|
|
|
 Re: اليوم الحار ومابندار يوم الهندسة والمعمار (Re: طارق الكوتش)
|
حمد
اتفق معك فى حتة فتح البوستات مع الا الاحتفاظ بالحريه الكامله لكل الاعضاء
بس
اتمنى فتح بوست جديد لاى موضوع مهم حتى لايضيع
وسط بوست اليوم الحار او الكافتيريا كما يحلو
الى الاخت آمنه تسميته والموضوع المهم بشمل :
- الاجتماعى
- الاكاديمى
- الخيرى
- الاحتفائى
- الثقافى
- سياسى
- توثيقى
- رياضى
- فكره للنقاش من اجل مستقبل اليوم الحار
| |
 
|
|
|
|
|
|
|
 Re: اليوم الحار ومابندار يوم الهندسة والمعمار (Re: طارق الكوتش)
|
طارق دا زمان كان ميكانيكا
معليش بدون مذاكره ادخل(نت عشره دقايق)
زا مان كان ميكانيكا....زا وومن(woman)شنو؟؟سفل!!!!
بخصوص اقتراح طارق صن:لمنع التخطي من اليمين يمكن جعل ذلك المسار للشاحنات
وانا زراعيه...وتقولي شنو وتقولي منو
تحايا للكوتش ولمن سال عنهم ونحن الجداد(معليش اقصد المشاوي)
محتاجين نقلاتكم
| |
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
Quote: الفكرة لو اتنفذت حا تكون عظيمة.. وما لقيت اعظم من امنة
وبعدين زي ما قال الشاعر
فالله قد ضرب الاقل لنفسه مثلا من المشكاة والنبراس |
....
كل العابدين في الارض
مسلمين
مسيحيين
يهود
بوذيين
عندما يريدو العبادة الصحي صحي بمشو الخلا
وهناك تنصقل وتتهذب ارواحهم
....
الخلا بتاع بليلة صقلك يا الخطاب
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
قلت ازاكر الفاتني
ماشاء الله عليكم بقيتو تقلبو الصفحة ابو السريع
| Quote: خطاب : لماح جديد و خطير .. و ... الافكار آمنه |
Quote: خطاب معقول تختزل امنه دى كلها فى فكره
يعنى امنه دى لو مااتنفذت
مصيرها حيكون الارشيف |
Quote: انت عكست التشبيه
الفكرة لو اتنفذت حا تكون عظيمة.. وما لقيت اعظم من امنة |
دا شنو يا خوانا
والله لما ما عرفتني
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
السلام للجميع
يوم جديد وروح جديدة ( دي طبعا علاء الدين عندو فيها راي )
....
طارق صن
كويس انك شغال في مجال الهندسة
اولاد كتيرين من دفعتنا مشو امريكا واشتغلو سواقين تاكسي
انا بفتكر الزول لازم يشتغل في مجالو والا احسن بلدك
...
امنة الليل عندك ببدا من متين
الاطباء نصحونا بعدم السهر لانه يؤثر على الصحة لكبار السن !!
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
Quote: المواضيع الهامة التي تفيد معظم الناس يجب أن تبقى فى الصفحة
الرئسية |
,
زى شنو
Quote: اما الاشياء التي لا تخدم اهل السودان يجب ان تفتح لها
صفحة اخرى, |
ديل منو
| Quote: سؤال مهم ما هو الهدف من تآسيس صفحة اليوم الحار |
انت رايك شنو
من منو
اوووه OK
ياصن ياخوى
النانو تكنولوجى دا صعب علينا شويه
تبسط قليلا" يارجل وما تصعب الشغلانه
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
| Quote: المواضيع الهامة التي تفيد معظم الناس يجب أن تبقى فى الصفحة الرئسية, |
وليه ما تعتبر كل المنبر صفحة رئيسية ؟
| Quote: اما الاشياء التي لا تخدم اهل السودان يجب ان تفتح لها صفحة اخرى, |
أهل السودان؟!!
وأي نوع من الخدمة تعني؟
نحن شخصيا ( شلة الفارغين ديل)
الحاصل ده خادمنا جدا ،،
على الأقل معنويا ،،
في زمن الناس محتاجين فيه للمعنويات قبل كل شئ ،،
وما حا أكرر ليك كلام الأخوان/ات القالوه ليك للتوضيح ،،
إنهم ،، والحمد لله
كلٌ منتج وليه مكانته ودوره ،،
سواء في السودان أو خارجه ،،
| Quote: سؤال مهم ما هو الهدف من تآسيس صفحة اليوم الحار |
لو رجعت لصفحة واحد ،،
لما الأخ (خليل) بدأ سرد ذكرياته ،،
وحنينه لأيام حلوة قضاها في كافتيريا هندسة
مع كوكبة من الزملاء/ات شاء القدر أن يفرقه - والآخرين- عنهم
حا يوضح ليك الهدف من تأسيس اليوم الحار ،،،
يعني الأساس كان (الكلام الفارغ) -- حسب منظورك ،،
والكلام الفارغ ده
هو الجاب الكلام المفيد ،،
وكان نواة للكثير ،،
والأكتر الجاي بإذن الله ،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
الأخ طارق،،،
القصة دي هدية ليك
Quote: تتصور إنك تصطاده ... فإذا بك أنت الصيد الثمين ..
ان كنت لا تصدق ؟! ..
إليك هذه القصة
ذهب صديقان يصطادان الأسماك فاصطاد أحدهما سمكة كبيرة فوضعها
في حقيبته ونهض لينصرف ..
فسأله الآخر : إلي أين تذهب ؟! ..
فأجابه الصديق : إلي البيت لقد اصطدت سمكة كبيرة جدا تكفيني ..
فرد الرجل : انتظر لتصطاد المزيد من الأسماك الكبيرة مثلي ...
فسأله صديقه : ولماذا أفعل ذلك ؟! ...
فرد الرجل .. عندما تصطاد أكثر من سمكة يمكنك أن تبيعها..
فسأله صديقه : ولماذا أفعل هذا ؟ ..
قال له كي تحصل علي المزيد من المال ..
فسأله صديقه : ولماذا أفعل ذلك ؟ ..
فرد الرجل : يمكنك أن تدخره وتزيد من رصيدك في البنك ..
فسأله : ولماذا أفعل ذلك ؟ ..
فرد الرجل : لكي تصبح ثريا ..
فسأله الصديق : وماذا سأفعل بالثراء؟! ..
فرد الرجل تستطيع في يوم من الأيام عندما تكبر أن تستمتع
بوقتك مع أولادك وزوجتك
فقال له الصديق العاقل:
هذا هو بالضبط ما أفعله الآن ولا أريد تأجيله حتى أكبر ويضيع العمر |
(نعمل على التغيير ... ولكن لا نضيع العمر دون متعة)
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
طارق صن ،،
يمكن زمنك الغالي ما يسمح ليك بالرجوع لصفحة واحد ،،
عشان كده جبت ليك مقطع من أول مداخلة لخليل:
Quote: نواصل ماانقطع ونكتب عن اليوم عن الجانب الاخر من الجامعة حيث الدكاترة ولادةالهناء ومباراة مع هندسة التعادل يذهب البطولة للطب ولابديل للهندسة سوي الفوز فريق الطب به حارس الجامعة الاول ودفاع صلب وفي الوسط صديقي دكتور محمد ادم غانم والرائع مصطفي سنادة والفنان معتز وفريق الاحلام بقيادة عتوقة وطلال حامد وبهاء الدين وهشام ووليد اللتل ومحمد متوكل ونادر يماني وبقية العقد الفريد المدرجات تغلي مشجعو هندسة يهتفون الدايات الدايات ويرد الدكاترة نحن فوق طبنا بلاعة ما بتهزنا.
تقدمت الهندسة بهدفين لواحد حتي اخر خمسة دقائق واستعد الجمهور للاحتفال ولكن الحكم احتسب ضربة جزاء ظالمة للطب احتج لاعبو الهندسة واقتحم جمهورهم الملعب وهم يهتفون حاندقك يا حانسوي شغب وفي الجانب الاخر هتف مشجعو الطب بكينا بكينا المهم هدات النفوس واستونفت المباراة وفي اخر دقيقة ومن ضربة ركنية لهندسة لعبت الكرة وحاول محمد متوكل لعبها باكورد وفشل وبنفس الحركة وباكورد رائع من نادر يماني اسكن الكرة فسيح شباكها وهنا هتف المهندس صديقي ظافر عبده الله في عشرون عاما مضت ما زال صدي هذه العبارة في اذني احتفلنا كما لم نحتفل من قبل ورقصنا وهتفنا ضد كل الجامعة رماد كانون ولا القانون كوم تراب ولا الاداب اولاد بنات سكرتيرات ويا مزارع لهبك طوريتك وفي الختام الجامعة هندسة او لا جامعة ونواصل |
أعتقد ده ممكن يجاوب على تساؤلك ،،
ويديك indication للهدف من تأسيس صفحة اليوم الحار ،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
ابراهيم،،،
Quote: أعتقد ده ممكن يجاوب على تساؤلك ،،
ويديك indication للهدف من تأسيس صفحة اليوم الحار ،، |
افتكر بعد الاجابة الوااااااااااضحة دي
مافي داعي للنقاش في الموضوع دا
ويا طارق ممكن تفتح بوست بالموضوع العاوزو
ويكون جادي جداً وكل الناس حتشاركك فيه
والكافتريا دي تاني ما تمر عليها وتضيع زمنك
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
Quote: المواضيع الهامة التي تفيد معظم الناس يجب أن تبقى فى الصفحة
الرئسية, اما الاشياء التي لا تخدم اهل السودان يجب ان تفتح لها
صفحة اخرى |
طارق (شمس):
الواحد يجي داخل في نص الحفلة، والناس مبسوطة ومهججة..
يجي يقول ليهم:
(أنا عاوز أصلي في البساط الفارشنو دة؟؟؟!!!).
عليك الله أعمل أي حاجة مفيدة بيغادي..والأرقام الكتيرة دي زاتو ما تعاين ليها..
ولو فتحت ليك نوضوع جادي وجوك ناس هومي وخرمجو ليك، ليك علي أفتح فيهم سخانة
شمس أحر من شمسك دي...
كدي في الأول قول بسم الله وورينا انت منو؟؟
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: حمد محمد احمد)
|
طارق صن ... سلامات
ماتضيع زمنك و قروشك فى البوست ده > صدقنى
الناس ديل فى البوست ده دايرين يتونسوا وانا واحد منهم
ولا نطلق عليك المثل البقول > خالف تذكر
ويا صن لانك جديد بعض الشئ و للتوضيح فقط >
هنالك فرق بين منبر اليوم الحار لخريجى كلية الهندسه و بوست اليوم الحار وما بندار يوم الهندسه و المعمار
واذا دائر تفتح بوست جادى باسمك بيكون من خلال منبر اليوم الحار و ده الرابط :
http://www.sudaneseonline.com/cgi-bin/sdb/2bb.cgi?board=360
وذلك بالضغط على موضوع جديد وتختار له الاسم و اول مداخله تقود الى المحتوى
وكمان ياصن اذا دائر تتونس فى البوست ده اهلا و سهلا و ياريت تبدأ بقصة لقب صن
واذا ما دائر تتونس عليك يسهل و علينا يمهل وممكن تفتح الموضوع الجاد بتاعك
من خلال الرابط اعلاه وذى ما قال ليك حمد :
Quote: عندك موضوع جادي وبخدم البلد افتح ليهو بوست
واذا كان فعلا موضوع جادي الناس اتوماتيك بخشو معاك
واذا كان ما جادي حا يفتحو ليك ( لكن برضو حايقرو كلامك ) |
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
الأخ طارق صن
تحية طيبة ومرحبا بك بيننا
قرأت مداخلتك الصادمة حيث أصابتني وكثيرين بأقل ما يمكن أن يقال عنه.. الإحياط.. وبلغة أكثر حدة: كم من التقزز وذلك للأسباب التالية:
– مداخلتك كان خالية من أي مضامين للود للمشاركين إذ عندما يدخل الإنسان على أي دار للمرة الأولى يبدأ بالسلام ثم يعرف الجميع بنفسه (الدفعة، التخصص، مكان العمل، إلخ) ثم يبدأ لاحقا في طرح آرائه بغض النظر عن مدى الإختلاف أو الإتفاق.
– حملت المداخلة قدرا هائلا من الجفاف و الإستعلاء غير المقبول حيث عمدت مباشرة إلى التقليل من البورد ومن يكتبون فيه فوجدنا أنفسنا ممن يضيعون وقتهم ومالهم وفوق ذلك وقت الآخرين.
– دلفت مباشرة لعرض الإقتراحات التي تحسب أنها ستقوم من شأن البورد المعوج دون أن تكلف وقتك الثمين بمجرد الإطلاع على ما كتب من مواضيع منفصلة ومفيدة عن تطوير مناهج الكلية ودعم المكتبة أو التوثيق للأعلام الذين مروا على درب هذه الكلية فأصبح كل ما كتبناه عبر السنين جادين حينا وهازلين أحيانا أخريات بقدرة قادر هباء منثورا بل ومضيعة للوقت والمال.
يا سيدي العزيز بدأ هذا البوست كخواطر فردية من الأخ وليد القرود قبل سنوات ولم بهدف من خلاله إلا للتوثيق لمشاهداته الذاتية ومناجاة ذكرياته (Nostalgia) يناجي من خلالها أيام خلت بكلية الهندسة.. لم يدعي بأنه أتي ليصلح شأن الوطن كما لم يدعي بأنه سيطرح أفكارا جديدة أو يغير مجري التاريخ.. هي فقط خواطر فردية..
مع مرور الزمن جذبت خواطره وذكرياته إنتباه المهندسين المشاركين في البورد بل و كل من عاصر تلك الحقبة فبدأت المدخلات تترى وتحول (الهزل ومضيعة الوقت) إلى تعارف بين الناس ثم تفاكر ثم تفكير فعمل فبدأنا بمحاولات متواضعة لدعم الكلية في إتجاهات متعددة (كتب، برادات ماء، دعم للعمال، ...) ثم أخيرا التفاكر حول إنشاء موقع أقترحنا تسميته بملتقى المهندس سيتم الإعلان عنه قريبا.. كل هذا يا سيدي الفاضل كان نتاج الهزل ومضيعة الوقت التي كنا ولاوزلنا نمارسها في هذا البلد المنكوب بأهله.
أنا شخصيا مدين لهذا المنبر وصاحبه الجليل بدين تنوء بحمله الجبال.. قبل المنبر لم أكن أعرف من أعضائه سوى علاء الدين أما الآن فعندي منهم أصدقاء كثر.. صرت أستمتع بمناكفة الأخ العزيز أبراهيم مثلما أستمتع بالتفاكرمع حمد .. بل أنني عندما سافرت قبل أشهر في مهمة رسمية إلى قطر أستقبلني (الفارغون) خليل وكيكي وصلاح ليون الذي أقمت بمنزله في نهاية الأسبوع علما بأنني لم أتعرف عليه إلا من خلال هذا البوست.. فهل يعتبر التعارف والتواصل مضيعة للوقت؟ هل ياتري يعتبر الفيسبوك والتويتر وماي سبيس مضيعة لوقت الولايات المتحدة وساكينيها؟؟ مالكم كيف تحكمون...
هذا المنبر جمعنا مع اجيال مختلفة منهم من كان في مهد صباه عندما تخرجنا من الجامعة ومنهم من كان في المدرسة عندما أكملنا الماجستير.. بل ومنهم من تشرفت بتدريسهم في الكلية... ببساطة أصبح البوست (مضيعة الوقت والمال) ملتقى لأجيال مختلفة تحمل هم المهنة وتحاول ما تستطيع لتقديم ما يفيد دون إلقاء كلمات كبيرة أو مواعظ رنانة ودون أن تنجرف للتعالي على الآحرين أو الحط من شأن ما يفعلون..
قيل ما يقارب العام إقترح الأخ بكري صاحب الموقع تحويل البوست المنفرد لمنبر منفصل يعد ما رأي الإقبال الكبير من (أهل الفارغة والمقدودة)... عندها أصبح بإمكان أي منا أن يكتب موضوعا مستقلا عن بوست اليوم الحار الذي تحول لمنبروإطار جامع.. منذ ذلك اليوم أتفق الجميع (Gentleman Agreement) على أن تكتب المواضيع الجادة في بوستات منفصلة على يواصل بوست اليوم الحار دوره في التواصل والتعارف والونسه أي أشبه بكافتريا الهندسة كما قال الأخوة وهم صادقون.. بل هي كافتريا تاريخية أختزلت عقود من الأزمنة ووضعتها في صفحة واحدة.. فشكرا للتكنلوجيا التي أرتنا عجلة الزمن تدور وتدور وتجمع شخصي وعلاء مع سحر وآمنة كما جمعت حمد وخطاب وجمعتنا معك أنت وآخرين.
فهل عرفت الغرض من هذا البوست أم تريد المزيد؟؟
يا أخي.. نصيحة بسيطة.. أن رغبت أن تكون فاعلا ومؤثرا في هذا البورد فابدأ بالسلام ثم الإحترام فهما الكفيلان لجعلنا نستمع لك ثم نستمتع معك بما هو مفيد... ألم ترى بأنك أنت من ضيعت وقتنا بكتابة هذه السطور التي كنا جميعا في غنى عنها لو كان المدخل غير المدخل وكانت البداية غير البداية؟؟
ختاما أهلا ومرحبا بك ونتمني لك التوفيق في فعل ما هو مفيد .. فالوطن به ما يكفيه من مآسي ولا يحتاج للمزيد...
وعذرا للرد الجاف فقد أجبرتنا على ما لا نحب..
طارق أحمد خالد
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق أحمد خالد)
|
شكرا طارق احمد خالد فقد عبرت عما يدور بداخلى
وبتمنى ( فقط منيه ليس الا ) ان نتوقف لحدى هنا
ونرجع الى حيث ما انتهينا
_______
انتو الناس ديل لو كورة الليله
بين مصر و الجزائر اتحسمت تماما
بيكون فاضل ليهم شنو يحققوه كانجاز
فى بقية هذا الموسم .....
( ده لو اعتبرنا تنظيم الكوره انجاز )
وكشكشى
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
حاج علاء،،،
بالطريقة دي ردك دا بروح شمار في ملح
ولأنو عجبني جبتو ليك هنا في الاخر
Quote: طارق (شمس):
الواحد يجي داخل في نص الحفلة، والناس مبسوطة ومهججة..
يجي يقول ليهم:
(أنا عاوز أصلي في البساط الفارشنو دة؟؟؟!!!).
عليك الله أعمل أي حاجة مفيدة بيغادي..والأرقام الكتيرة دي زاتو ما تعاين ليها..
ولو فتحت ليك نوضوع جادي وجوك ناس هومي وخرمجو ليك، ليك علي أفتح فيهم سخانة
شمس أحر من شمسك دي...
كدي في الأول قول بسم الله وورينا انت منو؟؟ |
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
Quote: انتو الناس ديل لو كورة الليله بين مصر و الجزائر اتحسمت تماما
بيكون فاضل ليهم شنو يحققوه كانجاز فى بقية هذا الموسم ..... |
إنتو عاد الرد كاسل دي ما حارقاكم شديييييييييييد ،،
غايتو إنجازنا الوحييييد الممكن نحققه ،،
نلعب مبارة ودية مع (ما)ذنبي ،،
ونغلبه 5
أو
يغلبنا B]5
وااااااااااااااااااااااك ،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
طارق احمد خالد ( بصورة جادة )
ط ا خ ( بصورة جادة جدا !!! )
دائما سيستماتيك
ياخ ده بحث ما رد
....
علاء الدين الصلاة في الحفلة كيف
احسن حاجة البوست الفتحتو ده
عشان نتعرف اكثر\\وكما قال المثل المابعرفك بجهلك
....
التعليق يا بير
7/11/2009
7/11/2006
( فالضد يظهر حسنه الضد )
( وش ما جادي )
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
ابو هريرة،،،
Quote: التعليق الفايز هو:
تلاته سنه يوم وراء يوم يفراغ شديد متحكر انا
افتش في جديتي معاك وانت( بيضت) بي انا |
بطل عدم جديتك دي ياخ المسابقة لسة
ما اتفرزت
Quote: انتي يا امنه: عصيده الصياح اليوميه الما حضرناها دي
كانت بملاح رووووووب!!!! |
يازوووول كل انواع الملاحات والعصائد فاتتك بس...
| |
|
|
|
|
|
|
| |
Hisham Magzoub
حمد محمد احمد
صلاح ليون
الخطاب مساعد الماحي
علاء الدين محمد بابكر
Amna Mohamed Arh
ابراهيم محمد الحسن
khaleel
طارق أحمد خالد
فيس بوك
تويتر
انستقرام
يوتيوب
بنتيريست