أولا نعم دا رأيك الشخصي لكن هل لازم رايك الشخصي دا تكتبو في أي حتة دون مراعاة لطبيعة البوست و بالنسبة لرايك في رقبتو ياتو تكنلوجيا البحتاج ليها التوثيق وما موجودة حاليا في لسودان او لا يمكنه الحصول عليها؟ ثم النظام دا طال الزمن ام قصر ح يمشي ليه الناس ما تجهّز لمشاريعها و حالها استعدادا لليوم دا طالما هي مشاريع في صالح عموم البلد وتاريخها ثم الجزء البتتكلم عنو انت و الحتة بتاعة التكنلوجيا و الأجهزة دي بتجي لي قدام عمل زي دا عايز تحضيرات و عمل ومجهود يعتمد على موارد بشرية سودانية, ودي ما أظن ليها علاقة بالنظام أو الحصار الغربي يمكن وليد يقدر يوضّح أكتر بالنسبة للحتة دي بحكم مشاركته في المشروع
11-01-2012, 03:18 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
عارف ليه الانجليز رقمنوا وثائقنا وعرضوها على الانترنت .. انا اوريك واوري الفرحان ده ليه
الكلام كان بمبادرة من الجمعية ومخاطبة الجهات المعنية الجمعية قالت للانجليز .. الارشيف القاعد عندكم ده تاريخنا نحن فباي حق انتو ماسكنو ممنا وما متيحنه لينا في زمن فيه العالم قرية صغيرة جاء الرد سريع من الانجليز ولانهم حساسين جدا للحاجات دي .. وقالوا فهمكم شنو للشغل ده
وبدا المشروع زيارات تبادلية مناقشات ايميلات
8 سنوات كاملة يا ود البشرى لحدي ما المشروع شاف النور وهسع مفتوح للسودان من تاريخهم ما يعادل 70 الف صفحة من تقارير الحاكم العام 11.816 صفحة خرائط السودان 880 خارطة تقارير المخابرات السودانية غازيتة السودان 40.000 صفحة مذكرات اينا بيسلي اول مفتشة تعليم البنات في السودان 2.200 صفحة قوائم مستخدمي حكومة السودان 1914 – 1963 ( 4.772 صفحة )
تمام يا وليد لأنو المشروع دا ما حقك ولا حقي ولا حقو دا حق السودان و السودانيين جميعا كنت عايزك تعلق على رأي خضر عن التكنلوجيا المحتاجها المشروع وما متوفرة ولا ح تتوفر للسودان أنا قدر فهمي للموضوع متخيلها سيرفرات و سكانرز و وسائط ميديا و تخزين معلومات و دي حاجات متوفرة أو يسهل توفيرها - ما عارف بالنسبة للسوفت وير كيف الوضع
11-01-2012, 04:46 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: ثم النظام دا طال الزمن ام قصر ح يمشي ليه الناس ما تجهّز لمشاريعها و حالها استعدادا لليوم دا طالما هي مشاريع في صالح عموم البلد وتاريخها
جذبتني لهذا البوست هذه العبارة العميقة التفاوءل والمليئة بالحكمة
ما اطال عمر هذا النظام الا العقليات التي لا تري ابعد من القدمين ، في بداية التسعينات خدشوا آذننا بالصراخ (بكرة التجمع جايي ... بكرة التجمع جاي) حتي اعتقدنا انو بس حيظهر بعد اللفة
والناس كتفت يدينا منتظرين : المعلمين الوطنيين المخلصين تركوا مبادراتهم الخلاقة لاصلاح التعليم لانو كل شئ مؤجل لما بعد اسقاط النظام
شباب الحلة كفوا ايديهم عن النظافة والتجميل وانتظروا
الجمعيات النسوية الجمعيات الخيرية
المبادارت العظيمة التي كانت سابقا تطلع من بنات افكار المواطنين المخلصين
كل الناس مستنية لحدت ما البلد وصلت للحال المابيسر العدو
وكلو من ورا الذهنية الانت سميتا (كسير المقاديف)
بفتكر المبادرة بتاعت التوثيق دي خطوة كبيرة وعظيمة والشباب المشاركين فيها (اظن وليد الشفت منهم ) ديل شباب خلاق ومبدع
مثل هذه المبادرات التي لا تنتظر احدا ولا حدثا هي التي يمكن ان تبني واقعا افضل لهذه البلاد المنكوبة ... فالي الامام يا شباب
11-01-2012, 09:11 PM
WAD ELGAALI#4 WAD ELGAALI#4
تاريخ التسجيل: 07-11-2002
مجموع المشاركات: 2036
شوف يا وليد ماف حاجه اسمها حصار تقنى وبطيخ وماتخلى القصه دى تعطل شغلك الخواجات براهم بقو يتحايلو على الحصارات المفروضه على الدول يعنى عادى تشترى المكنه بتاعت الكاتربلر من شيكاغو للخرطوم الزول بتاع الماركتينق يقولك اوبس وى ار نوت سبوث تو شيب ات تو خرطوم بط وات وى كان دو وي وي شيب ات تو جده او دبى يعنى عادى تشترى زول رقمى وترسلو دبى من دبى بعداك انشاء الله تقعبو البحر ما عندهم يهو شغل
11-01-2012, 09:50 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 24995
ياخضر كويس انك عايز تتفاهم وتدعو وليد لخت الكورة في الواطة لأجل خاطر المشروع المتفقين جميعنا على أهميته و طالما النقاش ح يكون في مضمون البوست أوكي نواصل في البوست المعني - بعد اذن وليد - بس خليني هنا اعلق على مداخلتك في بعض الجزئيات غير المتعلقة بالمشروع اولا انا اهتمامي بالمشروع دا مش لأنو الجابو وليد من شلتي, الربع الفات كتبت بوست عن توثيق التاريخ القريب ... ووليد جاب فيه سيرة المشروع ودي كانت اول مرة اسمع بيه صراحة عشان كدا كنت مهتم بمتابعة البوست فلما شفت مداخلتك ورد وليد عليها خارج سياق البوست - ودا رأيي :) - كان اقتراحي بحذف كل المداخلات بما فيها مداخلتي نفسها بعدين انا لم "أدعي" إني تعرضت لظلم, كل الحصل تم اتهامي فطالبت إما بالإثبات أو الإقرار بكذب الإتهام ودا شي طبيعي و ما فيه "إدعاء" بالظلم
على اية حال زي ما قلت خلينا في المهم اسي هناك متسع في بوستات أخرى نتفاهم فيها :)
11-01-2012, 10:51 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
السلام على الجميع الشفيع و حيدر وعبدالله وود الجعلي
انا رجعت لبوست توثيق التاريخ يا وليد ولقيت مداخلتك عن نوع التكنلوجيا المطلوبة و فعلا مسالة الحصار ح تأثر عليها لكن يخيل لي الحصار فيه استثناءات لمجالات معينة زي المشروع دا لو واصل كمشروع علمي و تحت غطاء منظمات أهلية و جامعات عالمية وبعد عن التبني الحكومي قد ينفذ من مسألة الحصار بشكل أو بآخر وإن كان رفع يد الحكومة عنه تماما اشبه بالمستحيل لتعقيدات كتيرة و ارتباطات لابد منها بجهات حكومية
عبدالله عيدروس كلامك سليم تماما الناس ما ممكن توقف حياتها وتطورها و ترهنها بزوال النظام, مفروض الناس تمشي كلا الطريقين في نفس الوقت بعدين زي ماقلت فعلا توقفت المبادرات الطوعية و المشاريع المفعمة بالأمل ياخي حتى اسبوع المهندس توقف وما عاد زي زمان والقوافل الثقافية و الخدمية و الكانت بتخرج من الجامعات و تجوب انحاء الوطن لازم طريقة التفكير دي تتغير فالوطن ما حق النظام وناسو فقط
11-02-2012, 08:07 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
المشروع حق السودان وزي ما قلت لا هو حقي ولا هو حق الحكومة ولا هو حق ناس خضر
واي مساهمة/فكرة تدفع بالمشروع الى الامام من اي كائن كان مرحب بيها
اعتقد انو خضر ممكن يدفع المشروع لي قدام في مجال تخصصه وقرايتو ( التلفزيون ) لوعنده الرغبة والمقدرة ولو ما عنده او ما بقدر فالمشروع ماشي ماشي باذن المولى لي قدام
11-02-2012, 10:56 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10138
العفو يا خضر ما نشمي ولا حاجة ولا انا اخدت مداخلاتك في البوست الاصلي و رد وليد عليها كشكلة لكن زي ما قلت ليك طبيعة البوست هناك - في نظري - توثيقية يوما ما لما تجي تقوقل عن مشروع الرقمنة و الخطوات التمت فيه ح يجيك عنوان البوست يعني حتى النقاش العادي الفي عضم الموضوع داك ما مكانه خليك من المداخلات الحادة البرة الموضوع
11-03-2012, 02:18 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10138
دا كلام حلو شديد وبادرة اتفاق ويا وليد في الخاص رسل لي ياتو سوفت وير ممكن تكونو تحتاجنو هنا في ناس ممكن يكتبوا ليك من اول وجديد وكمصدر مفتوح ذاتو ؛ جنهم وجن احتكار العلم بس رسل لي اسماء البرامج الشغالة في المجال دا ؛ ويتعمل ليك احسن منها
11-03-2012, 03:22 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10138
Quote: العفو يا خضر ما نشمي ولا حاجة ولا انا اخدت مداخلاتك في البوست الاصلي و رد وليد عليها كشكلة لكن زي ما قلت ليك طبيعة البوست هناك - في نظري - توثيقية يوما ما لما تجي تقوقل عن مشروع الرقمنة و الخطوات التمت فيه ح يجيك عنوان البوست يعني حتى النقاش العادي الفي عضم الموضوع داك ما مكانه خليك من المداخلات الحادة البرة الموضوع
انا ماشايف انو طبيعة البوست توثيقيه هو بوست تشاورى
وقبل المؤتمر دا انعقد مؤتمر الاستراتيجيه القوميه الشامله
والكلام دا كان زمااااااااااااااااااااااان
ومؤتمر الاستراتيجيه القوميه الشامله دا تم الصرف عليهو من خزينة الدوله
واتناقشت فيهو حاجات كثيره من ضمنها مسألة الرقمنه دى
لكن للاسف لانو تم باشراف من النظام دا ما اتنفذ ولا واحد من المليون من توصيات المؤتمر دا
ووقتها العلماء والمفكرين الوطنيين كانوا مالين البلد وحضروا المؤتمر دا عشان يساهموا فى نهضة البلد
لكن ورغم الميزانيه الكبيره الكانت مرصوده للمؤتمر دا .. كانت التوصيات حبر على ورق
كت اوت :
بالمناسبه الكلام دا كان قبل عشرين سنه
خلى اخونا وليد دا يخصم من عمرو بس عشرين سنه
ويقول لى هو وقتها كان وين ؟؟
11-04-2012, 00:52 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10138
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد البشرى الخضر
وليد محمد المبارك
الشفيع وراق عبد الرحمن
WAD ELGAALI#4
حيدر حسن ميرغني
خضر الطيب
على محمد على بشير
Abdel Aati
محمد الأمين موسى
فيس بوك
تويتر
انستقرام
يوتيوب
بنتيريست