|
سرقه عربه برادو في نص الخرطوم وبداخلها الزوجه؟؟!!!!
|
اوردت صحف الخرطوم خبر عن لص اظنه مسطول او مجنون في الخبر ان الرجل اوقف عربته لقضاء غرض ما بالقرب من صحيفه السوداني وكانت زوجته تنتظره بالعربه عندما تفاجت بلص يقتحم العربه البرادو التي كانت تعمل وينطلق بها وسط صيحات الزوجه الرجل عند خروجه ومشاهدته لعربته وزوجته تختطفان امامه صاح في الماره مستنجدا فوقف له شاب يقود موتر وبدات المطارده في شوارع الخرطوم والتي انتهت في شارع السيد عبدالرحمن امام مستشفي الزيتونه بتاع الوزير مامون حميده تجمهر الماره الذين شاهدوا الزوجه تستغيث ومن كثره الزحام هناك لم يستطيع اللص الهروب بالعربه فحاول ان ينفد بجلده ولكن المواطنيين قبضوا عليه ونال ما يستحقه من علقه المحير في الخبر ده انه ما في دور للشرطه ابدا يعني مطارده في نص الخرطوم وبتاع امجاد ساعد في محاصره اللص ومواطنيين قبضوه وواحدين دقوه والبوليس مافي مالكم دايرين تبقوا لينا زي الافلام الهنديه البوليس بجي بعد ما البطل يقتل الخائن
|
|
|
|
|
|
|
|
Re: سرقه عربه برادو في نص الخرطوم وبداخلها الزوجه؟؟!!!! (Re: فدياس نجم الدين)
|
Quote: قابلتني نشره للشرطه تحزر المواطنيين من ترك اموالهم او مقتنياتهم الثمينه مثل الموبايل واللابتوب بالعربات اقترح في النشره الجديده اضافه الزوجات |
Quote: لانه لو يوجد من اثمن منهن |
يا فدياس قال في نكتة كده واحد مرته عضتها كديستهم ومااتت اها الواحد دا جاء صاحبه في البكاء وقال ليه ديل كلهم جاييين يعذو في مرتك قال ليه لالا جاييين يتسلفو الكديسة
| |
|
|
|
|
|
|
Re: سرقه عربه برادو في نص الخرطوم وبداخلها الزوجه؟؟!!!! (Re: محمد عبد الماجد الصايم)
|
Quote: المحير في الخبر ده انه ما في دور للشرطه ابدا |
ياجماعة الشرطة دي تتقطع وال تتقطع يعني في كل شارع وكل زقاق يوقفوا ليكم عربية نجدة وال شنو
ياجماعة انتو عارفين كم عدد العربات المسروقة في امريكا في اليوم وفي السنة وكم نسبة المسترد منها
* في آخر إحصائية كانت هناك سرقة عربية كل 10 دقائق في امريكا والمسترد منها لايتجاوز 67%
* الاحصائية دي نجرتها من رأسي سااااي لكن احتمال تكون صاح
| |
|
|
|
|
|
|
Re: سرقه عربه برادو في نص الخرطوم وبداخلها الزوجه؟؟!!!! (Re: omer osman)
|
جنابو عمر كيفك ما دايرين نعصر على ناسك ديل لكن كمان ما ممكن زول يختف سلاح من عسكري ويروع الناس وما يتقبض الا بعد تعب وزول يسرق عربيه بملحقاتها والشرطه لا تظهر مؤكد في خلل في حته لو ركزوا لينا في شغلهم وخلوا قصه دي لابسه قصير وديل حفلتهم استمرت لبعد حداشر وده ما دفع الضرائب وده ما عنده رخصه صحيه بيكونوا ميه الميه جمال السنوسي شكرا على الحكمه
| |
|
|
|
|
|
|
Re: سرقه عربه برادو في نص الخرطوم وبداخلها الزوجه؟؟!!!! (Re: omer osman)
|
Quote: ده كلام صاح ...... |
جنابو عمر
لا بد أن يسجل التاريخ موقف الرجل القوي سعاده الفريق شرطه محجوب حسن سعد الذي أصدر قرار بمنع رجال الشرطه من الأشتراك في حملات التحصيل
سواء ضرائب أو عوائد أو محليات
كما وقف ضد قانون الشرطه وقفه كلفته منصبه وكلفته أن لا يأتي وزير للداخليه وهو الأحق والأجدر بهذا المنصب من كل رجال الإنقاذ
أنا ما عارف الحكومه دي البتنظر ليها منو ؟؟
| |
|
|
|
|
|
|
|