|
|
|
 Re: سمحات اللبنانيات وللا شينات السودانيات ؟! بصراحة كده. (Re: نعمات حمود)
|
Quote: سمحات اللبنانيات وللا شينات السودانيات؟؟!
مقارنة بين صبايا لبنان .. وبنُّوت السودان. |
really???1
تقول السودانيات ديل اباءهم برضوا (نساء سودانيات).
يا سيدى (يا راجل يا سودانى) دى جيناتكم. و لو السودانيات شينات فده انتاجكم و انتاج جيناتكم القبيحة.
بالله ده انت اللى جيت ادينا محاضرة عن تربية الاطفال و الاخشوشان ??
سبحان الله
| |
 
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: HAIDER ALZAIN)
|
| Quote: (عدل بواسطة محمد قسم الله محمد on 23-11-2011, 07:44 PM) |
بس كده????
تشيل كلامك و تمشي ....بس????
من غير :
{يا جماعة معليش على الكلام الفارغ.}
او
{انا اسف ما كنت عارف ان السودانيات فيهم جينات رجال سودانيين ذيى كده.}
او
{فى لحظة افتكرت انى لبنانى}
قول حاجه با اخى.....اى حاجه
| |
|
|
|
|
|
|
|
|
|
حيدر الزين ده كان غاطس وين ؟؟ (Re: داليا حافظ)
|
الجمال ده شئ نسبي و ما عندو مقياس محدد ممكن تقيس عليهو ...
في زول بشوف اللبنانيات سمحات و في زول بشوف السودانيات سمحات حتى مواصفات الجمال تختلف من منطقة لمنطقة و من دولة لدولة ....
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: منال)
|
| Quote: لكن هو راغب علامه ده شاف السودانيات زمان فبل الكريمات تظهر |
منال إزيك
والله وبكل أمانة أنا في رأيي إنو السودانيات قبل الكريمات أجمل من المسخ الحالي ...
عموماالسودانيات من أجمل نساء العالم ثبل وبعد كمان ....
وبس ..
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: داليا حافظ)
|
.| Quote: يازولة هوي خلينا في شناتنا دي وحددي أنت معانا ولا علينا..بعداك نتفاهم. |
معاكم طبعا ياداليا
وكلامى عن الكريمات ياهو الحقيقه ,,, شكلك طولتى من السودان ؟
لكن تعالى شوفى بتلقى ليك وحده شينه ؟ الشنا دى كانت زمان هسى مافى بت شينه وحاتك ,,
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: منال)
|
Quote: وكلامى عن الكريمات ياهو الحقيقه ,,, شكلك طولتى من السودان ؟
لكن تعالى شوفى بتلقى ليك وحده شينه ؟ الشنا دى كانت زمان هسى مافى بت شينه وحاتك ,, |
أنا في رأي يا منال السماحة ما باللون ..لأنو الكريم ما بسمح بفتح اللون ..، ماعندي مشكلة مع خيارات الناس في أنو يشوفوا نفسهم أحلى باللون الفاتح ..لكن لو الزول أقتنع بلونو وحسن بشرتو وحافظ على نضارتا واهتم بجمالوا بشكل صحي وموضوعي مالو؟ حتى التفتيح ده عندو أصول، ..المهم الزول يكون واعي بعمل في شنو..
واللبنانيات وبأعترافهن إي زول ما مقتنع بحاجة فيهو بجري يعمل عملية تجميل ..و في لبنان غروض بنكية متاحة لعمليات التجميل ..عشان كدة خلونا نفرز الكلام عن الجمال ولا اللون لانو الموضوعين مختلفين ..
| |
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: داليا حافظ)
|
محمد قسم الله
إنت رأيك شنو
ندي أخونا فرصة يا جماعة ونسمع منه داير يقول شنو
أما والله إذا كانت المسألة لا تزيد عن إثارة ساكت في الفضاء الطلق هذا، تكون مصيبة..
وعند ذلك أنا بقيف مع خضر الطيب ولن أصل لرأي حيدر الزين، لكن بحترمه..
تحياتي،،
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: الامين موسى البشاري)
|
سلام ..
حقيقة ماعارف صاحب البوست كتب شنو لكن ماعارف الناس قايمة على شنو ؟
دي وجهة نظر وكل واحد بينظر للجمال من الحتة البراها فماشايف كلامه يزعل حتى لو قال كل السودانيات شينات ..
وللاخرين نفس الحق وتقيم جمال السودانيات من وجهة نظرهم ..
فالجمال زي ماقال اخونا خالد نسبي ..
فماتتحسسه ساى ..ولا تلزموا الناس تتبى نظرتكم للجمال ..
Quote: يازول السودانيات ديل مافى اسمح منهن
انا لفيت نص الدنيا دي مالقيت اسمح منهن |
ياخضر شوف النص التاني وادينا رايك ..خوفي تكون لفيت النص الفاضي او قليل السكان..
انا شخصياً شايف الجمال موجود في السودانيات واللبنانيات والشنة كذلك ..
لكن اخخخ من المكسيكيات الوقفوا مسلسلاتهم ..
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: حاتم محمد حاج المهدي)
|
شباب
خلونا نقعد في الواطه وبدون زعل
اولا
مؤكد المقارنه مستحيله بين نسب الجمال بل تعريف الجمال زاتو فيهو مشكله واختلاف
ثانيا
اتخيل نفسك ما سوداني وسالك واحد السؤال ده
اجمل منو السودانيات ولا اللبنانيات
وسيبك من رد كاتبنا الكبير جعغر عباس على راغب
والكلام عن اخلاق بناتنا التي لا تحتاج لتزكيه او شهاده
لمن الواحد يسالهو من عروس فلان سمحه ولا شينه
يقوم يرد والله اخلاقها حلوه
مؤكد انك راح تعرف شكلها كيف
ده من ناحيه
من ناحيه تانيه هم راح يجيبوا السماحه من وين
نحن كمان فينا جورج كلوني ولا براد بيت ولا توم كروز ولا ويل سميث ولا جورج قرداحي ولاكرييستيانو رونالدو ولا حتى راغب علامه ولا زكي جمعه ( مين زكي جمعه ده ) باختصار يا شباب الشنه راكبنا من ساسنا لراسنا
رجال ونسوان والسمحه عندنا ظاهره زي المراه الطويله في سوق الجمعه
وبرضو بدون زعل
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: Dania Elmaki)
|
Quote: وكلامى عن الكريمات ياهو الحقيقه ,,, شكلك طولتى من السودان ؟
لكن تعالى شوفى بتلقى ليك وحده شينه ؟ الشنا دى كانت زمان هسى مافى بت شينه وحاتك ,, |
سلام لأهل الجمال
الكلام الفوق دا صاااااااااح
انا لى كم يوم بمشى جامعات ومعارض لبنانيات شنو تعالوا شوفو احكموا
قمر 14 وقمر 15 محل ما تتلفت
ربنا يحفظن بناتنا
حتى اولادنا بقينا ما نفرز من بناتنا
حين الحسود فيها عود
وبحب بنات بلدى
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: Dania Elmaki)
|
دايرين النصيحة ولا الجنبها؟
النصيحة لله اللبنانيات سمحات تب وما قالن كلام
أي زول/ة يقول غير كده ما اتخيل لي بكون صادق
وهن نفسهن كشعب فيهن السمحات وفيهن الشينات برضو
لكن نسبة جمالهن (شكلاً) أكتر من السودانيات
ودي حقيقة ما دايره ليها أي 321
والله صحي
...
...
لكن جمال الشكل ما هو كل حاجة
ولو خيرت بين سودانية ولبنانية
والله لاخترت السودانية بدون أن يرمش لي جفن
وبدون تفكير أيضاً ...
ودا الفيصل يا جماعة بناتنا زيهن ماف في الدنيا دي
سماحة خلقة وأخــلاق ...
أما شناتنا نحن الرجال ديل معترفين بيها تب
ومتصالحين مع نفسنا شديد كمان .. والله صحي
..
..
نعت اعرابي ابنه بابن الأمه
فرد عليه ولده : أنت المخطي وليست أمي
أمي قد أحسنت الاختيار وأما أنت فقد أسأت الاختيار
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: فايزودالقاضي)
|
| Quote: أسال سؤالك بطريقه تانيه و اسالوا للبنانيات سمحين الرجال السودانيين ولا اللبنانيين؟ بعدين اسالهم بيرضوا بيك؟ |
والله يا دانيا كان جيتي للجد حيختارن السوداني طوالي لأنو برضو مقايسهم للجمال تختلف ..
* الخواجية البجد جد قالت :
Once you try black, you never go back
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: فايزودالقاضي)
|
ابدا والله يا ود القاضي ما حساسيه ولا حاجه, لكن سيد البوست الشرد ده لو شكله ما زي جورج كلوني ما مفروض يفتح خشمه. كل فوله و ليها كيال و الزول البنشوفه نحن سمح غيرنا بشوفه شين, و البنشوفه شين زول بيشوفه زي امير كراره على قول صاحبتي.
عليك الله بس لاحظ مرات لصور البروفايل الفي البورد ده, شنا مبالغه كده و صرة وش عجيبه, لبنانيات شنو البرضوا بيهم.
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: Dania Elmaki)
|
| Quote: سمحات اللبنانيات وللا شينات السودانيات ؟! بصراحة كده. |
يااخوى لا اللبنانيات سمحات ولا السودانيات شينات !!!
والسبب في : أن الجمال شئ نسبي كما قال الاخ / شريف نصر الدين ومعياره يختلف من شخص لاخر وفي السودان بنات جميلات جمال طبيعي وليس جمال كريمات ومكياج وجميلات جمال مبالغة
وكذلك ايضا هناك الجميلات في لبنان .. لكن الملاحظ ان الجمال اللبناني جمال مصنوع .. وكما ان هناك ايضا شينات في السودان ايضا هناك شينات في لبنان ..
وتحضرني هنا كلمات الشاعر الراحل : أبوآمنة حامد والتي يقول فيها :
بنحب من بلدنا مابره البلد
سودانية تهوى عاشق ود بلـد
في عيونها المفاتن شئ ماليهُ حد
{ ان الله جميل يحب الجمال } وسلام علي حسناوات بلادى
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: omar arbab)
|
Quote: وهن نفسهن كشعب فيهن السمحات وفيهن الشينات برضو
لكن نسبة جمالهن (شكلاً) أكتر من السودانيات
ودي حقيقة ما دايره ليها أي 321 |
المشكلة ما ساهلة ومباشرة كدا عن نسبة جمال ديل وشنات ديلاك ...
المشكلة في الجمال المصنوع ... وفي ثقافة الجمال ..
المجتمعات العندها إسهام في "صناعة الجمال" و "نشر ثقافتها الجمالية" كانت مجتمعات الدول الصناعية الغنية ... عشان كدا جماليات دول العالم التالت دي راجياها جكة طويلة جداً جداً ...
في واشنطون دي ... في ليالي الجمعة والسبت البنات بيقشرن ويتجمّلن عشان يمرقن للإحتفال بالحياة والجمال والفرفشة .... كذاب اليشوفهن يقول اللون ليهو علاقة بى درجة الجمال ... وكذاب اليقول الخواجيات واللاتينيات والآسيويات واللبنانيات ديل زاتن ما بيعانن ويبذلن مجهود خرافي عشان ينافسن الزنجيات والإفريقيات ... ليه؟ لأنو دا مجتمع متعدد ... مافيش حد احسن من حد ... العندها جماليات بتقدر تمرقها بتمرقها ... يمين الله الـ Sista دي تجوط اجعصها نايت كلوب ... لأنو عنايتها بى نفسها مكرّبة في الثقافة الجمالية ... المكياج دا يخليك لامن تشوف بناتنا في التلفزيون لامن تتحيّر زاتو ... انعدام الثقافة الجمالية عندنا مستصحب بثقافة قبح حكومية ... البت تلقاها مخمخمة بى مليون دلقان ومكياجها سايل مع العرق والنفو بتاع مناديل الورق بس عشان ما تخالف قانون النظام العام ... واحد فيكم يفتح تسجيل قديم للبلابل واتحداهو يجيب ليّ صورة لبنانية اسمح منهن ... انتو بتلعبوا ولاّ شنو ... تطبظوها من جميع النواحي وجايين تعايروا بناتنا السمحات ديل؟ دربهن للسماحة راح ليهن ... لاكين كان قلنا بسم الله ورجعنا نحترمهن زي ما كنّا ... يرجعن جميلات زي ما كانن ...
ياخي نحن الكوفيرات بنعمل ليها قوانين غريبة جداً ... البوليس بيداهم الكوفير ... انعل ابو السماحة زاتو ....
... المهم ....
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: تبارك شيخ الدين جبريل)
|
خطأالتعميم بجمال لبنانيات وشنات سودانيات
الصحيح إرتفاع نسبة الجمال عند بعض الشعوب
أمريكا بهوليودا فى رأيى نسبة الجمال فيها منخفضة
لبنان دى ما بعرفها .. وفعلاً نسبة جمال السودانيات
إرتفعت، ربما أصبحن حريفات فى الميكآب لإظهار جمالهن
وسماحة جمال الطين تذبل وتبقى سماحة الأخلاق والطباع
وجمال السودانيات تثبته أجمل أشعار الغزل فى الشعر العربى مثل
أنت السماء بدت لنا *** وإستعصمت فى البعد عنا
لا يحرك قريحة الشاعر ليبدع إلا جمالاً ساحراً
كبدور القلعة وجوهرة ... أو كالدر الماليك تمن
أو أغلى من كنوزالدنيا لو راحت روحتا ما بتخسر
أنا إشتريت بيك عمرى كله ما فى غير فقدك بخسر
_________________________________________________-
نكتة من الخليج
عندما سألت الخليجية زوجها الخليجى فى الجنة ستكون حوريته العين؟
فإنتفض الرجل مستعيذاً، وقال لها أنتن ستكونن الحور العين للرجال
السودانيين (مشيراً لشنات السودانيات)
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: تبارك شيخ الدين جبريل)
|
تبارك كده اتبارك عليك الله
لم اربط الجمال بلون أو جنس
الجمال موجود في كل مكان سودانيات ولا لبنانيات
قصدت أن نسبة جمال اللبنانيات أكثر ...
ودي حقيقة يا تبارك ما عايزه ليها زول يأكدها
أما الجمال المصنوع البتقول عليهو ده
حدو جردل موية تكبو في وش الواحدة .. والله صحي
اللبنانيات نسبة الجمال فيهم مرتفعة
| |
|
|
|
|
|
|
|
|
 Re: Re:ديك العدة تااااااني اتديكنت (^_^ ). (Re: الامين موسى البشاري)
|
غايتو ده اقبح عنوان بوست انا شفتو .....
بعدين يا فايز راى شنو وبطيخ شنو ليه اختار اللبنانيات تحديدآ من دون الاجناس ...
الاحساس بالدونيه ده الا يتكتب ( عقده غريبه ياخ وللاسف موجوده فى دول الخليج والظاهر انها اجتاحت
جزء من ناسنا ... وشايفك راكب الموجه الله يهنى بخيت بى بخيته ... بالله يا فايز ( اقل ربى ادم منى ) هههههههه ومبروك للمريخ .. غايتو شرف انو اتوجتو فى استاد الهلال ده بمليون كاس
عمومآ سودانيه تملا العين جمال وادب شرف ونسب
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: smart_ana2001)
|
Quote: أما الجمال المصنوع البتقول عليهو ده
حدو جردل موية تكبو في وش الواحدة .. والله صحي |
يا حلات جردل الموية بعد الدلكة ...
انا كنت بتكلم عن "صناعة الجمال" أو الـ"Cosmetology" كصناعة بمفهوم "Industry" ... يعني شوف الصورة دي سنة 1939:
القضية انو الناس الأنتجوا الصناعة دي يختلفوا عرقياً عن السودانيين ... ومن حظ اللبنانيات التقارب العرقي مع اصحاب الصناعة بحيث انهن استفادن من تطوّرها وأحدث منتجاتها ... نحن نحرنا جذور صناعة الجمال الموروثة في ثقافتنا المحلية ضمن "مشروع نحر الهوية الذاتية" البنمارس فيهو لعقود من الزمن ... حتى صار تجميلنا التقليدي ينحصر في طقوس محدودة ومرتبطة بطقوس الزواج واحتفالياته ... وزي ما البنات بيتهربن من "رقيص العروس" بقن يتهربن من الدخان والدلكة (خصوصاً بعد العرس) وبدأ إرثنا التجميلي في الإنحسار ...
مظهر آخر من مظاهر "مشروع نحر الهوية الذاتية" ... هو كراهية السمات الأصلية لجماليات الذات ... من لون غامق وشعر قرقد وشفاه ممتلئة وما إلى ذلك من الملامح السودانية ... فصارت البنات يتآمرن على تلك الملامح بكريمات الكورتيزون وفارد الشعر وألوان الميكاب التي لا تناسب التيمة اللونية لبشرتهن ولا ملامحهن ... فصرن كبعاعيت تمشي على قدمين ... ضاربات بعرض الحائط - عن جهل وكراهية ذات - أساس جمالهن السوداني الأصلي ... وما لم تنشأ "صناعة جمال" محلية مستنيرة وذات جدوى اقتصادية لن يعود لهن جمالهن المسلوب ... وصناعة كهذه تحتاج لشروط اقتصادية واجتماعية وثقافية وقانونية تسمح بازدهارها ... وهذه الشروط منعدمة حالياً في ظل قهر النساء وقمع الحريات ومركزية ثقافة الدولة واحتكار الجريمة المنظمة لعجلة الإقتصاد وقوانين محاكم تفتيش الضمير والحروب والفتن والضائقة المعيشية ... فهذا زمان جماليات "ندى القلعة" (وهو ليس تحفظ على صوتها وفنّها بتاتاً فهي مغنية لا يشق لها غبار ... بل هو تحفّظ على العنصر البصري المطروح في مشروعها الفني واحتفائنا به) ...
... المهم ....
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: تبارك شيخ الدين جبريل)
|
Quote: مظهر آخر من مظاهر "مشروع نحر الهوية الذاتية" ... هو كراهية السمات الأصلية لجماليات الذات ... من لون غامق وشعر قرقد وشفاه ممتلئة وما إلى ذلك من الملامح السودانية ... فصارت البنات يتآمرن على تلك الملامح بكريمات الكورتيزون وفارد الشعر وألوان الميكاب التي لا تناسب التيمة اللونية لبشرتهن ولا ملامحهن ... فصرن كبعاعيت تمشي على قدمين ... ضاربات بعرض الحائط - عن جهل وكراهية ذات - أساس جمالهن السوداني الأصلي ... وما لم تنشأ "صناعة جمال" محلية مستنيرة وذات جدوى اقتصادية لن يعود لهن جمالهن المسلوب ... وصناعة كهذه تحتاج لشروط اقتصادية واجتماعية وثقافية وقانونية تسمح بازدهارها ... وهذه الشروط منعدمة حالياً في ظل قهر النساء وقمع الحريات ومركزية ثقافة الدولة واحتكار الجريمة المنظمة لعجلة الإقتصاد وقوانين محاكم تفتيش الضمير والحروب والفتن والضائقة المعيشية ... فهذا زمان جماليات "ندى القلعة" (وهو ليس تحفظ على صوتها وفنّها بتاتاً فهي مغنية لا يشق لها غبار ... بل هو تحفّظ على العنصر البصري المطروح في مشروعها الفني واحتفائنا به) ...
|
يا جماعة هوى، أمسكوا قوى في كلام تبارك دا وناقشوهو (أنا كان لقيت فرقة بجي)، النقاش مفروض يبدأ من الكلام دا عشان الناس تطلع ليها بي حاجة مفيدة ورؤية راسخة.
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: الصادق اسماعيل)
|
سلام
أنا غايتو الدخلني البوست حاجة واحدة
وهي إني شخصياً ما بطيق اللبنانيات ديل خالص
لو بقن سمحات ولا نار منقد
لو قلتوا السوريات ممكن الواحد كان يديكم راي
لكن مافي حاجة إسمها جنس شين وجنس سمح
في زول سمح وزول شين
والعوامل التي تتضافر لجعل الإنسان جميل أو قبيح كثيرة جزء منها الشكل ومرات في نظريات بتقول الشكل ذاتو عندو علاقة بالجوهر أو بالظروف العاشها الإنسان
يعني الزول لو حاقد قدر ما تعيين ليهو تلقاهو مكشر وإبتسامة بح
مع التحية
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: MOHAMMED ELSHEIKH)
|
Quote: اها يا تبارك دا الدخلو شنو؟
ياخي انا اقيف منو "شويييية"
انت جاي راشي الأسماء دي قايل الناس ماعندهم أولاد بشوفو الأفلام الغربية ويجو " يكلموهم" |
يا اخوي نحن لامن نقول كراهية الذات ... بنتكلم عن نوع فدياس دا ... البيعاين لى قشور الأشياء ويعتقد اننا قبيحين خلقة والشنا ما فايتانا ...
(ما يمشي يشوف جيدا بينكيت سميث مرتو ... سماحة الجن الما بتلحقا لبنانية)
... المهم ....
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: تبارك شيخ الدين جبريل)
|
ياخي ارحم نفسك
عليك الله دا كلام تقولوا
السودانية دي عزنا وشرفنا ونخوتنا
السودانية مهيرة بت عبود وعازة
السودانية فتحية أمي وفتحية بتي
السودانية اختي
السودانية ام اولادي وشريكة حياتي
السودانية دي هي البتصابحني وبتماسيني وبتناقرني
كم احب السودانية وكم احب عزة نفسها وكبريائها واعتزازها بنفسها وشرفها
أحكي شيء وأرجو أن يعذرني القراء لقوله هنا
زميلي في العمل سوري في الرياض - قال لي - قابلت عاهرات وبائعات جسد من جميع الجنسيات ما عدا أنتم يا سودانيين - قال نسائكم ديل إيش ياخ قمة في الشرف
فشعرت وقتها بزهو عجيب وكبرياء رغم علمي بوجود بعضهن في الرياض ولكن بفضل الله الكمية بسيطة جداً لا تذكر وعندما يقابل اي رجل غير سوداني عاهرة سودانية يستغرب
السودانية جميلة في كل شيء كأنها خلقت كاملة والكمال لله وحده
قال لبنانية قال
عليك الله اقرأ رد ابو الجعافر على الممقوت راغب علامة عشان تعرف السودانية شنو
الصادق
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: تبارك شيخ الدين جبريل)
|
| Quote: مظهر آخر من مظاهر "مشروع نحر الهوية الذاتية" ... هو كراهية السمات الأصلية لجماليات الذات ... من لون غامق وشعر قرقد وشفاه ممتلئة وما إلى ذلك من الملامح السودانية ... فصارت البنات يتآمرن على تلك الملامح بكريمات الكورتيزون وفارد الشعر وألوان الميكاب التي لا تناسب التيمة اللونية لبشرتهن ولا ملامحهن ... فصرن كبعاعيت تمشي على قدمين ... ضاربات بعرض الحائط - عن جهل وكراهية ذات - أساس جمالهن السوداني الأصلي ... وما لم تنشأ "صناعة جمال" محلية مستنيرة وذات جدوى اقتصادية لن يعود لهن جمالهن المسلوب ... وصناعة كهذه تحتاج لشروط اقتصادية واجتماعية وثقافية وقانونية تسمح بازدهارها ... وهذه الشروط منعدمة حالياً في ظل قهر النساء وقمع الحريات ومركزية ثقافة الدولة واحتكار الجريمة المنظمة لعجلة الإقتصاد وقوانين محاكم تفتيش الضمير والحروب والفتن والضائقة المعيشية... |
كلام يتوزن بالدهب يا تبارك ..شيء غريب جدا الناس كلها بتقول البنات بقوا سمحات الايام دي في اشارة لأن الجميع بقوا بفتحوا لونهم بشكل عشوائي* ـ قبل فترة النسبة ما كانت كبيرة كدة ـ الثقافة البتكرس للجميلة هي ذات اللون الفاتح موجودة في مجتمعنا بشدة..، وخلقت نوع من الهوس ..حتى في التربية في البيوت الامهات بسهموا في تحريض بناتهن!! ولمن انا أغذي في بتي انو في حاجة فيها ناقصة.. بالتأكيد ما حتكون واثقة في نفسهاو راضية عن ذاته، ده غير تأثير الأقارب وبنات الجيران وزميلات الدراسة الخ ..، الموضوع جد كبير ،..لكن البدائل المطروحة ما قوية لاسباب أقتصادية زي ما قلتا..، واسباب ثقافية لا تكرس للإعتزاز بالسحنةالسوادنية ـ طرح صاحب البوست مثلا ـ وده المخلي الفهم ده مسيطر ..، في شيء تاني وده راي شخصي مني زائد الموضوع تعقيد، هي الطريقة بالبلبسوا بيهاالاغلبية في السودان بخلي الواحدة ( حسب زعمي )..تفكر في وجهها فقط، وتعتقد أنو لما تفتح وجهها وباقي جسمها مغطى مامشكلة وقد تلجأ لتفتيح كفيهاايضاوهي تظن أن القصة كدة اتحلت..وللدقة ده الحل المتاح !!، أضف لذلك الحديث عن الجانب الصحي ما مؤثر شديد وامكن ده راجع لطريقة الطرح مقابل ثبات الاعتقادالسائد(الجمال= البياض)!
* تفتيح اللون العشوائي عن طريق خلط الكريمات من قبل اشخاص ما مختصين بنسب ما مدروسة بتفتح اللون بشكل مبالغ اقرب للسلخ..!، والناس ما تتخيل اللبنانيات أو حتى الأوربيات ما بستخدموا كريمات تفتيح ..أمكن شيء محير!، لكنه حقيقي ناس كتيرين في الدنيا ما عاجبهم حالهم، الفرق أنو الثقافة والدراية بالمنتج المستخدم وبالماركات الجيدة التي تراعي الجانب الصحي، وده بسهم فيهو الجانب الاقتصادي القلناهو فتلاقيهم بستخدموا كريمات بتفتح وتنقي وتخفي العيوب واقية من الشمس، ولكنك مابتلاحظ دهغير أنو لونهم أصلا ما بساعد على اكتشاف الفرق بشكل سريع!
| |
|
|
|
|
|
|
|
|
|
Re: Re:ديك العدة تااااااني اتديكنت (^_^ ). (Re: داليا حافظ)
|
| Quote: عمومآ سودانيه تملا العين جمال وادب شرف ونسب |
وتجيك تقدل كدا بالتوب وتعمل ليك فيها غالية وتعزز عليك وانت قلبك يتحرق
ياخي عليك الله في احسن من كدا
سودانية رافعة نخرتها فووووووق دلوعة ومعتزة بما عندها دي مافي اجمل واحسن وأرق منها في الأرض دي كلها
الصادق
| |
|
|
|
|
|
|
| |
محمد قسم الله محمد
Abd Alla Elhabib
نعمات حمود
smart_ana2001
خضر الطيب
HAIDER ALZAIN
عادل الباهي عبدالرازق
Sharif Nasirladeen
اينانا
داليا حافظ
خالد عبد الله محمود
عزام حسن فرح
عبداللطيف محجوب
الطيب عبد الرحيم خلف الله
الامين موسى البشاري
فايزودالقاضي
راشد يحى مدلل
حاتم محمد حاج المهدي
فدياس نجم الدين
Dania Elmaki
صلاح الدين نزلاوى
احمد محمد بشير
Haju Muktar
omar arbab
تبارك شيخ الدين جبريل
نادر الفضلى
عادل عبدالعزيز عبد الرحيم
saadeldin abdelrahman
Hani Arabi Mohamed
حسين عوضاى
الصادق اسماعيل
Asim Fageary
MOHAMMED ELSHEIKH
الصادق صديق سلمان
فيس بوك
تويتر
انستقرام
يوتيوب
بنتيريست