|
تفريغ لحديث محمد عالم لنافع، ديمقراطية الكيزان عطلت المقطع فى السودان
|
( .. )من الخوف ..د. نافع ده مكتبو ما كان بدى للاسلاميين عشان يجتمعو فيهو .. خوااااف .. وبعد ما جا السلطه .. الكلام بقى تلحسوا كوعكم وما عارف شنو .. وكلمات كتيره جدا جدا جدا .. ده تأريخ .. وهذا زمانك يا مهازل فامرحى .. محمد حسن عالم , حزب البعث العربي الاشتراكي خريج جامعة النيلين كلية الهندسة .. اول حاجة في مجموعة من الحاجات الاتكلم عنها دكتور نافع و المقامات محفوظة ,, الدرجة العلمية دي لو كانت اخدها في زمن الانقاذ ما كان قلناهو ليهو ذاتو لانو في زمن النقاذ ياما اخد الناس درجات عليمة في الوضو و ما عارف شنو , انحنا الشعب السوزداني ليهو فضل انو انت قريت علي حساب الشعب السوداني و اكلت علي حساب الشعب السوداني في الداخليات و اخدت درجة الدكتورارة من جامعة الخرطوم علي حساب الشعب السوداني الانت حرمتو ابسط حقو و التحية للشهيد محمد عبدالسلام الـ عشان المرتبة جريتوهو من داخلية النصر و الزول الكتلو اسه معتمد في الدولة الاسمها السودان بتقيموهو و بترقوهو , اللي جر محمد عبدالسلام من الطابق الرابع بي راسو لحدي الواطة و كتلتوهو و بتتكلموا عن الاخلاق و الاسلام ؟ والله الاسلام برئ منكم براءة الذئب من دم ابن يعقوب . ما عندي اي علاقة بيهو (محمد عبدالسلام) لكن بنقول إذا الشعب يوما اراد الحياة فلابد ان يستجيب القدر. البنعمل فيهو انحنا ده كلو في تقديري كلام فارغ, مسألة انو نخش ليك و نناقشك و نثبت ليك انو انت كعب , و المصحف الشريف انت مقتنع بي جوه نفسك انك اسواء من وطئت قدماهو الثري .. اسواء من وطئت قدماهو الثري ( تصفيق ) و اكتر انسان ضيع الحقوق في البلد دي لكن الكلام ما مفيد .. النهاية و الفيصل بيننا و بينك الشارع السوداني ده. سلاح ما بنرفعوا، فى حزب البعث العربى الاشتراكى الانت اتكلمت عنه انه دخل التاريخ ،..كويس..نحن بنتكلم عن رسالة خالده، الرساله الخالدة ما التاريخ يا عزيزى الفاضل..كويس.. إذا انت لهتك السلطه والعمارات الشاهقة فى برى ..كويس.. عن انك تقرأ التاريخ جيداً، اعلم من حزب البعث العربى الاشتراكى هى شنو يا عزيزى الفاضل؟ انا كان اتمنى نافع على نافع البجى يتكلم لينا هنا عن الاجندة الخارجية، انت ما قاعد مع الناس فى همشكوريب، ماقاعد مع الناس فى دار السلام القريبة دى، انت ما قاعد مع الناس فى دلقو المحس فى الشمالية، الناس مآامنه زيتها طالع، الناس ما لاقية، اتكلم لينا عن لقمة العيش الليله القطمة (جوال السكر زنة عشرة كيلو) بتاعت السكر بتلاته وخمسين جنيه فى بلد فيها 200 مليون فدان صالحه للزراعه، اتكلم لينا عن العيشة البقت عاملة زى الاضان، قدر الاضان العيسة بى تلتمية جنيه، نحن الليله جعانين زيتنا طالع، ماتقشر لينا وتقيف لينا هناوتقول لينا ماعارف شنو وبتاع. يا شيخنا الشعب الجعان دهـ هو الحا يسقطك، انت الليله ما عايش اى معاناة، انت اولادك الاتنين القرو جامعة الخرطوم لليله قروا قبول خاص. عبادة ولدك ده قرأ فى جامعة الخرطوم لقى قبول خاص - ما بتخجل- اذا كان الشعب السودانى 90% منو ما لاقين ياكلو ولدك يقرأ قبول خاص على حساب الشعب السودانى وانت ضارب نص قروش الشعب السودانى، وين الاخلاق- ولدك محمد نافع اتخرج من جامعة الخرطوم راكب عربية بى 200 مليون جنيه، انا هسه حالياً مهندس بتاع كهرباء من جامعة النيلين عاطل ما لاقى شغل، انا مؤهل اكثر من ولدك ده، ولدك مربت تلاته سنين فى كلية الهندسة هنا بعد ده كلو من ما يتخرج يتعين ، ولدك عملوا ليه منظمة خاصة عشانو محمد نافع وانا واحد من اكفأ الناس من خريجين الهندسة كهرباء من جامعة النيلين قاعد عاطل.. فى بلد تديروها انتو حا تكون محترمة..السلام عليكم.. انتهى
|
|
|
|
|
|
|
العنوان |
الكاتب |
Date |
تفريغ لحديث محمد عالم لنافع، ديمقراطية الكيزان عطلت المقطع فى السودان | صديق الموج | 12-13-11, 01:13 AM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | awad okasha | 12-13-11, 01:37 AM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | صديق الموج | 12-13-11, 01:47 AM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | awad okasha | 12-13-11, 02:13 AM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | صديق الموج | 12-13-11, 05:50 AM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | ود الباوقة | 12-13-11, 05:58 AM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | صديق الموج | 12-13-11, 06:05 AM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | أبو ساندرا | 12-13-11, 07:12 AM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | صديق الموج | 12-13-11, 08:24 AM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | Medhat Osman | 12-13-11, 08:35 AM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | doma | 12-13-11, 08:36 AM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | Medhat Osman | 12-13-11, 08:43 AM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | صديق الموج | 12-13-11, 12:09 PM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | Amani Al Ajab | 12-13-11, 03:40 PM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | Medhat Osman | 12-13-11, 04:06 PM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | صديق الموج | 12-13-11, 04:23 PM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | صديق الموج | 12-13-11, 11:06 PM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | صديق الموج | 12-15-11, 10:26 AM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | doma | 12-15-11, 11:13 AM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | Kabar | 12-15-11, 11:26 AM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | محمد أبوالعزائم أبوالريش | 12-15-11, 11:49 AM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | صديق الموج | 12-15-11, 12:15 PM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | doma | 12-15-11, 03:18 PM |
Re: تفريغ لحديث محمد عالم لنافع، ديمقراطية الكيزان عطلت المقطع فى السو | صديق الموج | 12-28-11, 06:29 PM |
|
|
|