|
Re: ** إتحدوا يا نساء و بنات البورد لإيقاف الرجال عند حدهم ** (Re: عاطف عمر)
|
Quote: كرهونا العيشة في البيت كمان عايزين إكرهونا ليها هنا |
لوووووووووووووووووووووووولز سمسمية الحبيبة
البركة في الطلة يا خية
هي داب نكتة ولا طرفة يا سموية يا بت أمي امشي شوفي بوستات زهير مكجن فيها بنات حواء قدر شنو ؟ والمصيبة قال داير يعرس !!! ده البحير زاتو , عرسوا ده كيفنو ماني خابرة ضمة والله صحي
| |
|
|
|
|
|
|
Re: ** إتحدوا يا نساء و بنات البورد لإيقاف الرجال عند حدهم ** (Re: ساميه حامد)
|
Quote: لوووووووووووووووووووووووولز سمسمية الحبيبة
البركة في الطلة يا خية
هي داب نكتة ولا طرفة يا سموية يا بت أمي امشي شوفي بوستات زهير مكجن فيها بنات حواء قدر شنو ؟ والمصيبة قال داير يعرس !!! ده البحير زاتو , عرسوا ده كيفنو ماني خابرة ضمة والله صحي |
البركة في جيتك إنتي يا الحبيبة
خليها بوستات زهير أخير منها نكت أبو حسين و لسه في حاجات كتيرة
بس إنتي خليك قريبة و فضي لي نفسك كم يوم كدا
و جهزي كل أسلحتك المحللة و المحرمة
| |
|
|
|
|
|
|
Re: ** إتحدوا يا نساء و بنات البورد لإيقاف الرجال عند حدهم ** (Re: عاطف عمر)
|
يا سمسم القضارف جيتينى فى محل بوجعنى زاتو امسكى عندك الامثال يعنى دى امثال غاية فى القبح وتكريس العداوة لينا زى المثل الكاتبو فايز القاضى واحد اتنين "العوين مواعين " هسى دا مثل ولاسوق عدة ؟
لكن بنقول ليهم "ولا خسانا نبزق فى الشعيرية " عشان الحركات دى الواحد قاعد براهو احكى ليك نكتة السلحفاة السلاحف عندهم حفلة غدا لمن جوا للاكل لقوا انه الاكل مسيخ قالو اصغر واحد يمشى يجيب لينا ملح الاصغر دا مشى من المحلة القاعدين فيها انتظروا اسبوع كامل ماجا ، شهر ما جا ، لمن تم تلاته شهور قالوا خلاس ناكل السلحفاة اتاخرت طوالى صاحبنا جا طالع من ورا الشجرة الكان مدسى فيها وقال ليهم عشان حركاتكم دى ما مشينا هسى نحنا كمان عشان حركاتهم دى بطلنا معاهم ولا يهمك هم زاتم عندهم مشاكلهم لو طلعناها ليهم الحرب بتقوم صواريخ وقنابل الله لاوراك تحياتى يا حبيبة
| |
|
|
|
|
|
|
Re: ** إتحدوا يا نساء و بنات البورد لإيقاف الرجال عند حدهم ** (Re: ساميه حامد)
|
Quote: يا سمسم القضارف جيتينى فى محل بوجعنى زاتو امسكى عندك الامثال يعنى دى امثال غاية فى القبح وتكريس العداوة لينا زى المثل الكاتبو فايز القاضى واحد اتنين "العوين مواعين " هسى دا مثل ولاسوق عدة ؟
لكن بنقول ليهم "ولا خسانا نبزق فى الشعيرية " عشان الحركات دى الواحد قاعد براهو احكى ليك نكتة السلحفاة السلاحف عندهم حفلة غدا لمن جوا للاكل لقوا انه الاكل مسيخ قالو اصغر واحد يمشى يجيب لينا ملح الاصغر دا مشى من المحلة القاعدين فيها انتظروا اسبوع كامل ماجا ، شهر ما جا ، لمن تم تلاته شهور قالوا خلاس ناكل السلحفاة اتاخرت طوالى صاحبنا جا طالع من ورا الشجرة الكان مدسى فيها وقال ليهم عشان حركاتكم دى ما مشينا هسى نحنا كمان عشان حركاتهم دى بطلنا معاهم ولا يهمك هم زاتم عندهم مشاكلهم لو طلعناها ليهم الحرب بتقوم صواريخ وقنابل الله لاوراك تحياتى يا حبيبة |
اهلا بيك يا الحبيبة
أمثال و نكات و جابت ليها شنا كمان
جهزي نفسك و إتحزمي
تحياتي يا سلوم يا قليلة اللوم
| |
|
|
|
|
|
|
Re: ** إتحدوا يا نساء و بنات البورد لإيقاف الرجال عند حدهم ** (Re: ساميه حامد)
|
ياخ توقفوا شنو?!!!
هاكي أسلحة الدمار الشامل دي:
1- المرأة ناقصة عقل و دين. 2-الرجال قوامون........... 3-شهادة الرجل تساوي....... 4-و أهجرهن................ 5-و أضربهن................ 6-........................ 7-........................
10000-....................
الحاج كوستاوي مفتي سودانيز و حامي حمى الرجالة ضد حملة النساء العدائية
| |
|
|
|
|
|
|
Re: ** إتحدوا يا نساء و بنات البورد لإيقاف الرجال عند حدهم ** (Re: ساميه حامد)
|
Quote: الله يجازيك يابوحسين،، جبت لينا الكلام في صمة خشمنا،،
أم حسين خليهو المرة دي عشان خاطري،،
وأوعك تسأليهو الليلة بعد الرييال (إكسرهم)،،
زول بحجز مافي الكورة بتنتهي 2 صباحاً،، |
خاطرك كبير والله يا اخونا بس انتوا كنتوا وين لما هو والاخوة الاعداء شنوا علينا الحرب
المشكلة اني بشجع برشلونة ويا ريت لو كان هو بشجع الريال عشان ما إلقى زول إحجزوا بعد ما نطقطقهم
| |
|
|
|
|
|
|
Re: ** إتحدوا يا نساء و بنات البورد لإيقاف الرجال عند حدهم ** (Re: ساميه حامد)
|
سلام وتحية أختي سامية أنا شايفه الرجال برااااهم بختو علي النسوان وببقى ليهم حار غايتو أنا دايرة أديهم نصيحة لوجه الله بسم الله بقول ليهم * لو داير تجنن المرة خليها يوم كامل بدون مرايه لوووووول * أعمل حسابك والله النسوان ديل عسل بس كان لحقت لسعتك ________ ع المستشفى عِدل * جرب قول ليها كلام حلو وطاعم تلقاها غمدت عيونها بعدو أبدا في النصايح ___ تلقاها في سابع نومه __ أحلام سعيدة *لما تمشي معاها مناسبة فيها نسوان حسك عينك تتشيك وآخر قشرة ليلتك ح تكون مضلمة __ الفح ليك جلابية وطاقية ووكل أمرك لي الله عشان تسلم بي جلدك _ حكم القوي * لما تكون هي بتحكي ليك في حاجة أوعك تسكتها خليها تكمل واعمل رايح * كان ورتك حاجة عاجباها كان أنت ما عجبتك قول قولاً حسن أو إصمت مش السكوت من دهب * أها اخيراً يا عزيزنا الرجل أنت ما ملاحظ إنك دايماً معصب ومرات تكشر في وشها أنت ما عارف في الحالة دي العلماء قالوا شنو ؟ قالوا بتسخدم 42 عضلة ودي هي البتعجل بي شيخوختك وتروح فيها عشان كدى قطّعوا في قلبك وأسكت بس قالوا ممكن يعني ترفع ايدك بي كف واحد يكفي وفي دي بتستخدم 4 عضلات بس وتضمن لي روحك شباب داااااايم كلمة أخيرة : لا ثم لا ... لعنف الرجال لا وستين لا لضرب النسوان لا .. وألف لا ... للتطنيش والقعاد اليوم كلو في النت أنتو نسيتو سيدنا محمد صلى الله عليه وسلم قال شنو ( أوصيكم بالنساء خيرا ) أها يا وجوه الخير الله يعينا عليكم .. فتكم طيبين
| |
|
|
|
|
|
|
Re: ** إتحدوا يا نساء و بنات البورد لإيقاف الرجال عند حدهم ** (Re: صديق الموج)
|
سمويه يختي انا كان جيتهم بعكاكيزي انت عارفه الكل حيتضارى!
اها زعلوك في شنو يختي؟!
اها تعالي النحكي لك النكته دي من طرف(الهامش و المركز)!
اها سناء من بنات الهامش اتزوجت احمد حنكوش من عيال الخرطوم اها يوم ظهر فار في البيت! واحمد قايم وقاعد بالعاكاكيز ويطارد في الفار وقلب البيت لما نجح وقتله!
اها جاء قام ينادي بطول حسه يا سناء...يا سناء تعالي شوفي انا عملت شنو؟! ولقته لك مجندل الفار وكأنه قتل اسد!
قامت قالت له باستخفاف...: (بسم الله شنو يعني قاتل لك فار وقالب الدنيا فينا)؟!
اها صاحبنا الحنكوش من الغيظ قال لها طلقانه!!
وقعد ينفث وينافخ وواقف قربه!!
قعدت سناء تبكي وتلملم في حاجاتها و ماشه بيت اهلها!ومتحسره على نصيبها التحفه!
اها جاءت امها داخله....قالت ليها سناء...مالك يا بتي؟!قامت سناء حكت لها القصه من طقطق لسلام عليكم!
اها امها ضحكت وقالت لها يختي ديل ما وليدات الخرطوم الفار بعملوا اسد! وقالت لها انتظري يا هبله شوفي اكل لك بعقله حلاوه كيف؟!
اها النسيبه النجيضه مشت لك على نسيبها السجمان ولقته ينفخ في السجائر ويتطلع في فاره المجندل...مزهوا....(هههههههه)!
الحماة الزكيه بدأت المسرحيه:
جاته لك شاهقه دهشة واعجابا..قالت له : ( ووووب...علي...ووووب ..علي الدود ابو شنب ده الكتله منو)؟!!!!!
صاحبنا الحنكوش تبسم مزهوا...وقال له قتلته انا يا خاله!وبتك مرجوعه!!
اها يا بت امي ديل اجهل واحده فينا ممكن تاكل بعقولهم حلاوه يزعلوك في شنو يختي؟!
| |
|
|
|
|
|
|
Re: ** إتحدوا يا نساء و بنات البورد لإيقاف الرجال عند حدهم ** (Re: صديق الموج)
|
Quote: ولا يهمك هم زاتم عندهم مشاكلهم لو طلعناها ليهم الحرب بتقوم صواريخ وقنابل الله لاوراك تحياتى يا حبيبة |
تسلمى يا سلمى وصدقتى
هسى شوفتى ليك صبى ما معرس بكورك كواريك العجايز ديل وبشتم ليهو مرة برى والله ما تشوفى منهم الا الكلام الجميل عن المرأةلكن ناس قريحتى راحت ديل ما بنتحد عليهم خليهم يكوركوا ساكت على قوليك
ديل من ما يكتروا المحلبية تعرفى انهم ما بعرسوا تانى ويقولوا ليك عايزين نعرس اها ما تخافوا منهم خافوا من البسكت ساكت
خاصة البقول ليك اضربها ودقها اها دا تخليهوا يقول قولوا المسكين
| |
|
|
|
|
|
|
Re: ** إتحدوا يا نساء و بنات البورد لإيقاف الرجال عند حدهم ** (Re: ايمان بدر الدين)
|
هذا البوست هدية هذا الربع وهو استراحة مريحة جدا ومتنفس للجميع .... هذا البوست سيرة في لوري مشكوك شك الكبريت فان ساقه السواق القدير واحسب ام حسين كذلك ولا ازكيها على الله فان هذا اللوري يطلع العالي ويدلى بالدقاق عادي وبراحة ويوصل السيرة الميس بكل هدؤ ..... ولكن اخشى عليه الاسكيفات وينقلب ابيض ضميرو ويصبح الفرح ترحا . . . شكرا جزيلا ام الحسين لمحاولتك معالجة موضوعات اجتماعية في كورة حلو مر
| |
|
|
|
|
|
|
Re: ** إتحدوا يا نساء و بنات البورد لإيقاف الرجال عند حدهم ** (Re: صلاح الدين نزلاوى)
|
ام الحسين كدي عليك الله انزلي لي شوية من اللوري دا اوصلو ليك الزلط واديك ليهو بعد كدا لحدي البقعة وهناك تدقي البوري علي كيفك دق البوري يا علي دق البوري يا علي . .
يا صلاح الدين اخوي سلام كدي قول بسم الله وتعوذ من الشيطان ووفر سيفك دا ليهود بني قيقاع بضواحي خيبر .... وبعد كدا لو شفت ائ من القوارير اثكلها امها وراء ذاك الجبل ياصلاح الدين . . ياخي البوست دا ايقونته ابتسامة عريضة من زوجة ملخصة تستقبل بها زوجها رغم النفس الحار بداخلها لتوصل رسالة حب رغم ضنك الحياة . . والدنيا اخر ربع فهذه استراحة مفتوحة لكم جميعا وكل اناء بما فيه ينضح علي كيفو
| |
|
|
|
|
|
|
Re: ** إتحدوا يا نساء و بنات البورد لإيقاف الرجال عند حدهم ** (Re: ايمان بدر الدين)
|
Quote: كرهونا العيشة في البيت كمان عايزين إكرهونا ليها هنا |
يا جماعة عليكم الله الكلام دا ما مقلوب والله انتو كرهتونا عبشتنا كلها بقينا الواحد ماشى ويتكلم براهو حننتونا لكن ما دام جابت جنس الكلامات دى الله اكبر عليكم تانى مافى اى مفاوضات كفانا تنازلات ايها الرجال قد ضيعتوا مكتسبات الاجداد ########توا هيبتنا وبقينا اضحوكة حافظوا على ما تبقى فوالله انهم يسعين الى ازلالكم فاتحدوا يا رجال وشباب البورد
| |
|
|
|
|
|
|
Re: ** إتحدوا يا نساء و بنات البورد لإيقاف الرجال عند حدهم ** (Re: محمد عبد الماجد الصايم)
|
Quote: فاتحدوا يا رجال وشباب البورد |
Quote: ليس هناك اى شرط للحصول على الدعم سوا ان يكون المتقدم عضوا في سودانيز وان يكون متزوج فالعزاب يمتنعون وكذلك الخاطبين.. |
صلاح الدين ياحبيب الاقتباس الثاني دا كتبوا ود القاضي في بوست صندوق تزويج المتزوجين من البورداب يعني لوفيها دعم أنتوا براكم ولمن تعملوا ليكم بلوه عاوزننا نتحد معاكم النجيضة أكلوا ناركم نحن معشر الشباب لا نحارب بالوكالة ولا نخوض حروب خسرانة ماعندنا فيها مصلحة
| |
|
|
|
|
|
|
Re: ** إتحدوا يا نساء و بنات البورد لإيقاف الرجال عند حدهم ** (Re: khaleel)
|
ابو الخل ونادر خلونا نمرق من الدقداق دي ونصل الزلط ولبعدين نكتو لكن بدون هرجلة والفاتولة قاعد . . يا ام الحسين بعد اوصل ليك اللوري دا الزلط بتجي ولا اديهو سواق مدن باقي انا سواق خلا ساهي حدي نهاية الدقداق واسع طالع من ود الهبيل ومتوجه علي الياقوت اها ولا اركبن ليك برينسة مكتوب عليها الراجل جزمة
| |
|
|
|
|
|
|
Re: ** إتحدوا يا نساء و بنات البورد لإيقاف الرجال عند حدهم ** (Re: ساميه حامد)
|
Quote: قريبتي أقول ليك جبهة وحرب تقول لي متفرجات، ديل جايباهن يزغردن يعني ولا يسـكـلبن...؟؟؟؟
برضو الحمد لله الما بقن متبرجات.....
أصحي معانا دي حرب ما لعب،،،، أوعيك يكون أب صلعه حمَر ليك قمتي تلخبتي في الحروف...؟؟؟ |
والله تقول شنو يا قريبي اول حاجة الزعل بخلي الزول ما يشوف قدامو
وتاني حاجة انا مصدقت لقيت راجل واقف معانا عشان كده شوتها سريع قبل ماتغير رايك
| |
|
|
|
|
|
|
Re: ** إتحدوا يا نساء و بنات البورد لإيقاف الرجال عند حدهم ** (Re: ساميه حامد)
|
Quote: سمويه يختي انا كان جيتهم بعكاكيزي انت عارفه الكل حيتضارى! |
هلا بام حازم نصيرتنا
والله يا ام حازم انا منتظرة جيتك دي من الاول
عشان عارفاك بتديهم على راسهم
رشيهم بالله ولا تأخذك بهم رأفة
وهاك دي عشان تضحكي شوية
قبل أن يسافر الزوج إلى أفريقيا سأل زوجته ماذا تريدين أن آتي لك من أفريقيا
قالت له قرد صغير
فسافر الزوج وعاد ولما رأى زوجته تذكر ال قرد
وضرب كفاً بكف وقال
يا إلهي لقد نسيت أن آتي لك بال قرد من هناك
ياحبيبتي
فأجابته الزوجة على الفور
بسيطة ياحبيبي وجودك يكفي .
| |
|
|
|
|
|
|
Re: ** إتحدوا يا نساء و بنات البورد لإيقاف الرجال عند حدهم ** (Re: داليا الكباشى)
|
Quote: تسلمى يا سلمى وصدقتى
هسى شوفتى ليك صبى ما معرس بكورك كواريك العجايز ديل وبشتم ليهو مرة برى والله ما تشوفى منهم الا الكلام الجميل عن المرأةلكن ناس قريحتى راحت ديل ما بنتحد عليهم خليهم يكوركوا ساكت على قوليك
ديل من ما يكتروا المحلبية تعرفى انهم ما بعرسوا تانى ويقولوا ليك عايزين نعرس اها ما تخافوا منهم خافوا من البسكت ساكت
خاصة البقول ليك اضربها ودقها اها دا تخليهوا يقول قولوا المسكين |
تسلمي يا إيمان على الإضافة المفيدة
بس يا ختي طفح (الحيل ) على قول امنية بتي
الجماعة ديل زودوها شديد نكتوا علينا وقلنا ماشي كمان جابت ليها شنا وبورة وبوبار
| |
|
|
|
|
|
|
Re: ** إتحدوا يا نساء و بنات البورد لإيقاف الرجال عند حدهم ** (Re: ساميه حامد)
|
Quote: يا ساتر دا كلو يطلع منك حقد دفين غايتو السعيد يتزوج واحدة لا بتعرف تكتب ولا تقرا شوفو التعليم ودانا وين عاوزين يفجخونا زى البصل يا رجال يا جبناء لا يرهبنكم بنات حواء ادخلوا هذا البوست بقوة وشتتوا شملهم والنصر لنا
|
يا ساتر وانت كنت وين وكت قالوا ما قالوا عنا
التعليم فتح عيونا الانتوا عاوزنها تكون مغلقة عشان ما نشوف عيوبكم الكتيرة
الله إرحم بابكر بدري ويخلي لينا قاسم بدري
Quote: يا رجال يا جبناء لا يرهبنكم بنات حواء |
رحم الله امرء عرف قدر نفسه
| |
|
|
|
|
|
|
|