الجعلي ود العمارات، يعود بنا خمس سنوات الى الوراء!!! أركز للبطان بالمدافع!

Quote: الاخ انور لك التحية. يا اخوي اهلنا قالوا اسمع كلام الببكيك و ما تسمع كلام البضحكك. فجأة و بدون مقدمات انقلبت 360 درجة و يا ريت نعرف السبب اذا في امكانية. انور مشكلتك بقيت زي كتير من الاعضاء اللحظة اليختلفوا معاهم يهاجموا و بضراوة و بدون منطق للأسف,, ربما تملك كمية من الكلمات المساعداك في اغتيال شخصية من يختلف معك لكن صدقني دا اسلوب خاسر. هسة و بدون سبب فتحت بوست و هاجمت الاخ أشرف مصطفي و بركة الهاجمته لأنو عرف يوقفك و هزمك باسلوبك. انور حواء والدة فما تفتكر انك ادري الناس و اعلم الناس و تباهي بي موقعك و تبرعاتك و تسيء لي بني جلدتك و لابس توب اللبرالية لكن للاسف طلع التوب ما قدرك ابتكرت طريقة الفيديو و هي طريقة جميلة اذا كان المحتوي جميل لكن فيديوهاتك كلها سجم و رماد للأسف.. وين انور كينج الزمان الكان يقرا ليه كل متابع للموقع و الكان معجب بيه كل متابع لسودانيس اونلاين؟؟ هل بقي همك متابعة فلان قال و علان قال و تجي تحلل كلام الناس و كأنك انت الصاح و الكل خطأ؟ هسة الراجل دا قال يا اولاد جعل تعالوا نتعارف وين المشكلة هنا و هل لو جا واحد قال يا اولاد الزغاوة او الفور او غيرهم تعالوا نتعارف بتجي تقول كلامك دا ولا عاوز تثبت للناس انك جعلي ما شغال بالقبيلة .. ما علي حسابنا يا انور تبني مجدك يا انور اصحي و عاين للناس بدون تعالي و تكبر و اتأكد انك حا تخسر الكتير لو جيت ناطي لي اي زول في حلقو.. ذكرت في واحدة من مداخلاتك انو الواحد لمن يتزنق يستل اعضائه التناسلية ليوقف خصمه ما سألت نفسك ليه الزول دا وصل المرحلة دي و منو الوصولوا ليها عشان يمرق سلاحه التناسلي امام الجميع؟؟ يا حليل انور كنج فمن وجهة نظر كثير من المتابعين وانا منهم انور كنج مات و الموجود الآن ماهو الا كابوس يريد ان يشوه الصورة الجميلة الرسمناها عنه. و نصيحتي ليك لا تتعالي فانت و انا و غيرنا الكثير لا يسوي جناح بعوضة اما المليك المقتدر و لا تمنن و لا تجعل شمالك تدري بما تفعله يمينك و لا تباهي و تشكّر نفسك (شكر نفسو ابليس) عشان يقولوا انور فعل و ترك و ختاما" لك التحية لك ان تنشر اذا احببت هشام يوسف حسن أبو أمنية