|
|
|
 Re: اليوم الحار ومابندار يوم الهندسة والمعمار (Re: الخطاب مساعد الماحي)
|
خطاب ،
Quote: ينجح جناكم ويبرد حشاكم
يرفع مقامكم ويسمح كلامكم |
اللهم امييييييين،،،،
وعشان كلامك السمح دة،
أهديك الجزء الثانى من (الاء و الضب)،،،،
الحلقة الثانية:
من قصة الاء و الضب.
إنتهى الليكشر الصباحى بحمدالله،و كانت هناية أن تناست ما كان سوف يلم بها من "مشكلة كبيرة"، سوف لن تزول أثارها بأى فعل أو تطييب خاطر.
خرج الجميع من القاعة، و بدأوا بالنزول من الدرج، لم تنسى هناية ما رأته صباحا، و لكن كان عزاؤها: "أكيد ما قاصدنى".
المهم، لم تنسى هناية حذرها عند نزول الدرج و بالتحديد مكان اللقاء الصباحى، خوفا من أن يكون "ضب الهندسة" مسلط.
الحمدلله، تم النزول بنجاح، و كانت بداية البريك حتى ليكشر العاشرة .
لا يفوتنا أن نذكر هنا أن ذلك اليوم كان مهما لدفعة ثالثة كهرباء، لسبب أنه تاريخ لتسليم مهم جدا (شخصى) يعنى كل طالب / طالبة يسلم بنفسو عند الساعة العاشرة و قبل بداية المحاضرة.
طبعا، مر البريك بسرعة البرق لما صاحبه من ترس و تظبيط و بعض أعمال الـFinishing المطلوب.
تم البريك، و الحصَل حصَل و الما حصَل معاهو الله......
لملموا أوراقهم ، و بدأواا فى رحلة العودة إلى قاعة المحاضرات،
ودة كلو , أتاريه صاحبنا لسا خاتيهم فى بالو (in his mind).
و نواصل،
ياللا يا جماعة،
مواعيدى جات،،،
منتظرننى نجار و كهربائى و حداد،
و يمكن سباك،
و بت شغالة،،،
وولدى فى المدرسة،،،،
قصرت معاكم؟؟؟؟
| |
 
|
|
|
|
|
|
|
 Re: اليوم الحار ومابندار يوم الهندسة والمعمار (Re: طارق الكوتش)
|
وده برنامج الاشراف على اليوم الحار بالكامل يا شباب
الجمعة ساره و عمر موسى
السبت خطاب و طارق الكوتش
الاحد هاله و ابراهيم
الاتنين طاخ و سحر و تهانى
التلاتاء ليون وهشام و قدورة
الاربعاء حمد و آمنه وابو هريرة
الخميس صلاح مختار وعلاء الدين
واى اعضاء قادمين جدد او قديمين يختاروا قروبهم
والناس فى اليوم الما يومهم يقوموا يعملوا دعم
لوجيستى للآخرين بشكل جيد ومداخلات فعاله ان امكن
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: طارق الكوتش)
|
فى اتصال هاتفى من احدى القراء فضل عدم ذكر اسمه
طلب بوضع ابراهيم كجوكر بالاضافة الى يومه الاشرافى
وببعث تحاياه لدفعة 87 فردا فردا ، وهو شاهد عيان
لقصة الضب وقدم تحية خاصة لهاله على هذا الاخراج الرائع ،
وبسأل من عمالقة 87 الاعضاء باليوم الحار والذين يسجلون غياب بدون مبرر
ذاكرهم بالاسم : فوزى + وديدى + ياسر راشد .... وفى ختام محادثتة ببلغ
تحياتة من خلال المنبر وبصفة خاصة جدا لصلاح مخ تار
طبعا قصة عدم ذكر اسمه ده مع طارق الكوتش غير وارده
بس نعمل مسابقة مفتوحة للقراء و الاعضاء من هنا ليوم
السبت القادم وده حيكون فى شكل مداخلات يومية كيوميات سائق
تكسى تحكى عنه وعن تاريخه الاسود وضمنيا كده لحدى يوم السبت
نقول ليهو م
وبسم الله نبدا :
1- م = نق تربيع
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: حمد محمد احمد)
|
| Quote: اليوم ده الا نعملو sharing |
حاااااضر يا معلم
________
اول حاجة رايكم شنو فى شغلانية الاشراف و هل اعضاء اى مجموعة
بها نوع من التجانس او القواسم المشتركة او شئ من هذا القبيل
يعنى الناس تستمر على هذا الاساس ام هنالك مقترحات اخرى فى
اعضاء المجموعة الواحدة او فى البرنامج ككل
________
تانى حاجة الناس ممكن تستمر مع هالة ومزيد من المناقشات . وانا عندى رأى
فى حتة الرجال و النسوان ده وهى لا تخضع لمعيار ثابت و تختلف من دولة لاخرى
ومن قبيلة لاخرى لنفس الدولة ده بشكل عام وبشكل اكثر دقة بتعتمد تماما على
عقلية الشخص للجنسين بمعنى اذا كان محدود ( غبى ) فانه لايفكر فى ابعد من نخرته
اما اذا تكرم عليه المولى عز وجلى بنعمة العقل فانه يستطيع ادارة اكثر من موضوع
بقدرة عالية > يعنى فى الاختيار يجب مراعاة التقارب العقلى ودرجة الذكاء بمعنى
الاغبياء لبعض و الاذكياء لبعض ، وكمثال :-
ناس هندسة ( اولاد وبنات ) مفروض ما يتزوجوا من معهد الدراسات الاضافية > الليلة وووووووب
تخريمة : المثال الفوق ده للتوضيح فقط لانو لاى قاعدة شواذ يعنى ذى ما هنالك قاعدة شاذه
ذى طارق الكوتش فى هندسة اكيد برضو هنالك قاعدة شاذة فى معهد الدراسات الاضافية
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
سلامات يا جماعة،،
الصفحة دى ليه ما قلبت من أمبارح،،
معناها السند و الدعم اللوجيستى كان ضعيف،،،،
الإنتقام .... الإنتقام،،،
عشان كدة ح نخلى الضب مشرور فى السلم يا خطاب،
و لو إنك شخشيا ما قصرت،،،،
لكن تفتكر التانيين ح يخلوا؟؟؟ (الضب طبعا)،،
سؤال اليوم،،،،،،،،
يا كوتش،
قول للزول،
شكرا تحاياك وصلت،،
و كيفك إنت ووليداتك؟؟؟ (للزول طبعا)،،
و ما هى إسهاماتك فى العمل الجارى إخراجه؟؟؟؟ (للزول م برضو)،،
هشام مجذوب،
شكلو إبراهيم قاصدك بالكلام دة:
Quote: غايتو الحا يجو يذاكرو
يشدو حيلهم ،، |
حمد و علاء،
وينكم أختفيتوا؟؟؟
(من أمبارح)،،،
أها،،،
نستعد لمؤازرة ناس نباطشية الليلة،،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Hala Hassan)
|
يا كوتش،
بالنسبة لموضوع النقاش،
أنا معاك التقارب البيئى و التقارب الفكرى مهمين جدا للإختيار اساسا،،
لكن إحنا هنا بنتكلم عن حاجتين تانيات:
التقارب (النفسى) و فطرة الله سبحانه و تعالى،،
ديل بالضبط بيحددوا نوعية العلاقة بين الازواج بتكون كيف؟؟
ليييه؟؟؟
اقول ليك:
الإنسان بطبيعته ربنا خلقو بفطرة معينة (عنيد/ مرح/ كريم/....الخ)،
و دى ممكن تلاحظها عند الاطفال الصغار لما يبتدوا يتعاملوا مع الناس المحيطة بيهم،،،
بتجى التربية و البيئة الموجود فيها الطفل،
بتلعب دور كبير فى تكوين الشخصية،،
ضيف على ذلك التكوين السايكولوجى الطبيعى للذكر أو الأنثى،
البتتكلم عنها المقالة،،،
من هنا لازم تنبع الإختلافات فى طرق التفكير و التحليل بل و حتى الإهتمامات،،،
يبقى الحل شنو؟؟
محاولة تفهم إهتمامات الطرف الاخر اللحظية و التجاوب معها،،
تقبل الاخر كما هو،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Hala Hassan)
|
يا خطاب،،
Quote: ابراهيم
Quote: الحبكة الدرامية ،،
حاج علاء
Quote: اسقاطات ذاتية..
حمد وهالة
Quote: الشخصيات السايكلوجية،،
هالة
Quote: (تنميط) الشخصية،
ابراهيم
Quote: الموسيقى التصويرية؟
امنة
Quote: اختلاف فطري
الكوتش
Quote: دعم لوجيستى
هشام
Quote: تخلف تكنلوجى
ما شاء الله
دي ما اي حاجة .. بس مذاكرة |
غايتو جنس مذاكرة،،،،
عشان يعرفونا بس،،،
ناس مثقفين و...... أى حاجة،،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Hala Hassan)
|
هاله
Quote: يا كوتش،
قول للزول،
شكرا تحاياك وصلت،،
و كيفك إنت ووليداتك؟؟؟ (للزول طبعا)،،
و ما هى إسهاماتك فى العمل الجارى إخراجه؟؟؟؟ (للزول م برضو)،، |
هو هسه معاى على الخط ووصصلت ليهو الاقتباس اعلاه
وطلب منك لو سمحتى وبكل رجاء وادب و زوق عدم المونتاج فى مسلسل الضب
وتنزيله كامل لانو و الحديث ليهو > الضب ده تاريخ يا هاله
وممكن نواصل يوميات سائق تكسى و نحكى و نقول
2- م دفعة 87 > مقيم بالمملكة العربية السعودية > هلالابى
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: طارق الكوتش)
|
هاله لو رجعنا للحتة النفسية هنالك عدة اسباب تؤثر فى الرجل و/ او المرأة
والتى منها :
1- الدورة الشهرية ولكنها تزول بزوالها
2- الخفاض الفرعونى ومستمر
3- نظرة غالبية دول المنطقة للنساء نظرة الدونية
وفى بعض مناطق الخليج الغنماية تركب قدام و رابطه الحزام ( جوار الزوج )
والزوجة فى المقاعد الخلفية ذيها وذى التبش
4- تهميش النساء فى البرلمان
5- زراعة روح التسلط من الام فى بنتها فى بعض القبائل ومنها قبائل سودانية > التحكم
6- نظرة المجتمع السلبية للعذبة و المطلقة و التى تعيش لوحدها فى بيت احيانا يأتى بمردود يحسب
على النساء قبل الرجال ( تصرفات فيها نوع من الانانية احيانا مثل التسرع فى انجاب الطفل الاول )
وتلك الاسباب بتكون اكبر لو هنالك اختلاف كبير فى درجة الذكاء و البئيه و طرق التربية
بين الطرفين وفى الغالب تقود الى الطلاق .
عشان كده الناس تحسن الاختيار من البداية > و الناس الاختارت غلط ممكن تضحى لو هنالك شئ يستاهل
رغم قناعتى الشخصية بان التضحية احيانا مهما كان اهمية الشئ بمكان تقود الى ضياع هذا الشئ المهم
وراجعين
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: Amna Mohamed Arh)
|
يا كوتش،،
Quote: هو هسه معاى على الخط ووصصلت ليهو الاقتباس اعلاه
وطلب منك لو سمحتى وبكل رجاء وادب و زوق عدم المونتاج فى مسلسل الضب
وتنزيله كامل لانو و الحديث ليهو > الضب ده تاريخ يا هاله |
إنت ح تقول لى،
ما أنا عارفة،
الشووت ذااتو و لعب .... الكورة،
كان بكل رجاء و أدب و ذوق،،
ياخى كفاية إنو من قبيلة الهندساب،
لا بشوتوا فى السلم،
و لا بيعتدوا على الكائنات الحية،،،
قلت لى مسلسل الضب حرك ليه اشجانو؟؟؟
تحياتنا ليه،
(للضب المرة دى)
مش البطل؟؟؟؟؟
واصل .... واصل،
يوميات سواق التاكسى،
و قول لصاحبك،
لا لأى مونتاج أو تحريف،،،،
وخليك قريب،،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Hala Hassan)
|
يا كوتش،
Quote: عشان كده الناس تحسن الاختيار من البداية > و الناس الاختارت غلط ممكن تضحى لو هنالك شئ يستاهل
رغم قناعتى الشخصية بان التضحية احيانا مهما كان اهمية الشئ بمكان تقود الى ضياع هذا الشئ المهم |
بتفق معاك فى الحتة دى،،،
و منتظرين،،،
يا امنة ،
خلصتى المذاكرة و لا لسه؟؟؟
حمد،
الـsharing دة،
إنت معانا فيه و لا غيرت رأيك؟؟؟
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
هاله
| Quote: بتفق معاك فى الحتة دى،،، |
وباقى الحتت فى نفس المداخلة الا تتفقى معى فيها او بمعنى آخر
اليس لها مردود نفسى على كل الاطراف مما يقود
فى احاييين كتيرة الى انهيار العشة الزوجية
وكيف ممكن ان نساعد الناس فى الحلول ان وجدت
لاستمرار الحياة الزوجية بكل الاحترام > طبعا
ممكن اكون انحرفت قليلا عن ما تصبوا اليه عزيزتى
هاله ولكن اظن وده وجة نظرى انو الحاجات كلها مرتبطه ببعض
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: طارق الكوتش)
|
اها ياناس 88 صاحب الصورة ادناه منو علما بان الصورة ترجع لمنتصف سنة 90 ؟
وهو >
- دفعة 88 مساحة
- عمل بالسودان ثم السعودية ثم السودان و الآن بوزارة الدفاع بالامارات
- ماجستير تخطيط مدن من المعمار الخرطوم
- متزوج وله ابناء
- من اولاد الثورة و اسرته تسكن الحتانه الآن
- من خريجى مدرسة خور عمر
- مريخابى فشنك وقريب طارق الكوتش للاسف
مطلوب الاسم الاول و التانى و اللقب و الجائزة عند ابراهيم
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: طارق الكوتش)
|
سجمى النسوان ديل خلونى و فاتوا وين ده حاجة
الحاجة التانية اليون شايفو قااااعد
الحاجة التالتة من متين الجوكر بلعب من خلف الابواب و الشبابيك > سجمى جد جد
الحاجة الرابعة > ده حالتى بعد ما تحققت الحاجات التلاته الفوق ومعها حاجة زوغان حمد بتاع الشير >
الحاجة المهمة طارق الكوتش قاااااعد ذى اقتصاد القاعده بره
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: طارق الكوتش)
|
خلصتا المذاكرة
نبدا الرد
Quote:
ابراهيم والله اتلوووووووووومت معاك
ياخي كل سنة والمدام واسيل وحمودي وأنت بألف خير وسعادة
ما قالو ليكم البرنامج دا للحفاظ علي الريس
وهو برااااااه لو عجب اليوم ما بقصر
عشان كدا بقترح معيار نجاح اليوم (مداخلات الريس هومي |
,انا كمان
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: صلاح ليون)
|
سحر،
خلصتى المذاكرة و ابتديتى من محل ما وقفتى شايفاكى؟؟؟
قلتى لى كم صفحة؟؟؟؟
الليون،،
إلا يهبشوك عشان تجى؟؟؟
قلت لى شعار بكرة:
اكشن + رومانسية؟؟؟
حلووووو،،،
بس نجى لابسين شنو ؟؟؟؟
يا كوتش،
من ما قلت النسوان دى،
طفشنا منك،،،،
ياخى خليك ظريف (زى ولدك)،،،،
لووووووووووووول،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
Quote:
سحر
سلامتك من القرفة |
الله يسلمك ياخطاب
Quote:
والله سحر دي حيرتنا ،،
تطلع من الزحمة ،،
تبدأ إمتحانات ،،
تخلص الإمتحانات ،،
تدخل في القرفة ،،
وبعدييين ؟ |
وانا كمان ياابراهيم حيرتنى
Quote:
وبرضو النكلمك.. قالوا سحر رايحة ليها حاجة .. تمرق .. وتدخل. تمرق .. وتدخل (القول يطير) |
والله ياخطاب بسراهة بسراهة حاجاااات موش حاجة واحدة
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: الخطاب مساعد الماحي)
|
Quote:
بقية واقعة حقيقية
رفعت يد عالياً: سيادتو
التعلمجي صائحاً: في شنو يا مرض
- سيادتو انا عيان
- يا سلام.. وعندك شنو (بكل الغضب والاستخفاف)
- عندي مولارية
- شنو؟؟ عندك شنو ؟؟
في تلك اللحظة شعرت بعظم ما انا مقدم عليه .. وخاصة عندما تناهي الى مسمعي ضحكات مكبوتة كادت ان تعصف بي الى الكركون ..ولكن لا مفر..
اجبت بكل ثقة الدنيا وانا اضغط على الحروف للتاكيد على ما سمعه: انا عندي مولارية .. ومولارية حميدة كمان.. والدكتور قال لي لو تعبت طوااااالي اقعد.
التعلمجي (مترددا): ولو ما خليتك تقعد؟؟
ولم يدري كم منحني تردده هذا من ثقة .. فاجبت فورا: ما في مشكلة تتحمل النتيجة والجماعة ديل كلهم شاهدين .. وبعدين لو ما مصدقني نمشي اسي للدكتور بتاع المعسكر انا وريتو كل اوراق المولارية بتاعتي وهو باكد ليك الكلام دة.
وبعد لحظات من التفكير العميق انطلقت منه اجمل كلمات ذلك اليوم بالنسبة لي: اقعد قعد نصك.. فتمددت مطلقاً احححح بكل الراحة وطعم الانتصار .. وسط الضحكات التي ما ان ابتعد حتى تحولت الى قهقهات مكبوتة بينما انصرف التعلمجي وهو يتمتم حانقا: والله الطلبة ديل بجيبو ليهم امراض بعرفوها براهم
|
ههههههههاى حلوة وملعوبة ياخطاب
عجبتنى وفاتت اضانى
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
سحر انت منو ؟ ودفعتك منو ؟ وقاعده تعملى شنو ؟
ولمن تكونى قرفاااانه بكون من شنو ؟ وبتعملى شنو للقرف عشان يطفش ؟
وتصورك للمرحله القادمه شنو ؟ ولليوم الحار فكره و اعضاء دايره تقولى شنو ؟
اها تانى فى شنو ؟
وطبعا ده بشكل عام وممكن يطلعوا عليهو كل الناس عشان يستفيدوا من تقيمك
لزهجك ، برنامجك ، اليوم الحار وهكذا وبرضو رايك شنو فى المواضيع التى اثيرت
لوجستيا او بشكل رئيسى فى الايام الفاتت ..... ولنا عوده معاك خطوه بخطوه
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: طارق الكوتش)
|
Quote: سحر انت منو ؟ ودفعتك منو ؟ وقاعده تعملى شنو ؟
ولمن تكونى قرفاااانه بكون من شنو ؟ وبتعملى شنو للقرف عشان يطفش ؟
وتصورك للمرحله القادمه شنو ؟ ولليوم الحار فكره و اعضاء دايره تقولى شنو ؟
اها تانى فى شنو ؟
وطبعا ده بشكل عام وممكن يطلعوا عليهو كل الناس عشان يستفيدوا من تقيمك
لزهجك ، برنامجك ، اليوم الحار وهكذا وبرضو رايك شنو فى المواضيع التى اثيرت
لوجستيا او بشكل رئيسى فى الايام الفاتت ..... ولنا عوده معاك خطوه بخطوه |
هى هى ياكوتش براحة على
شنو الهجمات المرتدة دى
سمح النبدا ليكم واحدة واحدة
سحر انت منو ؟ ودفعتك منو ؟ وقاعده تعملى شنو ؟
الاسم سحر تاج الدين
دفعة 98 (كواسر او كوارس فى رواية اخرى)
اتخرجتا معمار ..وحاليا بعمل فى MBA /UofK
وغيرو شغالة من منازلهم
طلقتا الوظيفة بالتلاتة من 2007
وشغالة شايلة شنطتى ولافة شغل خاص
زى الداية
شى تصميصم
وشى تدريس فى معاهد لبرامج الجرافيكس
وشى برزنتيشن بالماكس والفوتوشوب
ومن هنا احب ان الفت الانتباه
لخدماتنا المميزة....
والمتفردة فى جميع المجالات المذكورة اعلاه
وعلى الراغبين فى الخدمة الاتصال بالرقم
002490909095556
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
Quote:
ولمن تكونى قرفاااانه بكون من شنو ؟ وبتعملى شنو للقرف عشان يطفش ؟
وتصورك للمرحله القادمه شنو ؟ ولليوم الحار فكره و اعضاء دايره تقولى شنو ؟
اها تانى فى شنو ؟
|
بالنسبة لموضوع قرفنا
لمن اكون قرفانة هنالك واحد من حلين فى التلاتة
اذا كنتا مفلسة: اتدمدم وانوم...او ادخل الفيس بوك واترمتل
اذا كنت مقرشة(عربيتى): بعمل بمبدأ فكو وطااار...وبطلع لصحباتى
بالنسبة لتصورى للمرحلة القادمة بقول: ربنا يجيب العواقب سليمة
بقول لى ناس اليوم الحار:
نفسى اسجل حضور فعال لكن بتخونى ظروفى المتمثلة فى متلازمة الدبرسة والفلس
وليكم سلامى وكل احترامى رغم الجور رغم الصدود عنا
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Sahar Tageldeen Elsheikh)
|
هالة: Quote: حلووووو،،،
بس نجى لابسين شنو ؟؟؟؟ |
لون زينب
الكوتش: Quote: ومنتظرنكم بكرة ياناس 88 وبقدم ليكم دعم لوجستى كبير
بس انتوا تعالوا بدرى شوية والكلام ده ليك |
دعمك ما بناباهو .. لكن البجيب الديك الفي كندا داك شنو
سحر: Quote: الليون غير مسموح بالاعلانات العشوائية فى يومنا
فى رسوم اعلان
تمشى المكتب العلى يمينك
وتدفع الرسوم.. |
رايكم شنو .. الرسوم تكون مداخلات
يعني بكره تجو وتآزرونا بي نفس عدد المداخلات
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
Quote: - دفعة 88 مساحة
- عمل بالسودان ثم السعودية ثم السودان و الآن بوزارة الدفاع بالامارات
- ماجستير تخطيط مدن من المعمار الخرطوم
- متزوج وله ابناء
- من اولاد الثورة و اسرته تسكن الحتانه الآن
- من خريجى مدرسة خور عمر
- مريخابى فشنك وقريب طارق الكوتش للاسف |
وكان في معسكر الخدمة الإلزامية بتاع العمارات ،،
| |
|
|
|
|
|
|
| |
ابراهيم محمد الحسن
الخطاب مساعد الماحي
Hisham Magzoub
علاء الدين محمد بابكر
حمد محمد احمد
Amna Mohamed Arh
صلاح ليون
فيس بوك
تويتر
انستقرام
يوتيوب
بنتيريست