|
|
 ما زال الباقــر العفيف يكــذب ... ويتحــري الكـذب .
|
في حلقه تلفزيونيه علي قناة أمدرمان الفضائيه أطلق الباقر العفيف عـددآ من الأكاذيب والترهـات أرصـدها هـنا تباعآ.
ظل الباقر يردد في الحلقه - كعادته- أن مخالفيه ومعارضيه في مركز الخاتم عدلان أقامـوا دعـوي دستوريه ضـد هاك لأنها إنتصرت له ولم تنظر في طلباتهم .
ولم يكتف بهذه الكذبه المفضوحه التي أطلقها وصدقها بل تمادي في كذبه بأن قال أن المحكمة الدستوريه شطبت الدعـوي ..!!!
الباقر دون مراعاة لحساسية العمل العام وضـرورة التحلي فيه بالمصداقيه وبجرأه غير مسبوقه وعـدم مسئوليه لا تصدر من أي شخص عادي يكذب علي جمهور المشاهدين والمتابعين لقضايا العمل العام وقضية مركز الخاتم عدلان تحديدآ.
قلت أن كذبته مفضوحه لأن أي شخص عادي يستطيع وببساطه شديده أن يذهب الي مبني المحكمه الدستوريه ويسأل عن الطعن المزعـوم . والأدهي أنه لم يكتف بكذبة إقامة الدعـوي الدستوريه بل قام مقام أعـضاء المحكمه الموقرين وفحـص الطعن وقرر النظر فيه ومن ثم قام بإصـدار حكمه بشطب الطعن نيابة عن المحكمه الموقره لأن المحكمه الدستوريه مجتمعه لا تسطيع فحص الطعن والنظر فيه، فقط سعادة الناشط الضخـم هـو الذي يستطيع ذلك كما أن العداله لا يوجد من يحققها سواه فهو العالم بكل شئ والمنزه عـن كل غـرض .
آمنت بالله ...
|
|
 
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: مني التجاني)
|
الجميع يعلم أن المحكمة الدستوريه هي أعلي محكمه في الهرم القضائي السوداني ولا تنظر الإ القضايا التي يتم فيها إنتهاك واضح للدستور .
الباقر قطعآ ليس من الجاهـلين بالقانون ، كما أنه ذكر في مرات عديده أنه محاط بقدر كبير من المستشارين القانونين الكبار.
لكنه الباقر - لمن لا يعرفه - حينما يتعلق الأمر بالدفاع عن أخطائه وترهـاته ، يصير نفسه العارف بكل شئ .
أهـلنا قالوا : ما خاب من إستشار .
وقالوا برضـو : في العجله الندامه وفي التأني السلامه .
ياخ كان تخت خط رجعه عشان لما تزنق تعرف تتخارج .
يا ربي بكري ما بساعدني بباسوير لناس هاك وقضاة الدستوريه ديل !!!
عشان قبل الشبيحه ما يجو تكون جهيزه قطعت قول كل خطيب !!!
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: مني التجاني)
|
كـذبة الباقـر المفضوحه سهل جدآ دحضـها ولا تحتاج مني لكثير عـناء ...
بس عندي ليهو طلب صغير : أختف رجلك وجيب لينا رقم الدعـوي وصـوره من إيصال سداد رسمها وتشكيل الدائره النظرتها وصـوره من الحكم القرر شطبها، وكان المحكمه الدستوريه بعيده عليك رسل هاك القريبه من المركز خليها تديك رقم الدعوي وصـورة الحكم .. مش برضو هي طرف في الدعـوي المزعومه دي ؟ بل حسب كذبتك المفضوحه هي المطعون ضـدها ...!!!
حسب القاعده القانونيه الشهيره البتقول : البينه علي من إدعي .
ولحدي ما تستجيب لطلبي ده اؤكد للساده الأعـضاء والقراء المحترمين عـدم تقدم أي من المعارضين للناشط الضـخم لأي طعن لدي أي محكمه سواء كانت إبتدائيه أو دستوريه.
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: مني التجاني)
|
وللعلم الباقر هـو من إتصل بمقدم البرنامج واصـر على إستضافته التى أنارت وأبانت
للكثيرين من الذين يعتقدون أن القبه تحتها فكى .. ودائمآ كان شعارنا دع الباقر يتحدث لتعرفه !
وطوال الحلقه ظل الباقر وبطريقة نرجسية أرجوزية مضحكة يحاول أن يوصـل رساله واحده وهى انه ند للمفكر الكبير الأستاذالخاتم
بل وحاول جاهـدا ان يقول بل أنا مفكر أكبر منه وأقنعته بكثير من الأفكار..!! فتامل .
بل تمادى فى تلميع نفسه ووصـل بها الى النهايات عندما فجـر القنبلة التى أذهـلت الجميع
بأن المركز أعلى من إسـم الخاتم !! يا للفجيعه وقلب الحقائق ..!!!
لا يدرك هـذا النرجسى بأن إسم الخاتم كان هـو مفتاح النجاح للمركز .؟
وأن تعلية اسمه هـو كانت على حساب كل الجموع التى انخرطت فى المشروع الذي كان بإسم الخاتم
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: عيسي ابراهيم)
|
تمثل نجاح المركز دائمآ في الجانب الجماهـيرى والحضـور النوعى الذى ميز أعمال المركز
والذى صنعه إسم الخاتم والمتفقين مع مشروعه .
أما الجانب الإدارى والمالي للمركز والمسئول عنه الباقر فقد حقق فشلآ كبيرآ لا تخطئيه عين .
وقد سقناه وفصلناه فى بوست حـقائق غائبه .
أكبر الفشل كان أن المركز وبكل الاموال التى تعامل فيها لم يكن له
لوائح إدارية ولا مالية ولا عـقود للموظفين بما فيهم المدير نفسه.
يا معاويه أو أي من المتابعين ساعدوني بوضع لنك بوست حقائق غائبه هنا
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: عيسي ابراهيم)
|
طبعا لم ينس الباقر ولأنه لا يمارس السياسة بدعـوة مقدم البرنامج لعمل لقاء مواز للقاء هاله عبد الحليم
مع رئيسته نعمات ابو بكر . وراح يعدد له مزايا هذا اللقاء.!!!
وقع ليكم ممارسة السياسة قال ليك من وراء حجاب 
ثم سنأتى على بقية الأكاذيب بإقتضاب شديد واحده واحده.
فابقوا معنا فمع الباقر مش ح تقدر تغمض عينيك ..!!
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: عيسي ابراهيم)
|
طبعا لم ينس الباقر ولأنه لا يمارس السياسة بدعـوة مقدم البرنامج لعمل لقاء مواز للقاء هاله عبد الحليم
مع رئيسته نعمات ابو بكر . وراح يعدد له مزايا هذا اللقاء.!!!
وقع ليكم ممارسة السياسة قال ليك من وراء حجاب
ثم سنأتى على بقية الأكاذيب بإقتضاب شديد واحده واحده.
فابقوا معنا فمع الباقر مش ح تقدر تغمض عينيك ..!!
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: عيسي ابراهيم)
|
القول الخطير والمثير الذى طرح مصداقيته جانبآ
تشدقه طوال الحلقة بأن اللجنة التنفيذية فعلت واللجنة التنفيذية
قررت وأجازت ... ولكن وللأمانة والحقائق لم يذكر الناشط الضخم أن اللجنة التنفيذيه التى كان يتحدث
عنها طوال الحلقة والى راجعت عمله كمدير كانت هـو نفسه والعتيبى واحمد امين !!
يعنى لو أبعدناه هـو بوصفه من صنع العمل موضوع المراجعه
فالذين أجازوه هـم العتيبى واحمد امين ..!!! وهـذا للتاريخ .
أما بقية اللجنة المكونه من 7 أشخاص فلم يقل إحقاقآ للحق
وهو الناشط في مجال الحقوق أنهم وقفوا ضـده .
هذاالحديث مع وجود نص واضح فى دستور المركز لا يصح معه إنعقاد
اجتماع اللجنة التنفيذية إلا بحضـور أربعة من أعضائها !!
وسأواصل في رصـد الأكاذيب والترهـات .
فأبقوا معي .
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: مني التجاني)
|
Quote:
الباقر العفيف...ياهو زولنا المعانا هنا دا
والله عفيفا تاني...؟؟؟
|
يا هو ذاتو يا نزار .. تصدق !!
كملنا الحلقه مجبرين وحياتك لا أبطال...
عشان أهلنا بقولوا الكضاب وصلوا خشم الباب..
البحير بالجد نسج الكذبه وتصديقاوكمان نقلها للمشاهدين
عبر التلفزيون دون أن يطرف له جفن ...!!
ياخ ده ما خلي للجماعه الإنقاذيين ديل عاده سيئة الإ وبرع في تقليدها والإستفاده منها.
بس ما كان تغير المحطه يا نزار... فمع الباقر متقدرش تغمض عينيك..
تحياتي وشاكره لمرورك الكريم.
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: مني التجاني)
|
نتغاضي عن موضوع الراتب ابو 7 الف دولار عشان الناشط الضـخم لماسألوا في الحلقه قال:
هـم قالوا كده ..!!!
ساعـدنا يا معتصم محمد صـالح لو تكرمت بسعر الدولار في السوق الليله بكم
عشان تشوفو عـداد الناشط الضـخم رمي لي وين ...
ونركز في موضوع الكذب شويه .
تذكروا قصة د. كامل إدريس مع المنظمه الدوليه؟
فالرجل رغـم مركزه الكبير وشهادته العليا أطاحت به كذبه صغيره ..
وقارن عزيزي القارئ بين هـذه وتلك ..!!
الأول كتب بيانات غـير صحيحه عن شخصه هـو فقامت الدنيا ولم تقعد حتي أقيل من المنصب الدولي.
أما ناشطنا الضـخم فقد تغول علي عمل المحكمه الدستوريه إتسلف زي ما بقول قيقراوينا
بل أناب عنها في عملها وأصـدر القرار .. !!!! وذلك عبر التلفزيون !
فماذا تتوقع أن يحدث لهذا الناشط الضخم في بلاد مثل بلادنا هذه ؟
تفتح له الأبواب لكي يتحدث عن الحقوق والعمل العام ... فتأملوا
ياخ عملتك دي هـتلر بكل صـلفه وجـبروته لم يفعلها.
قادر الله
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: مني التجاني)
|
في مفارقه كبيره بين إدعاءات الناشط الضـخم وسلوكه تذهـل من لا يعرفونه..
أثناء تواجدي بمحكمة العمل/ الخرطوم عـرفت أن محامي المركز من جماعة السلفيين .. لا يصافح النساء !!!
ويتبجح الناشط الضـخم وعلي الملأ بأن المركز أعـلي من إسـم الخاتم..!!
الخاتم الذي ظـل طوال مسيرته السياسيه والفكريه والي أخـر رمق من حياته
يناهـض السلفيين ودعـوتهم بفكره ومواقفه الصلبه.
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: nazar hussien)
|
أزهـري
شكرآ للمرور
وخليك متابع
Quote: بلاي بياخد سبعة ألف دولار لادارة مركز وفي السودان؟؟؟
|
نزار .. سلامات
السبعه الف دولار دي بالمستندات لو تابعت رابط بوست حقائق غائبه الجابو
معاويه عبيد
ما خفي هـو في مال المشروعات ..
والسكن المجاني وملحقاته...
وبعد دا كلو يقول ليك المركز أعلي من إسم الخاتم ..!!!
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: منصوري)
|
Quote: تذكروا قصة د. كامل إدريس مع المنظمه الدوليه؟
فالرجل رغـم مركزه الكبير وشهادته العليا أطاحت به كذبه صغيره ..
وقارن عزيزي القارئ بين هـذه وتلك ..!!
الأول كتب بيانات غـير صحيحه عن شخصه هـو فقامت الدنيا ولم تقعد حتي أقيل من المنصب الدولي.
|
توضيح؛ كامل ادريس لم تكن جريرته مجرد كتابة بيانات غير صحيحة
بل تجاوزها ليقدم شهادات دراسيه بتواريخ معدلة وذلك لزوم تعديل سنه لتفادي التقاعد...
والغريب انه حاول الدفاع عنها بانها اخطاء مطبعية وفاته انه تلب بتعديل عقد عمله
والتمديد بياءا على ماجاء بالوثائق "المعدلة"....
على كل فكلاهما سيان ....
| |
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: قيقراوي)
|
...يتحدث عن العقل ولا يتحدث به...محنة العقلانى بلا عقل
والمستنير بلا إستنارة...أى فاجعة تلك التى ضربت مسارات
الاستنارة فى السودان...وأى تدليس وإستهبال ودجل وشعوزة تلك
التى حاقت بإسم الخاتم عدلان...الذى بزل جُل عمره فى تجفيف مناخنا
السياسى والأجتماعى من هكذا ممارسات....فساد...كذب...محسوبية...
الا يتعظ هذا الرجل....الباقر عفيف...وشبيحته الأوفياء...أختشوا
أختشوا على دمكم....إسم الخاتم عدلان لا يستحق هذا العار......
ثم بعد....
لماذا لا يتعامل مركز الخاتم مع الجمهور بالإحترام الذى يليق بمركز
إستنارة محترم...؟ لماذا لا يصدر بيان يؤكد أو ينفى فيه إتهامات
الكذب التى لحقت بمديره....؟ها...؟ هل السكوت يعنى التأكيد الضمنى
لأكاذيب الباقر....؟ هذه هى المرة المليون التى نسأل فيها هذا السؤال
لى عودة
عشان نشوف موضوع (محامى) المركز الذى لا يصافح النساء
هذا..ما بصافح النساء.....؟
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: صابر عابدين)
|
و أعـود...
تحياتي لكل من عـبر بالبوست كاتبآ أو قارئآ.
بدر الدين اسحاق احمد
شاكره لمرورك الكريم
.
.
.
منصوري
مشاكل المركز تعدت المشاكل الإداريه وأصبحت قضايا فساد ومحسوبيه متعلقه
بعمل عام . كماتعلم المركز منظمه طوعيه حملت إسم رجل وكما ذكرت أنت
عرف بالإستقامه والجساره فلا معني للتستر علي فساد القائمين علي المركز إذآ.
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: مني التجاني)
|
وعوده لخطاب معهد السلام الامريكي المرفق بهذا البوست .
الخطاب يقول : المعهد وافق المركز علي تخصيص مبلغ 84 الف دولار
للراتب السنوي لمديره الباقر العفيف مختار...
طيب ...
من الذي طلب التخصيص ؟ ومتي كان ذلك ؟
ما هي صلاحيات وسلطات طالب التخصيص إن وجد ؟
هل كان طلب التخصيص شفاهي أم مكتوب ؟
؟
؟
؟
؟
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: مني التجاني)
|
العفيف دا كذب الليلة ولا كذب امبارح؟؟؟!!
لكن مشكلة الجمهور بيميل لتصديق الكذبات على حسب الاتجاه الفكري
من قبل العفيف قال ان محمد عضو المنبر خطف جثمان الخاتم عدلان
ووصفه بفلجاته واكد وكرر
رغم ان هناك شهود ان العضو كان في مكان آخر مختلف
الى الان لما يظهر في المنبر تتعاد وتتكرر هذه الكذبة كأنها حقيقية
وقد كشفت هذه الكذبة لتمبس انو الناس دي كذابة ساي لا مناضلين لا بتيخ ناس
تجارة ساي
والعفيف افاك مثله مثل بقية تجار القضايا ديل..
عايزين موية ترش الميكاب عشان يظهر الوجه الحقيقي
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: Bashasha)
|
الاخت مني شلوم،
لا اعرف عن علاقتك بي كومر الشيوعي "حق" العمرو، لصاحبيه وراق والخاتم ولا المركز شئ، ولكن البعرفو لافرق يذكر ما بين الكومين اطلاقا!
ياهو شغل اب سنينة يسخر من اب سنينتين، كان بلطجية هالة، ولاشبيحة الباقر، لايهم!
من الاساس الكوم المعارض للباقر ياخالد بحر، قبل بي وضعية المركز او علاقتو بي حق ليه من الاول؟
كيف ما لقيتو تكدو دومة المركز، تسوو ده كلو؟
يا لعاركم جميعا الكومين بحق!
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: خالد خليل محمد بحر)
|
Quote: .مافى علاقة عضوية بين (حق) والمركز...والمؤسف يا بشاشا
المركز داير يبلع (حق)...ما العكس.... |
ياخالد،
من يومو انتو عارفين مافي حاجة اسمها مركز ذات شخصية اعتبارية مستقلة او قائمة بي ذاتا، عن ذات المالك عفيفي، ولكنكم غضضو الطرف او اصلا ولافكرتو في ده كلو!
اذن اذا عفيفي هو المركز، والمركز عفيفي، كراعين في لباس، او فاشري واحد، او عفيفي عضو في حق، فتلقائيا المركز عضو برضو في ذات حق!
اذا عفيفي البياكل عيش بي واجهة المركز ده، فكر يخمش حق بي فكة العم سام، فانتو زاتم لوكده كنتو طامعين تخمشو فكة المركز، والا ليه قبلتو بالاذدواجية من الاول؟
كيف لوائحكم سمحت بي وجود عفيفي كعضو في تنظيم سياسي بعد عمل المركز ده، الممول بي قروش دولة اجنبية؟
كيف تنظيم سياسي في دولة ذات سيادة افتراضا، يقبل بي علاقة مشبوهة زي دي بي مؤسسة ممولة بواسطة دولة اخري ذات سيادة؟
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: Bashasha)
|
الدكتوره نجاه
صباحك خير بتوقيتنا
يعني إنتي دايره تقولي النسي قديموا تاه ...!!!!
وين ليك زمن ...
من بوست الخال تاني ما تلاقينا
تحياتي واحتراماتي
وسلامي لأسرتك الكريمه
يا بشاشا شلامات ياخ
ومرورك كريم
| Quote: كيف تنظيم سياسي في دولة ذات سيادة افتراضا، يقبل بي علاقة مشبوهة زي دي بي مؤسسة ممولة بواسطة دولة اخري ذات سيادة؟ |
انت تعرف ان العمل العام _ منظمات او احزاب _ يحتاج الي تمويل .
وحكومتنا الرشيده بتصنف العمل علي حسب مصلحتها
البخدم مشروعها بتغدق عليه والمعاكس والضد يسف التراب
.
لا مشكله في التمويل ذات نفسو..
قضيتنا مع القائمين علي مركز الخاتم في الفساد والمحسوبيه
دي القضايا اللي مؤسسين المركز ( قبل الخج ) توافقوا علي
مناهـضتهاوالوقوف ضـدها .
يجي سيد الشئ ذاتو ... يعملها مستغلا منصبو
وفي صراعـو مع المخالفين ليهو يكذب ويكذب
حتي يصدق روحو....
مشكلتو انو قايل الاخرين بلا ذاكره وممكن ما يركزو مع
كذبو كتير ..
لكن أٌنٌا له ذلك ...؟
فنحن لم نستخـدم الدستورية بعد ..!!
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: مني التجاني)
|
منى ازيك
Quote:
انت تعرف ان العمل العام _ منظمات او احزاب _ يحتاج الي تمويل .
وحكومتنا الرشيده بتصنف العمل علي حسب مصلحتها
البخدم مشروعها بتغدق عليه والمعاكس والضد يسف التراب
.
لا مشكله في التمويل ذات نفسو..
|
معليش ...
كلامك دا ما مقنع بالنسبة لي..
بشاشا طرح اسئلة موضوعية جداً
اتمنى الردود تكون بقدر موضوعيتها
في مشكلة .. و مشكلة كبيرة جداً في تمويل المنظمات السياسية ..
و مفروض تحكمو لائحة مالية صارمة تحدد شنو المقبول .. و شنو الما مقبول!
تحياتي
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: قيقراوي)
|
قيقراوى...إزيك....
Quote: في مشكلة .. و مشكلة كبيرة جداً في تمويل المنظمات السياسية ..
و مفروض تحكمو لائحة مالية صارمة تحدد شنو المقبول .. و شنو الما مقبول! |
طيب الموضوع ده بخص (حق) فى شنو مثلآ....؟ نحن فى (حق) الموضوع بتاع التمويل
واضح جدا لدينا...ومحسوم وماعندنا مشكلة ...وبتحكمو لوائح محددة...أما إذا كنت تقصد تمويل المركز
فذلك شأن أخر....تحياتى
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: خالد خليل محمد بحر)
|
سلامات يا خالد بحر
Quote:
طيب الموضوع ده بخص (حق) فى شنو مثلآ....؟ نحن فى (حق) الموضوع بتاع التمويل
واضح جدا لدينا...ومحسوم وماعندنا مشكلة ...وبتحكمو لوائح محددة...أما إذا كنت تقصد تمويل المركز
فذلك شأن أخر....تحياتى
|
يا خالد ليه دايماً بتفترضوا انو كل الناس ملمين بكل التفاصيل البتعرفوها انتو!؟
اها انا سؤالي بالضبط كان عن دي تحديداً :
[ نحن فى (حق) الموضوع بتاع التمويل
واضح جدا لدينا...ومحسوم وماعندنا مشكلة ...وبتحكمو لوائح محددة]
ببساطة لاني ما كنت عارفا ..
بعدين يا ريت لو تكرمت بمراجعة ما اقتبسته من كلام أ. منى:
Quote:
انت تعرف ان العمل العام _ منظمات او احزاب _ يحتاج الي تمويل .
وحكومتنا الرشيده بتصنف العمل علي حسب مصلحتها
البخدم مشروعها بتغدق عليه والمعاكس والضد يسف التراب
.
لا مشكله في التمويل ذات نفسو..
|
اتخيل لي هي اليتوجه ليها [ طيب الموضوع ده بخص (حق) فى شنو مثلآ....؟ ]
فهي من ذكر [احزاب] في الجملة الاعتراضية المفسرة لـ [العمل العام ] بما يوحي انو العبارة الاخيرة [لا مشكله في التمويل ذات نفسو..] شاملاها برضو
اتمنى اني اكون وضحت
تحياتي
-------
يا عزيزي قاعدين نتعامل مع الكلام المكتوب هنا .. و هنا فقط لا غير
بس
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: Bashasha)
|
بشاشا...إزيك تانى
قلت ليك عاليه مافى علاقة علاقة بين (حق) كحزب سياسى ...ومركز الخاتم عدلان
كمؤسسة مجتمع مدنى سوى الرمزية القاعد يعنيها (الخاتم) لحركة حق كاحد مؤسسى
الحركة...يعنى (حق) كتنظيم سياسى ماعندها سلطة قانونية ولا مؤسسية على مركز الخاتم
عدلان ..وعليه المركز (مركز الخاتم) لا يتبع لحركة (حق)...نعم توجد بعض عضوية الحركة ضمن
طاقم موظفى مركزالخاتم عدلان,,,ويوجد موظفين فى المركز ينتسبون لأحزاب أخرى داخل المركز...
المهم العلاقة بين (حق) والمركز علاقة واضحة المعالم لدى (حق).....وموقف حق من تسيس منظمات المجتمع
المدنى موقف واضح وصريح...
| Quote: او عفيفي عضو في حق، فتلقائيا المركز عضو برضو في ذات حق! |
الكلام ده ما صحيح...فى فترة من الفترات مرت ضائقة مالية ب(حق) نتج عنها إخلاء الحركة
لدارها المؤجر ...يعنى بقينا بدون دار ...اها فى الفترة دى يا بشاشا كانت توجهنا مشكلة كبيرة فى
تنظيم إجتماعات المكتب التنفيذى للحركة...مرة فى بيت فلان ومرة فى بيت فلتكان ومرة فى النقعه ساكت
المهم لو أصلا المركز كما يتخيل لك (عضو) فى حركة (حق) ولو أنت فاكر إنو العلاقة بين حق والمركز
علاقة قائمة على التعبيعة...يتخيل لى ما كنا محتاجين لكل هذه المعاناة...المهم المثال السابق للتدليل على
أنو المركز ماعندو علاقة بحق سوى العلاقة سالفة الذكر....
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: خالد خليل محمد بحر)
|
قيقراوي و خالد
جمعتكم طيبه
يا قيقراوي أسأل كما يحلو لك مافي عوجه تب
انا لما قلت ما في مشكله في التمويل ذات نفسو
قصدت انو اي منظمومه مدنيه أو سياسيه في عملها
تحتاج لي تمويل واعتقد ده شئ بديهي
والبديهي اكتر انو التمويل يكون معروف من وين
والبرنامج المقابل لي صرفو معروف كذلك
وحتمآ لازم تقابلوا لوائح ماليه وصارمه زي ما انت قلت
وده أس المشكله في صراع المركز لو تذكر في بوست حقائق غائبه.
ردي لبشاشا كان عـن الفساد البصاحب العمل
وينسف مفاهيم الشفافيه والمحاسبيه المطلوبه
في العمل العام .
إذآ لا خلاف بيني وبينك ..
بشاشا بقول المركز كمنظمة مجتمع مدني و حق كتنظيم سياسي شئ واحد
وده ما صحيح قطعآ.
وخالد وضح الكلام ده بالمثال الضربو
واعتقد انو هوداير يقول لو كانو الاتنين
شئ واحد ما كان بكون في مشكله في مقر لإجتماعات
وغيرو
سلامات وتحايا
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: مني التجاني)
|
سلامات يا منى
Quote:
إذآ لا خلاف بيني وبينك ..
بشاشا بقول المركز كمنظمة مجتمع مدني و حق كتنظيم سياسي شئ واحد
وده ما صحيح قطعآ.
|
ابداً لا خلاف
و اتذكر اني سألت نفس السؤال بتاع بشاشا دا فبل كدا بطريقة مباشرة جداً
كان : هل في علاقة مالية بين حق و المركز؟
شكراً يا عزيزة و لخالد مثله على تكبد عناء التوضيح
------------
لو في اي طريقة لتوثيق الحلقة التلفزيونية نفسها بشوف انو بكون التوثيق مكتمل ..
و لّ شنو؟
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: نايف محمد حامد)
|
سلام يا حلوين ...
يا اخوانا البوست ده بدأ بإتهام تنؤ عن حمله الجبال ... استاذة مني قالت :
Quote: ظل الباقر يردد في الحلقه - كعادته- أن مخالفيه ومعارضيه في مركز الخاتم عدلان أقامـوا دعـوي دستوريه ضـد هاك لأنها إنتصرت له ولم تنظر في طلباتهم .
ولم يكتف بهذه الكذبه المفضوحه التي أطلقها وصدقها بل تمادي في كذبه بأن قال أن المحكمة الدستوريه شطبت الدعـوي ..!!!
|
كمتابع للصراع الدائر بين دكتور الباقر و مخالفيه .. البوست ده مهم جدا بالنسبة لي ... و لاني ما شفت الحلقة بتسآل ؛ هل صحي دكتور الباقر قال إنو مخالفيه أقامـوا دعـوي دستوريه ضـد هاك و إنو المحكمة الدستوريه شطبت هذه الدعـوي ؟ و إذا كانت الاجابه بنعم إنو قال الكلام ده ... يجينا واحد من الناس البدافعو عن دكتور الباقر - و ما أكثرهم - و يجيبو لينا تاكيد إنو في قضيه رقم كده إتفتحت يوم كده من الجهه الفلانيه ضد الجهه الفلانيه و إنو المحكمه الدستوريه نظرت في القضيه دي يوم كده و قررت شطبها يوم كده ... بعداك ليكم علينا نبل ليكم مني التجاني دي حتي تستغيث ... أما في حالة عدم وجود الدعوي و القضيه دي و ثبت إنو دكتور الباقر نجر الكلام ده من راسو و رددو في التلفزيون كذبا ... بعد ده بالله مافي زول يجي تاني يقول لينا الباقر العفيف و العمل المدني و النضال بالطعميه .. لانو من يكذب بال boldness ده و في التلفزيون أمام الالاف في قضيه زي دي بالنسبه لي ممكن يعمل أي شئ... و أي كلام سلبي قريتو عنو بصدقو !!
نرجو من أصدقاء د. الباقر و مؤيديه الأتصال به - رغم قناعتي الصمديه إنو قرأ البوست ده أو علي الأقل سمع بيهو - عشان يدونا وجهة نظرو لانو السكات يعني إنو كلام الأستاذة مني ده كلو حقايق !!
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: Hussein Mallasi)
|
Quote:
و إذا كانت الاجابه بنعم إنو قال الكلام ده ... يجينا واحد من الناس البدافعو عن دكتور الباقر - و ما أكثرهم -
و يجيبو لينا تاكيد إنو في قضيه رقم كده إتفتحت يوم كده من الجهه الفلانيه ضد الجهه الفلانيه و إنو المحكمه
الدستوريه نظرت في القضيه دي يوم كده و قررت شطبها يوم كده |
لو كان بإمكانهم فعل ذلك لما انتظروا كريم دعوتك يا بروف!
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: أمين محمد سليمان)
|
Quote: لو في اي طريقة لتوثيق الحلقة التلفزيونية نفسها بشوف انو بكون التوثيق مكتمل ..
و لّ شنو؟ |
دي كانت فكرتي قبل ما ابدأ في كتابة هذا البوست
لكن المغوليات حالت دون ذلك كما أن قناة أمدرمان
ما عندها موقع علي الانترنت حتي الآن .
قبل شويه أحد الأصدقاء نبهني الي انو موقع المركز جايب
الحلقه . دخلت لقيتهم مقسمنها الي ثلاثه أجزاء
وجايبين الجزء الأول وكاتبين الكلام التحت ده
الجزء الثاني و الثالث تحت الاعداد و سيعرض علي صفحة الموقع في الايام القليلة القادمة
ما بعرف الفارق الزمني بين نشر الجزء الأول ولحدي الآن كم؟
وبرضو ما بعرف الجزء الأول نشر قبل البوست ده ولا بعده؟
المهم نشوف باقي الأجزاء بتنزل متين..!!!
ولا أعمل بنصحيتك وأنزل بمعرفتي
شكرآ قيقا
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: مني التجاني)
|
مرحب الأستاذ / أمين
ولآن مداخلتك أعادت البوست الي منصة إنطلاقته لذا جبتها بضبانتا
Quote: كمتابع للصراع الدائر بين دكتور الباقر و مخالفيه .. البوست ده مهم جدا بالنسبة لي ... و لاني ما شفت الحلقة بتسآل ؛ هل صحي دكتور الباقر قال إنو مخالفيه أقامـوا دعـوي دستوريه ضـد هاك و إنو المحكمة الدستوريه شطبت هذه الدعـوي ؟ و إذا كانت الاجابه بنعم إنو قال الكلام ده ... يجينا واحد من الناس البدافعو عن دكتور الباقر - و ما أكثرهم - و يجيبو لينا تاكيد إنو في قضيه رقم كده إتفتحت يوم كده من الجهه الفلانيه ضد الجهه الفلانيه و إنو المحكمه الدستوريه نظرت في القضيه دي يوم كده و قررت شطبها يوم كده ... بعداك ليكم علينا نبل ليكم مني التجاني دي حتي تستغيث ... أما في حالة عدم وجود الدعوي و القضيه دي و ثبت إنو دكتور الباقر نجر الكلام ده من راسو و رددو في التلفزيون كذبا ... بعد ده بالله مافي زول يجي تاني يقول لينا الباقر العفيف و العمل المدني و النضال بالطعميه .. لانو من يكذب بال boldness ده و في التلفزيون أمام الالاف في قضيه زي دي بالنسبه لي ممكن يعمل أي شئ... و أي كلام سلبي قريتو عنو بصدقو !!
نرجو من أصدقاء د. الباقر و مؤيديه الأتصال به - رغم قناعتي الصمديه إنو قرأ البوست ده أو علي الأقل سمع بيهو - عشان يدونا وجهة نظرو لانو السكات يعني إنو كلام الأستاذة مني ده كلو حقايق !! |
واهـو ملاسي جاوب علي سؤالك وعلي إفتراض الاجابه بنعم كمان...
شكرآ ملاسي
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: أمين محمد سليمان)
|
وبعدين يا أمين عجيب أمر هذا الناشط الضخم ده ياخ
خليك من كذبة الدستوريه المفضوحه..
لو تابعت الجزء الأول من الحلقه المنزلنو في موقع مركز الخاتم زي ما قلت
لي قيقراوي قبل شويه..
شفتو ناكر ليك دور أستاذ الخاتم كيف في فكرة المركز ده..!!
ياخي الكلام ده مكتوب ومشهود كمان وشهوده لي حسن الحظ ناس
أعلام وحيين وعايشيين وسطنا ووسطكم في المنافي وكانوا من أصدقاء
الخاتم الحـقيقيين ويمكنهم أن يأكدوا علي ذلك .
كدي أصبر لي شويه أنكت ليك كلام الخاتم عن ضرورة إنشاء المراكز والمنظمات
لدفع العمل السياسي والمدني في البلد..
وبرضو يقوليك الناشط الضخم أنا بعمل علي إتساق ما أومن بيهو مع سلوكي ..!!
يا لك من كاذب و سارق لأفكار ومجهودات الغير
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: أحمد شاكر دهب)
|
سلام يا منى Quote: خليك من كذبة الدستوريه المفضوحه..
لو تابعت الجزء الأول من الحلقه المنزلنو في موقع مركز الخاتم زي ما قلت
لي قيقراوي قبل شويه..
شفتو ناكر ليك دور أستاذ الخاتم كيف في فكرة المركز ده..!!
|
موقع مركز الخاتم ده ما عارفنو وين ... فبالله لو في إمكانية تجيبو لينا الحوار - علي الأقل الجزء النزل منو- نكن لكم من الشاكرين ...
كونو دكتور الباقر ناكر دور أستاذ الخاتم في فكرة المركز بالنسبه لي زي كلام ملاسي إنو المركز قايم بمجهودات أروى الربيع و دي كلها عباره عن وجهات نظر الناس ممكن تتفق و تختلف حولها ... المشكلة لمن زول يكذب عيانا بيانا أمام عشرات إن لم يكن مئات الالاف ممن تابعو اللقاء و في أمر واضح ليس فيه مناطق رماديه ... يعني يا إما كان فعلا في دعوى دستوريه و المحكمه شطبتها أو مافي ...
ما زلنا نطمع في إيضاح من دكتور الباقر أو مؤيديه حول الامر ...
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: أمين محمد سليمان)
|
اشكرك استاذة منى مرتين لترحيبك بى وثانيا لطرحك هذا البوست والبوست الفائت فى امر عام يهمنا جميعا
وبذلك لكل هذا المجهود والوقت واعلم مشغوليانك وخاصة فى البيت وهذا يدلل على وعيك وحسك الوطنى وعزيمتك
التى لا تلين ,وقضية مركز الخاتم عدلان ظلت تشغل الراى العام لاهميتها وفعلا الى ماقبل نوفمبر الماضى كان المركز
ماوى للمثقفين وكعبة للمستنيرين ,وشهدت فعالياته زخم وصار له نخبة من الرواد ولم يكن هناك حديث عن افراد (الباقر ,
هالة الخ )وانما كانت هناك مؤسسية وهكذا اعتقد الرواد ان سر هذا النجاح خلفه كوكبة جماعية خلاقة ,وكانوا يظنون ان القبة
تحتها فكى كما ذكر احدهم هنا ,ولكن من اليوم الذى تفجرت فيه الصراعات ومحاولة احلال الفردية محل المؤسسة ,تغيرت الصورة
تماما وهذا الامر اثر على الاستنارة والعمل المعارض برمته وتضرر منه الوطن ,لاننكر الاختلافات الايدلوجية وتباين المفاهيم
بين العلمانية والدينية ,والذاتية والموضوعية ,وكل هذا يمكن مناقشته فى ذات المنابر وليس باى عمل انقلابى اوتخوينى ,فالمركز ليس ملكا
لحركة حق او للاخوان الجمهوريين وانما هو منظمة طوعية يسرى عليها قانون المنظمات الطوعية على علاته,ويااستاذة وكما سالك الامير الكوشى
اخونا يشاشا لماذا ارتضيتم العمل بهذه الطريقة الغير مؤسسة ؟معروف وضع الضباط الثلاثة واللجنة التنفيذية والجمعية العمومية ولكل وظائفه ولوائحه
والياته للعمل ,وكيف تم اختيار اسم المركز ؟والجمعية العمومية كيف تم اختيارها وهل لها اى علاقة او تعاطف مع سيد الاسم الراحل المقيم الخاتم عدلان
وهل اثرت عليها انقسامات حق المتتالية ؟وماهو شكل العلاقة مع معهد السلام الامريكى وهل تم تحديد الراتب قبل ام بعد قيام المنظمة وكما سالت انت من الذى خصص المرتب الشهرى للباقر ولماذا
لم يعمل الباقر معهدا بالسودان كفرع ويصبح موظفا فيه او مديرا ؟بدلا من عمل لجنة تنفيذية مع وقف التنفيذ .ام ان هناك اشياء خفية لا يعلمها احد ؟
على اننى فى هذه المرحلة اتوقف هنا ولكى امشى مع امين محمد سليمان فى ذات اقتراجه حتى لاتتشتت الجهود والاقتراح هو ان ياتى الدكتور الباقر
او من يمتله لكى يثبت بالاسانيد ورقم الدعوى التى شطبتها المحكمة الدستورية ومن الذى رفعها ؟لان ملاسى قال شاهد الحلقة وقال انو د.الباقر قال
الكلام دا ولا اعتقد انو ملاسى يمكن ان يكذب ,وبعد ذلك لكل حادثة حديث وممكن نواصل باقى الاسئلة ونعرف خفايا الامور واول واخيرا باعتبارنا
مواطنين تضرروا مما حدث بمركز الاستنارة ولمصلحة من يحدث هذا .
مع تحياتى للجميع
صابر عابدين
(عدل بواسطة صابر عابدين on 10-16-2011, 02:48 PM)
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: مني التجاني)
|
ما عارفة صورة شهادة الراتب اترفعت ولا لا ...
لكن
كيف يتحدث الجميع عن كلام وحلقة تلفزيوينة ويتقاضون عن هذه الشهادة الفضيحة
ولعمري اول مرة أسمع عن تنظيم مجتمع مدني يستلم مديره راتبه من جهة اجنبية
ومن جهاز تابع لحكومة دولة اجنبية فمعهد السلام الامريكي هيئة تابعة للكونجرس الامريكي
وأنا شخصيا لدي راي في تمويله ولا اري عيبا في التمويل كتمويل طالما جاء من منظمة اهلية حريصة على العمل الخيري والانساني
اما ان تجي من المعهد وبهذا الشكل
إنها لعمري ثمن ... ثمن باهظ، بل خائب
وهي اشبه بالرشوة بل بل بالامتلاك والتبعية
لان الدعم للمنظمات غير الحكومية لا يقدم كهذا ....
ولا يجب ان تتدخل الجهات الداعمة في تحديد مقداره ويذهب لمن ..
وبهذا التحديد وراتب عالي كهذا لا يتناسب مع مرتبات السودان
وهل ابدا تساءل جميع القائمين علىالمركز ما هو الثمن
؟؟؟؟؟؟؟
وهل تتوقفون لحظة لتعون ان مركزالسلام يدعم شطر الحركة اليسارية
لقد بلع الجميع الطعم فهنئنيا لكم
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: Dr Salah Al Bander)
|
استاذه/منى التجانى
تحياتى
شاهدت الحلقة على قناة ام درمان الفضائية
وكتبت بعد انتهاءها مباشرة مداخلة فى صفحة
المركز على الفيس بوك مداخلة بعنوان
(الباقر العفيف والكذب المفضوح)وهى
صديق الهادى
الباقر العفيف والكذب المفضوح..فى لقاء اجرته معه قناة ام درمان الفضائية نسب الباقر العفيف نجاح المركز الى ممقدراته هو المهنية ضارب بمجهودات الديمقراطيين الذين بذلوا جهودا مقدرة عرض الحائط.وقال فى كذب يحسده عليه مسيلمة نفسه ان اطراف الصراع الذين فصلوا من المركز كانوا حاضرين فى الجمعية العمومية واعطوا الفرصة ليعبروا عن وجهة نظرهم ثم انسحبوا قبل التصويت ولعمرى هذا ليس كذب وحسب بل استخفاف بعقول اعضاء الجمعية العمومية الذين يعلمون يقينا ان ولا واحد من الذين فصلوا كان موجودا
8 أكتوبر، الساعة 11:32 مساءً · أعجبني.
صديق الهادى هذا الخبر كتبته وازيل مرتين مما يدلل على عقلية الاقصاء والعجز عن مواجهة الحقائق ودحض الحجة بالحجة ولن امل من الكتابة حتى تملوا وحدنا (البلك)ولكن اعلموا ان حينها ساكتب خارج نطاق المركز وهذا ما لا احبذه وارجو ان لا اضطر له .مع فائق احترامى
وبعدهذا اتضطروا ان يتركوها على حائط المركز
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: صديق الهادي)
|
Quote: شاهدت الحلقة على قناة ام درمان الفضائية
وكتبت بعد انتهاءها مباشرة مداخلة فى صفحة
المركز على الفيس بوك مداخلة بعنوان
(الباقر العفيف والكذب المفضوح)وهى
صديق الهادى
الباقر العفيف والكذب المفضوح..فى لقاء اجرته معه قناة ام درمان الفضائية نسب الباقر العفيف نجاح المركز الى ممقدراته هو المهنية ضارب بمجهودات الديمقراطيين الذين بذلوا جهودا مقدرة عرض الحائط.وقال فى كذب يحسده عليه مسيلمة نفسه ان اطراف الصراع الذين فصلوا من المركز كانوا حاضرين فى الجمعية العمومية واعطوا الفرصة ليعبروا عن وجهة نظرهم ثم انسحبوا قبل التصويت ولعمرى هذا ليس كذب وحسب بل استخفاف بعقول اعضاء الجمعية العمومية الذين يعلمون يقينا ان ولا واحد من الذين فصلوا كان موجودا
8 أكتوبر، الساعة 11:32 مساءً · أعجبني.
صديق الهادى هذا الخبر كتبته وازيل مرتين مما يدلل على عقلية الاقصاء والعجز عن مواجهة الحقائق ودحض الحجة بالحجة ولن امل من الكتابة حتى تملوا وحدنا (البلك)ولكن اعلموا ان حينها ساكتب خارج نطاق المركز وهذا ما لا احبذه وارجو ان لا اضطر له .مع فائق احترامى
وبعدهذا اتضطروا ان يتركوها على حائط المركز |
يمسحوا الكلام المابعجبهم من الصفحة ؟؟
الاستنارة كما ينبغى لها ان تكون
قلت لى هددتهم طوالى ثبتوه !!!
صحيح ناس تخاف ما تختشي
شكرا يا صديق على صدقك ونبلك صحى انت اخو الخاتم .
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: احمد محمد الشريف)
|
التحايا للجميع
Quote:
في حلقه تلفزيونيه علي قناة أمدرمان الفضائيه أطلق الباقر العفيف عـددآ من الأكاذيب والترهـات أرصـدها هـنا تباعآ.
لا أظنّك ستفلحين! فهذا "الكي بورد" مُجرَّب في سودانيز - على شِركتِه!- بأنّه الأبعد عن أنْ يقطع أو يُفَصِّل!ناهيك عن أن يرصُد كمان!
ظل الباقر يردد في الحلقه - كعادته- أن مخالفيه ومعارضيه في مركز الخاتم عدلان أقامـوا دعـوي دستوريه ضـد هاك لأنها إنتصرت له ولم تنظر في طلباتهم .
لا يُمكن أن يكون الباقر العفيف - بما نعرف عنه من دِّقّة العبارة، وجلاء الفكرة، أن يكون قد قد قال ماتقولين! وإلاّ
يكون ده "باقراً" آخر! ولكنّكم تعرفون، وهذا المنتدى يعرف أيضا، أنّكم قد أقمتم دعوى "طعن" ونشرتموها بأسمائكم على صفحات هذا المنبر وفشلتم فيها فشلاً "أكتر من ذريع! مرّتين!
ولم يكتف بهذه الكذبه المفضوحه التي أطلقها وصدقها بل تمادي في كذبه بأن قال أن المحكمة الدستوريه شطبت الدعـوي ..!!!
وإذن، فالشطب، فيما يبدو، قد أتاح لكم (أعداء نجاح الباقر) أن تختلقوا ما تختلقون من بوستات "غير ذات جدوى" فليس عندكم ما تخسرونه بعد ما سَلَفَ من خُسران للقضايا الصَّوَرية؛ وهذا المنبر الدّفاق - بالاسماء الحَرَكية، والقرائبية والدّكاكينية، وفيه كثيرٌ من العُقلاء والعاقلات والعقيلات، يشهد
الباقر دون مراعاة لحساسية العمل العام وضـرورة التحلي فيه بالمصداقيه وبجرأه غير مسبوقه وعـدم مسئوليه لا تصدر من أي شخص عادي يكذب علي جمهور المشاهدين والمتابعين لقضايا العمل العام وقضية مركز الخاتم عدلان تحديدآ.
هذا مُجرّد "حكي" والسلام! وهل أنتم "أعرف" بالمُراعاة لحساسية العمل العام؟
قلت أن كذبته مفضوحه لأن أي شخص عادي يستطيع وببساطه شديده أن يذهب الي مبني المحكمه الدستوريه ويسأل عن الطعن المزعـوم.
ولمَ لم يذهب "عاديٌّ منكم/ــنَّ أو عاديّة؟ حتى تأتِ بالخبر اليقين؟ وهذا - إنْ صَحّ- فهوإقرارٌ باستقامة العدل في السودان، وهو شيءٌ يُزهي المرء السوداني في عام 2011، وربما يكون من بركاتكم معشر الرّافعين لعرائض شكوى ضد مركز الخاتم عدلان للاستنارة والتنمية البشرية، في عقده لجمعيته العمومية التي فصلتكم، بعد أن ظهر أنّ حساسية العمل العام تقتضي فصلكم! ليس لمرةٍ واحدة، بل اثنتَيْن!وصفحات هذا المنبر المُفيد،تشهد على "قائمة" الطّاعنين والطاعنات؛ وبالإمكان الإتيان بها -وما دونهاأو أقصى منها!- دون عون الـ (م.ن) أو (ع.ب) أو (س.س) بيد أنّ الحساسية في مراعاة العمل العام قد تمنعنا لِبُرهة!
والأدهي أنه لم يكتف بكذبة إقامة الدعـوي الدستوريه بل قام مقام أعـضاء المحكمه الموقرين وفحـص الطعن وقرر النظر فيه ومن ثم قام بإصـدار حكمه بشطب الطعن نيابة عن المحكمه الموقره لأن المحكمه الدستوريه مجتمعه لا تسطيع فحص الطعن والنظر فيه، فقط سعادة الناشط الضخـم هـو الذي يستطيع ذلك كما أن العداله لا يوجد من يحققها سواه فهو العالم بكل شئ والمنزه عـن كل غـرض .
الكلام، هاهنا، خرج عن حساسية العمل العام، والدَّيْن العام، وشكِّ الأرحام، وكَتَرة التِّهيام، إلى أين يا تُرى؟
آمنت بالله ...
حَقــَّاً...؟
|
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: محمد أبوجودة)
|
| Quote: يا ربي بكري ما بساعدني بباسوير لناس هاك وقضاة الدستوريه ديل !!! |
أسأليهو (القايل الناس نسوه ده!!) وهوَ أصلاً ما قصـَّر تبْ - "جزاوو" الله خير- من ناحية المساعدة بالباسويردات
لكنّو للأسف يبدو إنّو شغّال بحكمة المَثَل الصيني! لئن تعطني سنّارة خيراً من تمنحني سمكتَيْن في اليوم!
ولذلك- لا أنصحِكْ/ـــم بسنّارات جديدة!! -كفاية لحدِّي هِنا- تُساعد على "قبضكم" Red-handed وكدا
| Quote: عشان قبل الشبيحه ما يجو تكون جهيزه قطعت قول كل خطيب !!! |
الصعايدة وصلوا ..أ هُــم!!
وإن شئتِ / ــُــم
الروس قادمون ...
وَ جهيزة الزمن ده، غلبا البتسوِّيه! قالت أخير أناضل!
واشحد لي "باسويرة" باسويرتَيْن!" لها والتِّسعة العِظام!
--- --
يا بكري أبوبكر: لك التحايا، وأرجو أن تتذكّر: أنّ المساواة في الظُلمِ عَدْل
فإن لم تجد أن تتيسّر للبعض بباسويرات، فعلى الأقل، إحرم "المُطاردين، والمُطارَداتْ" عن ملء "منبرك" بالشقشفة الخلائية*
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: ابو يسرا)
|
| Quote: لقد وضحنا انه ليس هناك استنارة ولاشفافية ولابحزنون والحمد لله جاء اليوم وتمت الفضيحة |
الأخ أبويُسرا
سلامات
الشي شنو ياخ؟ "" جاء اليوم"" هل تعني بها أنّ القيامة قامت؟ ولاّ شنو؟
ما إنتا أهو، كتبتَ بوست قبل كده، والناس شالو وختّوا معاك، و طلعت النتائج
صحيح ولاّ ما هو صحيح؟
وبعد ده كلّو، لو عندك أيّ "رغبة" في استعادة لتحقيق أمرٍ مَــا، يختص بحقوق - صحيحة- في ذمة "إدارة" مركز الخاتم عدلان
فإنني على استعداد للسعي معك لنَيْل حقوقك من ادارة المركز- إن صدقت دعواك-
ما يؤسف، أنّك جيت داخل، وعلى طول، موافق على جاء من هذر بهذا البوست المهذور!
ألا من روية يا أخي؟
وشكراً
على مرورك ببوستنا(!)
على عِلاّت مرورك الحقّانية الحاقنة
محمد أحمد أبوجودة
عضو الجمعية العمومية لمركز الخاتم عدلان للاستنارة والتنمية البشرية
| |
|
|
|
|
|
|
|
|
|
Re: ما زال الباقــر العفيف يكــذب ... ويتحــري الكـذب . (Re: محمد أبوجودة)
|
الاخ محمد ابو جودة في البدء شكراً ليك علي استعدادك لمساعدتي في نيل اي مطالب من مركز الخاتم بجد شاكر ومقدر ليك
مداخلتي ليست للتشفي من الظلم الذي حصل لنا من قبل مركز الخاتم ولكنها لتاكيد اننا عندما اظهرنا عدم مصداقية المركز في امر الانتخابات انبري لنا اعضاء من المركز وكالوا لنا السباب علي هذا المنبر ونحن اصحاب حف ولم يكونوا هم حقانيين كما يدعو كنت اريد ان اسمع رايهم الآن
بالنسبة لموضوعنا مع مركز الخاتم فلقد انتهينا منه وتحاملنا علي انفسنا وتنازلنا عن الكثير ولكني كنت واثق ان دولة الظلم ساعة واعتقد انها انتهت
انا شاكر ومقدر لك وآسف لو كان دخولي في غير محله ولك الود
| |
|
|
|
|
|
|
| |
معاوية عبيد الصائم
قيقراوي
حبيب العبيد
عيسي ابراهيم
على زين العابدين
الخير محمد عوض
Afraa Sanad
nazar hussien
Hussein Mallasi
اسماء الجنيد
Hadeer Alzain
محمد أبوجودة
Zomrawi Alweli
بدر الدين اسحاق احمد
Walid Safwat
خالد خليل محمد بحر
Bashasha
نايف محمد حامد
أمين محمد سليمان
أحمد شاكر دهب
Abdelmuhsin Said
Dr Salah Al Bander
احمد محمد الشريف
ابو يسرا
فيس بوك
تويتر
انستقرام
يوتيوب
بنتيريست