Quote: الله يجازى محنكم انشالله قطعتو مصارينى من الضحك
والله بوست كتله بس
كدى يا اخوى خلى ناس الكبار ديل عليك امن الله انا عندى ولد عمرو 4 سنين .. ما بهجص فى قدام التلفزيون ده و يروق البيت شويه الا فى تلاته برامج عندك توم اند جيرى (ودى انا ذاتى بهجص معاهو) تانى عندك حاجه كده اسمها بور رينجرز و تانى عندك بكاية الرجال والنسوان نسرين سوركتى (فى حنه اسمها نسرين سوركتى) اها الشافع ده وصل مرحله من التكسر انو قال انا عايز نسرين سوركتى تبقى امى؟؟؟ عشان بتفك شعرها!!!! ياخ الجمال ده مافى زول بقدر يقاومه خلى خلق الله تتكسر (لكن كشف حالهم ما بناباهو)
11-24-2007, 11:13 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: الفوق دي ليه انا ما شايفها تتهادي في هذا البوست التحفة...
والله يا كيكي اقول ليك شنو قدر ما حاولت ألايق الدردقة و الحنية الفي التعليق مع الشنب الفي البروفايل أبت تزبط , فقلت خلاص النرخيها عند راوية المهم يا عمك بعد المولد دا ما يخلص - يوم السبت إن شاء الله في ملفات كتيرة عاوزة فتح أهمها الغياب الموغل في الغرابة والمثير للدهشة و التساؤل لكيكي و خليل عن هذه المدارات الإنبراشية المترعة بالبكاء و الدردقة
11-22-2007, 08:34 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
قلت لي يا هجو يا عمك المريخاب مالهم تقال وكدا سمح أديني رايك
بعدين قاليك القلوب تلاتة ليه؟ عشان البوست دا بعد كورة الرجاء ام تلاتة - بتاعة يد قلق العليا خير من يد بهاء السفلى يعني لو كان البوست بعد كورة الصفاقسي الجاية أظن مركز القلب ما كان بحلنا
11-22-2007, 11:22 PM
عاطف عمر
عاطف عمر
تاريخ التسجيل: 11-26-2004
مجموع المشاركات: 11152
Quote: سلامات يا رجاء بالله شعورك شنو مع إكتشافك ان كل الأمنيات و المشاعر الطيبة دي لهكر
محمد يا بشرى.. صباحاتك خير.. غايتو أمنياتي ومشاعري الطيبة للهكر إن شا الله ما تنفعو .. تعرف حاجة. أنا لي فترة كنت غايبة. أي نعم كنت مزنوقة في الشغل. لكن جزء كبير كان طفشة من حال المنبر. فعلى ما أذكر آخر عهدي إنو المنبر كان ممل ورتيب ومحتكر من قبل 3 شخصيات كل ما افتح المنبر ألاقي زي دشلومية بوست للواحد. فقلنا نلملم أطرافنا وندخل في بيات شتوي (بمناسبة البرد وكده ). لكن يامان يومداك فتحت المنبر ولقيت في قادمة جديدة. قلت أكيد حتكتب ليها كم موضوع كده حيغيروا حال المنبر. وبيني وبينك جد فرحتا على الأقل حيكون في موضوع رابع وزول رابع. يمكن هسع الهكر فكًر بنفس الطريقة دي وجا يعيد التوزيعة ..
تحياتي لنسرين سوركتي الحقيقية.. وتحياتي ليك
* بالله شفتا السلام المدحرج للشباب الفوق ده ..
11-23-2007, 11:52 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
يا عمك قالو الجهل مصيبه ... لكن مرات بكون نعمه زي حالتي دي ...تصدق للحظه دي انا ما شفت لا نيل ازرق ولا شروق ... ومن جهلي قال ليك جيت ماشي في البوست داك مارش و انا ما عارف ........احيييييييييييي...
ياما انت كريم يا رب .. لو ما كده كنت دقيتني طار زي البكايين الاتشنقلو فوق ديل ..بالله حتى الجكس بكاي .. سبحان المصور
( من ستر مسلما ستره الله يوم القيامه)
Quote: بعدين قاليك القلوب تلاتة ليه؟ عشان البوست دا بعد كورة الرجاء ام تلاتة - بتاعة يد قلق العليا خير من يد بهاء السفلى يعني لو كان البوست بعد كورة الصفاقسي الجاية أظن مركز القلب ما كان بحلنا
دي حاره والله
11-23-2007, 12:08 PM
Muna Khugali
Muna Khugali
تاريخ التسجيل: 11-27-2004
مجموع المشاركات: 22503
طلحة يا عمك ما تضايق قلت ليك حدنا السبت بعد داك بنحول الإرسال للقناة السادسة -أوالسابعة يمكن - من تونس ونبث برنامج نلفزيون الواقع " من سيلعب معانا السوبر"
بعدين عليك الله ما اخير من تنظيرك القادينا به دا شبكتنا إيفوسا إيفوسا لمن لحقته الزينين إن شاء الله إرتحت
11-23-2007, 12:59 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
تعرف يا أبوحميد غياب خليل وكيكي مثير للريبة للحد البعيد ولا تنسى الحضور المشهود لملاسي الأمر يستحق البحث حنرجع ليه بعد ننتهي من كيتة الصفاقسي إن شاء الله
11-23-2007, 05:38 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
أمتع بوست في تاريخ المنبر. الحمد لله نحن دايما قاعدين في الديوان مع الرجال و لو جينا نتكلم مع أخواتنا ديل ما بنخش إلا بعد نقحقح لغاية ما حلقنا يوجعنا. عليك أمان الله رودة مردا ما اتكلمنا معاها إلابعد طلعت راجل. جرسة و هرشة مقدما: يا جماعة والله بهزر. مع خالص التحية لجميع الأخوات بالمنبر و أخص الغائبة الحاضرة د. بيان و بنت الخالة غادة و بنات العباسي و تراجي و آمنة و د. إشراقة و بنات خوجلي و إنعام حيمورة و تماضر و ممكونة و شيماء و القلب النابض و آمال و د. هبة... إلى آخر القائمة الطويلة من الأخوات الكريمات اللائي لا نحمل لهن غير الاحترام و الود.
11-23-2007, 08:34 PM
انعام حيمورة
انعام حيمورة
تاريخ التسجيل: 06-29-2006
مجموع المشاركات: 11094
تاريخ التسجيل: 27-06-2002 مجموع المشاركات: 3294 Re: الرائعة نسرين سوركتى تطلب عضوية المنبر (Re: اسعد الريفى)
منذ فترة وتماضر شيخ الدين لم تقدم اي هدية لمنبرها فكلماتها دائماً تأتيك مغلفة بورق السولوفان وتقدمها اليك كهدية من ماس وكأنها عادت اليوم لتعوضنا كل ايام الحرمان عادت وهي تحمل معها مذيعة لديها { كاريزما } خاصة وأنا اتحدث عنها كمذيعة وصاحبة حوار متفرد لاتهمني الجوانب الأخرى فكثير من المذيعين وكما ذكرت لكم عندما تشاهدهم وكانك تشاهد شخصاً خرج منه متحصل الضرائب قبل قليل يعجبني المذيع الذي يخرج عن { النص } لا ذلك الذي يتقيد بما يمليه عليه المخرج وتراه في الشاشة وكأنه بالع ليهو { سيخة } نحتاجها هنا بشدة لنحاورها في اخفاقات اعلامنا ولنعرف رأيها في الكثير من الأمور ولأنني من أهل العوض كنت قد قرات يوماً مقالاً لرباح الصادق المهدي كانت تعتذر فيه لقراء سودانيز أون لاين وتقول لهم أأسف إنني لم ارد عليكم لأن الكهرباء كانت قاطعة عندنا ففتحت فاهي واصبحت كاولئك المصابون بالملاريا وهم على وشك الاستفراغ لم اصدق بتاتاً أن رئيس الوزراء تقطع الكهرباء في بيته مفتكر الشغلانية بس في ودربيعة وكاب الجداد ورهيد البردي وأم ضريوة نحتاج لمثل هذه الوجوه لنعرف الوجه الآخر من حياتهاالإنسانية مرحب بيك يانسرين عاد لكن لو ناس البرلمان أغلقوا الموقع شيلي شيلتك شكرا تماضر وعليك الله ماتكتبي البوستات وتقومي جارية زي كل مرة
قلت لي نحتاجها بشدة
سنة يا التهميش
ست النفر ست النفااااااااااااااار
11-24-2007, 10:09 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: تعرفى يا رجاء فى بوست الاعلاميه ن س الجابو الزول الهكر نزلت ليك اغنيه بتاعت عثمان حسين اطيب خاطرك الغالى بصوت اسرار طبعا البوست طلع مهكر واخوك الضحك شرطو ولقيت ناس بيان وحاتم الياس عاملين بوست فى موقع اخر اسمه سالت مشاعر الناس جداول ناس رافت ميلاد الخال ماقصر عشان كدا يا ختى ما تهبشى مودتى Re: إلى صاحب/ ة الرسالة في مسينجري..
يا فرح أغفر لي شيل الحال ده ..
11-24-2007, 12:24 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
معقول ياخي القائمة دي تخلو من احمد هاشم ياخي ظلمت الراجل شوف المجهود البذله في رص القلوب دي ولا يفوتك دي كانت المداخلة رقم تلاتة ليه وشكلك فاتك فراش سيليكون برضو
احمد التجاني فعلا ابو حراز شكلو اخد الموضوع بجدية لكن للامانة كلامه تنظير ساي خالي جرسلين
يا اشرف يا حلبي ايام الجامعة كان عندنا كود وسط الشلة يناسب الحالة دي يقوليك فلان ضعيف امام الجكس النضيف شكلو حيكون شعار البورد بديل لصوت من لا صوت له عندي إحساس كدا إني قريت ليك مداخلة في البوست المعني لكن ما لاقيها
11-25-2007, 08:44 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
أها وعشان خاطر طلحة ما يضايق وزي ما أسلفنا حنقفل باب الإبتزاز و شيل الحال دا لحد كدة لكن و نظام فضيحة أخيرة وكدا على الرابط التالي تلقى ملف مضغوط فيه الصفحة الأولى من بوست الترحيب بصيغةMHTML اوفلاين وبوست طلب التزكية كامل TXT
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة