|
|
 ما هي مهام منصب مساعد عمر البشير?
|
لكل وظيفة مهام معينة و صلاحيات
فما هي مهام و صلاحيات مساعد عمر البشير?
مثلا مساعد السواق يقوم باعداد الطعام و رمي الصاجات و رفع و تنزيل العفش.
ومساعد التدريس يصحح كراسات الطلاب و يساعد الطلبة فيما غم عليهم من قول الاستاذ.
هل هو منصب شرفي في احيان كثيرة, و الان منصب تكتيكي لاحراج حزبي الامة و الاتحادي?
----
طبعا مع حفظ حق ابني السيد الصادق و السيد الميرغني في فعل ما يريدان كشخصين راشدين وعاقلين و لهما الحق في الخروج عن ارادة حزبيهما
|
|
 
|
|
|
|
|
|
|
|
Re: ما هي مهام منصب مساعد عمر البشير? (Re: بدر الدين احمد موسى)
|
عاطف مكاوي
تحيات وسلام
"لا مهام يا بدر .... والشعب السوداني كله يعرف ذلك وأولهم المساعدين."
نعم يا عاطف, الشعب يعرف بانه منصب وهمي للمخادعة و الترضيات.
و الان نكاية في الاحزاب التي رفضت مشاركة الانقاذ, يتم استهبال حفيدي المهدي و الميرغني.
منصب نكاية!
| |
|
|
|
|
|
|
|
|
|
Re: ما هي مهام منصب مساعد عمر البشير? (Re: ABUHUSSEIN)
|
معاوية الصايم
سلام و تحايا
نعم يا معاوية يجب فهم هذا التعيين كرد فعل تكتيكي يهدف اساسا لاحراج حزبي الامة و الاتحادي و ايضا
المعارضة.
و ينبغي ان يتم ضبط رد الفعل لكي لا يحدث اي دربكة في المعارضة, بالعكس علينا تصعيد الضغط على الانقاذ.
معارضة التعيين بين قواعد الامة و الاتحادي يعطي زخما للمعارضة ككل, و يجب ان نساعد القواعد في زيادة
الضغط الي ان يستقيل الاثنان.
علينا ان نزيد التضامن مع قواعد حزبي الامة و الاتحاد و نزيد الضغط على الانقاذ.
يللا يا معاوية طلع لينا فايلات الفساد برررررررة
| |
|
|
|
|
|
|
|
|
|
Re: ما هي مهام منصب مساعد عمر البشير? (Re: بدر الدين احمد موسى)
|
ابو حسين
سلام يا معلم
"الظهور في أجهزة الإعلام
و إستلام الراتب و البدلات نهاية الشهر "
عليك الله دي ما حسرة دي, لما تبقى غاية حفيدي المهدي و المرغني انهم يظهروا في الاعلام و يقبضوا المرتب?
ياخ الاتنين لو قعدوا في بيوتهم السودانيين برسلوا ليهم مرتباتهم في بيوتهم, و لو عايزين اعلام بنجيبهم كل
يوم في اي قناة او راديو, كما يختاران, بس ما يلوثوا سيرة اجدادهم العطرة بالمشاركة في الانقاذ
بعدين ياخ عبدالرحمن,كان صغير ولا جاهل, لما ناس الانقاذ قالوا ابوه شرد لابس برقع نسوان عشان هم ما
يعتقلوه!
ولا جعفر,صغير ولا جاهل, لما استهزأ يونس النبآح بابيه و عمه و مازال الانقاذيون يستهينون باسرته
النخوة وين يا اولاد الابطال!?????!!!!!
| |
|
|
|
|
|
|
|
|
|
Re: ما هي مهام منصب مساعد عمر البشير? (Re: بدر الدين احمد موسى)
|
يا كسر الله
Quote:
أنا بعرف لقصه النخره دى , ما ببقونى مساعد؟
|
كان دا كلو مؤهلاتك ..
المنصب دا بلدنا احق بيو ..
هناك اكلو (القرفة) دي عدييييييييل!!
------
اسي طرد السفراء دا ذاتو داير ليو استشارة و لّ مساعدة هو!؟
ثم ياخي الشباب ديل خبرتم في الحياة دي شنو ذاااتو!!
| |
|
|
|
|
|
|
|
|
|
Re: ما هي مهام منصب مساعد عمر البشير? (Re: سارة عيسى أحمد)
|
عصام جبرالله!
كيفك?
Quote: "انت حاكيها مالك ياخى ... البساعد الله بساعدو ... جنكم لولوه و مهام و تعريف ... مساعد دى كمان عاوزه شرح ... ما واااضحه
دى قويه
Quote: و ينغرف نخرته
أنا بعرف لقصه النخره دى , ما ببقونى مساعد؟ " |
يا جبرالله ياخ حاكنها معاهم لمصلحتهم ياخ!
هسع في زول عاقل يكتب في السيرة الذاتية بتاعته انه كان مساعدي لواحد مطارد و مطرود في كل الدنيا?
ياخ الله لا جاب ليك فاقة انك تكون مساعدي للبشير يا عصام, صدقني معرفتك لقصة النخرة ما حتحلك !
الواحد يجي الصباح الشغل و يسأل: اها في شنو الليلة?
يقولو ليه: و الله مافي حاجة, مافي حفلة الليلة!
يقول ليهم: طيب اعمل شنو?
يقولو ليه: امشي الفطور.
و بعد الفطور يقولو ليه امشي استراحة الفسحة الاولى, و بعدين التانية, و الساعة اتنين يقولو ليه امشي البيوت!
اها زي دا نخرة واحدة بتكفيه للنغرفة!? و تيييييب
| |
|
|
|
|
|
|
|
|
|
Re: ما هي مهام منصب مساعد عمر البشير? (Re: ريهان الريح الشاذلي)
|
قيقراوينا
ازيك ياخ, و الحجة مبرورة, ما كنت تكلمنا, نعمل بيها دعاية لنفسنا ياخ مع حجة نقد!
Quote: اسي طرد السفراء دا ذاتو داير ليو استشارة و لّ مساعدة هو!؟
ثم ياخي الشباب ديل خبرتم في الحياة دي شنو ذاااتو!! |
والله يا قيقراوي طرد السفرا دا الناس بعملوا ليهو دراسات عديل كدة, و بيجيبو خيرة العقول في العلوم السياسية و العلاقات العامة و التاريخ و الجغرافية و الموارد الطبيعية و غيرها, و يدرسوها حتى بعد داك, يطردوا سفير دولة.
ناس الانقاذ ديل شغلهم هبتلي ساكت, و قايم على "الجعولية" عشان كدة كل يوم و التاني لاحسين طراشهم.
واضح انه واحد منهما لا خبرة له, و الثاني عسكري. لكن المحير هم حايساعدوا البشير في شنو?
ياخ على عثمان محمد طه, مهندس الانقاذ وواحد من المخططين ليها, تيسوهو (من ريسه و تيسه) لما حرد و مشى السعودية و تركيا. و سلفاكير كان نايب البشير حيروهو في رقبته لما جرى جوبا و قعد هناك حردان, و مني مناوي, و.و.و.و.....
ياخ تاريخ الانقاذ في تتييس موظفيها ظاهر, بس ما عارف الاتنين ديل شايفين شنو!
| |
|
|
|
|
|
|
|
|
 Re: ما هي مهام منصب مساعد عمر البشير? (Re: قيقراوي)
|
| Quote: ديل انا بشتغلم بارتايمر في اوكات الفراغ بس! |
على قولك يا قيقا ..الموضوع ساهل جداً ..طرد سفراء بالنهار وجبجبه وهجيج بالليل ..
ولما تحس بالملل وتحب تعمل دراما ...تمشي الجامع وتخطب في الناس وترمي ليك حبة دميعات كده وتقول ليهم :
أنا ما كنت عارف انو في فساد في البلد ..مافي زول كلمني !! وبعدين انتو ما مؤمنين!! الفقر والمرض وباقي الحاجات البتشكو منها كلها أقدار من رب العالمين.
| |
|
|
|
|
|
|
|
|
|
Re: ما هي مهام منصب مساعد عمر البشير? (Re: سارة عيسى أحمد)
|
سارة عيسى احمد
سلام و تحايا
"Quote: هو كان ما ساي ..الجغمسه والدغمسه البسوي فيها السيد الرئيس دي عاوزة ليها مساعدة ؟!!
لو اصلو بطريقتو دي ...أنا دي.. ممكن عادي اترأس لي دولتين ... |
"
يا سارة, انا طبعا ما معترف بان البشير رئيس عشان كدة بناديه باسمه عمر البشير و زي كلامك والله ما محتاج لمساعدة و لا حاجة!
المسألة رقصة كل فينة و اخرى, و اوكامبو عامل ليه قراوندينق "grounding" زي الشفع لما يقولو ليهم اقيف جمب السبورة و ارفع يدينك فوق! او مافي تلفزيون لمدة يومين.
عمر البشير ما بقدر يفارق الخرطوم الا بضمانات ,و عمليا اصبح السودان غير موجود في المحافل الدولية و كرسي البلد شاغر, "رئيس" لا يستطيع تمثيل بلده, اها زي دا يساعدوه في شنو?
اللهم الا في اطفاء نار الحروب في "شمال كردفان و النيل الابيض" هههههههههه
يا سارة, كدي ختي الكورة في الواطة بالله, و قبل ما نحكم انك ممكن ترأسي دولتين و لا الامم المتحدة, بالله ورينا قريتي في ياتو روضة في الاول: لو قريتي روضة في امبدة او الحاج يوسف او الثورة او الكلاكلة, دا يؤهلك لرأسة الامم المتحدة; لانك حاتكوني خبيرة في حل النزاعات و الدشمانات, و ممكن تحلي مشاكل دارفور و جنوب كردفان و النيل الازرق ذاتها.
اما اذا قريتي الروضة في روضة "فينوس" و لا "دار الحنان و المحبة" و لا مثيلاتها, فممكن تكوني مساعدة و تساعدي في وقف الحرب في "شمال كردفان و النيل الابيض"!. فياخي لازم تورينا روضتك في الاول. ما تاكلينا حنك ساكت!
"| Quote: أنا ما كنت عارف انو في فساد في البلد ..مافي زول كلمني !! وبعدين انتو ما مؤمنين!! الفقر والمرض وباقي الحاجات البتشكو منها كلها أقدار من رب العالمين." |
هههههههههه يا سارة, كأنه ما شايف العمارات القامت زي الفطر بعد رشة المطرة في بيتهم!
خاله قال العمارات تسهيلات من ربنا!
زول كان ساكن بالايجار, و مجرد ضابط في الجيش, و صورته لما القى بيان الانقلاب بتوري انه كان كحتان و مفلس, هسع اسرته ساكنة في كافوري في قصور و الحسابات في البنوك الماليزية و الاندونسية, و عايز زول يكلمه عن الفساد?!!!!!
غايتو بس نقول الله في!
| |
|
|
|
|
|
|
|
|
|
Re: ما هي مهام منصب مساعد عمر البشير? (Re: بدر الدين احمد موسى)
|
| Quote: يا سارة, كدي ختي الكورة في الواطة بالله, و قبل ما نحكم انك ممكن ترأسي دولتين و لا الامم المتحدة, بالله ورينا قريتي في ياتو روضة في الاول |
ليه الاسئله التعسفية دي ؟!! عموماً ..الشفافيه مهمه في العمل العام ...وكده كده السيره الذاتيه بتاعتي حتظهر بعد تعييني في المنصب ..
روضتي كان اسمها روضة ماما حنان ...شفت كيف أنا جاهزه لمنصب مساعد رئيس .. وحالياً لا انتمي إلي أي حزب سياسي يعني ما حاعمل انشقاقات ولا جوطه..
لكن أنا شايفه إنو عندي المقدره اني أبقى رئيسه دوله ...
| |
|
|
|
|
|
|
|
|
|
Re: ما هي مهام منصب مساعد عمر البشير? (Re: صديق الموج)
|
ريهان
سلام و تحايا
"| Quote: غايتو ود المهدي ما شوفنا سيرتو الذاتية عشان نعرف قرا الروضة وين وبالتالي نحدد مهامو ، لكن ود سيدي المرغني ده قالو بتاع عربي ومعلقات احتمال يكونو جايبينو شاعر للثورة .... |
"
يا ريهان, عبدالرحمن المهدي اتلوم و الله, امبارح شفت صورته يؤدي القسم قدام البشير, ما شاء الله و تبارك الله, فوق للبشير قامة و هيبة. ياخي ليه زول زي دا يرضى يبقى مساعدي لزول انتهى بكل المقاييس?
اما جعفر الميرغني, والله ما عارف اقول شنو! مرة ازعل منه; لانه من اسرة لعبت دور في تاريخ بلدنا. ومرة ازعل ليهو; يعني زول في النهاية ما عارف حتى خريطة البلد يساعد بايه? واضح انه ناس الانقاذ ما حا ياخوه بجدية!
ان شاء الله تجيهم الفكرة سريع بعد سكرة المشاركة دي!
| |
|
|
|
|
|
|
|
|
|
Re: ما هي مهام منصب مساعد عمر البشير? (Re: بدر الدين احمد موسى)
|
صديق الموج
تحياتي
"| Quote: يقعد قدام الرئيس ويلولح راسه بس،،، |
"
مية المية يا صديق, و المغالط يمشي يسأل من سلفاكير و علي عثمان, لغاية مني مناوي و غيرهم
شئ يغيظ ياخ!
سؤال المليون جنيه هو لماذا يقبل عبدالرحمن المهدي و جعفر الميرغني ان يكونا مجرد خيالي مأتة في تشكيلة خاسرة و فاسدة?
| |
|
|
|
|
|
|
|
|
|
Re: ما هي مهام منصب مساعد عمر البشير? (Re: بدر الدين احمد موسى)
|
Quote:
تشتغل دولتين بارتتايم, اصلك قاري كم روضة ياخ?
يا قيقراوي, هسع بحسبو مواهي الناس ديل كيف لو مافي توصيف للوظيفة?
|
ولا واحدة!
خلاوي سااااي!!
لو في عدل في ارض السودان الشغيغ يبقوني رئيس، و رئيس وزراء، وقائد عام لقوات الشعب المسلحة ذاتو
المافي شنو هو!؟
ياخ في الوكت الكان فيو جعفوري مشمول بحنان الروضة انا كنت بجي فيو من المدرسة و برمي شنطي و على جامع الختمية عدل للدرس
انا ختمي-سابقاً- بعرق جبيني و استرضاء للوالد عليه رحمة الله .. و هو بالميلاد!!
منو الاحق بالرئاسة ذاااتا!!؟
متين يتحقق العدل على الارض في البلد المنكوب دا!!
----
اما ما لف محور سؤالكم عنه حول "الوصف الوظيفي" و المخصصات المالية ..
فيسعدني .. بل و يشرفني ان اصفو بـ"سؤال تعسفي"
انت ما سمعت بامظاريف البرسلا الرئيس للوزراء (باعتراف وزير عديييل)!؟
مشروعنا - بعد ابقى مساعد ياي طبعاً- قائم على الدغمسة ساي ..
نقطع بعدين نحسب .. دا طبعاً ان وجد حساب من اساسو!
للضمان كدا انا ما بكلمم اني محاسب ذاتو ..
و انت استرني في الحتة دي عليك الله .. سمح
كلمة (حساب) دي ساي بتعمل ليهم امهلاهلا!
| |
|
|
|
|
|
|
|
|
|
Re: ما هي مهام منصب مساعد عمر البشير? (Re: قيقراوي)
|
قيقراوينا يا نحرير
خلاس اتفقنا ننسى انك محاسب و لما تبقى مساعد تقسم لي!
المشكلة تقسم لي كيف بلا حساب? دي الخواجات بسموها كاتش تونتي تو يعني مشكلة بلا مخرج
الله يسألك يا قيقراوي, ما قريت روضة?
ياخ انت ستكون رئيس عديل, قاري خلوة في القيقر! ياخ كمية المشاكل البتكون حليتها في الطريق من البيت للخلوة براااها تكفيك خبرة, مقارنة بخريجي روضة "دار الحنان"البمشو بالعربية و يرجعو بالعربية. ظبعا اساسا الخلاوي خالية حنان, فلو بتاع الحنان مساعد العدل بقول بتاع الخلوة رئيس.
بالله يا قيقراوي راجي يكون فيها عدل?
| |
|
|
|
|
|
|
|
|
|
Re: ما هي مهام منصب مساعد عمر البشير? (Re: بدر الدين احمد موسى)
|
| Quote: ما هي مهام منصب مساعد عمر البشير? |
توازنات سياسية تصب في مصلحة حزب البشير
عمليا جلوس في مكتب صغير كما وصفته لقراءة الجرائد اليومية وحل الكلمات المتقاطعة والرجوع للبيت بعد نهاية الدوام علي عربة القصر الجمهوري متبوعة بي موتر حركة
وهكذا دواليك
Zainelabdin elhilayla
| |
|
|
|
|
|
|
|
 Re: ما هي مهام منصب مساعد عمر البشير? (Re: بدر الدين احمد موسى)
|
Quote:
الله يسألك يا قيقراوي, ما قريت روضة?
|
و الله صحي
يبدو لي انو طغمة الخرطوم دي مصرّة انو (المهمشين) إلا يشيلوا سلاح عشان يبقوا مساعدين!
------
اسي كان عينوني من ن ن ن قبل 9 يوليو ما كان ممكن اعمل ليكم حاجة بخصوص الوحدة؟
زول قاري خلوة حاج عبد القادر دينق في القيقر عديييل كدا!
| |
|
|
|
|
|
|
|
|
|
Re: ما هي مهام منصب مساعد عمر البشير? (Re: قيقراوي)
|
هو مهام منصب عمر البشير ذاتو شنو ؟ خليك من مساعدو
لأنو في كتير من الاحيان زي الما عندو مهام ..!
هسع زي المناصير ديل كان عندو مهام كان بخليهم في حاله زي دي ؟
غايتو كان انا بخلي الوالي زاتو يبيت معاهم ، وينفرم زيهم، وكان ابى بكتب تعليق
في تقرير جهاز الأمن للرئيس عن المناصير ما يلي
هذا الوالي : يُعاد الخِـتان له مره أُخرى ...
صدر تحت توقيقي
المشير: عمر البشير
رئيس الجمهورية
| |
|
|
|
|
|
|
| |
بدر الدين احمد موسى
أحمد ابن عوف
عاطف مكاوى
معاوية عبيد الصائم
Adam Omer
ABUHUSSEIN
قيقراوي
سارة عيسى أحمد
ريهان الريح الشاذلي
صديق الموج
elhilayla
Hisham Ibrahim
بدر الدين اسحاق احمد
فيس بوك
تويتر
انستقرام
يوتيوب
بنتيريست