نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: نافع علي نافع يتعرض للقصف بجامعة الخرطوم (Re: خدر)
|
ده زول حريقه وقايمه .. الكلام القالو ده لو قعدت اكتب فى حوش بكرى عشره سنين ما بقول ربعو .. ولد ضكران جدا ودغرى وبتش عيون الضلام بالضو .. والله يا خدر فرحتنى فرح اصلو ما معقول .. كتر خيرك على ها القصف المجيد ..
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: Tabaldina)
|
Quote: ده زول حريقه وقايمه .. الكلام القالو ده لو قعدت اكتب فى حوش بكرى عشره سنين ما بقول ربعو .. ولد ضكران جدا ودغرى وبتش عيون الضلام بالضو .. والله يا خدر فرحتنى فرح اصلو ما معقول .. كتر خيرك على ها القصف المجيد ..
|
احكوا لينا ياخ ..
بعيد عنكم، اليوتيوب بلكوهو الـITـياب عندنا ياخ!
------
بقت علينا قصت العميان -الفتح و عمى تاني- في السينما اها متل قصف حصن العزيزية الخلا القذافي يشرد داك!؟
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: قيقراوي)
|
Quote: احكوا لينا ياخ ..
بعيد عنكم، اليوتيوب بلكوهو الـITـياب عندنا ياخ!
------
بقت علينا قصت العميان -الفتح و عمى تاني- في السينما اها متل قصف حصن العزيزية الخلا القذافي يشرد داك! |
شفت العملوهو الشبحية في ثوار سوريا !؟ حاجة قريبة من كدة الجنا الفارس ده شوف عيني ماسك نافع من نخرتو و كاري بيهو الواطـــة في الـ 3 دقايق الاخيرة من الفيديو
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: محمد حيدر المشرف)
|
الزول الضكران ده مسك المايك وقبل ما يعرف نفسو ذاتو أول حاجه قالها حسبما سمعت
- ( .. )من الخوف ..د. نافع ده مكتبو ما كان بدى للاسلاميين عشان يجتمعو فيهو .. خوااااف .. وبعد ما جا السلطه .. الكلام بقى تلحسوا كوعكم وما عارف شنو .. وكلمات كتيره جدا .. ده تأريخ .. وهذا مهازل يا زمانك فامرحى .. ثم عرف نفسو وحزبو السياسي .. بعثى ..
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: محمد حيدر المشرف)
|
Quote: علم وينفذ آ خدر .. هو قيقراوى ذاتو شن طعمو ..بقى أخداااار !! |
انا بقترح يا حيدر , انو تخليهو يحنسك شوية و بعد داك نزلها ليهو
___ اسه اظنو لو قريب بكون لايص في مضارب الفيسبوكاب يمكن يقدر يشوف الفيديو بي فورمات تانية غير بتاعت اليوتيوب .. و يجيك يتضاجك و يقول ليك المافي شنو
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: Frankly)
|
خدر الله يخدر ذراعك ومن قبل يخدر ذراعك ويبارك وفي الزول ده الشجاع دة ناس تواجه نافع بهذه القوة دي وناس يدخلوا القصر ويرضوا بقسمة نافع وهم راضين بالقسمة ولحس الكوع
والله الععظيم بمجرد الزول ده ما انتهي من كلاموا القوى ده وبدون اشعر وقفت على طولي وصفقت كالمجنون لامن وقع طفلي من السرير من الخلعة
الانقاذ ازفت ساعة رحليك لانو الناس الحتواجه الانقاذ من امثال هذا البطل المناضل الحقيقي الذي لم يمنعه بطش وقوة وارهاب وترغيب الانقاذ من هذه الماوجهة القوية والغضب التراكمي خلاص طفح التحية لشعبنا المناضل في الداخل
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: محمد على حسن)
|
- ( .. )من الخوف ..د. نافع ده مكتبو ما كان بدى للاسلاميين عشان يجتمعو فيهو .. خوااااف .. وبعد ما جا السلطه .. الكلام بقى تلحسوا كوعكم وما عارف شنو .. وكلمات كتيره جدا جدا جدا .. ده تأريخ .. وهذا زمانك يا مهازل فامرحى .. محمد حسن عالم , حزب البعث العربي الاشتراكي خريج جامعة النيلين كلية الهندسة .. اول حاجة في مجموعة من الحاجات الاتكلم عنها دكتور نافع و المقامات محفوظة ,, الدرجة العلمية دي لو كانت اخدها في زمن الانقاذ ما كان قلناهو ليهو ذاتو لانو في زمن النقاذ ياما اخد الناس درجات عليمة في الوضو و ما عارف شنو , انحنا الشعب السوزداني ليهو فضل انو انت قريت علي حساب الشعب السوداني و اكلت علي حساب الشعب السوداني في الداخليات و اخدت درجة الدكتورارة من جامعة الخرطوم علي حساب الشعب السوداني الانت حرمتو ابسط حقو و التحية للشهيد محمد عبدالسلام الـ عشان المرتبة جريتوهو من داخلية النصر و الزول الكتلو اسه معتمد في الدولة الاسمها السودان بتقيموهو و بترقوهو , اللي جر محمد عبدالسلام من الطابق الرابع بي راسو لحدي الواطة و كتلتوهو و بتتكلموا عن الاخلاق و الاسلام ؟ والله الاسلام برئ منكم براءة الذئب من دم ابن يعقوب . ما عندي اي علاقة بيهو (محمد عبدالسلام) لكن بنقول إذا الشعب يوما اراد الحياة فلابد ان يستجيب القدر. البنعمل فيهو انحنا ده كلو في تقديري كلام فارغ, مسألة انو نخش ليك و نناقشك و نثبت ليك انو انت كعب , و المصحف الشريف انت مقتنع بي جوه نفسك انك اسواء من وطئت قدماهو الثري .. اسواء من وطئت قدماهو الثري ( تصفيق ) و اكتر انسان ضيع الحقوق في البلد دي لكن الكلام ما مفيد .. النهاية و الفيصل بيننا و بينك الشارع السوداني ده.
___ ده الجزء الاول بس يا قيقراوي .. لوك الصبر , عاوز ادخن كم سجارة كده و اخد لي نومة و اجي اتم ليك الباقي
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: خدر)
|
Quote: الشعب يريد اصلاح النظام |
لا يا فرانكلي لا لا
الشعب يريد اسقاط النظام و اضح انك ما سمعته ال(صبي) دا كويس .
ناساً تشيل الشيله في لكن ظروفهم هل تفي؟!
دا واحد بس يا النافع و نضم سااااي اعمل حساب الساكتين لسه .
يا قيقا الجزء التاني من الكلام الشاب دا قال للنافع :- قول الرووووب نافع قال امبسبول امسبول .
و الله هسى آمنيتى انو نسخه من الفديو دا تصل السيد الميرغني و بس .
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: ABUHUSSEIN)
|
الأخ خدر
تحياتى
أشجع منه لم تلد النساء
الواحد لامن شعرة جلده ######ت
الشاب ده لخص الواقع السودانى
المر بكلمات قوية واثقة .
التحية لهذا البطل والله رفع معنوياتنا
طالما هنالك أمثال هؤلاء فالتغيير قادم
بإذن الله . غايتو نافع تان إلا ينوم بى فاليوم.
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: الطيب شيقوق)
|
بالله نافع رجالتو كلها طلعت نبيح مكرفونات وحرس ساي ناس الحكومة تاني حيعملو حسابهم ما يشاركو في اي ندوة مفتوحة ولو شاركو فرص النقاش تكون لناس ود الباوقة والسيد(أح) ومن لف لفهم :) متعة والله
ــــــــ قيقا مرحبا بانضمامك لنادي اعداء قسم الـIT
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: محمد إبراهيم علي)
|
مهندس جدددددددددع وثم فجاة كده هو صاعقة ونار منقد وعبر بمنطق وغضب ساطع وكلمات قوووية مركزة عبرت عن حال واحوال وطن كامل وصفع بكلمات من نار وجه الطاغية المستبد نافع علي نافع والتحية له ولكل القابضين علي جمر القضايا بكان ما قبلو
وده الردم العلي اصولو او بلاش
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: Elawad Eltayeb)
|
أشجع منه لم تلد النساء
الواحد لامن شعرة جلده ######ت
الشاب ده لخص الواقع السودانى
المر بكلمات قوية واثقة .
التحية لهذا البطل والله رفع معنوياتنا
طالما هنالك أمثال هؤلاء فالتغيير قادم
بإذن الله . غايتو نافع تان إلا ينوم بى فاليوم.
تسلم البطن الجابتك
رغم قناعتي بعدم عروبيتنا كسودانيين لكن لا أملك ألا أن اقول لك تسلم ياأبني وخلينا نحن في ندين ونشجب ونعلق،،،
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: NEWSUDANI)
|
نرفع له القبعات اجلالاً وتقديراً ...
الشعب السوداني .. يصبر لابعد مايمكن وصفه من صبر .. لكنه ابداً لايرضي الاهانة والاذلال .. هذا الشاب مثال حي للمواطن السوداني الاصيل
الي مذبلة التاريخ نافع وزبانيته تتبعكم لعنات السماء والارض !!
حواء السودان ولوده ..
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: Elawad Eltayeb)
|
يا النبى نوح ...................................
..............................
يا ود الباوقة يا اخى الظلم لامن يفوت حدة والجوع يبقى ما محتمل الانسان ما بيفقد المنطق
الانسان بيعقل ويبحث عن السبب و.. فى اعتقادى ان رجل خريج بدرجة مهندس عرف اين السبب
وواجهة ببسالة
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: Elawad Eltayeb)
|
يا اخى دا شاب اكيد من شباب 64 و 85 دا ما من شباب اليوم القصة ما فى شجاعتو بس, ممكن اى زول يكون شجاع, لكن شوفو الكلام المرتب و القوى البطلع توف توف توف طلقات نارية على منصة نافع دا, و الله كما قال محمد المشرف نحن نقعد نكتب لحولنا فى سودانيزاونلاين دى عشر كلامو القالو وهو واقف قدام نافع دا ما نقولو, تسلم البطن الجابتك يا ودابوى. الكلام كمل خلاص, تعبئة شنو اكثر من كدة نحن نسويها, يالله اندلقوا الشارع حارسين شنو؟؟؟
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: عمر عبد الله فضل المولى)
|
Quote: ان ما يميز تجربة التعذيب الذي تعرضت له في الفترة من 30 نوفمبر الي 12 ديسمبر 1989 ببيت الأشباح رقم واحد الذي أقيم في المقر السابق للجنة الإنتخابات أن الذين قاموا به ليس فقط أشخاص ملثمين تخفوا بالأقنعة وإنما كان علي رأسهم الواء بكري حسن صالح وزير الدفاع الراهن ورئيس جهاز الأمن حينئذ والدكتور نافع علي نافع الوزير ورئيس جهاز حزب المؤتمر الوطني الحاكم اليوم ومدير جهاز الأمن حينئذ,وكما ذكرت في الشكوة المرفقة التي تقدمت لكم بها بتأريخ 29 يناير 1990 من داخل السجن العمومي وأرفقت نسخة منه لعناية اللواء بكري,فقد جابهني اللواء بكري شخصيا وأخطرني بالأسباب التي تقرر بمقتضاها تعذيبي ومن بينها قيامي بتدريس نظرية التطور في كلية العلوم بجامعة الخرطوم,كما قام حارسه بضربي في وجوده.ولم يتجشم الدكتور نافع تلميذي الذي صار فيما بعد زميلي في هيئة التدريس في جامعة الخرطوم,عناء التخفي وإنما طفق يستجوبني عن الأفكار التي سبق أن طرحتها في الجمعية العمومية للهيئة النقابية لأساتذة جامعة الخرطوم وعن زمان ومكان إنعقاد اللجنة التنفيذية للهيئة,ثم عن مكان تواجد بعض الأشخاص كما ورد في مذكرتي وكل ذلك من خلال الضرب والركل والتهديد الفعلي بالقتل وبأقوال وأفعال أعف عن ذكرها فعل الدكتور نافع ذلك بدرجة من البرود والهدوء وكأنما كنا نتناول قهوة في نادي الأساتذة.علي كل حال المكانة الرفيعة التي يحتلها هذان السيدان في النظام من ناحية وثبات تلك التهم من ناحية ثانية,يجعل حالة التعذيب هذه من الوضوح بحيث تصلح نموذجا يتم علي نسقه العمل لتسوية قضايا التعذيب علي قرار ما فعلته لجنة الحقيقة والوفاق الخاصة بجرائم النظام العنصري في جنوب أفريقية.
|
الدكتور فاروق محمد ابراهيم الاستاذ السابق بجامعة الخرطوم و احد ضحايا بيوت الاشباح و ضحايا تلميذه نافع علي نافع .
لكي لا ننسى .. ضحايا بيوت أشباح د. نافع
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: خدر)
|
عزيزي خدر بعد التحية والاحترام اسمح لي بهذا بانزل الجزء الثاني من حديث الطالب البطل وهو تفريغ على عجل عشان الحق السوق
الفيصل بيننا الشارع وسلاح ما بنرفعو ...........واذا انت لهتك السلطة والعمارات الشاهقة ا الشارهة تقريبا ...في بري عن انك تقرأ التاريخ جيدا ....انا كنت اتمنى ان انو نافع على نافع البتكلم لينا هنا عن الاجندة الخارجية انت ما قاعد مع الناس في همشكوريب وفي دنقو المحس الناس بتعاني زيتا طالع الناس ما لاقية اتكلم لينا عن لقمة العيش الليلة الكليو بتاع السكر بي 53 جنيه في بلد فيها 200 مليون فدان صالحة للزراعة اتكلم لينا عن العيشة البقت عاملة زي الاضان وبي 300 جنيه نحن جعانين تجي انت تقيف لينا هنا وتقول شنو وبتاع يا شيخنا الشعب الجعان دا هو الحا يسقطك ... انت الليلة ما عايش اي معاناة انت اولادك الاثنين اللي قرو جامعة الخرطوم لي الليلة قرو قبول خاص ... ما بتخجل ...... ما بتخجل اولادك بقرو قبول خاص والشعب السوداني 90 في المئة منو ما لاقين اقرو وانت اولادك بقرو قبول خاص من قروش الشعب السوداني وين الاخلاق ولدك محمد نافع اتخرج من الجامعة وراكب عربية بي 200 مليون انا هسي مهندس كهرباء خريج جامعة النيلين عاطل ما لاقي شغل ومؤهل اكتر من ولدك ولد مربت تلاتة سنين في كلية الهندسة هنا وبعد دا كلو حا يتخرج ويتعين ولدك عملو ليهو منظمة خاصة عشانو محمد نافع وانا من اكفأ خرجيجين الهندسة قاعد عاطل .... انتهي
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: جمال الباقر)
|
ما حا يخلوه بكرة حا يلصقوا ليه حاجة ويلفقوها ليه اسمعوا كلامي دة كويس الزول دة شيلوا صورته وختوها لي منظمات حقوق الانسان احتياطيا نافع ما بخليه دة زول ما بعرف يعيش الا وسط الدم تقول فيروس ايدز الزول دة الناس لازم تدعمه معنويا وماديا لانه حا يترصدوه
تليشة: يا الشايقي ود الباوقة مخموم ساكت لكن حاجاته دي موش تجيب ام كلعلع.. دي تسوي الكرجة قينقرد
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: خدر)
|
خدر وضيوفك الكرام .. سلام،
التحية للباشمهندس (محمد) على هذه المجابهة العتيدة ..
Quote: خدر
عندى ليك كلمة واااحدة
لا بورك فى فنكم ان لم يخلد وقفة هذا الولد شعرا و لحنا و لوحة |
ما قاله (محمد) في وجه (نافع) يرقى إلى أن يجعله رمزاً .. وهي دعوة أيضاً لكل المبدعين والتشكيليين .. وأكيد ريشة أخينا(عمر دفع الله) ما حتفوتها ..
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: نصر الدين عثمان)
|
مساكم زين يازينين في شي غريب حاصل...الكيزان في غمرة فرحهم بي اولاد الصادق والميرغني بيكون اتخيل ليهم انو الشارع صالحهم؟؟؟ ليه فاتحين نفسهم ومنفتحين على الجماهير؟؟؟ الناس ديل يا اما اغبياء او اغبياء....بعدين الزول البيوزع فرص النقاش في لقاء نافع مع طلبة جامعة الخرطوم دخل الزول ده كيف؟؟؟؟الكيزان ديل فقدو مواهب الرصد والتوقع؟؟ ولا المسائل فلتت منهم؟؟ولاشباب المؤتمر الوطني نسج لي نافع المكروه فخ؟؟؟ البيهمنا انه الباشمهندس عالِم هو ناطق باسم الشعب السوداني ومعاناتو.......كان بيهمني جدا اعرف نافع رد قال شنو؟؟؟التوقع انه ح يهاتر ويقل ادبو طبعا لكن في حتات صعب الرد عليها زي حتة ولدو المربت والراكب عربية بي متين مليون وحتة القبول الخاص ..... نافع مكروه وسفاح وقبيح وقليل ادب و###### ويفترض بجدية الناس تتجاوز احزابها والشباب يواجه بالطريقة دي او الكيزان يبطلو يخاطبو قواعد جماهيرية ده حصار مجيد لي نافع وينبغي اننا كلنا لمن تحين لينا فرص في اي انقاذي مانتواني نخطب ونرفع عقيرتنا بالهتاف ...والدعاء انه ربنا يخلصنا منهم ضااااااااااااااقت وكتمت ياكيزان وضيقتها ح تطلع روحكم يسلم فمك ياباشمهندس ويخضر ضراعك ياطارق ولانامت عيون الانقاذ المجرمة بالجد ياجماعة محتاجين شباب زي ده يطلعو ويواجهو في اي لقاء تاني يعملو كوز وانقاذي دي طريقة مجدية ومنتجة ومرعبة للكيزان.........منهم لله وربنا يقلعهم ويريحنا منهم ...كرهووووووووووووووووووووونا
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: خدر)
|
ياخدر ممكن نستأذنك لقراءة عكس التيار لهذا الذي يحدث
اولا لايوجد اي موضوع شجاعةفي هذا الكلام وتسلم الفراسة اذا كانت هي هذه الفراسة
ثانيا اي واحد ######## او شجاع بامكانه ان يمسك المايكرفون ويسب الدين لنافع علي نافع لانها ندوة راي ورأي اخر
ثالثا : كان من الباب العدالة الاعلامية ان تأتي بالرد على كلام هذا الفارس من منازلهم لان الذي تحمل هذا القول له رد فاين الرد على هذا
رابعا تخيل ان امامك مايكرفون ويجلس الصادق المهدي في المنصة او نقد اوالميرغني ما الذي يمنعك من ان تقل للسيد الصادق ( انك كذاب ومغرور ومريض بالسلطة اولادك درسوا في اوكسفورد وانت اشتريت شهادتك كلها بما فيه وانتم عايشين على اتاوات الانجليز وبنيتم قصوركم على حساب الشعب وبالشعوذة وان ماقاله فيك عمك صحيح وانك اقرب للكفر من الاسلام بما تنطوي عليه من شعوذة وادعاء للامامة وتسمية ولدك بالامير،،،،، الخ القول الساقط) الذي يمنعك ادبك وادب الحوار واحترام نفسك وعدم اشاعة القول الفاحش والبذي وعدم الانجرار في مثل هذه السفاهة والفهاهة خامسا ما الذي يمنعك ان تقول لنقد انك رجل خارج التاريخ وشيوعي واعترفت بكفرك وعدم صلاتك ثم ذهبت للحج وانك على رأس حزب فاشل يعبر عن حالة نفسية ولايعبر عن حالة فكريةوانك وراء كل الموت والعنف في السياسة السودانيةوالانقلابات والعمالة وما الذي يمنعك ان تقول للميرغني انك موهوم ولاتمتللسودان بصلة وان ابوك عميل وجدك جاء مع الانجليز لملاحقة عثمان دقنة وانك عايش في القصور لاتعرف عن السودان شيء ...الخ هذه الشاب الهائج المائج ليس فارسا مجرد شخص اقل من عادي وبعثي موتور وجد الهواء فضرى عيشه الفراسة كانت زمان عندما كانت الجامعة محاصرة بالجيش والطلاب يؤخذون من غرفهم الى سجن كوبر هذا مجرد رأي اخر في غمرة الحماس
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: خدر)
|
ديشاااااااااك!!
ولد و الله!!
---------
و برضو يقولوا الشعب .. الشعب .. الشعب حتى قلنا اتلهوااااااا .. بتغشوا في منو!؟ في روحكم!؟ .. و لّ عايزين تغشوا الخلقكم!؟ لا حول و لا قوة الا بالله
الشعب دا انتو ما منو يا نافع و من لف لفه لو منك انتحر و الله!!
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: خدر)
|
Quote: هذا الشاب من الواضح انه منفعل جدا
لذا كانت عباراته اقرب الى التهريج من نقل الموضوعية
انتهى |
ود الباوقة
تحياتى
انت بى صحك ولا بتكابر
الشاب لخص الواقع السودانى بصورة مذهلة
تحدث عن تدهور التعليم وعن الشهادات العليا
التى منحت لكل من هب ودب تحدث إنتهاكات حقوق
الإنسان متمثلة فى إغتيال محمد عبد السلام وتحدث
عن عدم المساءلة لقاتله وتحدث عن دور نافع فى
تخريب السودان والأموال الطائلة التى يحتكم عليها
أشار الى البطالة المتفشية و المحسوبية وتحدث
عن الضائقة المعيشية والغلاء . بى جنس كلامك ده با ود
الباوقة يوم سأُصاب بتكلس فى النخاشيش . ربنا يهدبك
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: Elfatih Abuelhia)
|
يا شعبا تسامي يا هذا الهمام
عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني عاش نضال الشعب السوداني
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: abdelrahim abayazid)
|
خدر
تحياتي
دنافع هنا ومن خلفه ا الطلاب لاسلاميين
قامو ا بفضح
البعثيين والشيوعيين والقومين العرب
ومن شايعهم من بني علمان واليسار
لانه اثبت ان قيادات المؤتمر الوطني ينقبلون النقد ولو كان مرا ويجلسون مع الخصوم للحوار
وهذا ما لم يحدث في مايو الحمراء ولا اليمن الجنوبي ولا العراق حينما كان الشيوعيين علي دست الحكم
ولم ولن يحدث للبعث السوري او العراقي وحتي في جيبوتي ان حكمها البعثيين
وكذلك لم يحدث في حكم عبد الناصر
لان الديمقراطية عندكم هي العنف الثوري
وهي لن تكون الجامعة جزيرة رجعية في بحر ثوري هائج
وانت ياميايو الخلاص
ونشق اعدانا عرض وطول
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: عمر صديق)
|
Quote: دنافع هنا ومن خلفه ا الطلاب لاسلاميين
قامو ا بفضح
البعثيين والشيوعيين والقومين العرب
ومن شايعهم من بني علمان واليسار
لانه اثبت ان قيادات المؤتمر الوطني ينقبلون النقد ولو كان مرا ويجلسون مع الخصوم للحوار وهذا ما لم يحدث في مايو الحمراء ولا اليمن الجنوبي ولا العراق حينما كان الشيوعيين علي دست الحكم
ولم ولن يحدث للبعث السوري او العراقي وحتي في جيبوتي ان حكمها البعثيين
وكذلك لم يحدث في حكم عبد الناصر لان الديمقراطية عندكم هي العنف الثوري
ونشق |
نقد؟؟؟ييا استاذ عمر نقد؟؟؟الراجل ده لكن ماقام ينتقد....الراجل ده قام يواجه نافع بجرايمه...النقد لمن يحصل خلل بسيط في الحياة زي حصل تضخم او جاء زلزال والحكومة ما تصرفت سريع.... بعدين الجلسة ماحوار ...الجلسة مخاطبة وكانو متوقعنها روتينية وزي صاحباتها.....نافع مابيقدر يحاور يا سيد عمر وربنا بيسألك عن الكلمات المُضللِة اللي انت بترشنا بيها دي...نقد وحوار وعايز تسوقنا في نسيجك... نافع لو ضكران اليعمل مناظرة في تلفزيون او حوار في مكان ما....سلطتك دي بتحاور نفسها بس لانها عارفة مآلات الحوار شنو.... ثم انه نافع تحديدا ما بيصلح لي اي حوار....نافع بدا الحياة بالشقلوب ...نافع عذب الناس في بيوت الاشباح وكتلهم والحتة الجابها ليك خدر قدام عن تعذيب الاستاذ الجامعي غيض من فيض نافع يعذب ويكتل ويستهين بالناس ويشتم ولمن يكتشف انه ارادة الناس غلاّابة يتقهقر ويتراجع ويحاور؟؟؟؟؟ ماتحاول ياسيدي انك تخفف من وقع جرائم الانقاذ المدونة والموثقة والمرصودة...الانقاذ نجحت في انها تعبي الشعب السوداني بمستوى زي مستوى الباشمهندس ده والكل ح ينفجر ولحظتها انتو ح تقعدو في السهلة ويوم القيامة ياعمر خلي نافع ينفعك في بلعك للنصيحة تعال جاوب....حصل تعذيب للناس في بيوت الاشباح ولا لأ؟؟؟حصل كتلو تمنية وعشريت ضابط في شهر حرام ولا لأ؟؟؟حصل فساد ولا لأ ؟؟؟حصل تشريد من الخدمة المدنية ولا لأ؟؟؟ ياخ دخلنا معاينات للنائب العام نحن ...سألونا عن فرائض الوضوء....وده عشان يتعينو اصحاب الولاء على حسابنا نحن اصحاب الكفاءة ....ايوه نحن اكفاء وحرمونا فرص التوظيف عشان نلاقي لقمة حلال والكانو موجودين ومعتاشين من مال الدولة لمن جيتو طلعتوهم لاسباب سياسية ماعندها اي علاقة بتقصير مهني او غيرو وتجي تقول نقد؟؟؟انتو حاربتونا في لقمة عيشنا وفي حرياتنا الاساسية الموقعة عليها جمهورية السودان في الاعلانات بتاعت حقوق الانسان وانتو سلبتو ارواح بريئة زي روح قريبي مجدي وغيرو وغيرو وغيرو من الماتو في زنازينكم وتجي تقول نقد؟؟؟؟؟؟ نحن ماوجهنا لي نافع نقد نحن وجهنا ليهو تهم بيستحق عليها الشنق والتقطيع والتنكيل عشان يبقى عبرة يللا انت وكل زول مابيقول كلمة الحق شكيناكم للواحد الاحد الفرد الصمد يورينا فيكم يوم واحد واحد لانكم شركاء وكلمة الحق عصية
----التحية للفارس المهندس السوداني اب قلباً حار وربنا يغطيهو من بطش عصابة الانقاذ.... شدو العزم ياشباب عشان نخلي اي لقاء ليهم يوم اغبر في حياتهم
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: abdelrahim abayazid)
|
يا اخوانا والله يا دووووب الكيزان لقو ليهم دعاية لصالحهم، ومافي أقوى من الدعاية دي. هسي لو قالو ليكم شوفو الحرية دي كيف؟! شوفو الديمقراطية دي؟! شوفو الزول ما محتاج لا يسافر لا يطلب لجوء سياسي عشان يناضل. كل المحتاج ليهو ندوة لأي مسؤل في أي جامعة ويمسك المايك ويقول الدايرو
ما قولكم؟
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: abdelrahim abayazid)
|
Quote: خدر ممكن نستأذنك لقراءة عكس التيار لهذا الذي يحدث
اولا لايوجد اي موضوع شجاعةفي هذا الكلام وتسلم الفراسة اذا كانت هي هذه الفراسة |
عبد الملك نوعك انت وود الباوقة مافى زول محتاج منكم لكلمة حق لانو فى موقف زى ده الواحد بكون فيكم برجف وراجى متين زى البطل ده يخلص من كلامه عشان يقول الرد الرد كبارى وسد. ياخى اخجلوا واعملوا ليكم شوية دم عشان خاطر المسحوقين هناك انت عارف اسوأ انواع العنف هو الذى تمارسه الحكومات لانو دائماً ما يقابله ما هو اسوأ منه من الجماهير لان الظلم حار ، ناس يزيد يأسهم وناس يزيد بأسهم وناس يزيد بؤسهم (ويا الحاسب سكات الناس رضا امانه بطونا ماها غراق) كا قال حميد.. دحين انصروا ناسكم ديل ظالمين ومظلومين لكن التطبيل فى الحق والباطل قبيح ويكسر خاطر الرجال. ويشرح مدى الارتزاق والازمات النفسية التى يعيشها الانسان. الشاب ده اتكلم عن معاناة 90% من الشعب السودانى والرسول صلى الله عليه وسلم قال: ابلغونى حاجة من لايستطيع ابلاغها فمن ابلغ ذا سلطان حاجة من لايستطيع ابلاغها آمنه الله يوم الفزع. دحين نافع السلطان وهذا الابن الباسل المبلغ نسأل الله ان يآمنه يوم الفزع. اما انتم فستظلون تهتفون للباطل الى يوم الدين وآذانكم فيها ما فيها من وقر المشايعه الباطله.. اصلحكم الله،،،،
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: محمد يوسف الزين)
|
Quote: دحين نافع السلطان وهذا الابن الباسل المبلغ نسأل الله ان يآمنه يوم الفزع. اما انتم فستظلون تهتفون للباطل الى يوم الدين وآذانكم فيها ما فيها من وقر المشايعه الباطله..
|
بالله باطل اكثر من كونك حركة شعبية ،،، ثم الى اي ظل ظليل تهرع انت يوم الفزع ،،، حتى يأمن الله هذا او ذاك من فزعه يوم لات حين مندم دافع عن قناعاتك ودع كلا الى قناعاته حتى نتجنب حوار البارات
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: محمد يوسف الزين)
|
Quote: لانه اثبت ان قيادات المؤتمر الوطني ينقبلون النقد ولو كان مرا ويجلسون مع الخصوم للحوار |
يا زول كلامك ده قوله لى زول ماعنده حديده!! شوف انت ده الزى (جعـ... البقرة لابسلخوهو مع الجلد لابختوهو مع اللحم ده) لو كنت حاضر وعارف الشهم ده بقول 1% من كلامه ده كان اتشعلقت فى سلك الكهرباء وانتحرت عشان الكهرباء تقطع، ولكن فاجأكم هذا الشجاع بوابل من الضربات المتتالية حتى فغرتم الافواه مشدوهين من مثل هذه الشجاع وامام من؟ امام من تحسبون انه اسد الانقاذ وصقرها الجارح لانكم تعودتم امام نافع هذا لا تقولو غير جزاك الله خير.. نافع هذا اخر من يقال عنه انه ديمقراطى.. قوم لف واتذكر قول حميد: يا الحاسب سكاتنا رضا امانه بطونا ماها غراق،،،
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: د. ياسر عبد القادر)
|
Quote: يا اخوانا والله يا دووووب الكيزان لقو ليهم دعاية لصالحهم، ومافي أقوى من الدعاية دي. هسي لو قالو ليكم شوفو الحرية دي كيف؟! شوفو الديمقراطية دي؟! شوفو الزول ما محتاج لا يسافر لا يطلب لجوء سياسي عشان يناضل. كل المحتاج ليهو ندوة لأي مسؤل في أي جامعة ويمسك المايك ويقول الدايرو
ما قولكم؟ |
يا ود الزين يا خوي الراجل ده إتعذب وشبع تعذيب في شهر 1 الفات هو الكان بخطب من ضمن شباب شرارة في السوق والشارع ويطالب بالمظاهرات وخاصة مظاهرة 29 يناير قبضوه وسجنوه شهر ضاق ما ضاق من التعذيب على ايدي شفع الأمن , وحرموه يطلع المظاهرة ( راجع بوست شباب من أجل التغيير في نفس الموضوع ده ) لكنه طلع اكثر قوة وعزيمة وإصرار المسألة ما مسألة ديمقراطية المسألة مسألة هجيمة ساااااي الناس ديل لي هسه مخلوعين من المواجهة القاتلة دي ولو في اي كلام قالوا زولهم ده , والله كان جوا جاريين كبوا لينا هنا لكن لأنه مفلس سكتوا كلهم وما قادرين يضاروا خجلتهم واللــــــــــــــــــــــــه صحي
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: حبيب نورة)
|
Quote: بالله باطل اكثر من كونك حركة شعبية ،،، ثم الى اي ظل ظليل تهرع انت يوم الفزع ،،، حتى يأمن الله هذا او ذاك من فزعه يوم لات حين مندم دافع عن قناعاتك ودع كلا الى قناعاته حتى نتجنب حوار البارات |
طبعا قصدت ان تشتت الكورة اطلع من هنا وانا سوف اخرج وافترع بوست عن انتمائى.. المكان ده انضف من مثل ترهاتك ده مليارات المرات.. لاتفتكر حا اكتب ليك حرف واحد تانى مهما كتبت الا اذا ذهبت الى بوست اخر،،،،
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: صديق الموج)
|
خضر ياخ الفرحة نستني اسلم عليك كيفك مشتاقين والله والله صحي عارف بوستاتك كلــــــــــــــــها كوم والبوست ده بي عمرك كلو والله صحي عارف تاني نجندك غفير يوتيوب على وزن حاج تلب والله صحي اها البوست ده مش يرفعوا بكري فوق بس , ده المفروض يختوا صلعتك وصلعة بكري يافتتين والبوست في النص والله صحي وانا متبرعه اقيف جمبكم , كل ما ينزلق اديه رفعة لا فوق وكتااااااااااااااار بساعدوني والله صحي
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: Elkhawad)
|
اسمع يا خدر عليك الله و بالله طلب مهم جدا ووالله سبقني ود الموج دايرين البوست ده يلف لامن كلهم يلفوا يطلعوا بره إت لوما رفعته نحن بنرفعه تب من أرشفة لي ارشفة ونباريه كده يكون في الصفحة الأولي كل يوم مع شراب الشاي بي لقيمات كمان والله صحي
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: awad okasha)
|
Quote: يا اخوانا والله يا دووووب الكيزان لقو ليهم دعاية لصالحهم، ومافي أقوى من الدعاية دي. هسي لو قالو ليكم شوفو الحرية دي كيف؟! شوفو الديمقراطية دي؟! شوفو الزول ما محتاج لا يسافر لا يطلب لجوء سياسي عشان يناضل. كل المحتاج ليهو ندوة لأي مسؤل في أي جامعة ويمسك المايك ويقول الدايرو
ما قولكم؟ |
قولنا انو لكيزان افتكروا انهم بشتروا الناس ناسين الناس الغبش والمناضليين الحقيقيين فاكرين عبدالرحمن وجعفر الحناكيش المدللين بمثلووا الناس وهمهم اها لقوا ان تصورهم غلط وانو هم بمثلوا انفسهم الضعيفة فقط والجماهير بيقودوها ويتقدموها اقذام و تاكدوا ان الشارع ضدهم والشعب يريد اسقاطهم وامثال العالم هم الذين يمثلون حقيقة الشعب السودانى المطحون
| |
|
|
|
|
|
|
Re: نافع علي نافع يتعرض للقصف بجامعة الخرطوم (Re: خدر)
|
شكرا خدر ياخى دا اجمل كلام اسمعوا دا اجمل من أجمل أعنية واروع من كل شعر إتكتب
.......
هو بالله تراهو كلمة الحق فى وجه السلطان الجائر حلوة كدا ؟؟؟؟
كلام يغسل النفس من الهموم
بارك الله فيك يا بتاع حزب البعث العربى
لو دا راى زول فى حزب البعث إذن لا يوجد حزب كعب وحزب كويس الا حزب الكيزان فإنه قد فات كل القباحة
تسلم يا هذا
| |
|
|
|
|
|
|
| |