|
|
 قصيدة رثاء للوالد توفيق احمد سليمان ( رحمه الله )
|
اهداء من ابن العم بشرى بكرى حسن - الدوحة - 1/1/2012
يـوم فـرقـتك
يوم فرقتك سال الحبر نازل دموع فاقد الامل فى رجعتك
جات الحروف تتهته فى الكلام شايله الوصف و انت ماشى لغربتك
كل المعاجم و الكتب تلطم خدود تعلن حداد كاسيها الحزن بى فرقتك
شايله الاسم ذى الوسام لابساو وشاح ذاد الشرف حافظين وفاء لى زكرتك
************************************************************
كل البيوت فاقده الحنين تسمع أنين و الكل حزين حسو االوجع لى رقدتك
جات الجموع من كل صوب مفجوعه تعصر فى الالم ما أنت سايب دنيتك
جرت الدموع حزنانه تجرح فى الخدود فقدك عظيم وعزانا كان فى عشرتك
تبكيك زخات المطر حاسه الوجع يشكى الغمام حرقة يتيم فاقد حنين لى صحبتك
********************
بيتك مزار لى كل مريد و الكل يجيك شايل هموم كايس الفرج فى حضرتك
كنت السند فراج كرب لامى الشمل منو البشيل بعدك حمل داير صبر ذى قدرتك
و لقيت مُناك الخاتمه ليك كانت شهد ودعت كل الناس عموم وصيت كمان لى دفنتك
ولو شوقنا شالنا مره ليك تلقانا زايرين ندعو ليك الف رحمه و نور عليك فى تربتك
ولو شوقنا شالنا مره ليك تلقانا زايرين ندعو ليك الف رحمه و نور عليك فى تربتك
|
|
 
|
|
|
|
مصطفى توفيق
فيس بوك
تويتر
انستقرام
يوتيوب
بنتيريست