أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الدين

Quote: يا سيد رغيم يا زول ما تفتل من راسك ساى. انتا ما حاضر اى حاجة فى الجامعة و ما عندك حزب بقولوا عليهو عشان يوريك الحاصل شنو. و الله لو قمنا للفت هنا و الله العظيم تنسهكوا ساى فى الرجلين. قصة التغويص دى كلها هتراشات و تخمينات ما عندها سند اى زول بفتل فيها على كيفوا. بهناك شذى بله قالت انو الجبهة الديمقراطية اعلنت فى ركن انو وائل غواصتها فى حق، هسه انتا جيت قلتا الجبهة الديمقراطية اصدرت بيان فصلت وائل و ما بين الفصل و ما بين الاعتراف الفخور جماهيرياً مسافة بعيدة يا انســـان. ولا شنو؟. هسه انتا عندك نسخة من البيان تجيبها هنا ولا القصة شتل فى شتل؟ فى زول قبلك قال انو وائل كان غواصة فى حق لانه كان ينادى بالكولنق بقصيدة محجوب شريف غنى يا خرطوم غنى، مما لفت اٍنتباه الناس لذلك. ياخ هى انا لو عندى غواصة معقول اخليها يعمل كده؟ الطبيعى انو الغواصة بيخفى كل ما يثير الشكوك حوله، لكن نقول شنو مع البلادة الحاصله دى!! حتى الفتل دا الناس بليدة فيهو. لماذا كل من يترك حق او يختلف معهم يتعرّض لاغتيال الشخصية بهذا الطريقة. من قبل طلعوا الحاج وراق امنجى، ثم طحنوا قرشى عوض هنا بلا رحمة، رغم انو الله قرشى عوض دا كان متلحنا تلحه شديده، فى الاخر طلع قرشى عوض دا عبارة دكتاتور شمولى متسط و ضعيف القدرات و فيهو كل العبر الفى الدنيا. مثل ما ندين تصرف وائل طه و تستره على محمد ناصر فانا ادين بشدة حملة اٍغتيال الشخصية التى يتعرّض لها و تتعرض لها الجبهة الديمقراطية.