حتى لا يكون الكلام مجاني: أقلام معارضة قوية تركت المنبر...

Quote: سبب واحد تركني ابقى هنا رغم ما اتعرض ليه وتعرضت له فقط لاني اكتب وجهات نظري اني ما عايزة الرجال هنا يفتكرو انهم ممكن يطفشو اي امرأة من المنبر بساقط القول والاكاذيب في العرض والسمعة صمدت لان وجهة نظري تستحق ان تسمع في هذه التشاشة لاني لا اغرد مع السرب موش لاني ما محترمة

Quote: كونك تتشم في هذا المنبر معناها انت عندك احترام كبير لذاتك وما طيرة مباري سيرة

الكلام دا ما صاح في المطلق كدا ..
لو شتمته حتشتم وربما انت أو غيرك عندهم سقف للشتم
زي سقف ود البشـــرى دا
في ناس هنا ما عندها سقف معين للشتائم..
وانت انسانه فاضلة ولديك بيتك واسرتك ربما لا تتضرري أنت كشخص
ويلحق الضرر بأحد افراد اسرتك لا سمح الله..

سددي وقاربي يا نجاة ياخ!
كلام نايف ليك في الايام الاخيرة دي ما حلو
وبرضو كلامك ما لذيذ... والله صحي :)
مع إنك انتي من بدأتي في التشكيك في شخصية نايف واسمه
صدقيني ما كنتي محتاجة لكل دا ....
وفي مواقف زي دي كتيرة يا نجاة ..
اكتبي رأيك ووجهة نظرك وحتصل للناس بدون ما تدخلي في مشاكل ليس لها داعي
كثيرات تعرضن لمواقف هنا والناس وقفوا معهن باخلاق السودانيين والله ما قطع المروة ياخ

واخيراً بصراعاتك المجانية دي ضيعتي لينا نجاة الكاتبة والمؤلفة
قريت ليك الكتير من الكتابات السمحة .. وبصراعاتك دي
المنبر خســـر نجاة وكتاباتها السمحة .... والله صحي :)
ودا واحد من محاور النقاش في هذا البوست
آسف للاطالة ولكن عارفه أخوك بخت النصيحة تاخ كده
وهذه دعوة مفتوحة لعودة بيان الكاتبه http://مرحاض و مستنير

تحياتي لك

(عدل بواسطة الامين موسى البشاري on 05-14-2013, 12:26 PM)