|
|
 أمــ(تطاول)ـــــــد...!
|
للجميع المحبة
كل عام وانتم بخير
...
فجأة يجد الانسان نفسه خارج المنبر,بالغياب القسري أو الطوعي ,
ويكتشف ان ذلك الأمر في غاية القسوة
ثم...
يعيد اكتشاف (العجلة) من جديد
أن المنبر صار جزءً من حياتنا
برنامج يومنا
واستأثر بجل التفكير
انها حالة ادمان متأخرة
ولا يُجدي معها سوى التواصل..فعذرا عن الانقطاع
ولأن الأيام الفائتة كانت مزحومة بالاحداث
فلن تكفي اشارات متقطعة للتذكير بها
لكن المرء في غرارة نفسه تألم كثيرا لما
حدث هناك ولن تضيف مثل هذه الكلمات العاجزة شيئاً الى
تلك الوقفة الصلبة التي شهدها المنبر
ثم يفرح الواحد منا كثيرا حينما يقف على تلك (البوستات) التي حملت الحب والسلوى
ويفرح كذلك بمطالعة الوجوه المنبرية التي غابت ردحاً من الزمن ويحزن على أخرى اختفت أو مارست البيات القهري
التحية لكل منبري جسور لايزال قابضاً على جمر التواصل
التحية لكل من سأل واستفسر عن سبب الغياب
وهنا أخص بعض الاخوة الذين لا أريد تسميتهم بالتحية لرسائلهم المتصلة في الأيميل والماسنجر
وكل عام والجميع بخير
وحفظ الله بلادنا من كل سوء
|
|
 
|
|
|
|
|
|
|
|
Re: أمــ(تطاول)ـــــــد...! (Re: القلب النابض)
|
كل عام وانت والاسرة بألف خير
ويبدو ان لعنة (العولمة ) واعنى بها العكس تطاردنا فى تلك الاصقاع
البعيدة عن المركز (العاصمة ) حيث نودع دوام الكهرباء ومن بعدها
مراكز الحاسوب ونظل -لذلك - بعيدين قصريا عن النت والمنبر
كل سنة والجميع بخير والعام القادم العزازى منوره
| |
|
|
|
|
|
|
|
|
|
Re: أمــ(تطاول)ـــــــد...! (Re: معاذ منصور)
|
الأعزاء الآتية أسماؤهم:
عادل فضل المولى
القلب النابض
معاذ منصور
نصر الدين البشير
وآخرون
السلام عليكم جميعاً
وكل عام أنتم بخير
أما بعد،،
الأخ عادل
حضرت لمنزلكم العامرة يوم العيد عشان أهنيكم بالعيد
لكن قالوا لي مشيت صلاة العيد.. فروق الوقت دايماً بتعمل مشاكل
جميع الانقلابات العسكرية في السودان نجحت بسبب فروق الوقت.. تخيل
أنا زمان قبل ما أكون عضو في المنبر كان عندي وقت كافي لعمل أي شيء
لكن من دخلت المنبر ده بقى ما عندي زمن.. يومي بقى 12 ساعة بس
بحاول بقدر الإمكان أتخير المواضيع وأطالع الجميل منها وأشارك بقدر الإمكان
لكن المشغوليات مرات تجبرك تبتعد يوم ويومين ومرات أكتر..
يا اخي بوست (مجرد ملاحظة) ما أتهنيت بيهو وما زال قابعاً
في الجانب الآخر.. حاولت عدة مرات وفي النهاية عرفت إنو
المفروض كنت أكتب لبكري عشان يقطعوا لي الجدول
لكن للأسف البوست لحق إبل العربي
المهم أقول ما في قسمتي
والشاعر الجاهلي قال: الخسران يطلع من المصران
بمناسبة المصران: عملت لي شنو في النكتة؟
| |
|
|
|
|
|
|
|
|
|
Re: أمــ(تطاول)ـــــــد...! (Re: Nasruddin Al Basheer)
|
الجميلون
القلب النابض
معااااااااذ
نصرالدين
طلتكم بالدنيا وكل يوم وانتم بألف خير
ولا أجمل من لقاء الأحباب
معاذ وود البشير
والله كان عيييييييييييييييد في الجزيرة
يؤرخ له لـ(قرون) قادمة
ولو شفت يامعاذ (كمية) الخرفان والكولا والسفن أب
تقول نحن بقينا في عالم تاني غير السودان الزمان داااااااااك
تتصور يا نصرالدين نحن من ما مرقنا من (المسيد)
العربية (تفج) في الخرفان لحدي ما وصلنا ابوعشر
والموقف دا ذكرني نكتة اخونا (الجااااااااااك) القال للبنية في (دار الاتحاد)
- هل تذكرانها- قال ليها نحن في حلتنا وقت نجي نشرك للطير ..نفجو كدي - وأشار بيديه - حتين نخت القلابة...!
ضحكت وقالت ليهو طيب ما تقبضوا بي ايديكم ساكت..؟
قال ليها وكان بنقضبو بي ايديناأكان بقى عندي موضوع هسي..!
عووووووووووك على تلك الايام
...
ود منصور..
العزازي منورة ليها فترة طويلة
والديجتالات مصبوبة فوق حيط الجالوص والطين
وروتانا سينما (شالعة للآخر) ومش حتقدر تغمض عينيك
تصدق الفيلم تبداه في الفريق القدام وتمو في الفريق الوراء
والاعلانات تسمعها وانت في الزقاقات
والناس بقت لابدة جوة البيوت ..لا حوامة ولا رحيح في الحر
المراوح تهبهب والموية بااااااااردة في الحفاظات
عشان كدا الطفرة كانت كبيرة
والبنات يا معاذ بقن سمحات جنس سماحة
ونحن لما نمشي - زي ما حصل في العيد الفات دا- تقول جايين من بلد فيها مجاعة
يعني النشاف والغبشة والخرطوم انت براك عارفها
..
نصر الدين ما قادر اعلق ليك على النكتة
لأنو الطلب ذاتو نكتة
ودي زي صاحبك دااك (مرضان الكوشتينة) الجروهو بالخمسين
قالو جاء الدغش للزول الجراهو - طبعاً الليل كلو ما نام- ووقع في الباب خبت شديد
وأول ما زولو ظهر قال ليهو:
أسمع لو اديتك "دو هارت" عليك الله بيكون خمسين..؟
صاحبنا قال ليهو : لو رميت اصبعك ذاتو خمسين يلا امشي نوم نومك ..!
....
ياقلب
كيفك والبلد البعيدة والعيد الجميل
أكيد الخروف ضبحتوهو في مستشفى خاص بعد عملية تخدير كاملة...!
والا انتظرو جماعة حقوق الانسان (اقصد الحيوان)..
كل سنة وانت طيبة
والصغير (محمود) عيد ميلادو يوم 18 يناير - الشمعة الثالثة- يعني حضري الهدية من هسي لي يوم الاربعاء
وسلام لأحلى الحلوين
وصحي البعاااااااااد صعب
| |
|
|
|
|
|
|
|
|
|
Re: أمــ(تطاول)ـــــــد...! (Re: فيصل نوبي)
|
كل سنة وحمودى بالف عافية وعقبال مئة شمعه
ومصيبتنا عادل اننا لا نأرخ لحلو السنين
والاعوام والسنين ارتبطت عندنا بذكريات اليمة من زمن بعيد
عام الفيل وعام الرماده
وعام النكسة وسنة 6 والمجاعة
وسنة البحر شال فلان وسنة وسنة وسنة
لااحد منا يذكر السنوات الحلوة الخاصة به
نتمنى ان ينشلنا محمد وانداده من هذه الهوة
لنارخ لحلو الايام وكل سنة انت وهو ونحن بخير
عيد ميلاد سعيد وعمر مديد
وللصغير حبى وودى
| |
|
|
|
|
|
|
|
|
|
Re: أمــ(تطاول)ـــــــد...! (Re: معاذ منصور)
|
الأحباء
نوبي
وود منصور
انبل التحايا
يانوبي انت براك عارف الشوق
الا لعنة الله على التكنولوجيا التي حرمتنا من التواصل معكم
بعدين شايف الرفاق (هجوا) الحاصل شنو..؟
وكنت اتوقع ان التقي ود عقيد في الخرطوم بعد العيد
لكن لا خبر ولا ظهور حتى على المنبر
..
بالنسبة للبيجو
ابسط يا عم فمحمود أحمدي نجاد
رئيس ايران شخصيا اثبت انه غرقان في حبها
هل تتصور انه يمتلك واحدة بيضاء عمرها 30 عاماً
أي والله ..
اما الهمر فالصالون الفاخر منها الذي يصلح ان يكون غرفة متعددة الاغراض
فقد تم طرحه العام المنصرم وبسعر 160 ألف دولار - على ما اعتقد,
غايتو انا خليني في (البيجو) خاصة ان الـ407 بقت منتشرة في الخرطوم
و(الهمر) مبروك عليك بس احذر عبوة ناسفة من المقاومة يزرعوها ليك قدام البيت..!
....
...
..
ابو التومات
محمود ورفاقه ورفيقاته هم الزاد للمستقبل
زاد الوطن والحب
وقد سمعت قبل ايام تعليقاً لطيفاً من احد الزملاء عن أطفال العصر الحالي
حيث قال انهم (السعداء أولاد الأشقياء)
والعبارة لا تحتاج الى شرح أو تفسير
فقط انظر الى نفسك..
ويا حبيب
لنتظاهر بالفرح لما يفرحهم
لأننا كما قلت
| Quote: والاعوام والسنين ارتبطت عندنا بذكريات اليمة من زمن بعيد |
واستميحك ان أفرد بوستا لذكرى ميلاد محمود لانه أحد (أعضاء) المنبر
وحينها لـ(نتجدع) جميعنا في البهجة المختلسة
دمت ودام الأحباء والحب والمنبر
| |
|
|
|
|
|
|
|
|
|
Re: أمــ(تطاول)ـــــــد...! (Re: saadeldin abdelrahman)
|
العزيز عادل ود فضل المولى
قصدت ان تاتي مداخلتي اليوم 18 يناير لاشارككم والاسرة الكريمة بعيد ميلاد الصغير محمود، وهو يخطو اليوم ليكمل عامه الثالث. وانت تعرف ان اشياء كثيرة مشتركة تجمع بيننا في هذه المناسبات. وددت ان اكون حاضرا معك، بنفسي، لا بحرفي الذي هو اضعف الايمان.
لك وللاستاذة ولمحمود وشقيقه كل المودة. وكل عام وانتم بخير وبلغ محمود تهاني الصغيرة ايثار التي، كما تعلم، تحتفل مثله بعيد ميلادها الثالث الشهر القادم.
| |
|
|
|
|
|
|
| |
عادل فضل المولى
القلب النابض
معاذ منصور
Nasruddin Al Basheer
فيصل نوبي
saadeldin abdelrahman
حسن البشاري
فيس بوك
تويتر
انستقرام
يوتيوب
بنتيريست