|
|
 كرهتونا الـ......
|
النقاط دي قاليك عشان كل واحد ياخد راحته و يضع الحاجة - او الحاجات - الكرهتو
كرهتو الدنيا كرهتو السودان كرهتو البورد المهم اي حاجة كرهتك ...
ابدا ليكم انا
كرهتونا البورد :
بحركة انا ماشي و انا مستقيل وانا متوقف و تاخدوا يومين و ترجعوا زي الما حصل شي
و حكاية الإصلاح القايمين لينا فيها البرالمة
و تكرار البوستات في نفس الموضوع
و ناس يا بكري فلان على بابك
و طبعا النضال الأشتر
و قصة تعمل البوست و تعمل واحد تاني دعاية
و تشيل اللنك الباير بتاعك تحوم بيه البوستات و تمرق بيه مداعي
و قلبنة الحروف عند تراجي و الحبيب
و اللفحي البفور الدم
و تكون راكب غلط و ينبهوك ولسة مصر
و تعبير كلينتون الغياظ في بروفايل دندونتو
و قصة "دندونتو" زاتها
و البهبشها كلها تلقاها سوركتي
و الوش الأخدر البدور يا ابشنب
و زولك الأبوليهو بالباسويرد
و مداخلات اولي العزم البفهموها براهم
و بوست الموبايلات
و عناوين بوستات الحبشي
و الفرمالات
و عوارة المناضلين
و الفورة المليون عن تمبس
و الزرافة - طبعا
و الأقواس و الكلمات البولد و الأندرلاين بدون مناسبة او سبب وجيه
و هرجة البتَان بين الأمة و الليبرالي
و الكوت الغلط البقفل البوست
وتاني شنو تاني شنو .....
ايوة حركات بكري بتاعة الحذف و الإيقاف البلا سبب وجيه دي
ونواصل...
|
|
 
|
|
|
|
|
|
|
 Re: كرهتونا الـ...... (Re: عبدالكريم الامين احمد)
|
هاشم يا عمك...
عليك لسة عندك عين تحوم في البورد بعد الكبكبي الشتتو قبيل دا
كرهتنا الباكمبا زاتو ياخ
كيكي يا عمك...
الفرمالة ما عندك اريتهن كلهن كدا ذكرتنا سينما سينما
انا قصدي زي فرمالة اليهوديان و فرمالة الجلابة و غيرها
روق يا عمك واحلى
| |
|
|
|
|
|
|
|
|
 Re: كرهتونا الـ...... (Re: محمد البشرى الخضر)
|
كرهتنا السودان:
الإنقاذ - طبعا
و المواصلات
و الكتاحة
و النحل
و جهاز المغتربين
و الجواز الكلو سنتين تجددو
و سودانير
و ناس الحركة
و الجمارك
و الرشاوي الما ليها حد
و المعارضة
و قصة قبيلتي و قبيلتك
و الحر
و الكلاب المطلوقة في الشوارع
و الغنم
و الزول البجيك في اي وقت
و المجاملات
و الكسرة في بيت البكا
و المريخ
و مزمل ابو القاسم و اسحق اب قرن
و هبالة شداد و الأرباب
و التلفزيون
و جكس الأحفاد و كمبيوتر مان
و مامون حميدة
و مستشفى ابراهيم مالك
و شفع الشحادين البتعلقوا ليك في الجلابية
و شفع الحلبة الكان لقوك طابق يشبكوك الله يعرس لسك السمحة
و ناس البوليس
و الهم بتاعين الطيران المدني
ورسوم المغادرة
و البت السمحة القدر ما حاولت افتح معاها موضوع ما ادتني مدخل
و تاني شنو تاني شنو ....
ضربة صباع رجلك الصغير بكراع الطربيزة (آآآآآآخ )
| |
|
|
|
|
|
|
|
|
 Re: كرهتونا الـ...... (Re: محمد البشرى الخضر)
|
والله ياود البشرى الحاجات البتخلي الزول يكره حياتو كتيره جداً
الدنيا عموماً دار شقاء
غايتو الواحد بس يمشيها مرات بالطناش ومرات بي تقيل الدم .
غير كده صعب الشغلانه تمشي
مؤونة عام من الود
| |
|
|
|
|
|
|
|
|
 Re: كرهتونا الـ...... (Re: محمد البشرى الخضر)
|
قول واحد
| Quote: و ناس يا بكري فلان على بابك |
وقول اتنين
| Quote: و تشيل اللنك الباير بتاعك تحوم بيه البوستات |
وقول تلاته
| Quote: و الوش الأخدر البدور يا ابشنب |
وقول اربعه
| Quote: و زولك الأبوليهو بالباسويرد |
اسمعني
ما ترسل لي مسنجر وخلاس .. في داعي للفضايح دي ياخ
غايتو جنس غايتو
أها  كيتا فيك كدا بس!!
| |
|
|
|
|
|
|
|
|
|
Re: كرهتونا الـ...... (Re: محمد فرح)
|
Quote: بي صراحه وبدون زعل
الصوره دي برضو من الحاجات البتكره
الألوان والصوره المتحركه الموجوده بالصوره مؤذيه للغايه |
طالما قلت بدون ذعل
البحر أوالسماء + الصحراء = الخضره أوالزراعه
وقع ليك أبوي؟
| |
|
|
|
|
|
|
|
|
|
Re: كرهتونا الـ...... (Re: محمد البشرى الخضر)
|
Quote: و جكس الأحفاد و كمبيوتر مان
و مامون حميدة
|
ودالبشرى : ماعارف ليه في اللحظة بتاعة كتابة الجزء ده جاني زي إحساس إنو أُم حتحوت جات ماشة في الفرقة البين الكمبيوتر والتلفزيون ولا تعير الأخير إنتباهاً ؟؟؟
جكس الأحفاد وكمبيوتر مان ومامون حميدة كمان ؟؟؟؟؟؟؟؟؟؟؟؟ لا ياخ ...كرهتنا الكرهتنا
| |
|
|
|
|
|
|
|
|
 Re: كرهتونا الـ...... (Re: Ahmed musa)
|
| Quote: جكس الأحفاد وكمبيوتر مان ومامون حميدة كمان ؟؟؟؟؟؟؟؟؟؟؟؟ لا ياخ ...كرهتنا الكرهتنا |
لا ياعمك
جكس الأحفاد و كمبيوتر مان براه
مامون حميدة في رقبته كرهنا
| |
|
|
|
|
|
|
|
|
 Re: كرهتونا الـ...... (Re: محمد البشرى الخضر)
|
كرهونا الإغتراب...
البتَان عموما
و الهندي لما يهز ليك راسه
و الزلمات لما يقلوا ادبهم
و المصريين لما يستهبلوا
و قصة الرادارات و الغرامات العجيبة دي
و الإيجارات
و بياخة السودانيين و عدم السلام
و المسكول من السودان
و التحويل
و الزحمة
و مشكلة الباركنج
و القنصلية
و الوزن الزائد
و سودانير تاني
و البنغال
و الحبشيات
و السفر
و سوق الدهب
و البوبار
وتاني شنو تاني شنو....
جرايدهم الما بتكمل دي
| |
|
|
|
|
|
|
|
|
|
Re: كرهتونا الـ...... (Re: waleed dawash)
|
ود داوش
وازيدك كمان
قولة ستظل يا مريخ و ستظل و ستظل
و قولة لا يبطرنا لا يهزنا
و الألقاب العجيبة ناس الملك و السلطان و الباشا
و الآيقونات عديمة الموضوع التحت دي
وكدا
| |
|
|
|
|
|
|
|
|
|
Re: كرهتونا الـ...... (Re: haroon diyab)
|
هارون يا عمك
بالله التقول دخلت في راسي و كتبتهن Quote: يا......ماوحشتك ....
وداير لي مكتبة....
وDONE الشهيرة ....
وخلص شوف ليك حاجة تااااااااانية |
واااااااااااي انا من ديل
اما دي | Quote: وياعمك ماتنسئ ....! |
الهمزة الماليها داعي دي اسكت خليها بس
و يا وجع قلبي من جرة الياء دي| Quote: ودي كييييييييييييييف..... |
هارون إنت صعب ياخ
ما عارف انا زاتي بريدك لله كدا كيف؟
| |
|
|
|
|
|
|
|
|
 Re: كرهتونا الـ...... (Re: محمد البشرى الخضر)
|
احمد موسى يا عمك | Quote: جكس الأحفاد وكمبيوتر مان |
مالك ياخ مكبر الموضوع كدة
ما هن إلا حنكوشات سمحات قشييرات دلوعات ونستن لذيذة يمشين على الأرض يأكلن الآيسكريم زيهن زي الباقيات
و يكَرِهَنك زيهن برضو
قصدك بالأولى ياتها بتاعة البولد و الأقواس المافي محلها
يا عمك قلنا ما تلبسوا الطواقي الما مقاسكم
انا بباري محل البولد و الأندرلاين عندك بفهم المداخلة كاملة بدون اكملها - بالذات المداخلات ام سطور كتيرة ما عندي حيل اقراها كلها
| |
|
|
|
|
|
|
|
|
 Re: كرهتونا الـ...... (Re: ombadda)
|
أمبدة هاك ديل كرهونا برضك:
عدم الموضوع
و عدم الموضوع وما تكون عارف ما عندك موضوع
و عدم الموضوع وعارف ما عندك موضوع و ساكت
و عدم الموضوع و عارف ما عندك موضوع وعامل فيها عندك موضوع
و عدم الموضوع و عارف ما عندك موضوع وعامل فيها عندك موضوع و مصدق إنو عندك موضوع
وتاني شنو تاني شنو ....
أيوة دي عشان خاطرك
| |
|
|
|
|
|
|
|
|
|
Re: كرهتونا الـ...... (Re: محمد البشرى الخضر)
|
Quote: و المريخ
و مزمل ابو القاسم و اسحق اب قرن |
انا ديل كرهونى الدنيا ولا اطيق اشوف حرف منهم
اما المنبر
كرهونا
الاحزاب
اللبرالى
الامة
الشيوعى
وقعوا لرجوع فلان
اما بوستات محمود محمد طه طفشتنى شهر من الكمبيوتر ذاتو
موضوع حلو شديد
نواصل
ام وضاح
| |
|
|
|
|
|
|
|
|
 Re: كرهتونا الـ...... (Re: doma)
|
السلام عليكم
ود البشرى كيفك
سأل رجل «جحا» عن:
عدد المجانين الذين يسكنون المدينة؟!
فأجابه جحا: كان يجب عليك أن تسأل
عن: عدد العقلاء فيها
لأنهم قلة ويمكنني حصرهم!!
مش كان أسهل تعد لينا الحاجات
الما بتكرهك
.......
ممكن أضيف ليك
"فونت " محمد سليمان القبيح المصر ما يغيره ده
و
| Quote: وما الناس إلا هالك وأبن هالك *** وذو نسب في الهالكين عريق |
دي يا ربي نسيتها والا مجاملني؟
.............................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: كرهتونا الـ...... (Re: محمد البشرى الخضر)
|
ود البشري سلامات
ده شنو البوست العجيب ده......
اه ...
كرهتونا الدخان( توريه هنا يامان)
والدلكه
والمحلبيه زاته
والخمرة (ضم الخاء)
وعلامات الحركه كلها
وقارورة المويه
وانبوبة الغاز
والسلالم
والبيت الناصيه
والتاني ناصه
والشقه
ومكاتب العقار
والراتب
وبيوت الاحباش
والولاده
والبنبرز
وطبيب الولادة
وطبيب الاطفال
ووجع الراس
والبندول
والطب كلو
.......................
ودرب الاخضر
| |
|
|
|
|
|
|
|
|
|
Re: كرهتونا الـ...... (Re: عبدالله كع)
|
محمد البشرى مانسيت..؟
الركشة
والكشة
وعضة النملة
والنغمات
والعدة
والشاى البلا مواعيد
وتسليف الشاحن
والبطيخ
ودقة الباب وتلقى مافى زول
والنمرة غلط
وإذاعات الـFM
وممكن أشترك فى المسابقة؟
وأخوى عاوز اشترك
ووطى صوت الرادى..
وسرقة المركوب فى الجامع
وإخراج اليد بدل الإشارة
والوقوف المتكرر
وناس الهدف فى الإستقبال
والصراف الآلى البسرق الكرت بتاعك
وألو إنت وين..؟
وبكرة إجازة..؟
وبكرة شنو فى الأيام
والساعة كم عندك (ماعشان يعرف الوقت عشان يضبط ساعة الموبايل)
وفتيش الجامع الفيهو العقد
واللجان واللجان المنبثقة من اللجان
والمؤتمرات الصحفية والما صحفية
وأنا عندى إقتراح
وفى الحتة دى
وتعال بكرة
| |
|
|
|
|
|
|
|
|
|
Re: كرهتونا الـ...... (Re: صلاح أبودية)
|
| Quote: و الجواز الكلو سنتين تجددو |
يا ود البشرى مالك مذكرنا الحاجات البنحاول نناسها دي ياخ ؟؟؟
هسي بديت أعد في الأيام الباقية ...دي الـ " كرهتونا " المصاقراني اليومين ديل ...
أما باقي الكرهتونات بتاعتك ....كلها في الصميم ....
أما بخصوص حببتونا في الـ................
بس أعكس كلامك الفوق ...والحياة تبقى حلوة ومشرقة ...
يعني مثلاً : كرهتونا الجواز الكلو سنتين تجددو يقابلها ..حببتونا في الجواز أبو عشرة سنوات
وكدة ...طوالي لغاية آخر محطة ...
شكرا يا ود البشرى على البوستات الظريفة وخفيفة ومفيدة ...
ودي وتقديري ...
| |
|
|
|
|
|
|
|
|
 Re: كرهتونا الـ...... (Re: ibrahim fadlalla)
|
يا ود البشرى,,,,,
دكتور والله دكتور,,,
وربّها وسيدا ومقددا
غيرك مافى زول بعرفا هنا الشغلة دى
الله يديك العافية,,,
| Quote: قواسيب قواسيب مودتى |
| |
|
|
|
|
|
|
|
|
 Re: كرهتونا الـ...... (Re: ibrahim fadlalla)
|
فضللة يا عمك...| Quote: شكرا يا ود البشرى على البوستات الظريفة وخفيفة ومفيدة ... |
دقييييقة باللاي
ظريفة ممكن خفيفة بقبلها
لكن مفيدة ... ما ظنيت
مشكور على المجاملة ابوي
| |
|
|
|
|
|
|
|
|
 Re: كرهتونا الـ...... (Re: صلاح أبودية)
|
أبو دية ياخي دي حالة صعبة
هاك كمان
اللجنة الشعبية
و الشرطة الأمنية
و الرحلة النيلية
و النكتة القبل كدة محكية
و العلقنة الرسمية
و القنوات الفضائية
و الأزمات النفسية
و الناس العاملة ذكية
وتاني شنو تاني شنو...
أيوة سغالة قناة العربية
| |
|
|
|
|
|
|
|
|
|
Re: كرهتونا الـ...... (Re: محمد البشرى الخضر)
|
السفر زاااااااااااااتو ..... الواحد ما يغيب شوية إلا يجي يلقى ليهو كفوة حاصلة ...
عمك الأيام بقى شايل كروتو في يدو عديل و أقل حاجة بيكرت على طول ..
زي قطوعات الكهرباء الغير مبرمجة
و هاك وش مدور مني ....
| |
|
|
|
|
|
|
|
|
|
Re: كرهتونا الـ...... (Re: غباشي)
|
غبش يا عمك| Quote: عمك الأيام بقى شايل كروتو في يدو عديل و أقل حاجة بيكرت على طول .. |
حلوة دي
يكرتك و يكرت اهلك لو ما عاجبك اعمل حسابك وكدا
بالمناسبة دي
كرهتونا ياخ بالمساحة إنت و كيكي
| |
|
|
|
|
|
|
|
|
|
Re: كرهتونا الـ...... (Re: محمد البشرى الخضر)
|
ود البشرى ,,, كيفنك ,,
وحكاية المناقره بين أبوبكر والطيب شيقوق ,, وكلمة عرريب ,, دى أنا
بتضرسنى ,, وكونك تضرس فهذه أعلى مرتبه من الكره ,,
ضرستونا ياجماعه ,,,
| |
|
|
|
|
|
|
|
|
|
Re: كرهتونا الـ...... (Re: محمد البشرى الخضر)
|
ود البشرى:
Quote: و حكاية الإصلاح القايمين لينا فيها البرالمة
و تكرار البوستات في نفس الموضوع |
غايتو و
| Quote: كرهونا الإغتراب... |
خلاص خليه الجابرك شنو
وأزيدك
كرهتنا جضوم زول كدا فى Zoal TV
| |
|
|
|
|
|
|
|
|
|
Re: كرهتونا الـ...... (Re: sama7)
|
سماح بنت العم| Quote: خلاص خليه الجابرك شنو |
جابرانا دي وازيدك انا
الـ7 الفي آخر إسمك دي مكرهاني بالمناسبة هسي كان عملتيها h مالك
| |
|
|
|
|
|
|
|
|
|
Re: كرهتونا الـ...... (Re: محمد البشرى الخضر)
|
كمال سالم
Quote: وحكاية المناقره بين أبوبكر والطيب شيقوق ,, وكلمة عرريب ,, دى أنا
بتضرسنى ,, وكونك تضرس فهذه أعلى مرتبه من الكره ,, |
وليه ما ضرستك كلمة رتانى بتاعة شيقوق
يا عمك:
العرريب يظل عرريب
مودتى
| |
|
|
|
|
|
|
|
|
|
Re: كرهتونا الـ...... (Re: sama7)
|
ود
البشرى
شنو ليك
اديك خبر واقاولك مبروك
الهلال اول المرشحين لدورى الثمانية
الثمانية الكبار
الاربعة الكبار
الهلال فى المباراة الحاسمة,,فى زريبة العيش
ههههههاههههههها
ما تجى تقول لى كرهتنا الحلم ظاتوووووووووووو
| |
|
|
|
|
|
|
|
|
|
Re: كرهتونا الـ...... (Re: abuguta)
|
Quote: أبو يمن ...
عارف المكرهاتنك كتار
بختك اضرع ساي الليلة و انفش
وبالمناسبة دي...
كرهتنا بالوش الأصفر البضحك دا |
| Quote: قواسيب قواسيب مودتى |
كلامى ما بقع واطه,,,ربها ثم وبراك بتعرف شغلك,,
أسمع يا ود البشرى الدباش حزيتو ولا لسة مفرنب
| Quote: وحمولة شاحنة من الود,, |
هاك زول TV ده
| |
|
|
|
|
|
|
|
|
|
Re: كرهتونا الـ...... (Re: abuguta)
|
ابوقوتة ياعمك
وقت جيتني حبابك يمين ما ترجع يدك فاضية امسك ديل:
كرهتنا قصايدك البتخيتها خياتة دي و تتمها موية
و كرهتنا قصة صحفي رياضي
وكرهتنا منتديات ابقوتة
اها تاني شنو تاني شنو...
ما لقيت ليك حاجة اسي كان اتذكرت لبعدين بجيك ابوي
| |
|
|
|
|
|
|
|
|
|
Re: كرهتونا الـ...... (Re: sama7)
|
| Quote: ولا يا ربى تكون ما متابع |
بس .. ياهو زي دا
والله كان كدا الزول دا بالغ عدييييييييييييل
فتوهو!!
فتوهو!!
فتو الكلام!!
| |
|
|
|
|
|
|
|
|
|
Re: كرهتونا الـ...... (Re: محمد البشرى الخضر)
|
ود البشرى
اول حاجة مكرهانى كلمة ياخ البتتقال للمذكر والمؤنث
كحاجة موغلة فى التقدمية كدة
تانيا كلمة طق خاااااص البيبدا بيها خالد ماسا
وثالثا كلمة ياعمك بتاعتك لكن لو بتعتبرها ك ID فلا باس
| |
|
|
|
|
|
|
|
|
|
Re: كرهتونا الـ...... (Re: غباشي)
|
ود البشرى ..سلامات ...
Quote: دقييييقة باللاي
ظريفة ممكن خفيفة بقبلها
لكن مفيدة ... ما ظنيت
مشكور على المجاملة ابوي
|
بالله عليك ..في فايدة أكتر من التعليقات الظريفة وخفة الظل ... ؟؟؟؟؟
مجاملة ....لا لا ابوي....بالجد ..بالجد...
| |
|
|
|
|
|
|
|
|
|
Re: كرهتونا الـ...... (Re: محمد البشرى الخضر)
|
نواصل ...
كرهتونا البورد بـ...
حركة توجد صورة
و خبر عاجل
و الواحد يجيب ليك صورة كبيرة ما عندها موضوع يغزها ليك و يمشي
و يجيب ليك صورة كبيرة - ما عندها موضوع برضو - يغزها ليك و ما يمشي
و يجيب ليك غنية - ما عندها موضوع برضو - وتكون شغالة طوالي
و يجيب ليك غنية - ما عندها موضوع برضو - وتكون شغالة طوالي و البلاير هيدن
و الواحدة تكتب اول المداخلة في العُشرة و تخلي فسحة كبيرة و تختمها في حلة حمد
و الواحد يلفح الخبر و يفتح بيه بوست جديد وكان رفع راسه ساي يلقى مليون بوست عن خبرو دا
و الغلاط
و الكتابة التحت الخط
و التوقيعات قبل ما يلغوها
و غايتو جنس غايتو غير في خشم سيدا
و الواحد يشاكلك و يبستفك زين و يكتب لبك في الآخر مع الود
و كبكبة الشنبات التهز و ترز في الدامات - كان جد كان سوركتي
و قصة اقتباس التهنئة و التعزية
و قصة البورد زمان كان منقة بس و اسي بقى يلم
و تصنبف الناس
و تقييم الكتابة
و حكاية عقول و اقلام هجرت البورد عشان شنو كدا ما عارف
و قوة العين العجيبة دي
و ازمة الخجالات و الفهامات و الوقاعات
و الإنبهالة البلا فهم
و قصة هناي يا رائع و يا بورداب الحتة الفلانية يا رائعين
و العوة البلا سبب وجيه
و تاني شنو تاني شنو....
ايوة كان داير تحنك ليك بلومة يجيك النحل من وين ووين يقطعوا ليك في حنانك
| |
|
|
|
|
|
|
|
|
|
Re: كرهتونا الـ...... (Re: Ashraf El Bagir)
|
أشرف يا عمك...Quote: الزحمة
والساكن فوق راسك يقوم يجرجر العفش بتاعو
صوت الدربكين بالليل وقت النوم |
لا حولا غنت ساكن معانا في البناية ولا شنو؟
| Quote: وتسافر ليك مامورية يومين تجى تلقى الهناية جات |
قبلك وحدك يا خوي
| |
|
|
|
|
|
|
|
|
|
Re: كرهتونا الـ...... (Re: محمد البشرى الخضر)
|
لالالا يا ودالصايم
مابراك
أنا قصدى ود عمى الشمشار العامل رايح
بعدين انت ما للدرجة ديك يعنى ما يعملك سبب ويسميك بيها عشان يكب الزوغة
بعدين يا ودالبشرى كرهتنا بكراهيتك لتوجد صورة
ما ممكن قول لينا حاجة تانية مكرهاك ما معقولة تكون عكليت كدا
غايتو مستنين
| |
|
|
|
|
|
|
|
|
|
Re: كرهتونا الـ...... (Re: محمد البشرى الخضر)
|
Quote: الصورة الكنت خاتيها ليك و الصدمة بعد شفنا بوست كروش جدة
|
كنت خاتيها وين ياودالبشرى ... اعترف؟
انا من زمان بافتش عليها ومن يوم فقدتها
والحال يغنى عن الوصف
(البوست دخل علينا بالساحق والماحق)
لما النميرى عمل صورته فى ساعات اليد ووزع منها
كميه كبيرة على ناس الاتحاد الاشتراكى عمر محمد الطيب
زعل وطلب كمان يختوا صورته - نميرى قال ليه بس راسك
الكبير دة ساعة يد مابتشيله داير ليه منبه
| |
|
|
|
|
|
|
|
|
|
Re: كرهتونا الـ...... (Re: محمد البشرى الخضر)
|
ود البشرى بالله حدد ,, بتضرسك كلمة بورداب الدوحه ولا بورداب الدوحه ذاتم ؟؟؟؟؟
عشــان نحن ذاتنا نحدد موقفنا من البوست ده وسيد البوست كمان ,,,, كرهتونا ,,, ( وجه جميل )
(عدل بواسطة كمال سالم on 04-16-2008, 09:13 PM)
| |
|
|
|
|
|
|
|
|
|
Re: كرهتونا الـ...... (Re: كمال سالم)
|
بت العم ....
يعني دايرة تقنعيني انو الـ 7 دي ما حركات الجات البيض بتاعة العرب ديك وكدا
اب شنب ...
ما تشتغل بي كلامها
الجضوم عندك إنت ابوي
أحمد التجاني يا عمك...
على حسب نظرية ابعاج اظن إنت ساعة حيطة ما بتحلك
كمال سالم ...
ضرستونا بـ
رحلة رائعة توجد صور
و ندوة رائعة توجد صور
و اغنية رائعة توجد صور
و إجتماع رائع توجد صور
و شركة رائعة توجد صور
و سبق خيل رائع توجد صور
و قراصة رائعة توجد صور
و أوبرا رائعة توجد صور
وتاني شنو تاني شنو...أيوة
و صور رائعة توجد صور
يلا ابوي حدد موقفك وكدا
| |
|
|
|
|
|
|
|
|
|
Re: كرهتونا الـ...... (Re: محمد البشرى الخضر)
|
كرهتونا الـ
تكرار المداخلات
و التعديلات
و تفسير التعديلات
و قصة التوقيعات
و حملة الأختام
و عدم فهم الكلام
و المسنجر الكلو اولاد
و حكاية توجد صورة - دي عشان بت العم
في التلفزيون كرهونا الـ
إعلانات الشامبوهات
و تفتيح البشرة
و كنتاكي
و ميرندا
و الممثلات السمحات
والأفلام المترجمة
و نشرة الأخبار
وفي الشغل كرهونا الـ
الهنود و هزة الراس
و الكول آوت
و المواعيد
و عدم الإجازات
و ريبورتات نهاية الشهر
و الإستوك تيكنج
وتاني شنو تاني شنو ... ايوة
كرهتونا البوست دا زاتو
| |
|
|
|
|
|
|
|
|
|
Re: كرهتونا الـ...... (Re: علاء الدين حيموره)
|
Quote: ابو يمن يا عمك...
الدباش حزيتو ولا لسة مفرنب
كشتبت الفتافت النمتي كبس العتاس طار ليه
تصور
آي اضحك اسي ببقى ليك بمبي بعدين |
شنو يا زول!!!TV !!!!
إنت زعلت ولا شنو 
إنت بس خليك مع النمتى لمن الإريرات يجوك وكان جوك شتات خالى محطات
طقطة قالو حرام لكن دق قرع ما فوقو حاجة أدونا أو منعونا
خلينى أضحك ياخ أضحك الله سنّى وشرط الضحك ود الصايم الرايح دا
إنشاالله يبقى لى بفسكج زاتو
عبد الماجد...أمسك الخط ده-----------> ما بتروح
كرهتنا الضحك زاتو
ياخ ما تخليكم جادين شوية!!!!!! (الوش دا أول مرة أستعملو)
| |
|
|
|
|
|
|
|
|
|
Re: كرهتونا الـ...... (Re: محمد البشرى الخضر)
|
والله الحمد لله الجبت البوست من زمان كنت عايز أعلق على دي و ما لقيت فرصة:
| Quote: و قصة اقتباس التهنئة و التعزية |
ياخي إنت زول مغترب و شفت لما تجي في الإجازة تلقي الجماعة مجهزين ليك لستة الفواتح تديها لفة سريعة. ياهو حال البورد تجي خاشي أول حاجة تلف البكيات بفاتحة سريعة (اقتباس) إلا في بعض الظروف الخاصة. لو ما عملت كدا ما حتلقى طريقة للحاجات التانية.
تخريمة (دي ما تكون من الحاجات المكرهاك برضو): خلاص عفيناك في موضوع الصفقة الظاهر حالتك تحنن. بس الله يكفيك شر الناس التانيين.
| |
|
|
|
|
|
|
|
|
|
Re: كرهتونا الـ...... (Re: Elawad)
|
العوض يا عمك...
| Quote: ياهو حال البورد تجي خاشي أول حاجة تلف البكيات بفاتحة سريعة (اقتباس) إلا في بعض الظروف الخاصة. لو ما عملت كدا ما حتلقى طريقة للحاجات التانية. |
كرهتنا المنطق زاتو
جادي عليك الله
(الموضوع داك ارخيه اسي)
| |
|
|
|
|
|
|
| |
محمد البشرى الخضر
هاشم أحمد خلف الله
قاعد لينا كده زي العمل الرضي
عبدالكريم الامين احمد
محمد فرح
محمد عبد الماجد الصايم
ممدوح أبارو
انعام عبد الحفيظ
Ahmed musa
mohmed khalail
waleed dawash
haroon diyab
ombadda
essam&amal
عامر تيتاوى
Ahmed Abdallah
Muna Khugali
doma
الزوول
عبدالله كع
صلاح أبودية
ibrahim fadlalla
أيمن الطيب
غباشي
كمال سالم
sama7
abuguta
احمد التجانى احمد
Ashraf El Bagir
علاء الدين حيموره
Elawad
فيصل محمد خليل
انعام حيمورة
ماجدة عوض خوجلى
فيس بوك
تويتر
انستقرام
يوتيوب
بنتيريست