|
|
 Re: يا طلاب وخريجي جامعة جوبا وثقوا تجاربكم هنا.. (Re: Zein Hasan Mahgoub)
|
الاخ د.متوكل الاحمر
ياريت لو كان عندك باسويرد
كان شفنا فنون في البوست ده
لكن معليش اصلها ما بتدي حريفها!
وألفت نظر د.كروم يساعد في الحكاية دي
إقتراحاتك دائما جميلة ولا أجد مفر من تنفيذها!
ما زلت ابحث عن طلاب الاتحاد الحالي والسابق
وخريجين توصلت الي تلفوناتهم سوف يكتبوا قريبا انشاء الله .
ما زال هناك الكثير الخطر!
عن مراحلة التسعينات وال2000
القدام أفرغوا السطرين العندهم!!
أجمل حاجة أن البوست عمل إعلان من خلال توضيحات أستاذ الزين أعلاه!
تربط الخريجين علي ارض الواقع !ولذلك مجال آخر ؟
| |
 
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote: لاحظت ان السبب الرئيسي لعدم المشاركة هو عدم التذكر !
عبداللطيف يا جميل..
تعرف انت ختيت خارطة طريق عديل كده للكتابة في البوست وطبعا (ما بتخرش ميه) ..وان شاء الله يجوا ناس كتار لاثراء البوست والمرات حالتو تحنن (يدردق لوراء شديد)..وطبعا لا ابرئ نفسي ..لكن الواحد كان بتمني انو يخش معانا ناس عاصرت ايام الجامعة الاخيرة في جوبا عشان نقدر نتداعي اكثر ونحكي اكتر وبتركيز احسن..
وكلامك ده كلو بنجيهو بالمهلة كان ربنا مدا في الاجاّ ل..بس جند ليك زول من الناس العندهم باسوورد ديل عشان يحرس لينا بجاي ..لانو برضو متابعنك في بوستاتك التانية بهناك (بس الزول ده ما يكون محمد حلا –حيقلب لينا البوست ده ...ركن نقاش!-تحياتي له-ما قاصد حاجة والله!)
لكن طبعا في حاجات كده عصرت فيها الناس وجبت ليهم حاجات جوه الحنان زاتو..
تعرف هناك حاجة جميلة جدا كانت في الجامعة..تطرق لها عدد من الاخوة هنا وهي العلاقة المميزة جدا بين الاساتذة والطلبة واحسن من عبر عن ذلك استاذ/الزين وبروفسر/بوب ..وساتعرض لاحقا لعلاقتنا المميزة مع الاساتذة وقتها ..استاذ/ الامين فيشريز ..درسنا كورس في الSudan foundation course والاستاذ/خالد عثمان محجوب درسنا الBotany ..
وبرضو ..الي حد ما العلاقات بين الناس بصورة عامة بغض النظر عن اختلاف وجهات النظر السياسية (يعني بصورة ما..لم الاحظ طول ايامنا في جوبا –سنة واحدة-ذلك الاستقطاب السياسي الحاد ) وكانت اغلب العلاقا ت متوازنة وحميمة في اغلب الاحيان بين كل الناس(ما عدا قليل جدا من الحالات الشاذة)..ودي حاجة ميزت ناس جوبا..
علي كل حال ..ده تسجيل حضور رابع مرة..وبنرجع تاني ..
تحياتي للصديق جمعة كوكو 87-موارد ..الارسل مشاركة فوق.. ويدك معانا يا جمعة..علي الاقل نحكي عن ايامنا في جوبا 87 وعن الزملاء والاصدقاء في دفعة 78+86..تحياتي عبرك للفردة الجيلي العجب(ميرغني المامون واحمد حسن جمعة ..زي ما قالت ليك اّمال)
متوكل
|
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote: (بس الزول ده ما يكون محمد حلا –حيقلب لينا البوست ده ...ركن نقاش!-تحياتي له-ما قاصد حاجة والله!)
|
نحييه ونقول البركة فيكم في وفاة ناظر عموم قبيلة المعاليا
المفروض التعزية دي تكون هناك في البوست لكن أحسن نعزي بالنيابة عن أسرة جوبا
ومحمد حلا انا قاعد ارد عليه بعنف شوية عشان يطلع الكلاوي فهو موجوع زينا بقضايا الوطن
بس تختلف وجهة التناول.
البوست بقي واجب من النوع الثقيل لازم الواحد يمر عليه يوميا ويشوف الحاصل ايه لذلك اثني
إ قتراحك بمتابعة أحد الزملاء للبوست .حتي ولو برفعه فقط من التدحرج الي الهاوية!
لغاية ما يمسكوه ناس الالفية التالته كما يقول محجوب عبدالله الحردان!
وأمير جابر المشغول خلف المسنجر
ولغاية ما يتذكر طه كروم ما حدث بعد آخر كتابة له
ولغاية ما تجد انشراح شيئا جديدا تقوله لنا
ولغاية ما يقتنع الناس ان البوست ده ما حقي براي!
ولغاية ما الناس يقتنعوا انو البوست ما للذكريات بس ويحكموا علي انفسهم بالتوقف
في محطات الماضي وإعتبار تجاربهم الحالية ملك شخصي وحصري لهم وحدهم!
( أكتب ما تشعر به وفكر فيما تريد فعله ! - ماركيز)
أحييك علي المساهمات والاقتراحات الفعالة
وياريت الساكتين والمتحفظين والكاظمين الغيظ يقولو إقتراحاتهم
افضل من إيثار الابتعاد!
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
وين العلاقات المتيزة بتاعت جامعة جوبا دي !
كدي رسلو لينا صوركم بالايميل نشوف الزمن عمل فيكم شنو!
وما تخافو من الامن الحكاية دي راحت مع تهويشة أوكامبو!
عايزين نشوف صوركم/ن وصور اولادكم ..زمن والله ؟
ناس الانقاذ قالو حكومتهم دي حكومة جامعة الخرطوم!
خلو علاقاتنا تكون قوية يمكن ناس الحركة يكونوا حكومة ناس جوبا(وش ضاحك)
بالجد عايزين صور!!
المتزوجين! رسلوا لينا صوركم/ن مع أولادكم!!
وبالمرة كده صور تخريج ورحلات وغيرو عشان نتذكر الاحياء والاموات !
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
يا جعفر يا صديق1984
انت زول قديم في البورد ده
شايفك بتنسي وتخت مداخلتك مكان قرايتك،فيصعب ايجادها
Quote: سلام عبد اللطيف حسن علي وفي رواية أخرى (هبوبك)
والسلام على كل طلاب وخريجي جامعة جوبا
عايزين نحيي البوست عشان أنا ما كنت موجود
تحيات حارة لكل من الزين حسن، حاتم يوسف، متوكل الأحمر، عبد المجيد، التجاني (تجو الشــ...)، محجوب عبد الله، محمد حلا، وبقية العقد النضيد
والله مشتاقين لأي حاجة في جامعة جوبا حتى كيزانها |
وين اصحابك عمر وانس ومحمد
عشان اوريك متذكرك قدر شنو
اخر مرة اتلاقينا في سوق امدرمان قرب سوق العيش او سوق العناقريب تقريبا
ومشينا مركز الجامعةفي الخرطوم2
لو عايز اقوليك ونستنا كانت في شنو بقول ليك
شنو ليك!
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
لمـــــــــــــة ناس جوبا في يوليو 2007م -الخرطوم .
المكـــان / حديقة الزوادة - بحري - شمال كبري النيل الأزرق .
التاريخ / يوم الأحد - 27 يوليو 2008م - الساعة 8 مساءً .
بمناسبة عودة المغتربين .
الرجاء إخطار الجميع .
________________
الرسالة أعلاه وصلت عن طريق الجوال من الصديق / عادل شريف .
موعودين بلمة كبيرة وصور .
.
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
الأخ عبد اللطيف و جميع الجوباويين
تحياتي معليش الزنقة و قراية الكبر خلتنا بعيدين
بالنسبة للإتحاد خريجي جامعة جوبا تم بحمد الله تسجيله في العام 2006بعد اجازة الدستور و تم تكويتن مكتب تنفيذي من تسعة اشخاص هم: العميد شرطة علي كودي تربة - زين العابدين حسن - د النزير عمر - عادل شريف- بدرية حسن- ابو العلا مصطفي- د.ولي الدين الفكي- مني سلامة -محمد ابراهيم.
قام الاتحاد ببعض الأعمال التأسيسه - و عقد عدة لقاءات بإدارة الجامعة لتوفير مقر مؤقت وإنشاء ادارة للخريجين بلدارة الععلاقات الخارجية و تم ذلك . كما ساهم الإتحاد في نزع فتيل الكثير من الازمات التي شهدتها الجامعة في الفترات الماضية و بعض الانشطة الاجتماعية و غيرها من الانشطة الاخري. و لكن اقول و بكل صدق ان ما قامت به اللجنة التنفيذية لم يرضي الطموحات و ذلك لظروف معظم اعضاءها. الامر الذي ادي لخمول الاتحاد سوي بعض المحاولات الفردية التي يقوم بها البعض. و اقترحنا الدعوة لعقد جمعية عمومية اما لدعم الاتحاد بكوارد نشطة اقل انشغال و حل اللجنة و تكوين اخري انشط لدعم المالية و استقطاب العضوية الداخلية والخارجية. تقديرا لبعض الظروف الخاصة لم اتمكن من مواصلة المشوار و م اللجنة و تقدمت باستقالتي لظروف الدراسة و السفر خارج السودان .
بالنسبة للمقترح الخاص بلإستثمار : تم تقديم مقترح مماثل من الآخوة ياسر الأسطي و عباس عمر و بدرية حسن و عمر خيري و اتمني ان تتصل الجهود ليخرج هذا الامر الي النور و الإخوة اعلاه لديهم خبرات عملية و اسعة في هذا المجال.
نعود لهذا الموضوع بتفاصيل لاحقا
تهنئة للأخ انور الحاج قفد تم ترشيحه بواسطة الحركة الشعبية لتحرير السودان و تعينه ليشغل حقيبة الوزير بوزارة الحكم المحلى و الخدمة المدنية بولاية الجزيرة . نقول له مبروك و الله يعينك في المهمة .
لقاء الجوباويين في الذوادة سيكون جميلا خصوصا وبه عدد من المغتربيين تحياتي لهم من علي البعد
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
..لأن الكتابة بدأتها بحديث عن تأسيس النشاط الطلابى من داخل الجامعة كنت أنوى أن نفسح المجال لأخرين فى ذات الاتجاه وأن ينضم أخرين لأن الفترة طويلة ونحن خارج السودان مما يباعد بيننا والمصادر ,,
من السوانح التى تنيزت بها جامعة جوبا ولخصوصية مقرها العلاقة الخاصة للجامعة مع المجلس البريطانى والسةق الأوربية المشتركة { سابفا } مما جعل إنتشار المبانى و تكوين أضخم مكتبة أعطت طلاب الجامعة ميزة الاطلاع على أحدث المراجع .. مماكان مصدر دهشة للكثير من المحاضرين الزائرين وطلاب الجامعات الاخرى ..خاصة فى فترة الكورسات المشتركة بالخرطوم ..
بروفيسور ديانا روسنبرج وبروفيسور روبن ميللز ساهما بقدر كبير .. كان يعمل فى مجال الدراسات السكانية وإنتقل بعد ذلك للعمل بجامعة الجزيرة مركز الدراسات السكانية ..
تم وفى أقصى ركن إنشاء المطبعة وكانت تصدر أسبوعيا جريدة { جوفارستى } توزع مجانا من داخل المكتب .. وثقت لكل النشاط الاكاديمى والثقافى والاجتماعى ,,
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote: ثالثاً: المجلس للإستشاري:
هو مجلس استشاري تختاره اللحنة التنفيذية و مهمته الأساسية استقطاب الدعم المادي و المعنوي لتنفيذ أهداف الإتحاد |
بالنسبة للمجلس الاستشاري ماهي علاقته بإدارة الجامعة
وهل يوجد تمثيل للخريجين في مجلس الجامعة بكلياتهم المختلفة القديمة
والحديثة.
اي إدارة للخريجين لها ممثلين في مجلس الجامعة ويمكن ان يرأسها مدير
الجامعة ويكون من أهدافها:
1. تهيئة المناخ المناسب الذى يساعد على التواصل بين الخريج والجامعة وبين الخريجين بعضهم ببعض.
2. إزكاء روح الانتماء وربط الخريج بالجامعة.
3. حفظ سجل متكامل للخريجين وتحديثه بصفة دورية.
4. استقطاب الخريج للمساهمة فى دعم الجامعة وحل مشكلاتها.5. تقوية أواصر العلاقات بين الخريجين.
وهي الاهداف نفسها الواردة في دستور الاتحاد لكن مرتبطة بمجلس الجامعة.
ومن شأن ذلك خلق علاقة تعاون وتكامل بين الجامعة والمجتمع وتعريف المجتمع بأنشطة الجامعة
العلمية والثقافية منشورة علي موقع الكتروني او مجلة ورقية او اي وسيلة اعلامية
(يمكن استشارة الزميل امير جابر بالخصوص )
اقول ذلك نسبة لعدم توفر اية معلومات عن انشطة الجامعة المختلفة ؛الطلابية والادارية
والعلمية.
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
اخوي عبد اللطيف
اولاً : لك الشكر علي الملاحظات التي اوردتها في مداخلتك علي ما ورد في دستور اتحاد خريجي جامعة جوبا.
ثانيا: اتمني من جميع الخريجين ان يساهموا في نقاش ما ورد في الدستور و ابداء الإقتراحات العملية من اجل تطويره فهو جهد انساني بذله البعض و يحتاج من حين لاخر للتطوير و الترقية لتجويد العمل و مواكبة التطورات التي تحدث كل يوم علي مستوي الخريج و الجامعة و الوطن بشكل اعم و اكاد اجزم بان جامعة جوبا و خريجيها هم رأس الرمح لمشروع الدولة السودانية الواحدة الموحدة..,B] كما ارجو منهم ان يساعدوا اللجنة التنفيذية في اداء عملها بمقترحات ، مشاريع عمل او اراء يستفيد منها الإتحاد
فيما يلي النقاط التي طرحتها احاول ان ارد عليها في ما يلي:
1) المجلس الإستشاري كما ورد في الدستور هو جسم قصد منه دعم مشروعات الإتحاد مادياً و معنوياً و يضم في عضويته اشخاص و جهات تهتم بهداف الإتحاد و مشروعاته التي تخدم وتطور عضويته و برامجه لدعم الجامعة .
3) عليه ليس لهذا الجسم علاقة مباشرة بإدارة الجامعة و لكن يمكن ان تكون ادارة الجامعة ممثل فيه باعتبارها احد المستفيدين مما يقدمه الإتحاد من برامج و خدمات لدعمها و تطويرها.و التي يمولها و يدعمها هذا المجلس.
4) اما عن تمثيل الخريجيين في مجالس الجامعة و كلياته المختلفة . فلا يوجد تمثيل رسمي للخريجين في هذه المجالس ولكن من واقع الحال فان للخريجيين نسبة كبيرة و مقدرة من اعضاء هئية التدريس بالجامعة و بالتالي هم موجودون بكل مجالس الأقسام و الكليات بالكليات القديمة. و عدد مقدر منهم هم الأن عمداء للكليات فما لا يقل عن 25% من عمداء الكليات و المراكز هم من خريجي الجامعة و بالتالي فلهم نسبة مقدرة في مجلس العمداء و تتضاعف هذه النسبة في مجلس الأساتذة. اضافة الي ذلك قدم اتحاد الخريجيين العون للجامعة في كثيرمن الأزمات التي مرت بها خصوصا عندما يتعلق الأمر بمشاكل الطلاب و قد اشار الأخ خالد فضل الي ذلك في احد مقالته التي نشرت في هذا البوست .
5) ادارة الخريجيين اولاً اود ان اصحح الأسم فهو علي ما اظن قسم و ليس ادارة فهو يتبع لإدارة العلاقات الثقافية و الخارجية بالجامعة و هي ادارة من ادارات الجامعة. و هذا القسم تم إنشاءه بجهد من الأتحاد ليقوم فيما يقوم به اعمال ما تفضلت بذكره و نطمح ان يتطور هذا القسم ليكون ادارة خاصة بالخريجيين كما هو الحال في معظم الجامعات العريقة و التي تهتم بخريجيها و متابعتهم و معرفة رأي سوق العمل في مخرجاتها الأمر الذي يؤدي لتجويد عملها و تحسين هذه المخرجات لتواكب المتغيرات التي تحدث في سوق العمل و المعرفة البشرية
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Zein Hasan Mahgoub)
|
Quote: 4) اما عن تمثيل الخريجيين في مجالس الجامعة و كلياته المختلفة . فلا يوجد تمثيل رسمي للخريجين في هذه المجالس ولكن من واقع الحال فان للخريجيين نسبة كبيرة و مقدرة من اعضاء هئية التدريس بالجامعة و بالتالي هم موجودون بكل مجالس الأقسام و الكليات بالكليات القديمة. و عدد مقدر منهم هم الأن عمداء للكليات فما لا يقل عن 25% من عمداء الكليات و المراكز هم من خريجي الجامعة و بالتالي فلهم نسبة مقدرة في مجلس العمداء و تتضاعف هذه النسبة في مجلس الأساتذة. اضافة الي ذلك قدم اتحاد الخريجيين العون للجامعة في كثيرمن الأزمات التي مرت بها خصوصا عندما يتعلق الأمر بمشاكل الطلاب و قد اشار الأخ خالد فضل الي ذلك في احد مقالته التي نشرت في هذا البوست .
5) ادارة الخريجيين اولاً اود ان اصحح الأسم فهو علي ما اظن قسم و ليس ادارة فهو يتبع لإدارة العلاقات الثقافية و الخارجية بالجامعة و هي ادارة من ادارات الجامعة. و هذا القسم تم إنشاءه بجهد من الأتحاد ليقوم فيما يقوم به اعمال ما تفضلت بذكره و نطمح ان يتطور هذا القسم ليكون ادارة خاصة بالخريجيين كما هو الحال في معظم الجامعات العريقة و التي تهتم بخريجيها و متابعتهم و معرفة رأي سوق العمل في مخرجاتها الأمر الذي يؤدي لتجويد عملها و تحسين هذه المخرجات لتواكب المتغيرات التي تحدث في سوق العمل و المعرفة البشرية |
النقطة 4 توضح حجم وجود الخريجين غير المفعل ويجب التساؤل عن التقصير والاسياب التي تؤدي
الي إهمال هذا الجانب الحيوي في الجامغة؟
النقطة 5 تطوير القسم الي إدارة ستاتي تلقائيا؟
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
Quote: لاحظت ان السبب الرئيسي لعدم المشاركة هو عدم التذكر !
وهنا اسباب لصعوبة التذكر ربما تكون صحيحة
1- يحتاج استدعاء الذاكرة الي كلمة مفتاحية او مشهد مفتاحي
2- انتقائية الذاكرة من بين مواقف متعددة ومتداخلة
3- ارتباط بعض المواضيع بإشخاص كنا نحبهم ونري الان انه ليس من حقنا الكتابة عنهم!
4- تشوش الاماكن في الجامعة وخارجها وعدم اليقين من تسلسل الاحداث
5- المسكوت عنه في الكتابة أكثر من المسموح به!
6- وعن الحاضر يؤثر البعض عن الخوض في السياسة..
إقتراحات
1- من هو أول شخص قابلته عند قبولك بالجامعة وما كانت علاقتك به/بها فيما بعد؟
2- ماذا كان تصورك للجامعة قبل رؤيتها وما وجدتها عليه فيما بعد
3- معاناة الدراسة ودور الاصدقاء في المساعدة علي تغلب صعوباتها
4- الحوجة للارتباط بشخص ما دون ذكر الاسماء /النجاح والفشل في إقامة هكذا علاقة
5- انطباعات عن شوارع مدينة جوبا..واسواقها وأحيائها والاماكن داخل الجامعة
التي تتواجد بها في الامسيات : قاعات الB,s - J,s K,s الTower الRound tree
المكتبة - سطوح الادارة - حديقة الموارد - النشاط الطلابي - داخلية برلين
النيوهول - القرين فيلدج - طهران - المسجد -
اطلع بره وستات الشاي - سوق رجال مافي - الملكية- حي الثورة -
الرحلات في المدرعات - بليانق - الخ
اركان النقاش وموقفك منها..
المحاضرات..التستات ..الاساينمنتات..الايسيهات .. الدسكو والريبيت والملاحق
في الاجازات ..اعزاء فارقتهم بسبب الفصل الاكاديمي !
ماذا تفعل يوم الجمعة والاحد.. الخلط ..الجماعي والمنفرد!
هل كنت تحب لاول مرة وكيف عانيت ذلك! وهل تحتفظ بذاك الحب وفاءا ام لاتود ذلك ؟!
ما المحاضرين الذين تحبهم والذين لاتحبهم ! وكذلك المواد الدراسية
كيف اخترت تخصصك او إختارك هو!
هل تري ان جامعة جوبا أهلتك كفاية ام قصرت في مجالك؟
كيف خرجت الي الحياة وهل تعثرت ام كنت محظوظا ؟
هل ما زلت علي صداقة مع زملائك وزميلاتك القدامي ام افترقت الطرق ؟
هل تعتقد ان كان لك دورا ايجابيا ام انك ستتخذ غيره إذا ما كان هناك خيارا ما ؟!
هل تم تجنيدك في حزب او تنظيم ام ظللت بعيدا حتي النهاية؟!
ما هي اكثر الذكريات التي تراودك الان عن تلك الايام وكيف تنظر اليها من حاضرك الحالي؟!
ومن درسو/ن في مواقع الجامعة بالخرطوم سيعدلون الاسئلة لاستدعاء الذاكرة بالخرطوم!!
حاولو/ن تذكر شئ علي ضوء ذلك ؟!!!!
من يفتتح مزاد الذكريات بشئ من حتي ؟؟!!
ونعود! |
رايكم في كلام زين؟!
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
..كانت جامعة جوبا تطبق و بصورة كاملة شعار الانتماء البيئى والتميز العلمى وذلك من خلال الكليات الفريدة التى بدأت بها مثل كلية الموارد الطبيعية بتخصصاتها النادرةلإستغلال موارد الجنوب مثل تخصص الغابات والذى إقتحم خريجوه مجال العمل بمهنية وكفاءة ، تخصص الحياة البرية وقد ربط مع جامعة نيروبى علميا وبمسادات ألمانية كبيرة من أميز خريجيه عبد الوهاب السنارى بالدفعة الأولى ..
كذلك تخصص الأسماك والذين كانوا البنية الأساسية لمصلحة الأسماك بالشجرة ومن أميز خريجيه بروفيسزر محمد الامين حمذة مدير جامعة البحر الأحمر الحالى والكاهن { عثمان دهباية }.. ، تخصص الأنتاج الحيوانى ومن طلابه الأوائل ميان والذى إشتهر بنفض الغبار عن كلأ الكتب بأرفف المكتبة وبروفيسور محمد الحافظ مدير إدارة القبول بالتعليم العالى ,, ولن أنسى قسم إنتاج المحاصيل وطلابه المميزين
كلية تعليم الكبار وقد كان القبول لها معظمه من الطلاب الناضجين كانت موحه أساسا للتنمية الاجتماعية بالجنوب وقد أسهم فيها الدكتور أمين محمد أحمد ورفاقه بالجهد الكبير ,,
بدأت كلية الطب وحولها الكثير من علامات الاستفهام عن نوع المقررات وسنوات الدراسة حتى حسم الأمر بمنهج الست سنوات المكثف وقدساهم البروفيسور عوض أبوزيد كثيرا فى دعمها بالأساتذة عن طريق التعيين والاعارة إرتبطت بعلاقات واسعة مع جامعة الخرطوم والجزبرة ، كذلك مع جامعة عين شمس والازهر وقد كان بروفيسور ألن ودروف من أبرز المحاضرين فيها ود كان له الدور البارز فى تطوير مستشفى جوبا الملكى ,,
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
الدكتورة اشراقة مصطفي المحاضرة بجامعة فيينا
كان لها ود وعلاقات حميمة بجامعة جوبا وطلابها وطالباتها
وذكريات واشجان
والدكتورة اشراقة صحفية وباحثة لها الغديد من المؤلفات والاشعار والبحوث خاصة في مجال المراة
وشاركت في العديد من الفعاليات الثقافية في النمسا مع نساء المهجر من دول مختلفة
وكتبت حول اكثر المسائل الحاحا وتعقيدا في بلدنا (مشكلة الهوية)
لن استطيع هنا ان اوفيها حقها
البورد ومكتبتها به جزء من مشاركاتها واسهاماتها
ولكننا نطمع في ان تأتي الي هنا وتحكي لنا كيف اصبحت اشراقة وماذا كانت اشراقة
في الطفولة وحواري كوستي ومداخل المدن السراب !
ــــــــــــــــــــــــــــــــــــــــــــــــــ
اشراقة هي الشقيقة الكبري لمني كوستي (تربية رياضيات-فيزياء)
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Ishraga Mustafa)
|
اشراقة نورتي البوست
ما بقول حضورك جاء متاخر
لانك غير معنية باليومي المتغير !
Quote: تصدقوا، منى الاجدر بهذه المشاركة، فلها تجربة صنديدة وصمود من ما فتحت عيونها للدنيا
ان كان لابدّ فساحكى عنها |
حقو تسلفيها الايميل بتاعك عشان تساهم!
لكن نحن عارفينها حاجة ما منها فائدة ما بتتعب روحها فيها!
البركة فيك غايتو !
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
يا اشراقة لو ماسحة بساعدك بمفاتيح سغيرة كدة !!
| Quote: الاّ فى الاول سلام.. |
في الاول تذكري براك !بالاستعانة بقادحات الذاكرة ادناه !
كيف تم التحضير لحفل وداعك (بفرقة ساورا الموسيقية)
ماذا قال عبدالمجيد منصور عن مقالك في صحيفة القوات المسلحة
وماذا كان عنوان المقال ؟
وما دور الزملاء/الزميلات من جامعة جوبا في ذلك ؟
هل من اماكن في المقر الدائم ترتبط بشئ من الذكرة العزيزة عليك؟
جمعية امل - البنشات - الكافتريا- الاصدقاء والصديقات والشعر والنقاشات؟
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
لطلاب و خريجي بعض ما قاله المدير المؤسس للجامعة بروف السماني عبد الله يعقوب في كتيبه في عام 1976م تحت عنوان (جامعة جوبا-الفكرة والمقترح وخطة العمل) :
إن الموقع الجغرافي لمدينة جوبا قد شكل مركز ثقل لكل المكونات الطبيعية والاجتماعية والثقافية والاقتصادية والسياسية والأيدلوجية المعقدة والمتداخلة مع بعضها البعض على المستوى المحلي والقومي. وقد ينظر إلى ذلك في المدى البعيد إلى خلق توازن بأشكال مختلفة يترتب عليها ظهور رسالة وأهداف جديدة لجامعة جوبا.
إن إنشاء جامعة جوبا في أخريات القرن العشرين في حد ذاته يعتبر تطوراً جديداً في سلسلة التجارب الخاصة بالنشاطات الجامعية المستمرة منذ قرون مضت. وعليه فإن جامعة جوبا قد استفادت من تجارب سابقاتها من الجامعات مما ساعد على استخدام أحدث النظم والأساليب المتاحة لوضع الأطر العامة والوسائل المقترحة لتحقيق الأهداف المطلوبة.
ولهذا الوضع المميز فإن جامعة جوبا يمكنها أن تكون وسيلة لتحقيق الوحدة الوطنية، والتكامل الاجتماعي، وتحقيق التنمية الاقتصادية والاجتماعية، وتساهم في عملية التخطيط للإدارات الحكومية ، وتعمل كأداة للتوعية البيئية، ومركزاً للإشعاع الثقافي والفني للإقليم الجنوبي خاصة والسودان عامة ، وتساهم في تحديث التعليم الجامعي بالسودان، وتحقيق ديموقراطية التعليم والقبول والإدارة الجامعية، وتساعد في صنع و نقل التكنولوجيا أفقياً ورأسياً، وتشارك وسيطاً للتعاون الإقليمي والعالمي. [\B]
رحمة الله عليك يا بروف
رجاء الي اسرة المرحوم و جميع خريجي جامعة جوبا و خصوص القدمي منهم من لديه نسخة من كتيب البروفسير السماني(جامعة جوبا-الفكرة والمقترح وخطة العمل) و هو باللغة اللإنجليزية ان يمدنا بها لإعادة طبعة فهو وثيقة يجب ان تتطلع عليها الاجيال.
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Zein Hasan Mahgoub)
|
الاخ الزين سلامات
ماهي اخر اخبار اتحاد الخريجين؟
وما برنامجهم للفترة القادمة؟
وما الذي تحقق منذ انشائه؟
ماهي العقبات التي تواجهه ومقترحاتهم لحلها؟
هل هم قادرين علي العطاء وهل وقتهم يسمح بذلك؟
وإذا كانت الاجابة بلا فماهو الحل ؟
فنحن نري اتحادات اخري نشطة جدا تقيم مناشط مختلفة ولها مواقع الكترونية فلماذا
تجميد نشاط اتحاد الخريجين ؟
هل بامكانهم توضيح سبب الجمود؟
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
ناس جوبا .... سلام ..
نأسف كتير للتأخير والغياب ...
عن لمة الناس في (الزوادة) بحري ...
طبعاً طلعت ديناصورات ...
ناس ماإتقابلت من سنين طويييييييييلة ...
...
...
توجد كمية بتاعت صور ...
بس ساعدزني بالصبر ... أخوكم لسه ماحريف في حكاية تنزيل الصور ...
...
كالمعتاد ... الشكر أجزله للصديق / عادل شريف ... لإجتهاده في تنفيذ اللمة
...
[IMG]http:/
/[/IMG]
كبداية / عادل شريف / إيمان فتح العليم / سيف الدين علي مهدي
...
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Hatim Yousif)
|
| Quote: كالمعتاد ... الشكر أجزله للصديق / عادل شريف ... لإجتهاده في تنفيذ اللمة |
فعلا عادل شريف زول عملي نحييه بشدة علي لم الشمل واهتمامه بقضايا المفصولين مع رفقائه
ونحييك يا حاتم علي الصور الجميلة التي تجعلنا نشعر بجذورنا التي انقطعنا عنها طويلا !
في الحقيقة ناسنا ياهم ذاتن
وعرفتهم كلهم رغم التغيير الطفيف (حبة سمنة وكروش كده!) الله يديهم/ن العافية.
ما عدا صلاح دهلة الذي سمعت عنه في جوبا وهنا في البوست تعرفت علي البقية
جميعهم كان نشطا كلِ في مجاله.
وسوف نعرف بهم في البوست بمشاركة اعضاء المنبر .
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
حمزة الحجاج
السكرتير الثقافي لاتحاد طلاب جامعة جوبا دورة 1987
طالب إقتصاد
وكانت السكرتارية الاجتماعية برئاسته انشط اجسام الاتحاد وقتها
ولقيت القبول والرضاء وسط الطلاب كما لقيت الحسد والعداء من آخرين
قامت بتحسين كبير في مستوي الخدمات عموما للطلاب
ورغم عدم التعاون من الادارة استطاعت السكرتارية الاجتماعية
تخصيص وجبات ال special الممتازة مرتين في الاسبوع
وتوفير مستلزمات الداخليات من ادوات النظافة والمكاوي واحواض الغسيل
والتنسيق مع العيادة الداخلية والمستشفي بجوبا للحالات المستعجلة
حتي في اوقات انفجار العنف استطاعت توفير عربة نقل للطلاب
اقامت السكرتارية حفل ضخم بالخرطوم بالتنسيق مع اللجنة التنفيذية برئاسة جون كايرو(صمويل)
احياها الفنان وردي حيث ساهم الدخل في تحسين مستوي الخدمات الطلابية وتاسيس متطلبات دار
الاتحاد الجديدة
هذا جزء مما اذكره ونرجو ان يسعفنا الاخرين بالكثير الذي قدمته هذه السكرتارية النشطة وعلي راسها
الزميل البشوش والمسؤول دائما حمزة الحجاج
ونشاطه في الاتحاد كان امتدادا لمشاركاته الاجتماعية في مدينة الحصاحيصا في كافة مجالات العمل
الاجتماعي - اي انه جاء لصفوف العمل النقابي الطلابي مستندا علي تجربة ناضجة في هذا المجال
واعتقد ان طه كروم يعرفه اكثر مني بفضل الصداقة الكبيرة التي جمعتهم وهو الذي (ذكاه) لدخول
قائمة الجبهة الديمقراطية لخوض الانتخابات (اثناء الليل!)ولا ماكدة ياكروم !
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
اقامت السكرتارية حفلات استقبال للطلاب الجدد وكانت احدي الاحتفالات بفندق جوبا
ـــــــــــــــــــــــــــــــــــــــــــ
كريم الدين :
كان من طلاب الطب وهو في السنة النهائية يتفقد الطلاب المرضي
ويحضر بالداخليات لعلاجهم
كان طبيبا حقيقيا وهو مازال طالبا
واذكر انه عالجني انا ومحمد بابكر وكنا مصابين بتوليفة عجيبة من امراض جوبا
هي خليط من ملاريا والتهابات ونقص في الغذاء وهو مرض يستقبل البرالمة كل عام
وبفضل الله والدكتور كريم تعافينا واكتسبنا مناعة كفتنا حتي التخرج!
كان هناك دكتور آخر أعتقد انه قسم السيد الذي راسلنا بالايميل في هذا البوست من النابغين
ايضا وهم مازالوا طلابا وكان ايضا يزور الطلاب المرضي ويعالجهم في الداخليات
هل رايتم جمال كهذا في حياتكم!
واذا كان اولئك نابغين علي اعتاب التخرج فكيف بهم الان بعد سنوات الخبرة الطويلة!
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
ايمان فتح العليم
والدها محاضر او دكتوراة في مجال الزراعة
خريجة اقتصاد وحضرت ماجستير او كانت تحضر منذ زمن ليس بالقريب
صديقاتها دينا ابوبكر ابوالريش الشيوعي السابق المعروف
ونوال كامل محجوب السكرتيرة الثقافية النشطة لاتحاد 87 والدها كامل محجوب الوزير بحكومة نميري
ومها معاوية المحامية الان وخريجة الاقتصاد واميمة وسارة وعازة واعتقد سحر الفاتح بنت نفيسة المليك
قيادية نسائية معروفة وناشطة في جمعية بابكر بدري ومؤسسين لمدارس المليك بامدرمان ثم جامعة الاهلية
فيما بعد استشهد شقيقها في انقلاب رمضان في محاولة للاطاحة بحكومة الانقاذ.
كانت شلة متميزة ومؤثرة في بعضها البعض بقيادة ايمان فتح العليم المدافع الامين للشلة في وجه
اختراقات الاصدقاء والفرتكة
لكن الشلة كان يعاب عليها شئ من البرجزة والاستعلاء علي بقية البنات !
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
احمد مكرونة وهو اللقب الذي اشتهر به
خريج إقتصاد
من ظرفاء شخصيات الجامعة
رجل عملي جدا وهذا ما حقق له النجاح
في حياة مابعد التخرج ، كان صديق شخصي ، حضر معي مناسبات اسرية
وعرفته عن كثب في منزلهم العامر بكوبر مع عادل سعد
وهو صديق وزميل ملتزم فكريا في ذلك الوقت !
لنا معه حكايات شخصية ممتعة وجميلة
ياتري ماذا هو فاعل الان :
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
| Quote: لكن الشلة كان يعاب عليها شئ من البرجزة والاستعلاء علي بقية البنات ! |
كلامك ده ما صاح ابدا ديل بنات دفعتنا وده كلام ابدا في حقهم ما صحيح
| Quote: دينا ابوبكر ابوالريش |
مكملة الطيبة طيبة اهلها النوبة كل خميس وسبت صباحا تجد محمد عثمان
مملح معهافي مرسيدس عمنا ابوالريش وكان الثائروعمر سليمان بيجو
كداري لارض المعسكرات من الصحافات
بت رفاعه الهادية والرايقه المابتزعل ابدا
يا ريت كل البنات زيها طبع واخلاق
قادت بجدارة محمدحلا ومبارك ود كوستي ومحمد بطه ابن عطبره
ديل اول مكتب قبل الكيزان نظمتهم ورتبتهم
بت كوستي الهاشة والباشة
تحياتي
| |
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
عند الحديث عن صلاح دهلة
نذكر بكتابة د.متوكل الاحمر ونترك للاخرين الاضافة
لانني لم اكن اعرفه واسمع به فقط ..
Quote: و اذا تذكر يا حاتم كان اديتني جواب لمصطفي علي منصور و التاني لصلاح خضر(دهلة) بغرض التعارف والتوصية وكده ..فمشينا انا وابشر وسالنا لمن وصلنا البيت في حي السينما ..ونلقي ليك الشبا ب كاسرين كرونا بهناك ..ناس كروم واسعد وعادل شريف وهشام رامبو..فضحكوا وقالوا لينا انو وصلنا سريع,ونكتشف انو بيت صلاح دهلة مركز خطير جدا ,حيث الوست والناس الحريفين ..اسعد ,انس شندى والشاعر والحيطة مليانة كتابة بالفحم انو فلان اخد اسنا والشاعر قال 11 واخد اسنا وكده...
طبعا صلاح خضر(دهلة) ده كان حاجة براهو كده..يعني نادر جدا في الدنيا وفي هذا الزمان تلقي زول زيو ..في اي حاجة..يعني زول رائع بمعني الكلمة ..جدعنة..تهذيب..كرم..اخلاق عالية يعني باختصار كده زول ضكران,وانا ما مصدق حكاية انو شايقي دي(مع الاعتذار لاصحاب الاغنية)..التحية له ثلاث ورباع وتقريبا هو في الشارقة. |
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: محمد عثمان محمد طه)
|
يا...
| Quote: Author: محمد عثمان محمد طه |
| Quote: كلامك ده ما صاح ابدا ديل بنات دفعتنا وده كلام ابدا في حقهم ما صحيح |
طيب أنت ما دفعتنا وكده ياخ ...بس ماقادر اتذكرك ...
في الخاص بالله ...صورتك ... إسمك ..رسمك ..
___________
وبعدين الحلبية شكلها جنبك هناك .... سلامنا ليها الشديد ... وطبعاً بكون عندها 18 ولد هسع
___________
دينا أبو الريش ... موجودة في جدة ومتواصلة مع الناس ... مع 3 صبايا(بالشامي) زي الورد .
___________
عزة بت كوستي ... إختفت في ظروف غامضة جداً ... تزوجت وإنقطعت عننا أخبارها ..
___________
مها معاوية من أشهر المحامين في شارع الحرية ...
__________
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
طيب أنت ما دفعتنا وكده ياخ ...بس ماقادر اتذكرك ...
في الخاص بالله ...صورتك ... إسمك ..رسمك ..
___________
وبعدين الحلبية شكلها جنبك هناك .... سلامنا ليها الشديد ... وطبعاً بكون عندها 18 ولد هسع
___________
دينا أبو الريش ... موجودة في جدة ومتواصلة مع الناس ... مع 3 صبايا(بالشامي) زي الورد .
___________
عزة بت كوستي ... إختفت في ظروف غامضة جداً ... تزوجت وإنقطعت عننا أخبارها ..
___________
مها معاوية من أشهر المحامين في شارع الحرية ...
__________
،،،،،،،،،،،،،،،،،،،،،،،،،،،،،،،،،،،
يا حاتم صورتك ما تذكرتها ياخ !
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
اكتر اتين خلاطين في دفعنتنا حاتم وواحداسمو دكتورعبدالواحد علي عبدالواحد
مهووووس وكده كان لإمام بيصلي بالناس وبعدالصلاة عينك ماتشوف الإ النور
تلقاهو خالط نوال كامل
جريده حائطية الكنداكة بيصدرها سراكل من محمد الحلبي محجوب علي محجوب
وشخصي قام ابوسوار()الطيب () عمل كاركتير جاب و احد يإم جماعة وتاني خالط
وكتب امام لكل المواقف
الـطيب ابوسوار خريج تربيه احياء من اولاد بانقا المحطة التحية ليهو
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
| Quote: Quote: Author: محمد عثمان محمد طه |
يادفعة سلامااااااااات تاني كتيرة ...
ناس غرفتك بتذكر منهم / محمد عمر ود السجانة ... أعتقد هسع ضابط سجون ..
وكان هو واحد من إتنين في دفعتنا تركوا الجامعة ... وأصبحوا عساكر ..
الثاني .. أيمن الخبير .. ود حي الجلابة في جوبا ... يادوب خلص السيمستر الأول .. وإتخارج الكلية الحربية ..
محمد حربي ... سمعت عنه بقى موظف كبير في إدارة الإستثمار في حكومة السودان ...
مجموعتنا أولاد طب ... عمادوفيصل وثائر وأشرف كلهم في السعودية ومتواصلين مع بعض ..
أولاد إقتصاد ... سيف شيرنغ وطارق قيلي ومحمد التولا ويسن .. ومجموعة كبيرة منهم في السعودية برضه ..
خالد فضل وأبو المعالي مازالوا في السودان ... وخالد بالذات كتاباته قوية جداً في الجرايد السودانية ..
______
محمد طه الشاعر ... وفرمالته المشهورة ... ياريت تخلي يحاول يكتب لينا هنا ..
...
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
عبد اللطيف والأحبة أبناء جوبا سلام ,,
حاتم يوسف مرحبا بعد الإجازة وبالصور دى جبت سيرة بحر عميق ما ليه سواحل .. بحر مودة وصحبة أحبة سرت مجرى الدم .. أشخاص أنقياء لا زالوا متواصلين رغم الظروف الحياتية والتشتت .. يأخى والله بنسأل عنهم أكثر من أفرباء الدم والرحم بلا مبالغة,, نحبهم ونفرح لنجاحاتهم ونستجير عن رمضاء الغربة اللعينة بسيرتهم العطرة ..
يا عبد اللطيف أبدأ لك بعادل شريف هذا ,, شخصية لها مميزات خاصة .. بيننا وبينه أخوة وشهادتى عنه مجروحة ,, يكفى أنه يحتفظ بعلاقات ناجحة مع كل ألوان الطيف ، تجده حضورا فى كل مناسبات الزملاء أفراحهم وأتراحهم ,, يجتمع حوله الكل ببشاشته التى لا تخفى على وقد عرفته منذأكثر من خمسة وعشرون عاما بعرفه بدون مبالغة كل أهلى ومعظم أبتاء قريتى ,, الفكى هاشم ويحبونه
لاعب كرة فنان لعب لفريق الشعب بشمبات وفريق الأعمال الحرة بجوبا ولفريق كلية الإقتصاد ومنتخب الجامعة . بدون لون سياسى ولجهوده الذاتية قاد رابطة طلاب ولاية الخرطوم وشارك فى جميع مناشطها منذ تأسيسها وحتى بعد تخرجه ,,
متميز أكاديميا وناجح فى إدارة الآعمال مما أهله ليكون السودانى رقم واحد ضمن قيادة منظمة الصليب الأحمر وله دور كبير فى نشاطها فى مناطق النزاعات والحروب ,,
وسط أسرته أعرف مدى الحب الذى جعل بيته الكبير بالصافية بيت للجميع عامرة بأصدقائه على كثرتهم بترحاب شديد من الوالد الأستاد شريف أحمد خاطر من أوائل الخريجين ببخت الرضا وصاحب علم وذوق .. عادل شريف لك مودتى ةمحبتى وإن باعدت الأيام بيننا الا أنك حضورا أنيقا ,, سلامى
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
عادل شريف
يا عبد اللطيف أبدأ لك بعادل شريف هذا ,, شخصية لها مميزات خاصة .. بيننا وبينه أخوة وشهادتى عنه مجروحة ,, يكفى أنه يحتفظ بعلاقات ناجحة مع كل ألوان الطيف ، تجده حضورا فى كل مناسبات الزملاء أفراحهم وأتراحهم ,, يجتمع حوله الكل ببشاشته التى لا تخفى على وقد عرفته منذأكثر من خمسة وعشرون عاما بعرفه بدون مبالغة كل أهلى ومعظم أبتاء قريتى ,, الفكى هاشم ويحبونه
لاعب كرة فنان لعب لفريق الشعب بشمبات وفريق الأعمال الحرة بجوبا ولفريق كلية الإقتصاد ومنتخب الجامعة . بدون لون سياسى ولجهوده الذاتية قاد رابطة طلاب ولاية الخرطوم وشارك فى جميع مناشطها منذ تأسيسها وحتى بعد تخرجه ,,
متميز أكاديميا وناجح فى إدارة الآعمال مما أهله ليكون السودانى رقم واحد ضمن قيادة منظمة الصليب الأحمر وله دور كبير فى نشاطها فى مناطق النزاعات والحروب ,,
وسط أسرته أعرف مدى الحب الذى جعل بيته الكبير بالصافية بيت للجميع عامرة بأصدقائه على كثرتهم بترحاب شديد من الوالد الأستاد شريف أحمد خاطر من أوائل الخريجين ببخت الرضا وصاحب علم وذوق .. عادل شريف لك مودتى ةمحبتى وإن باعدت الأيام بيننا الا أنك حضورا أنيقا ,, سلامى
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
آلاف التحايا لشباب جامعة جوبا
بوست مميز اعاد ذكري ايام خوالي
انشراح محمد احمد هالة الكارب منال الله جابو اميمة و اميمة مها عمر و الهام الجيلي اميرة و نوال حسين اماني محمد ابراهيم بازليكا نوال كامل
طه كروم / حاتم يوسف / كبر / سيف / اروب / مكرونه/ علي بحر / محمد ابوطربوش
اسماء رسمت خارطة علاقاتي مع ذلك الصرح العملاق
لكم جميعا كل الحب
ابراهيم عدلان
او
ابراهيم tower
مطار جوبا 86/87
خالص التحايا عبر البوست للرائع صلاح خضر ( دهلة ) و مصطفي علي منصور و كل شباب حي السينما
اتابع معكم
من وحي الصور
اميمة مازلتي اميمة تحياتي
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Zein Hasan Mahgoub)
|
نفتقد هؤلاء بشدة
لااثر لهم منذ اكثر من شهر
محمد حلا
امير جابر
محجوب عبدالله
ــــــــــــــــــــــــــــــــــ
طبعا الحلاوي وانور الحاج اختفو بدري جدا
بالنسبة لانور نقول مبروك الوزارة ومقدرين المسؤليات الجديدة
ــــــــــــــــــــــــــــــــــــــــــــــــــــ
طيب وين معاوية ابوطالب
ـــــــــــــــــــــــــــــــــــــــــــ
ناس الايميلات ديل والناس الماعايزين يحكوا زكرياتهم
ح نبدا لهم وانشاء الله ما يصيبهم رشاش ذكرياتنا بسؤء!
كثير من الاسماء المضمنة في البوست ده ممكن تظهر من جديد
بس عايزين نشيل شوية نفس
ونغير قواعد اللعبة!
ــــــــــــــــــــــــــــــــــــــــــــــــ
ابراهيم TOWER رحب بيك كتير
سمعنا عنك وانا شفت طيارتك دي قبل ما اجي البورد ده
كنت انت واخرين تبحثون عن منال الله جابو
والظاهر ح نبحث عنها تاني ،بطريقة أحادية المرة دي !
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
كانت منال الله جابو اول طالبة قابلتها في مركز جامعة جوبا بالخرطوم 2
ودخلنا لمعاينة صغيرة مع الدكتور فوزي الله يرحمه
قال لي جامعة جوبا دي زي الحلة الصغيرة مش دائما بتكون مسبوكة؟
قلت ليهو ايوه ،قال دي ميزتها، يكون عددكم في الدفعة خمس او ست
مافهمت قاصد شنو لاننا كنا مقبولين في الموارد بس 145
وبعد مشينا تانية كان نصف العدد، وفي التخصص في تالته كنا خمسة!
لكن طبعا من دخلنا الجامعة وسمعنا ارهاب الطلاب عرفنا خطورة الحكاية
في نهاية السنة طلعت النتيجة في مكان ونحن منتظرين في مكان
بالله عشان تلقي كلمة pass الا تخت ليك مسطرة محاذية لاسمك
وأذكر الطالب حسبو من crop science كان في السنة الخامسة شاف النتيجة وبشرني بالباس
قبل ما اشوفها وما كنت مصدق الابعد شفت بعيني
مع ذلك لما بدت السنة الجديدة كنت الوحيد الرفضو يدوهو سرير وناموسية لانو مكتوب disco
قدام اسمي وكان الاسم هوA/hafiz Hassan Ali index no.CN-84-03 وشككت في الاسم والرقم
واستمرت الدراسة اسبوع وانا ماعارف نفسي وين
حالة نفسية شديدة، طيب النتيجة بتاعت اولي الشفتها دي شنو؟
طيب ادوني تذاكر سفر 2ways ليه؟
الناس يمشو المحاضرات وانا امشي الادارة،من مكتب عميد الي مكتب السكرتير الاكاديمي
في النهاية راجعو كراسات الامتحانات
.
ولقوا الخطا في list الاسماء الكتبو العميد للفرد وطبعوه بنفس شكل الحروف المكتوب بخط اليد
وتحولت الt الي f واتضح ان عبدالحفيظ ده طالب مرفود!
لكن ماهي الشلة التي عرفتها في intensive english course
كنا في GROUPA واذكر منه جعفر وعمر عبدالقيوم وانس ومحمد(ود سغير كده ماقدرنا في الطول والحجم)
من ناس بحري ..ومعانا منال الله جابو وحكاية غريبة ونادية التكونة
وكانت منال هي الدعتني للانضمام للشلة لانها بتعرفني من المعاينة!
كنت كاشي من الشلة وما عارف السبب
يمكن لانهم استطاعو يعملو لغة مشتركة في المدة القصيرة دي وما قدرت افهمهم
يمكن لاني جديد عليهم..ويمكن حاجات مترسبة..
لكن كان عندي شلة في القرين فلدج Green Village وهي داخلية هادئة وجميلة معظم طلبتها جنوبيين
الشلة مكونة من ادم حسن wildlife تخرج وبقي ضابط وحضر وكسح وابراهيم التني معلم كيمياء مشي
اليمن من فترة طويلة وادم الصادق يعمل في منظمة ادرا بالجنينة الان وفيصل Animal science
وكنا كاننا نعرف بعض من زمن في الغرفة التي نسكنها!
كان الهادي (زول هادي فعلا) من الطب هو الذي عرفني بهم (كلهم اولاد الجزيرة ابا) بعد مالاحظ
انني خرجت من غرفة تجنيد الكيزان مستاءا جدا من عابدين ومحاولات التجنيد البائسة
وهو قد نجح في تجنيد الكثيرين بطريقة سهلة
كان يطلب من كل واحد مننا يقول بسم الله اخوكم في الله فلان الفلاني ! ولما جاني الدور رفضت
الطريقة دي وعرفت باسمي دون اخوكم في الله فما كان منه الا ان اعاد الكرة عشان اغير طريقتي
ووجدني متمسك باسلوبي، كانت دي البداية لكي احصل علي سكن مريح ! ولم يكن يعلم اني جاي جاهز
من الثانوي والحارات !
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
خمت الكيزان دي حصلت من قولة تيت !
يادوب نحنا وصلنا من مطار جوبا الي الداخليات دايشين وما فاهمين حاجة
لسه متحيرين في البلد الكلها خضرة دي
ونحن في الطيارة نعاين بالشبابيك نشوف كل الارض خضراء، مافي تراب نهائي زي بتاع الخرطوم
وامدرمان
النجيلة قايمة حتي في الحيطان ! سبحان الله !
شوارع منظمة خضراء معمولة الحدائق بالقنا الملتف حوله الاشجار المتسلقة والزهور
والكراسي محلية الصنع بابداع ساحر
والسحاب مغطي الجبال حتي المنصف (دي الخلت عادل تاور الانصاري يدخن سيجارة لاول مرة في حياتو!)
وكمان المطرة صابة رزاز كانها ترحب بنا كعادة الجنوبيين في استقبال الضيوف حتي لو كانو مندكوروا!
كل ذلك يريد عابدين ان يمسخو بحكاية الله اكبر واخوكم في الله ..بلاي علي منو!
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
كل برلوم كان عندو كرت مع تذكرة سودانير
السناير قالو لينا الكرت تخشو بيهو السفرة عشان يصرفو ليكم الفطور !
في ناس صدقو زي محمد بابكر (الزول المرض معاي مرض شديد فيما بعد لدرجة الهلوسة من الملاريا)
عالجنا د.قسم السيد وكريم الدين..واحتضن الكيزان محمد بابكر وساقوه النيوهول حيث العصاير
والاكل الخاص وشرائط عمر المختار وقعدت انا منتظر اكل الحكومة والكلمة الطيبة من الطلاب الطيبين
بسبب عنادي الجايبو معاي !
برلمتي كانت من طالب اقتصاد سنير اسمه محمد (بقي صاحبي بعد داك)
شايل ليهو كتاب كورس انجليزي وممثل انه في اولي معاي
طبعا صدقتو ومباريو زي الغنماية من محل لمحل لغاية ما دخلني في قاعة من قاعات الD's وانا ماعارف
الحاصل شنو ، لقيت المحاضر وكان الزول الشفتو في المعاينة في الخرطوم ذاتو(المرموم دكتور فوزي)
والايشنات التقيلة مدورة وانا مدعي اني فاهم. لما عاينت وراي اشوف ليك الجماعة ديل كلهم كبار
ما قدر الكانو معانا في الطيارة!
فجأة ضجت القاعة بالضحك ومعهم الدكتور الله يرحمه..وقمت طوالي جري خارج القاعة منتظر زولي
اشاكلو..وبقينا اصدقاء حتي تخرج (محمد ده زول من داخلية طهران ماقادر اذكر اسمه كاملا!)
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
اول يوم في جوبا كنا مفتونين بشوارع المدينة وحريتها المطلقة
والغيم والمطر والرطوبة وقطاطي القش البديعة
والاسواق التي جبناها طولا وعرضا
سوق رجال مافي ومنظر البفرة البيضاء مفروشة علي مشمعات بالارض
والباعة بتاعين الخضار..تلقي الواحد خاتي بضاعته وهو مافي ولا احد يسرق !
كنا نندهش لذلك ..في الخرطوم لاتامن مافي جيبك حتي !
محلات الدسكو النهاري وموسيقي الجالوة السخنة وبنات جوبا الجميلات وستات الشاي
ست الشاي كان قالو ليها الزول ده من مدني تضحك ضحك ! وتبوسو بوس !
يمكن قالو ليهن اولاد مدني بيجلو من البنات عشان كدة بيحاولو يختبروهم بهظارهن الرائع وسط الضحكات!
وكنا نعجب بحب قبيلة المنداري لبعضهم رجل ماسك يد امراة وفرحان 24 قيراط في عفوية شديدة !
من اول يوم مسائي كنا قاعدين في بنشات من القنا عند ست شاي علي ضوء القمر والجو الرطب
ورصة طلاب الجامعة في صف طويل بديع علي شرف وصولنا..ثم توالت العزومات كل حسب مايشتهي !
العايز يشرب ساي والعايز بندق والعايز يمشي البار والعايز يمشي الدسكو والعايز يساهر للصباح!
مدينة لاينتهي سحرها!
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
وماننسا الناس البحبو المطارات واسقاط الطيارات
والناس البحبو الخلط بس
لكن نحن كنا بعيدين عن اجواء الخلط في الايام الاولي خاصة
كنا نحتار في خلط ناس انس وجعفر وعمر عبدالقيوم ومحمد الصغير وبعد شوية ناس مبارك كرسني
وود النفيدي ولغته الادروبية المقصودة وعصمت الحلبي وجراتهم مع البنات !
لغاية ماجي يوم بقو يشوفونا نحن الجريئين لكن بعد ما القطر صفر !
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: Zein Hasan Mahgoub)
|
هيئة تدريس الانتنسف كورس كانت من الجامعة ومن مركز السودان للغات وكان احدهم والد الطالب
محمد عبدالله خريج الموارد.
كان الكورس مفيدا وانتهي بسرعة لتبدأ مشاكل المطالبة بالاتحاد
كان آخر عهد نميري 84 والجنوبيون يقولون ان سيقفلون اخر مشروع تنمية في الجنوب(جامعة جوبا)
لا ادري من هم الاشخاص الذين قادوا المبادرة الشهيرة لاجتماع السماني هول للمداولة حول
اقتراحات تكوين الاتحاد ولكني اذكر حركة دؤوبة من بعض الاشخاص النشطين مثل الشهيد اروب دينق
واسعد البرير وحمزة الحجاج وعادل شريف وكروم وعماد صنته(غير متاكد) وعلي اللحو واخرين كثر
حتي تمت الدعوة للروابط الاكاديمية لجمع الطلاب
واذكر الطالب محمد عوض (سنير) طالب بقتل المدير!
تمخض الاجتماع عن اعلان اعتصام عن الدراسة ولايسمح لدخول محاضر فقط عربات الموية والسفرة
وتم تركيب مكبرات الصوت وتسغيل الاغاني الوطنية لوردي وود الامين
وكان بنات جوبا يقولون ده سنو غنا تاع فقارات ده !
استمر الاعتصام حتي تم هجوم البوليس والجيش فيما بعد
كان الرصاص الحي والفشنك ياتينا عبر شبابيك داخليات القرين فلدج وكذلك البمبان ونحن
نغطي وجوهنا بالبشاكير المبللة بالماء حتي جمعونا بالضرب وخراطيش المياه في ميدان الباسكت
ويطلقون الرصاص من فوقنا ونحن مستلقيين علي البطون ارضا!
وكانو يستفزون الطلاب الذين يلبسون نظارات نظر علي اساس انهم دكاترة !
اصيب الطالب عماد( صنته لاادري هل هذا لقبه ام لقب شخص اخر) اصيب عماد في رجله برصاصة
كنا كاننا في كابوس بعد نهاية الهجوم واصدار قرار بقفل الجامعة وترحيل الطلاب
فرجعنا للكوتشينة!
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
لم يبحث طلاب الجبهة الديمقراطية عن ناسهم في دفعتنا وكانت تلك عادتهم وهي عادة قبيحة
طبعا!
مرة كنا مجموعة برالمة في سنة اولي صايمين وبنلعب كتشينة في داخلية النيوهول بعد ما صحينا
من النوم منتصف النهار،طبعا الجو رطب وغائم، الما صام في حياته ،كانت فرصة بالنسبة له
يصوم في جوبا،لاجوع لا عطش ومع الكوتشينة والحماس في غلبتني واغلبك تلقي الاذان اذن!
اها مع النقاش مع البرا%
| |
|
|
|
|
|
|
|
|
|
Re: يا طلاب وخريجي جامعة جوبا وثقوا تجاربكم هنا.. (Re: عبداللطيف حسن علي)
|
ونحن برالمة ، قاعدين نلعب كوتشينة مع الونسة،في غرفة بداخلية النيوهول(الطابق الثالث بتاع البرالمة والمهمشين)
قلت لبرلوم وكنا صايمين ، رمضان عندنا عادات وتقليد اكثر منه تدين، وواصلنا عادي اللعب
بالمناسبة رمضان في جوبا ساهل لدرجة في ناس ما صامو الا هناك ! بسبب الغيم والرطوبة.
بعد شراب الموية في نفس اليوم لقيت الكيزان عاملين ركن نقاش عن البرلوم الشيوعي القال
رمضان عادات وتقاليد ساي ! وما حاجة غريبة، في نفس السنة دي ،سألو واحد صديقنا اسمه
طيفور (ادروب طوالي زهجان) قالو ليهو انت شيوعي ، لانه صديق لبعض طلاب الجبهة الديمقراطية
قال ليهم لا ، مره عند باب السفرة واحد كوز شاف طيفور شايل بصلة في يده وقال ليهو اقسم
معاي بصلتك دي ، طيفور قال ليهو بزهج : هاك ! عشان ماتمشي في الركن تقول ابا اديني بصلة!
بعد الركن المهبب انتهي ، مشيت الغرفة كتبت مقال(لانني لم اكن اعرف اين هي الجبهة الديمقراطية حتي ذلك اليوم. والصقت المقال علي بورد بالنشاط الطلابي
علق عليه احدهم في نفس الورقة، ثم ازالوه مساء نفس اليوم!
ولكن المقال ادي الغرض : تعرفت علي تنظيم الجبهة الديمقراطية لاول مرة واصبحت عضوا فيه!
| |
|
|
|
|
|
|
| |
عبداللطيف حسن علي
Hatim Yousif
Ishraga Mustafa
محمد عثمان محمد طه
ابراهيم عدلان
Waly Eldin Elfakey
فيس بوك
تويتر
انستقرام
يوتيوب
بنتيريست