|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
يا كوشت ،،
Quote: ظروف مرض قاسيه لاحد زملائى فى العمل ( سودانى وهو اخ كريم ) منعتنى من المواصله وهذه الظروف قد تمنعنى من الضحيه فى السودان لانه بديل اجازه .... بس دعواتكم له بالشفاء |
نتمنى لزميلك عاجل الشفاء والصحة ...
بس ما تبالغ بخصوص الضحية ،،
هالة جهزت الشية ،، والخروف لونه blue
| |
|
|
|
|
|
|
Re: اليوم الحار ومابنداريوم الهندسة والمعمار (Re: حمد محمد احمد)
|
Quote: انا لله وانا اليه راجعون
ننعي ببالغ الحزن والاسي دكتورتنا وعالمنا الجليل دكتور عبد النبي علي احمد
الاستاذ بكلية الهندسة والامين العام لحزب الامة
لقد تعرفنا علي دكتور عبد النبي علي احمد في تالتة ورابعة مدنية وقام بتدرسينا
طوال سنتان
كان رجلا هاشا باشا متواضعا خلوقا كريما
اللهم ابدله دارا خير من داره واهل خير من اهله |
اللهم ارحم د. عبدالنبي علي أحمد و أسكنه فسيح جناتك.... إنا لله وإنا اليه راجعون...
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: نفرض كمية عصير البرتقال الموجود فى الزجاجه |
تعرف يا كوتش..مع اتفاقي معاك في صحة النظرية.. لكن ادخال معطيات خاطئة يقود الي نتائج خاطئة.. يا كوتش العصير الفي الزجاجة ما كان برتقال!!! يعني بدل عمري الحقيقي يطلع ليك سبعة وعشرين سنة ونص..كنت حا توديني في داهية وتكبرني ويبقي عمري واحد وعشرين سنة.. شفت المقلب دة؟؟
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: المرة دي .. مساء الخير .. يا هندسة ... |
هشام..شفت صاحبك ابراهيم..قعد في الملح لحدي الساعة واحدة (لاحظ الزمن عشرة صباحا) ورسل لينا رسالة مساء الخير عشان نقول وصل البيت..
انت فرحة الكورة علمتك اللعب؟؟ قديمة العب غيرها..
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
تعرف يا حمد الوجاهة ما زالت.. بس الوضع الجديد بتاع المنخفضات الفي وسط الشعر والإنتفاخات الجانبية في الوجه دي مجرد مكياج مفروض علينا من وزارة الداخلية للمحافظة علي استتباب الأمن الداخلي، يعني كل اسبوعين كدة بمشي الحلاق واطلب منو تخفيض الوسط وزيادة الأجنحة..وهكذا..
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: متوقع وصول شيخ الحبر إلى السعودية يوم الثلاثاء ..
يعني حا نجظى بمقابلته قبل (الضحية في السودان) .. |
بالمناسبة يا ابراهيم.. ان شاء الله أنا حا أوصل المدينة المنورة للحج يوم الجمعة 30ذو القعدة
تلفوني زين 0912356432
نتمني نسمع صوتك علي الأقل وكل بورداب السعودية..
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
نكات من غير مناسبة:
واحد مسطول بيشرب سجارة وبيرجع البيت يفتح الباب بالمفتاح و يرقد ينوم
مرة كان مقرش اشترى سجارتين ولع واحدة ونسى التانية لما رجع البيت عاوز يطلع المفتاح طلع السجارة التانية
استغرب و قال ياربي أكون أنا شربت المفتاح
**
اثنين مساطيل .. راكبين عربية الأول سايق والثاني راكب ورا .. الراكب ورا سطل سطلة شديدة ..
ماشين في شارع النيل .. السايق شاف الشجرة (مضروبة جير أبيض نصها التحت) أفتكرها عسكري حركة .. راح واقف .. لما شافها شجرة ضحك وطلع طوالي ..
بعد مسافة الثاني من ورا .. قال ليه .. التافه دا قال ليك شنو!
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: بالمناسبة يا ابراهيم.. ان شاء الله أنا حا أوصل المدينة المنورة للحج يوم الجمعة 30ذو القعدة
تلفوني زين 0912356432
نتمني نسمع صوتك علي الأقل وكل بورداب السعودية.. |
ربنا يتقبل لكن بعد ترجع حنكون منتظرين الجزء التانى من كتاب الحج
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: هشام..شفت صاحبك ابراهيم..قعد في الملح لحدي الساعة واحدة (لاحظ الزمن عشرة صباحا) ورسل لينا رسالة مساء الخير عشان نقول وصل البيت.. |
علاء حفاظا" على مواصلة السيد ابراهيم فى الملح وحتى لايشعر عند قدومه السودان باى متغيرات تمنعه من مواصلة الكتابه
اتمنى انو الناس تساهم وتعمليه اشتراك فى النت
وممكن وزياده فى الحرص ممكن يجينا فى المكتب ويدخل من عندنا وح نهئ ليه نفس جو الملح السعودى
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
حاج علاء الدين ،،
Quote: بالمناسبة يا ابراهيم.. ان شاء الله أنا حا أوصل المدينة المنورة للحج يوم الجمعة 30ذو القعدة |
بالسلامة إنشاء الله .. وحج مبرور .. وسعي مشكور .. وذنب مغفور .. مقدمـاً ...
بس عملتوها ظاهرة ... سبتوا لينا البلد انت وشيخ الحبر .. ياخي ما عاوزنكم تعزمونا في جاد ولا حاجة ...
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
هشام ،،
Quote: علاء حفاظا" على مواصلة السيد ابراهيم فى الملح وحتى لايشعر عند قدومه السودان باى متغيرات تمنعه من مواصلة الكتابه اتمنى انو الناس تساهم وتعمليه اشتراك فى النت وممكن وزياده فى الحرص ممكن يجينا فى المكتب ويدخل من عندنا وح نهئ ليه نفس جو الملح السعودى |
ما بأقبل بأقل من لابتوب في البيت ... والإشتراك DSL
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
رسالة من الأخ إيريا ،،
Quote: يا إبراهيم ويا هشام وياهالة وياحمد بتاع الجيتارات الراجل الحلو والعامل فيها ماملياردير وقاعد مع المفلسين وده من باب القطيعة والغيبة والنميمة والدعوة للتبرعات السخية..تحية ليك ولي أسرتك الكريمة التي دعمت روايتي الأولي والكتاب الثاني في الطريق أبشر... المسارالصحيح للبوست طبعا هو الذي يحدده الموجودون في الكنترول رووم وهم يوجهون البوست الإتجاه المناسب والذي يخدم الأغراض ولا أعتقد أن الجميع في حوجة لإقتراحات من الأخرين فكلهم يعلمون ماهو المطلوب وحينما اقول القسوة مع الذات يا إبراهيم ويا أخوانه فلأن النفس ستغلبك ستغلبك لمشاغلة الأخرين في بوست كان مساره معروفاً قبل إنضمامنا جميعا إليه ولايوجد إنتقاد سلبي ولا شتين وإنما دعوة للكف عن إدخال الهلال والمريخ في اليوم الحار ودي قالها ليكم علاء الدين وقالها صلاح مختار وخلت الكوتش أسي يطفش وعلي نفسها جنت كواتش... والمسار الذي سترتضونه للبوست والذي سيعيد المشاركات القوية والتعريف بالمهندسين وبكيف كانت الكلية حينما كنا طلاباً ويجعل الشخص يلهث عائداً من العمل ويهرع للإنترنت ليقراً عن الكلية هو المسار الذي سنواصل معكم فيه واي مسار أخر ترتضونه لنا ونحملكم من الأن مسئولية البوست... أمانة كاملة.... وزمان كان القرود وكيكي لما يكونوا دايرين يكتبوا حاجة ماعندها علاقة بالهندسة والمعمار بفتحوا بوست تاني..ودي مامحتاجة تكون خريج هندسة عشان تعرفها.. لأنها أكثر من ساهلة والدليل إنو كيكي عرفا والقرود عرفا وهالة عرفتها وياهالة والله برستيجك محفوظ رغم إننا نرغب من حين لإخر في إدخال بعض الأغنيات الحلوة في البوست وطلب خاص من المهندس طارق أغنية المرحوم الخالدي إتعلمنا من ريدها نحب الدنيا وريدها ونرحل في عيون الناس نشيل لي كل زول ريدة... ومع بعض اللعلعة.. نشيل لي كل زول ريدا.. نشيل لي كل زول ريدة... ومعاكم حتي أخر المشوار الصحيح
محمد الطيب سليم
لوس إنجلس..كاليفورنيا
ملحوظة:- إتضح أن المنطقة التي يسكن فيها غزالي يسكن فيها حاتم الجد وإبراهيم مامون وسارة أبوقرجة وأحمد عبدالعظيم وتم إيجاد أثر لأشرف عبدالحافظ وأشرف شمت والهادي الاسد وأخرون من العصر الذهبي والدكاترة امجد علي رجب وعثمان الأسد هذا غير صلاح يحي وكبر علي الحسين ونجم الدين الذي عثرنا عليه في إريزونا |
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
إيريا ... شكرا لمتابعاتك المستمرة .. وحرصك على مسار البوست .. بس ،،
Quote: وإنما دعوة للكف عن إدخال الهلال والمريخ في اليوم الحار |
إذا كانت كل المشكلة هي إدخال الهلال والمريخ في اليوم الحار .. فيا سيدي .. لك علي .. ووعد مني تاني ما أجيب سيرة البحر .... بس إنت اقنع الجدادة ..
وأتمنى دي تكون سبب في رجوع الناس للمتابعة .. ورجوع اليوم الحار ذي الأول ..
مع إني أشك ...
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
Quote: ملحوظة:- إتضح أن المنطقة التي يسكن فيها غزالي يسكن فيها حاتم الجد وإبراهيم مامون وسارة أبوقرجة وأحمد عبدالعظيم وتم إيجاد أثر لأشرف عبدالحافظ وأشرف شمت والهادي الاسد وأخرون من العصر الذهبي والدكاترة امجد علي رجب وعثمان الأسد هذا غير صلاح يحي وكبر علي الحسين ونجم الدين الذي عثرنا عليه في إريزونا |
التحية والسلام .. لكل هولاء .. هم حقا من العصر الذهبي ....
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
إيريا ،،
Quote: وزمان كان القرود وكيكي لما يكونوا دايرين يكتبوا حاجة ماعندها علاقة بالهندسة والمعمار بفتحوا بوست تاني..ودي مامحتاجة تكون خريج هندسة عشان تعرفها.. لأنها أكثر من ساهلة والدليل إنو كيكي عرفا والقرود عرفا وهالة عرفتها |
بس للتوضيح ،،، نحن طبعا ذي ما قلنا ليك .. خلص ما عندنا من ذكريات عن كلية الهندسة .. وأيامها ولا بد من ظهور أسماء جديدة لتدلو بدلوها .. أو على الأقل مشاركات عبر الإيميل (لغير الأعضاء) .. عشان يستمر مسار البوست ...
وطبعا حسب وجهة نظرك ... ويمكن الكثيرين ذي ما قلت .. كل الحاصل في البوست هسع .. عبارة عن ونسات خاصة .. ما ليها علاقة بالهندسة ومسار البوست ..
إذن .. يجب أن نتوقف عن أي تعليقات .. أو ردود .. طالما هي خارج ال Public
ونمشي نتونس في المنبر العام .. ذي ما عمل كيكي وخليل ,,
انت لاحظت غياب كيكي وخليل التام عن البوست ؟!! هل هو ده المطلوب ،، حتى يستقيم مسار البوست؟
الناس بتحاول تدخل وتكتب أي مشاركات .. حتى نشعر بأن البوست موجود .. وعشان لما يكون في شخص عندو حاجة مهمة عاوز يكتبها .. يحس أن البوست متحرك .. ومن خلفه ناس ..
غايتو ،،
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
سلام للجميع،
كوتش و هشام، لاقيننا مافى، شغالين فينا شغل صاح،،،
قلتو لى بالأدوات البدائية!!!
خلوا بالكم، أنا المعطيات بتاعتى غير واضحة للجميع،،،
علاء الدين، دى صورة العرس ولا شنو؟؟
شكلو كدة حصلت غشة للمدام، ووافقت على مواصفات مختلفة تماما،،
بالمناسبة، لا تنسانا من الباقيات الصالحات،، و حجا مبرورا مقدما،،،
إيريا، شكرا على مؤازرتكم فى برستيجنا، و ما فى مانع أبدا من تطعيم البوستات، بكل ما هو جذاب،،
إبراهيم، الله يوفقك فى مشغولياتك،، معناها البوست دة محتاج ليهو حراسة زيادة،،
أجمل التهانى للعريس عزالدين العبيد،، ياخى بالغتو ما ذكرتونا بالمواعيد،،
تهانى، كل سنو و إنتى طيبة، و عمر مديد بإذن الله،،،
سارة الطيب، مبروك عليكى قريبتك،،
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
والله يا ايريا في انتظار الابداع القادم وانت امام تحدي كبير وانت اهل له
مسار الاسراب تلك الرائعة المحفورة ابدا في الذاكرة التي هزت الاعماق وجعلتنا نعيش في عوالم اخرى اعرف ان رفيقتها ستاتي مدهشة ( التي تركت من اجلها السنط ) وهجرت من اجلها الناس والسودان وكتبتها واعدتها مرات ومرات لتجود ستكون كرفيقتها مشحونة بالعاطفة وبعيدة عن التصنع في انتظار محمد الطيب سليم الروائي المهندس
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote:
وحناخد د تهانى للتجربه حتى نصل للمقصود و ذلك للاسباب : 1 - استاذه جامعيه و الاساتذه طبعا بشجعوا البحوث 2 - عيد ميلادها اليوم وهنا توفر معطى مهم للباحثين 3 - لها بير معنا هنا و ده برضو يضاف للمعطيات 4 - هى احدى عمات الاخوات المعانا هنا وبت اخوها ده خريجة 2004 و ده كمان معطى 5 - عندها احدى صديقاتها و برضو معانا هنا اتخرجت قبل 3 سنوات وده برضو معطى 6 - لديها 5 عيال ربنا يحفظهم وده معطى 7 - هى مريخابيه وزوجها هلالابى وده حيخلينا نرجع لايام نميرى عندما قام بالغاء الرياضه و حل الهلال و المريخ 8- بتهاالكبيره ماشاء الله عليها دخلت الجامعه 2008 9-عندها طالبه اتخرجت من الكليه 1995 وهى بتكناليها احترام شديد ودا يدل على الفارق العمرى 10- مدينها مكتب فى نص قسم الكهرباء ودا معطى مهم جدا" وبيدل على الاقدميه
ارجو يا طارق بالاضافه للتوافيق والتباديل الاستعانه بانشتاين عشان نقدر ننسبليها المعطيات اعلاه |
يا جماعة حيلكم علي شوية...
و بعدين يا كوتش و يا هشام مجذوب:
كييييف عرفتو عمري الحقيقي؟؟؟
عايزين المعادلة علشان نعرف أعمار ناس كده!!!
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
هالة
Quote: بغض النظر (لسه ما أطلعنا على الرواية الأولى)،
|
الاخت هالة الباشمهندسة هالة رواية مسار الاسراب فخر لان مؤلفها من قبيلة الهندساب اقرايها وستضحكي ,, وتبكي ,, تتوتري ,, وتخافي ,, تتفاجاي بكل الاحداث ,, بسلاسة وبساطة وتعقيد احيانا لن تسطيعي مفارقة السطور نحن نشكر ايريا لانه اعطانا وبسخاء
| |
|
|
|
|
|
|
Re: اليوم الحار ومابنداريوم الهندسة والمعمار (Re: حمد محمد احمد)
|
Quote: رواية مسار الاسراب فخر لان مؤلفها من قبيلة الهندساب اقرايها وستضحكي ,, وتبكي ,, تتوتري ,, وتخافي ,, تتفاجاي بكل الاحداث ,, بسلاسة وبساطة وتعقيد احيانا لن تسطيعي مفارقة السطور نحن نشكر ايريا لانه اعطانا وبسخاء |
شوقتوني للرواية نفسي اقراها....
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: نسأل الله للفقيد ، د. عبد النبي الرحمة والمغفرة .. وأن يسكنه فسيح جناته مع الصديقين والشهداء .. وأن يلهم آله الصبر وحسن العزاء ... |
اللهم أغفر له و أرحمه و ألهم آله و ذويه و طلابه الصبر و حسن العزاء و إنا لله و إنا إليه راجعون
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: يا إبراهيم ويا هشام وياهالة وياحمد بتاع الجيتارات الراجل الحلو والعامل فيها ماملياردير وقاعد مع المفلسين وده من باب القطيعة والغيبة والنميمة والدعوة للتبرعات السخية..تحية ليك |
الحمدلله يا إيريا طلع في البوست واحد ملياردير علشان نعينوا سكرتير النادي أقصد المنبر
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
سلام يا شباب ويا علاء الدين
مبروك يا ابراهيم والبقيه القليله
التحيه للكاتب الانسان ايريا الملقب محمد الطيب سليم وداير اقول يا ايريا اولا حقو نشكر الناس الحافظه لينا المنبر حي و بتنفس ونحنا طبعا طمعانين في كتير جدا لكن نشكرهم وبعد داك نطمع والا رايك شنو
يلا يا شباب نطمع
| |
|
|
|
|
|
|
very dirty (Re: khaleel)
|
اللحقوا يا ناس اليوم الحار سلة القمامه البقت فيها الكليه الكليه بقت very dirty الليله مشيت الكليه وتشرفت بمقابلت كل من د.تهانى و باشمهندس طارق احمد خالد فى مكتب د.تهانى ومر اخر اليوم د. كرار و د.فايز. بس للأسف ملامح الكليه اختلفت كتير وين Lab أمال لقيت حتته فااااااااضيه والمكتبة بقت Lab كمبيوتر والواحد بى بساطه ممكن يروح والاغرب فى ده كله الناس ده قاعده تقرا كيف من غير الاكستنشن, هو فى سميستر من غير كواريك وطلوع التربيزه و ( اتححححححححححححححححلت)
| |
|
|
|
|
|
|
Re: very dirty (Re: sana mudawi)
|
سنا ،،
Quote: لليله مشيت الكليه وتشرفت بمقابلت كل من د.تهانى و باشمهندس طارق احمد خالد |
بالله وين الشخصية دي ،، ط أ خ .....
تحياتنا يا باشمهندس .. ونظرة يا مولاي ....
انت بالذات ما تعمل فيها حردت المنبر عشان عدم ال Public الحاصل .. انت من يوم جاد .... وعيق ..
أظهر ..
| |
|
|
|
|
|
|
Re: very dirty (Re: ابراهيم محمد الحسن)
|
شيخ الحبر ... وصـــل يا رجالة ،،،،
وصل بحمد الله إلى المملكة شيخ الحبر ،، اتصل بي بالأمس ،، بعد نومة عمييييقة .. طلع فيها كل زنقة الأيام الفاتت ...
حج مبرور .. بإذن الله ..
وفي إنتظار بقية .. الحجاج ...
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
علاء..
Quote: إشتاق للناس.. أراد أن يرسل لهم رسالة.. تذكر أن الناس سابقا كانوا يضعون رسائلهم داخل زجاجة.. يقفلونها جيدا.. ويقذفونها في الماء.. أحضر زجاجة عصير فارغة.. عصر كل أشواقه داخلها.. أغلقها جيدا.. ملأ حوض البانيو بالماء وقذف به الزجاجة..وقبع جنبه منتظرا... |
ما هي إلا دقائق حتي سمع النغمه المميزه لإستقبال الرسائل علي هاتفه ترن عدة مرات اخرج الهاتف و لدهشته وجد ان كل من يعرفه ارسل له نفس الرساله .. ... .... "بالأكتر ...اردنا ان نرد لك بخدمة التخاطر المجانيه و وجدنا بالكم مشغول ..يعني لازم تكلفنا"
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
اعلن المدير العام لقناة الكوتش ان يوم 4 / 12 / 2008 يصادف اليوم الاول من رمضان
ـــــــــــــــــــــــــــــــــــــ
اعلان هام
ندعو الجميع مشاركتنا حفل وداع السيد قسطنطين الذى يغيب عننا طوال فترة رمضان
المكان : المقبره الزمان : 3 / 12 / 2008
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: والاغرب فى ده كله الناس ده قاعده تقرا كيف من غير الاكستنشن, هو فى سميستر من غير كواريك وطلوع التربيزه و ( اتححححححححححححححححلت) |
سلام للكل
مرحب بيك يا سنا و فرحت شديد لما شفتك
بس ده شنو الكلام البتقولي فيهو ده
الكلية بقت سلة قمامة و ما سلة قمامة نحن ما بنرضى
و لأنه برغم كل الظروف فنحن مقاومين و قاعدين فيها و بنحاول نصحح
بس لو سألتي بخصوص المكتبة فيا ستي المكتبة اتوسعت و بقت ثلاثة طوابق
ولو مريتي علي المباني الجديدة للكلية بما فيها مكتب العميد الجديد
و الأقسام الجديدة مثل التعدين و النفط و الغاز الطبيعي كان زال التساؤل
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: اعلن المدير العام لقناة الكوتش ان يوم 4 / 12 / 2008 يصادف اليوم الاول من رمضان |
أخخخ ياكوتش..شكرا ليك.. تتخيل..كنت حا أسافر للحج يوم الجمعة..بالصورة دي حا أأجله ليوم 4/2..بالله كلم ناس السعودية عشان الحجاج ما يتمقلبوا..
ابراهيم..سلامات.. رسلي لي رقم تلفونك علي 0912356432
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: إشتاق للناس.. أراد أن يرسل لهم رسالة.. تذكر أن الناس سابقا كانوا يضعون رسائلهم داخل زجاجة.. يقفلونها جيدا.. ويقذفونها في الماء.. أحضر زجاجة عصير فارغة.. عصر كل أشواقه داخلها.. أغلقها جيدا.. ملأ حوض البانيو بالماء وقذف به الزجاجة..وقبع جنبه منتظرا...
ما هي إلا دقائق حتي سمع النغمه المميزه لإستقبال الرسائل علي هاتفه ترن عدة مرات اخرج الهاتف و لدهشته وجد ان كل من يعرفه ارسل له نفس الرساله .. ... .... "بالأكتر ...اردنا ان نرد لك بخدمة التخاطر المجانيه و وجدنا بالكم مشغول ..يعني لازم تكلفنا" |
ابتسم نصف ابتسامة بجنب فمه الأيمن.. واختلس نظرة الي البانيو..وجده فارغا والرسالة قد اختفت.. نظر الي الرساله التي قد استلمها علي جواله..ووجدهاكلمات متراصة.. مرر يده حول جواله ولم يجد أي أثر للكلمات علي الهواء.. صمت..وبدأ يفكر في فكرة جنونية..ما دام الكلمات تهاجر علي الهواء.. وشوقه لم تبله الرسائل..لماذا لايرسل نفسه للناس؟..
جسده مادي..والسرعة تحول المادة الي طاقة..اذا تحرك بسرعة..وضغط ارسال علي هاتفه سيصل اليهم.. بدأ تنفيذ التجربة.. أحضر تربيزة..وقف عليها..قفز الي أعلي.. قبض المروحة وهي تدور.. دار معها بشدة..أحس أنه قد تحول الي طاقة.. ضغط (إرسال)..انطلق.. سمع صوت ارتطام علي الحائط..تكوم علي الأرض متألماوقال: (والله الرسائل دي ليها الجنة..قاعدة تتحمل جنس خبط لحدي ما تصلنا!!)
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
وصلتني الرسالة التالية من الباشمهندس محي الدين محجوب ،،
Quote: بسم الله الرحمن الرحيم
وفاة والد م.خالد الحاج بالامس
ت:-00249912149508
|
نسأل المولى عز وجل للفقيد الرحمة والمغفرة ،، وأن يسكنه فسيح جناته مع الصديقين والشهداء ،، وأن يلهم الأخ خالد الحاج وأخوانه وآله الصبر وحسن العزاء ،،
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
بمناسبة حضور شيخ الحبر للحج ،،،
مداخلة من إيريا :
Quote: السنة الفاتت عمر الحبر كان ماشي الحج ،، وكانت قروشو شوية ،، فاضطر قطع تذكرة الخرطوم/ جدة لأنها أرخص من الخرطوم/ المدينة بي خمسمية ريال ،،
صدق أو لاتصدق
طيارة جدة نزلت في المدينة وعمر نزل هناك
|
بركاتك يا شيخنا ،،،
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
السلام عليكم يا باشمهندس يا إبراهيم وكمان يا صامد وقابض على جمر البوست يا الكوتش وبقية العقد الفريد الجديدين والقديمين ، سلاماااات
التعازي موصولة للأخ المهندس خالد الحاج نسال الله للفقيد الرحمة والمغفرة ، ولآله الصبر وحسن العزاء ،، إنا لله وإنا إليه راجعون
معليش يا جماعة والله الواحد كان مشغول بيخلص في العليهو في الشغل وجاري في الأسواق عشان موضوع السفر وكده ، والحمد لله فرجت خلاص والسفر إنشاء الله للسودان اليوم الساعة 4 قيام ووصول السودان 8 مساء
إنشاء الله من السودان حاتواصل
تحياتي
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
وأنتم إنشاء الله بنا لا حفوون وربنا يسهل عليكم والله عارفكم برضو مشغولين ولكن برضك بتتواصل عشان كده قلت ليك قابض على جمر البوست ياحلو
الفي بالي بالك ده كدي خليهو لمن يكون اللقاء فيس تو فيس وكمان حدد لينا يوم سفرك انت وكمان الكوتش حيكون متين عشان نكون في الاستقبال
وإنشاء الله لما أصل وبما أنني حاكون أول الواصلين بنزل ليكم رقم الموبايل حق السودان هنا .......
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
Quote: وحبذا لو جيتو سايقين معاكم الضحيه
الشغلانه شكلها غاليه هنا
الصادر للسعوديه حيغلى الخرفان علينا |
أفووووووووووووووووووووو ونحن القافلين على شية ياسر كزن ..
بعدين انتو ما عندكم ضحية جاهز ،، بالإمارة لونه blue
___________________________ أنا هسع قلت الهلال ،، ولا المريخ ....
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
سلام للكل
التعازي للأخ خالد الحاج في وفاة الوالد
نسال ألله أن يسكنه فسيح جناته وإنا لله وإنا إليه راجعون
صلاح الليون مرحب بيك في دارك
و في انتظار البير و الكوتش و ...
و كمان يا كوتش كويس إنك نزلت فرصة التحضير علي البوست
و أنا كمان عرضتها علي بعض المهتمين هنا من الخريجين
و حاولوا كمان رجعوا الباسورد للبروف حمدحماد لأنه مهم جدا في المنبر
و ياجماعة وصلتني رسائل علي البريد الإلكتروني تشيد بتكريم شيخ الحبر
إحم إحم ...
بس كمان في ناس تانين عندهم مداخلات و ما لاقين طريقة
منهم زميل و صديق عمر الحبر الباشمهندس ياسين عثمان من إنجلترا
و يا بير أديته إيميلك للقيام بالواجب
و عارفاك ما بتقصر
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
لقد سعدت اليوم بزيارة الباشمهندس الدكتور القادم من ماليزيا
الوليد عوض خضر (86) الأستاذ بقسم الهندسة الميكانيكية- جامعة الخرطوم
و قدم لي كتيب كامل عن الكتب الهندية وأسعارها
Printice Hall of India Price List 2008
فله الشكر الجزيل و إلى الأمام يا دكتور
| |
|
|
|
|
|
|
Re: اليوم الحار ومابنداريوم الهندسة والمعمار (Re: حمد محمد احمد)
|
سنا...
Quote: والاغرب فى ده كله الناس ده قاعده تقرا كيف من غير الاكستنشن, هو فى سميستر من غير كواريك وطلوع التربيزه و ( اتححححححححححححححححلت) |
يا هندسة الناس بقا عندهم مكتبة جديدة 3 طوابق طابق للناس الديرين يقروا بهدوء(القراية الما بتشبه ناس هندسة)....
وطابق لي ناس Quote: الكواريك وطلوع التربيزه و ( اتححححححححححححححححلت) |
وحاجات ومحتاجات....
انتي شكلك طولتي شديييييييد من الكلية... في نظام طفرة عمرانية في الكلية يا سنوية...
| |
|
|
|
|
|
|
Re: اليوم الحار ومابنداريوم الهندسة والمعمار (Re: sara Eltayeb suliman)
|
مهندس حمد ...
Quote: بس عاوزين نبدا بتحديد الناس الداعمين وقيمة الدعم بالنسبة للقيمة اقترح 25 جنيها شهريا ويمكن للشخص دفع شهرين تلاتة مقدم بالنسبة للستةنبداها بي ناس المنبر 1- حمد محمد احمد 2- ابراهيم محمد الحسن 3- عمر الحبر 4- طارق الكوتش 5- الليون 6- طارق احمد خالد 7- علاء الدين 8- هالة 9- تهاني 10- سارة 11- سنا 12- ابو سمرة 13- خليل 15 - فوزي عبد الفتاح 16- الخ ... القائمة قابلة للزيادة داخل وخارج المنبر
|
نحنا جاهزين ...
| |
|
|
|
|
|
|
Re: اليوم الحار ومابنداريوم الهندسة والمعمار (Re: sara Eltayeb suliman)
|
شيخ الحبر ماشاء الله نعم الحال...
Quote: بالأمس حظيت بزيارة عمر الحبر في المنزل .. يبلغكم تحاياه ،،
تحرك إلى المدينة المنورة ،، إيذانا في مناسك الحج .. |
بلغه التحايا والوصايا بالدعوات ضرووووووري
مهندس حمد....
Quote: ياجماعة الناس وين ابراهيم الكوتش هالة سارة سنا ( من غير همزة ) يادكتورة الحقي الاتنداس الناس كلهم ابسنت اصحى يا بريش اصحي يا ...... |
انا صحيت...معليش الايام السابقة كنت مزروووووووورة في الشغل عشان كدة ابسنت ...
علاء...
Quote: حا أسافر للحج يوم الجمعة |
حج مبرور وذنب مغفور واهم حاجة ما تنسى الدعوات
باشمهندس صلاح ...
Quote: والسفر إنشاء الله للسودان اليوم الساعة 4 قيام ووصول السودان 8 مساء |
الف حمد لله على السلامة.... وعقبال ما يصل الباقين بالسلامة يارب...
هشام مجذوب بالغت عديييييييييييييل...Quote: فى دور بتاع رمله كان مفروض ينزل فى الموقع لكن تم توجيه للمطار عشان يكون فى مقدمة المستقبلين
|
، بس في الاول والخر بنقول دي بعض اثار الهندسة المدنية....
| |
|
|
|
|
|
|
Re: اليوم الحار ومابنداريوم الهندسة والمعمار (Re: sara Eltayeb suliman)
|
الكوتش...
Quote: فى برنامج جديد فى قتاة الكوتش اسمه دردشه مع احد اعضاء اليوم الحار عندك مانع انك تكونى الضيفه الاولى وفكرة البرنامج بسيطه و فى اغلبها تعارف مخلوط بشوية و نسه و دردشه . و اى سؤال ما دايره تجاوبى عليه تكتبى فقط بدون تعليق . و اذا ما موافقه على الاستضافه اكتبى غير موافقه مع الاستمرار بشكل طبيعى فى بقية المداخلات
|
وين برنامجك يا باشمهندس؟؟ انا لي 3 اسابيع قاعدة مابطلع ومحضرة حالي مستنية البرنامج... الحصل شنو البرنامج اتلغى ولا إتاجل ولا شنو؟
الضيف المنتظر....
| |
|
|
|
|
|
|
|