|
البلد ولّعت نار ..
|
المسطول جاي مع صاحبو من سوق الخضار وبيشكي ليهو من غلاء الأسعار في البلد وشابكو ليك البلد بقت مولعة نار والأسعار في الطالع .وهم ماشين كده لقوا ليهم ضل حق فصل بتاع مدرسة شبابيكو فاتحة في الشارع قعدوا وفيهو ومواصلين في الموضوع المسطول بيقول لي صاحبو والله أي شي بقا بي الدبل البي ألف بقا بي ألفين والبي خمسة بقا بي عشرة ..ياخ الخدرة دي زادت عاين ليها الربطة كانت بي كم وأسة بقت بي كم ..في أثناء كلامهم ده الأستاذ من جوة الفصل سأل ليهو طالب من ناس كنبة ورا ديلك وقال ليهو قوووم على على حيلك 6 * 5 بي كم ؟؟ الطالب قال ليهو بي 60 يا أستاذ .. المسطول قال لي صاحبو المعاهو ..أها شووف دي هسع عليك الله ..والله زمان كانت بي 30 بس ..
تخريمة : قديمة ..بايخة ..مكررة ..يا أساسي خليك منها عليك الله وركز في حلل البريق بتاعك مع ملاسي بهناك ..
|
|
|
|
|
|
|
|
Re: البلد ولّعت نار .. (Re: عمر الفاروق)
|
6-ديسمبر-2011:نواب الوطني بالبرلمان يحاصرون وزير المالية ويرفضون أية زيادة رسوم بالموازنة سوداني نت - وكالات: حاصر نواب المؤتمر الوطني وزير المالية في لقاء عاصف حول موازنة عام 2012م التي سيطرحها اليوم أمام الهيئة التشريعية القومية في اجتماع انتهى في الساعات الأولى من صباح أمس استمر لأكثر من أربع ساعات بحضور النائب الأول لرئيس الجمهورية علي عثمان محمد طه. وترأس الاجتماع رئيس كتلة الوطني د غازي صلاح الدين، وأعلن من خلاله النواب رفضهم لأي اتجاه لزيادة أية رسوم مطالبين بالتخفيف على الشعب، وبلغ حجم الإيرادات المتوقعة في الموازنة أكثر من «23.5» مليار جنيه، فيما بلغ حجم الإنفاق المتوقع 25 مليار جنيه. في وقت تقدموا فيه بمبادرة لإيجاد بدائل عملية لسد عجز الموازنة بخلاف زيادة الأسعار. وفي غضون ذلك وجه طه النواب، بمحاسبة أي مسؤول يثبت عليه تصرفه في المال العام، مشدداً على ضرورة ألا تكون هناك تغطية على أي مسؤول يثبت تورطه في تعدٍ على المال العام.وأبلغ عدد من نواب الوطني أن اللقاء كان عاصفاً، وهاجم خلاله النواب وزير المالية وطالبوه بمحاصرة التضخم ومنع أية وزارة من تجنيب المال العام مهما كانت أهمية الوزارة، وأشار النواب لوجود خلاف حول أمر الزيادة في الرسوم، حيث أجمع النواب على رفضهم لأية زيادة.وتعهد عدد من الخبراء من بينهم رئيس اللجنة الاقتصادية بالبرلمان د. بابكر محمد توم بإيجاد بدائل عملية لسد عجز الموازنة بخلاف زيادة الرسوم، وأمَّن النواب على دعم الشرائح الضعيفة واستيعاب الخريجين وإنشاء وظائف جديدة.وفي منحى ثانٍ وجَّه النائب الأول لرئيس الجمهورية تشريعي الخرطوم بمراجعة القوانين والرسوم والضرائب التي تحد من النشاط الاقتصادي للمساهمة في مواجهة الأزمات الحالية خاصة على المستوى المحلي، وشدد على ضرورة إعادة النظر في منهج التخطيط والإدارة بتجاوز التخطيط البسيط إلى تخطيط يستوعب علم إدارة الأزمات واحتواء المشكلات. وطالب طه لدى مخاطبته أمس افتتاح دورة الانعقاد الرابعة للمجلس التشريعي بولاية الخرطوم، طالب حكومة الولاية والمجلس التشريعي بالتعامل بحزم ودون مجاملة في محاسبة من يقصِّر في أداء مهامه، قائلاً: «لا نريد لمجالسنا التشريعية أن تكون نموراً من ورق»، وأضاف: «يجب أن تكون مجالس للمراقبة والمحاسبة بلا إفراط أو تفريط». وقال إن المسؤول الذي لا يحترم القانون يشجع المواطن على احتقار القانون. ودعا طه لسيادة حكم القانون، وقال: «لا ينبغي لأحد أن يتجاوز القانون مهما بلغ شأنه»، وأضاف طه قائلاً: «إن البلاد كانت تواجه تحديات كبيرة في العام الماضي ولكنها انجلت وطاشت أحلام الذين كانوا يظنون أن هذا المجلس لن ينعقد في ظل قيام النظام الحالي»، وقال «كان التحدي عند انفصال الجنوب الذي وصفوه بقيام الساعة، ولكن الساعة لا تقوم إلا بإذن ربها». ودعا طه المجلس إلى أن يصوب اهتمامه في دورته الجديدة إلى قضية الإنتاج، وأن يبسط الرزق الحلال لأبناء الوطن ليزداد الإنتاج والإنتاجية، ونبَّه طه ولاية الخرطوم إلى أهمية التوسع في مشروعات التدريب المهني ومشروعات تشغيل الخريجين والطلاب، وأضاف: «نحن نتابع عن قرب ما تقوم به الخرطوم، وسهلنا الحصول على التمويل لهذه الشرائح»، بيد أنه قال إن هذا التسهيل لا يعني أن المال العام سيكون مالاً سائباً وهاملاً. ومن جانبه أكد والي الخرطوم د. عبد الرحمن الخضر أن المرحلة المقبلة سوف تشهد حصر المسميات الضريبية ودمجها في عدد محدود، وتحديث أسلوب جمعها عبر جهاز التحصيل الموحد. وأشار لدى استعراض أداء حكومته في خطابه أمس أمام المجلس لتخفيض النفقات الحكومية وتقليص وإلغاء مناصب المستشارين، فضلاً عن مراجعة قائمة الخبراء الوطنيين، وتعهد الخضر بإنفاذ برنامجه الانتخابي والعمل على بسط الأمن وتوفير المياه جودةً وكفايةً، والصحة لمن يطلبها حتى تكون قريبة من مسكنه.
| |
|
|
|
|
|
|
Re: البلد ولّعت نار .. (Re: عمر الفاروق)
|
Quote: عايز لي 12 ألف دولار.. |
نكتك بايخة وما بتعرف تقرا كمان؟؟ قلت ليك فضفض عن مكنوناتك مش نفض جيوبنا.. على العموم طلبك حولتو لود البشرى .. .... ولو سمحتا خليني اركز في مقال المكاشفي ما تشتت انتباهي..
| |
|
|
|
|
|
|
Re: البلد ولّعت نار .. (Re: عمر الفاروق)
|
اها يا عمر المكاشفي ده نموذج للزول البقرا بعيونو شاف عنوانك مشى جاب ليك الفيها النجيضة اخرتا دايرين تقلبو لينا المنبر ده انت واساسي لمنتدى خليجي ولا شنو واحد يجيب نكت والتاني يجي يحدثا عن عجائب الارقام !!!! الباقي ليكم بكري يعمل للماوس ضنب وترتر ويعمل حركات عضو ماسي وعضو رئاسي وعضو ساي
| |
|
|
|
|
|
|
Re: البلد ولّعت نار .. (Re: قيقراوي)
|
محمد إبراهيم.. أبشرك لن يهدأ لي بال لو ما خليت ليكم بكري يغير الوان المنبر لي الوردي بي البمبي أو البنفسجي بي الفستقي..وبدل دعايات الفوركس دي ح تلقوا فراشات طايرة..
| |
|
|
|
|
|
|
Re: البلد ولّعت نار .. (Re: عمر الفاروق)
|
أيمن الطيب لكن ما ضغطت على أخوك في موضوع الإنجليزي ده..بس برضو اخوك ود قلبا وبيفهما طايرة..الأستاذ رسل الزول القصير ده قال ليو أمشي جيب لي سوط العنج صاح؟؟
| |
|
|
|
|
|
|
Re: البلد ولّعت نار .. (Re: عمر الفاروق)
|
Quote: والله يا قيقراوي إنت زاااتك ما هيين في الردم بس أظنك الليلة ما دورتو معانا ساي فأوجزت..:-)
|
-----
اعتبرك معجب بي النيو لوك - الملاسي - بتاعي يعني!؟
| |
|
|
|
|
|
|
Re: البلد ولّعت نار .. (Re: عمر الفاروق)
|
Quote: عايز لي 12 ألف دولار.. |
معليش يا عمر ما معاى ( فكة ) يمكن ود البشرى الحولوك ليهو يكون معاهو
Quote: ولو سمحتا خليني اركز في مقال المكاشفي ما تشتت انتباهي.. |
اقطع ضراعي إن قعدت سارة في البوست لحظة وااااحدة خلي عنك أنها تركز في مقال ياعم دي 12 ألف دولار يعني كم وأربعين مليون بتاع
---------------------
لكن بالجد يا عمر
إنت مالك؟ النكتة دي ما مستواك
| |
|
|
|
|
|
|
Re: البلد ولّعت نار .. (Re: عاطف عمر)
|
عاطف يا عمر.. عظم الله الأجر والدوام لله..حاولت الإتصال بيك أكتر من مرة وما لميت فيك لتقديم واجب العزاء..
تخريمة: النكتة دي رفيعة جدا بس عايزة ليها توفيق عشان تتفهم:-)
| |
|
|
|
|
|
|
Re: البلد ولّعت نار .. (Re: عمر الفاروق)
|
من الصباح يا ود الفاروق عايز ادخل اكاكي في العنود متالقة دي لقيتك قاهمنا بالـ 12 الف درهم دي ياخ
غايتو اسي مافي طريقة كدي استنى لغاية (آيار الثاني) ههههههههه
| |
|
|
|
|
|
|
Re: البلد ولّعت نار .. (Re: محمد البشرى الخضر)
|
Quote: من الصباح يا ود الفاروق عايز ادخل اكاكي في العنود متالقة دي لقيتك قاهمنا بالـ 12 الف درهم دي ياخ |
12 ألف دولااااااار يا هداك الله 12 ألف دولار هى زولتكم دي قالوا ليكم هجت من شوية ؟؟
| |
|
|
|
|
|
|
|