|
|
 (كن كالمسمار لا يذيدك الشاكوش إلا ثباتا) من أقوال مشوكش صامد
|
#
اليكم هذه التجربة للأستفادة من تجربة صديقنا المسيخ جدا والمتألم خالص
هذا هو مثلي المفضل والمثل بقول(كن كالمسمار لا يذيدك الشاكوش إلا ثباتا)
وكمان هاكم القصيدة التي جدت بها قريحته في هذه الظروف الحالكة والمصيرية
* أنا تعبتا خلاص
أنا تعبتا خلاص من جورك انـت علـى
تزعل بدون اسباب ومن تانى ترجع لـى
خليك معاى واضحه لا يبقـى قولـك نـى
يا انت ابقى معاى يا انتـى ماليـك بـى
****
رغم الحصل والكان ياما صبرتـا عليـك
كان العشم جواى تصدق معـاى عينيـك
لكن غرورك فاض كتل البـراءة الفيـك
خلاك تقول مجبور أنا بكره برجـع ليـك
***
اوعك تظن فى يوم أنا قلبى برض الـذل
او يستكين هيمان ويرجـاك عنـد الضـل
انت الفتحت الباب وقت للخصـام ادخـل
وانت الزرعتا الشوك وقلعت شجر الفـل ***
أنا فى النهاية إنسان مرهف رقيق حساس
وداير اعيش فى امان واصافى كل الناس
لكن إذا جاء الريد فـوق الكرامـه وداس
مجبور اقول القـول القالـوا (بوفـراس)
***
فى شعروا قالوا كلام مدهش جميل يسبى
لا تملـك الحسنـاء مهمـا تكـون قلبـى
أنا برضى زيو كمان أعلنت لـى حربـى
وعايش قليبى بقول يا اخوانا آيـه ذنبـى
***
والله يا المريـود خليتنـى فيـك محتـار
مرات بشوفك نور مـرات بحسـك نـار
مرسالى وكتين جـاك قابلتـو باستهتـار
وما تنسي أى حديث دائماً بدايتـو شـرار
***
يا قلبى اصبر اصلو الظـروف قاصـداك
معليش إذا جاء الليل وخيم علـى دنيـاك
عـذراً إذا الأحـلام اكبـر مـن الإدراك
وعفواً اذا حبيت زول ماعـرف معنـاك
أخوكم ورفيق دربكم المتألم جدا الاستاذ المسيخ في لحظة أسي
*منقول بالكامل من دفترالاستاذ المسيخ متعه ربي بالعقل والعافية وجعله من الصامدين ولقد سطر هذا العمل بعد أسبوع من صدمة الشاكوش بواسطة واحدة وهي كانت السبب في حالة الاستاذ المسيخ التي يرزح تحت تأثيرها الي ( وهي شهادة عربية ورهبية الجمال بدون مكياج وأسمها في الفيسبوك وجع القلوب و خلقوها مستحيله علي الشنين والفقران) والله أخوانا ما بين الحياة والموت دعواتكم ياناس الاستاذ المسيخ أمكن يحتاج لعلاج نفسي!!!؟
|
|
  
|
|
|
|
زهير عثمان حمد
محمد البشرى الخضر
فيس بوك
تويتر
انستقرام
يوتيوب
بنتيريست