|
Re: لماذا يذهب الفنانون والفنانات لمنكوبي السيول برفقة القنوات الفضائي (Re: عاطف عمر)
|
شكرا باش مهندس عاطف ..
تطرقت لهذه الظاهرة في بوستي بعنوان (وهمات الفنانين الشباب) وذكرت عددا من الوهمات من بينها وهمة الحفلات الخيرية وتهافت الفنانين عليها حتى ولو بدون اجر من أجل تلميع أنفسهم ..
عليه يمكن اعتبار تهافت الفنانين الشباب بصحبة مصوريهم واصدقائهم في الفضائيات جزء من تلكم الوهمات ..!!
Quote: وهمة الحفلات الخيرية
أها يا جماعة ..
اكبر منفذ وأكبر وهمة واهم وهمة للمطربين الشباب ديل حاجة إسمها الحفلات الخيرية ..!!
فجأة كدة وقبل كم سنة لي ورا في مجموعات وجمعيات كدة إتذكرت إنو البلد فيها مآسي إنسانية وفيها ناس عايشين على الكفاف وفيها مستشفيات مفروض تنبني وفيها ما فيها ..!!
بعض الجمعيات والمنظمات الطوعية جزاها الله خير شغالة شغل كويس في الناحية دي وبترعى الكثير من الدور المحتاجة رعاية ودعم زي دار المايقوما ودار المسنين ونزلاء السجون ومعاهد ذوي الاحتياجات الخاصة وغيرهم وغيرهم ... وبتحرص إنها تقيم فيها من حين لأخر الإحتفالات بمناسبات متنوعة زي عيد الفطر وعيد الأضحى وعيد الأم والكثير من المناسبات وبتحرص تدعوا ليها الكثير من الفنانين والمسئولين والصحفيين للغناء والتغطية من أجل نشر اخبار هذه النشاطات واجتذاب الدعم من الدولة وباقي المؤسسات ..!!
مرة من المرارير أتصل بي فنان شبه معروف بيسأل عن مكان واحدة من الدور دي ..! قلت ليهو مقرها جمبنا طوالي .. ما صدق قال لي جاييك هسي !! قلت ليهو يا زول دقيقة الحاصل شنو ؟!! قفل السماعة قبل ما أخت الموبايل من يدي الزول دا جاني مقتحم المكتب (مع إنو كان متصل من بعيد لكن وصلني بالسرعة الصاروخية دي كيف وبي شنو الله أعلم!!) !!
الزول متشنج : أرحكاكا وسريع نحصل ..!! قلت ليهو هو في شنو ؟ قال لي بحكي ليك في الطريق ..!!
وانحنا ماشين قعد يحكي لي عن الحفل الخيري الترفيهي برعاية منظمة ......... في دار ....... وإنو هسي في كمية من الفنانين والصحفيين ووزير وكم مسئول وانو في تغطية إعلامية مكثفة ..!! قلت ليهو إنت هسي ماشي داعينك ولا ضيف ساي ؟! قال لي أنا ماشي أشوف لو في فرصة غناء بغني ولو ما في الواحد بيظهر على الأقل في التلفزيون والجرائد إنشالله يبشر ساي !!
طبعا إندهشت ..!! لكن قلت النصل نشوف الحاصل شنو ..!!
أول ما وصلنا لقيت زحمة ما تديك الدرب .. الفنانين والعازفين البرة وما لقوا طريقة يخشوا اكتر من الجوة .. والفنانين والعازفين والبعامين الجوة والبرة أكتر من نزلاء الدار دا ..!! في كم فنان كدة معروف غنى غنية ونزل .. وانا براقب في المشهد وبشوف التحانيس ..
في أكتر من 15 فنان داير ليهو فرصة يمسك المايك إنشالله يقول : ألو تست ون وينزل .. وبرضو ما في طريقة !! يا جماعة شوفوا فلان الفلاني يشوف لينا فرقة .. أنا عندي تلفون دكتور ...... مشرف الدار وضربت ليو لكن تلفونوا ما بيرد ..! طيب وين السكرتيرة ديك .. هي وعدتني تديني فرصة غنية وهسي ما لاقيها ...!!
تبرم .. ولهفة للظهور بطريقة ما عادية .. طبعا ليهم حق لأنو قدامم مولد بيحتاج ليهو أي مطرب ناشي أو داير يظهر .. مسئولين وصحفيين وتلفزيون وهلمجرا ..!! لكن إتخيلوا أكتشفت شنو ..!!
أكتر من تلاتة ارباع الفنانين ديل أساسا جايين ضهب بي عازفينهم .. ما في زول دعاهم والدعوة كانت لي فنانين معينين . لكن بحكم العلاقات المتشعبة الأنا اتكلمت عنها جبيل وبحكم أنهم بيكونوا لقطوا الخبر من جريدة أو تلفزيون جو جاريين واي واحد يتمنى يغني غنية أو على الأقل يقول كلمة في المايك أو (ستيتمينت) صغير .. يتكلم فيها عن تعاطفوا مع المأساة القداموا دي ويعلن عن تبرعوا بي دخل أي حفلة يحييها لصالح الدار دا ..(البيسمع بي تبرعوا بي دخل حفلاتو يقول الولد ولا بريتني سبيرز مع العلم إنو اساسا ما عندو دخل حفلات ودخل الحفلات إن وجد عبارة عن صحن عشاء أو سندوتشين شاورمة وقزازة بزيانوس ) وطبعا ديل يستحيل يفرط فيهم ويتبرع بيهن .. لكن طبعا التصريحات ما بقروش لكن هدف الظهور بيكون إتحقق ..!!
مرة قابلت واحد من اعضاء إدارة واحدة من المنظمات البتشرف على الدور دي واثناء النقاش عرج الحديث لي ظاهرة تكالب الفنانين على الحفلات دي .. فقال لي أساسا الفنانين ديل بيغنوا بدون اجر وبيجوا متطوعين .. وأنحنا ما بنقدر نمنعم يغنوا في إحتفالاتنا حتى لو صوتم كأصوات الحمير ..! لكن بيهمنا إنو نزلاء الدور دي يكونوا مبسوطين ويكونوا حاسين في ناس شاعرين بيهم ومتضامنين معاهم وافتكر دا مبرر موضوعي ..!!
قبل فترة قصيرة كان معاي واحد فنان شاب ..بيكلمني ألقى ليهو واسطة يكون ثابت وأساسي في أي إحتفال خيري وهو مستعد يغني مجانا او بأقل أجر .. وبعد داك كلمني عن فنان شاب تاني إنو ماضي عقود مع أكتر من اربعة منظمات يغني ليها بأجر رمزي في كل إحتفالاتا ومناسباتا .. وذكر لي إنو الفنان دا بسبب العقود دي بقى أساسي في الجرائد والتلفزيون والظهور دا جاب ليهو حفلات كتيرة عامة وخاصة والضحاكات عندو ما تديهو الدرب ..!!
يا جماعة رايكم شنو ؟! خلوني أنا ؟!! |
وهمات الفنانين الشباب ..!!
|
|
|
|
|
|
|
العنوان |
الكاتب |
Date |
لماذا يذهب الفنانون والفنانات لمنكوبي السيول برفقة القنوات الفضائية ؟؟ | عاطف عمر | 08-24-13, 11:15 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | عاطف عمر | 08-24-13, 11:22 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | أمين محمد سليمان | 08-24-13, 11:25 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | عاطف عمر | 08-24-13, 11:28 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | عاطف عمر | 08-25-13, 06:42 AM |
Re: لماذا يذهب الفنانون والفنانات لمنكوبي السيول برفقة القنوات الفضائي | مهدي صلاح | 08-25-13, 08:19 AM |
Re: لماذا يذهب الفنانون والفنانات لمنكوبي السيول برفقة القنوات الفضائي | بله محمد الفاضل | 08-25-13, 08:24 AM |
Re: لماذا يذهب الفنانون والفنانات لمنكوبي السيول برفقة القنوات الفضائي | مهدي صلاح | 08-25-13, 08:34 AM |
Re: لماذا يذهب الفنانون والفنانات لمنكوبي السيول برفقة القنوات الفضائي | بله محمد الفاضل | 08-25-13, 08:48 AM |
Re: لماذا يذهب الفنانون والفنانات لمنكوبي السيول برفقة القنوات الفضائي | Abdelslam Malik Ali Elhag | 08-25-13, 09:20 AM |
Re: لماذا يذهب الفنانون والفنانات لمنكوبي السيول برفقة القنوات الفضائي | عاطف عمر | 08-25-13, 02:39 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | عاطف عمر | 08-25-13, 02:40 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | عاطف عمر | 08-25-13, 02:49 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | عاطف عمر | 08-25-13, 02:59 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | الزنجي | 08-25-13, 03:32 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | ناذر محمد الخليفة | 08-25-13, 03:50 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | عاطف عمر | 08-25-13, 05:59 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | عاطف عمر | 08-25-13, 06:13 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | عاطف عمر | 08-25-13, 09:17 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | عاطف عمر | 08-26-13, 06:54 AM |
Re: لماذا يذهب الفنانون والفنانات لمنكوبي السيول برفقة القنوات الفضائي | إدريس محمد إبراهيم | 08-26-13, 07:39 AM |
Re: لماذا يذهب الفنانون والفنانات لمنكوبي السيول برفقة القنوات الفضائي | معاوية المدير | 08-26-13, 11:13 AM |
Re: لماذا يذهب الفنانون والفنانات لمنكوبي السيول برفقة القنوات الفضائي | عاطف عمر | 08-26-13, 01:01 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | Elmosley | 08-26-13, 01:23 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | عاطف عمر | 08-26-13, 04:15 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | عاطف عمر | 08-26-13, 04:21 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | عاطف عمر | 08-27-13, 09:39 AM |
Re: لماذا يذهب الفنانون والفنانات لمنكوبي السيول برفقة القنوات الفضائي | Elmosley | 08-27-13, 09:49 AM |
Re: لماذا يذهب الفنانون والفنانات لمنكوبي السيول برفقة القنوات الفضائي | ملهم كردفان | 08-27-13, 07:22 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | عاطف عمر | 08-28-13, 10:35 PM |
Re: لماذا يذهب الفنانون والفنانات لمنكوبي السيول برفقة القنوات الفضائي | ملهم كردفان | 09-01-13, 03:00 AM |
|
|
|