|
|
|
 Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
لايوجد تواصل للاجيال علي الاطلاق
الطلاب الجدد والذين هم قيد الدراسة
متخوفون من الذهاب الي مدينة جوبا
لانهم لم يروا غير احداث الاثنين والثلاثاء مرجعية لهم في فهم حقيقة الجنوب
وليست لديهم اية فكرة عن روعة الجنوبيون وانسانيتهم وكرمهم وانسانيتهم ووعيهم المتقدم عن انفسهم
وعن الاخرين من ابناء الوطن، ولان الاعلام يصور ، خاصة الانتباهة ، ان الجنوب يعيش فوضي وعنصرية
في ظل حكومة الجنوب الحالية.
هذا دوركم خريجوا وخريجات جامعة جوبا الذين آثروا الغربة وانشغلوا بانفسهم وانقطعوا عن اي صلة
بالجامعة التي صاغتهم/ن علي الصورة التي هم/ن عليها.
وبئس المشغولية!
لعمري لم اري ذلك الا خاصية لنا دون العالمين ، وكان الجنوب انفصل حقيقة وذهبت جامعة جوبا وتاريخها
ادراجها ، فلا ماضي ولا حاضر ولا جذور لاناس كانوا هناك ، كائنات حية ، تتشكل في ماضيها ثم يكون
لها اثر ما في المستقبل..
أذهبوا ان شئتم الي ذاكرة النسيان وسيبقي ما ينفع الناس!!
ـــــــــــــــــــــــــــــــــــــــــــــــــــــــــــــــــــــــــــــــــــــــــ
يؤسفني ان استشهد بما قاله الترابي :
وما سمي السودانيون كذلك الا لسواد في قلوبهم وفي انفسهم
كلام غير علمي ! لكنه يستوجب النظر العلمي ؟؟
| |
 
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
يا حليلك يا عبد اللطيف وحليل أيامك
بالله تورت لينا شيطان جوبا صدقني بالليل مافي نوم أتذكر كل تفاصيل جوبا وناس جوبا
سأتحدث عن تجربتين الأولى تجربة جمعية هواة المسرح والتي أسسها صديقنا وحبيبنا علي بحر وهنا اسمه علي الحلاوي
والتجربة الثانية رابطة طلاب الإقليم الأوسط (النيل الأبيض، والنيل الأزرق، والجزيرة حاليا).
دعنا نبدأ بالأولى :
جمعية هواة المسرح جمعية تم تأسيسها في العام 1985 على ما أذكر وكان مؤسسها والداعي لها هو الصديق علي مصطفى بحر ...
وضمت كوكبة من جامعة جوبا بشير ليما تقلي، رضا منصور (وطبعا ديل تزوجوا بعض للتوثيق)، أنس أحمد محمد الحسين (الفاشر) وبالمناسبة توفي لرحمة مولاه شقيقه هاشم أحمد الحسين (هاشم أكورديون) بعد عودة من غربة طويلة في ليبيا، وعمر نور القيوم تميم (الآن في مدارس مكي الطيب بمدني)، الدكتورة إقبال الهادي عيسيى (تربية - طب) ويقال لهاأيضا حكاية غريبة ... وأميرة محمد طاهر نوري وهبة طلحة (انتقلت فيما بعد إلى بيطرة جامعة الخرطوم)، عبد الرحمن بساطي وأظنه الآن في جامعة جوبا (مجرد ظن)، وفيما بعد التحق بها العديد والعديد من طلاب الجامعة... وقد شاركنا تقريبا في كل مناشط الروابط الإقليمية وروابط الكليات في الجامعة والمشاركة الكبرى كانت في نداء السودان الذي نظمه إتحاد طلاب جامعة جوبا بعد عودته وأذكر أن ريع الحفل كان قد بلغ (700) جنيه تم تسليمها بواسطة الإتحاد لمجلس رأس الدولة حينها ... وإن أنسى لا أنسى المغفور لها بإذن الله سمية الجوخ تلك الإنسانة الرقيقة والتي كنا نتحايل عليها كثيرا حتى تصدح بصوتها الرقراق لتسيل الجامعة كلها طربا...
بالله يا عبد اللطيف تلفونك عشان أسمع صوتك ياخي ... مشتاقين
| |
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote:
غربال الذاكرة كاد أن يلومني في أعز أصدقائي
فقد نسيت زميلتي وأختي وصديقتي منال محمد الله جابو (الحاج يوسف) |
في دي بالغت عديل يا هبوبك !
منال من اوائل ما عرفنا من الاصدقاء والصديقات وانت قبلي انا زاتي !
وكانت من المؤسسين للمنتدي الادبي مع عبدالله عابدين والشاعر محمد الزبير
والاستاذه سلمي والمرحومة سمية الجوخ..ومنال قارئة جيدة جدا للادب والشعر والروايات
الكبيرة ،تسلفت منها اعمال كبيرة لحنا مينا من مكتبتها الخاصة، ولها كتابات خاصة
بها غير المسرح التجريبي، لكنها امرأة عملية اكثر منها باحثة عن الجمال...
| |
|
|
|
|
|
|
|
|
 Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
عبد اللطيف و( شباب ) جوبا الرايعيين القوسين لانو في كتار بقوعواجيز زينا كدا لكن خلونا نرفع روحنا المعنوية شوية.
و الله الواحد مقصر كثير معاكم في الفترة الأخيرة. لكن مشاغل الدنيا الكثير هي السبب. ارجو المعزرة .
تحياتي للأخ جعفر الذي لم التقيه منذ زمن طويل و لأسرته.
هناك موضوع عاجل جدير بالمناقشة من قبل كل خريجي الجامعة و هو امر عدم اعتراف دولة الإمارات العربية بالكثير من الجامعات السودانية و خصوصا جامعة جوبا.
لهذا الأمر الكثير من التداعيات السالبة جدا علي جميع خريجي الجامعة و يحتاج لوقفة للتفاكر و النقاش في اسبابه و سبل معالجته.
ارجو ان نفرد له مساحةللنقاش علي صفحات البوست و ان نعقد جلسات للذين بالخرطوم لمناقشة هذا الأمر مع كل جهات الإختصاص و علي وجه التحديد ادارة جامعة جوبا التي اري ان تفاعلها مع الحدث دون المستوي المطلوب . فهذا الأمر يمس سمعة البلد و الجامعة و العاملين بها و يمس بشكل مباشر كل الخريجين و خصوصا العاملين بدول الخليج.
تحياتي
الزين
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
أبو الجعافر ......... ياخي والله زمن طويييييييييييل ... والشوق مطر جوبا في شهر يوليو ..
كيفك وكيف أيامك ؟؟؟
ياخي تكلمت عن ناس نحمل لهم الكثير من الشوق والمحبة ....
صادق العزاء للزميل / أنس ... ورحم الله / هاشم أكورديون ...
وأشواقنا الشديدة لـ عمر ... إقبال (حكاية غريبة)
...
تقبل تحيات د/ عمر عثمان ....
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Hatim Yousif)
|
كل الشكر للباشمهندس بكري علي إعادة البوست في الربع الرابع والاخير لسنة 2008
والشكر لجعفر دفع الله ومحمد عثمان علي اهتمامهم وارجو منهم التكرم بالتخلي
عن البوست المفتوح والمساهمة في هذا البوست وهو بوست للجميع بكل اتجاهاتهم
وفي كل المجالات ، خريجين وطلابا وحتي زملاء المنبر والضيوف والزوار نقبل ارائهم ومشاركاتهم
عبر الايميل
[email protected]
وكل سنة وانتم/ن طيبون
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
حمد لله على سلامة البوست الجميل دا يا عبد اللطيف
ومعاك بهنا وبسٍٍٍٍٍٍٍٍٍٍٍٍٍٍٍٍسسسسسسسسسسسسسسسسسسسسسسسس
كل سنة والجميع بخير
وتحياتي للزين حسن (الزين الـ..............) يا خي أولادك وبنهظر معاك يا جميل
موضوع عدم الاعتراف بشهادة جامعة جوبا فعلا موضوع يستحق النقاش من كل الجوانب
أهلا بكل أهل الخبرة والدراية لمناقشته
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: جعفر محي الدين)
|
يا جمـاعة وين اتكم
بسأل عن بعض الشخصيات يا ريت ألاقي أخبار
هشام أبو الشوش (وكنت أعرف أنه مدرس في الخرطوم)
هشام صالح (بتاع أمريكا من زمان) الوجيه أبو سفة
عبد الرحمن بساطي
معتصم قمر الدين
عبد العزيز روبرت (الطب)
بشارة يوسف (جيولوجيا)
علي مرسال (اقتصاد)
عبد الحفيظ (أور فيفول)
إلهام الجيلي
سناء سيد (اقتصاد 83) سنار تقريبا
سناء عوض
صديق عبد الكريم (جدو الثورة) طب
عصمت صادق محارب (كوستي - طب)
عبد العظيم إبراهيم (عطبرة - اقتصاد)
تخريمة:
ــــــــــــــــ
شفت يا تيفه الخيــط دا لازم يظل فوووووووووووووووووق
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: جعفر محي الدين)
|
| Quote: عصمت صادق محارب (كوستي - طب) |
أعتقد .. كان موجود في هولندا ... مع نزار ودفعتنا بتاع طب .
ياسلاااااااام ياخ ... إلهام الجيلي ...
أحلى مخلوقات كوستي وماجاورها من المدن والحلال ..
موجودة في أمريكا ... ومستقرة هناك ...
_______
من ناسنا في السعودية ..
مجموعة .. صلاح الشوافة ...وتولا ... ويس ..
وبرضه ..مهيد المحسي ..و إيمان فتح العليم ...طارق قيلي .. د/ أشرف مبارك ...د/ عماد الضب د/ فيصل محمد الأمين
سيف شيرينغ ... والكثيرين ..
في قطر ..
زاهر عبد الرحيم ..و الأبوابي ... بدر الدين الشيخ (كوستي)
في الإمارات
عثمان فضل (مدني) وليد الريح (مدني ).. أحمد مكرونه (إقتصاد)
ولسه ....
------
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
سلام يا شباب و غير الشباب...
و كل سنه و انتو طيبين...
بس اقتراح انو الناس تنزل صور في البروفايل عسي الواحد يقدر يتذكر بعض الوجوه...
جعفر ...
سلام و اقامه سعيده بيننا هنا...
و بما انو كنت من السناير في الزمن داك...
احنا كمان نقدر نقول ليك ...نحنا سناير هنا من زمن...في هذا الفضاء الاسفيري...
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
كل سنة وكل أحباب جامعة جوبا وطلابها وخريجيها بألف خير
كل سنة ودارفور تنعم بالسلام والمحبة وتنام على سرير العدل
والله يا جماعة أنا مهوس بجامعة جوبا وكل ما يمت إليها بصلة
مش حاتنازل عن هذا البوست أبدا وكل يوم حأطله عسى أن نلقى حبيب جديد
أقسم بالله أنني خرجت من جامعة جوبا ولا أحمل لأي كان فيها من لدن عمك السادات وحتى آخر برلوم في ذلك الحين
أي ضغينة أو ذرة كراهية، بل أحمل لكل من مر على جامعة جوبا كل الحب والود ..
أسال الله أن يجمعنا بهم دائما
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: جعفر محي الدين)
|
Quote: أها يا شباب نزلنا الصورة
جننتونا صورة صورة
بالله شوف يا عبده ماذا فعل الزمن بوسامتنا المتواضعة
ما في واحد من زملاءنا بتاعين الطب ديل بقي إخصائي جراحة تجميل تدلونا عليه ؟؟؟!!!!!! |
لوووووووووووووووووووووووووول يا أبو الجعافر .... ياحليلك ....
ياخي آخر عهدي بيك الزول النحيف داك ... مالك يازول ...
وبعدين شنو الدقن الطويلة والنظرة الحادة دي ؟؟؟؟؟
بقت تشبه لي نظرات الكيزان الغلاااااااااااااااد 
.. غايتو لو قابلتك ... صعب نعرفك ...
..
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
عبد اللطيف
سلامات وكل سنه وانت طيب
الدفعه 97 الفلاح التربيه
وبما ان الفلاح كان المقر الرئيسى
للجامعه حيث كان يمثل مركز النشاط
على المستوى الاكاديمى تتوفر فيها
لابات طب وهندسه وموارد بالإضافه للقسم
العلمى للكليه ثم يأتى النشاط الإجتماعى
والسياسى والثقافى .أيام وشهور وسنوات
ستظل مادمنا أحياء ...
والحكى كتير خلينا نفرق الكيمان فى الأول
كل الود
محمد كابيلا
| |
|
|
|
|
|
|
|
|
 Re: يا طلاب وخريجي جامعة جوبا وثقوا تجاربكم هنا.. (Re: محمد كابيلا)
|
Quote: أها يا شباب نزلنا الصورة
جننتونا صورة صورة
بالله شوف يا عبده ماذا فعل الزمن بوسامتنا المتواضعة
ما في واحد من زملاءنا بتاعين الطب ديل بقي إخصائي جراحة تجميل تدلونا عليه ؟؟؟!!!!!! |
من 92 وحتي الان 16 سنة وهي لاتكفي لزوال كل ذاك الشعر الكثيف الناعم
لكن يا قروشك كترت يا ولادتك بنات
غايتو انا بنت واحدة عدمتني السبيبة السوداء
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote: لوووووووووووووووووووووووووول يا أبو الجعافر .... ياحليلك ....
ياخي آخر عهدي بيك الزول النحيف داك ... مالك يازول ...
وبعدين شنو الدقن الطويلة والنظرة الحادة دي ؟؟؟؟؟
بقت تشبه لي نظرات الكيزان الغلاااااااااااااااد |
هههههههه والله يا حاتم يالذيذ شرطتني من الضحك
قلت لي نظرات الكيزان الغلااااااااد ديلك
الغريبة القسمات في الوجه هي هي كانما كنت معاهو هسع
لكن الدقن دي اخر ماكنت اتوقع!!
غايتو لو ده شكلك من زمان ، ايام الجامعة كان طلعت ملوص من المولد داك كلو
ــــــــــــــــــــــــــ
الله يديك العافية يا جعفر يا صديقي انت ووليداتك
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
حتومة ...الفيك اتعرفت... قلت الكيزان الغلاد!!!! شفت ليك كوز يتحاوم بالسعودية
لكن بيني بينك الدقن ممكن تجيب ثمن مريح في الخرطوم مش كده ؟
شكرا صديقي وحبيبي عبد اللطيف
يا زول والله بنية واحدة جبناها سنة 94 وأخوها سنة 97 ولله الحمد
وأنا طبعا من أوائل الناس الذين تزوجوا من الجامعة دفعتنا منى عيسى (كلينك) لكنها لم تستمر بجوبا سوى لسنة واحدة فقط
راسلت وراسلني دفعة / عثمان فضل (أسماك) وهو بأبو ظبي مبسوط وعندو بنوتة حليوة اسمها حلية بكسر الحاء
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: جعفر محي الدين)
|
Quote: ثم يأتى النشاط الإجتماعى
والسياسى والثقافى .أيام وشهور وسنوات
ستظل مادمنا أحياء ...
والحكى كتير خلينا نفرق الكيمان فى الأول
كل الود
محمد كابيلا |
الاخ محمد كابيلا الرجاء تقبل اعتذاري لعدم الرد عليك بسبب انقطاع النت فجاة
ونرجو عودتك لمواصلة ما بدأته ولاتكون كمثل الذين يعطوننا obligation فاضي
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
سلامات ايها الجوباويين
تعرف يا ابو الجعافر الصورة زكرتي هشام صالح ادريس (ابو الشوش) زمان . طبعا الأن ما عندو دقن لكن الصلعة كبرت شوية. لكن ياجعفر دا حال الدنياو عوامل التعرية و لكن تبقي غزارة في الإنتاج و سوء في التوزيع.
تحياتي للأخت العزيزة مني كلينك. و هي شقيقة اخونا الأعز علي عيسي حسين (كلينك). اما سر التسمية (كلينك) فيقال ان الأخ علي سكن لفترة زمنية بالكلينك . و مني اخذت الأسم من شقيقها.الأخ علي عيسي كان يتمتع بصوت عذب و كان من فناني الجامعة و له فرمالة شهيرة (حجبوه من عيني) و طبعا كان علي رأس قائمة فناني الجامعة الأخ العزيز بدوي التوم و النزير عمر و جمال احمد الهادي و اقبال الهادي (حكاية غريبة) و المرحومة سمية الجوخ.
وبالمناسبة ايامنا الفي الجامعة كان هناك اكثر من علي و لهم القاب منهم:
علي فنطاظية
علي بحر(بنبر)هو عضو المنبر علي الحلاوي
علي ايديوكيشن
مولانا علي
علي ويكة
علي كلينك
كثير من الاخوة الكرام كان لهم القاب يعرفون بهامنهم علي سبيل المثال لا الحصر
ابن عمي العزير عثمان محمدعلي طه الشهير بعثمان تكتكة
البروفسير عبد الحافظ الطاهر احمد (مدير ادارة القبول) الشهير بالعجوز
نور الدائم عبد الله عثمان الشهير بابو دونجو
الهادي عبد الله الشهير بحاكم الإقليم
قسم احمد جمعة الشهير بالبراد
عثمان احمد فضل الشهير باولفر
ادم عبد الوهاب الشهير بمونلكس(من كثرة الخلط)
استيفن اسفالدو لاوبالي الشهير بابو الجبال
تحياتي لكم جميعا
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Zein Hasan Mahgoub)
|
وادم الصادق (العجوز)
ومحمد حلا (مصطفي سعيد) انا السميتو كدة مايجي واحد يتفولح
والامين (العربي)
و التسميات حسب المدن
بدرالدين (عطبرة)
ومني (كوستي)
توحيدة (السوريبة)
وسناء (كوستي)
الغريبة مافي لقب من امدرمان وبحري والخرطوم
مثلا احمد علي من بحري ملقب ب (احمد مكرونة)
وانا من امدرمان ملقب ب( المرحوم) والتسمية من ادم الصادق( عجوز قبل الميلاد)
كانت عبارة عن defence mechanism اسميته العجوز فسماني المرحوم وجنت علي نفسها براقش
انتصار (حلفاوي) والهام( عطبرة) معظم الاسماء للبنات
الزين وضح لينا (جني ماما) دي جات من وين؟
وعصمت (الحلبي) من امدرمان وسميته( ابوردا) لانو بيكره البروفسور (هنسي) وكان مشهور بلبس (الردا)
طبعا في اسماء عادية بقت زي الالقاب
زي طه كروم وعادل سعد وعادل شريف واسعد البرير (ثنائيات)
واسماء ملبسة في اي زول وما عندها زول واحد زي (هبوبك) و (مويتك) ودي من نجر المرحوم الدكتور
فاروق كدودة...ومنها moitakability يعني ساهلة جدا و unjayable وتعني الحاجة دي ما جاية
كلها مصطلحات كدودية بحته..
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
عبد اللطيف والشباب ... سلام ..
دفعتنا تقريباً .. كانت متهمة بإنها دفعة من الحناكيش ...
والإتهام ده قبل وصولنا لـ جوبا .. والإتهام كان فقط من أسماء الطلاب ..
لأن في ذاك الزمان ... كانت أسماء المقبولين الجدد ترسل الى جوبا .. ويتم تعليقها في لوحة ..
السبب الرئيسي في الإتهام ده .. هو إسم الزميلة العزيزة / دينا أبو الريش ...
وطبعاً ده كان أصغر وأحدث إسم يدخل جامعة جوبا .. لذلك أحدث الضجة .. الغريب في الأمر .. أن الضجة كانت في الإسم فقط ..
وبعد وصولنا جوبا .. يوم سمعت سناير بيتكلموا عننا ...
(( ياخي دي دفعة حناكيش ساي ... شنو (دينا) و (أشرف) و ..و..
وقتها الجامعة مكتظة بالأسماء والألقاب الفخيمة والخنشورة جداً ... الحاكم / البراد ..
وحتى سلكويات الطلاب ... مختلفة جداً ...
الغريب في الأمر ... عندما رجعنا الشمال ... كانت المقارنة والتسمية ظالمة لدفعتنا مقارنة ببقية الجامعات خاصة الخرطوم ..
ببساطة إكتشفنا أن حنكوش جوبا ... عااادي يكون خنشور في الخرطوم
أما بعد ثورة التعليم الكيزانية ... فحدث ولاحرج ... عاااد بنسة كم وخمسين ... تخش جوبا وتتخرج كمان ...
الله يرحم جامعة جوبا ... كانت أيام من الضغط والشد ...
__
ومن الألقاب برضه في دفعتنا ...
سيف Sharing ... سيف الدين بسيوني من القضارف ..
عماد الضب .... د/ عماد عبد الله
فيصل السمين ... د/ فيصل محمد الأمين ...
التجاني الكج ... التجاني الحاج - موارد - من سنار ..
التولا ... محمد خضر - إقتصاد - عطبرة
صلاح كوستي ... أو صلاح الشوافة - إقتصاد - الشوافة ..
__
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
بعض الناس ، عبر الايميل ، ذكروا انهم لايستطيعون المشاركة
في البوست ، ربما يعتقدون، ان المشاركة لابد ان تكون في مستوي معين
وهذا خطأ ، فمعظم المداخلات للتحية والسؤال عن الاحوال وشئ من الذكري
نرجو الايتعب الناس انفسهم في نوعية المشاركات ولا كيفية توجيه الخطاب
البوست ده ماعندو سيد ، اي زول من جوبا وغير جوبا ممكن يدخل ويكتب عن ذكرياته وعلاقاته التي
ربطته بجوبا او اي خيط مماثل...
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
أهلا أستاذنا الزين حسن
أخونا علي عيسى كان معانا هنا في رمضان هو وأم العيال والعيال وعملوا عمرة
عبد اللطيف ربنا يديك العافية على جهودك وتذكرك للمزيد من الألقاب
عصام جيش
شعيرية ( لا أذكر الاسم)
محد إدريس (العريس) طبعا كان بيتحنن في كل مناسبة زواج يحضرها
عبد السلام محمد خير (الغبشاوي)
عثمان العيكورة
صديق عبد الكريم ( الجـد )
وبالمناسبة عصمت صادق محارب من كوستي
وإليكم بعض الزيجات من جامعة جوبا
بشير ليما (طب) + رضا منصور (تربية)
زاهر عبد الرحيم(تربية) + نجوى السر (على ما اعتقد تربية)
جعفر دفع الله (موارد) + منى عيسى (موارد)
متوكل الأحمر (طب) + عزة عبد الرحيم (طب على ما أظن)
وأكيد هناك المزيد من الأزواج الذين إئتلفت أرواحهم بفعل السحر الجوباوي
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
سلامات يا ابو الجعافر
الأخ المرحوم عمر عبد الله محمودالمعروف بعمر شعيرية توفي لرحمة مولاه قبل عامين تقريبا بالمملكة المتحدة(مانشستر) اثناء عملية للقلب المفتوح. له الرحمة. ترك من الأبناء ثلاثة ولدان و بنت واحدة و أولاده الأن بمدينة مانشستر يعيشون هناك مع والدتهم.
الأخ المرحوم عمر شعيرية كان من أميز طلاب قسم الرياضيات و الفيزياء بكلية التربية بجامعة جوبا و قد تخرج بالدرجة الأولي و عين مساعد تدريس بالقسم و ذهب لبريطانيا للدراسة الماجستير و قد نال درجة الماجستير في الفيزياء من جامعة مانشستر و راق له المقام هناك و عاش بها و كان معروفا باسم عمر جوبا وله نشاط واسع بين ابناء الجالية السودانية هناك. اللهم ارحم عمر شعيرية و اغفر له واجعل البركة في زريته.
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
| Quote: وأكيد هناك المزيد من الأزواج الذين إئتلفت أرواحهم بفعل السحر الجوباوي |
نعم ان جوبا لسحر
من الزيجات الجوباويةالتي استحضرها الأن:
1)عبد العال المليجي و جميلة (سكينة) سعد الدين (التربية).
2)عبد القادر محمد حسن و علوية عبد الرازق (التربية).
3)ياسر حسن الأسطي (العاتي) و سامية الأزرق(الأقتصاد).
4)رحمة محمد توم و انتصار حلفاوي (موارد)
5)عماد سعيد و وهيبة عبد الواحد(الطب).
6)تاج السر...و نور موسي(تربية -طب).
7)ميرغني (فرنيب)و امال عباس (طب - اقتصاد).
8)حسن الطيب و نداء الصادق(تربية- طب).
9)عمر خيري و نور اسماعيل(اقتصاد - موارد).
10)المرحوم ابو زيد عبد الله و نشوي ....(موارد)
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Zein Hasan Mahgoub)
|
Quote: من الزيجات الجوباويةالتي استحضرها الأن:
1)عبد العال المليجي و جميلة (سكينة) سعد الدين (التربية).
2)عبد القادر محمد حسن و علوية عبد الرازق (التربية).
3)ياسر حسن الأسطي (العاتي) و سامية الأزرق(الأقتصاد).
4)رحمة محمد توم و انتصار حلفاوي (موارد)
5)عماد سعيد و وهيبة عبد الواحد(الطب).
6)تاج السر...و نور موسي(تربية -طب).
7)ميرغني (فرنيب)و امال عباس (طب - اقتصاد).
8)حسن الطيب و نداء الصادق(تربية- طب).
9)عمر خيري و نور اسماعيل(اقتصاد - موارد).
10)المرحوم ابو زيد عبد الله و نشوي ....(موارد) |
بلاي هم كتيرين كده ،ماشاء الله
اكيد ما في ناس زينا، وحتي الما تزوجو ندمانين!
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
يا عبداللطيف ... زين العابدين ... جعفر...
سلام الله عليكم...
انحنا طبعا في بيات شتوي هذه الشهور و مع ذلك الهكر مصر اصرار ان يمسح البسيط البنكتبو دا...
لكن يا عبداللطيف...
ده مش بدر الدين ابوالشباب و لا زول تاني...
هو بالله من عطبره!!
يا اخي ده ابوالشباب و بس...
تحياتنا له ان كنت علي اتصال به...
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Mahjob Abdalla)
|
Quote: يا عبداللطيف ... زين العابدين ... جعفر...
سلام الله عليكم...
انحنا طبعا في بيات شتوي هذه الشهور و مع ذلك الهكر مصر اصرار ان يمسح البسيط البنكتبو دا...
لكن يا عبداللطيف...
ده مش بدر الدين ابوالشباب و لا زول تاني...
هو بالله من عطبره!!
يا اخي ده ابوالشباب و بس...
تحياتنا له ان كنت علي اتصال به... |
عودا حميدا يا محجوب ، ايوا ده ابو الشباب ذااااتو
لكن انا ذاتي ما لاقي ليهو عنوان او بلد
بعدين ابو الشباب رغم انه مبتكرها لاكين شبكت في عادل (الحاج يوسف ) ومحمد (مدني) اكتر من غيرم
كيف مع كندا واخبار اخونا بدرالدين ، طولنا ما سامعين منو ، لاحس لامسنجر..
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: جعفر محي الدين)
|
عبد اللطيف ، زين الشباب ،جعفر ياأبو الشباب وكافة الأحبة طالت الغيبة لكن الظروف
المهم أثناء الإجازة القصيرة أتاح لى شقيقى النذير عمر فرصة المرور سريعا على مجمع
الجامعة بالكدرو ورغم إعجابى بالطريقة العملية التى واجه بها أبناء الجامعة من طــلاب
وخريجين عاملين وأدارة سنوات الهجرة الفسرية الأ أننى تحسرت على إنحسار الصلة العميفة
التى خلقتها الجامعة ومجتمع جوبا .. أتمنى أن يتم توفيق أوضاع الجامعة على وجه السرعة
وهودتها للمفر الدائم بجــوبا
ولا بأس من الإستفادة من المفر الحالى بالكدرو والمناطق الأخرى كمراكز تخصصية تابعة
للجامعة .. رأى للنقاش ونعود
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: طه كروم)
|
الاخ طه كروم تحية عاطرة
نرجو تكون استمتعت بزيارتك واجازتك بين الاهل والاحباب
رغم دعوة عادل شريف في اتحاد الخريجين بجامعة الخرطوم الا انني لم اتذكر
الا بعد دخولي امدرمان وكان الوقت حينها قد تاخر علي الرجوع
كانت فرصة نقابلك بعد طول سنين لكن الجايات اكتر..
ح اجيك لكلامك عن الانقطاع بين الاجيال :
Quote: المهم أثناء الإجازة القصيرة أتاح لى شقيقى النذير عمر فرصة المرور سريعا على مجمع
الجامعة بالكدرو ورغم إعجابى بالطريقة العملية التى واجه بها أبناء الجامعة من طــلاب
وخريجين عاملين وأدارة سنوات الهجرة الفسرية الأ أننى تحسرت على إنحسار الصلة العميفة
التى خلقتها الجامعة ومجتمع جوبا .. |
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
سلام يا عبداللطيف ووينك ياخي مختفي اليومين دي..
تعرف يا عبداللطيف بوستكم ده مفروض بكل صدق اجيهو في بداياتو..لسبب اساسي وكبير وذكري لا اتزال عالقة في الذهن
اولا لارتباطي الشديد بالمدينة الساحرة جوبا
وثانيا لاني كنت حاضر لكل كرنفالات افتتاح هذه الجامعة علي ما اعتقد 78 او 79
وفي ذلك اليوم لبست المدينة حلة زاهية وجونا من الخراطيم ناس كثار خلاص منهم نميري والهلال والمريخ..
وفرصة شفنا فيها قاقرين والدحيش وبشارة ابو اضان وحموري وسامي وعيييييك..
ولا زلت اذكرر ونحن اطفال الحفل الذي القي فيه النميري كلمته والصيوان الكبير الذي شيد في مباني الجامعة بالقرب من اطلع ابره (فوووق)..
حاتم البتفاصح بفوق ده زااتو انا بعرفو
عندي كثير من اولاد اهلي قرو هناك (الزبير محمد المهدي) خلص لاحقا في جامعة الخرطوم
والاستاذ محمد حامدتربية
واخت في مكانة شقيقة تربينا في بيوت واحدة هي هناء محمد جابر المدير الله يطراها بالخير..
بوست رائع وزكريات ايامات الجامعة لاتعوض وجوبا مدينة ساحرة لن تنسي ابد الدهر..........
وما تنسي بكرة الخميس بالله
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبدالكريم الامين احمد)
|
كيكي ذات نفسو...
مفاجأة بالجد..
عارف المباراة بتاعت هلال مريخ ديك ..عالقة في الاذهان طيلة وجودنا بالجامعة ( فارقناها87 ) وكملنا بالخرطوم
وجوبا مالك عليا..هسع ماعارف المكاواة كانت لصالح الهلال ولا المريخ!!
Quote: عندي كثير من اولاد اهلي قرو هناك (الزبير محمد المهدي) خلص لاحقا في جامعة الخرطوم
والاستاذ محمد حامدتربية |
كان في شاعر اسمو محمد عثمان الزبير من اولاد السوكي وقريب حاتم ده ذاتو
لكن ماعرفت الزبير محمد المهدي يمكن تخرج 83 او حاجة بالشكل ده
وانت يالشقي الوداك هناك شنو!!
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبدالكريم الامين احمد)
|
الرابط بتاعك ربطا معاي ربطة جد!
ح اقعد ليهو برواقة..
ياخي ذكرتني مواقف مع عساكر جوبا مدهشة..
مرة عزمونا حفله بمناسبة ترقيتهم (تقريبا 86 ) لا اذكر بالضبط
والعزومة كانت في حي الثورة ، مشينا نحن زي خمسة طلاب ، لقينا ليك الجماعة
واقفين لمبة وخاتين استيريو كبير وترابيز كتيرة مالية المكان
عندهم ناس لافين بصواني فيها كبابي (زمان اسمها كبابي الشب بضم الشين)
والكبابي مليانة مريسة.. المابشرب بيقولو ليهو ماراجل..
بعد داك جابو البندق كميات ودورو البارتي PARTY تقوم ترقص ما علي كيفك
قام واحد انفصم فينا وفك رصاص في الهوا، يا زول وقامو تخيلو ليك نفسهم
في حرب وكهربو الجو ، خلونا نحس بالرجوع للداخلية زي الماشين سويسرا
واذكر واحد قرأ هددنا بقوله :
اثبتو كما يثبت الرجال في الميدان ، الكلام ده اثناء الرقيص والخوف والهلع
ونحن يادوبك شبه برالمة وقال :
اذا كان رب البيت للدف ضاربا فالبيت كله رقص ! كدة بس
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبدالكريم الامين احمد)
|
| Quote: Author: عبدالكريم الامين احمد |
باشمهندس كيكي شخشياً معانا في بيتنا ... والله البيت نور ...
لكن الفيك إتعرفت ... يعني إلا يجيبك عبد اللطيف !!! ح نشتكيك لـ ود التجاني ...(الوش الضاحك أبى يجي لي أنا)..
يازول مراحب بيك شديد..
| Quote: حاتم البتفاصح بفوق ده زااتو انا بعرفو |
بس أنت ناسي .. غير معرفة جوبا .. أنا برضه بعرفك من هندسة ...
وفي هندسة مش أنت وبس ... معظم ناس دفعتكم بتاعين الهرجلة.. طه النور / ابوسمره /قرود...
وبرضه ناس الواثق تبيرة و خالد الحاج والكحيل و...و... كمية كبيرة ...
وديل طبعاعن طريق فردتنا ود التجاني .... وطبعاً ود التجاني صداقتي معاه ترجع لأولى ثانوي ..
كنا دفعة وأصحاب في مدني الثانوية.. والصحبة الياها...لغاية هسع ماقادر أتحله منو
... وبرضه كان معانا/ حمد حماد الزول العبقري المهذب ...
جزء كبير من ناسكم عرفتهم لمن كنت بجي بكسر ركبه مع ود التجاني في تهراقا.. والباقين بعد إتخرجوا وجوا إشتغلوا عندنا في مدني في دال.. كنت برضه متواصل معاهم ... حتى أيام دوري الجامعة وشغب ناس هندسة تلقاني مغزوز في نصهم .. وبشجع معاهم شفت حكمة الله !!
لكن إنت غايتو ... أنا متأكد لاقيتك في تحت الشجرة القدام بيت ناس مصطفى على منصور في حي السينما في جوبا ...
| Quote: هناء محمد جابرالمدير |
هناء جابر المدير ...ياسلااااام ..دفعتي الحيطة بالحيطة ... زولة مسالمة وطيبانة ... السلام ليها محل ماكانت ..
....
أما عن جوبا ... ياخ والله هسع الواحد يبكي ليكم هنا ...
ياخ دي مدينة غريبة جداً ... إستمتعنا بيها جداً ...
والله ياكيكي .. هسع الواحد يلقى فرصة شغل كويس هناك ... ماعنده أي مانع يرجع ..
...
...
بجيك براوقة تاني ..
...
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Hatim Yousif)
|
Quote: بس أنت ناسي .. غير معرفة جوبا .. أنا برضه بعرفك من هندسة ...
|
هلا يا حاتم وحبابك والله..
وياحاتم مذكرك بالحيل يا زول حتي قبل فترة نضمت مع صحبك (ابوصلعة) ود التجاني واكد لي شكوكي
وقال لي ياهو حاتم الوجيهة دااك زااتو الكان في الجامعة دااك..
وديك ايام جميلة ياحاتم وما بتنسي بسهولة ياخي ولكل الناس القلتهم وغيرهم من اصحابنا هم حضور في الذاكرة وايام هندسة الجميلة..
وجامعة جوبا ياخي اثيرة علي القلب وشبابها كانو حلوين جدا ...
وبتذكر ايضا عند حضور دفعتكم دي الي الجامعة في الخرطوم كانت هناء محمد جابر معاكم وبها مجموعة من الناس الرائعين تعرفنا علي الكثير منهم...
ويا عبداللطيف فرفر اللنك ده كويس حتلقو فيهو كانجي مورو وسيرة سوق رجال مافي وكل كراكير جوبا متواجدة بكثرة هناك
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Zein Hasan Mahgoub)
|
رسالة من نادرة حسن علي التي افتقدناها طيلة هذا الوقت
Quote: salaam WA salaam
My little brother Abdalatif Hassan Ali
It is nice to knew about our favorite Juba University.
Many many many stories and memories about Juba but now I am not in Oman with my sister Huda in USA , and i meet Elham Algaili and she told me about this
site .
slaaaaaaaaaaaaaaaaaaaaaaaaaaaaaaaaaaaam to all
Nadra Hassan Ali |
نادرة حسن علي وعبداللطيف حسن علي ،اخوها الصغير كما تعودت ان تقول دائما
نحييك يا نادرة ونرجو ان تكوني واسرتك بخير ونتعشم المزيد من اخبارك
ورسائلك..
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Zein Hasan Mahgoub)
|
اللهم أرحمه وأسكنه فسيح جنّاتك
اللهم باعد بينه وبين خطاياه كما باعدت بين المشرق والمغرب
اللهم نقّه من الخطايا والذّنوب كما يُنَقّىَ الثّوب الأبيض من الدّنس
اللهم أغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم أجمعنا وإيّاه في مستقرّ رحمتك
اللهم إنّا نسألك بإسمك الأعظم أن توسّع مدخله
اللهم آنس في القبر وحشته
اللهم ثبّته عند السُّؤال
اللهم لقّنه حجّته
اللهم باعد القبر عن جنباته
اللهم أكفه فتنة القبر
اللهم أكفه ضمّة القبر
اللهم أجعل قبره روضةً من رياض الجّنّة ولا تجعله حفرة من حفر النار
اللهم إن كان محسناً فزد في إحسانه ، وإن كان مسيئاً فتجاوز عن سيّئاته
اللهم ألحقه بالشُّهداء
اللهم أفتح عليه نافذة من الجّنّة وأجعل قبره روضةً من رياضها
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: طه كروم)
|
الله يرحمه ويحسن اليه
عادل ازرق ، ما زلت اذكر نظراته للغير في صمت وهو مشغول بكتابة او عمل
ما دراسي ، هادئ لايعلو صوته ابدا ومثلما قضي حياته هادئا دون ضجيج كذلك
ذهب منها..
الزملاء اعتذر لعدم كتابة رسالة عادل شريف التي وصلتني عبر الجوال في هذه
المساحة الحزينة..
ونص الرسالة هو:
الاعزاء والعزيزات (ناس جوبا) :
فقدنا اليوم اخ وزميل وصديق عاش بيننا كالنسمة
وبهدؤء شملنا بصمته البليغ المعبر....
رحم الله اخي عادل ازرق...
والله عصفت بي الذكري وتملكني الحزن
فبالامس فقدنا هاشم وابوزيد وآخرين
فلهم الرحمة جميعا ولنا الصبر.
عادل شريف
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: جعفر محي الدين)
|
Quote: Quote: توفي صباح اليوم الأخ الأعز عادل أزرق نايل من خريجي كلية الموارد قسم الغابات.
نسأل الله أن يرحمه و يزله منزل الصديقين و الشهداء و حسن أولئك رقيفا. |
لا حول ولاقوة إلا بالله ... الدوام لله...
عادل أزرق .... ربنا يرحمه ويغفر له ...
...
...
____
ياجماعة ادونا لكزة في الواجبات دي ..
كثرة المشاغل ... الواحد يدخل البورد ... دقايق ويطلع .. بدون ماينتبه للحاجات المهمة ....
..
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Hatim Yousif)
|
Quote: توفي صباح اليوم الأخ الأعز عادل أزرق نايل من خريجي كلية الموارد قسم الغابات.
نسأل الله أن يرحمه و يزله منزل الصديقين و الشهداء و حسن أولئك رقيفا. |
نسأل الله له الرحمة والمغفرة فقد ان رجلا حبيبا
للكل هادي الطبع مبتسما دائما له الرحمة
ونسأل الله أن يسكنه فسيح جناته
---------
عبد الرحيم ودشندي
محاصيل خبرو شنو?
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote: وين ياشباب
البوست دا معلق فس الصحفة 6 ليهو زمن البوستات فاتتنا كثير شدو حيلكم شوية
مقترح طه كروم يحتاج لنقاش كثير.لي عودة |
حقيقي يالزين في مشكلة ما عارف وين
احتمال اننا حاصرين نفسنا في كتابات معينة
لكن ليه ، هل يعني تخرجنا ، توقف مساهماتنا في قضايا البلد ؟
هل نكتب خارج البوست عن العام وداخل البوست عن الخاص ، وما له علاقة بالذكري فقط
طيب حاضرنا دا ذاتو ما ح يصبح ذكري ونسيا منسيا ، ولا شنو يا شباب ؟
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
السلام عليكم ناس جوبا
ويا عبد اللطيف ياخي مشكلة الاعتراف بشهادة جامعة جوبا هي مشكلة لا تنفصل عن مشاكل السودان العويصة وعلى رأسها مشكلة الحكم ...
لن تحل هذه المشاكل بشكل جزئي أو بجهد مجموعة من الناس فهي تندرج داخل إطار الدولة وممارساتها ... هل هناك فعلا تعزيز للتعليم بشكل عام ومؤسسات التعليم العالي بشكل خاص ... ما هو نصيب البحث العلمي في ميزانيات دولتنا الهمامة.
ما هي المعايير المتبعة حاليا في جميع جامعات السودان والمعايير طبعا لا تتوقف عند الجانب الأكاديمي فقط بل تتعداه إلى البيئة التعليمية ذات نفسها..
وياخي بالله أرسل لي هاتفك على هذا البريد الآن لو تكرمت
[email protected]
| |
|
|
|
|
|
|
|
|
|
عزاء (Re: عبداللطيف حسن علي)
|
سلام يا ناس جوبا
كيف الآحوال
طولتو الغيبة.
توفت الأخت الأستاذة حاجة اتيم عبد الفضيل و هي من الرعيل الأول من خريجي الجامعة الدفعة الثالثة1983 من كلية التربية (الفيزياء و الرياضيات). أخر عهدي بها كانت تعملم في الحقل التعليمي.رحم الله لأستاذة حاجة اتيمو اسكنها فسيح جناته.
افادني الأخ عادل شريف بأن الأخ دكتور زاهر محمد خير الله طريح الفراش و يعاني من مشاكل في الكلي و كذلك الأخت الأستاذة بثينة محمد عبد الله من كلية التربية المحاضر بكلية العلوم التطبيقية بجامعة جوبا: سوف نقوم بزيارت لهما ان شاء الله اليوم و سوف يشارك فيهاعادل شريف، احمد كريمة، كريم الدين، و حسن الطيب و شخصي.
نرجو من المولي ان يشفيهما و يعافيهما. و نرجو الدعاء لهما.
| |
|
|
|
|
|
|
|
|
|
Re: عزاء (Re: Zein Hasan Mahgoub)
|
الأستاذ الزين حسن
كتر خيرك
نسأل الله الرحمة والمغفرة للأستاذة حاجة أتيم
وعاجل الشفاء للأخ الحبيب زاهر محمد خير الله والأستاذة بثينة محمد عبد الله (دفعة).
كما أرجو أن تبلغ خالص تحايانا لهما وأمنياتنا بعاجل الشفاء
وتحيات خاصة للأخ عادل شريف والدكاترة كريم الدين وأحمد محمد الفاضل (كريمة)
والأستاذ / حسن الطيب
| |
|
|
|
|
|
|
|
|
|
Re: عزاء (Re: جعفر محي الدين)
|
الرحمة والمغفرة للأستاذة
حاجة أتيـــم زالتعازى لأسرتها وزملائها كافة
الدعوات بالشـــفاء للدكتور زاهر والأستاذة بثينة
لهما عاطر التحايا ولكم الود المتصل أحبتنا فى توادكم وتراحمكم
| |
|
|
|
|
|
|
|
|
|
Re: عزاء (Re: طه كروم)
|
Quote: الأستاذ الزين حسن
كتر خيرك
نسأل الله الرحمة والمغفرة للأستاذة حاجة أتيم
وعاجل الشفاء للأخ الحبيب زاهر محمد خير الله والأستاذة بثينة محمد عبد الله (دفعة).
كما أرجو أن تبلغ خالص تحايانا لهما وأمنياتنا بعاجل الشفاء
وتحيات خاصة للأخ عادل شريف والدكاترة كريم الدين وأحمد محمد الفاضل (كريمة)
والأستاذ / حسن الطيب |
| |
|
|
|
|
|
|
| |
عبداللطيف حسن علي
جعفر محي الدين
Hatim Yousif
Mahjob Abdalla
محمد كابيلا
عبدالكريم الامين احمد
محمد عثمان محمد طه
عثمان البشرى
معاوية عوض الكريم
فيس بوك
تويتر
انستقرام
يوتيوب
بنتيريست