|
Re: يا زريباب : أيهما أحلى : الطحنية بالسكوهانة , أم الفطير بالأدوكة؟ (Re: Mohamed Abdelmotalib Hassan)
|
أعتقد أن غياب البدري اليوم وتسلم جبرة القيادة قد أغرى الأخير ليتعنظز قليلاً ويثور في وجه الحكم ويخرج عن طوره وكاد أن يفسد على الزعيم فرحته , وحاول مع الحكم الزبالة , ذلك على الرغم من ثقتي الكبيرة في جبرة ومطالبتي المستمرة بتوليه قيادة الجهاز الفني للزعيم حتى قبل الإستعانة بالبدري , لكن بدايته اليوم لم تعجبني بسبب إنفعاله مع حكم المباراة المتآمر على الزعيم , أرجو أن يهتم بالأمر وألا يصيبه الغرور .
لو كان البدري موجود ما أظن كنت تقدر تعمل كده يا جبرة.
| |
|
|
|
|
|
|
Re: يا زريباب : أيهما أحلى الطحنية بالسكوهانة , أم الفطير بالأدوكة؟ (Re: صبري طه)
|
Quote: كويس إنك عرفت علتنا وين ...
فلولا المُعز لم انهزمنا من قبل من مازمبي بالخمسة ... وأستغرب على إدارة الهلال لماذا لم تفكّر هي في الحضري قبل المريخ .... |
يا ريت لو علتكم واقفة على المعز بطة الغالباهو النطة , إنتو محتاجين لتغييرات جذرية في كل الخطوط , ومحتاج تغيير على مستوى النادي كمؤسسة , يعني سعادة الملاكم الكبير عايز يديرها على طريقة دكاكين الخيش وجركانات الزيت الفاضية .
الحضري ده زول بهلوان وبلعب بالبيضة والحجر , وقدر عمل جمال الوالي كبري يحل بيه ديونه ومشاكله مع الفيفا والزمالك , دقسة عمره جمال الوالي , أنا لو منه أستلم جوازه وأخليهو يقعد كنب لما يكره نفسه ويرجع كل القروش المدفوعة , آآآخ لو عندي سلطة في النادي , الحضري كنت خليتو زي المجنون!!!!
ومن أكبر العلل جدو هيثم المكنكش فيها لي جنا الجنا ده.
قسماً بالله لما أسمع هذا البرير الطرير يتكلم كأني أستمع لي شماشي , حتى الشماشة ليهم أدب. شكله زاتو غبي زي الغبي اللتخ طارق الكوتش الوســـخــان.
خط دفاعكم في الروابط ما لاقاني.
| |
|
|
|
|
|
|
Re: يا زريباب : أيهما أحلى الطحنية بالسكوهانة , أم الفطير بالأدوكة (Re: Mohamed Abdelmotalib Hassan)
|
محمد عبد المطلب تحياتى
متجدع فى الجماعة .. ما خليت ليهم جنباً يقبلوا عليهوا قال أيه المريخ هرب من الهلال يوم كاس السودان .. قال حمام ميت زىدى بيهربو منو؟ .. ونزالة التحكيم خير دليل ما كان سيلاقيه المريخ اضعافاً من جور التحكيم لتعطيله فى مبارتيه الدورتين عقب مباراة الكاس
غايتو منظر سيف مساوى ما عارف ليه ذكرتنى بى قوفى يا خى أديكو دا سادى وإرهابى ما عندو رحمة أصلو
مجدى شمس الدين .. الطريفى الصديق .. أسامة عطا المنان حان موعد رحيلهم .. فلتكن حملة لا تهدأ لتطهير الرياضة لمستقبل أفضل لكرة القدم بالسودان، ولعدالة التنافس
| |
|
|
|
|
|
|
Re: يا زريباب : أيهما أحلى الطحنية بالسكوهانة , أم الفطير بالأدوكة (Re: Hassan Senada)
|
Quote: محمد عبد المطلب تحياتى
متجدع فى الجماعة .. ما خليت ليهم جنباً يقبلوا عليهوا قال أيه المريخ هرب من الهلال يوم كاس السودان .. قال حمام ميت زىدى بيهربو منو؟ .. ونزالة التحكيم خير دليل ما كان سيلاقيه المريخ اضعافاً من جور التحكيم لتعطيله فى مبارتيه الدورتين عقب مباراة الكاس |
سلام يا نادر الفضلي , وعيد مبارك,,,
ياخي الزريباب ديل حيرونا , نحن فايتنهم بي أربعة نقاط , ومضروبين من أهلي شندي اللي لاعبنهم بجيبوهم إستاد شندي بي كااارو , ومتعادل مع نيل الحصاحيصا اللي بتمو لي إبراهومة مرتبه شوالات تبن وفاصوليا ونحن راصعنهم بي صاروخ سكواهي من طراز إسكوت في كورة شايته من قوز الناقة , وفي إستادهم بالتلتة كانوا كايسين ا للدرون وبعد ده كلللللللللللو يقولوا ليك المريخ زاغ مننا.
لذاذ ياخي الزريباب ديل , ده يكون من شنو بالله؟
هههههههههههه!!!
| |
|
|
|
|
|
|
Re: يا زريباب : أيهما أحلى الطحنية بالسكوهانة , أم الفطير بالأدوكة (Re: Mohamed Abdelmotalib Hassan)
|
Quote: مبروووووووووك يا ابوحميد الكاس الغالى ومبروك لجميع الصفوة ومبروك لاداراة بقيادة الدكتور جمال الوالى ومعا نقف ضد اداراة
الاتحاد بقيادة مجدى شمس الدين واسامة عطا المنان والطريفى |
يا حسن , سلام وعيد مبارك , وألف مبروك,,,,
مع إني زعلان جداً من دقسة جمال الوالي في صفقة الحضري الحرامي , لكن للرجل إسهامات مقدرة في مسيرة المريخ وما وصل إليه حال الفريق في عدة مناحي.
أما بتاع أم دوم مين شمس الدين ده , فالمفروض الناس تشوف حل لي قصة الزول المستهدف المريخ في كل خطوة ده.
| |
|
|
|
|
|
|
Re: يا زريباب : أيهما أحلى الطحنية بالسكوهانة , أم الفطير بالأدوكة (Re: khaleel)
|
Quote: هلا وغلا استاذ محمد
لسع الكتوف ما اتلاحقت عندنا عشرة ممتاز وعندكم ستة
سددو العليكم وبعدين نتفاهم
بعد شهرين تنطلق بطولة الاندية الافريقية
وستظهر ان كانت هناك سكوهة ادككة من عدمه
تحياتي |
أووو , خليل يا هندسة , مرحبتين والله
طيب يا خليل ما نحن في كأس السودان عندنا عشرة وعنكم سبعة , يعني ما كان مفروض قصة زايغين دي!!!
يا خليل :
أقول الكلام الجد :
تاني فريق سوداني حيجيب كأس من برا مااااااااااااافي , القصة دي خلاص أمرها أصبح مفروغ منه , كل الدول حواليتا فاتونا بي مراحل يعني الفرق السودانية الشال كاس زمان شال , والما شال تاني عشم إبليس في الجنة.
يعني نحن ولله الحمد شلنا لينا كاسين تلاتة , أما إنتو فليس لنا سوى أن ندعوا الله لفريقكم بالثبات وحسن الخاتمة. شايفكم بقيتوا تقابضوا في مشاطيبنا ناس بهاء الدين أبو أخلاق نتشة , نعتبر ده إنذار للمعز بطة ولا شنو؟
| |
|
|
|
|
|
|
Re: يا زريباب : أيهما أحلى الطحنية بالسكوهانة , أم الفطير بالأدوكة (Re: وليد عبد اللطيف)
|
الزريباب سجلوا حارسين وشطبوا حارس , الغريبة المعز بطة ما إتشطب , والغريب برضو إنه واحد من الحراس المسجلين بهاء الدين مشطوبنا , وحارس مرمي الجريف. إنتو ما تبتوا من البجيكم من الجريف ديل؟ سيف فساوي ده ما كان مجدوع هناك . الظاهر الزريباب من الخلعة تسجيلاتهم حتكون حراس مرمى بس , أربعة حراس؟ الود جمعة الشغال , وعمو المعز بطة , وبهاء الدين نتشة , وبتاع الجريف المرة يمشي ومرات يقيف!!!!
أسامة التعاون ده نجهتو ليكم أنا!!!!
إن شاء الله بعد ده لي عمار يا زريباب!!!!
| |
|
|
|
|
|
|
|