|
|
|
 Re: الأخوة التشكيليين والمصممين بالمنبر ( شعـار) لمنظمة تنادينا الخيرية (Re: عبدالوهاب علي الحاج)
|
ترجو الامانة العامة لمنظمة تنادينا الخيرية من الاخوة التشكيليين بالمنبر من الاعضاء كريم تفضلهم بالتعاون من اجل عمل شعار للمنظمة ( LOGO ) مع مراعاة الاتي :
اهداف المنظمة :
1. المساهمة في تقديم الخدمات الصحية والوقائية والعلاجية وسط المستهدفين بانشطة المنظمة .
2. الإغاثة الطارئة للمواطنين المتضررين من الكوارث الطبيعية أو غير الطبيعية بالتركيز على المجموعات الأكثر تأثرأً.
3. درء مخاطر الكوارث وتخفيفها وإدارتها.
4. الإهتمام بالنازحين فى الداخل والاجئين والعائدين من خلال إعداد وتنفيذ برامج الإغاثة وإعادة التعمير وإعادة التوطين بالتنسيق مع الجهات المختصة.
5. الاهتمام بالتدريب وتنمية القدرات الوطنية .
| |
 
|
|
|
|
|
|
|
|
Re: الأخوة التشكيليين والمصممين بالمنبر ( شعـار) لمنظمة تنادينا الخيرية (Re: Ahmed Elmardi)
|
كب الشرك قبض...
ود المرضي ازيك ومشتاقين
ورمضان كريم Quote: تعرف الدعوة لتصميم الشعارات بالطريقة دي ما بتجيب ليك غير الهواة
ومعجبي الفوتوشوب.
تصميم الشعار شي بياخد وكت ومجهود.
كلفوا شخص بقدرة وتأهيل أخونا عصام ع الحفيظ ( مثلا ) وستجدوا شعار ما يخرش مية..
ولو ما عجبكم من حقكم تشوفوا زول تاني. |
اها شفت جنس نضميك دا
نحن الكايسين ليهو وكتر خيرك على الاهتمام والنصيحة
ولو انو بنحلم انك تتولى الموضوع برمتو
ياريت لو اتوليت بنفسك المهمة دي التكليف اوالتصميم او الاشراف على التصميم او الاختيار في حالة انو ربنا هدى باقي اخواننا التشكيليين للمشاركة ...
| |
|
|
|
|
|
|
|
|
|
Re: الأخوة التشكيليين والمصممين بالمنبر ( شعـار) لمنظمة تنادينا الخيرية (Re: عبدالوهاب علي الحاج)
|
مسا الخير يا وهبة ..
رمضانك كريم و مبارك .
كلام اخونا مرضي ميه الميه ..
الشغلة دايره شغل مدروس و متأني و بمزاج ..
فياخي شيل الصبر ، و خلي اخواننا التشكيليين و المصممين المحترفين يدوك الشغل النضيف ..
و هم كتار هنا .. ما شوية .
......
و بعدين إنت زاااااااتك مالك ؟ .. بتعرف شغلانية التصميم زي جوع بطنك ..
ادينا برضو افكارك .
( ما فهمت سؤال الأخوان عن مدهم بالإسم الإنقليزي !! .. بالعربي و بتشكيل الحروف فالكلمة هي : تَنَادَينا TANADENA ( قال الشاعر : قد تَنَادينا خِفافاً كخيول الريح ) .
أظنه المعنى ده بالبلدي بيكون : النفير .
| |
|
|
|
|
|
|
|
|
|
Re: الأخوة التشكيليين والمصممين بالمنبر ( شعـار) لمنظمة تنادينا الخيرية (Re: محمد البشرى الخضر)
|
Quote: مسا الخير يا وهبة ..
رمضانك كريم و مبارك .
كلام اخونا مرضي ميه الميه ..
الشغلة دايره شغل مدروس و متأني و بمزاج ..
فياخي شيل الصبر ، و خلي اخواننا التشكيليين و المصممين المحترفين يدوك الشغل النضيف ..
و هم كتار هنا .. ما شوية . |
يسعد مساك ياعمدة
ورمضان كريم
كدا انا اقول اتنين
1- احمد المرضي
2- عماد عبدالله
شايلين الصبر ومستنين ياعمدة الشغل البي مزاج وما مستعجلين تب
ويديك العافية انت وعيالك يارب
| |
|
|
|
|
|
|
|
|
|
Re: الأخوة التشكيليين والمصممين بالمنبر ( شعـار) لمنظمة تنادينا الخيرية (Re: ذواليد سليمان مصطفى)
|
Quote: اهداف المنظمة :
1. المساهمة في تقديم الخدمات الصحية والوقائية والعلاجية وسط المستهدفين بانشطة المنظمة .
2. الإغاثة الطارئة للمواطنين المتضررين من الكوارث الطبيعية أو غير الطبيعية بالتركيز على المجموعات الأكثر تأثرأً.
3. درء مخاطر الكوارث وتخفيفها وإدارتها.
4. الإهتمام بالنازحين فى الداخل والاجئين والعائدين من خلال إعداد وتنفيذ برامج الإغاثة وإعادة التعمير وإعادة التوطين بالتنسيق مع الجهات المختصة.
5. الاهتمام بالتدريب وتنمية القدرات الوطنية . |
نهارك سمح ياهيبة
ومبروك تسجيل المنظمة واتمنى تحقق اهدافها او بعض منها - الاسم حنين وبيشبه احتياجات اهلنا
لكن.....
لكن عندى شوية اسئلة لو ممكن
الاهداف النبيلة اعلاها كبيرة خالص وبتحتاج لمجهود جبار ولتفرغ كامل ولو جيت للجد دايرة دولة ذات بنيان قوى
وسؤالى الاول عن آليات التنفيذ؟
الفئة المستهدفة بالمنظمة الخيرية؟
الهدف رقم خمسة ماواضح!! ماهو المعنى بالقدرات الوطنية؟ ده هدف عائم بصراحة وبيحتاج لضبط فى الصياغة
كيف يتم التمويل؟
هل هناك رقم حساب؟ ومن المسئول عنه؟
هل هناك مراجع للحسابات؟
هل هناك اسس وآليات للتقييم؟ بمعنى اذا نفذ مشروع ما, يكون فى آليه لتقييمه؟
لو ممكن برضو اسماء اللجنة التنفيذية التى تمّ اختيارها
وبتمنى من قلبى جووووووووه تكونوا راعيتو البعد النوعى فى التشكيلة
لانو سودايز دى لو {تنادينا} بيكونن النساء فى المقدمة
والله يطرى اختنا انعام حميوره بالخير
نقتى كتيرة مش؟
--------
جعانة ياخ, الساعة يادوب اتناشر ونص والفطور الساعة تمانية,
مافى طريقة لفتوة؟
| |
|
|
|
|
|
|
|
|
|
Re: الأخوة التشكيليين والمصممين بالمنبر ( شعـار) لمنظمة تنادينا الخيرية (Re: Ishraga Mustafa)
|
| Quote: Tanadeyna Charity Organization |
سلام بكري والحضور
اظن الاسم الاصح حيكون بالانجليزي كالاتي
Tanadeyna Charity
لان دائما في ال Charity ما بنضيف Organization
الحاجة التانية في مسالة اهداف الCharity
انا في رأي ان الاهداف تحتاج لقليل من الضبط
على ان يسبق الاهداف الرؤية او ال Vision
ومن ثم الهدف العام اقول هدف وليس اهداف OVERALL GOAL
لان الاهداف تاتي لاحقا في ال Mission
ومن ثم لكل برنامج محدد تأتي الاهداف المباشرة او مايعرف بالSMART
وايضا اين القيم او ال Values
فكل ها دكرت يجب ان يسبقه اجتماع يحدد الخطة الاستراتيجية Stratgic Planوالتي منها تخرج
الرؤية Vision
ال Mission
ال Values
لان الشعار دائما بيكون عاكسا للخطة الاستراتيجية بتاعت المنظمة
يعني مثلا لما نشوف شعار FAO او WHO
او قطر الخيرية او الصليب الاحمر بتعرف من الشعار انها بتشتغل في شنو واستراتيجتها شنو .
لانو بالاهداف المنشورة هنا يصعب تحديد ان تنادينا الخيرية عاوزة تعمل شنو .
كنت اتمنى ان يسبق التاسيس حوار للمختصين في هدا المجال مع اضافة اخرون مثلا محامين وفنانين ثشكيليين
...الخ
حتى يأتي العمل مكربا
مع امكانية مشاركة الاخرون.
رمضان كريم وتحياتي .
ذ
| |
|
|
|
|
|
|
|
|
|
Re: الأخوة التشكيليين والمصممين بالمنبر ( شعـار) لمنظمة تنادينا الخيرية (Re: عبدالوهاب علي الحاج)
|
سلام ياهيبه
الشعار ده حايتعمل على ياتو اساس?????!!!!!!
الشعار ده مرحلة لاحقة
المصمم بيرتكز على الهدف الاساسى ويحاول يبرزوا فى شغلو للشعار
طبعا عارفه شكل الحاجات كيف بتم هناك وصعوبتها لكن عشان تنادينا دى تكون قدر لهفة حناجرنا
بيكون افضل ضبط الاهداف دى فى هدف واحد وواضح وتتفرع منو رسائل
وبيكون كويس لو استفدنا من تجارب بعضنا فى العمل الطوعى او المدفوع الاجر
مداخلة صلاح دى عضم الشغل وحقو مانفوتها ساى
معليش اتحملونى
| |
|
|
|
|
|
|
|
|
|
Re: الأخوة التشكيليين والمصممين بالمنبر ( شعـار) لمنظمة تنادينا الخيرية (Re: Ishraga Mustafa)
|
| Quote: الشعار ده مرحلة لاحقة |
العزيزة اشراقة
تحياتي
عارفة يادكتورة كلامك وكلام الاستاذ صلاح الامين على العين والراس
لكن هنا وما ادراك ما هنا لازم تجيب شعارك وتسجلو لتمام التسجيل شفت كيف ؟
وللاسف هنا في السودان دي الطريقة البعملوا بيها الشعارات
حتى المؤسسات الكبيرة والاعياد الرسمية بيطلعوا اعلان زي اعلاننا دا
وبيكتبوا الاهداف - كما هو موضح في اول مداخلة - بتاعة المشروع او المؤسسة
ويلا بعد كدا بشوفو المساهمات بتاعة المشتركين وبكونو لجنة من كبار التشكيليين للفرز
وبيعلنوا الفائزين الاول والتاني والتالت
يعني المسألة ما اغفلناها لكن دي ظروف البلد !!!
وتحياتي
| |
|
|
|
|
|
|
|
|
|
Re: الأخوة التشكيليين والمصممين بالمنبر ( شعـار) لمنظمة تنادينا الخيرية (Re: Frankly)
|
Quote:
where the others are just a bad copy of other charity and relief organization's logos
|
الأخ / كمال فرانكلي...
رمضان كريم... وبعد،
المتتبع للمواضيع التي تكتبها لن يخطي الخط الإسلامي الذي تنتهجه.. وتدوام عليه مشكور...
والإشكالية عندي أن مثلك ومثل كل من يتحمل المدافعة عن القيم الفاضلة التي أتي بها الإسلام..والتي يسعدني
ان أكون مدافعا عنها ما وجدت لذلك سبيلا... ولكن...
بكلامك الفوق ده أتهمت شخص من غير علم.. وشخص أنت لا تعرفه بأنه نقل الشعار من جهة أخرى... وهو شخص مشهود له
بالكفاءة الفنية.. ومن القلائل اللذين يشار إلى أنهم فنانين شاملين...فهو إلى جانب الرسم شخصية موسيقية معتبرة
له الكثير من الألحان إلى أنه لم يتخذ الفن وسيلة لكسب العيش...وأثر عليه أن يتخرج في جامعة الخرطوم مهندسا في أحد ضروب المعرفة
إلا أنك يا أخي وأنت تورد هذا الإتهام الذي وصفته بالنقل السيء أو قل حتى السافر لم أكن
أتوقعه من شخصك الكريم لأن قيم الإسلام عندي قيم أصيلة وليست عصبية مزاجية تُنتقى حيثما نريد ونسقطها كيفما نريد
.. وقولك هذا أقل ما يمكن أن يقال عنه أنه ضرب من ضروب الهمز واللمز لشخص لا تعرف أمكانياته.. وحتى إيرادك للنماذج التي تعتقد انها
نقلت منها لا يثبت أن ذلك قد تم أصلا... وعندما سألته عن ذلك وأنا واثق من أنه بريء من إتهامك له.. أفاد بأن كون الشعار يتوافق
مع بعض الشعارات الموجودة في الساحة مع التأكيد بأنه لم يرها يثبت أن الفكرة عنده مظبوطة... فهذه الأشكال الفنية لا تأتي
من فراغ ولكن يستلهم الفنان فيها أسم ومضمون المنظمة التي ينتوي عمل شعار لها.. ففكرة الجمعيات الخيرية universal فقد لا تستغرب
أن تجد مثل التصميم في بلد آخر حيث أن الفكرة تقتضي التجريد الذي يوحي بالهدف ويدل في رمزية عن الأسم ولن تجد أكثر من الأيادي
ما بعبر عن ذلك كما تجد مثلا الثعبان شعارا في أغلب المنظمات الدوائية برمزية عن السُمية والترياق كتجريد للأدوية التي هي سموم
وفي الختام ربما فات عليك أن المسألة لا تعدو مشاركة ومساهمة لا ينبغي أن تجر للناس أتهامات وآلام...
عموما.. ما دفعني أن أكتب لك هو المنطلقات التي تنطلق منها والتي أقدرها...
وكم أود أن ترسل حتى لو مسينجر للأخ/ طارق لا أقول للأعتذار ولكن حتى بغرض توضيح أن التجريح لم ولن يكون هدفك
وربما تسمع من الأخ/ طارق شعاراته التي فازت في بعض المنافسات..
مع خالص ودي لك وللأخ طارق وللأخ/ حميدة ولكل من ساهم ويساهم
والسلام
| |
|
|
|
|
|
|
|
|
|
Re: الأخوة التشكيليين والمصممين بالمنبر ( شعـار) لمنظمة تنادينا الخيرية (Re: مزمل خيرى)
|
الأخ وهبة
لكـ التحية .. وبالتوفيق لتنادينـــا بأن تكون إضافة مختلفة في الفكرة والتنفيذ ..
الشعار لأي تجمع ( شركة ، مؤسسة ، منظمة خيرية ) هي البداية الأساسية ..
الشعار هو ( الهوية ) ..
ألوان الشعار إختيارها مهم جداً لأن ما يأتي من بعد ذلك من مطبوعات مرتبط بشكل أساسي بالشعار وألوانه ( بروشور ، فلير، مستندات مختلفة ، ورق مكاتبات ) ..
إعلانات عمل شعار لاي جهة بيضع شروط من ضمنها وأهمها بساطة الفكرة وإمكانية تصغير الشعار بحيث يحتفظ بملامحه وألوانه الأساسية في حال تم طباعته على رأس ورقه مقاس A4 .
وأن يكون له رسالة وذو شكل جمالي مميز في حال تكبيره إلى أقصى حد ممكن في حال الطباعة على بنرات كبيرة أو خلفية لفعاليات معينة ..
شهرة الشعار قد تصل إلى أن يتم الإستغنـــاء عن كتابة الإسم وفي البال ( ببسي ، كوكاكولا ) ..
وغالباً ما يتم التصميم للشعار ببرامج تضمن التحكم في حجم الشعار ( تصغيراً وتكبيراً ) دون أن يفقد ملامحه ( أو دون أن تتكسر صورته ) ... برنامج إليستريتر مثلاً .. وهو يحفظ ويضبط الأبعاد بشكل رائع جداً
.....
أقترح ألا يتم الإستعجال في إختيار الشعار المناسب إلا بعد تقديم الكثير من الإقتراحات .. وهو أمر يحتاج إلى زمن
من جانبي سأستعين بمصصمي المؤسسة لدينا وأعتقد بأنهم قد يقدمون شئ جيد حسب الإمكانيات التي أعلمها عنهم ..
..
وراجع يا وهبـــــــه ...
| |
|
|
|
|
|
|
|
|
|
Re: الأخوة التشكيليين والمصممين بالمنبر ( شعـار) لمنظمة تنادينا الخيرية (Re: Magdi Ahmed Elsheikh)
|
جيتكـ تاني يا وهبه ..
من بعد اعتماد الشعار وتسجيلو بصورة رسمية أعتقد بنحتاج لتصاميم أخرى ..
ورق المكاتبات وسندات القبض والصرف وظروف كبيرة ومتوسطة وصغيرة .. عليه فارجو أن تعتبروها منتهية
يمكننا القيام بها هنا وإرسالها عن طريق الإيميل للإعتماد النهائي قبل الطباعة والتي يمكنني أن أقوم بها هنــا وإرسالها لكم مع الأخوان ..
كمية تكفي للبداية وسي دي التصاميم كلها إن احتاج الأمر للطباعة مستقبلاً من طرفكم ..
أعتقد تكلفة الطباعة هنــا أقل
| |
|
|
|
|
|
|
|
|
|
Re: الأخوة التشكيليين والمصممين بالمنبر ( شعـار) لمنظمة تنادينا الخيرية (Re: عبدالوهاب علي الحاج)
|
غايتو ما شاء الله
و تناديتو و شكلكم ان شاء الله حا تطلعو بحاجه جميله
تصميمات جميله
شعار الاخ مصعب عبدالله محمود، قمة في البساطة و التعبير و قادره اتخيلو في راس ورقه مروسه او حتي في ختم الجمعية، بس لو الخط اتغير بحاجه تانيه تتناسب مع الرسمة الابستراكت دي و اتكتب الاسم برضه بالعربي، يكون تمام
الشعار التاني لحميده برضه جميل، بس محتاج تغيير في الالوان، لانه كده بقي شكله سياحي شديد
-------------
غايتو يا مصعب و حميده لو الجماعه ديل ما احتاجو لشعاراتكم دي، ادونا ليها لمنظمه تانيه خيريه محتاجاها شديد :)
| |
|
|
|
|
|
|
| |
عبدالوهاب علي الحاج
omer osman
قاسم المهداوى
داليا الكباشى
Kamal Karrar
علاء الدين يوسف علي محمد
Ahmed Elmardi
Emad Abdulla
محمد البشرى الخضر
مزمل خيرى
سيف الدولة كامل
بكرى ابوبكر
محمد الجزولي
ذواليد سليمان مصطفى
Ishraga Mustafa
salah elamin
Elbagir Osman
Mamoun Ahmed
ombadda
معتصم محمد صالح
humida
haroon diyab
Frankly
أمير قناوي
khaleel
Magdi Ahmed Elsheikh
عمر صديق
عمران حسن صالح
محمد صباحى
معتز زيزي
Rihab Khalifa
فيس بوك
تويتر
انستقرام
يوتيوب
بنتيريست