القدم لا يدخل الجنة ورب الكعبة (Re: Abureesh)
|
Quote:
.ذهب رجل يوما الى الامام الحسن البصرى وسأله :
يا امام هل الحجاج الثقفى فى الجنة ام فى النار ؟
فقال الحسن :
لا ادرى يا بنى فإن رحمة الله واسعة
فذهب السائل الى مجاهد فسأله نفس السؤال فرد بنفس الرد
فذهب الى الامام ابن سيرين والذى كان فى مجلسه واحد الجالسين يستفتيه عن حلم رآه وظن انه اثم بسبب رؤيته لذلك الحلم .. وكان الحلم انه دخل بزوجة جاره فى الحلم طبعا فسلم السائل وسأل سؤاله فرد الامام : لمن ذهبت قبلى ؟
فقال : للحسن ومجاهد
فقال : وبما كان ردهم ؟
فقال : ردوا بأن رحمة الله واسعة
فالتفت الامام ابن سيرين لمن امامه وقال له :
اذهب فلو دخل الحجاج الجنة فلن يضرك الدخول بحليلة جارك !
|
| |
|
|
|
|
|
|
|
|
|
Re: من سمح لابنته بلعب كرة القدم لا يدخل الجنة ورب الكعبة (Re: عبدالله محمد احمد بلة)
|
عشان كدا "الحجاج" ورهطه ... نقيّم تاريخهم في هذه الدنيا - وبالمعايير الواردة في القرآن - ونفتي (نفتي فعلاً ولا نفرض تشريع أو نقترح تشريع!) بأنهم طاغوت وأنهم كفروا كفراً بائناً بدلالة أفعالهم الموثقة في التاريخ ... وهذه الفتوى بكفرهم ليست "فسوى شرعية بردتهم" ... فقد آن لنا ضبط المصطلحات الدينية والألفاظ اللغوية والتوقف عن تحريف الكلم عن مواضعه ومعانيه ... فالكافر كافر والمؤمن مؤمن والحساب عند المطّلع على مافي الصدور الغفور الرحيم ... فمسألة الرأي هذه مصدرها الحكم على الأحياء والأشياء بما أنزل الله من حكمة وفرقان ... واحتكامهم لـ"شروط وموانع شرعية" في تكفير الناس، وهذه الشروط مفتراة وليست منزلة، انما هو "احتكام شرعي طاغوتي" ليس فيه سوى الكفر وعدم الحكم بما أنزل الله ....
الزوغان من الإجابة الصريحة على السؤال الصريح سيستمر ما داموا في طغيانهم يعمهون .... فالسؤال:
ما رأيكم بهذا الإمام وهذه الفسوى بعدم دخول آباء لاعبات كرة القدم الجنة؟ وما رأيكم بهذا الإمام "يتأله" ويحدد من يدخل الجنة ومن لا يدخل؛ ثم "يتألى" فيقسم على كلامه برب الكعبة ... في رأينا أنه يجب عدم اتباعه وعدم تمكينه من مايكروفونات المساجد ... ونسأل الله أن يعيده لصوابه ويغفر له هذا التجنّى على الله وعلى أمة المسلمين وعلى نفسه وهو لا يشعر ... وليس لدينا عنده حقوق دينية نطلبها أو نطالب بها فهو حرّ فيما يعتقد ... ولكن أيّ محاولة لاستخدام أيّ سلطة من أيّ نوع لفرض خطرفاته هذه على مواطن سوداني؛ سننبري له بالعنف المّادي ونعتدي عليه بمثل ما يعتدي على حقوق المواطن ونقاتله بما نستطيع اعداده من قوة حتى يفيء الى حرية عقائد الناس فلا يبغي عليها مرةً أخرى ... لا بادّعاء أن عنده مفاتيح الجنة ولا بادّعاء انه يوحى إليه وإلى سلفه الطالح وآباءه الأولين ...
... المهم ....
| |
|
|
|
|
|
|
|
|
|
Re: من سمح لابنته بلعب كرة القدم لا يدخل الجنة ورب الكعبة (Re: سيف النصر محي الدين)
|
Quote:
الزوغان من الإجابة الصريحة على السؤال الصريح سيستمر ما داموا في طغيانهم يعمهون .... فالسؤال:
ما رأيكم بهذا الإمام وهذه الفسوى بعدم دخول آباء لاعبات كرة القدم الجنة؟ وما رأيكم بهذا الإمام "يتأله" ويحدد من يدخل الجنة ومن لا يدخل؛ ثم "يتألى" فيقسم على كلامه برب الكعبة ... في رأينا أنه يجب عدم اتباعه وعدم تمكينه من مايكروفونات المساجد ... ونسأل الله أن يعيده لصوابه ويغفر له هذا التجنّى على الله وعلى أمة المسلمين وعلى نفسه وهو لا يشعر ... وليس لدينا عنده حقوق دينية نطلبها أو نطالب بها فهو حرّ فيما يعتقد ... ولكن أيّ محاولة لاستخدام أيّ سلطة من أيّ نوع لفرض خطرفاته هذه على مواطن سوداني؛ سننبري له بالعنف المّادي ونعتدي عليه بمثل ما يعتدي على حقوق المواطن ونقاتله بما نستطيع اعداده من قوة حتى يفيء الى حرية عقائد الناس فلا يبغي عليها مرةً أخرى ... لا بادّعاء أن عنده مفاتيح الجنة ولا بادّعاء انه يوحى إليه وإلى سلفه الطالح وآباءه الأولين ...
|
شكراً تبارك
لكن ما بال الذين يساندون هذا الإمام فى فكرته؟
أراهم يحاولون إيجاد المبرِرات!!!
| |
|
|
|
|
|
|
|
|
|
Re: من سمح لابنته بلعب كرة القدم لا يدخل الجنة ورب الكعبة (Re: ABDALLAH ABDALLAH)
|
كدي يا اخوانا فكونا من جنة الزول دا .. جنا سيدا هو الدايرا منو!؟
خلونا في نارو دي ..
Quote:
بعدين ناس الكورة ديل حركات "الفراش" دي شنو القاعدين يعملوها في الميدان؟
تعالوا افتوا لينا يا خليل و وليد عبد اللطيف.
|
المعنى يعني الرجال البلعبوا الكورة زمنم دا كلو بعملوا حركات بتاعة فراش و هم ما جايبين خبر ولّ كيف!؟
الناس دي قاعد تفكر اول .. ولّ بتشوت كلاما دا برا فهم!؟
| |
|
|
|
|
|
|
| |
زهير الزناتي
صديق الموج
ABDALLAH ABDALLAH
سيف النصر محي الدين
بدر الدين احمد موسى
طارق الجبلابى
طه جعفر
MOHAMMED ELSHEIKH
قصي مجدي سليم
Adil Isaac
عمار عبدالله عبدالرحمن
عماد حسين
عبداللطيف حسن علي
حامد بدوي بشير
محمد عبدالرحمن محمد
تبارك شيخ الدين جبريل
عابدون محمد عابدون
محمد عبد الماجد الصايم
ismeil abbas
هاشم نوريت
Abureesh
قيقراوي
فيس بوك
تويتر
انستقرام
يوتيوب
بنتيريست