|
|
|
 Re: وإتفارقنا قبل نتلاقى...... (Re: انعام حيمورة)
|
الله يبارك فيك يا انفعام الفقيد فقدته من شهر ، واودعته عفوي وامنياتي الطيبات ..وواصلت في طريقي رغم حزني على فقده الجلل ورغم الفراغ الذي تركه في كل مكان..لكن اليوم لا ادري لم تذكرته...
* كان الفقيد الحي "ربنا يطول في عمره" اخا عزيزا كريما ودودا...كان اروع من عرفت..ومن خاويت...
ربنا يسهلها علي ويفتحها علي دنيا وآخرة يارب.
| |
 
|
|
|
|
|
|
|
|
Re: وإتفارقنا قبل نتلاقى...... (Re: عماد محمود علي)
|
يا حنو يا خ مية مرة قلت ليك الصداقة الحقيقة ما بتموت
والصديق الحقيقي يظل صديقك حتى لو إندفن تحت التراب
يعني الزول المزيف مهما كان حيظهر في يوم من الأيام
يا ستي ربنا يصبرك ويكثر من الأصدقاء الحقيقيين
ويخليك لينا
وناس الهدن أجندة ديل حلبهم قصير
ولا يهمك يا جميلة الدواخل أنت صاح
والصداقة المفروض تضيف ليك وتفهم جمالك
مشتاقين ياخ
| |
|
|
|
|
|
|
|
|
|
Re: وإتفارقنا قبل نتلاقى...... (Re: حنين للبلد)
|
ــــ
| Quote: ربما تكون بعض احزانكم ايضا.. |
آه آه آه يا حنين للبلد بتذكريني بي أحزاني وأنا بتناسا فيها وماشي علي نوم
ويوم من دون الأيام نزلت (دموعي سرف) وفي المكتب بعد دخلت بوست وقرآة القصيدة
سوقنى معاك يا حمام) , الليلة أنوم بي شنو, قلبتي علي المواجع ؟!
الله يسامحك بس .
| |
|
|
|
|
|
|
|
|
 Re: وإتفارقنا قبل نتلاقى...... (Re: emad altaib)
|
Quote: * كان الفقيد الحي "ربنا يطول في عمره" اخا عزيزا كريما ودودا...كان اروع من عرفت..ومن خاويت...
ربنا يسهلها علي ويفتحها علي دنيا وآخرة يارب. |
واتمنى تكون غمامة وتصب .. وتجي ريحة الدعاش وهمبريب ..
----
شكلها شوية شوية قعد تفك بعودتك هناك
| |
|
|
|
|
|
|
|
|
|
Re: وإتفارقنا قبل نتلاقى...... (Re: سارة علي)
|
الاخت حنين سلام،،
كدي دقيقه بس!!!
نعزي في منو ؟؟ وهوعمل شنو ؟
عشان بعدين مانخش في حتات ضيقه وكده،،
ــــــــــــــــــــــــــــــــــــــــــــــ
لكن إحتياطياً كده ربنا يصبركم  ،
| |
|
|
|
|
|
|
|
|
|
Re: وإتفارقنا قبل نتلاقى...... (Re: نصار)
|
Quote: محزن يارغيم ان تضطر لقطع علاقتك بإنسان كنت له اخا مخلصا وصادقا في إخائك.
|
حنين ياحنينة
لو ما بستاهلها بلاه
وصدقينى ربنا بعوضك بالاحسن والاخير ان شاء الله
لانه جواكِ صافى
وبتمنى يصفو جواك دايما
يا صافى
تخريمة:
ده شعر عديل زى زول كده (هههههه)
| |
|
|
|
|
|
|
|
|
|
Re: وإتفارقنا قبل نتلاقى...... (Re: SAIF MUstafa)
|
Quote: الأخت حنين
سلامات
حمد الله على السلامة...
بين الحقيقة .. وما نفتكر أنو الحقيقة شعرة قل من يعطيها حقها..
الأهم أنو الحياة بتمشى بيهم ولا بلاهم ....مش؟؟؟
تسلمى..
سيف |
سيف...حصل وانت كبير صادقت ليك زول زي صداقة الإبتدائي وزمن البراءة والعفوية...دي انا لحدي الان لما اخاوي واصادق ببقى زي صحبة الشفع في تلقائيتها وبراءتها....
| |
|
|
|
|
|
|
|
|
|
Re: وإتفارقنا قبل نتلاقى...... (Re: نصار)
|
Quote: الله ما يقطع العشم
اكيد ح تعود للصلة الطيبة
الروح
و يرفع فراش العزاء |
نصار
في حاجات بتتعوض..لكن الاخ البتحس بي من لحمك ودمك مابتعوض...ولما تفقده ويضيع منك في لحظة عشم.......ولا اقول ليك خلينا ندعو لي بالتوفيق...
...وبعد ده ورغم كل شيء عافية لي دنيا وآخرة....عفوا يقدموا ويسعدوا ويحقق اماني... تاني خوة ما معانا...توبة.
| |
|
|
|
|
|
|
|
|
|
Re: وإتفارقنا قبل نتلاقى...... (Re: عبدالله حمد العالى)
|
Quote: وكت عافيه ليهو الجرسه ليك شنو؟
المهم ربنا يصبرك لاكن انا بعزي
وماعارف الميت منو؟ |
عافية لي عشان غلط في حقي ولو مارددتها مليون مرة لي نفسي وجهرت بيهاالغضب الجواي بتحول آسية...
تاني حاجة ياخي ماتخليني اتجرس المشكلة وين استحملني شوية ..امكن يوم تحتاج اليواسيك يا ابوي....
هو ما ميت هو فقيد "يبرى وبستبرى يارب"
| |
|
|
|
|
|
|
|
|
|
Re: وإتفارقنا قبل نتلاقى...... (Re: السيد المسلمي)
|
حنين .....أذيك !!
كدى انتى بوين يا زولة؟؟قطعت البحر راجعة ولى بجاى ولى بهناك ؟؟
ولله ما جيت للتعزية .....عارفة ليه ...؟؟
ياااخ ربنا ده ما قادر.....
(....يخرج الحى من الميت......)
(....يحيى العظام وهى رميم.....)
أها ؟؟
تقولى شنو تانى؟؟؟
___________
اوعك...ناس سارة بودروكى...
| |
|
|
|
|
|
|
|
|
|
Re: وإتفارقنا قبل نتلاقى...... (Re: Deng Goc)
|
Quote: حنين .....أذيك !!
كدى انتى بوين يا زولة؟؟قطعت البحر راجعة ولى بجاى ولى بهناك ؟؟
ولله ما جيت للتعزية .....عارفة ليه ...؟؟
ياااخ ربنا ده ما قادر.....
(....يخرج الحى من الميت......)
(....يحيى العظام وهى رميم.....)
أها ؟؟
تقولى شنو تانى؟؟؟ |
شكرا يا دينق ومانعزيك في عزيز....
| |
|
|
|
|
|
|
|
|
|
Re: وإتفارقنا قبل نتلاقى...... (Re: السيد المسلمي)
|
Quote: الاخت حنين سلام،،
كدي دقيقه بس!!!
نعزي في منو ؟؟ وهوعمل شنو ؟
عشان بعدين مانخش في حتات ضيقه وكده،، |
مسلمي ...تعزيني في فقدي..صديقس الكنت خاتاه دخري...... وخزلني
بحاول اطلع الطاقة السالبة الجواي عشان ما اعكس ده على تعاملي مع الكل...محاولة...
| |
|
|
|
|
|
|
|
|
|
Re: وإتفارقنا قبل نتلاقى...... (Re: سارة علي)
|
Quote: ربنا يعوضك بي الاحسن ..
دة لو في احسن من اساسو.. |
زمان يا سارة كنت بقول مافي احسن من اساسو....لحدي ماعرفته وقلت اخواني بقوا ستة بدل خمسة..جات الدنيا قالت لي وهمانة يا الغبيانة...مافي احسن من اساسو ...ورجعت لي اول الدرب...
مافي احسن من اساسو...الزمن الفينا ده...مافي احسن من اساسو...وبرضو عافية لي حقي دنيا وآخرة...ومابحمل لي الا كل الخير...
| |
|
|
|
|
|
|
|
|
 Re: وإتفارقنا قبل نتلاقى...... (Re: سارة علي)
|
ســارة بت علي ...
يعني مصرة على الصورة .... كوستااااااوييييييييي !!!
| Quote: دة لو في احسن من اساسو.. |
يعني هي فقدت أساسي ؟ وأساسو ده اسم الدلع لي أساسي ؟  لكن بيني وبينك كلامك صحيح ما بتلقى أحسن من أساسي ياخ ... أساسي زول أساسي .
ســـارة على .. أمشي نومي أمي .... تصبحي على خير ... أهااااا نسيت وانت ماشه بالله شيلي الخرابه دي معاااك ... . 
| |
|
|
|
|
|
|
|
|
|
Re: وإتفارقنا قبل نتلاقى...... (Re: ايهاب مهاجر)
|
Quote: الله يبارك فيك يا انفعام الفقيد فقدته من شهر ، واودعته عفوي وامنياتي الطيبات ..وواصلت في طريقي رغم حزني على فقده الجلل ورغم الفراغ الذي تركه في كل مكان..لكن اليوم لا ادري لم تذكرته...
* كان الفقيد الحي "ربنا يطول في عمره" اخا عزيزا كريما ودودا...كان اروع من عرفت..ومن خاويت...
ربنا يسهلها علي ويفتحها علي دنيا وآخرة يارب. |
قوية يا حنين وهذا البوح هو بدء التعافي والنسيان والصفح الجميل
وافر التقدير
أحمد الشايقي
| |
|
|
|
|
|
|
|
|
|
Re: وإتفارقنا قبل نتلاقى...... (Re: ناجية مصطفى)
|
الحكاية دي برضو حصلت لي/علي قبل كده
بس الفارق إنها كانت صديقة
المؤمنة صديقة زي المؤمن
الحتة المهمة ، مافي نهايات قصوى
و في هذه الحالات مافي مقبرة وكوم تراب ندفن فيها الزول/ المشاعر
إلى يوم يبعثون
عشان دايمآ ، وبرغم الجرح
بتكون في فرصة لبعث ، بعاتي ما من غياهب الخصام وظلمات الغدر
فرصة متاتية من مساحات التسامح القادرة على تجفيف ضروع الضغائن
والظعائن الما رضعن
من الصعب
بل من القاسي
ان نهيل كوم تراب على علاقة إنسانية
ونقرأ عليها الفاتحة
أو نرشق علامة صليب
ونفتح قوس
وسطر جديد
| |
|
|
|
|
|
|
|
|
|
Re: وإتفارقنا قبل نتلاقى...... (Re: أحمد الشايقي)
|
Quote: قوية يا حنين وهذا البوح هو بدء التعافي والنسيان والصفح الجميل
وافر التقدير
أحمد الشايقي |
شكرا احمد الشايقي....كلامك صاح بالجد ماتتخيل احسست بالعافية بعد الجهر...واظني تعافيت ونسيت..ولا احمل له الا كل الخير..
| |
|
|
|
|
|
|
|
|
 Re: وإتفارقنا قبل نتلاقى...... (Re: حنين للبلد)
|
حنين يا بلد أنا جيت ماري بجاي
وما عارف الحاصل شنو لكن إستوقفني العنوان ( وإتقارقنا قبل نتلاقى )
فكتبت الأتي :-
وإتقارقنا قبل نتلاقى
وكان جوانا حلم مجنون
إتفارقنا بدون ما نعرف
سر الريدة البينا تكون
اديتك سري بدون ما تقول
عانيت الغربة وكلي هموم
وكنت ملاذي عليك احوم
فرجت الهم كشفت غيوم
لكن فجاءة إتغيرت
بقيت ظالم وانا المظلوم
وعلى كل حال ربنا يصلح بينك وبين من كان صديقك/صديقتك
شُفتي شلاقة الشعراء كيف ؟؟؟
| |
|
|
|
|
|
|
|
|
|
Re: وإتفارقنا قبل نتلاقى...... (Re: هاشم أحمد خلف الله)
|
Quote: وإتقارقنا قبل نتلاقى
وكان جوانا حلم مجنون
إتفارقنا بدون ما نعرف
سر الريدة البينا تكون
اديتك سري بدون ما تقول
عانيت الغربة وكلي هموم
وكنت ملاذي عليك احوم
فرجت الهم كشفت غيوم
لكن فجاءة إتغيرت
بقيت ظالم وانا المظلوم |
هاشم
كلام كبار كبار ... سلمت يداك
حنين
حتما ومؤكد انك تستحقين الافضل...
مع تأكيدي انه يعاني من الجرسه حاليا ...
| |
|
|
|
|
|
|
|
|
|
Re: وإتفارقنا قبل نتلاقى...... (Re: هاشم أحمد خلف الله)
|
ــــ
| Quote: ......خليها تتقلب كان نلقى ليها مباصرة. |
يا حنين .. يا حنينة صدقتِ فالروح تواقة والنسيان رحمة للصادقين حباً .
آآآآه إنفطر القلب قبل العين وجاش بالبكاءحتي ظننت أنها أخري كربلاء .
تاني ماجاي هنا كفاية ليلة البارحة الأخيلية فالذكري مؤلمة مؤلمة جداً.
| |
|
|
|
|
|
|
|
|
|
Re: وإتفارقنا قبل نتلاقى...... (Re: هاشم أحمد خلف الله)
|
وإتفارقنا قبل نتلاقى
وكان جوانا حلم مجنون
إتفارقنا بدون ما نعرف
سر الريدة البينا تكون
اديتك سري بدون ما تقول
عانيت الغربة وكلي هموم
وكنت ملاذي عليك احوم
فرجت الهم كشفت غيوم
لكن فجاءة إتغيرت
بقيت ظالم وانا المظلوم
الاخ هاشم هذه من نعم الله ..المقدرة على التعبير....شكرا كلماتك معبرة وخففت عني الكثير....
| |
|
|
|
|
|
|
|
|
|
Re: وإتفارقنا قبل نتلاقى...... (Re: حنين للبلد)
|
حنين لا شيبامكاني قوله غير الذي قالته شادية عبدالمنعم
Quote: والصديق الحقيقي يظل صديقك حتى لو إندفن تحت التراب
|
رحل صديقي شهاب للابد و بكيته كما لم ابكي احد و ما ان اكمل اربعة شهور علي رحليه حتي لحقه صديقي الاخر عماد...لكن شهاب و عماد احياء عنديي يتنفسون فقط فقدتهم جسدياً لكن لا اعتقد ان ياتي يوماً في حياتي افتقدهم للابد ....فيا حنين انا جربت رحيل الاصدقاء و اعلم تماما الحالة ال انت فيها لكن ما باليد حيلة يا حنين ... و في هذا البوست بكيت شهاب كما يحلو لي
ليه تسيبنا يا حبيبنا .... عزوني في ابن امي شهاب
| |
|
|
|
|
|
|
|
|
|
Re: وإتفارقنا قبل نتلاقى...... (Re: حنين للبلد)
|
العزيزة حنين للبلد ....
نعم أقدر مشاعرك الصادقة تجاه الفقيد الحي !
أقدر الصدمة والمصاب ....
لكن عزيزتي ..... ما دام هو اختار الابتعاد واستغنى عنك ... ولم يهتم بك أو بما سيحصل لك من حزن
فلماذا تعذبين نفسك بسبب من لا يهتم ...
بهدوء شديد ..... أعيدي ترتيب أوراقك .... وكوني كما أنت دائماً صادقة وواضحة مع نفسك
لماذا ابتعد هذا الإنسان عنك ؟ هل الخطأ منه أو منك ؟
وفي أي من الحالتين هل من جدوى لمحاولة العودة ؟
وهل المحاولة صعبة ؟ وهل تستطيعين تحمل تبعاتها ؟
فكري ... وأهدأئ
وأنظري إلى الدنيا بمنظار جميل .... وتوكلي على ربك ....
فلن تجد الزهرة اليانعة حنين من الدنيا إلا كل خير
| |
|
|
|
|
|
|
|
|
|
Re: وإتفارقنا قبل نتلاقى...... (Re: Hani Arabi Mohamed)
|
Quote: لكن عزيزتي ..... ما دام هو اختار الابتعاد واستغنى عنك ... ولم يهتم بك أو بما سيحصل لك من حزن
فلماذا تعذبين نفسك بسبب من لا يهتم ... |
هاني...ما اوردت ابعد مايكون عن الحاصل....عموما شكرا لكلماتك الصادقة...واطمئن اعيش اجمل ايام حياتي الحمد لله ، حياة مليئة بالقلة من الاصدقاء لكنها عطرة بهم...وممتنة انا لذلك ربنا يخفظهم لي..
انا يا هاني مابصادق واخاوي بسهولة لذا احزن بشدة لفقد احدهم,,
واكيدة انا انه كان بستاهل احزن علي...
ممتنة لمرورك.
| |
|
|
|
|
|
|
|
|
|
Re: وإتفارقنا قبل نتلاقى...... (Re: Hani Arabi Mohamed)
|
حنين سلام في زمن الحزن
عما التلب سلاااام
Quote: آه آه آه يا حنين للبلد بتذكريني بي أحزاني وأنا بتناسا فيها وماشي علي نوم
ويوم من دون الأيام نزلت (دموعي سرف) وفي المكتب بعد دخلت بوست وقرآة القصيدة
سوقنى معاك يا حمام) , الليلة أنوم بي شنو, قلبتي علي المواجع ؟!
الله يسامحك بس |
عماد التلب قول لي انا الحا أنوم بشنو و كيف الليله .... انا فاقد اتنين من اعز و اجمل اصدقائي شهاب الامين و عماد الامين ....أأأأأأأأخ منكم يا اولاد اللمين ....هما ما اخوان لكن اخواني انا
وحي من ضلك الرامي وحمل شيلك
وحي من جرحالدامي و فتر حيلك
تموت متل الشدر واقف
تموت واقف علي حيلك
و يا حليلك و يا حليلك و يا حليلكم يا قاتلي ابناء اللمين
الله يسامحك يا عماد والله يصبرك يا حنين
| |
|
|
|
|
|
|
|
|
|
Re: وإتفارقنا قبل نتلاقى...... (Re: حافظ حسن ابراهيم)
|
الاخت حنين للبلد
تحية طيبة وحمد لله علي سلامة العودة ويا ريت نعرف انطباع زيارتك للوطن الجريح
اقول معاك قطع شامة هواك من قلبو الا هواك نبت تاني
طالما هذا الاخ اصبح لك بمكان الشقيق السادس اعتقد انه لا يحتاج الي ان تقطعي هذه المعرفة
والان التضامن من غير معرفة الاذي هو مجرد تضامن زمالة منبرية
رؤيتي الا تضيعي اخيك السادس
لان الشر زائل والخير هو الباقي
ولو لا الامال لباظت الحياة
في عينيك عشم باكر
عايني لجواك اكثر ولا تحملي ضيقا ولا هما
ضعي ان فرتقه الضفائر في الرزاز هي الغاية
والفرح هو ما يملا القلوب
والمحبه هي الاهم
الشيخ العبيد ود بدر يقول رضي الله عنه
العندو محبة ما خلا الحبه
والعندو حبه ما خلا الحبه
والماعندو محبه ما عندو الحبه
اتمني ان تكون سحابة ضيق وترحل سريع ولا تصادف قلبا اخر لانثي او ذكر لكي تغممه
بالهم والغم
تحياتي
| |
|
|
|
|
|
|
|
|
|
Re: وإتفارقنا قبل نتلاقى...... (Re: Yassir Tayfour)
|
Quote: يا حنين..
ما متأكد من إسم الزول الفارقتيهو ده، ولا عارف السبب شنو، لكن ده لو الزول الفي راسي، والله بستاهل ياخد فرصة تانيَّة وتالتة..
وإتمنى إنكم ترجعو لما كنتم عليه، كلنا خطائين، وخيرنا التوابون.. |
نحن نؤيد حزب السيد
يلا يا شقيق جهز اللحن للقرصة في اللضان
المطلع
تعاليا صديق النديك درس
ما تبقي بوردابي و مهلوس
| |
|
|
|
|
|
|
|
|
|
Re: وإتفارقنا قبل نتلاقى...... (Re: حنين للبلد)
|
Quote: يانعوم..سريع راجعي النظرية دي...
ياحليلك يا طيبة انتي من زمن التلاقي الروحي يا حبيبة... |
وأراجعها ليه وهي ظابطة معاي ؟؟؟
عارفه يا حنين انا بعرف الناس البتعامل معاهم
ويستحيل أصاحب حد وأجي أكتشف إني غلطانة
ما قاعده تحصل لي وأجزم بإنها لن تحصل
لأني أختار من حولي بصورة جيدة
وهو بالله ح يفضل شنو لو التلاقي الروحي دا ما كان في؟؟؟
يعني شنو طعم الدنيا من غير أصدقاء ؟؟؟
| |
|
|
|
|
|
|
|
|
|
Re: وإتفارقنا قبل نتلاقى...... (Re: كمال سالم)
|
حنونه
يخليك ربي
حبيبتي انتي احمدي ربنا عندك نعمه مغبون
فيها كتير
وكان وجدوها ما بدوها حقها في
احساسنا الملموس
حنونه كونك تتنفس بيعني انك حئ
انتي بكلامك ده
اتعديتئ طور الحياه
انتي تمشئ وووو تركضي
كل الحياة باجمل مافيها
انتي في فراق البتعزيه ده
عبرتي عنه بشعور سوي صادق جميل
نحن في امس الحاجه اليه
الموسف حنونتي
شعور زي كدي
فهمنا الضيق الكل يوم بضيق زياده
بقي محصور
بين يا حبيب ياحبيبه
وفي القريب ح نلقي في مجتمعنا مافي حبوبه
وللما نسال بتكون في دار عجزةه
بنرمي فيها احر شئ بفكرنا اننا
بشر من تحم ودم
حنونتي كوني كما انتي
كلك جمال وربنا يجمع الشمل
ويقرب البعيد
عفاف ابوحريره
| |
|
|
|
|
|
|
|
|
|
Re: وإتفارقنا قبل نتلاقى...... (Re: خالد المحرب)
|
Quote: الموسف حنونتي
شعور زي كدي
فهمنا الضيق الكل يوم بضيق زياده
بقي محصور
بين يا حبيب ياحبيبه |
الاخت عفاف ابو حريرة
انتي الوحيدة الفهمتيني....للأسف مجتمعنا السوداني لايتقبل اي فكرة علاقة بين رجل وإمراة خارج النطاق المذكور... ماعارفة زمان الناس كان تقبلها عفوي للعلاقات الاجتماعية وكان الناس بتتوادد بدون اي فهم خاطيء...والامور واضحة وبينة...انا ياعفاف لما فتحت البوست ده من عفويتي ما ختيت انه في زول ممكن يفهمه غير... لكن امكن اختلطت الفكرة عند البعض ولهم العذر في ذلك.. ووصلت الفكرة للبعض واشكرهم على تفهمهم الراقي...تعرفي ياعفاف انا اجتماعيا شبه غير موجودة واتواصل من الغربة مع الاخوة والاخوات هنا والحمد لله ماندمت على ده...وعوضوني احساس الاغتراب ...
صديقس الذي نعيت كان من خيارهم...كان ياعفاف رجل بقدر كلمته واخ بقدر معنى الاخوة ..انتهت العلاقة الاخوية بيننا واحسست بالضيق فافرغت همومي هنا..واحمد الله انني احفظ وساحفظ له كل خير....يكفيه انه خالف القاعدة المذكورة..واثبت لي ان العلاقة بين الرجل والمراة السودانية يمكن ان تكون خوة لله وفي الله...شكرا لك عفاف الىن يمكن لي القول ان جرحي برأ...
| |
|
|
|
|
|
|
|
|
|
Re: وإتفارقنا قبل نتلاقى...... (Re: حنين للبلد)
|
| Quote: وإتفارقنا قبل نتلاقى...... |
ده أحسن ما قابلتي ذاتو ..وبعدين يا حنين خوة
الأسافير دي نادر ما تلفق ..يازولة أعفصي ليهو
إنتي هينة ولا هينة هو الندمان ..طير العصافير
عبر الأسابير ...(جمع سايبر)
(الولد الذي طارت عصافيره)
| |
|
|
|
|
|
|
|
|
|
Re: وإتفارقنا قبل نتلاقى...... (Re: بشير جبريل علي)
|
| Quote: دي منو ..القالت ..دي هنين ..مش ..ما من حقك برلمتي ود الصايم .. |
بشير شايفاك بقيت تجوط في التخمينات رغم ان لاحوجة لها...اها ماعندك إجتهاد جديد عل وعسى...
* انت بالمناسبة السعيده دي كنت مع الموقوفين ولا إختياري..
| |
|
|
|
|
|
|
|
|
|
Re: وإتفارقنا قبل نتلاقى...... (Re: محمد عبد الماجد الصايم)
|
Quote: بي مناسبة محمد عادل دي
حاسي بي نفسي اتبرلمت في البوست دا!
قريت أول مداخلة قلتي تعزية .. عزينا ومرقنا! |
بري والله يا ود الصائم ما اتبرلمت....صحي بوست تعزية...
بس محمد عادل دي تشفيرة وكدة...
صديقي وأخي سابقا صاحب التعزية الظاهر علي كان متابع البوست ده...فارسل لي مايفيد انه كل زول دخل خشمه في الموضوع وقال لي * مافضل الا محمد عادل يدخل قدومه...
لوووووووووووووووووووووول فانا منتظرة محمد عادل يجي عشان أارشف البوست...وتنتهي مراسم الدفن بإنتهاء أرشفة البوست...
* شكري بالجد لكل من واسى او ابرق معزيا.....نجيكم في الأفراح...
| |
|
|
|
|
|
|
|
|
|
Re: وإتفارقنا قبل نتلاقى...... (Re: حنين للبلد)
|
Quote: انت بالمناسبة السعيده دي كنت مع الموقوفين ولا إختياري..
|
ده منو البقدر بوقفني أنا ..في الدفاع الشعبي كان بدربوني وأنا جالس على الكرسي
( الحمد لله ما كسيح حقار حقارة كدة بس) قال من الموقوفين قال..
إختياري ..كان مفرغ نفسي لإستقبال سعادتك عند مرورك بالدوحة ..يخسي على التعب ..
| |
|
|
|
|
|
|
|
|
|
Re: وإتفارقنا قبل نتلاقى...... (Re: حنين للبلد)
|
Quote: فارسل لي مايفيد انه كل زول دخل خشمه في الموضوع وقال لي * مافضل الا محمد عادل يدخل قدومه...
لوووووووووووووووووووووول |
هو لسة عندو نفس و بهظر كمان !!
أنسيك منو ,أخوانك و أولاد عمك ( ) راقدين
| |
|
|
|
|
|
|
|
|
 Re: وإتفارقنا قبل نتلاقى...... (Re: Yassir Tayfour)
|
Quote: حنين ومحمد
قومو لفو كده ولّ كده..
يا إتفارقوا جد جد خلونا نلمكم ولّ ما تجهجهو مواسير راسنا.. |
أبتفة اتكل ليك في حيطة جنب بشير.....لكن لقيتك مجلي أخير منك ود الصايم...
* ود العم...لا انا مابستغرب هزاره اصله حياته كلها هزار في هزل...مريح رقبته..
الله يخلي لي اولاد عمي المابهزروا في الخوة...
| |
|
|
|
|
|
|
| |
انعام حيمورة
osman righeem
emad altaib
سارة علي
نصار
فادية اليمني
SAIF MUstafa
عبدالله حمد العالى
Deng Goc
أحمد الشايقي
Muna Khugali
أبو ساندرا
هاشم أحمد خلف الله
Faisal Elrasheed
محمد عبد الماجد الصايم
حافظ حسن ابراهيم
Hani Arabi Mohamed
Yassir Tayfour
انعام عبد الحفيظ
كمال سالم
خالد المحرب
شول اشوانق دينق
بشير جبريل علي
Abd Alla Elhabib
معتصم دفع الله
محمد البشرى الخضر
فيس بوك
تويتر
انستقرام
يوتيوب
بنتيريست