|
|
 سيف على مساعد عوج الدرب الخ ..
|
سلامات آ زول وكيف الحال وبعد ..
بلغنى إتهامك لى بالعنصرية فضحكت حتى بانت ..
ده كلام شنو آ زول ؟!
أول بالتبادى يا عمك ..
أحرجتنى جدا والله ..
لا قدرت أسكت .. لا عرفت اتعامل معاك بي ياتو مدخل ..
المشكلة يا سيف أنى .. وهذا حقيقي جدا .. أتخذ كتاباتك هزواً ..
والله صحى يا سيف ؟!
وبلوم نفسي كتير جدا على المسألة دى ..
وأجد كثيرا من الاعذار المعقولة ..
حسناً .. بعضهم لا يجيد التعبير الجيد عن نفسه !!
بعضهم يكتب تحت وطأة الانفعال !!
بعضهم لم يحظى بتعليم مناسب !!
بعضهم أصحاب ثقافة أجنبية فى المقام الأول وعلى خلفية الشتات السودانى العظيم !!!!!!
وهكذا ..
بيد أنى لا ألبث إلا أن ألوم نفسى مرة أخرى أن إتخذتك هزواً ومن جديد !!
وتجبرنى على ذلك وألوم نفسي الأمارة بالاستهزاء أن تكف عن إتخاذ كتابتك هزواً..
كما ويطيب لى عقد مقارنات بينك ومنصور خالد ولا أعرف لماذا بالتحديد ..
تذكرنى - على نحو غامض جدا - بمنصور خالد ؟!!
وعندى من الخبث الانسانى ما يكفى يا عزيزي لهذه المقارنات الطريفة أن تكون !
ولكن لا عليك من ذلك كله ..
يا سيف ياخى انت اتهمتنى بالعنصرية ..
فياخى الكلام ده كيف ؟!
|
|
  
|
|
|
|
|
|
|
|
Re: سيف على مساعد عوج الدرب الخ .. (Re: محمد حيدر المشرف)
|
Quote: وموجهة لمنسوبى المؤتمر الوطنى تحديدا ..
وساي كده ومزاج وبلا مناسبة !
اللايظن أحدهم أن خلافى والاخ سيف قد يوحد رؤانا حول شيء مشترك ..
وذلك بتاتا وبحكم الاطلاق |
ود المشرف كيفنك
رسالتك وصلت وبالبونط العريض
ما قلته هنا، تحيدياً نسميه (كفر)، واقصد التعريف اللغوي
شئت ام ابيت، وطالما ظللت الانسان النظيف المخلص الواعي ، حتماً ستلتقي بنا
رؤى من حاولت نفي توحد رؤاك معهم، ليست كلها (شر)
وكما يقول الجمهوريون (لا يوجد شر محض)
تظنهم الأقرب لك، وستحاول وتحاول التأقلم والتعايش وستفشل
كنا أيضاً هناك، قبلك وبعدك، ثم نقطة نقطة، تجمعت ثم سالت
قلنا ونعيد، كل منبع صافي و نقي، حتما سيصب عندنا، طال الزمن او قصر
تحياتي
| |
|
|
|
|
|
|
|
|
|
Re: سيف على مساعد عوج الدرب الخ .. (Re: الشفيع وراق عبد الرحمن)
|
يا طيفور ..
Quote: يا مشرف المحيرني في أمر سيف حقيقة هو كيفية وصوله لألمانيا إبتداءً..
|
هى - ربما - أحدى صدف التأريخ يا عزيزي ..
والتأريخ مليان بمثل هذه الممحنات يا ياسر ..
فلا تعجبن مثلا أن تدق باب بيت من بيوت الاسكيمومثلا ..
يفتح ليك الباب شافع حايم بى لباسوو ومغبر وأغبااااش ولميض جدا يهتف بك : عاوز شنو ؟!
..
التأريخ مليان بالصدف الممحنة يا عزيزي .. " وش حكيم جدا "
| |
|
|
|
|
|
|
|
|
|
Re: سيف على مساعد عوج الدرب الخ .. (Re: محمد حيدر المشرف)
|
الاخ محمد حيدر المشرف
بعد اذنك ارد علي ياسر طيفور
سيف مساعد وصل لالمانيا بعلمو وقلمو .يعني مامهاجر ولا لاجئ
دخل ليهو تحت لستك عربية
دخلت المانيا عزيز مكرم احترمني الذين علموني في الجامعات واحترمتهم
لكن ياياسر انت وصلت كندا كيف ؟ علي حساب السودان وشعب السودان وده اكبر من عقلك والله اتحداك قدام الامة دي كلها فسر كلامي ده
رغم ذلك عجبني اعترافك وخروجك من الاتحادي
قال سيف مساعد وصل المانيا كيف قال
| |
|
|
|
|
|
|
|
|
|
Re: سيف على مساعد عوج الدرب الخ .. (Re: محمد حيدر المشرف)
|
إستطراد جانبي أو..
بالجنبه كده ..
أضاع رفضى القاطع والحاسم "سنه يا أنا" لمنسوبى المؤتمر الوطنى ..
أن أشاركهم هذا البوست ..
أضاع ذلك فرصة تأريخية أن يحفل هذا البوست بما لذ وطاب مما تشتهيه الخرمجة المنبرية ..
أضعت على نفسي فرصة أن أبدو حكيما ومحبوبا ذا طبع سودانوى أصيل فى الخلاف والاختلاف ..
مع العلم أن مسألة الطبع السودانوى السمح والاصيل فى الخلاف والاختلاف دى زائفة جدا ..
مجرد إكذوبة ..
والله جد " يا عملات قيقراوى "
فأهل السودان يقتلون بعضهم بعضا ويتناحرون نحرا شديدا فى خلافاتهم ..
وبالتالى فإن ما فاتنى من فرص من خلال هذا البوست لابدو حكيما ومتسامحا وسمحا ..
ما هى الا فرص مزيفة وغير حقيقية أبدا ..
فى الواقع ..
كان قرارا حكيما جدا منى أن أقاطع منسوبى المؤتمر الوطنى ..
فقاطع وبدورك ويا عزيزى, منسوبي ذلك الحزب الشيطانى ..
ويا ايد أبوى على ايد أخوى على ايدٍنا ..
على ايد ايد وايد ..
نجدع بعيد ..
فى اللجة من راس ميضنة ..
حيكومة الفقر الدمار ..
الكضبن والصهينة ..
..
نرجع لى موضوعنا الأصلى
سيف على مساعد عوج الدرب الخ ..
| |
|
|
|
|
|
|
|
|
|
Re: سيف على مساعد عوج الدرب الخ .. (Re: محمد حيدر المشرف)
|
سيف ودعلى ود مساعد ود عوج الدرب ..
حبابك عشرة آ زول ..
هذا البوست ..
وكما هو معلوم موجه نحوك وبالاسم ..
وموضوعه الاساس .. أنك اثبت على تهمة العنصرية ..
ولا أطالبك الا بالحيثيات يا سيف ..
فقط حيثيات الاتهام الذى أثبته فى حقى ..
وأما ياسر .. فلك اللحم ولنا العضم 
| |
|
|
|
|
|
|
|
|
|
Re: سيف على مساعد عوج الدرب الخ .. (Re: محمد البشرى الخضر)
|
شاى شنو يا ود البشري
المسألة أكبر من كده ياخى ..
منسوبى المؤتمر الشيطانى دول انواع كتيرة ..
فى الناس الساي وانت عارفهم كويس ..
وفى الناس الفاهمين المسألة كويس جدا وشغالين سياسة صاح ..
وفى الناس المهزومين تماما إزاء فهمهم للمسألة .. وما لهم الا محاولات التجمل ..
التلاتة انواع دى يجب مقاطعتها ..
عزلها تماما ..
ايداعها الحجر المنبري جوار الخور ..
وذلك كآلية وتعبير سياسي وأخلاقى ووطنى ..
تقول لى شاى ؟!
هؤلاء هم أفيون المنبر يا ود البشري ! ..
| |
|
|
|
|
|
|
|
|
|
Re: سيف على مساعد عوج الدرب الخ .. (Re: saif massad ali)
|
سيف تحياتى ..
لم يكن واضحا أبدا أن تلك الاتهامات المثبته قد جاءت فى صيغة السؤال ..
جاءت فى صيغة اقرار الحقائق التالية
1- أنى عنصري
2- أنى مؤيد لاعتقال أبناء دارفور
3- أنى قابلت كل من أتانى من منسوبي المؤتمر الوطنى بالترحاب والفرح العظيم ..
راجع يا سيف المداخلة ..
Quote: محمد المشرف
سيب الفهلوة والبهلوة
انتي عنصري ماتدسها
انت مؤيد لاعتقال واغتيال ابناء دارفور
في هذا البوست اتو اليك مؤيدي الانقاذ فرادي ومثني
وعظمة فرحتك بهم
بخيت ومبروك عليك |
أولا ..
ولأكن صريحا جدا معك ..
سائنى جدا أن يصدر ذلك منك تحديدا .. ولدرجة تصورت معها أنك لم تكتب تلك المداخلة ..
وما جعل ذلك التصور قريبا منى فى هذه اللحظة حيرتك التى بدت لى طبيعية جدا وانت تتسائل فى هذا البوست
عن موضوع ما بلغنى من اتهامك اياى وكيفية وصوله لى ..
فعندما أكتب لسيف مساعد تهما ثقيلة قبل فترة وجيزة ويأتى ليسائلنى عنها حتما وعلى أقل تقدير لا يمكن
أن تصيبنى الحيرة من التساؤل ؟!!
ثانيا يا سيف ..
نتحرك فى مجال ملغوم جدا .. بحيث يتوجب علينا تحسس خطانا جيدا قبل نخطوها فى هذا المجال /المنبر
والبوست المعنى لم ينطلق من اجندة عنصرية ..
وفى الواقع ان منطلقاته فى الضد من العنصرية ..
فلا يمكن لنا تبادل مثل هذه التهم الثقيلة وبمثل تلك الرعونة الفائقه ..
ثالثا يا سيف ..
أنا أعلنت وقبل ذلك البوست مقاطعتى التامه لمنسوبى المؤتمر الوطنى ..
ويعتقد صديقى ود البشري أنى لم أسمع بنكتة الشايقى والشاي ولكن ..
عندما أكتب شيئا فأنا أعنيه تماما ..
وعندما أوضحت هنا أن ما بيننا هو بعيد جدا عن الذى بيننا وأؤلئك ..
كنت أعلم حوجتى لايضاح وقوفى التام عن التعامل مع منسوبي المؤتمر الوطنى ومن قبل مسألة منعم سليمان
وبالتالى فان الاتهام الثالث ..
وهو فرحى العظيم بمنسوبى المؤتمر الوطنى غير صحيح ..
لم يأتوا الى فرادى او فى مجموعات لعلمهم التام مقاطعتى لهم ..
ولم افرح بهم ولن يكون ..
رابعا يا سيف ..
لا عداوة شخصية .. وفى الواقع التقيتك مرة وكنت سعيدا بمعرفتك وكنت أتمنى أن التقيك مرة أخرى
وحسنا ..
حسنا جدا ..
أقبل الآن تفسيرك أن الامر كان مجرد تساؤلات ..
وأؤكد لك أنى ضد العنصرية .. ضد الاعتقالات .. وضد منسوبى المؤتمر الوطنى
تحياتى
| |
|
|
|
|
|
|
|
|
|
Re: سيف على مساعد عوج الدرب الخ .. (Re: saif massad ali)
|
لا لا لا لا لا لا لا لا لا لا لا لا لا لا .
الكلام ده ما بينفع معانا!!!
خلاص كده ، نقوم نتنفض ونتخارج؟؟
ده كلام شنو ده، إنتو عايزين تبوظوا علينا المنبر ده واللا شنو؟؟؟
النهايات الزي دي هنا ما مقبولة، إزالة الالتباسات وسوء الفهمات بالسرعة والصورة دي ما شغالة معانا..
وين المساجلات، وين المجادعات، وين الملاسنات، وين الإتهامات، وين التحديات، وين الشلليات، وين الأنصار
والمشجعين وين التحالفات ، وين المشاكل التي تتفرع من (هكذا) بوستات، وين الحكماء ، وين الناصحين،
وين الاجاويد، وين مؤلفي القصص التاريخية الفضائحية، وين ووين ووين .... وين حنانك ووين مكانك وين!!
إنتو قايلين القصة على كيفكم؟؟؟
ثقافة هذا المكان والاعراف الراسخة بالممارسة وما جرى عليه العمل، يمنع عليكم مثل هذه النهايات
التعيسة البائسة التي لاتشبه هذا المكان ولا تمثله.. كما أنها تعتبر خروجاً عن إجماع الأمة، وزندقة ،
وخروجاً عن المألوف ، سيلقى (حتماً) معارضة الجميع هنا..
لذا يحظر عليكما نشر مثل هذه الثقافة الوافدة التي لا تمثلنا كشعب جُبِل على أعراف وتقاليد راسخة رسوخ هذا المكان..
فرجاء يا محمد وسيف ، ما تخربوا لينا رصتنا وما تعارفنا وتعودنا عليه هنا..
دوروا لينا الكيتة دي خلونا نعرف نشتغل بالله.
| |
|
|
|
|
|
|
|
|
|
Re: سيف على مساعد عوج الدرب الخ .. (Re: Salah Abdulla)
|
اؤيد كل ما جاء في مداخلة حكيم المنبر ابشنب صلاح عبد الله
ادين وا اشجب الشكل السودانوي المتسامح دا يا مشرف و ود عوج الدرب
دا كلام شنو دا
لو اصريتو على فعلتكم دي .. لصارت ناموس منبري و افسدت علينا المنبر و سكانه
لا لا لا
بي كدا نطالب سيد العجلة بانزال اقصى العقوبة عليكم .. و طركم الجوز من المنبر ... وفوراً
قبل ان تفسدوا بقية الاعضاء
-------
Quote:
ولا أطالبك الا بالحيثيات يا سيف ..
فقط حيثيات الاتهام الذى أثبته فى حقى ..
وأما ياسر .. فلك اللحم ولنا العضم
|
العضم داير بيو شنو!؟
مربي ليك جريو انت يا مشرف!؟
سيبو ليو كلو .. لحم و عضم
المافي شنو!؟
| |
|
|
|
|
|
|
|
|
 Re: سيف على مساعد عوج الدرب الخ .. (Re: قيقراوي)
|
| Quote: دوروا لينا الكيتة دي خلونا نعرف نشتغل بالله. |
صاح يا ابوصلاح ...
ود عوج الدرب كلامو سليم : هذا المشرف معلوف و مدوعل بامباز غزاتنا و بسسبو ماتو الملايين في محارق التطهير العرقي في بلادنا !!
| |
|
|
|
|
|
|
|
|
|
Re: سيف على مساعد عوج الدرب الخ .. (Re: محمد حيدر المشرف)
|
أخانا المشرف ..
Quote: بيد أن الاشياء لا تبدو كما هى عليه ..
أجدع لى تلفونك فى ماسنجر داخلى ..
والحمدلله أن كنا ذكورا ما يسمح بتبادل الماسنجرات بصورة آمنة ..
تحياتى وإعتذارى يا صديق .. |
لا تثريب عليك يا صديقي، فقد فوّتنا لك هذه
استناداً على أن الأشياء لا تبدو كما هي عليه
لكن بأمانة، أخشى تحريش قيقا لي!!
إن حدث ذلك ، فسأضطر مرغماً على لحس تفويتتي الفوق دي..
أما وأننا ضكوراً لسنا عواّفين ، فإننا نربأ عن أنفسنا
استعمال الماسنجرات الداخلية، فجني وجن الدسدسة
لذا فهاك رقم هاتفي أبذله هنا للكافة 55832005 ..
علماً بأنه مكتوب بالخط العريض في بروفايلي
فليس هناك ما أخشاه سوى نفسي الأمارة بالسوء..
ودمتم لأخوك صلاح بن عبدالله ..
| |
|
|
|
|
|
|
|
|
|
Re: سيف على مساعد عوج الدرب الخ .. (Re: محمد حيدر المشرف)
|
Quote: مما كتبت الكلام ده يا عاطف وانا منتظر زول يسألنى منو ولكن ..
خلاص ..
الاتفاق الجميل يجب ما قبله .. |
والحال هكذا
لا نملك سوى أن نقف وقفة رجل واحد خلف صلاح ( أبشنب )
هيييييييييييييع
لفركشة ذلك الإتفاق ( البائس ) ...... أو كما يقول عمر
هذه تحريشة يا صلاح
ولا أخالك تخذل ( محرش )
| |
|
|
|
|
|
|
|
|
|
Re: سيف على مساعد عوج الدرب الخ .. (Re: محمد حيدر المشرف)
|
Quote: هذه تحريشة يا صلاح
ولا أخالك تخذل ( محرش ) |
كلا يا عمر ، لن أخذلك وأيم الحق..
بس خلي موضوعهم ده يمشي كده المرة دي ، عشان خاطري ياخ..
لكنني أعدك أنني سأقنص ليهم في أقرب لفة
وأقوّم ليك بيناتهم كيتة لمن إنت زاتك تستغرب..
عندها ستجد أجوبة لأسئلتك التعسفية الفوق دي..
---------
والله يا عمر لقيتك أصعب مني في ( التِحِرِّش )!!
| |
|
|
|
|
|
|
|
|
|
Re: سيف على مساعد عوج الدرب الخ .. (Re: Mahjob Abdalla)
|
اتفاقكم عامل زي اتفاقيات الحكومة مع الحركات ...
لذلك ساحتفظ بنسخة من البوست خاصة الحتة بتاعة منصور خالد ..
ياود عوج الدرب اتوقع اعتذار منك في الخاص للمشرف - ده اذا مارسلته اصلا -
المحترم محمد فعلا جواك انسان محترم ده غير الشامبيون ..
تحياتي يامحترمين ..
| |
|
|
|
|
|
|
|
|
|
Re: سيف على مساعد عوج الدرب الخ .. (Re: Yassir Tayfour)
|
يا عيب الشوم
نغيب شوية ونجي نلقاها نفست
دهـ ما كان العشم
بدينا نعكر في الموية استعداداً لـ(صيد سمين)
عزاؤنا، اننا، وبدون قصد كنا سبب في عودة المياه
ربنا يديم الود
--------------
و يا ود المشرف
المقاطعة لا تشملني انا تحديداً، حتى لو قلنا فيما (يليك) انا لاني مؤتمر ولا كوز
دخلت هنا بهذا المفهوم، ولن اقيف
قيقا، عاطف، ود الصايم،امين،صلاح، ابتفة،ود البشرى، عوج الدرب،.... همتكم معانا
لو غلبتكم بنجيب قرشينا
| |
|
|
|
|
|
|
|
|
 Re: سيف على مساعد عوج الدرب الخ .. (Re: الشفيع وراق عبد الرحمن)
|
ود القاضى !!
انت قصدك سكرى كعب ولا شنو ؟!
ولا قاصد تقول امبارح كان الخميس وكده ..
بالغت والله ..
عموما توقع بوست بعد اسبوعين من تأريخو !
سأرفق فيه المستندات الدالة على انى كنت مداوم مساء الخميس ..
| Quote: المحترم محمد فعلا جواك انسان محترم ده غير الشامبيون .. |
| |
|
|
|
|
|
|
|
|
|
Re: سيف على مساعد عوج الدرب الخ .. (Re: محمد حيدر المشرف)
|
هناك أشياء شخصية بالفعل يا الشفيع ..
الاستقطابات الحادة والحاصلة فى المجتمع السودانى ..
القتل والاحتراب الحاصل فى السودان ..
الاعتقالات ومصادرة الحريات ..
الفساد والظلم الاجتماعى ..
الخراب الاخلاقى ..
ال ..
وغيرها ..
ستذهب بالجميع نحو طريقين لا ثالث لهما ..
صراع سياسي حاد ..
أو صراع جهوى وقبلى حاد ..
ونريد الطريق الاول ..
ومقاطعة منسوبي المؤتمر الوطنى آلية شخصية اتخذتها من أجل الدفع نحو التكييف السياسي للازمة السودانية ..
عموما انتهى فى تقديري زمن سودانى كان فيه شيء من الجمال ..
وأرى ضرورة وحتمية التمايز ..
بيننا وبينكم ..
اتمنى على الجميع ممارسة المقاطعة لمنسوبى المؤتمر الوطنى ..
وأتمنى أن تحترم رؤيتى للامر ..
| |
|
|
|
|
|
|
|
|
|
Re: سيف على مساعد عوج الدرب الخ .. (Re: محمد حيدر المشرف)
|
تعرف يا طيفور يا شقي الايام
لامن شفت البوست في بدايتو قلت اللهم اجعلو خير !
لكن قلت المشرف بتكتيكاتو المنبرية و بمساحاتو البخليها للاخر لرجعة الدرب ح يسوق البوست لبر الامان
و قلت ان شاء الله طيفور ما يشوف البوست !
لانو تكتيكاتك بتبدأ بردم الزول ردما يصعب بعثه يوم الحشر و لا رجعة فيه ! !
المهم لقيتك حضرت و المشكلة انو المشرف في ردو عليك كاد ان يتورط في تكتيكاتك - لولا لطف الله بالمنبر !
لكن الحمد لله اثبت مساعد للجميع انه لم يتأثر بالنازية نهائي و خيب توقعات المرجفين في المدينة من امثال صلاح !!
هنيئا للجميع
| |
|
|
|
|
|
|
|
|
|
Re: سيف على مساعد عوج الدرب الخ .. (Re: هيثم طه)
|
يا ود طه يا هيثم
ود المشرف كافّ البلا بالبليلة
وقليل من الحجبات والموز ؛)
أزروايِّس، ما عندو قدرة يناتل بيها أولياء الله الصالحين ديل ؛)
__
لا هنيئاً ولا شِتين، ضيعو على الناس متعة مجانية ساكت ؛)
| |
|
|
|
|
|
|
|
|
|
Re: سيف على مساعد عوج الدرب الخ .. (Re: Yassir Tayfour)
|
أبا ذر الوسيم .... شكرا علي الأهداء و علي تاكيد خلو طيفور من الدسامه و الوسامة ....
لو ملاحظ إنو صاحب البوست فتحو بنمرة خمسه ... بعداك قعد في علبو براو ... و ده بأكد ما ظللنا نقولو : إنو في مجموعة من الأشخاص ( كلهم شيوعيين ) بيكتبو باسم محمد حيدر المشرف.... تلفوني في البروفايل ... كان ضربت لي تلفون بفتهم ليك نفر نفر ...
| |
|
|
|
|
|
|
|
|
|
Re: سيف على مساعد عوج الدرب الخ .. (Re: طارق جبريل)
|
| Quote: أيه رأيكم يا أبو ذر وصلاح وكيكي نجيب ليكم صلاح جادات يبل البروف، |
يا ياسر ياخي جيب أي زول خلي ليلنا (اللي ما ح يبنالوش صباح) ده يعدي.
بالطريقة دي ح تخلونا تاني نرجع نفتش ليناعلى ( نوامات ) ..
| |
|
|
|
|
|
|
|
|
|
Re: سيف على مساعد عوج الدرب الخ .. (Re: Salah Abdulla)
|
Quote: هناك أشياء شخصية بالفعل يا الشفيع ..
الاستقطابات الحادة والحاصلة فى المجتمع السودانى ..
القتل والاحتراب الحاصل فى السودان ..
الاعتقالات ومصادرة الحريات ..
الفساد والظلم الاجتماعى ..
الخراب الاخلاقى ..
ال ..
وغيرها ..
ستذهب بالجميع نحو طريقين لا ثالث لهما ..
صراع سياسي حاد ..
أو صراع جهوى وقبلى حاد ..
ونريد الطريق الاول ..
ومقاطعة منسوبي المؤتمر الوطنى آلية شخصية اتخذتها من أجل الدفع نحو التكييف السياسي للازمة السودانية ..
عموما انتهى فى تقديري زمن سودانى كان فيه شيء من الجمال ..
وأرى ضرورة وحتمية التمايز ..
بيننا وبينكم ..
اتمنى على الجميع ممارسة المقاطعة لمنسوبى المؤتمر الوطنى ..
وأتمنى أن تحترم رؤيتى للامر .. |
شنو يا مشرف تبلع الطعم بتاع صاحبك الشفيع وتقوم تفك الحصار من الجماعة؟
يا اما يكون حصارك شامل وكامل ليس به(ماعدا الأصحاب وكدا)
او
تفك اللعب معانا
رسالة لود عوج الدرب:
بالله ماتقوم تنسى لينا علامات التعجب والأستفهام وتدخلنا في اضافرينا مع ناس ود المشرف دا
واذا كان كي بوردك الماني مافيه الحاجات دي
شوف بوستات ود الصائم بتاع الحجاز(مش بتاع نجد) واعمل منو كوبي بيستات
مع اكيد تحياتي لكل من:
المشرف
عوج
الشفيع
الصايم(فرع الحجاز)
وكل المرور بدون فرز
| |
|
|
|
|
|
|
|
|
|
Re: سيف على مساعد عوج الدرب الخ .. (Re: MOHAMMED ELSHEIKH)
|
Quote: أبا ذر الوسيم .... شكرا علي الأهداء و علي تاكيد خلو طيفور من الدسامه و الوسامة ....
لو ملاحظ إنو صاحب البوست فتحو بنمرة خمسه ... بعداك قعد في علبو براو ... و ده بأكد ما ظللنا نقولو : إنو في مجموعة من الأشخاص ( كلهم شيوعيين ) بيكتبو باسم محمد حيدر المشرف.... تلفوني في البروفايل ... كان ضربت لي تلفون بفتهم ليك نفر نفر ... |
الاستاذ امين ...اتصلت عليك اكثر من مرة على تلفون البروفايل في موضوع الفت ده يرد على المشرف مرة ومرة تانية خالد عبيد ..
ماعارف الشيوعيين ديل اعتقلوك ولا هكروا رقمك ..
| |
|
|
|
|
|
|
|
|
|
Re: سيف على مساعد عوج الدرب الخ .. (Re: MOHAMMED ELSHEIKH)
|
Quote:
يا قيقا نكتة أبو حتوت دي زي وجع الولادة الكاذب، المرة يودوها الدكتور ويجيبوها راجعة ؛)، يظهر بأن النكتة تحتاج لطلق صناعي ؛)
|
هي باااااايخة ذاتو!!
بعد الطلق الصناعي .. دايرا ليها درب (برضو صناعي)
عشان يتمخض جبل ود البشرى عن فأر ..
صناعي برضو
(تتذكر زمان كيف كنا بنرسم الفار؟)
غزوا ليو الدرب .. قام تيترب .. او نحو ذلك
صراحة كنا بيض ..
بياض شديد!!
-------
بس كنت راجيو يقولا، عشان اقول كدي .. كان البوست البارد دا يسخن شوية!
لكن برضو بعد ما رديتنا بقت .. فارت، حست .. تسسسسسسسسس نفّست
البورد دا بقى بااايخ ذاتو
نخليهو ليكم ول كيف؟
نمش نشوف لينا محل تاني فيهو كوماج بالطريقة الصاح ياخ!
| |
|
|
|
|
|
|
|
|
 Re: سيف على مساعد عوج الدرب الخ .. (Re: MOHAMMED ELSHEIKH)
|
Quote: والحمدلله أن كنا ذكورا ما يسمح
بتبادل الماسنجرات بصورة آمنة .. |
ولا يفوتنا أن نتقدم بالتبريكات لعمكـ الشفيع
بمناسبة حصوله على صكّ الغفران من لدن المشرف
وخروجه من دائرة الكيزان والمقاطعة!!
وأهيب في ذات الوقت بالعربي ود البشرى
عشان يدينا حكاية الشاي والزول الخلاهو دا!!
| |
|
|
|
|
|
|
|
|
|
Re: سيف على مساعد عوج الدرب الخ .. (Re: محمد عبد الماجد الصايم)
|
والله يا خوانا حيّرتوني جد
معقول تكونوا ما سمعتوبها دي نكتة قديمة لامن معتّتة , سمح النحكيها :
قاليك الشايقي قرر التوقف عن شراب الشاي, العارفين قالوا ليه ما بتقدر الراجل ركب راسو و مصر يتحداهن
المهم من اصبحت بقى يهاتي الشاي مابسويلي شي مابسويلس شي , اليقول ليه سلام يرد ليه وعليكن السلام الشاي مابسويلي شي
واحد من العارفين قاليه هو نان قالولك الشاي ماش يكتلك ما ياهو بخليك تسو جنس سواتك دي
انتهى
| |
|
|
|
|
|
|
|
|
|
Re: سيف على مساعد عوج الدرب الخ .. (Re: محمد البشرى الخضر)
|
Quote:
واحد من العارفين قاليه هو نان قالولك الشاي ماش يكتلك ما ياهو بخليك تسو جنس سواتك دي
|
انتهى كيف يا معلم؟
اها الزول ردو كان شنو!؟
------
انتو يا اخوانا في المنبر دا الحاجات بقت تنتهي بدري بدري كدا مالا ..
البوست يقوموا بيو بنمرة خمسة و كتاحتو تلخم .. فسسسسس ينفس في مرحلة القراءة الاولى ..
حتى النكتة تقولوا لينا
انهى كيف يعني!؟
اها باقي يومنا دا نتمو ليكم دواء ولّ كيف!؟
| |
|
|
|
|
|
|
|
|
|
Re: سيف على مساعد عوج الدرب الخ .. (Re: قيقراوي)
|
| Quote: اها الزول ردو كان شنو!؟ |
الزول ردو ما حدسونا بيه لكن اظنو زي رد ود المشرف دخل بي حمد ومرق بابوحمامة و عملها افيون و في المسالة و فذلكة السنين
وفي النهاية طلع ما سمع بي النكتة هههههههههههههههههههه
| |
|
|
|
|
|
|
|
|
|
Re: سيف على مساعد عوج الدرب الخ .. (Re: Salah Abdulla)
|
Quote:
عليك الله أديني ليها أقشر بيها يومين كده
عندي سناجك فردي فارات كده ح ينشروها أول أوفر ذا عالم.
|
ليها رواية تانية ..
تواتر في اثرنا البطاني الباتع .. و الماتع ..
انو شافعن قليص كدا، جا يكابس في مجلس الشيوخ .. و قال الا يدوهو "جَبَنة" (كل الحروف مفتوحة، زي قميص الشمس، يعني "قهوة" او بن .. ايهما اقرب لراندوقك المحكي)
المهم، ابوهو نهرو : الجبنة بترميك يا ولد!!
صاحبنا، اصرّ و الح اصراراً انو ما بترميهو!!
فادوهو فنجان ..
اها حماهم القعدة، في محاولته البائسة لاقناعهم بصحة رأيو..
يابا ما قلت الجبنة بترميني!!
يابا ما قلت الجبنة بترميني!!
يابا ما قلت الجبنة بترميني!!
يابا ما قلت الجبنة بترميني!!
يابا ما قلت الجبنة بترميني!!
حتى قالوا : ليته سكت
قام ابوهو قرر - الكـلب اتخذ قرار ياخي! - قرر انو يحسم المظاهرة دي:
يا ولدي انت اول قايل الرمية دي كيفنها!؟
-----
اها نتمنى انو رواية قيقا راوي قصاد رواية ود البشرى تساهم في ارجاع البوست لمساره الطبيعي ..
حرب القبائل و الثقافات ؤ كدا
المافي شنو!؟
| |
|
|
|
|
|
|
|
|
|
Re: سيف على مساعد عوج الدرب الخ .. (Re: محمد حيدر المشرف)
|
يا بروف يا حبيب| Quote: و ده بأكد ما ظللنا نقولو : إنو في مجموعة من الأشخاص ( كلهم شيوعيين ) بيكتبو باسم محمد حيدر المشرف.... تلفوني في البروفايل ... كان ضربت لي تلفون بفتهم ليك نفر نفر ... |
دعوة ( جافة ) لن يأبه بها أحد
المطلوب ترطيبها بـ شوية ( تحنيس )
| |
|
|
|
|
|
|
|
|
|
Re: سيف على مساعد عوج الدرب الخ .. (Re: فايزودالقاضي)
|
Quote:
بعدين لو ملاحظين البوستات على شكل(كدي كدي كدي كدي كدي (فديو) ما بيجي على جيهتها
|
كرهتي في بورض من لا بورض لهو دا (فيديو)!!
زي دعايات التلفزيون زماان- ونحن في الاقاليم المنسية- عن كنتاكي و البيرقر
همبيرقر ام هم المبيت!؟
| |
|
|
|
|
|
|
|
|
|
Re: سيف على مساعد عوج الدرب الخ .. (Re: قيقراوي)
|
Quote: زي دعايات التلفزيون زماان- ونحن في الاقاليم المنسية- عن كنتاكي و البيرقر
|
الزول ده ودوهو الضل يا اخوانا ؟!
تلفزيون شنو الكان عندكم زماان فى الاقاليم المنسية وفيهو دعايات كنتاكى ؟!!
تعرف !!
ده دليل واضح انو ما كان عندكم تلفزيون ابتدءا ..
لانو أقصى دعاية كانت عن منتجات مامون البرير ..
والحاجه البتضحك بتاعة كلين !!
| |
|
|
|
|
|
|
|
|
|
Re: سيف على مساعد عوج الدرب الخ .. (Re: محمد حيدر المشرف)
|
طوالى خاذلنى يا قيقراوى ..
طوالى خاذلنى ..
سياسيا واجتماعيا وتأريخيا الخ ..
على بالحلال آخر حاجة كتبتها امبارح كانت دفاع عن وساومتك ودسامتك المافيشة وضد المدعو نوته..
الا بكرى قال لى وصلت الحد الاعلى .. جرب بكره ..
انتو بالناسبة بكره دى عند بكرى بتبدأ الساعة كم .؟!
لغاية 4 صباح قرينتش الزول ده بقول حاول بكره ؟!
..
محمد الشيخ انتو لسه الاتحادى الديمقراطى الأصل ولا فى جديد فى الموضوع ده ؟!
..
فايز ودالقاضى ..
والذى لا يعلمه صلاح جادات هو أشهر غواصة للشيوعيين فى المنبر ..
وأفهموها براكم ؟!
..
ود البشري حكيت النكته !
بالغت يا رجل
راجعين فى السكة نمد ..
| |
|
|
|
|
|
|
|
|
|
Re: سيف على مساعد عوج الدرب الخ .. (Re: محمد حيدر المشرف)
|
Quote:
ده دليل واضح انو ما كان عندكم تلفزيون ابتدءا ..
لانو أقصى دعاية كانت عن منتجات مامون البرير ..
والحاجه البتضحك بتاعة كلين !!
|
و الله كان عندنا ..
بي ضِلَف و اربعة كرعين ..
-----
24 بوصة و ملووووووووون كمان .. انت قايل المافي شنو!؟
بس صراحة البيرقر و كنتاكي لتعقيد الحبكة الدرامية .. و للضرورة الشعرية في الغافية
| |
|
|
|
|
|
|
|
|
|
Re: سيف على مساعد عوج الدرب الخ .. (Re: قيقراوي)
|
| Quote: بس صراحة البيرقر و كنتاكي لتعقيد الحبكة الدرامية .. و للضرورة الشعرية في الغافية |
اتفقنا يا قيقا ..
اتفقنا يا صديقى ..
المافى شنو ؟!
هو البوست اصلو وفى عضمو منفس يا عملات كيكي !!
| |
|
|
|
|
|
|
|
|
|
Re: سيف على مساعد عوج الدرب الخ .. (Re: محمد حيدر المشرف)
|
يا ود المشرف النكتة خلّها
راعي لي كااااااك حموودي المرفقة
بها نجيضة ما
قيقرا .. قيقرا .. قيقرا
نكتة الشافع و القهوة بتدي نفس الفكرة و نسختها الاصلية تبدو الطف
بس ياخي حشّيتها حش بالشروح و الحواشي و الجمل الإعتراضية
صارت اقرب لأحد بيانات الحزب الشيوعي - أو قل فرع الحزب الشيوعي
ههههههههههههههههههههههههههههه
اب تفة يا منقة
اهديك واحد قوم لف في نسختها الجديدة بلس هاف أ نايس داي
| |
|
|
|
|
|
|
|
|
|
Re: سيف على مساعد عوج الدرب الخ .. (Re: محمد البشرى الخضر)
|
| Quote: الزول بقى يرفعوا ليهو بوستات في أعلى البنبر!! |
الكلام ده وين يا أهلنا ..
ودالبشرى حتحوت بتيييين وصل هناك ؟!
أها .. انشاء الله لاقيت تاج السر الملك ؟!
..
غايتو نحنا هينين ..
عمك طلحة بكون بالميت كده جاتو أزمة نفسية..
والله صحى !!
| |
|
|
|
|
|
|
|
|
|
Re: سيف على مساعد عوج الدرب الخ .. (Re: محمد حيدر المشرف)
|
قلت كدي احسن يا مشرف؟
البوست دا - حتى كتابة هذه السطور البائسة - ابى يحلب معنا صافي كلو كلو!!
اقصد ابت مويتو تتعكر ..
الذ حاجة الشفيع ما صبر .. ما شهلو كلو كلو .. صاد في صفاهو .. بعدين استدرك، و رجع يكعر معانا في الموية .. الابت دي
و الحال كذلك
ذكرني بي نكتة..
بعد انهزام صدام، و التاريخ يكتبه المنتصر .. الاعراب بقوا يقرقوا بعدم رجولة الجندي العراقي ( ويا للهول!!) ..
المهم يحكى انو الجيش العراقي بعد احتلالو للكويت و اعمالو فيها سلباً و نهباً .. الجماعة كانوا بسألوهو : شنو ما فيها اغتصاب ؟ سرقة بس!؟
-------
اجمل نكتة قريت في بورض من لا بورض لهو دا :
قالوا كديسة بتحكي لصاحباتا الكدايس ..
و الله الخرابة البي غاديك ديك فيها كديس تااافه خلاس!
قبل يومين مشيت بهناك اغتصبني ..
امس مشيت.. برضو اغتصبني!!
الليلة ماشة .. و اكيد ح يغتصبني برضو!!!
| |
|
|
|
|
|
|
|
|
|
Re: سيف على مساعد عوج الدرب الخ .. (Re: محمد حيدر المشرف)
|
يا جماعة خلونا فى موضوع البوست الأساسى ...
يا ود المشرف ... سلامات
دائما أحترم آرائك ... وأدعى بأنى أفهم ما تعلن وما تخفى خلف الكلمات....
يعنى بصراحة معجب بما تكتب وأعيد قراءته ... لأزيد استمتاعى ....
Quote: رابعا يا سيف ..
لا عداوة شخصية .. وفى الواقع التقيتك مرة وكنت سعيدا بمعرفتك وكنت أتمنى أن التقيك مرة أخرى
وحسنا ..
حسنا جدا ..
أقبل الآن تفسيرك أن الامر كان مجرد تساؤلات ..
وأؤكد لك أنى ضد العنصرية .. ضد الاعتقالات .. وضد منسوبى المؤتمر الوطنى
تحياتى |
ولكن ... مالم لم أستطيع أن أبلعه ...
هل إقتنعت ... "أن الامر كان مجرد تساؤلات .."؟؟
أم فقط قبلت الآن "أن الامر كان مجرد تساؤلات .. "؟؟؟
وما أكبر الفرق بين الإثنين!!!
وتحياتى ...
| |
|
|
|
|
|
|
|
|
|
Re: سيف على مساعد عوج الدرب الخ .. (Re: أمير عثمان)
|
| Quote: و اكيد ح يغتصبني برضو!!! |
هههههههههههههههههههههههههههههه..
ايوه ياخى دى النكت .. تقول لى شايقى ما عارف شنو ؟!!
ات يا قيقراوى ..
ابوحتحوت ده ما قالو علقولو بوست بكان ناس تاج السر الملك ؟!..
جابو ليهو امر إخلا ولا شنو ؟!!
أمير عثمان يا عزيزى ..
على بالحلال ما تقول حاجة ..
الموضوع كان مجرد تساؤلات !!
استمتع باللمة دى ..
البورد ده بى حالتو دى لمة زى دى قريب مافى !!
| |
|
|
|
|
|
|
|
|
|
Re: سيف على مساعد عوج الدرب الخ .. (Re: Salah Abdulla)
|
قبل الناشيونال .. وقد كان لنا واحد يا صلاح
وبضلفتيه وارجله الاربع وتلك الوساومة ..
قبله ..
كان لنا .. فى السبعينيات .. أواسطها أو يزيد .. تلفزيون روسي
وأذكره جيدا ...
وكنت آنذاك طفلا لم يتجاوز الخامسة ..
وكنت أساوم أبناء الحى على "الفرجة" ب "البلى"
كان ذاك التلفزيون يعمل ب "شمعة ما" يجب ان تسخن قبل اشتعال الشاشة ..
ويستغرق التسخين نحو دقيقتين ولكن .. الزمن آنذاك كان ماهلا
ففى نحو هاتيك الدقيقتان ..
كان يمكنك أن تستحم ..
والله صحى !!
لتخرج من الحمام لمشاهدة فلم الكرتون القصير جدا فى الحوش مع "الشباب"
ويخلو همك تماما الا من "الشلن" الذى يمكنك من المشاركة فى صحن "بوش" كارب
لتعود بعده لمشاهدة مسلسل أوراق الورد لوردة الجزائرية مع كل ناس الحى فى ذات الحوش ..
ومن بينهم "مى"
واين مى !!!
| |
|
|
|
|
|
|
|
|
|
Re: سيف على مساعد عوج الدرب الخ .. (Re: Salah Abdulla)
|
علّقوه يا ود المشرف لكن زي ما قال ابصلعة بتاع البوسطة : ما نقلونا وكدا
آكشوالي هي ما نجهونا وكدا ههههههههههههههه
| Quote: أها .. انشاء الله لاقيت تاج السر الملك ؟! |
اها شفت إن شاء الله بطريقتك دي بتورّم أكتر من البشرى بالياء
| |
|
|
|
|
|
|
| |
محمد حيدر المشرف
Abuzar Omer
الامين موسى البشاري
Yassir Tayfour
Gaafar Ismail
الشفيع وراق عبد الرحمن
saif massad ali
Afraa Sanad
معاوية عبيد الصائم
محمد البشرى الخضر
قيقراوي
أمين محمد سليمان
عاطف عمر
Mahjob Abdalla
فايزودالقاضي
هيثم طه
عبدالكريم الامين احمد
سيف النصر محي الدين
طارق جبريل
MOHAMMED ELSHEIKH
محمد عبد الماجد الصايم
أمير عثمان
فيس بوك
تويتر
انستقرام
يوتيوب
بنتيريست