الجدير بالذكر أن هلال الأبيّض دا زاته رش الوصيف (جوّة) في كردفان بمسمار لمهند الطاهر, ثم طبّق - طبّق شنو قول خمّس - الحنة اليوم (برّة) في ستاد المريخ كحدث يؤرّخ له في تاريخ الممتاز
09-07-2016, 07:54 PM
اسامة عثمان السيد اسامة عثمان السيد
تاريخ التسجيل: 01-09-2013
مجموع المشاركات: 342
يا حمدنا لا مطعمين بي لاعبي الجبل الأخضر كان الوحدات كان حصّلت سبعة ههههه
تجوز يا حبيب مع الكراهة و تستوجب هدي, هي لكن دي بشتنة نصاح اولاد الأبيض يستهتروا بالمريخ كأنهم لاعبين مع الكريبة المدافعين يحاوروا في المهاجمين و يطقطقوا الكورة زي الما حصل شي أول مرّة اشوف المريخ يتذّل بالطريقة دي !!
09-07-2016, 08:08 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
اللذيذة انو الوصيفاب - سابقا - ضحكوا على هزيمة هلال الأبيض لسيد البلد بالأربعة و قالوا اول مرة فريق يهزم بالأربع في استاده, قوم يا موكورو كسر رقبة تمّاها خمسة في ستادهم نظام من يضحك اخيرا
بداية السحل بقدم مهند الطاهر
09-07-2016, 08:13 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
كدي لغاية ما تنزل الخماسية في اليوتيوب اتصبّروا بي مكتول هواك انا من زمان يا كردفان الإهداء لعمّك عووضة وجلالدونا و ابوحسين وطلحة تنظير وبقية وصيفابنا - سابقا - الأعزّاء ههه
09-07-2016, 08:33 PM
mohmed khalail mohmed khalail
تاريخ التسجيل: 06-14-2007
مجموع المشاركات: 4509
أوووووو ود خليل دي شماتة بتتفات ياخ انا عايز افتح البوست من الشوط الأول انتهى الوقت دا المريخ مرشوش اتنين إلاّ الشباب مسكوني يالقوّة خوف الكج مع الرابع فتحته وبديت اكتب لسة ما رسلت يدخل الخامس
هاك يا حمدنا دي غالبا من ود البشرى لقيتها بدون اسم الكاتب
مريخكم خلاص يا ناس طلع من طورو وهلال الابيض قام تمام بي دورو بعد هوبة مهند ...واحتفال ديكورو جابت ليها خمسة بعد هدف موكورو ... الاول وصل ...قلنا الهدف شي عادي تلاتة وتيم مهند مستمر متمادي الخامس دخل جانا الخبر في الرادي بصراحة الولد موكورو كان متمادي ... مهند في المقص كانت من اول لمسة والحزن العميق في النجمة اصبح وامسي يا موكورو اخوي بهمس في اذنك همسة ما ممكن عديل توصل لحدي الخمسة ... واحد للوصيف الكان حليلو مؤمل اتنين والتلاتة لكل زول متحمل الرابع هدية ..وبالفرح متكمل والخامس دا حصري عشان نفخ مزمل
عوووضة يا عمّك, معليش غايتو نعمل شنو الفضيحة ليها ضل ما بتتمسك :)
09-07-2016, 09:06 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
ثم تبا لهم باللاوندي والكوشية عالم كرور ماعندهم شغلة ..... انتو ود البشری الشاعر ببقی لي ابو حتحوت (ال ما شاعر) شنو ؟ ثم تانيا: يبقی لي ابو هناي الفي الرياض شنو ؟ ثم ثالثا: زوط الجوة عرفناها.،.زوط البرة يعني ككيف ؟ ........، وصية وامانة : قوموا لفوا😈😈
09-08-2016, 03:12 AM
اسامة عثمان السيد اسامة عثمان السيد
تاريخ التسجيل: 01-09-2013
مجموع المشاركات: 342
هلا بالشباب هلا والله يا قبّاني القصة ما شماتة في الهزيمة فقط لكن في المفارقات هلال الأبيّض دا ذاته غلب الهلال سيد الإسم اربعة في استاده قبل حوالي شهر كدا اها قوم يا وصيفاب ما خلّو لينا جمبة ننوم عليها قال أكبر هزيمة في الممتاز لفريق في ستاده!, حتى امس قبل الكورة - السحل - كاتبين في الأعمدة يلمزوا فينا ويسموّا الأربعة بتبلدية اغلب الأعمدة المريخية تركت المريخ وصارت تتحدث عن ياسر القحطاني قال شنو و صلاح ادريس طلع براءة وجاي يفرتق الهلال و غيرها وغيرها من الشؤون الهلالية يلا شوف غلب امبارح دا حقق كم ريكورد تأريخي, اكبر هزيمة لفريق في استاده في كامل الدوري الممتاز, أول فريق - غير الهلال - يهزم المريخ في الدورتين (جوّة) و (برّة) - دي البرّة البتسأل منها يا عمّك عوّووضة تقريبا أكبر هزيمة للمريخ في ستاده في تاريخه الحديث أوّل هاترك في شباك فريق قمّة في الدوري الممتاز أحرزه موكورو
يلاّ ازيدك من الشعر بيت, هلال الأبيض كدا نقاطه 62 و المريخ 65, متبقي للمريخ خمسة مباريات فيها أهلي شندي و الهلال سيد الإسم يعني لو المريخ غلب كل مبارياته قبل القمة و كذلك هلال الأبيض بيد الهلال سيد الإسم أن يهدي الوصافة لهلال الأبيض بهزيمته المريخ لتفوق هلال الأبيض في المواجهات المباشرة وبالتالي يمثّل هلال الأبيّض في البطال مباشرة في حين تمشوا الكونفيدرالية - ودي ذاتها لو أهلي شندي و الخرطوم شدّوا حيلهن ممكن يقلعها منكم
نواصل يا شباب في بعض الجدعات بمناسبة الخماسيّة المذلّة (مقولة من كووورة سودنية ) :
قال ود احمد: خمسة مريخنا الحيرت أفكاري مصدوم يوت وبالعلي ما داري ود الطاهر النفخ الكفر لوداري والشيخ العجيب قام بهم سداري
وقال مرتضى العبّادي: انضرب الوصيف وزادت جراحو جراح
اندحرج رجع دابو المكان الصاح
في لمحة بصر سواها فوقو صلاح
والقدام غريق يادابو دا الرحراح
لا ند لا وصيف والله تيمكم راح
تاني محلي بس للاولي تمشوا مباح
كادوقلي الاسد في شندي في التمساح
وهلال الرمال زي غرفة الاشباح
في سيد البلد كاريكا والبطاح
واااااوجع الوصيف في الاولي اسمك لاح
احسن تنسحب كان الضمير يرتاح
انشد نصر الدين المك:
تبلدي ظريف ، ضـرب الحمام بالخمسه ود الطـاهر الحبــوب ، بصــم بي لمسه كل مـريخي اســألو يا رفـيق بي همسه شوفو اتعشي شوفو الليله كيفن امسه؟
🏆🏆🏆🏆🏆🏆
ابرهــومه قبـل الكــوره قال محسـومه خــطط صــاح ، ونفذ خطتو المرسومه بكل بساطه احـرز خمسه جد مهضومه خــلا النجمه في إستاده ياخ مصدومه
🏆🏆🏆🏆🏆🏆
خمسه خمسيه جـابت للجمـاعه سخانه وخمسه كتييره واااحـد بس اكان كفانا حـليل النجمه ، نامت بـدري تب حزنانه شيخ موكورو ، عاد عزيتنا عز بي امانه
ياها دي فلاحتكم يا رشاشات دا حييز تفكيركم .. اصلا ما عندكم مساحة في عقولكم تفكرو اكتر من كاس الدوري المحلي هلال الابيض فريق محترم بي قيادة زول فنان (زولنا) و بالله عليكم الله مهند الطاهر و شيخ موكورو ديل في زول بفرط فيهمغيركم يا روشا غايتو الله يكمل ليكم الطابق التاني ده علي خير .. كردنه دا مااا مضمون
ود البشرى وضيوفك الكرام .. تحياتي وكل عام وأنتم بألف خير..
هاردلك ود قباني وكل عشاق الأحمر..
ما زال الأحمر قادراً على حسم مقعد (الوصافة) فلا تأسوا....................... فهل ما زال القونقليز محتفظاً بذات طعمه الحلو اللذيذ!؟
[إن طعم القونقليز.. حلو ولذيذ!! * التبلدي منعش ومغذي، كنا نعلم أن فوائده عديدة، لكننا لم نكن ندرك أنه يمتلك مميزات أخرى جديدة، مثل قدرته على إنعاش الذاكرة، ومعالجة آثار التخديرى الصحافي، وأعراض الزهايمر الكروي! * بعد انتهاء موقعة ذات التبلدي التي تجرع فيها الهلال أربعة أكواب كبيرة من منقوع التبلدي البارد، استعاد معظم إعلاميي الهلال الذاكرة، وانتبهوا إلى أن دفاع الهلال مهلهل، وأن مجلس الكردنة لم يسجل أي مدافع عليه القيمة بعد أن أعاد تصدير ماسورة أبيكو الغانية! * تذكرةا فجأة أن منطقة قلب الدفاع تزخر بالكوامر غير المعمرة، ويقودها لاعب طاعن في السن، وآخر كثير الأخطاء والبطاقات، وأن البديل الوحيد للكومرين كومر ثالث، ارتبط ظهوره في فريقه بالكوارث الكبيرة! * أنعش مشروب القونقليز الذاكرة الخربة، وجعل كتاب الهلال ينتبهون إلى أن شيبولا لاعب عادي، بعد أن فتح الله عليه بهدف في مرمى المريخ، يشبه الهدف التاريخي (الوحيد) الذي سجله مهاجم الهلال السابق مصطفى أقجي في المرمى الأحمر في مطلع تسعينات القرن الماضي. * ساعدهم مشروب التبلدي الحلو ومغذي على أن يتذكروا فجأة أن أطراف فريقهم مهترئة، وأن من يلعبون فيها لا يشكلون أي إضافة للشق الهجومي. * حتى بلاتشي، الذي تغنوا بلقبه السابق، (صائد البطولات) اتضح لهم أنه (صائد أربعات)! * واتضح كذلك أن وصف الروماني لكاريكا بالفيراري لم يكن دقيقاً، بعد أن نزلت الفيراري من الظلط، وغرست عجلاتها في (عروس الرمال)، وتم تربيع الهلال! * نتمنى أن يستمر مفعول التبلدي الذي تناولوه بالحجم العائلي، لينتبهوا إلى أن كل ما ظلوا يرددونه عن اعتمادهم على الشباب تحول إلى محض هراء! * فريق يلعب له مساوي وأتير الغرام يا قلبي وفداسي وكاريكا والشغيل وبشة والعم سادومبا كيف يوصف بفريق الشباب؟ * شباب العزة يتقدم.. حامي حمانا ما بندم! * لم يتذكروا شبابهم ولم يستعينوا بصهيب الثعلب إلا بعد أن تجرعوا الكوب الرابع من عصير التبلدي المغذي! * تعنتر هلال الأبيض بقيادة مدربه الشاطر إبراهومة، على عواجيز الفرقة الزرقاء وقادهم إلى محرقة الحصة الثانية، وأطلق شباب التبلدي العنان لسيقانهم الفتية، وحاصروا أعمامهم وخيلانهم في منطقتهم الدفاعية، وأمطروا مرمى القط مكسيم بالحمم حتى صرخ (ميااااااااو).. وأخد أربعة هسع ناااااو! * تحولت الجوهرة الكاردينالية إلى رابعة الهلالية!! * ظهرت الفوارق اللياقية بين الفريقين في شوط المدربين. * فريق معد جيداً ويلعب بجرأة وقوة ولياقة عالية وطموح كبير، ويقوده مدرب شاب شاطر ومغامر، وفريق مهلهل، خارت قواه وفقد لاعبوه القدرة على الركض بمرور الوقت، ووقف مدربه العجوز متفرجاً عليه حتى وقعة الطوبة في المعطوبة في ربع الساعة الأخيرة! * بنزين الهلال خلص.. والقون التاني كبس! * وفي فرقة التبلدي الفتية.. انفتحت الشهية.. وحدثت الرباعية! * لو استمرت المباراة خمس دقائق إضافية.. لتكررت المازيمبية! * كشفت اولاد الديسكو حال فرقة الهلال. * جماهير الأزرق كانت أوعى من إعلامييها بكثير، بدليل أنها استشعرت الخطر في مستهل الحصة الثانية، فأطلقت صافرات (الإنذار) احتجاجاً على الأداء الضعيف بعد عشر دقائق فقط من بداية الشوط الثاني، وحاولت أن تحث الجهاز الفني على تدارك الحال المائل قبل أن يفقد الفريق تقدمه، ولكنهم أسمعوا إذ نادوا حياً! * حدث ما تخوف منه أنصار الهلال في المدرجات، وظهر الإعياء على أصحاب الأرض، وتمدد الضيوف في الملعب، وواصلوا ضغطهم على خصمهم المنهك حتى حدث الانهيار الكامل في الجزء الأخير من اللقاء! * ظهرت ثغرة الدفرسوار.. وفتح هلال الديسكو النار! * طاخ الثاني تعادل.. طاخ الثالث.. طاخ الرابع.. طخوا يا هريدي.. حاضر يا عُمدِي!! * المدعوم طلع أوشاعاااات اوشاعاااات.. يا عُمدِي! * قالوا للصعيدي ألحق يا عويييييس.. القطر طلع في راس الواد.. قال ليهم: تاااااني؟ * تاني وبس؟ دي الحكاية وسعت أوي يا هريدي! * القطر طلع في راس مكسيم تاني وتالت ورابع.. وربك ستر على القط من الخامس! * لولا تدخل مساعد الحكم هيثم النور براية خاطئة أوقف بها انفراد كامل للظهير الأيسر السماني الصاوي لتجرعوا كوباً خامساً من عصير من التبلدي الحلو ومغذي، ولاستعادت جماهيرهم ذكريات مازيمبي! * قالوا أطهر كان شارد الذهن؟ * هو أطهر براهو الشارد؟ * وردة الحاوي برضو شرد من مساوي. * وأتير قال لمفضل اتفضل.. تعالوا انت وفيصل! * كان مسك الختام من شيخ موكورو الذي مارس القيادة بإهمال.. وسط رواكيب دفاع الهلال! * روح منك لله (يا شيخ).. وريتهم منو الشال السيخ!! * تاني الصامولة طارت.. والرتينة بقت! * قالوا لإبراهومة من فرعنك؟ قال ما لقيتش اللي يحوشني! * الله منك يا ديسكو.. كلو منك يا ديسكو!! آخر الحقائق * برمج الحكام لاعبي المدعوم على منحهم هدايا مغلفة في أوقات الزنقة. * لذلك حاول عزيز شيبولا الذي ملأ الملعب تهريجاً أن ينال ركلة ينقذ بها فريقه، لكن الحكم لم يأبه له! * يا أعز عزيز.. التبلدي حلو ولذيذ! * عزيز عايز في كل كورة بلنتي. * المر ة دي البلنتي لا يكفي! * هلال التبلدي التي استفزوه وسخروا من مدربه فريق قوي و(متعوب عليهو)! * ظهرت قوته في في انتزاعه أربع نقاط أمام الهلال. * مباراة للذكرى والتاريخ. * نتوقع من كتاب الهلال أن يواصلوا تجرع منقوع القونقليز، لأنه حلو ولذيذ أولاً، وليتذكروا أن تقدم فريقهم على المريخ في الدوري حدث بسبب تساقط أعمدة الفرقة الحمراء بالإصابات. * عندما فازوا على الزعيم فقد الأخير معظم أساسييه في لقاء القمة وليس لأن المدعوم قوي. * مع ذلك تقدم عليهم، وكان قريباً من التفوق برغم كثرة الغيابات. * الوصفة الإبراهيمية لعلاج الأوهام الهلالية: كباية مساء وكباية صباح.. ألذ من عصير التفاح. * كباية على الريق.. تفك الضيق. * كباية قريب السحور.. تكشف المستور. * من غرائب موقعة ذات التبلدي: فريق مضروب أربعة، وأحد لاعبيه حاصل على جائزة رجل المباراة! * ياتو مباراة دي النجمها عمو سادومبا؟ * كتب أحدهم: أتير والتحكيم يهزمان الهلال في عقر داره! * يعني ولدكم وردة ده ما عمل فيكم أي حاجة؟ * ياتو فيهم الجاب الأقوان الأربعة؟ أتير الغرام وللا الحكم الهمام؟ * الكورة الجاية في نيالا، والبعدها في مدني.. والبعدها في شندي! * في نيالا المشروب الشعبي المفضل هو (الجلنكو وي)! * (الجلنكو وي) دسم أوي.. وبرضو حلو مغذي! * مريخ البحير.. خطير!! * غداً نطوي ملف مذبحة رابعة الهلالية، ونتطرق إلى طريقة بث قناة النيلين التي يبدو أن الحكومة أنشأتها لتمتحن بها صبر الشعب السوداني! * قناة تبث من داخل ثلاجة، لذلك تتجمد صورتها أكثر مما تظهر. * سنتطرق كذلك إلى تحليل الزميل إسماعيل عطا المنان، الذي تعامل مع هلال التبلدي وكأنه فريق أجنبي! * توقع إسماعيل أن يشدد الأب ضغطه على الابن العاق، ويسجل عدة الأهداف! * تحليلك طلع بالمقلوب يا سمعة. * آخر خبر: كلو من الديسكو.. نقيف هنا وللا نشرب التبلدي.. ونمشي نيالا ومدني وشندي؟]
09-08-2016, 09:30 AM
د.محمد حسن د.محمد حسن
تاريخ التسجيل: 09-06-2006
مجموع المشاركات: 15194
اولا ده بوست انصرافي جدا عن القضايا المصيرية العملوا ليها مؤتمر في اسمرا والعارف عزو مستريح هناك مشهدين جديرين بالتوقف عندهم 1 - مشهد لعيبة المريخ وهم يتقاتلون من اجل الكرة بعد هدف المريخ الاول والوحيد وهم يتصايحون ( واي ادونا الكورة واي ادونا الكورة) 2- المذيع في الدقيقة 88 والنتيجة 4/1 قال لو المريخ اتغلب في المباراة دي ( لا بالله احسن ما يتغلب ) ونختم قولنا بحج مبرور وسعي مشكور ولا يمكنني ان انهي البوست بدون زوووووووووووووووووووط أس 5
09-08-2016, 10:15 AM
عثمان عووضة عثمان عووضة
تاريخ التسجيل: 06-02-2004
مجموع المشاركات: 461
هلا بالشباب هلا والله ... وترحيب خاص بالوصيفابي - سابقا - تنظير هههه وبمناسبة تنظير دي اهديك الرش الخماسي مدبلج بصوت مذيع البي إن و الشكر موصول لصاحب العمل
ودي لجلالدونا
09-08-2016, 03:24 PM
aosman aosman
تاريخ التسجيل: 02-04-2002
مجموع المشاركات: 3443
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد البشرى الخضر
حمد عبد الغفار عمر
اسامة عثمان السيد
علي محمد الفكي
mohmed khalail
أحمد سيداحمد عثمان
عثمان عووضة
عمر التاج
Maawya Hussein
جلالدونا
يحي قباني
Abdalla Hussein
ناصر احمد الامين
عمر الفاروق عبد الله الشيخ
نصر الدين عثمان
د.محمد حسن
طلحة عبدالله
معاوية المدير
aosman
فيس بوك
تويتر
انستقرام
يوتيوب
بنتيريست