|
Re: اليوم الحار ومابندار يوم الهندسة والمعمار (Re: Hala Hassan)
|
يا امنة، كيفك و أخبارك؟؟
يعنى مكتفيين كدة بالتعارف الإسفيرى، و ما دايرين معانا،،
كنا دايرين نشوفكم (كام مرة) , اخرتها يوم الحديقة،،،
معليش، الجايات أكتر إنشاء الله،،،
و بالمناسبة، شكرا على الهدية اللقيتكم سايبنها لى دى،،
عارفاكم أهل كرم و جود،،،،
______________________ التوقيع، هالة.... ذااااتها،،،،
| |
|
|
|
|
|
|
Re: اليوم الحار ومابندار يوم الهندسة والمعمار (Re: Hala Hassan)
|
هلللللللللللللول،،،
Quote: التوقيع، هالة.... ذااااتها،،،، |
كدا ممكن نسلم عليك ونبثك الاشواق والتوحشات
Quote: يعنى مكتفيين كدة بالتعارف الإسفيرى، و ما دايرين معانا،، |
كيف الكلام دا ... معليش يوم الحديقة دا العتبي على المطرة فيه...
لكن يوم محاضرة طاخ لو جيتي وكنتي قاعدة في الصف الاخير فأنا شفتك لاني كنت قاعدة قدامك طوالي...
| |
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
Quote: لكن يوم محاضرة طاخ لو جيتي وكنتي قاعدة في الصف الاخير فأنا شفتك لاني كنت قاعدة قدامك طوالي... |
كنتوا قاعدين ورا حمد،، مش كدة؟؟
تصدقى، أنا شفتكم و قلت ديل ح تكونوا إنتوا، و منتظرة المحاضرة تنتهى عشان اسلم عليكم،،
بس طلعت ثوانى، عشان أتكلم مع منو، لقيت الناس كلها طلعت وراى،،،
و منها الطوفان،،،،،،
لكن ضرورى الناس تتفق تتقابل، كدة بدون مناسبة،،،
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
سلامات حمد هشام علاء ابراهيم هاله آمنه وبقية العقد الفريد ونتمنى انكم تكونوا بخير وبنعتذر ليكم ولقراء اليوم الحار عن عدم المشاركة فى الفتره السابقه بسبب مباريات كاس العالم واخرى متعلقه بعدم ظهور الاعضاء هنا بشكل منتظم ..... وبتمنى من الاعضاء المشاركة ولو بشئ قليل من اجل ربطنا بيكم اول باول و برضو للتشجيع من اجل المشاركه للبقية >> تشجيع جماعى >> رغم انو مقدرين مشاغل الناس لكن 5 دقائق فى اليوم ما كتيره عشان اليوم الحار لهندسة الخرطوم وخريجيها المنتشرين فى كل بقاع العالم والذين هم وبسبب هذا البوست عادوا لكثير من الجمال و الذكريات و التواصل
وبخصوص التواصل بشكر كل من اتصل بى فى الفتره السابقة للسؤال اذا كان من الاعضاء او من الخرجين الاخوان و الاصدقاء وعلى سبيل المثال حمد محمد احمد خليل طاخ غازى محمد احمد عثمان 87 مدثر الماحى 87 عبد المنعم اسيد 87 ........... بالاضافة لكميه من الايميلات والتى بتسال عن عدم مشاركة الاعضاء فى الكتابه فى اليوم الحار
يلا يا شباب المواضيع كتيره و الاشياء العالقه كتيره وعلى الاقل الصداقه التى بيننا يجب ان تستمر بشكل اقوى و اكبر
منتظرين احر من الجمر ابراهيم محمد الحسن رئيس جمهورية اليوم الحار خطاب الامين العام حمد رئيس المشايخ الحبر الجكس بتاع حاجه سعيدة آمنه السكرتير المالى و الاعلامى هشام السكرتير الاجتماعى د تهانى السكرتير الاكاديمى هاله رئيس معجبى الفنانه هاجر كباشى ابوهريره عاشق الجيش و المتره سحر وطاخ ووش الكتاب ليون وزير كهرباء اليوم الحار صلاح مختار وبندق بتاعين الجرادل
يلا تعالوا يا صحاب فشوقنا ليكم وصل اعلى الدرجات
| |
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
السلام عليكم
والله يا كوتش كلامك في السلك المنبر ده جمع ناس كتيرين وانا من الناس الكنت محتاج لى حاجة زي دي وفي ناس في الغربة المنبر ده بالنسبة ليهم متنفس نرجو من الناس البتقرا بس ارسال مشاركاتهم على الايميل بتاعي الموجود في البروفايل يلا ياجماعة ايدكم
| |
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
السلام عليكم بالصباح ..
Quote: تحية واجلال ديل منو؟؟ |
ديل يكونو ناس الخلا
بكللللم ليك !!
..
مرحب الخطاب الذي يمثل دائما اضافة بطعم رائحة المطر
..
باقي الجماعة ط ا خ ناس انثى الجردل ( يا ربي تكون البستلة ؟ )
.. لسع منتظرين المشاركات الخارجية
..
الناس المواصلين امنة الدكتورة تهاني .. شيخ الحبر بداية جيدة وانقطاع الحاصل شنو ؟؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
سلاااام يا احلى ناس
مشتهيك ... مشتهى لى ثنائيه بين علاء وصلاح مشتهى ارنب ابراهيم داك البنطط وبضحك براهو مشتهى حلقة من حلقات حاجة سعيده تكون البطله فيها هاله حسن مشتهى لى شكله فى هلال مريخ يكون بطلها طاخ مشتهى لى عنقريب هبابى وجنبو قله صاااقطه مشتهى اقرأ لى مداخله بتوقيع الفاتح ومشتهى لى ايميل من اليسع و آخر من ايريا ومشتهى لى شمطه بين هشام و آمنه من جهة وتهانى و ساره من الجهة الاخرى ومشتهى لى بكيه حاااااره من اليون هل تصدقوا مشتهيكم كلكم
دقيقية مشتهى لى حاجة تانية >>>>>>>>>>>
مشتهى لى سمستر انشاء الله البس ليهو كط وبعداك اطقطق فيهو طق طق طق
| |
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
وضعت علي رأسي (برنيطة) سودا.. كبيرة..ممتدة الأطراف..شفافة..لتقيني أشعة الشمس المحرقة.. وقفت في الظل وأنا أنظر الي الشمس وهي مغتاظة..
مددت رأسي قليلا..فتكومت الأشعة علي أطراف البرنيطة..الي أن أحسست أن الأطراف قد انحنت..
سحبتها ببطء الي داخل الظل قبل أن تنزلق فتضئ جسدي..
أدخلتها داخل الغرفة..فأظلمت الدنيا فجأة..
صرخ بن الجيران بأعلي صوته: (ولع النور يا بن ال######)!!
| |
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
يا جماعة صلاح مختار دة مشى وين؟؟
جا عابر كدة وسلم .. حتى ما انتظر نرد عليهو السلام
يكون ماشي يتاكد انو فعلا الطيارة جات طالعة من السحاب جافة
واللا النور لما طفاهو حاج علاء ما قدر يجي راجع
واللا بتفرج على الشمطة بتاعة هشام وامنة
واللا بساعد في طاخ بتاع الشكلة ( هلال مريخ)
واللا يكون هشام مجذوب اداهو المفتاح وحرسو الباب
واللا يكون مشغول مع ابراهيم في فرز الارقام المميزة
مجرد تخمينات .. في زول عايز يحدد واللا ننتظروا يجي براهو يورينا؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
ود الوز وزاز..
بتي عمرها زي 11 سنة..راقدين في الحوش وبتعاين للسحاب في السماء.. قالت لي: تعرف يا يابا انا عاوزة أعمل مطرة.. قلت ليها كيف؟ قالت لي: أجيب لي غطايتين بتاعات حلة كبار..وأقوم أمسكم بايدي، والم السحاب ادخلو في وسطهم واضغطو..تقوم المطرة شوووو تنزل..وافضل اعمل كدة لامن السحاب يفضي، او الغطايتين يصدو!!!!!!! . . تعليقاتكم..لأنو دي سنة سنتين بيكون عندها باسويرد وتجي تهريكم بنظرياتها ديل.. بس بعدين يالخطاب ما تقول ليها حا تصلي السحاب كيفن.. لأنها حا تقول ليك بالطريقة الوصل بيها بابا للطيارة....
| |
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
يا خوانا عليكم الله ابركو في الواطة دي وشوفو الزول دة بيقول في شنو:
نقلا عن مشاركة عصام علي احمد في المنبر:
الشاعر جمال حسن سعيد
زولة تفتح الروح ضلفتين تخشك ... وتمرقك عــــــادي .. تخشك ... وتمرقك ... ما بتقفل الباب من وراها بل تساسق بين شفقتك ... وحرقتك ما بتأذنك ... ما روحها نفاج غربتك هي البنية ... الساكنة أسرار فكرتك هي الشايلة ... حســـــك وسترتك زولة ... كما النورس تجــي تنزل شواطي الإلفة والزمن الشفيف وأنا زي مكتف في الرصيف مربوط علي حبل السفن في الضلمة والليل المخيف بتجيني تدخلني وتقيف شرشرت تيبان السكات على أرض رويانة وخريف زولة بتعرف تدخلك وتقفلك وتغفلك تقعد على ناصية هواك وتشغلك وإنت بتحنس غمام كي تجعلك مطرة ودعاش طاير تحلق في السماء وأرضك فراش هذا الفــراش بيطير على نضرة رحيقا وخدرتا ... ومحبتا ... أو ضحكتا ... ######ريتا وتقعد تهضرب ياولد من حمتا لو تسألك وتحلفك في ذمتك أو ذمتا وإلى متى هذا الجنون ... وإلى متى كل التفاصيل لمـــتا ... هذي البنية قد أتت ... وإنت ذاتك كالورق كيف تنجو إنت من ذاك الغرق من ذكرياتك تنجو وين ... وين مهـربك ... من دفترك من مظهرك ... من جوهرك من حرقة الجـوف والعـــرق هـذي البنية تفتح الروح ضلفتين وعلى ضفتين في نهر أحزان الزمن تقعد تلًوِح باليــدين .....
انعل ابو انثي الجردل زاتاااا
| |
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
التحيات الزاكيات اليوم الحار بي زي مواصلات اخرطوم الجديده...!!!وكل يفسر علي هواهو الخمسا الم: الف مرحب...واثبت برقمك المميز صحه اللقب المشغوليات مازالت اسرائيل ونحن شعب غزه المسكين الدخول الي اليوم الحار من خلال الانفاق فقط!!! شهرتمانيه ورمضان جاينين البدقس الصفحه تجيهو زي اول الشهر بالنسبه للناس الساكنين بالايجار!!! امنه:الفتنه شالت فيني!!!! انتي ماكملتي اخيارات: يا بابدا اسمك من محمد يا ما مذاكر كويس يا......يا شنو ؟؟؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: Hisham Magzoub)
|
لا حولا ولا قوة الا بالله
تصدقوا رجعت فى اليومين الفاتوا ديل قريت 116 صفحه ولمن انتهيت من القراية انتابنى شعور مخلوط بين الفرح و الحزن و الامل
نبدأ بالحزن : ذكريات الزمن السمح + ذكريات الكتبوا هنا و فقدناهم مثل : خليل و كيكى و احمد التجانى و ابوسمره و محمد الخاتم و صلاح مختار و الحبر و هاله و اليون و طاخ وابراهيم محمد الحسن و ساره الطيب ... الخ
الفرح : اننى كنت بينكم هناك فى الكليه وهنا فى اليوم الحار
الامل : الاستمرار القوى مع عودة الطيور المهاجره
| |
|
|
|
|
|
|
Re: اليوم الحار ومابندار يوم الهندسة والمعمار (Re: صلاح ليون)
|
السلام عليكم ..
Quote: الزول دة عندو قصائد كتيرة مصطفي سيد احمد مثلاً غنى ليهو اغنية اظنك عرفتي عقد الجلاد غنو ليهو اغنية ساجور وتقريبا فرقة ساورا غنو ليهو كم اغنية
|
والله ما قايل ابو صلعة ده كده .. الليون
Quote: عايدين إن شاء الله يا كوتش وسلام يا حمد وإبراهيم والبقية
|
مراحب بالليون والعود احمد
| |
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
سلام.. هندساب لكم في القلب مكانة. يعلم الله كم هي سامية الظروف، المشغوليات، هذه البلد الظالم أهلها: جميعها تضافرت لتحجبني عنكم أو قل لنحرمني من لقياكم عبر هذا المنتدي. حقيقة أتابع ما يكتب على قلته كما أتابع ما ينضح من كراهيةوقرف في المنبر الآخر. القرف أحاط بنا من كل جانب ونحن نحسب ما تبقي من شهور على تشظي وطن كان يسمى بلد المليون ميل مربع. لا أدري كم تكون المساحة بعد 6 أشهر. تتضارب الأفكار وتتلاطم في رأسي: إلى أين المسير وفي أي أرض قد يطيب لنا المقام.
لكم التحية جميعا بدون فرز وبدون سرد لأسماء. أشواق وتحايا (حتى حين) طاخ
| |
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
محمد
Quote: ولا إلا تجي من الحاج....؟؟؟ |
ما القصد و الله, بعدين الحاج ذاتو ما قال كيف للآن.
الحاج قلت لي كيف؟ طيب نفترض إنو نفسك فاتحه معناها المدخل الي نفسك فاتح-كما نقول الغرفه مفتوحه او بابها مفتوح- و طالما ان الارواح ترينا ما بالداخل -اقبل علي النفس و استكمل فضائلها فأنت بالروح لا بالجسم انسان- مما يعني ان المدخل الي معرفة النفس و التداخل معها هو الروح يعني لو نفسك فاتحه بيعني إنو روحك فاتحه ضلفه او ضلفتين ما فارق معناها الزوله دي ممكن تدخل طوالي و طالما الزوله دي فتحت الروح ضلفتين-عشان سمينه- هذا يعني إنو نفسك مقفوله يعني عندك فقدان شهيه و هو المطلوب
| |
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
ناس انثى الجردل
Quote: زولة تفتح الروح ضلفتين تخشك ... وتمرقك عــــــادي .. تخشك ... وتمرقك ... ما بتقفل الباب من وراها بل تساسق بين شفقتك ... وحرقتك |
صلاء بعد الاثبات انو الكلام دة ما بحصل الا تكون نفسو مقفولة دة اول مرة بس.لانها ما فتحت الروح الالما لقتها مقفولة. لكن الخلاصة انو نفسو فاتحة على الاخر قول لي كيف؟؟ قلت لي كيف يا محمد
طيب : بقول تخشك وتمرقك عادي تاني : تخشك وتمرقك مما يفيد الاستمرارية في المساسقة ثم قال ما بتقفل الباب من وراها يعني لما تجي داخلة المرة التانية الباب بكون مفتوح وبما انها بتساسق طواااااالي يعني روحو على طول حا تكون فاتحة وبما انو روحو فاتحة بالتالي نفسو فاتحة لملازمة الروح للنفس - اقبل على النفس ... - اذن : بعد اول دخول ليها اصبحت نفسو فاتحة طوالي
وهو المطلوب
برهانان على الخلاصة اعلاه: 1- كاتب القصيدة ما شاء الله فتحة النفس واضحة في صحتو 2-............................... بشحمو لحمو
| |
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
ال5الم لا اوافقك الرأي يا اخا العرب
جدا اقول ليك 1- تخشك و تمرقك المكرره لا تفيد المساسقه بل تفيد تأكيد الفعل و كلمة عادي من المستحدثات الرابطه التي تعضد مبدأ التأكيد لدي السامع. 2- المساسقه حصلت بين الشفقه و الحرقه-كماموضح-وهي اشياء داخليه يعني المساسقه حصلت بعد الدخول.فعندما نقول ساسق الكمساري بين الركاب لا يعني انه في كل مره كان يخرج من الحافله و يدخل. 2- تخشك تعني تدخلك و لكن تمرقك لا تعني تخرج منك و المعني غميس لا يمكن شرحه إلا بالتخاطر فنرجو مدنا بالموجه الروحيه خاصتكم.
عليه اقول ان الفعل حدث مره واحده ولكن-ركز علي لكن دي- ان كان نفسه اصبحت مفتوحه بعد الدخول فهذا ما لا ينفيه قولنا السابق و إن سكتنا عنه فقد عبر عنه الشاعر في القرأه الكليه للقصيده التي توضح تبدل وضعه من حال الي حال كم تشير وزنة القصيده التي جاءت في شكل الهرم المقلوب و الذي يدل علي تدرج الإرتياح.
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
استطيب المحاورة معك يا حنظلة واستميحك عذراً ان وجدت روحي (سلبة) في هذا النقاش وحاشاي ان افتعل جدالاً بيزنطياً.. ولكنها بعض النقاط التي استوجبت ايضاحاً مني اولا : انا لم اختلف حول اثباتك الاولي لقفل نفس محور نقاشنا حال دخول تلك السمينة اليه بدليل قولي:
Quote: بعد الاثبات انو الكلام دة ما بحصل الا تكون نفسو مقفولة دة اول مرة بس.لانها ما فتحت الروح الالما لقتها مقفولة. |
ثانياً: اؤكد بان النفس اصبحت فااااتحة بعد ولوجها وخروجها المتكرر - واضغط على احرف خروجها المتكرر تاكيدا- وهو ما ذهبت معي اليه في ختام حديثك واستشهادك بالقراءة الكلية للقصيدة .. اذ انها لم تقفل الباب من وراها ومن مبدأ نيوتن: فان الجسم يبقى على حالته من حيث السكون او الحركة الثابتة ما لم تؤثر عليه قوة خارجية .. وهو ما لم يتم التعرض له. ثالثاً: حديثك عن المساسقة بانها داخلية حيث انها تتم بين الشفقة والحرقة اختلف معك عليه تماما .. وافهم النقيض من ذلك اذ ان ذكر الشفقة والحرقة تحديداً قصد به المعنى العميق للكلمتين والذي يوضح لنا ببعض التعمق انها دخول وخروج واعرني انتباهك لحظة. حين اقول لك الشفقة فهي تعني انك في حالة شهيق مما يدل على الدخول وحين تقول حرقة فانك تنفث وتزفر مما يفيد الخروج. ويمكنك تجربة كل منهما الان بتخيل نفسك في كلا الحالتين على حدة.. افعل الان قطعاً فعلت .. (وابتسامة تعلو عدداً من الوجوه) لذلك فان مساسقتها بين الشفقة والحرقة ما هو الا دخول وخروج متكرر تكرار الشهيق والزفير وهو ما سبق في معرض حديثي. رابعاً: ذكرت بان تمرقك ذات معنى غميس.. واصدقك القول انني منذ ان قرات القصيدة وقفت طويلا عند (تمرقك) وعندما هممت بالكتابة اول مرة خطر لي باني لن اوفيها حقها بالشرح .. فاثرت عدم التعرض لها وكلمة خطر لي اعلاه تشير ضمنياً الى ان موجة التخاطر عندي كانت مفعلة تماماً واظني خاطرتك.. ولكنك لم تعرف رقم المتصل بك فارجو ان تصحصح قليلا .. واصحى للون يااا
من ناحية اخرى وبالنظر من ارتفاع اعلى قليلا عن مستوى القصيدة حيث قصيدة اخرى للشاعر يقول فيها
اباري في خيالك.. يجيبني ويودي مما يعني نوعا ما بانو البت دي يا مقلقة يا بتتمشى عشان تنزل الوزن بتاعها واللا رايكم شنو؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
الخطاب في غفلة منكم ابي عقلكم الباطني-الذي رفض اغفالكم للحقائق البينه- إلا ان يورد البيت ادناه:
Quote: اباري في خيالك.. يجيبني ويودي |
و الذي يدعم وجهة نظري فيما يخص المساسقه ففي الحالتين البنت بريئه من المساسقه التي ذكرتها.
اشكر عقلكم الباطن مرة اخري و ارجو عدم معاقبته علي مخالفتكم الرأي.
| |
|
|
|
|
|
|
|