|
|
 شمارحار وحصل هذا المساء!!!!
|
#
أعلامية ومذيعة مشهورة وكمان رهيبة الجمال تزوجت منذ شهور خلت وكان أحتفال ومراسيم زواجهاحديث المجتمع والمنتديات الاسفيرية كانت منذ قليل في قسم شرطة بضاحية راقية بالخرطوم شرق ومعها أمها وأصغر أخواتهاالجامعية بطب التقانةومعهن محامي أيضا معروف في قضايا الشيكات والافلاس والاعسار وبعد جهد عرفت أنوعريس الهنا عليه أربعمائة وثمانون مليون بالرغم من أن المذكور لفترة كان من المغتربين لكين الان في العاصمة القومية يعمل تاجر مواد بناء أسمنت تحديدا المهم تم أعتقله من شقة الزوجية وجاءت هي باحثة عن ضمانة له بسبب أنو ما عندو ذنب القصة تأخير سداد من الحكومة وهو مقاول حكومة ولمدة هي بتحاول تقنع وكيل النيابةبالعذر الذي جعل زوجها لم يغطي الشيكات لانو مشروع بناء مساكن الايواء لمتضرري تعلية خزان الروصيص هو سبب الكارثة والعريس هو مورد أسمنت للمشروع لم يستلم غير الدفعة الاولي من المقدم الذي أشار اليه العقد رفض وكيل النيابة الضمانة وهاك يابكاء وصراخ وكمان معها تهديد وقالت بثقة ( أنا ح أصحي الحكومة كلها حسي ح تشوف هو ما ح ينوم هنا ) لما عرفوا في القسم أنها المذيعة فلانة التي تعمل في قناة الحلاوه الشديدة قالوا خلاص يطلع من الحراسة يقعد معك شوية وأنت بالتلفون أتكلمي مع أصحاب الشيكات !!!وبعدها بساعة من تهديدها و الهرج والمرج جاء وكيل النيابة الاعلي للخرطوم عموم وعمل الضمانه وخرجت الاعلامية ذات النفوذ والجمال ومعها بعلها !!!!!!
أخ يابلد المسكين فيك ضائع !!!!!!!!!!!!
|
|
  
|
|
|
|
|
|
|
 Re: شمارحار وحصل هذا المساء!!!! (Re: Asim Fageary)
|
Quote:
ويا زهير عشان كدا بنقول ليك أحسن تعرس!
|
مالك عليو يا عاصم ياخ!
العزوبية تاج على رؤس العُزاب .. لا يراه الا المتزوجون
لووووول تتذكر العبارة دي!؟
زهير يا صحبي ما يغشوك، انتبه للمصيدة ..
ما يقولوا ليك قفص ذهبي و ماسي ..
هل قيمة القفص بتفرق مع المسجون جواهو، و لّ سقف الحرية البفرق!؟
لو بقى بتاع حديد خردة و سقفو عااااالي .. مش احسن ليك!؟
--------
التحية للمذيعة النبيلة دي ياخ ..
لووووول
لو لقيت زيها .. عرس طوالي ..
و هذي لا يلقاها الا ذو حظٍ عظيم
هذا و الا فعليك بالصوم فانه لك وجاء
| |
|
|
|
|
|
|
|
|
|
Re: شمارحار وحصل هذا المساء!!!! (Re: شكرى سليمان ماطوس)
|
ودالصايم
مذيعه واعلاميه زواجها تم قبل شهور خلت واحدثت ضجه في المنتديات وبتعمل في قناه الحلاوه او كما قال زهير
تبقي منو؟
والله ياهو زاتو بيضبحوه في الضحيه وبيقول باااااع
يكون شنو؟
ده وصف ما داير شرح ياخي
وكل مساء جديد وانت بخير
| |
|
|
|
|
|
|
|
|
|
Re: شمارحار وحصل هذا المساء!!!! (Re: فدياس نجم الدين)
|
يعني على كده الواحد لو عايز يستثمر في السودان أول حاجة يعملها يعرس ليهو واحدة ذات منصب وجمال
والباقي كلو هين ..
عفيت منك يا المذيعة اللامعة التي أحدث ......إلخ ...
ما تقولوا فلانة وخلاص ....!
داسين إسمها مالكم ؟
هي أصلها القبضوها ؟؟
بعدين القبض في الشيكات ده لا حرام ولا فضيحة ...
هو ص.إ. قبل كده قبضوه في شيكات ...!
| |
|
|
|
|
|
|
|
|
|
Re: شمارحار وحصل هذا المساء!!!! (Re: احمد محمد احمد عتيق)
|
مع إحترامي لكل الأخوان المتداخلين وصاحب البوست ولكن أود أن أسأل سؤال واحد بس :
هل هذه البنت أو قل الزوجة لو كانت أختكم أو زوجتكم هل كنتم ترضون بهذا العرض المفتوح لخصوصيات حياتها ليعلم القاضي والداني بذلك؟ ما لا نرضاه لأنفسنا يجب ألا نرضاه لغيرنا...
| |
|
|
|
|
|
|
| |
زهير عثمان حمد
البحيراوي
Asim Fageary
خالد عبد الله محمود
Tragie Mustafa
قيقراوي
م. سيد احمد قدورة
محمد عبد الماجد الصايم
شكرى سليمان ماطوس
فدياس نجم الدين
فيس بوك
تويتر
انستقرام
يوتيوب
بنتيريست