|
|
 لمُشتركي زين المغبونين (هديّة)
|
بالله شوف..!!
المُوظّفة قالت ما مُمكِن أوفِّر خِدمة نِظام الحِساب بالثّانية لي ناس و هُم بيكونوا ما مُحتاجِنّها..!!!!؟
و داسين الكود
بالله شوف..!!!
ياخ إنتو مالكم و مالُم
أعلنوا عن الكود و سيبو للنّاس القرار
مُش تقرِّروا نيابة عنّهم
|
|
  
|
|
|
|
|
|
|
 Re: لمُشتركي زين المغبونين (هديّة) (Re: علاء الدين يوسف علي محمد)
|
Quote: علاء الدين عملتها جاتي الرسالة دي
Sorry, you can not subscribe into this package
ياخ ناس زين ديل نس سغيلين جنس سغالة؟
غايتو انا فكرت جادي افتح لي حنانهم زاتو |
انا افهمك الفليم الهندي دا يا الخير
لو شريحتك موبي بيد الشغاله بنظام الاشتراك الشهري للارسال اللهي 8 جنيه وشويه
الخدمه دي ما ح تشتغل معاك الا بعد انتهاء الصلاحيه للاشتراك الشهري
بعد داك ممكن تتفعل معاك
اها بعد تتفعل معاك ح يحرموك من اي خدمة فيها تخفيض سابقه او لاحقه
يعني لو في تخفيض للانترنت لو لخدمة العائله والاصدقاء مثلا ح يروح ببح وح يحاسبوك بنظام الثانيه بس
يعني جابو خدمه وشالو مقابلها خدمات .. فهمت اللقطه ؟
ياخي زين دي ما جابرنا عليها الا الولف .. ولفنا عليها سااااااي ورقمنا موزع للناس ليهو اكتر من 10 سنه
| |
|
|
|
|
|
|
|
|
|
زين عالم شين (Re: نوفل عبد الرحيم حسن)
|
بالله عليك دي مُش مسخرة بالجّد؟
و لحدي هسي ما قادر أعرف إيه قِصّة الإيجار الشّهري من كُل مُشتركي موبي بيد
وهي أظِنّها أولى باقات زين
ليه يعني تشيلو إيجار شهري؟
ياخي زين عالم شين .. شين شنة شديدة خلاص
بقينا نِستقبل بي رقمكم لأنّو زي ما قال نوفل معروف
و نِتّصل من مُشغِّلات أُخرى
| |
|
|
|
|
|
|
|
|
 Re: زين عالم شين (Re: Fadl Karrar)
|
Quote: المشكلة يا علاء الدين
سعر الثانية كم ؟؟؟؟؟؟؟؟؟؟؟؟ |
والله سُؤال وجيه
مع النّاس الما مضمونين ديل
ـــــــــــــ
زين .. عالم شين
| |
|
|
|
|
|
|
|
|
|
زين عالم شين (Re: محمد فرح)
|
حبيبنا محمد فرح
حبابك يا زول
يلا شوتو لكل من تعرف من عالم زين الشّين
ـــــــــــــ
زين .. عالم شين
| |
|
|
|
|
|
|
|
|
|
Re: لمُشتركي زين المغبونين (هديّة) (Re: محمد فرح)
|
| Quote: ليه يعني تشيلو إيجار شهري؟ |
دا الشي المحيرني انا في كنكوجي دا يا علاء
نظام ايزي ما فيهو خصم شهري لكن تعريفة الاتصال مرتفعه والرصيد فيها زي حلاوة قطن الزمان ديك .. يروح ساي كده ما تعرفو مشي وين
نظام موبي بيد فيهو نهب شهري من مرتبك سااااااي كده بس بدون سبب علي اساس انه تعريفة الاتصال مخفضه .. ما عارف مخفضه كيف
الاسوأ من كل دا .. عشان تتصل لخدمات المشتركين وتتكلم مع موظف روحك بتتسل
اول مره تلاقيني شركة بتحب خدمات المشتركين عن زبائنها ... المؤلم انه موظف خدمات المشتركين - ان لميت فيهو يعني - بتلقاهو ما ناقش اي شي
وما بفيدك بأي شي غير يقعد يعيد ويكرر ليك في كلام هو ذاتو ما فاهمو لانه ناس الشركه ما بمدوهو بالمعلومات الجديده
| |
|
|
|
|
|
|
|
|
|
زين عالم شين (Re: نوفل عبد الرحيم حسن)
|
غايتو يا نوفل الله في
ويظهر إنو جمعيّة حِماية المُسْتهلِك دي يبدو إنُّو فلاحتا بس في الجزّارين بِتاعين الحيوانات
وما شايفين الجزّارين بِتاعين النّاس
ـــــــــــــ
زين .. عالم شين
| |
|
|
|
|
|
|
|
|
|
Re: زين عالم شين (Re: علاء الدين يوسف علي محمد)
|
Quote: علاء , سلام
تلفوني زين خط , أدخلت الكوت , جاتني الرسالة التالية :
You are not allowed to use this service
هل الخدمة غير متاحة للخطوط ؟ |
نفس الرسالة اعلاه ؟
هل من كود اخر لمشتركى الدفع الاجل ياعلاء ؟؟
وازيدك يا علاء من شناة عالم زين شنا
لاحظت خلال الشهر الفات تلفونى قطع مرتين والغريبة السوق نايم وشغل مافى وبالتالى نضم زاتو مافى
المهم وانا بدفع فى الفاتورة سألت الموظفة فى الكاونتر انتو زدتو التعرفة ولا شنو الواحد بقى يدفع مرتين فى الشهر
اجابتنى بان الضريبة هى الزادت من 20% لى 30% .
10% حتة واحدة كدا ومشترك زين اخر من يعلم
فتأمل على قول ملاسى
| |
|
|
|
|
|
|
|
|
|
Re: لمُشتركي زين المغبونين (هديّة) (Re: Ahmed musa)
|
Quote: انا افهمك الفليم الهندي دا يا الخير
لو شريحتك موبي بيد الشغاله بنظام الاشتراك الشهري للارسال اللهي 8 جنيه وشويه
الخدمه دي ما ح تشتغل معاك الا بعد انتهاء الصلاحيه للاشتراك الشهري
بعد داك ممكن تتفعل معاك
اها بعد تتفعل معاك ح يحرموك من اي خدمة فيها تخفيض سابقه او لاحقه
يعني لو في تخفيض للانترنت لو لخدمة العائله والاصدقاء مثلا ح يروح ببح وح يحاسبوك بنظام الثانيه بس
يعني جابو خدمه وشالو مقابلها خدمات .. فهمت اللقطه ؟
ياخي زين دي ما جابرنا عليها الا الولف .. ولفنا عليها سااااااي ورقمنا موزع للناس ليهو اكتر من 10 سنه |
بالله شوفو جنس الحرمنة دي
اتارينا طلعنا مهبلين ساي وبي قنابيرنا كمان
زين عالم شين شناة العود اليابس
وسوو الشنا لزين الشينة
الشنينة ام قرينات يا ناس زين
| |
|
|
|
|
|
|
|
|
|
Re: لمُشتركي زين المغبونين (هديّة) (Re: انعام حيمورة)
|
Quote: اجابتنى بان الضريبة هى الزادت من 20% لى 30% .
10% حتة واحدة كدا ومشترك زين اخر من يعلم |
للامانه الضريبه دي زادوها ناس الهيئة القومية للاتصالات وناس زين ما عندهم فيها دخل
تحياتي
.......
بكري الخير .. دعوة الحبوبات دي من بسمع بيها .. يعني شنو الشنينه ام قرينات ؟
| |
|
|
|
|
|
|
|
|
|
Re: لمُشتركي زين المغبونين (هديّة) (Re: علاء الدين يوسف علي محمد)
|
You are not allowed to use this service
سلام يا باشمهندس
وانا جاتني الرسالة الفوق دي
وفعلا شركة زين عالم شين
انا قبل خمسة ايام جددت اشتراكي في زين كونكت بي 48 جنيه
ولاتوجد اي خدمة انترنت
وكمان زيادة استهبال امس عملت رسالة 1234
ورغم انو خدمتي مدفوعة مقدما
قاموا سحبو مني جنية لواحد يوم
وايضا لااستطيع الدخول عبر زين كونكت او خدمة البرود باند
| |
|
|
|
|
|
|
|
|
|
Re: لمُشتركي زين المغبونين (هديّة) (Re: بلدى يا حبوب)
|
يا حبُّوب
والله أنا زين كُلّها ما مُقتنِع بيها ولو ما الرّقم قديم وعارفنو ناس كُتار ما كان واصلتا فيها
و هسِّي شغّال إستقبال بس
لو عايز إتِّصل حتى للو لي زول في شبكة زين
أحسن لي من سوداني بنظام ريِّح بالك
أما الإنترنت بِتاع زين
فزمااااااااااااااااااان جدعنا الكونِّكنت بتاعُم لرداءته الما ليها حد
و شغّالين بي ون كونِّكت بِتاع سوداني
طيّارة بس
بالمُناسبة
سُوداني ذاتا بنقبِّل عليها بعد نجيب آخر موضوع نِظام الثّواني حقّها و نوشوفو شغّال ولا ما شغّال
ـــــــــــــ
مجموعة (زين .. عالم شين) على الفيس بوك:
http://www.facebook.com/#!/groups/121791381263804/
| |
|
|
|
|
|
|
|
|
|
Re: لمُشتركي زين المغبونين (هديّة) (Re: علاء الدين يوسف علي محمد)
|
فعلا يا علاء زين دي ماسورة كبيرة لكن نسوي شنو رقمنا دا ليهو 11 سنة
شوف من الاعيب زين الواضحة جدا لمن اعلنو خدمة اربعة في اربعة بعد خمستاشر يوم وقفوها وغيروها بدلا من محادثات مجانية عملوها تخفيض شوف بالله العالم الشييين ديل
لانو عملت ليهم زحمة في الشبكة شديدة عشان كدا لغو المجاني وقبلو على المدعوم قايلين رحن بيغشونا
عليك الله قول لناس زين ديل قوموا لفو والله انا مغبون منهم غبنة لكن الله يفرجها
| |
|
|
|
|
|
|
|
|
|
Re: لمُشتركي زين المغبونين (هديّة) (Re: ناذر محمد الخليفة)
|
سلام علاء ..
Quote: لو عايز إتِّصل حتى للو لي زول في شبكة زين
أحسن لي من سوداني بنظام ريِّح بالك
|
الخدمة دي بدت الليلة إفتكر ..
وأنا من الصباح شغال بتصل من سوداني على كل الشبكات بي راحة تامة ..
هم بيقولوا الإتصال بي تسعة قروش لي كل الشبكات عبر خدمة ريح بالك ..
كدي النشوف كلامم دا صاح ولا كلام ساي ..
لأنو ناس سوداني زاتم عودونا إنهم يقولوا كلام ساي ويوعدوا من غير ما يوفوا ..
واكيد متذكر موضوع سوداني إم دي إس إل داك ..!!
| |
|
|
|
|
|
|
|
|
|
Re: لمُشتركي زين المغبونين (هديّة) (Re: علاء الدين يوسف علي محمد)
|
زين كونكت اكبر ماسورة ,,,,,,,,,,,
زين عالم شين بشكل قبيح ,,
| |
|
|
|
|
|
|
|
|
|
Re: لمُشتركي زين المغبونين (هديّة) (Re: علاء الدين يوسف علي محمد)
|
أخ علاء، تحياتي،
حاول إتصرف وجيب لينا كود إلغاء الخدمة،
للضمان كده، لأنه تفعيل الخدمة فعلا بيعطل خدمة العائلة والأصدقاء،
ففي حال لقينا كان أحسن لينا خدمة العائلة والأصدقاء،
نرجع نلغي خدمة الثواني دي،
وإلا حا أجي(أخنقك) عديل...
غايتو شكيتهم على الخلقهم، التقول عاملين لينا عمل...
ماقادرين نفوتهم...
| |
|
|
|
|
|
|
|
|
|
Re: لمُشتركي زين المغبونين (هديّة) (Re: أميرة فاروق عبد العال)
|
فعلا ذين عالم شين
هل تعلموا ان لدي ذين كونيكت باشتراك شهري ومسددكمان
الا ان الخدمة ردئيه جدا جدا جدا حيث لايمكن التصفح اطلاقا
اتصلت بهم اكثر من مرة وسجلت عدة بلاغات بلا جدوي
اخر اتصال بهم افدوا ان هناك بعض الارقام بها مشاكل
الان تركت ذين واتجهت لشركة اخري
رقم ان الخدمة لاتعمل حاليا وصلتني رساله مطالبه بالسداد لهذا الشهر
السوال المهم :-
من المسئول عن هذا العبث واكل اموال الناس بالباطل
| |
|
|
|
|
|
|
|
|
|
Re: لمُشتركي زين المغبونين (هديّة) (Re: أميرة فاروق عبد العال)
|
فعلا ذين عالم شين
هل تعلموا ان لدي ذين كونيكت باشتراك شهري ومسددكمان
الا ان الخدمة ردئيه جدا جدا جدا حيث لايمكن التصفح اطلاقا
اتصلت بهم اكثر من مرة وسجلت عدة بلاغات بلا جدوي
اخر اتصال بهم افدوا ان هناك بعض الارقام بها مشاكل
الان تركت ذين واتجهت لشركة اخري
رقم ان الخدمة لاتعمل حاليا وصلتني رساله مطالبه بالسداد لهذا الشهر
السوال المهم :-
من المسئول عن هذا العبث واكل اموال الناس بالباطل
| |
|
|
|
|
|
|
|
|
|
Re: لمُشتركي زين المغبونين (هديّة) (Re: علاء الدين يوسف علي محمد)
|
سلامات يا علاء ..
كويس ، تاني ما حانقول لزول ( أريت حالك "زين")
(إفادة) موظفة الشركة هبة علي عثمان جد مضحكة إن كنت فهمتها على ما أرادت ..
الزوله دي قالت ما معناه إنو في كود معين يمكن أن تقدمه الشركة للزبون (المستهلَك)
إذا ما طلبه وبإدخال الكود يمكن أن يفيد من ميزة احتساب الزمن بالثواني لكن الخدمة لايمكن
تقديمها إلا لمن يطلبها فقد لايحتاجها..
يعني في مستهلكين ربما لايكونوا في حاجة لتوفير أموالهم وعايزين يحاسبوهم بالدقائق...
إفادة مضحكه*
-
* تشكيل الكلمة متروك للقارئ.
| |
|
|
|
|
|
|
| |
علاء الدين يوسف علي محمد
حيدر حسن ميرغني
عبدالمجيد المقابل
فيصل أحمد سحنون
بكري الخير
نوفل عبد الرحيم حسن
Fadl Karrar
محمد فرح
احمد الأمين على إدريس
انعام حيمورة
Ahmed musa
عمر صديق
ناذر محمد الخليفة
بلدى يا حبوب
المكاشفي الخضر الطاهر
عمار عبدالله عبدالرحمن
ايهاب الطيب بله
mayada kamal
هويدا شرف الدين
قلقو
محمد المرتضى حامد
فيس بوك
تويتر
انستقرام
يوتيوب
بنتيريست