كتب الكاتب الفاتح جبرا المتوفرة بمعرض الدوحة
|
Re: اليوم الحار ومابنداريوم الهندسة والمعمار (Re: khaleel)
|
شنو يا خوانا.. نرجع نحج سريع كده تاني ولا شنو..
الحبر..الخلق دي راحت وين؟؟
يا شباب وشابات الهندسة..علاءالدين هنا..
أين انتم....
واحد اغترب زي عشرة سنوات كدة..رجع الحلة..لقي أسماء الشوارع (اتأسلمت..شارع عمر بن الخطاب..شارع علي بن ابي طالب.. شارع ابوبكر الصديق...زراسو ضرب... وقف وسط الحلة وبدأ يكورك.... يا أهل مكة..اين داري..اين داري...) أين ناس اليوم الحار؟؟؟؟؟ظ
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
ياحمد سلام...
Quote: والله يا كوتش فاقدنك
شفت الجماعة صنو كيف
حتى الدماء الحارة بقت كيف كيف |
الكوتش بعد كدة خلاص رجع ليه الPassword يابكري
البوست بقى بالأيام مافي زول بكتب حاجة فيهو..!!!
والدماء الحارة ما بردت ياحمد بس راجين النت يرجع
لأنو مامكن الزول يكتب ويرد على نفسه...!!!
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
الحمد لله على سلامتك يا حاج حج مبرور وذنب مغفور
كان الله في عون اخواننا في غزة سارة كيفك ( كما تقول مهاد بتي )
ياحاج علاء الدين فاقدنكم شديد انتم ولعيبة اساسيين مثل ابراهيم الكوتش الحبر هشام والصلاحين وهالة والدكتورة و... و... ابراهيم زي ما قال الزول داك اللقى احبابو نسى اصحابو او كما قال !!!
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
سلام للجميع، طولنا الغيبة مش كدة،
معليش، شى بأيدنا و شى ما بأيدنا، و لو إنو الزمن دة، كلو ما بأيد زول،،،،
غايتو نحاول نعوضكم شوية،، ولو إنو الجماعة، سارة و حمد، و بهناك هشام، عاملين اللازم و زيادة ما شاء الله،،،
علاء الدين حمدالله على السلامة ياخى، و الحجة مبروكة، عقبال تسبعها، إن شاء الله،،
و لا سبعتها خلاص؟؟
اللهم أوعدنا،،،
الليلة يا جماعة حسب الإتفاق ،،، و حسب المواعيد؟؟؟
على خيرة الله،،،
_________________________ بالمناسبة، السبت الفات و على الهواء مباشرة، الحبر كلم بكرى بموضوع الكوتش، ووعد بعمل اللازم،،،
ياللا منتظرينك يا كوتش،،
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
اليوم كانت جلسة لوداع ابراهيم محمد الحسن كان الحضور جميلا
د تهاني
كلام سارة شوية عليك
احسست اني اعرفك منذ زمن
حفظك الله من العين
ابراهيم دافئ في معاملتك حتى وجودك مع الناس يعطي نفس الانطباع
صلاح مختار كالمعتاد قليل الكلام لكن وجودك له معنى عمبق
عمر الصادق لك التحية
هالة متالقة
سارة من منطلق الحوار الذي جرى معك
اصبح من السهل التعامل معك
لكن حكاية البنفسجي شنو
علاء الدين الحديث معك متعة ( يا حاج )
الحبر دائما مع حسن ظننا بك
وجودك دائما مهم المجهود الذي بذلته اليوم يستحق التحية
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
حمد..شاكرين علي اخطارنا باللمة الجميلة دي..
علاقات الواقع الإفتراضي التخيلي علاقات غريبة..
تكون صاحبت الزول..وعرفت عنو حاجات كتيرة.. لكن الشئ الوحيد الما بتعرفو عنو شكلو..
تخريمة:
يكون دة الخلي المشركين يفترضو شكل للإله وقامو عملو اصنام عبدوها...
المهم..سارا..ومن قبلها(سفن أب..ابراهيم)..ومن قبلهم الكوتش وصلاح مختار..
فردتي في القصص..وغيرهم..
تضع لبهم أشكال افتراضية..ولايغير الواقع حلاوة الغلاقة..
كان لقاء ابراهيم وكان لقاء سارا..
وفي انتظار البقية..
شكرا حمد مرة اخري..
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
حمد..والجميع.. حكاية الحج..كما وعدتكم ستكون علي المنبر العام..
لأنها قصة فلسفية..تمس أحد أركان الإسلام الخمسة..
كتبتها كتاب قبل أربعة أعوام..واختلف معي كثيرين.. واتفق معي كثيرين..
وحينها لا أعرف عن الأراضي المقدسة الا ما سمعته في التاريخ.. ولكنني قمت بوصف كامل لكل مناسك الحج..ليس لأنني
كنت مذاكرا جيدا لمادة الحج.. ولكن لأنني قد استنبطت قصة الإنسان الأول من آيات القرآن الكريم..وأسقطها علي مناسك الحج..فكان كتابي (الحج..مسيرة الإنسان الأول من جنة جبل عرفات الي بيته المحرم..)
بعدها كتبت كتاب آخر موسع أكثر بمشاركة أخي دكتور عماد..وأسميناه (آذان الأنعام) وكانت فيه قصة الحج أكثر وضوحا..
وفي هذه السنة..ذهبت حقيقة الي الأراضي المقدسة,,ومارست كل مناسك الحج علي قدر الإمكان كما مارسها المصطفي صلي الله عليه وسلم..
ووجدتني أسير علي خطي الإنسان الأول شكلا ومضمونا....
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
ال هندساب .. وال خرطوماب.. وال بورداب .. وال هنا وهناك..
سلامات ..
الحضور الجميل.. علاء .. هالة .. حمد..
كل عام وانتم بخير .. والسودان اكثر اشراقا بجهود الجميع ووجود الجميع ..
بالمناسبة وصلنا خبر .. الحضور العالي في امواج .. ان شاء الله تكونوا بقيتوا سمينين .. وخشمكم لسع باثار امواج ..بينضح .
ولكل الحضور وللمعلومية .. ستكون هناك جلسة غير معلنة .. لكي نسد التار.. .. ويا هومي طريق السلامة..
وابقوا قاعدين..
الفاتح
| |
|
|
|
|
|
|
Re: اليوم الحار ومابنداريوم الهندسة والمعمار (Re: ELFATIH ABDELLA)
|
سلام يا هندسة بعد طول غياب ،،
خلاص رجعنا للملح المقنن (يا هشام مجذوب) .. الملح الما خمج ...
حقيقة الأيام في السودان كانت جميلة ،، ومليئة بالكثير .. لدرجة الواحد ما لحق يغطي حاجات كثيرة
لكن أجمل ما فيها .. لقاء أعزاء .. طال علينا فراقهم .. طال دي طبعا 3 سنوات ...
التفاصيل والصور في الطريق
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
طبعا الواحد حظي بثلاثة لمات تاريخية .. غاية في الروعة ،، روعة الناس القابلهم بعد طول فراق ..
لمة في الكباشي .. وشفتوا تفاصيلها .. وما خفي أعظم .. عظمة أهل الكباشي وطيبتهم ..
ولمة في الأسكلا .. لا تقل روعة .. كان متوقع ليها حضور أكبر .. لكن ،، ظروف إنقطاع الكهرباء الطارئ والمفاجئ في كل أنحاء العاصمة القومية وما حولها .. كسلت كثيرين وحالت دون حضورهم ..
واللمة الأخيرة .. في أمواج .. والغداء المعتبر .. قبل ساعات من مغادرتي حقيقة كان ختامه مسك ..
التفاصيل جاية ....
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: سلام يا هندسة بعد طول غياب ،،
خلاص رجعنا للملح المقنن (يا هشام مجذوب) .. الملح الما خمج ...
حقيقة الأيام في السودان كانت جميلة ،، ومليئة بالكثير .. لدرجة الواحد ما لحق يغطي حاجات كثيرة
لكن أجمل ما فيها .. لقاء أعزاء .. طال علينا فراقهم .. طال دي طبعا 3 سنوات ...
التفاصيل والصور في الطريق |
1000 حمد لله على السلامة يا بير قريبتي...
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
سلامات للجميع وكل سنة وانتو طيبين...
ابراهيم وين بقية الصور...
قطعة الكباب كانت شديدة..وانا جاي جيعان من الحج..
بالمناسبة انا نزلت بوست الحج بالصور في المنبر العام.. والقصة الحا أطرقها بتتحدث عن ركن في الإسلام..وحا يكون فيها خلافات كبيرة..لأني باحاول اقتلع الخرافة من الحقيقة في الممارسات.. عشان كدة ايدكم معانا عشان يكون فوق اطول فترة ممكنة....
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
ونعود تانى تانى تانى تانى من تانى وكل سنه و الكل بخير و عام سعيد للجميع
والشكر موصول لكل الناس الاجتهدوا لاعود من جديد > عمر الحبر و عبدالكريم كيكى و هاله حسن
وارجو ان اكون فى الدوره الجديده عند حسن ظن الجميع واعدكم بالمزيد من المفاجآت فى هذا العام
ولايفوتنا ان نبارك الحج لحجاج بيت الله الحرام فى هذا الموسم علاء الدين بندق و مدثر الرشيد و احمد محى الدين و عثمان صديق وعمر الحبر و فوزى عبد الفتاح وخالد باجبر و البقيه من قبيلة الهندسه
وبرضو بوعدكم بفتح بوست كامل يحكى عن شهر عسل عز الدين عبيد فى الامارات من حجزه فى مطار ابوظبى لمدة ثلاثة ايام و لحدى الرحله التاريخيه بحدائق مطار الشارقه يوم الخميس الماضى
وكل الشوق للناس الراسلونى و سالوا منى اثناء فترة التهكير ( اعضاء و زوار )
راجعين راجعين بس خليكم قريبين
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
يا اجمل الحلوين .. سلام..
صورة القرود .. دى .. الله اعلم تكون في غندهار.. الموضوع محتاج لادلة اكثر.. (وش مكشر.. وغامز في نفس الوقت)
الكوتش .. وصل وتحرك فريق الهندسة.. وابداعاتك وهمتك يا بتاع القناة ..
زمان قلت ليكم .. الموضوع ما هكر ولا حاجة .. لكن فقط .. خطأ في كتابة الباسوورد بتاعتو .. ( ما كلمتكم!!!)
كان بيكتبها ( نخفسا) .. يعنى لو لاحظت للحروف دي .. بعد تحويل الكيبورد للانجليزى ستكتشف الحقيقة المرة..
انو الكوتش .. ليه ما قادر يدخل مع المجموعة..
لذا لزم التنويه.. وتقدير ظرف الكوتش ..
التحية ليك يا حبيبنا الكوتش ( او الكوشت .. زى ما بيقول هومي) .. ونكهة الهندسة تكتمل بيكم .. رجاء حركوا لينا القرود .. وكيكي .. ويكون اجمل لو ايريا عتب علينا..
مودتنا...
الفاتح
| |
|
|
|
|
|
|
Re: اليوم الحار ومابنداريوم الهندسة والمعمار (Re: ELFATIH ABDELLA)
|
الأخوة والأخوات الأعزاء من الدوحة الف سلام وتحية
سعدنا والله كتير باللمات والقعدات العامة منها والخاصة يا الكوتش والله فقدناك في الإجازة دي بس الجايات أكتر
يا فوزي عبدالفتاح إنشاء الله الحجة مبرورة وتقبل الله كنت اتمنى مقابلتك وبقية أعضاء البوست الما قدرت اقابلهم إنشاء الله الإجازة الجاية تكون احلى والشوفة تحصل
صلاح مختار: قريب بديك اخبار حلوة إبراهيم محمد الحسن: كيفك يازول يا رائع ومعليش ما قدرت اجي في اللمة الاخيرة بتاعة وداعك في أمواج وعارفك حتعزرني
حمد حماد يا صاحب نظرية (أربعة في آن واحد) الله يديك العافية ساكت ط أ خ: يا اسم على مسمى تحياتنا واشواقنا
ويا الحبر سلم لينا على ناس الوتين وبالله في كل مناسبة أقاشي اتذكرنا
| |
|
|
|
|
|
|
Re: اليوم الحار ومابنداريوم الهندسة والمعمار (Re: صلاح ليون)
|
صلاح الليون ،،، حمدا لله على سلامة العودة وانشاء الله الإجازة موفقة .. والأهل بخير كلهم ....
إختفيت من اللمات الأخيرة .. بس ،، عاذرنك .. أكيد كنت مركز ..
Quote: حمد حماد يا صاحب نظرية (أربعة في آن واحد) الله يديك العافية ساكت |
قصدك حمد محمد أحمد حمد حماد - عضو البوست المهكر - في كندا ..
ده أكيد من كترة التركيز ..
| |
|
|
|
|
|
|
Re: اليوم الحار ومابنداريوم الهندسة والمعمار (Re: صلاح ليون)
|
ليون ،،
Quote: انت يا ابراهيم اسم حمد...... ده في عضمو ملخبط وخلف خلاف وبيجهجه المامركز زاتو تعال نشوف ليهو اختصار زي صاحبك ط ا خ رايك شنو نديهو اسم حماميد عشان نخلص |
فعلا والله .. ملخبط شديد .. وبجهجه ..
أوافق على الإختصار .. طالما هو : حمد ، محمد ، وأحمد رأيك شنو نخليه ( محاميد) ...
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
اتصلت الآن بالباشمهندس ياسر محمد أحمد لسؤاله عن صور لقاء الأسكلا ..
ياسر بيسلم على الجميع وبيعتذر عن تأخير الصور
وده بسبب مشغولياته :
أولا مرض إبنته مآب ويسألكم الدعاء لها بالشفاء والعافية ..
وثانيا : رزق مولود (محمد) ويدعوكم للسماية غدا ..
الف مبروك المولود يا ياسر ربنا يحفظه ويجعله قرة عين لك ولوالدته ..
ونتمنى لمآب عاجل الصحة والمعافاة .. يا رب ..
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
سلام للكل:
في ذمة الله الزميل الباشمهندس مدثر السماني
مدنية (1992)
و الذي توفي بالقاهرة يوم الجمعة الماضية أثر علة لم تمهله طويلا
و يقام العزاء بجبرة مربع 18
للفقيد الرحمة و لآله الصبر و حسن العزاء
إنا لله و إنا إليه راجعون
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
يا جماعة سلام،
و بمناسبة الأعوام الجديدة (الهجرى و الميلادى)، كل عام و أنتم بخير،،،
Quote: شفتوا الخيانات دي؟ مشوا قندهار مع بورداب الخرطوم ..
خليل والحبر ،، ويقال هالة حسن برضو |
و جبتوها بالثابتة كمان، و اللقمة فى خشمهم،،
والله صعبين لكن،،،
Quote: ويقال هالة حسن برضو |
لكن يا إبراهيم، أنا كان ما حصلت قندهار دى، كان لليلة ما لقيت ليكم أبو القوق،
يعنى يرضيكم كدة، ما فى زول/ة يعمل ليكم التمام، ولا شنو؟؟؟
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
يا كوتش،
Quote: ونعود تانى تانى تانى تانى من تانى وكل سنه و الكل بخير و عام سعيد للجميع |
الف الف حمدالله على السلامة ياخى، عدت و العود أحمد،،،
وما تسألنى أحمد دة منو؟ طيب؟؟؟
المهم، برضو أعذرنا لتقصيرنا، ما كفاية نكون شايلين همك، كان مفروض نتواصل أكتر،
عارفاك بتصدقنى إذا قلت ليك،، أكتر من مرة اشيل نمرة تلفونك و أختها قدامى عشان أتصل، و تحصل حاجة، اقول طيب بعد شوية، و بعد شوية دة أصلو ما يجى،،
غايتو أمسحها فينا،،،،
و البركة فى فك أسرك،،،،،،،،،،،،
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
إبراهيم،
Quote: إختفيت من اللمات الأخيرة .. بس ،، عاذرنك .. أكيد كنت مركز .. |
لو الليون كان مختفى لظروف التركيز، ورجع بشى، نبقى عاذرنوه، لكن كان رجع خالى الوفاض، إلا يرجع تانى و يعتذر حتى نعذرو.....
افتكر معقول جدا، ولا كيف يا جماعة؟؟؟؟
___________________ الليون، طبعا عاجبنى الايام دى موضوع الإفتراء بالعين القوية الماشى دة، قلت نمارسه شوية.....
أستحملونا ياجماعة........
على العموم، حمدالله على السلامة، (و برررررضو، لغاية ما نفهم شى..)
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
السلام للجميع بدون فرز وحزينين علي اللمات الجميلة الفاتتنابسبب المرض بعد الرجوع من الحج لكن العزاء انو الناس يكرروا اللمات دي انشاء الله ومنتظرين التفاصيل يا ابراهيم وبنقول لكل المغتربين الرجعو حمد الله علي السلامه ويا كوشت حمد لله علي رجوعك ومنتظرينك الليون حمد الله علي السلامه والجايات اكتر من الرايحات يا ابراهيم القرود رجع والا لسع
| |
|
|
|
|
|
|
Re: اليوم الحار ومابنداريوم الهندسة والمعمار (Re: sara Eltayeb suliman)
|
الاستاذة هالة كل التحايا والتقدير
Quote: لو الليون كان مختفى لظروف التركيز، ورجع بشى، نبقى عاذرنوه، |
لا الحمد لله بشي ، بس لسه مركز معاهو
Quote: الليون، طبعا عاجبنى الايام دى موضوع الإفتراء بالعين القوية الماشى دة، قلت نمارسه شوية |
ما عليكي يا ستي افتري زي ما عايزة واعملي ليكي تريننج هنا وامشي المنبر العام لانو شايفو مولع نار بس النبذ بتاعهم حتجيبي من وين
حماميدو، ياخي ما تقولي كده وانا اقول الرباعية دي جايبها من وينQuote: اسمي بالكامل حمد محمد احمد حمد زي ما قال ابراهيم الشاطر ده |
| |
|
|
|
|
|
|
Re: اليوم الحار ومابنداريوم الهندسة والمعمار (Re: صلاح ليون)
|
الحاج فوزي عبد الفتاح ،،
Quote: السلام للجميع بدون فرز وحزينين علي اللمات الجميلة الفاتتنابسبب المرض بعد الرجوع من الحج لكن العزاء انو الناس يكرروا اللمات دي انشاء الله ومنتظرين التفاصيل يا ابراهيم |
حمدا لله على سلامة رجوعكم ،، وحجا مبرورا متقبلا يا رب ،،، وكفارة ...
والله نحن الما سعيدين لعدم مقابلتكم ،، وحا نفتقد تكرار اللمات دي ،، حتى إشعار آخر ....
Quote: يا ابراهيم القرود رجع والا لسع |
والله علمي علمك ،، غايتو آخر عهدي بيه في قندهار يوم الجمعة .. أسأل عنه عمر الحبر .. شريكه في المؤامرة ...
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
يا جماعة، معليش جيت داخلة بالعرض كدة،
لكن أنا كتبت مداخلة فى الحتة دى بالتحديد، و رجعت ما لقيتها، و قبلها المنبر عمل معاى حركة مش ولا بد كدة، و قربت أحصل الكوتش فى أزمته الإنفرجت، (مش أنفرجت برضو يا كوتش؟؟؟؟؟؟)،،
المهم، يا ليون،
Quote: لا الحمد لله بشي ، بس لسه مركز معاهو |
ما شاء الله، و زى ما قال إبراهيم، شغلك نضيف،، الف مبروك، و يتمو على خير،،
Quote: ما عليكي يا ستي افتري زي ما عايزة واعملي ليكي تريننج هنا وامشي المنبر العام لانو شايفو مولع نار بس النبذ بتاعهم حتجيبي من وين |
العفو يا سيدى، الإفتراء دة والله ما حقنا،،
و بينى و بينك بهناك اللغة صعيبة خلاص، غايتو مرة نعمل ما سامعين ، و مرة نغمض، و الله كريم،،،،
تشكرات لرحابة صدركم،،،
___________________________ ياسر، مبروك المولود، يتربى فى عزكم،،
فوزى عبدالفتاح، حجا مبرورا و سعيا مشكورا،، و تقبل الله،
لكن كان ما دعيت لينا، برضو ح نرجعك، تعمل اللازم حتى تجى تانى،،،، (شوية إفتراء من إياهو...)
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
سلام للكل:
عدنا بس علي خفيف يعني ما مذاكرين و ما مركزين شديد
الحاج فوزي مبروك الحج و إن شاء الله تسبعها
حجا مبرورا و سعيا مشكورا لك و لبقية الحجاج بالمنبر
حاج الحبر و حاج بندق و حاج عثمان صديق أمين المال
و بالمناسبة دي أنا استلمت من البير مبلغ من الريالات
عبارة عن اشتراكات ناس السعودية في دعم المكتبة و ح يكون في اجتماع مصغر
كده مع شيخ الحبر و عثمان صديق و حنطلعكم علي الاتفاق بإذن الله
و كنت قد تشرفت بزيارة العريس الليون بالمكتب قبل أمواج بيوم
ودعوته بس ما جاء ماعارفين السبب شنو؟؟
تحياتنا للجميع و عذرا للتقصير
| |
|
|
|
|
|
|
Re: اليوم الحار ومابنداريوم الهندسة والمعمار (Re: صلاح ليون)
|
Quote: والله زعيمنا فعلا عجبو الحال ومدد الاجازة |
طبعا،
تانى ووين تلقو زى دة؟؟؟ هو الواحد بياخد إجازة كل يوم؟؟؟
أيامك يا خليل،،،،
____________________________ أبراهيم، قلت لى دق الوتد وين؟؟ و أكيد الموضوع كان بالليل....
فيلم رعب بس...
| |
|
|
|
|
|
|
Re: اليوم الحار ومابنداريوم الهندسة والمعمار (Re: ELFATIH ABDELLA)
|
يا الفاتح،
Quote: نما الى علمنا انو فوزي ع الفتاح وجد ضمن قائمة مكتوب عليها ( ذا فلوينق هاس تو ربيت ذير هج) |
اللستة دى بتطلع توماتيكى،،،
إذن ثبت شرعا إنو ما أتذكر دعا لينا،
فوزى، من حسه، خت القرش على القرش، و لم فلوس الحج للسنة الجاية، (زى ما الصعيدى قال فى التلفزيون)،،،
و إنشالله كان الله حيانا، برضو بنعمل التمام،،،،
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: دكتورتنا تهاني سلام وتحية والله سعدت بلقائك وزيارتك في مكتبك وكنت اتمنى حضور لمة أمواج لكن المانع كان خير
إنتي اشتراكات ناس قطر عند منو |
حبابك ليون:
إن شاء الله الخير المنعك من الحضور يكون ال...
بالنسبة لإشتراكات ناس قطر الموضوع ده في يدكم يا صلاح
و ممكن الاتصال مباشرة بعثمان صديق
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
سلام لجميع الناس اعضاء و زوار وبحاول من خلال هذه المداخله ارد او اعلق على بعض المداخلات السابقه .... واعدكم بالمتابعه اول باول
- رحم الله الزميل مدثر السماني... وأسكنه فسيح جناته... والهم اله وذويه الصبر وحسن العزاء...
- والف سلامه لوالدة الاخ العزيز هشام مجذوب و اجر و عافيه يا رب
-
ومبروك الزواج للاخ خالد حبه وبيت مال و عيال والتحيه والسلام كميات لمنقوشى و عباده السراج
_
علاء بندق برجع ليك بمهله لبوست الحج فى المنبر العام
_
وبرضو بشكر الجميع واقدر الروح الطيبه لحسن الاستقبال لى من جديد، وشكرا كتير يا ابراهيم وكيكى و الزعيم الحبر و ساره الطيب لمهاتفاتكم التى تمت من السودان و من السعوديه ومن قطر اثناء فترة تهكيرى . وشكرا ليك كتير يا هاله وانت تصارعى الزعيم بكرى ابوبكر لعودتى من جديد ومقدر تماما ظروفك و الآخرين الذين لم يتمكنوا من مهاتفتى ولكم جميعا احبتى كل التقدير و الاحترام
- وياالكباشى برجع ليكم اكيد فى المنبر العام
| |
|
|
|
|
|
|
Re: اليوم الحار ومابنداريوم الهندسة والمعمار (Re: طارق الكوتش)
|
يالكوتش من الدوحة سلام،مشتاقين يازول والله فاتتك حاجات رائعة كل واحدة كانت أحلى من التانية بداية من رحلة الكباش ومرورا بالاسكلا ومن ثم أمواج وقندهار
لكن عارف الحيكون ماغصك اكتر انو ايام فلم المسامير السبعة انك كنت ما قادر تعبر وهسه يعني جات لي إبراهيم في جرح
تحياتي واتوقعني قريب في الشارقة
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
رسالة من الباشمهندس ،، البرلوم ياسر عبيد:
Quote: مع انك كهربجى بس يلا نكسب فيك الأجر
سلام عليكم هندسة قبل اى شى ياباشمهندس اتحمل لسانى الطويل شوية وخليها بالنية والنية لبن ابيض بس ...اميلك من اليوم الحار جبته قبل ماتقلع عينيك وتقول دة هكر ولا شنو وخلينى اكتب ليك ياخ لانى عاهدت نفسى انى اكتب ليكم كلكم ياناس اليوم الحار يالزاز...فاسمح لى ان اكتب وان تقرأ ثم لايكون لك الا حق الرد باحسان او الانكار بمعروف دايما كنا نشعر بالفخر اننا اولاد هندسة والفخر دة ماكان لى شى هين والله ولينا حق نفخر صح....اكبر اثبات انتوا ياناس دفع التمانينات لسة متواصلين وبتتلاقوا وبتبهرونا بى حضوركم النوار.. قد لا التقيك ابدا وقد التقيك اخى العزيز فليبقى بين الناس بعض الود وكل المحبة...والله العظيم كل اثام الدنيا الشايلها على كتفى بتروووح مرة واحدة بس ادخل منبركم وارجع تاااانى الود الطااهر الشايل مصلاية ابوه وبمد ليه فى الابريق عشان يتوضا ويصلى وراه...فكيف اشكركم قل لى انت... تتقاصر كل مقاماتى ان تطول فتلحق بكم او تقارب الوصول لمقامكم العالى قل لى كيف الوصال ان بقى شى ياباشمهندس فمعليش للزمن القعدت وقريت فيه الرسالة دى مانكون اخدنا من وقتك كتير اسمح لينا وشكرا على كل الحال مدنية الخرطوم 2002 ياسر ودسميرة |
| |
|
|
|
|
|
|
Re: اليوم الحار ومابنداريوم الهندسة والمعمار (Re: صلاح ليون)
|
ليون ،،
Quote: اها الليلة مد ليهو راسك عديل خلي الزول ده يتفشى مع انو حتكون باردة شايفو ليك من شدة العرمة كتب رد في كل بوست وطبعا حيكون شرابو المفضل بقى سفن اب |
شكلو كده رايحه ليه فشة ،،
لاحظت مع انك انت برضو أمس ما ظهرت ،، لكن ركز على أنا .. شكلو ناوي على حاجة .. (وش مادي لسانه) ..
بالنسبة لشراب السفن أب ،، أعملو حسابكم ،، السكري بيرتفع .....
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
نرجع لرسالة البرلوم ياسر ،،
أولا الشكر أجزله لك على الرسالة والمشاركة .. والكلمات المعبرة .. وما تتصور بنكون سعيدين كيف لما نلقى ناس متابعة البوست .. خصوصا أجيال الألفية .. وده أكبر دافع لنا للمواصلة ..
لكن تعال هنا ،،، شنو (مع إنك كهربجي دي ؟؟) ما تنسى نحن على الهواء .. وحكاية كهربجي ومساح وبلاعة .. دي خليها لما نكون في كافتريا هندسة ..
Quote: والله العظيم كل اثام الدنيا الشايلها على كتفى بتروووح مرة واحدة بس ادخل منبركم وارجع تاااانى الود الطااهر الشايل مصلاية ابوه وبمد ليه فى الابريق عشان يتوضا ويصلى وراه |
العفو يا رجل ،، انت عاوز تعمل بوصية هشام مجذوب ولا شنو ؟
سعدت جدا بكلماتك .. ويا ريت يا ريت تواصل ،،،
| |
|
|
|
|
|
|
|