|
|
 الخزين مات من عدم الدواء
|
الخزين الزول الهميم البشيل هم الدحيش الولد بدون ضنب
كيف اساعدوا لو وقع في الطين ......
الخزين البسبق لوري المعزين على الفراش عشان اشيل الفاتحة واقول اتفضلوا
الخزين البصابق السحابة على بيت بت الضواها اردمو عشان ما اصب
الخزين الوقعن فوقو تلاتة مروق ومرقو من تحت التراب شديد بعافية الله
واقول آ ناس اخير انكسر المرق فوق الخزين العولاق ولافوق راس عمتي عشة
ونفض الخزين ترابو من هدومو وجرى على اللنداية عشان ما تقع فوق بت مليص العميا
دا حال الخزين من صبي بعد مات
.
.
الخزين وقع .... وقعوا الشديد القوي ... المرض الكعب ... فشل الكلى وما جايب خبر
خلوني يا ناس الله ببقيني كويس مابريد اللبر مابريد الدوا
اريتو اتلقي الدوا يا الخزين
مشو الخرتوم وما اتلقى الدوا ........
مات الخزين
مات الخزين
والسبب انعدام الادوية المنقذة للحياة بالعاصمة .....
|
|
 
|
|
|
|
|
|
|
 Re: الخزين مات من عدم الدواء (Re: محمد المسلمي)
|
اولاد المكاشفي اتو ناس واجبة و حارة
.
.
نحن كتلنا ما عندنا عزا
دايرين بنادق ان شاء الله بندق في ترعة بتفشنا
دلللللل في نص الترعة تخلي الرهو اطير
.
.
انسان الجزيرة البسيط سكنت الملاريا جسده النحيل وهدته البلهارسيا
من ترعة لترعة ومن ابعشرين لاب ستة حتى وقع والضنب البرفعو منو ذاتو حسا
| |
|
|
|
|
|
|
|
|
 Re: الخزين مات من عدم الدواء (Re: عبدالله ود البوش)
|
نشرت صحيفة الخرطوم ( طبعة الخليج ) في عدد امس الاحد 20/11/2011م
مقالا تناول انعدام كثير من الادوية المنقذة للحياة بصيدليات العاصمة
ومن ضمنها ادوية الفشل الكلوي والمحاليل الخاصة بها
وادوية ارتفاع ضغط الدم
وووووووووووووو
.
.
.
تشيل قروشك وتحوم الصيدليات وتجي راجع تلقى خزينك مات
| |
|
|
|
|
|
|
|
|
|
Re: الخزين مات من عدم الدواء (Re: عبدالله ود البوش)
|
شركات الادوية عندها مشكلة مع ارتفاع سعر صرف الدولار والتسعيرة المحلية
الامدادات الطبية رزق اليوم باليوم .....
.
.
.
ادروب ولدو مات مشى اجيب بوكسي اشيل الجثمان
قال لبتاع البوكسي مشوار ياخي من المستشفى للجبل
بتاع البوكسي قاليهو نعل ما عنكن عوجة ؟
ادروب : شوية موت بس
| |
|
|
|
|
|
|
|
|
|
Re: الخزين مات من عدم الدواء (Re: عبدالله ود البوش)
|
للأسف دا فهم ولاة الامر عندنا برضو .......
الخزين لقى من يروي عنه ، ما بالك بالكثير الذي ما روى عنه أحد ..؟
رحمة الله عليه ،، وفي الخالدين انشاء الله .....
ألم تسمع بمستشار الرئيس الذي غادر بطائرة خاصه للعلاج في ألمانيا من جلطه ... !!
ما الفرق بين الخزين والمستشار ... عند الله الخلقنا ما بنختلف ، نختلف عند الخلائق الخلقا الله ..
موعدنا عالي الجنان انشاء الله مع الخزين ومن مات كموته .... ( فطيس )
| |
|
|
|
|
|
|
|
|
|
Re: الخزين مات من عدم الدواء (Re: Hisham Ibrahim)
|
المغسة مغستين والمراير كتار
المغسة الأولى: شنو الخلا الفشل الكلوي يستوطن الديار ويلطش في الصغار قبل الكبار ؟؟؟؟
والمغسة التانية: إنو بي حقك وتنتظر حتفك !!!!!
من المرارات التي لا أنساها في 2009 وقبل رمضان بأيام توفي ابن خالي في ريعان شبابه
بسبب خطأ طبي فادح ..
لما دخلوه العناية المكثفة الدافعين حقها كاش نقدا وعدا وبعد منتصف الليل قالوا دايرين حقنة
من البسموها منقذة للحياة ليست متوفرة لديهم في مستشفى أم درمان وما حا تلقوها في الصيدليات التجارية
أحسن تمشو تجيبوها من حوادث الخرطوم ..
أخواني الاتنين مشو حوادث الخرطوم .. ما لقوها
مشو مستشفى القلب برضو ما لقوها ..
في النهاية لقوها في مستشفى أحمد قاسم وكانت بي جنيهين فقط
جونا راجعين الساعة تلاتة صباحا
خالي قال: والله لو كانت بي ميتين ألف ما كنت أحس بي غبينة لكن بي اتنين جنيه ونلف ليها الخرطوم وبحري ؟؟؟
| |
|
|
|
|
|
|
|
|
|
Re: الخزين مات من عدم الدواء (Re: طه إبراهيم عبد الله)
|
يا طه سلامات وعوافي
الخزين في كل حلة من حلول السودان
يموت وهو يتلوى من الالم
ويخلي الوجع للوراهو
.
.
.
انسان الجزيرة طلع زيتو بالناكوس والوجع مستمر
وحتى الان الجزيرة لاتعرف للحركات طريقا
امكن لابدين فوق رائ !!!!!!!!
| |
|
|
|
|
|
|
|
|
 Re: الخزين مات من عدم الدواء (Re: Hisham Ibrahim)
|
| Quote: ألم تسمع بمستشار الرئيس الذي غادر بطائرة خاصه للعلاج في ألمانيا من جلطه ... !! |
ذكرتني يا هشام في التقرير برضو ذكروا بان ادوية الجلطة برضو معدومة
يعني المستشار اموت ما اتعالج من الجلطة ولا كيف ؟
كان لي الخزين ... كدا كدا ميت ... المستشار برضو اموت ؟
اقول ليك حاجة يا هشام عن الخزين قبل ما اموت لو لقوا ليهو الدواء
وقال ليهو هاك ابلع الحبوب ديل ولا اشرب الدواء دا يا الخزين
اتلفت على جارو العيان ويقول ليهو حرم تتفضل معاي دوا
الخزين دا اعزم على الدواء والله صحي
ديل اهلي يا هشام ...
تعرف وهم ماشين الخرتوم بقول في شنو ...
عمتي عشة بعد اعملوا لي العملية واجي راجع اهم حاجة تكفي الضيوف
وعمتو عشة تضحك عليهو انت همك بارد يا الخزين ولدي
قريشات السفر دي كلفتناها ليك تكلفت
بعت عتودي البعامي
وخالتك القسم باعت كيلة عيش وملوة ويكة
وصاحبك الطاهر العولاق يا الله ويا امين باع ساعتو بتلاطاشر الف ولحق اللوري جري
وابكي يعلم الله واتنهف وقال الساعة ما جابت حق اللبرة لكن كعب العدم
.
خلاص يا عمتي عشة ما تقطعي قلبي والكلى قامن علي من نهزي اللوري الحالة في التندا
واول مرة في حياتي اركب تندة ..... بعد الطاهر العولاق اعرس بت ام كلتوم بخت ليهو
طمانطشر الف الف احك الف ..... ابشري بالخير يا عمتي عشة
وعتودك البعامي الربشا قاعدة بتلدو .... وحق السرحة مني ليك مجان سنة للحول
لكن يا عمتي عشة العملية صحي الزول ما بصحى .....
وفعلا لم يصحى الخزين الا امام مليك مقتدر يقتص له حق الضيعوهو وودروهو ....
الخزين مات .... والله حي لا يموت
| |
|
|
|
|
|
|
|
|
|
Re: الخزين مات من عدم الدواء (Re: عبدالله ود البوش)
|
واصل اخي ود البوش فللقصة بقية
الخزين المات راح في حق الله .. وارتاح وريح .. كعب الخزين الحي وميت خوف
يجيه سكر ياخده .. تجيه ملاريا تاخده .. يجيه سرطان ياخده .. لكنه بس خايف وما
عارف البياخده ..
اللهم خذ بثأره .. رغم انه مسامح
وارحم كل من ياتي بعده
عمر علي حسن
| |
|
|
|
|
|
|
|
|
|
Re: الخزين مات من عدم الدواء (Re: قيقراوي)
|
ديل اهلي الخدر يا قيقراوي
خدروا اراضيهم وعمروا السودان
ولما صارت يبابا تساقطوا موتى في مستشفيات المدن التي سرقت منهم حتى اكفانهم
ودفنتهم في العراء عريا ليلاقوا ربهم الستار الجبار المنتقم
| |
|
|
|
|
|
|
|
|
|
Re: الخزين مات من عدم الدواء (Re: عبدالله ود البوش)
|
اه يا ود البوش مغسة الخزين تشق وما مغستو براه
مغسة امو وعمتو و خالتو و اختو ودعمو واخوه و جدو و ناسو و بلدو
كلهم يا ود البوش بموتوا قبل ايامهم تكمل..... الموت خلاس بقا صاحب
وزول شغال بالخزين ولا ناسو مافي.... اشتغلوا به ليه ؟ ما عربي جزيرة ما عندو قيمة عندهم ما يموت كان مات
دي النظرة يا ود البوش
اها نظرة ناس الجزيرة شنو يسكتو لحدي ما الدار تبقى خلا ولا لابدين فوق راي زي ما قلت
| |
|
|
|
|
|
|
|
|
|
Re: الخزين مات من عدم الدواء (Re: Nazik Eltayeb)
|
الاخت نازك الطيب
سلام وتحية
Quote: اها نظرة ناس الجزيرة شنو يسكتو لحدي ما الدار تبقى خلا
ولا لابدين فوق راي زي ما قلت |
.
.
انسان الجزيرة زول نفسو طويل بدليل انو يزرع الحبة ويراعاها يوميا
لحدي ما تنجض يوديها السوق وفي النهاية ممكن تجيب حق التيراب بس
وازرعوا السنة الجاية وامكن تبيدوا البودة ويحصد السراب
ولكن هذا الانسان الكريم قطع شك ثورته لاتبقى ولاتذر
| |
|
|
|
|
|
|
|
|
|
Re: الخزين مات من عدم الدواء (Re: عبدالله ود البوش)
|
رحم الله الخزين و اسكنه فسيح جناته
انا لله و انا اليه راجعون
سلام ود البوش
يا اخوى البموت بعدم الدواء
والبموت مكنكش من سقط الزيفه بين ابو عشارين والترع
والبموت بالجبخانه المخصومه من قيمه الدوا ء و اللقمه
بلد ماتسمع فيها الا ما لا يسرك ويحبطك
الحال دا كدا لمتين ؟
| |
|
|
|
|
|
|
|
|
|
Re: الخزين مات من عدم الدواء (Re: موسي الراجل)
|
اخونا الكلس موسى
يازول حمدا لله على الشوفة
الجماعة ان شاء الله طيبين وجرهن ملان عجين
يا حليل العجين وحليل الكتوش
اتمنى الا تكون الخميرة انقطعت من البيوت يا موسى
واتمنى ان يكون الديك لسع بعوعي
واتمنى ان تكون القعوجة ما زالت تغوغي
واتمنى ان يكون ما زال الكديس بسك الفار
.
.
Quote: بلد ماتسمع فيها الا ما لا يسرك ويحبطك
الحال دا كدا لمتين ؟
|
ات ماك جاي من البلد ياموسى
تسعلني انا القاعد في بلد بهمها راحة مواطنها وعلاجو مجان
وفرقتو السيف يتعب في قصها كان سوت الكاكا؟
| |
|
|
|
|
|
|
|
|
|
Re: الخزين مات من عدم الدواء (Re: عبدالله ود البوش)
|
ود البوش سلام تانى وشوق
والله السنه دى صعبه خلاس البلد ضاقت المر وضاقت
السعيه لحقت القش قبل الدرت
الخريف عندنا اغيبش مونه السنه ما لحقناها
برطاج البلاد قام عجاج قبل قطع القندول والقنقر بقى بتخزن
والتقه الكان المسكين بحوت فيها سيد البلاد بقت مافى
والمشاريع الكان بقطعوا فى عيشها لمن مطر التريا يصب دى صفر على الشمال
وحليل زمن قرود طويل التيله ولوبا الشلابى (كسره على القاف)
وحليل البال المردوم فى المكبس ذى مصارعى السومو اليابانيه
ايقاع الحياه فى السودان بقى سريع ومن الصعب ان تضبط زمنك عليه
اللهم يا الله نسألك الفرج القريب وصلاح الحال لشعب السودان
| |
|
|
|
|
|
|
|
|
|
Re: الخزين مات من عدم الدواء (Re: موسي الراجل)
|
التحية لك أخى ودالبوش وأنت تتخز الخزين الهميم رمزآ لفش غبنك وغبننا من جراء ما يحصل من نقص فى الدواء والغذاء.
الجزيرة التى كان خيرها يعم كل ما حولها ألآن بقت فى روحه ويا الله الله تفرج.
الجزيرة الكان اللورى يمرق منها متروس بصفائح الطماطم وهو يأز..
الجزيرة الكانت مصدر لموارد الدولة من العملة الصعبة بالذهب ألأبيض..يا حليلة..
الجزيرة وأهلها الطيبين ومازالوا رغم المعاناة يرحبون ويتهافتون لآستقبال ضيفهم ويجودوا بالموجود.
مازال هناك كم خزين لم يمت فلتسعى الدولة لآنقاذهم.
اللهم أرفع عن بلادى الهم والغم والكرب وأفتح عليها من الخير فتحآ كبيرآ.
| |
|
|
|
|
|
|
|
|
|
Re: الخزين مات من عدم الدواء (Re: ismeil abbas)
|
الاخ الفاضل اسماعيل
سلام وتحية
Quote: الجزيرة الكان اللورى يمرق منها متروس بصفائح الطماطم وهو يأز..
|
عجبتي يأز دي
يأز ازيزا ويأن انينا
خاصة لو فيهو كوز
او كانت سفنجة حنينة
الله الله يا الجزيرة ... ولا اسيبا مدني واجي اسكن حداك
قدمت ارواح اهلها رخصية بالبلهارسيا والملاريا
ولا فوادين ولا كينين ..... فحصدوا الذهب الابيض والاحمر وحصد الموت اهلنا الطيبين
.
.
الاوجاع كثيرة يا اخي اسماعيل وانسان الجزيرة ما زال صابرا
شكرا جزيلا حبيبنا سمعة
والله اسعد صباحك يا بلد
| |
|
|
|
|
|
|
|
|
|
Re: الخزين مات من عدم الدواء (Re: موسي الراجل)
|
موسى سلام وتحية وبركة الشفناك شديد
Quote: برطاج البلاد قام عجاج قبل قطع القندول والقنقر بقى بتخزن
|
وكت الصعيد محل السافل كيف حالو ؟
Quote: وحليل زمن قرود طويل التيله ولوبا الشلابى (كسره على القاف)
|
القاف ما بكسروهو للمتلي ومتل قراي الغبش قايلنا بنخلبت بين القرود والعبلانج
يا حسرة على لوبة الشلابي وعدس اب ستة ... لمن الفرة تقوم منو فررررر تخلع
البقول انا انا ..... وحرم كان جنا بندر اظرط طوط
انت يا موسى قلت لي مابتنخلع من قومة الفرة .... الزول ما بكون مهموم من لقيط القمرية والوكت داك دندنة اللقيط وبكون غافل وفجعتا الفرة تقوم فرررررر ... حرم تنخلع .. لكن بعدا بتضحك علي رقبتك
| Quote: وحليل البال المردوم فى المكبس ذى مصارعى السومو اليابانيه |
القنطار والرحل وشوال الكبس .... اكبسن خالي الماحي راجي الله عليهن
ضرانا الله يضروا ضرانا في القروانة ... ضرانا الله يضروا يا موسى
ما تنقطع ياموسى وعقبن تعال باقي انت في الوصف ما بتتصاقع وكمان كان جا معاك
اخونا شكري ماطوس تبقى بريدة بروب
| |
|
|
|
|
|
|
| |
عبدالله ود البوش
الامين موسى البشاري
محمد المسلمي
Hisham Ibrahim
د.محمد بابكر
فيصل محمد خليل
قيقراوي
Nazik Eltayeb
ismeil abbas
فيس بوك
تويتر
انستقرام
يوتيوب
بنتيريست