|
|
|
 Re: ام درمان واسطورة ثقافة الوسط!!!. (Re: وليد محمد المبارك)
|
يا وليد يبدو انك بتقرا سطر وبتفط سطر ..
لو ما قريت ردي على مجمل مداخلات الشقليني فيما يتعلق باعادة هيكلة العنوان وخلاف المصطلح ومطلبة بايراد التعريفات ،هاك ليهو تاني..
بس انشا الله نلقي برضو رد واضح من الشقليني حول الكلام دا عشان حنمشي لقدام في الموضوع دا بعد الايد تخف..
Quote: فيما يتعلق بمطلوبات اولاد ام درمان (الشقليني ، المشرف،وليد) حول تعريف المصطلحات (امدرمان ، ثقافة الوسط) وما اذا كان ذلك ضروريا لاستمرار النقاش ..
وما اذا كان ذلك اعتسافا مخلا رجوعا لما اراه ..
اليكم التداعيات المتسلسلة لارائهم (كي يعلم القارئ ما اذا كان موضوع التعريف مطلبا موضوعيا) عبر استعراض اراء اهم ممثلي اولاد ام درمان وهو الشقليني ،كي نحكم لاي مدى يمكن لموقفه ان يكون موضوعيا..
لقد بدأ الشقليني تكتيكاته حيال المسالة بما يمكن ان نسميه باعادة توزيع الموقف عبر مطالبته ب..
Quote: حول إعادة هيكلة العنوان
وهو تكتيك شهير يهدف لاعادة النظر في زاوية النظر للموضوع بما يخدم الطرف الذي لا يستطيع الاستمساك التكتيكي للمسالة من زاوية النظر الاصلية او الاولى..
اما عندما فشل هذا المسعى فلقد لجأ الشقليني لتكتيك اخر وهو ..
Quote: قبل أن يتمدد الحوار يرجى تعريف المصطلحات المذكورة في صلب خطابيكما :
(1) مصطلح " ثقافة الوسط "
(2) ما المقصود بـ " أم درمان "
وبالطبع فان الهدف من هذه المحاولة اكثر وضوحا من التكتيك الاول وهو الغرق في الت والعجن في مسالة تعريفات لا تنتهي الى يوم يبعثون ..
(لذا رفضت الدخول في هذا الفخ التعريفي لما يمكن ان يؤدي اليه)..
ولكني رغم ذلك حاولت ان ارضي موقف الشقليني بايراد مقتطفات من المساهمة (اقول المساهمة لما رايته اعتراضا من وليد الشفت حول ما اذا كانت اطروحة) ،وحيث اني قد نما لعلمي ان هذا الاخير (اي الشقليني ) ممن يهتمون بقضايا المعني وادواته ،لذا فخمنت انه سوف يختلس ضمنا مطلبه التعريفي وهو ما حدث بالفعل حين اشار في مداخلته قبل الاخيرة لذلك في ادناه ..
Quote: بدو أننا أننا في مسألة تعريف " أم درمان " الذي انزلق في ردود الأكرم " صهيب " في رده على الأكرم " وليد " :
أ - الأرض والبشر والجوار والاقتصاد والاجتماع ثم الثقافة .... ( وهو موجز لما نراه )
ب - الحالة الجدلية التي امتلكت الأدوات وخاضت معارك الجدل الاجتماعي .. ( وهو موجز لما يراه صهيب ) !! ونحن نختلف معه :
لكن الحيرني في كنكوجي دا ورغم كل ذلك ورغم اعترافه الصريح بانه قد حدس تعريفي للمسالة ،اقول الذي حيرني هو انسحابه الحرد تحت دعوي..
Quote: الأكرم : صهيب
يبدو أنه ليس مما ليس به بد :
وبالاختصار :
واسمح لي بإقرار الخلاف :
لا توجد هنالك ( أم درمان الحالة الجدلية) ، لأن الجدل في الفكر ، الفلسفة ، الرؤى ...إلخ وليس المنطقة والأرض والبشر
ولا يوجد حتى تاريخه تعريف لك عن ( أم درمان ) أو ( ثقافة الوسط )
وإلى أن يتم ذلك لا يكون للحوار أسس نتفق عليها
طبعا بكدى يؤكد الشقليني انو امدرماني بامتياز ..
يعني يا نرضى بالحال المايل يا حوار (فرتق!!!!!!!!!!!!!!!!!!!!)..
انت قايل يا صديق انو ام درمان من قام السودان دا شغالة معانا كيف!!!!؟؟
ما ياها بطريقتك دي _عقود الازعان البتحاول تطبقا انت هنا دي بتدل انو انت اكثر ابناء ام درمان اصالة _..
عاطر التحايا يا صديق |
اها يا وليد انشا الله تقرا الكلام دا تاني ..
وبعدين نشوف ردكم عشان نمشي لقدام ، التاريخ الاجتماعي لام درمان ما بعد دخول قوات الحكم الثنائي وثورة 24 وتاريخ الصحافة السودانية ونادي ومؤتمر الخريجين وتكوين الاحزاب السياسية والى الاستقلال وحكومات ما بعد الاستقلال ونشاة الاذاعة والتلفزيون وهلم جرا..
نواصل
| |
 
|
|
|
|
|
|
|
 Re: ام درمان واسطورة ثقافة الوسط!!!. (Re: عبدالله الشقليني)
|
Quote: يبدو انك بتكتب باحسسسساس ..
|
ومالو يا صديقى ؟!
ولكن الاجمل من كل ذلك كان هروبك نحو الرمز والترميز بالإحالة الى جدلية ما تحيط بعنوانك (أمدرمان واسطورة ثقافة الوسط) وأعنى (أمدرمان الجدلية) .. بيد أن للكتابة التفاعلية فى المنابر قدرتها التشريحية الفائقة وشقلينيها وتباركها ووليدها .. فأكتب يا صديقى ولكن, كن مستعدا وتحسس أفكارك جيدا و .. أكتب باحسسساس
| |
|
|
|
|
|
|
|
|
Re: ام درمان واسطورة ثقافة الوسط!!!. (Re: صهيب حامد)
|
سوف نبدأ المطلب التالي من كلية غردون ..
لقد تاسست كلية غردون كمدرسة اولية في العام 1902 تخليدا لذكري غردون باشا حاكم السودان السابق المقول في 1884 يناير..
ولتجلية التحليل حيال دور كلية غردون سوف اعرض كافة الوثائق والحقائق والاحصائيات المتعلقة بها ومن ثم نستعرض ما تلا ذلك ..
من نشاة الصحف..
نشاة نادي الخريجين ..
علاقة ذلك بكل من جمعية الاتحاد السوداني واللواء الابيض..
والى قيام مؤتمر الخريجين..
نواصل
| |
|
|
|
|
|
|
|
|
|
Re: ام درمان واسطورة ثقافة الوسط!!!. (Re: صهيب حامد)
|
وقبل ما نمشي لقدام في حاجة لازم نقولا وقاعدة تعمل تشويش كبير ..
حيث يعتقد الكثيرون ان الخلاف السياسي بين ابناء الوسط الاجتماعي الواحد ممكن يكون حاسم ,,
لالا ..
الوسط الاجتماعي ولوحده هو الذي يحدد مصيرك على المدي الطويل..
مثلا وكما قلت في بوست بشاشا في حواره مع تبارك..
فان هجوم ابناء ثقافة الوسط (او البحر)على الانقاذ يعاني من حالة سيندروم كساحي ..كيف!!؟.
فموقف الجلابي المع الانقاذ والجلابي الضدها بيستبطن موقف ايديولوجي واحد ..
لكن هناك خلاف ايديولوجي فرعي ذا طابع سياسي ..
كيييييييييييييييييييييييييف!!!!!!!!!!!!!!!!!!.
الايديولوجيا العامة البلتقو فيها الجلابة جميعا هي ايديولوجيا الشمال النيلي او ايديولوجيا البحر ودي ذات طابع ثقافي فكري عروبي ،او بكلمات محمد ابو القاسم حاج حمد ذات نزوع متوسطي ..
يعني بالتعبير البنيوي (او الاركيولوجي حسب فوكو ) ان ابستيمي هذه البنية واحد بتاثر بيها اي زول صادر منها لو بقا تبارك او علي عثمان!!.
لكن ممكن للاول انو يقرا الابستيمي دا بطريقة علمانية والثاني يقراهو ثيوقراطيا ،ولكن في النهاية القراءة دي تجلي للشئ ذاته دون انو تبارك يتجرأ انو يقطع مع هذا المكون الثقافي واكبر دليل مداخلات تبارك هذا البوست..
عشان نقرا السطور اعلاه كويس اديكم الحاشية دي ..
ففيما اذا كان يمكن للمفكر او الجماعة السياسية ان تقطع مع ايديولوجيا المجتمع الذي صدرت منه ام لا يفزلك العروي (مفكر ماركسي مغربي) ذلك مستدلا بالايديولوجيا الالمانية التي انتجت ماركس كي يدلل على قوة الايديولوجيا الاساسية ..
فاذا ما كانت الايديولوجيا الالمانية تريد التحرر من اشكالية التاخر (او التاريخ المعاق) فهي تنظر الى السياسة اليعقوبية كتجسيد لمستوى التطور الاعلى المنشود ..اي تعميم القيم الانسانية الكونية عن طريق الارهاب ، والوعي بالتاخر هو الوسيلة لتدارك هذا التاخر ،ونظرت الايديولوجيةالالمانية للمثقف باعتباره وسيلة وصانع لتدارك هذا التاخر..
ماذا فعل ماركس بهذه الاشكالية التي وجدها امامه ..
فلقد اكتشف ماركس من وراء وتحت السياسة اليعقوبية التشكيلة الاقتصادية –الاجتماعية ،ومن وراء وتحت التاخر التاريخي تاخر علاقات الانتاج بالنسبة لقوى الانتاج ،ومن وراء وتحت النخبة المثقفة الساخطة الطبقة العاملة العصرية التي جمعت كل وسائل السخط ..
اي لم يفعل ماركس اكثر من انه انتج الايديولوجيا الالمانية مرة اخرى او انتجته هذه الاخيرة من حيث لا يدري ولا يحتسب..
لذلك وفي اول محاولة لتطبيق الجدل على المجتمعات الفيودالية والخراجية في العالم الثالث لم يجد ماركس سوى التطابق مع الامبريالية في ما اسماه بنمط الانتاج الاسيوي حيث اتضح انك لا يمكن تطبيق قوانين الجدل في غير المجتمعات الراسمالية المتطورة!!!!!!!!!!!!!!!.
يعني تطبيق العدالة في المجتمعات الراقية ودهس البقية تحت تروس الامبريالية الى ان ترتقي الى ذلك المستوى ،وهو ما انتقد فيه ادوارد سعيد ماركس مر الانتقاد في كتابه المفصلي الاستشراق.
نفس الميكانيزم بشتغل في موضوع الثقافة الجلابية السياسية في السودان فبما ان تبارك وعلي عثمان لا يصدران سوى من ايديولوجيا اجتماعية واحدة (ايديولوجيا المركز) ،اذن فليس لهما سوى الاختلاف على مستوى الايديولوجيا السياسية ولكن في العمق لا يملكان اليات الاختلاف الكلي فيقعان في الفخ كما وقع ماركس في براثن الايديولوجيا الالمانية .
ان اختلاف تبارك مع علي عثمان هو اختلاف مقدار وليس اختلاف نوع ..
كيييييييييييييييييييييييييف!!!!!!!!!!!!!!!!!!!.
فلقد قام علي عثمان في اطار جدل اجتماعي سياسي محدود بابعاد تبارك ومنظوره السياسي..
اما تبارك فليس امامه سوى ابعاد على عثمان مع الاحتفاظ ببنية الدولة السودانية التاريخية ، ولكن باليد الاخرى فان هذه البنية ذات ايديولوجيا لا تستوعب سوى من ينسجم مع منتجاتها ..
ما الازهري سياسيا مختلف من عبدالله خليل وعبد الله خليل مختلف عن عبود وعبود مختلف عن سر الختم الخليفة وهذا الاخير مختلف عن المحجوب وهذا الاخير مافي يحاجة بتلموا مع النميري والنميري اختلاف المشرق من المغرب عن الصادق المهدي وهذا الاخير كذلك عن حسن الترابي ...
لكن ديل كلهم صادرين عن مؤسسة اجتماعية واااااااااااااااااااااااااااااااحدة !!!!!!!!!!!!!!!!!.
عشان كدة العيب لا في علي عثمان ولا الترابي ولا الصادق المهدي ولاااااااااااااااااااااااااااالنميري او عمر البشير!!!!!!!!!!!!!!!!!!..
العيب في بنية الدولة السودانية نفسها ..
ودا الحنحاول نوضحو من الان فصاعدا منذ 1898والى اليوم
نواصل
| |
|
|
|
|
|
|
|
|
 Re: ام درمان واسطورة ثقافة الوسط!!!. (Re: صهيب حامد)
|
يا صهيب ..
إنت ما كنت تقول لينا إنك كاتب ( بحث ) وليس مجرد ( بوست ) فى منبر تفاعلى ..
إنتو معقول أولاد أمدرمان ديل ..ما عارفين الفرق بين حوار فى منبر سايبيرى ...وبين بحث علمى ..!!
تعريف مصطلحات قال ..
قول ليهم تعريف المصطلحات خليتو ليكم ..عشان أنا يعنى حا أعرف أكتر من الأمدرمانيين ..
وصدقنى كدا حا ينبسطوا خالس خالس .
| |
|
|
|
|
|
|
|
|
|
Re: ام درمان واسطورة ثقافة الوسط!!!. (Re: وليد محمد المبارك)
|
اجمل مافي هذا الحوار الجميل ان يكون معظم أطرافه أبناء امدرمان أنفسهم او المتحدرين منها .. وان يكون حوارا مكتفيا بذاته (هكذا عودتنا امدرمان) واسمعي يا جارة ...
الاصدقاء والاعزاء وليد وسفيان وصهيب وبقية المحاورين ... متابعكم وحواركم الذي ان افضي لتأسيس منصة (نبش الحاجات الامدرمانية) يكون قد وصل الي نهاياته المطلوبة والمأمولة وان زاد علي ذلك فيكون كرما لم يمتد اليه خيالنا ...
ساتابعكم حتي المحطة الاخيرة
وما نازل يا وليد
| |
|
|
|
|
|
|
|
|
 Re: ام درمان واسطورة ثقافة الوسط!!!. (Re: AMNA MUKHTAR)
|
Quote: يا صهيب ..
إنت ما كنت تقول لينا إنك كاتب ( بحث ) وليس مجرد ( بوست ) فى منبر تفاعلى ..
إنتو معقول أولاد أمدرمان ديل ..ما عارفين الفرق بين حوار فى منبر سايبيرى ...وبين بحث علمى ..!!
تعريف مصطلحات قال ..
قول ليهم تعريف المصطلحات خليتو ليكم ..عشان أنا يعنى حا أعرف أكتر من الأمدرمانيين ..
وصدقنى كدا حا ينبسطوا خالس خالس . |
إلى كل من يكتب / تكتب مثل النص أعلاه :
أنا لا أكتب إلا ما يفيد ، ونهدف دائماً تنظيم ما تسمونه منابر تفاعلية
لتقديم (مباحث ) وليست ( بحث) بدلا من مضيعة الوقت . يوجد الكثير من الملفات التي تنشر الجهل ،
وهي تجتذب الكثير من الجهل النشط . وأنا أعرف الفروق بين كل ذلك لأنني أعرف
ما أكتب جيداً .
*
| |
|
|
|
|
|
|
|
|
|
Re: ام درمان واسطورة ثقافة الوسط!!!. (Re: Gafar Bashir)
|
العزيز جعفر بشير ..
ممنون للمشاركة والحضور ..
معليش ما رحبنا بيك ..
-----------------------------------------
ياجماعة الخير شغلة شدددددددددددددددديدة اليومين ديل خلت الايد تتقل ..لكن بجيكم بروووووووووواقة الفورة مليون في البوست دا وما متعجلين
| |
|
|
|
|
|
|
|
|
|
Re: ام درمان واسطورة ثقافة الوسط!!!. (Re: صهيب حامد)
|
مااااااااااااااااااااااااااااا مشكلة..
ونمشي نقطة نقطة..
Quote: طيب ... نمسك مثال حي للثقافة الأمدرمانية ... راجل لابس جلابية وعمة أو مرة ممشطة ولابسة توب ... قاعد في بيت عرس ... في حلفا أو سنكات أو الكرمك أو كادوقلي أو نيالا ... انت داير تقول انو زول زي دا أو زولة زي دي حصل ليهم عسف بتاع انصهار في الهوية الأمدرمانية؟
|
عشان تشوف المفارقة كيف يا صديق..
اكيد انو اليوم ان الجلابية والعمة هي الزي القومي للرجل السوداني وكذلك الثوب فهو الزي القومي للمراة ،دا صحيح ..
ولكن اجتهاد حفري بسيط لا يزيد عن مائة عام ويزيد قليلا سوف يجلي الحقيقة المرة ..
يعني لو عملتا ليك يا تبارك نفق او نفاج من الليلة لسنة 1890 سوف تكتشف المفارقة بانو العمة والجلابية دي ما كانت زي قومي ..كييييييييييييييييف!!!.
العمة والجلابية كانت زي ناس معينين (الشمال النيلي) ودي دراسات فلكلورية مبذولة لمن يريد (دبلومات وماجستيرات الافرواشيان) ..
فالشرق كان بلبس السروال المخفوق والسديري والغرب كان بلبس ازياء الحزام السوداني المعروفة والجنوبيين كانوا يسيرون كما علمتهم الطبيعة دون عقد لباس ..
وطبعا موضوع الثوب السوداني دا يا تبارك والى القريب نحن عرب الغرب القرييييب دا ما بنعرفو ..المراة بتلبس الرهط (لو بتعرف الرهط)..
طيييييييييييييييييييييييييييييييييييييييييب..
شنو الميكانيزم الخلا العمة والجلابية والثوب السوداني تكون ازياء قومية حقت السودانيين كلهم !!!؟.
كدي فسر معاي يا تبارك !!!!!!!!!!!
يا صديق يا تبارك هو نفس الامر الذي جعل من كرومة وخليل فرح دون علي اوليل وغيره يصيرون فنانيينا القوميين..
هو الامر نفسه الذي جعل ايقاع الدليب هو الاكثر سيادة ضمن ايقاعات اكثر استخداما ديمغرافيا..
الامر نفسه الذي يجعل الهلال والمريخ الاكثر شعبية عبر لاعبين جلهم ليس من نفس الحيز الجغرافي الذي نشأ فيه هؤلاء اللعيبة!!!!!!!!!!!
السبببببببببببببببببببببببببببببب يا تبارك هو ما قلت قذةا بالقذة ..
العسف الثقافي المارستو ثقافة معينة بتاعت حيز معين عبرامتلاك الادوات..
يعني هذه الادوات البتاعت السودان كلو ما عكست كل السودان بل عكست فقط حاجات الناس الاداروها والامتلكوها!!!!!!!!!!!!!!!!!!!!!!!!!!!!!!
وطيب انا وكت اقول انو ام درمان كانت صدر الموجة لهذه الظاهرة اعني انو امدرمان كانت مقر هذه المامرة وممثلها الاساسي ولكنها اكيد ما كانت براها بل كانت بتمثل حيز اكبر انت عارفو وطبعا زي ما انت عارف ود العرب بلحنو لييييييييييييييييهو ..
نواصل
| |
|
|
|
|
|
|
|
|
|
Re: ام درمان واسطورة ثقافة الوسط!!!. (Re: صهيب حامد)
|
| Quote: تتدرمن ولا على كيفك ... لأنو امدرمان دي مشروع مدني (Civil as in Civility) وطني ... يختلف عن البنية القبلية لاكين بيحتوي نفس الخطاب العشائري ... ومشروع مدني وطني غير مثالي ويعاني ما يعاني من قطيعتنا الإنطباعية مع المدنية ... إذا كان في مجموعات في الشمال كرّست للهيمنة على الخطاب الحضاري الأمدرماني باستعلائية الجلابة المعهودة ... فالخطاب الحضاري الأمدرماني اسهم في المقابل في كسر أنف الإستعلائية الجلابية بفرض سلطته كممثل لثقافة المركز ... انت كنت وين لامن الفاضل سعيد عمل "النصف الحلو"؟ |
لوووووووووووووووووووووووووووووووب..
ما عارف لو سمعت بود الفكي ..
هذا الاخير هو اساس الحقيبة فابوه شيخ خلوة بكبوشية وقد حفظ القران وكان مادحا ولكنه هرب الى ام درمان في طاشرات القرن الماضي وبدأ يغني في مناسبات ام درمان ومنه تعلم سرور الذي كان يافعا ،كي يطور المسالة بادخال الطمبارة في البروسس الغنائي ومن ديك وعييك ..
يعني فتش عن كبوشية ايها النجيب ان اردت ان تمارس اي بحث حفري في اغنية الحقيبة وليه هذه الاخيرة على ايقاع الدليب النيلي تاريخيا !!!!!!.
انا وكت اقول انو ام درمان كانت صدر الموجة يعني انها كانت وكيل او الة اصدار للسمات الثقافية المراد تصديرها من هذا الوسط (الوسط النيلي)..
وعشان كدة كلامك عن ان ام درمان قد كسرت الانفة الاستعلائية للثقافة الجلابية كلام ما بجيب لان ام درمان كانت مجرد عميل ثقافي لذلك الوسط وظيفته تذويق صادرات هذا الاخير برسمنتها وختمها بختم الحكومة ..
يعني ام درمان كعميل فقط شغالة باكينق في مصنع ثقافة الوسط وليست لها اي اصالة ولم يكن في يوم من الايام
--------------------------------------------------------------------------
لا ما حضرتها ..كنت في الابيض ببيع عيش!!!!!!!!!!!!!!!!!!!!.
| |
|
|
|
|
|
|
|
|
|
Re: ام درمان واسطورة ثقافة الوسط!!!. (Re: صهيب حامد)
|
| Quote: ابراهيم محيسي يا حبيب اذا مررت مرة أخري فرد السلام .. مشتاقين شديد ياخي .. |
الرائع دوما جعفر بشير والله ليك وحشه شديده .. غبت عن المنبر لفترة لاسباب قاهرة .. لم أعاود قبل اليوم.. توقع مهاتفة لزوم بل الشوق !!
Quote:
اجمل مافي هذا الحوار الجميل ان يكون معظم أطرافه أبناء امدرمان أنفسهم او المتحدرين منها .. وان يكون حوارا مكتفيا بذاته (هكذا عودتنا امدرمان) واسمعي يا جارة ...
الاصدقاء والاعزاء وليد وسفيان وصهيب وبقية المحاورين ... متابعكم وحواركم الذي ان افضي لتأسيس منصة (نبش الحاجات الامدرمانية) يكون قد وصل الي نهاياته المطلوبة والمأمولة وان زاد علي ذلك فيكون كرما لم يمتد اليه خيالنا ...
ساتابعكم حتي المحطة الاخيرة
وما نازل يا وليد |
سيكون الحوار ذو نكهة افضل بمشاركاتك يا جعفر .. فمثلك لا يتابع من دكة المتفرجين .. لا تحرم القراء وتحرمنا من معينك المكتنز ..
الاعزاء صهيب ، سفيان ، وليد ، الشقليني ، تبارك ..
تغيبت عن المنبر لظروف عامة! .. سأعاود الحوار معكم قريبا ان شاءالله .. لكم التحية والود
| |
|
|
|
|
|
|
|
|
|
Re: ام درمان واسطورة ثقافة الوسط!!!. (Re: وليد محمد المبارك)
|
البوست دا قصتو عجيبة ما كان بيفتح
سعدت بقراءته اليوم
صهيب
يااخ انت طلعت من وين
موضوع هام جدا وافكار عظيمة وجريئة تهبش فى اللحم الحى
انت ما شايل سلاح لكن
افكارك دى هم عارفنها كويس
انت بتقول الكلام الدايرنو مفطا وخمج
من امثلة الكوارات العديدة من اصحاب طريقة الحساب الامدرمانى
مثال خليل فرح
طيب خليل فرح دا لم يتم الاعتراف به الا بعد ان وصل الى امدرمان تعلم العربية وكتب بها
يقولك الوطنية بعد ان ظهر فى امدرمان
طيب غناهو الكتبو بالنوبية قبل ما يجى امد رمان ماكن وطنى
ايضا من كوارات ام درمان الثقافية
اللستة بتاعت كرومة وسرور عبيد وابوصلاح
ديل مبدعين وجدوا اجهزة اعلام روجت ليهم
للمقارنة حلة صغيرة فى جبل اولياء اسمها ديم البساطاب
انجبت الهادى حامد ودالجبل والطيب مدثر وعافية حسن
فى العشرات مثل هولاء فى فترة الحقيبة كانوا مغنيين ولم تتاح لهم فرصة الاعلام الامدرمانى
سعدت بمداخلات
ابراهيم محيسى-فاروق عثمان -سفيان
لااشك فى استنارة المشرف والشقلينى
بس يمكن شوية حمية ام درمانية داخلة
| |
|
|
|
|
|
|
|
|
|
Re: ام درمان واسطورة ثقافة الوسط!!!. (Re: وليد محمد المبارك)
|
يا وليد يا حبيب ابداً خليل فرح ما كذب علي ناس أم درمان( ثقافة الوسط) ابداً
بس سؤالك دا اتجاوب فوق كتير خلاص ، خليل فرح تم إعادة انتاجه في ثقافة
المركز و لو ما تم إعادة انتاجه كان لي يوم الليلة مافي زول جاب خبروا غير
اهلوا البتكلموا لغتوا .
غايتو البوست دا الناس فاهماهوا غلط كل الخلق فاكرننا بس عايزين نهد أم درمان
يا جماعة القصة الثقافة المركزية لما يُسمى بالدولة السودانية .
| |
|
|
|
|
|
|
|
|
|
Re: ام درمان واسطورة ثقافة الوسط!!!. (Re: سفيان بشير نابرى)
|
Quote: خليل فرح تم إعادة انتاجه في ثقافة
المركز و لو ما تم إعادة انتاجه كان لي يوم الليلة مافي زول جاب خبروا غير
اهلوا البتكلموا لغتوا . |
تمام
يعني انت وصهيب فاهمين اكتر خليل فرح اكتر من خليل فرح ... وعارفين مشاعرو وطبيعتها شنو واسباب شعورو شنو وما اليه
| |
|
|
|
|
|
|
|
|
|
Re: ام درمان واسطورة ثقافة الوسط!!!. (Re: وليد محمد المبارك)
|
عذرا للغياب الطويل فلقد كنت في منصة خارج الكون الاسفيري..
سفيان ازيك ..وينك طولنا ما شفناك البيت بيتك
الشقليني ..وليد
كيفكم
تبارك ..
انا جاييك خصوصا كلامك الاخير حول علف الابستميولوجيا الما رديت عليهو..
----------------------------------------------------------------------------
حاشية: وليد مشجع المدرجات الشفت ..ياخ عصر شنو معاك كمان!!!!!
حاشية لتبارك:ما في حتة تانية كاتب القضارف مالك مجننا طيب ياخ !!!
| |
|
|
|
|
|
|
|
|
|
Re: ام درمان واسطورة ثقافة الوسط!!!. (Re: صهيب حامد)
|
العزيز شقليى
سلام
كرومة وسرور فى فترة ما قبل الاذاعة والاسطوانات قطعا انتشارهم كان محدود ومحكوم بعدد الناس العندها
الجراموفون
الاذاعة روجت لغناء الحقيبة
ايضا التلفزيون السودانى
حتى الان الفضائيات اخر ابناء تكنولوجيا الاعلا
يروجون لنمط غنائى
وبقولون كوارا
انو دا الغنا البشكل الوجدان السودانى
والله الفضائيات دى
ما بتعرف السودان ولا الوجدان السودانى
| |
|
|
|
|
|
|
| |
وليد محمد المبارك
عبدالله الشقليني
محمد حيدر المشرف
Ibrahim Mehaisi
mohmmed said ahmed
سفيان بشير نابرى
فيس بوك
تويتر
انستقرام
يوتيوب
بنتيريست