|
|
|
 Re: اعادة تأهيل دار المسنات بالسجانه , تنفيذ (منظمة تنادينا) ... أيدكم معانا... (Re: naeem ali)
|
الاحتياجات العينيه :-
قد يعني (انقطاع الكهرباء) بالنسبة لك في هذا الصيف (مشكله)..
لكن..
هنالك من تبداء مشكلتهم مع الصيف (بمجرد دخوله)..
لا تعني الكهرباء سوي (لمبة) لا تسمن ولاتغني من جوع (طشاش)..
الحر.. وتقدمك في السن .. اجتمعا لجعل صيفك (حارقا) للغايه..
عدد (خمسه) مكيفات مويه..
احدهم (علي الاقل) متحرك..
تستطيع تحويل المناخ (لحبوبات) كتااااااااااار...
الان اصبح بامكانك المساهمه في (الطقس)..
فهل تقتنص هذه (الميذه)..!!؟؟
| |
 
|
|
|
|
|
|
|
 Re: اعادة تأهيل دار المسنات بالسجانه , تنفيذ (منظمة تنادينا) ... أيدكم معانا... (Re: naeem ali)
|
حبوبه انت مالك جنك تلفزيون كده..؟
- بونسني يا ولدي في الزمن المافيه زول بونس ده..
بتحضري شنو يا حبوبه .؟
- بحضور نور ومهند وبحضر كمان نشرة عشره وفي دكتورا كدي بونسنا الصباح, ومرات بجيبوا لينا غنانا الزماااان..
ايييك يا ولدي زمن الغناء غنا بالجد..
وكمان فيه برامج (فقه)..
حبوبه فقه شنو العليك.. عليك الله انت اسي خبره سااااااي كده مابقيتي مازون..؟
- والله التلفزيون بمرقنا من (هم الحياه) ده..
ربنا مايوريك هم يا حبوبه.. عايني
- (مقاطعة لي) هوي اسكت النشره بدت..
عدد (اثنين تلفزيون كبير)..
قدر مايكبر كويس (في شان ضعف النظر)..
وعدد (اثنين ريسيفر) بملحقاته..
والتركيب علينا..
اها في زولا/زوله داير يونس حبوباتنا ديل وماعنده طريقه يجي يونسهم براه..؟؟
اها دي فرصة (ونس حبوبتك)..
| |
|
|
|
|
|
|
|
|
|
Re: اعادة تأهيل دار المسنات بالسجانه , تنفيذ (منظمة تنادينا) ... أيدكم معانا... (Re: داليا الكباشى)
|
مالك داقه جرس من الصباح يا حبوبه ياخ..؟
- داقه جرس دي شنو كمان يا المشوطن..؟
يعني مالك (متكفرنه) وزهجانه..؟
- مالي مابزهج , توبي (المشجر الليموني داك) جابته لي البنيه المعاكم في عيد الام الفات
ماله يا حبوبه..؟
- (ست النفر) لقيته الصباح بتمسح بيه الترابيذ ,جنها مضايره المره دي
معليش ياحبوبه انا بغسله ليك واكويه و...
- اتشرط , التربيذه فوقا مسمار واتشرط توبي
انت ياحبوبه مالميته مالك طيب.؟ ترميه سااااي كده.!!
- المه وين عاد يا وليدي (مي ياهو الدولاب الواحد ومكسر ده).. والله كان لقينا لينا (دوليب) في الاوضه دي..
نحن الساكنات مع بعض ديل متفاهمات
عدد (سبعه) دواليب ملابس توزع علي الغرف..
بالاضافه (لتأهيل) الدواليب الموجوده (اعمال نجاره) بسيطه..
سبعه دواليب تحفظ لحبوبه توبا..
كتيره عليها...!!؟
| |
|
|
|
|
|
|
|
|
|
Re: اعادة تأهيل دار المسنات بالسجانه , تنفيذ (منظمة تنادينا) ... أيدكم معانا... (Re: محمد صباحى)
|
-زمان يا وليدي كان عندنا راكوبه, مفروشه رمله ومعروشه حصير..
من بعد شراب الشاي برشرشا واجيب عنقريبي (الكراب) واحكره في نصها
واجيب كانوني (كانون السرور) مابتعرفوهوا انتوا
كيف مابنعرفه يا حبوبه مش ياهو المدور داك..؟
- ايا ياهو , واقلي البني ويتلملمن معاي حريم الفريق ونتونس ونضحك
وبعد داك اخد لي غمده حلــــــــــــــــــــــــــــوه..
والله يا جناي ماني مشهيا لي حاجه اكتر من (غمدة الراكوبه) دي
عريشه ... راكوبه لحبوبه..
زنكي امريكي وكم عمود ولوري رمله..
(راكوبه لحبوبه)..
ومعزومين معاها (جبنه حلوه سودانيه)..
وبكرة أحلي
| |
|
|
|
|
|
|
|
|
|
Re: اعادة تأهيل دار المسنات بالسجانه , تنفيذ (منظمة تنادينا) ... أيدكم معانا... (Re: naeem ali)
|
| Quote: عدد النزيلات الان 28 من امهاتنا الطيبات.. |
خبر مفرح ومحزن في نفس الوقت مفرح إبتداء لأن هناك جهة إهتمت بشأن هؤلاء الأمهات ومحزن لإعتبار أن مثل هذه الدور هي كانت آخر مكان يمكن أن تنتهي فيه الأم أو الأب في بلادنا ويبدو أنها جنون العولمة فالغرب يفعل ذلك ونحن نمشي خلف الغرب "لاحظ نمشي" وأملي أن تكون الـ 28 أم موضوع هذا البوست حالة خاصة وآمل أيضاً أن لا تتكرر فالأم حتى وإن لم تفعل أى شئ لا يمكن بأي فعل نفعله تجاهها أن نكافئها على آلام المخاض ناهيك عن مراحل التكوين والتنشئة. .
| |
|
|
|
|
|
|
|
|
|
Re: اعادة تأهيل دار المسنات بالسجانه , تنفيذ (منظمة تنادينا) ... أيدكم معانا... (Re: معتصم ود الجمام)
|
نعيم
انا جاني ورق من الدار ومروس ومية المية وفيه الاحتياجات المطلوبة والمبلغ المطلوب
وحاولت مع جهات رسمية
واحدة مهم طلبت تفاصيل واوراق بنزل ليك هنا المطلوب واذا توفرت ما عندهم مانع يوفروا اي حاجة
اما عن قطر الخيرية برضو ماعندهم مانع في حال اتصالكم بمكتب قطر الخيرية في الخرطوم وبرضو بجيب ايميلو واسمو
الجهة التالتة وعدت خيرا بعد تقصيها عن الدار بمعرفتها
وفي انتظار ردهم من قبل شهر
انا في رايي الجهة الاولى هى الاكثر ضمان وليهم حق يكون عندهم شروط ونحاول نوفرها ليهم وانا قابلت المسئول قبل حوالي 3 اسابيع وفي انتظار الاقادة من ادارة الدار
| |
|
|
|
|
|
|
|
|
 Re: اعادة تأهيل دار المسنات بالسجانه , تنفيذ (منظمة تنادينا) ... أيدكم معانا... (Re: intehazy)
|
Quote: حنشرب الجبنة مع أمهاتننا ومعانا مداحات وبرنامج متكامل
ومعانا أخصائيين وأدوية وحنعمل يوم صحي متكامل
وإنشاء الله حنكمل المعمل الموجود في الدار
والنجار مننا للدواليييب يا سعادتك وحيكون حضووور معانا إنشاء الله طوالي
البرنامج من الساعة 2 ظ وحتى الساعة صلاة المغرب |
يا سلالالالام ياخي و ياريت لو كنا قريبين و حضرنا معاكم اللمة دي
والله ما قادرة احبس دموعي من الحسرة و الفرحة في نفس الوقت !!
الحسرة بسبب وجود دار للمسنين و المسنات في بلد كانت بتأوي الضيف
و الغريب بكل اريحية و هسة بقينا نرًسل امهاتنا لي غيرنا عشان
يرعوهن ! رغم إيماني أن اغلب النزيلات إن لم يكن كلهن حالات خاصة
و ظروف أسرية قاهرة كانت السبب في إيداعهن دار الرعاية ..
و الفرحة يا نعيم و إنتهازي لوجود شباب مثلكم حاملين هم الغير و عايشين
عشانهم ياخي ربنا يديكم العافية و يجعل كل اعمالكم في ميزان الحسنات
و إيدنا معاكم ..
تحياتي و تقديري
| |
|
|
|
|
|
|
|
|
|
Re: اعادة تأهيل دار المسنات بالسجانه , تنفيذ (منظمة تنادينا) ... أيدكم معانا... (Re: intehazy)
|
الاخ الحبيب ناظم (الاب الروحي لاطفال السرطان بالسودان)..
تحايا ومحبه يا صديق..
Quote: نعييم الغالي
إحنا الليلة الخميس 13/05
ماشين للدار
حنشرب الجبنة مع أمهاتننا ومعانا مداحات وبرنامج متكامل
ومعانا أخصائيين وأدوية وحنعمل يوم صحي متكامل
وإنشاء الله حنكمل المعمل الموجود في الدار
والنجار مننا للدواليييب يا سعادتك وحيكون حضووور معانا إنشاء الله طوالي
البرنامج من الساعة 2 ظ وحتى الساعة صلاة المغرب
حضور الكل يهمنا |
معاكم يا الحبيب باذن الله..
| Quote: وأكيد بكرة بيييكم أحلى |
اكيد ياناظم يا اخوي بكرة أحلي..
بكم ... بهم ... بالصغار القادمين..
| |
|
|
|
|
|
|
|
|
 Re: اعادة تأهيل دار المسنات بالسجانه , تنفيذ (منظمة تنادينا) ... أيدكم معانا... (Re: SHIBKA)
|
الاخت العزيزه شبكه..
Quote: نا جاني ورق من الدار ومروس ومية المية وفيه الاحتياجات المطلوبة والمبلغ المطلوب
وحاولت مع جهات رسمية
واحدة مهم طلبت تفاصيل واوراق بنزل ليك هنا المطلوب واذا توفرت ما عندهم مانع يوفروا اي حاجة
اما عن قطر الخيرية برضو ماعندهم مانع في حال اتصالكم بمكتب قطر الخيرية في الخرطوم وبرضو بجيب ايميلو واسمو
الجهة التالتة وعدت خيرا بعد تقصيها عن الدار بمعرفتها
وفي انتظار ردهم من قبل شهر
انا في رايي الجهة الاولى هى الاكثر ضمان وليهم حق يكون عندهم شروط ونحاول نوفرها ليهم وانا قابلت المسئول قبل حوالي 3 اسابيع وفي انتظار الاقادة من ادارة الدار |
نحن جاهزين شبكه..
عظيم تقديرنا وشكرنا لاهتمامك ومجهوداتك المقدره..
بكرة لاتملك مع هذا المجهود الا ان تصبح أحــــــــــــــــــــــــــلي..
_______________________
انت قاصده دار (المايقومه) ... صح.؟
| |
|
|
|
|
|
|
|
|
 Re: اعادة تأهيل دار المسنات بالسجانه , تنفيذ (منظمة تنادينا) ... أيدكم معانا... (Re: شول اشوانق دينق)
|
يانعيم,,,,,,
دعواتنا ,,,
ومحبتنا تغشااكم انت والمعاك,,,,
| |
|
|
|
|
|
|
|
|
|
Re: اعادة تأهيل دار المسنات بالسجانه , تنفيذ (منظمة تنادينا) ... أيدكم معانا... (Re: Amira Elsheikh)
|
Quote: يانعيم,,,,,,
دعواتنا ,,,
ومحبتنا تغشااكم انت والمعاك,,,, |
يا سلاااااااااااااااااااااااااااااااااااااااااااااااام يا (أميره)
| |
|
|
|
|
|
|
|
|
|
Re: اعادة تأهيل دار المسنات بالسجانه , تنفيذ (منظمة تنادينا) ... أيدكم معانا... (Re: naeem ali)
|
عمل جميل منكم كلكم
وشكرا ليكم في منظمة تنادينا
اكيد الامهات ديل عندهم اسباب كتيرة خلتهم وحيديات هذا الزمن
السودان مر بكثير من الحسرات والعبرات التي كانت السبب وراء
تشرد الكثير من الاسر ودا دليل على الا طفال المشردين في الشوارع
وكبار السن من غير ماوئ.
لكن طالما في ناس حلوين زيكم اكيد السودان ياهو السودان
وربنا بيقطع من مكان ويوصل من مكان اخر
وربنا يكلل خطواتكم بالنجاح
مع ودي
هاجر
| |
|
|
|
|
|
|
|
|
|
Re: اعادة تأهيل دار المسنات بالسجانه , تنفيذ (منظمة تنادينا) ... أيدكم معانا... (Re: داليا الكباشى)
|
Quote: نعيـم يلا نكون عمليين ..
البدايـه متين ..؟؟ |
شكرا علي اهتمامك يا دكتور..
قامت منظمة تنادينا بحصر الاحتياجات والتي تفضلتي بتلخيصها..
والبدايه (تمت) منذ اقتراع البوست..
يلا راجين همة الناس متصفحين واعضاء (ومن سمع بالامر)..
راجين (ايدينكم) معانا..
ترسل المساهمات علي حساب منظمة تنادينا..
الي ذلك الحين تقبل المساهمات العينيه (تلتفزيونات مكيفات ...الخ)..
بكرة (لازم) تبقي أحلي..
هيلا ... هيلا..
| |
|
|
|
|
|
|
|
|
|
Re: اعادة تأهيل دار المسنات بالسجانه , تنفيذ (منظمة تنادينا) ... أيدكم معانا... (Re: naeem ali)
|
Quote: تعد فئة المسنين من الشرائح المجتمعية التي تحتاج لرعاية خاصة،
لذلك فإن الاهتمام بها لا يعتبر استجابة لاحتياجات أفراد بحاجة للعناية والاهتمام فسحب ،
بل هو تقدير وتكريم مجتمعي لشريحة كان لها الفضل في وصول المجتمع إلى ما هو عليه.
ونالت هذه الشريحة اهتمام المواثيق الدولية والتشريعات في دول العالم المعاصر،
وبدورنا نجد انفسنا معنيين بتمكين هذه الفئة وتمكينها من العيش بكرامة شأنها شأن الفئات الأخرى
|
يا سلا م عليك يا نعيم..
دائماً مهموم بالآخرين..
أول شىء داير أقول ليك مشتاقين شديد..
وتانى شىء حاضرين
وربنا يجعلوا فى ميزان حسناتك وحسنات كل المعاك
أزهرى
| |
|
|
|
|
|
|
|
|
|
Re: اعادة تأهيل دار المسنات بالسجانه , تنفيذ (منظمة تنادينا) ... أيدكم معانا... (Re: داليا الكباشى)
|
Quote: أول بشــرى يا نعيـم !
مجموعـه من موظفـي دال أتبرعوا لي ناس حبـوبه بي تلفـزيون !
شكـرا ليهم .. عمـر عشـاري وزملاؤه الكـرام !
ماشين كويسيا نعيـم صاح ؟
الخيـر لسـه كتيـر وجـاي في السـكه .. |
ياسلاااااااااااااااااااااااااااااااااااااااااااااااااااااااااااااااااااااااام يا داليا عليك وعلي ناس (دال)..
وماغريبه عليكم الاتنين..
بيكم بكرة أحلي..
________________________
والله ده خبر يفرح من الصباح والله
ياسلاااااااااااااااااااااااااااام تاني..
| |
|
|
|
|
|
|
|
|
|
Re: اعادة تأهيل دار المسنات بالسجانه , تنفيذ (منظمة تنادينا) ... أيدكم معانا... (Re: naeem ali)
|
نعيم صباح الخير وجمعتك مباركه,,
وأكيد معاكم,
عاين,,
المساهمات العينيه كيف؟
يعني مرات بكون في ناس غيّروا عفش, جابوا سراير جداد والقدام ركنوهم في المخزن,
مع انهم بحاله جيده وميه الميه !
أو زول اشتري بوتجاز جديد وركن القديم,
أو زول عنده عدة مطبخ كتيره ما عارف يوديها وين,
أو زول عنده كراسي حوش ممتازين وما مستعملهم,
أو والده عندها تياب ما بتلبسهم وخاتاهم في الدولاب وقاعده,
زي الحاجات دي مش بتنفع في اعادة تأهيل الدار؟
اقتراحي انه نفتح (بالاضافه لباب المساهمه النقديه طبعا),
باب المساهمه العينيه,
والعنده حاجه بيفتكر انه بتنفع خالاتنا ديل بس عليهو الترحيل ويوصلها الدار,
رايك شنو؟
| |
|
|
|
|
|
|
| |
naeem ali
مهيرة
احمد محمد بشير
العوض المسلمي
محمد عبد الماجد الصايم
SHIBKA
داليا الكباشى
محمد صباحى
almulaomar
Amani Al Ajab
Magdi Ahmed Elsheikh
معتصم ود الجمام
عمر صديق
intehazy
heba Elmahi
شول اشوانق دينق
Mohammed Ibrahim Othman
محمد ابو القاسم
طارق عبد اللطيف نقد
حسين محي الدين
Ahmed musa
فيس بوك
تويتر
انستقرام
يوتيوب
بنتيريست