|
|
 قوم إذا ( عطس ) أحدهم .. رفع المهندس بكري ( بوست عطسته ) لأعلى الصفحة الأولى
|
الأخ العزيز المهندس بكري
تحياتي وسلامي
أرجو ألا تفهم كلامي هذا أنه ( تدخل في عمل الإدارة )
لكنه حديث من يحس بالإنتماء لهذا الموقع ويهمه أن يكون الموقع معبراً عن هموم شعبنا
إذا كان حديثنا أن الموقع معبر عن هموم شعبنا فتكون بالضرورة عناوينه الرئيسة هى ( أهم ) ما جادت به قريحة الأعضاء وفكرهم
لن أفترض بالضرورة أن تأخذ المواضيع المختارة لصدارة الموقع أى صبغة سياسية كانت أم إجتماعية أم رياضية أو خلافه. بل قد يكون من الحكمة مزاوجتها
لكن الأهم
أن تكون فعلاً هى ( أهم ) ما كتب الأعضاء
سواء من ناحية المادة
أو العرض
أو المداخلات
فهل العناوين المختارة لصدارة ( موقعنا ) هى كذلك ؟؟
|
|
 
|
|
|
|
|
|
|
|
Re: قوم إذا ( عطس ) أحدهم .. رفع المهندس بكري ( بوست عطسته ) لأعلى الصفحة الأولى (Re: عاطف عمر)
|
| Quote: قوم إذا ( عطس ) أحدهم .. رفع المهندس بكري ( بوست عطسته ) لأعلى الصفحة الأولى |
للعنوان طرفة يذكرها ( العواجيز ) أمثالنا ممن درسوا في جامعة الخرطوم في سبعينات وثمانينات القرن الماضي
فتلك الفترة قد حفلت بجيل فطحل من الطلاب الذين برزوا في مجال العمل السياسي في مختلف التنظيمات
أمثلة وليس حصراً
أحمد المصطفى دالي وعمر القراى من الأخوان الجمهوريين
التجاني عبدالقادر وإبن عمر محمد احمد من الإتجاه الإسلامي
صديق الزيلعي وصديق عبدالهادي ( زميل البورد الحالي ) من الجبهة الديمقراطية
إبن عمر محمد أحمد هو صاحب طرفتنا
صادف العام 1979 توحد كل التنظيمات السياسية ( عدا الإتجاه الإسلامي) فى قائمة موحدة في محاولة لتغيير قانون الإنتخاب من نظام الحر المباشر إلى نظام التمثيل النسبي
لذلك كان النشاط على أشده بين كل التنظيمات السياسية من جهة والإتجاه الإسلامي من جهة أخرى
إبن عمر كادر جماهير أخذ شهرة كبيرة أثناء أحداث مارس 1973
في ندوة حاشدة ( كبرى ) - كما يصف الأخوان المسلمون دوماً ندواتهم - تحدث فيها ( كبار ) أو شيوخ تنظيم الإتجاه الإسلامي كما وصفهم المعتصم عبدالرحيم
قال إبن عمر في خطبته الحماسية واصفاً التنظيمات السياسية وحملتها ضدهم
" قوم إذا قرصتهم نملة .. قالوا إن نملة من الإتجاه الإسلامي قد قرصتنا ، ماهذا ؟؟ أهو بيت بكاء ؟؟ "
| |
|
|
|
|
|
|
|
|
|
|
Re: قوم إذا ( عطس ) أحدهم .. رفع المهندس بكري ( بوست عطسته ) لأعلى الصفحة الأولى (Re: Ahmed musa)
|
Quote: فعلا قصة رفع العناوين دي أنا ماقادر أفهمها
لكن واضح إنها فيها مشكلة
ودايرة نقاش جاد وحقيقي |
تحياتي وسلامي عزيزي أحمد موسى
يا ريت لو في معايير محددة
صحيح أنو حب الناس مذاهب كما يقولون
لكن ليكن المعيار للرفع للصدارة البوست الذي يخدم أكبر شريحة من الناس - مثلاً -
لكن بالذمة شنو يستفيد أى قارئ من أنو ( س ) من الناس إتصل بى ( ص ) وجاملو أو نافقو أو هناهو أو عزاهو علشان بوست زا دا يكون ( عنوان ) للمنبر ؟؟Quote: شكرا لفتحك للموضوع للنقاش
والله يحفظه من كل حذف ... |
غايتو قرينا المعوذات وآية الكرسي
وأول مداخلة كسرنا فيها زى عشرين لوح تلج
وبرضو نقول
الحافظ الله
| |
|
|
|
|
|
|
|
|
|
Re: قوم إذا ( عطس ) أحدهم .. رفع المهندس بكري ( بوست عطسته ) لأعلى الصفحة الأولى (Re: ALazhary2)
|
الأزهري يا خوي
من يخطب الحسناء لا يغلها المهر
أديهو إسمك بالكامل من نفسك أحسن
في زمن التكنولوجيا دي
لو لا سمح الله عاوزين يعرفوك بعرفوك ويعرفوا جيرانك زااتم
شوف قضية الزول داك الكان بيكتب بى نك نيم
لمن تخطى حدوده مع الأخت منال خوجلي
الحكومة والتكنولوجيا جابوهو
ياخوي الزمن العلينا دا ما معروف
الكاتل الله والبيحى الله
أدى بكري إسمك
وتمتع بمكتبتك
على الأقل تكون تركت لأحفادك إرث ضخم
يجو أولادك وأولاد أولادك بعد مئات السنين يشوفوا ميراث جدهم
| |
|
|
|
|
|
|
|
|
|
Re: قوم إذا ( عطس ) أحدهم .. رفع المهندس بكري ( بوست عطسته ) لأعلى الصفحة الأولى (Re: محمد زكريا)
|
Quote: سلامات شاعرتنا الكبيرة ( فناً ومقداراً ) سوما
حيا الله أستاذنا مهدي محمد البصير
كنا عندما ( نفحمه ) ونحن أيفاع مشاغبين بسؤال لا يملك له رداً
يجيب بتلقائية
" سؤالك وجيه ، لكن ما حأجاوبو ليك " |
مرحب حبابك يا عاطف يديك الف عافيه يا رجل يا نبيل
يعظم شأنك ويعلا مقدارك يا رب
فى الحقيقة قريت البوست ده الصباح وكنت فى المكتب
عجبنى جدا طرحك للموضوع بصراحه ما قدرت اصبر لما ارجع البيت
وفى نفس الوقت ما قدرت استرسل معاك مع زحمة الشغل وعدم الكى بورد العربى
فعذرا للمداخلة المختصرة
لكن بالجد بوست جريء اتمنى ان يجد الاهتمام من سيد الحوش بكرى
لك التحايا مجدداا اخى العزيز
والتحية عبرك لاسرتك الكريمه ودمت اخا عزيزا
| |
|
|
|
|
|
|
|
|
|
Re: قوم إذا ( عطس ) أحدهم .. رفع المهندس بكري ( بوست عطسته ) لأعلى الصفحة الأولى (Re: soma)
|
Quote: فى الحقيقة قريت البوست ده الصباح وكنت فى المكتب
عجبنى جدا طرحك للموضوع بصراحه ما قدرت اصبر لما ارجع البيت
وفى نفس الوقت ما قدرت استرسل معاك مع زحمة الشغل وعدم الكى بورد العربى
فعذرا للمداخلة المختصرة
لكن بالجد بوست جريء اتمنى ان يجد الاهتمام من سيد الحوش بكرى |
ما أسعدني صدقاً وحقاً
والإشادة بالبوست تأتي من شاعرتنا المجيدة وأختنا الغالية سوما
لا ننكر أن هذا المنبر قد أصبح جزءاً مهماً في حياتنا
والحال هكذا أحس أنه من الواجب أن نسهم مع الأخ بكري بالتفكير
نكون إيجابيين في تفاعلنا معه
عل ما نطرحه من أفكار يسهم في تطوير الموقع
أهديك هذه الطرفة
أرادني إبني محمد الأمين أن أذهب معه لشراء لعبة له
استأخرته دقائق لأكمل مداخلة في بوست كنت أعده
صبر على مضض
عندما ذهبنا للسوق وجدنا أن الدكان المعني قد أغلق
حاولت أن ألطف الجو بالقول أننا " سنحضر غداً ومافي حاجة إتأخرت وفي كل الأحوال إنت ما كنت حتلحق تلعب بيها هسع "
لم يرد وظل ساكتاً
عندما دخلنا البيت أول حاجة عملها جرى للكومبيوتر وفتح موقع سودانيزأونلاين
وزعل الدنيا يشع من عينيه خاطبني
" شوف يا بابا ضيعت على اللعبة ساكت ، بوستك الأخرنا دا زوول إتداخل معاك فيهو مافي "
| |
|
|
|
|
|
|
|
|
|
Re: قوم إذا ( عطس ) أحدهم .. رفع المهندس بكري ( بوست عطسته ) لأعلى الصفحة الأولى (Re: عاطف عمر)
|
| Quote: شوف يا بابا ضيعت على اللعبة ساكت ، بوستك الأخرنا دا زوول إتداخل معاك فيهو مافي |
لووووووووووووووول .. والله ضحكتونى كيف الليه انت وولدك الظريف
بديت صباحى بابتسامه جميلة من الولد الظريف ده ربنا يديه الصحة ويحفظه ان شاء الله
والله كلامو صاح بقينا نلاقى ناس البورد اكتر من الناس الموجوده معانا فى البلد..
وفعلا الزمن بياخدك لما تكون مصاقر النت وبالزات البورد
شكرا اخى عاطف لقد جعلتم يومى مبتسما من بدايتة
شكرا مطر والتحايا عبرك للاسرة الكريمة
| |
|
|
|
|
|
|
|
|
|
Re: قوم إذا ( عطس ) أحدهم .. رفع المهندس بكري ( بوست عطسته ) لأعلى الصفحة الأولى (Re: عاطف عمر)
|
الأخ الكريم عاطف عمر
سلام عليك
أبشرك أول بوست تفتحه بعد البوست دا مباشرة بتلقاه معلق فوق راس المنبر
ومن هسع عليك الله جيب بوستك بتاع المديح كان الله يقدر يرفعوه فوق
باقي أنا مغرودة فيه بالحيل أيامك الفتحته ديك صادف أيام الدهاريب والهبايب والهكر
وراجية الله بكري يرفعه فوووق عشان يكضمك باقي في زول قبالك فتح نفس الموضوع دا
وحاتك بعد يومين تلاتة أشوف ليك بوست من بوستاته مرفوع يعني كضموه يسيها الله عليك ياعاطف
وكت الله يرفعكم ماتنسونا أنا بجيب لي رابط أدخله في بطن بوستك البكون فوق_ ماتقول لي مصالح ـ
Quote: أ- الإستمرار فى وضع عناوين بوستات - فى مشلعيب البورد - ينطبق عليها تساؤلك المشروع هنا.....ثم
2- إستنباط تثبيت عناوين أخبار من صفحة المنبر العام بطريقة لا يمكن تجاوزها ولا أتذكر أننى دخلت أى منها ولو بالخطأ. |
مولانا أبوبكر
سلامات
منتظراك لقصائد العوض مصطفى
| |
|
|
|
|
|
|
|
|
|
Re: قوم إذا ( عطس ) أحدهم .. رفع المهندس بكري ( بوست عطسته ) لأعلى الصفحة الأولى (Re: أبوبكر أبوالقاسم)
|
Quote: يا باشمهندس:
بوست تلاعب الحركة الشعبية كان ضربة معلم فقد أثبتت الأيام والأحداث الساخنة الحديثة صحة التحليلات. |
تحياتي وسلامي مولانا أبوبكر
من دواعي فخري أنكم كنتم شركائي في ذلك البوست
كانت مداخلاتكم الرصينة تشكل إضافات حقيقية وإلهاماً
نعم معك أتفق ( فقد أثبتت الأيام والأحداث الساخنة الحديثة صحة التحليلات )
ذلك لأننا جميعناً كنا نرصد الوقائع المجردة
ونبني تحليلاتنا بناء على تلك المعطيات المجردة
لا مصلحة لنا إلا الحقيقة والوطن
| |
|
|
|
|
|
|
|
|
|
Re: قوم إذا ( عطس ) أحدهم .. رفع المهندس بكري ( بوست عطسته ) لأعلى الصفحة الأولى (Re: سمية الحسن طلحة)
|
أختنا العزيزة سمية بت الشيخ
تحيات وسلامات| Quote: أبشرك أول بوست تفتحه بعد البوست دا مباشرة بتلقاه معلق فوق راس المنبر |
وحياتك حصل
ومولانا أبوبكر جاء وقال كلاماً بالعربي الفصيح يا عم بكري ارفع البوست دا
وتماها ليهو رطانة بالإنجليزي من النوع البيخليك تتحسسي مكان الدكشنري
وبرضو عمنا بكرنا ( عامل أضان الحامل طرشا )
وبرضو نقول
إمكن قسى
وإمكن نسى
وإمكن ظروف المدرسة
Quote: ومن هسع عليك الله جيب بوستك بتاع المديح كان الله يقدر يرفعوه فوق
باقي أنا مغرودة فيه بالحيل أيامك الفتحته ديك صادف أيام الدهاريب والهبايب والهكر
وراجية الله بكري يرفعه فوووق عشان يكضمك باقي في زول قبالك فتح نفس الموضوع دا
وحاتك بعد يومين تلاتة أشوف ليك بوست من بوستاته مرفوع يعني كضموه يسيها الله عليك ياعاطف |
بوست المديح مشى المكتبة
لكن يا بت الشيخ إنتى طلباتك أوامر
نفتح ليك واحد مخصوص
ربنا يهون القواسي ويزيل العوارض
تجلت صديقتي اللدودة السيدة الفضلى ( بعلتنا ) بأن قالت
" بكري لو عاوز يحرجك ويطلعك غلطان يقوم يرفع ليك البوست دا زااتو "
لكن الحمد لله ، ربك ستر
الله عفانا من الإحراج والغلطQuote: وكت الله يرفعكم ماتنسونا أنا بجيب لي رابط أدخله في بطن بوستك البكون فوق_ ماتقول لي مصالح ـ
|
ما بين الخيرين حساب يا بت الشيخ
وحياتك نطلع سوا
وننزل سوا
| |
|
|
|
|
|
|
|
|
|
Re: قوم إذا ( عطس ) أحدهم .. رفع المهندس بكري ( بوست عطسته ) لأعلى الصفحة الأولى (Re: yasir Abdelgadir)
|
Quote: لضيق الوقت كنت بعتمد علي انواشوف البوستات المرفوعة بس
بعدين اكتشفت انو انا ضيعت بوستات ومواضيع كتيرة وهامة جدا
الان بقيت اخر بوستات اقراها هي البوستات المرفوعة |
شايف يا بكري
كدا كويس ؟؟
أخونا ياسر ضيع بوستات ومواضيع كتيرة وهامة جدا
نحنا أهل الحوش ما عندنا مشكلة
لكن الناس المن برة البورد البيقروا البوستات دي المرفوعة يقولوا علينا شنو ؟؟؟
لكن الغريبة يا ياسر بكري دا ما قاعد يرفع بوستات الكورة كلو كلو
هو مالو معاكم ؟؟
تشكرات كتيرات وسلام أخي ياسر
| |
|
|
|
|
|
|
|
| |
عاطف عمر
Haydar Badawi Sadig
Ahmed musa
أبوبكر أبوالقاسم
أمين محمد سليمان
Emad Abdulla
ALazhary2
بدر الدين اسحاق احمد
humida
Magdi Ahmed Elsheikh
محمد زكريا
عاطف عبدون
فيس بوك
تويتر
انستقرام
يوتيوب
بنتيريست