لهذا الناس سابت المنتدى ...

Quote: انتوا ما بتفتروا ما بتزهجوا من المساسكة دى ماعندكم مسؤليات اتجاة اسركم ماعندكم شغل ياخى عزبتوا الناس وكرهتوهم المنتدى بقيتوا زى المشاطات الناس هسي بتستفيد شنو من بوستاتكم ومساسكاتكم دى بضيفوا شنو للمنتدى دا الناس تخش تقرى منو وتستفيد ياخى اتقوا الله فى الاعضاء وفى الناس البتقرى المنتدى دا وارحموا صاحب المنتدى دا جبتوا ليه النبز والاساءة من الفيس والناس سابت المنتدى بسببكم دمرتوا ليه مجهود السنين دى كلها لمتين وحدو وين ؟؟؟؟؟؟؟؟؟؟؟؟؟؟؟؟؟؟ اتقوا الله فينا ياخى كرهتونا المنتدى

تكتيكات تخوير البوستات ...
أما رابط المكتبة فا موجود في الأعلى (دا نظام حندكة للناس الروابط مكتباتها بتجر هوا وكدا )

اها .. انا البوست كنت شغال فيه مسح وتلطيش بإمعة ما :) ومرقت
لامن جيت راجع لقيته اتخوّر و قريت مداخلة بتنا, وبالطبع ما لقيت طريقة للتعليق عليها
وصادف بعد داك رحيل الزميلين (ربّنا يغفر لهما ويتقبّلهما) وتسويد البورد فأجّلت مسالة التعليق
وانشغلت بعد داك, اها الليلة عندي فرقة كدا فكان هذا البوست العايز اوضّح فيه وجهة نظري و بعض أسباب ترك الناس للمشاركة في البورد وكدا
و بالمرة نرد أعلّق على حديث بتّنا المالقيت طريقة ليه في حينه ومكانه
و أيضا لسماع وجهات نظر من يحب أن يشركنا فيها عن نفس الموضوع




مشوار صغير و نواصل