نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 صورة مهداة للحمقى الذين يتحسرون على خروج الإستعمار (مبكراً)
|
الصوره التقطت عام 1910 وتظهر جندي سوداني يحمل بريطاني على ظهره ويعبر به النهر وذلك عشان سيادة البريطاني هدومو ماتتبل بالمويه لأنو ماكان في مركب يعبروا بيها
اي هوان وأي ذل هذا
أكرر للحمقى الذين مازال كثير منهم يتحسر على خروج الإنجليز (مبكراً) وأننا لو تركناهم لفعلوا ولبنوا ولأسسوا
لولا النضال المرير والدماء الغزيره التي بذلها أجدادنا لمحاربة المستعمر لظل هؤلاء جاثمون على رؤوسنا بهذه الطريقة حتى يومنا هذا
الحمد لله الذي أذهب عنا بلاء المستعمر
بلادي وإن جارت علي عزيزة
وأهلي وإن ضنوا علي كرام
|
|
 
|
|
|
|
|
|
|
|
Re: صورة مهداة للحمقى الذين يتحسرون على خروج الإستعمار (مبكراً) (Re: محمد فرح)
|
عزة في هواك عزة نحن الجبال
وللبخوض صفاك عزة نحن النبال
عزة ما بنوم الليل محال
وبحسب النجوم فوق الرحال
خلقه الزاد كمل وأنا حالي حال
متين أعود أشوف ظبياتنا الكحال
عزة ما سليت وطن الجمال
ولا ابتغيت بديل غير الكمال
* * *
وقلبي لي سواك ما شفتو مال
خذيني باليمين وأنا راقد شمال
عزة ما نسيت جنة بلال
وملعب الشباب تحت الظلال
ونحن كالزهور فوق التلال
نتشابي للنجوم وأنا ضافر الهلال
عزة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عزة ما اشتهيت نوم الحجال
ولا السوار بكي في يمينا جال
وعزة في الفريق لي ضيق مجال
قبيلة بت قبيل ملأ الكون رجال
* * *
عزة شفت كيف نهض العيال
جددوا القديم تركوا الخيال
روحك أم سماح سري كالسيال
شجو الفؤاد حيوا محسور الليال
عزة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدي كل يوم عظمة ازداد جلال
عزة في حذا الخرطوم قبال
وعزة من جنان شمبات حبال
وعزة لي ربوع أم در جبال
وعزة في الفؤاد دوا يشفى الوبال
| |
|
|
|
|
|
|
|
|
|
Re: صورة مهداة للحمقى الذين يتحسرون على خروج الإستعمار (مبكراً) (Re: ود الباوقة)
|
Quote: الزول الشايل الخواجة دا لو ما زمن الانجليز
يعني لو حاليا اتوقع يكون سيف ود عوج الدرب
شكرا اخونا ود فرح
اردم |
ود الباوقه
في ناس كتاااااااار هنا الخواجات راكبين في ضهرهم و(معرتتنهم)
شدة ماعوره لمن بقيت لمن أفتح بوستاتهم إلا أجيب لي منديل امسح بيهو ريالاتهم
خد عندك دينق كمثال وصبري الشريف وتراجي وكثيرين نسأل الله أن يهديهم
مؤونة عشرة أعوام من الود
| |
|
|
|
|
|
|
|
|
|
Re: صورة مهداة للحمقى الذين يتحسرون على خروج الإستعمار (مبكراً) (Re: دينا خالد)
|
محمد فرح ..... تالله إنك لفي ضلالك القديم
يجب أن تنظرللصورة وفق الزمان والمكان المحيطين بها
في ذلك الزمن لم تكن مستغربة مثل هذه الصور
هناك سودانيين يحملون سودانيين حيث كانت ظاهرة
تجارة الرقيق منتشــــرة ولا حرج في ذلك البته
هذا ليس تحســراً على خروج الاستعمار
خروج المستعمر ملحمة وطنية خالدة ويفخر بها كل سوداني
قول لينا رأيك في صورة رشا الرشيد...
الراجلها مؤتمر وطني وحماها برضو مؤتمر وطني
| |
|
|
|
|
|
|
|
|
Re: صورة مهداة للحمقى الذين يتحسرون على خروج الإستعمار (مبكراً) (Re: محمد فرح)
|
Quote: الصور اعلاه مهداه للذين يستنكرون التحسر على
دعوات اسقاط النظام وضرورة خروج المؤتمر الوطنى من السلطه !!! |
اختنا دينا ـ سلام.
معليش اليومين دي مُتَّلِحِكْ اعفي لي.
إسقاط النظام يادينا لن يحل مشكلة السودان.
لأن المشكلة يادينا من شقين:
معارضة لاتملك رؤيا واضحة ..
واجنبي يملك رؤيا واضحة .. ومعلنة .. وبقاء هذا النظام احد ادواتها ..
والمعارضة تظن ان امريكا واوروبا يعملان لتمكينها دون مقابل. والمعارضة والحكومة ـ احمد وحاج احمد ـ تسيران عمياناً خلف امريكا واوروبا. كُلٌ يمني النفس الاماني.
فالحكومة ـ منقادة بسلاسل المحكمة الجنائية وتُهم الارهاب والمقاطعة الاقتصادية .. فهي تُقدِّم التنازل تلو التنازل ـ فقط لتبقي في الحكم.
وافقت الحكومة علي فصل الجنوب .. وستتغاضي عنها امريكا واوروبا واسرائيل حتي تتنازل عن دارفور ,, ثم جبال النوبة والنيل الازرق لإلحاقهما بدولة جنوب السودان.. والله اعلم مالذي يكون بعدهما.
ومن بعد ذلك سيترك فتات الذي كان وطناً للمعارضة .. لترث رقعة من الارض بالكاد تنطبق عليها معايير دولة. وستظل ايضاً تحت الضغط لان اسبابه قد وُجِدت مقدماً ,,
وحينها ينطبق علي المعارضة المثل الذي يقول:
راحت تجيب تار ابوها رجعت حامل..
فما الذي تستفيده المعارضة من وطن كجبة الدرويش؟
| |
|
|
|
|
|
|
| |
محمد فرح
adil amin
دينا خالد
الامين موسى البشاري
Elawad
معاوية عبيد الصائم
Nasr
عبدالعزيز الفاضلابى
فيس بوك
تويتر
انستقرام
يوتيوب
بنتيريست