|
|
|
 Re: بمناسبة هلال مريخ حديث الذكريات بين احمد ادم عافية وعاكف عطا (Re: khaleel)
|
ابو الخل،
يا اخي مبروك لأخوانا المريخاب الكأس . برضو إخوانا وناسنا، الحقيقة الشباب اجتهدو حبة.
عندي اعتقاد انو عمرك ما فايت التلاتين سنة، لكن من البوست دا باين لي انت حبه ضالع في العمر، الله يطول عمرك ويديك العافية.
اها انحنا مغلوبين ولا غالبين، والله بصراحة المبارة ما فارقة كتير لكن حاسي أنتو الهلال المرة دي حيغلب المريخ.
| |
  
|
|
|
|
|
|
|
 Re: بمناسبة هلال مريخ حديث الذكريات بين احمد ادم عافية وعاكف عطا (Re: khaleel)
|
Quote: يا فرحات الكورة دي
حصل فيها بمبان |
وفيصل سيحة فضيحة نقض
قوون لكندورة بحجة التسلل
>>>
ياخلو
قوون الريح كاريكا ما بتنسى
عمل غسيل جماعى من النص لحدى
ما الكورة عملت طخ >> كمال
عبد الغنى و حامد بريمة
اتشاكلوا فيها >> مبااالغة
وانا وصاحبك عمر حسين من
استاد الخرطوم بدل نقبل
على البركس > قبلنا على
الغابة و عييييييك
>>
وقون مصطفى النقر بتاع
الباااااع
>>
دحيش المريخ جاب ليهو قون
من خطأ لمنقستو > ياخ 3
يوم عندى اسهال > لوووول
>>>
لكن امتع قون قون مازدا
بعد الرياضة الجماهيرية
وبعد مباراة كاس العودة
والمريخاب كلهم يكوركوا
مازدا ... مازدا ... مازدا
اها
التاج محجوب جاب التعادل
جمهور الهلال جاك وسكت
وكان فى الدقيقة 85
اها
التاج تانى جاب القون
التانى فى الدقيقة 90
لتصبح النتيجة 2-1
وجمهور الهلال وقتها
هتف وبصوت عااااالى :
مازدا .. مازدا .. مازدا
>>> لوووووووووووووووووولز
برجع ليكم
| |
|
|
|
|
|
|
|
|
|
Re: بمناسبة هلال مريخ حديث الذكريات بين احمد ادم عافية وعاكف عطا (Re: khaleel)
|
خلي
تحياتي
ومن ذكريات مريخ هلال ايضا فى الثمانينات قررت ادارتي الفريقين لعب مباراة ودية شهريا لكسر حدة التعصب بين الجماهير ولدعم ميزانية الناديين
ففي الشهر الاول فاز المريخ على الهلال بهدف عصام الدحيش
وفى الشهر الثاني ايضا فاز المريخ بهدف لعصام الدحيش
وفى الشهر الثالث وكان مصادفا لرمضات رفض الهلال اللعب بحجة ان طارق أحمد ادم لا يلعب الكرة فى رمضان
وبمناسبة أحمدادم ماتدينا ياخلي شوية ذكريات عن سبب شطب الحراس عوض حسب الرسول وبازي
وبالاشبال ياجمال
| |
|
|
|
|
|
|
|
|
|
Re: بمناسبة هلال مريخ حديث الذكريات بين احمد ادم عافية وعاكف عطا (Re: معاوية محمد الحسن)
|
ففي الشهر الاول فاز المريخ على الهلال بهدف عصام الدحيش
وفى الشهر الثاني ايضا فاز المريخ بهدف لعصام الدحيش
وفى الشهر الثالث وكان مصادفا لرمضات رفض الهلال اللعب بحجة ان طارق أحمد ادم لا يلعب الكرة فى رمضان
وبمناسبة أحمدادم ماتدينا ياخلي شوية ذكريات عن سبب شطب الحراس عوض حسب الرسول وبازي
وبالاشبال ياجمال
هلا معاوية
واحد شطبو دحدوح وواحد شطبو الدحيش اعتقد
لكن مجاهد محمد احمد شطبو سيف مساوي بعد ان قطع منه الكرة
ولعبها لسادومبا واحرز الهدف وشطب ايضا اكرم الهادي
والشي بالشي يذكر
| |
|
|
|
|
|
|
|
|
|
Re: بمناسبة هلال مريخ حديث الذكريات بين احمد ادم عافية وعاكف عطا (Re: khaleel)
|
| Quote: واحد شطبو دحدوح وواحد شطبو الدحيش اعتقد |
خليل
صباحك خير
عوض حسب الرسول شطبه ليكم عاطف القوز بفاول من خارج الخط وتاني ماشفناهو
وبرضو تذكرت مباراة مريخ هلال فى دورة سيكافا فى السودان فى منتصف الثمانينات وتم تقسيم الفرق لمجموعتين الخرطوم ومدني
وذهب الهلال لمجموعة مدني وجاء منتشيا من هناك بصدارة المجموعة وتالق عمر النقي ولعب فى دور الاربعة مع المريخ الذي حل ثانيا فى مجموعة الخرطوم وفاز المريخ بهدفي دحدوح وقامت جماهير الهلال بقذف الحجارة مما ادي لعدم إكمال المباراة وكان الهلال يرتدي دعاية لبن فورموست فهتفت جماهير المريخ هلال فورموست يذوب على طول دي حاجة تجنن مش معقول .
ولعب بعدها المريخ فى النهائي مع فريق البيرة الكيني ودخلت جماهير الهلال مساندة لفريق البيرة الذى فاز على المريخ واحرز الكاس وسيرت جماهير الهلال مسيرات فرح فى الخرطوم وكانت هذه المباراة اول مباراة يساند فيها جمهور الفريقين فريق اجنبي بصورة علنية وهي السبب فى مايحدث حتى الان فى إعتقادي .
وبرضو بالاشبال ياجمال
| |
|
|
|
|
|
|
|
|
|
Re: بمناسبة هلال مريخ حديث الذكريات بين احمد ادم عافية وعاكف عطا (Re: معاوية محمد الحسن)
|
ولعب بعدها المريخ فى النهائي مع فريق البيرة الكيني ودخلت جماهير الهلال مساندة لفريق البيرة الذى فاز على المريخ واحرز الكاس وسيرت جماهير الهلال مسيرات فرح فى الخرطوم وكانت هذه المباراة اول مباراة يساند فيها جمهور الفريقين فريق اجنبي بصورة علنية وهي السبب فى مايحدث حتى الان فى إعتقادي .
ايوة وتغنت جماهير الهلال للبيرة الكينية
طيب ما تحكي لينا عن قونين وليد طايشين وشمس الدين
والذكري بتنفع المومن وكل شي في الحياة ممكن
| |
|
|
|
|
|
|
|
|
|
Re: بمناسبة هلال مريخ حديث الذكريات بين احمد ادم عافية وعاكف عطا (Re: معاوية محمد الحسن)
|
Quote: قون زيكو الراسي
من عكسية عبدالسلام
|
هلا ياخلو وحباب ابو الهل والصهاينة وسيرة الذكريات
والكورة دي هي الكورة الثانية الاخشها لهلال مريخ طيلة تاريخي كمشجع هلالي رعديد
وقعدت في مدرجات المريخاب مخسوس عشان امتع نفسي باسحاق ابو قرن
ويا سسلام ياااخ علي تشجيع اسحاق ابو قرن ده.. اكبر مشجع في العالم حاقد علي الهلال(مرة لاقيتو في كورة لهلال بورتسودان مع فريق خرطومي..
وفي كورة سمحة كده نفخ القرن بتاعو لناس هلال بورتسودان وقال لينا مفروض هلال بورتسودان ده يجي الخرطوم هنا والعواليق بتاعين حي العرب ديل يشوفو ليهم اي حتة تاني)
الهد بتاع زيكو كان (هد) قاتل وصاعق وزيكو نفذ بمهارة عالية وبقوة رهيبة
ورغم الهزيمة المر في ذلك اليوم الا انه واحد من اجمل الاقوان علي الاطلاق الشافتها عيوني في ذلك الزمان..
-----
الكورة الاولي طبعا هي فرمالتي الشهيرو (هلال ومريخ في افتتاح جامعة جوبا)
وقون المرحوم سامي في الثواني الاخيرة من المباراة وده حديث شجون ووسيرة علي قاقرين وبشارة ابو اضان ويا سسسلام ياخ علي بشارة ابو اضان لم يستلم ولمن يتحرك ولمن يلعب باص في الخانة الصاح
2 مباراة هلال ومريخ والغريبة في كل المبارتين المريخ غالب
والاغرب انو الزمن ده مافي كركدي عمر بوب لوووووول
وسنتابع
| |
|
|
|
|
|
|
|
|
|
Re: بمناسبة هلال مريخ حديث الذكريات بين احمد ادم عافية وعاكف عطا (Re: عبدالكريم الامين احمد)
|
الكورة الاولي طبعا هي فرمالتي الشهيرو (هلال ومريخ في افتتاح جامعة جوبا)
وقون المرحوم سامي في الثواني الاخيرة من المباراة وده حديث شجون ووسيرة علي قاقرين وبشارة ابو اضان ويا سسسلام ياخ علي بشارة ابو اضان لم يستلم ولمن يتحرك ولمن يلعب باص في الخانة الصاح
طبعا يا ممراح كورة جوبا
متوكل عبدالسلام له مقولة شهيرة
لولا اختلاف قاقرين والدحيش لمزقت شباك المريخ في جوبا
وهتف المريخاب
باقي دقيقة وسامي بجيبا
| |
|
|
|
|
|
|
|
|
|
Re: بمناسبة هلال مريخ حديث الذكريات بين احمد ادم عافية وعاكف عطا (Re: معاوية محمد الحسن)
|
Quote: وهتف المريخاب
باقي دقيقة وسامي بجيبا |
وبمناسبة سامي وقبل ايام من مباراة مريخ هلال نشرت احدي الصحف خبر عن قيام لاعب من فريق الهلال ببيع عربة خصصها له النادي للترحيل فقط وقام بالتصرف فى المبلغ دون الإشارة لاسمه وعرفت الجماهير من مصادرهاالخاصة من هو اللأعب المقصود وظلت جماهير المريخ تهتف اثناء المباراة (اوعي ياسامي فلان حرامي) وطبعا كانت تذكر أسم اللاعب الذى لا اري داعي لذكره الان
وفعلا لم يستطيع اللاعب المذكور أداء المباراة بمستواه المعروف .
رحم الله سامي وادخله فسيح جناته
| |
|
|
|
|
|
|
|
|
|
Re: بمناسبة هلال مريخ حديث الذكريات بين احمد ادم عافية وعاكف عطا (Re: khaleel)
|
خلي ياهندسة ....
من مفارقات لقاءات هلال مريخ
قبل كم يوم عبده قابل كان عندوا برنامج في الرياضية 104
عن لعيبة خطرين جدا في الهلال او المريخ لم يحرزوا اهداف
في لقاءات القمة ... اتذكر منهم اسامة الثغر وصبحي وعادل امين
منو البصدق انو اسامة الثغر وصبحي ما جابو قون في المريخ
وانو عادل امين شخصياً ما جاب قون في الهلال ..
| |
|
|
|
|
|
|
|
|
|
Re: بمناسبة هلال مريخ حديث الذكريات بين احمد ادم عافية وعاكف عطا (Re: khaleel)
|
Quote:
لولا اصابة بكري المدينة
لمزقنا شباكم بالامس |
انها حقيقة
بالله النقر لم يحرز غير اربعة اهداف وحبيبنا عادل امين لم يحرز
بالله واصل ياهندسة ورفاقه خلاونا نشوف
Quote: منو البصدق انو اسامة الثغر وصبحي ما جابو قون في المريخ
وانو عادل امين شخصياً ما جاب قون في الهلال .. |
معقولة
ياجنابو دي صورة الكابتن اسامه الثغر في زيارة سريعة للسعودية
لم يتغير إلا في اللهجة شبكنا هاي وهيك لكن كان كتال كلاب واجمل هدف له في المورده
بوست ممتع وضيوف ممتعين
.
.
متابعين ومستمتعين
| |
|
|
|
|
|
|
|
|
|
Re: بمناسبة هلال مريخ حديث الذكريات بين احمد ادم عافية وعاكف عطا (Re: وليد عبد اللطيف)
|
هلا وليد
في اجازة من الاجازات صادفت كاس السودان ومشيت الاستاد
المريخ بدا بداية كعبة وبديت التنظير الليلة المريخ ممكن ياخد تلاتة
بعد شوية جا فاول شاتو ايداهور دخلت قون
قلت للشباب ولا يهمكم الهلال حا يجيب تلاتة اقوان
انتهي الشوط الاول قاعد وراي شخص ضخم الجثة قام قال لي
ياخي انت بتتكلم ليك ساعة حاجة واحدة طلعت صاح مافي
ياخي انت نحس وانا ما حا اقعد جنبك
قطعت في حناني وسكت
جا الشوط الثاني وفي نصه تقريبا داريو كان حاول يحاور العجب
العجب قطعا واطلق صاروخ احرز الهدف الثاني
عاينت جنبي لقيت المدرجات فاضة والناس عليها غادرت المدرج بالحيطة
| |
|
|
|
|
|
|
|
|
|
Re: بمناسبة هلال مريخ حديث الذكريات بين احمد ادم عافية وعاكف عطا (Re: khaleel)
|
أووووووووووووهــ أخونا باشمهندس خليل
هاردلك يا حبيب
وعلي النعمة مشتاقين...
====================
بكري المدينة بتاع فنيلتك؟؟
دي كانت جاكة الفاتح النقر
في اللقاء السريع العملوهو معاهو
بالبطارية..الفاتح الأطرش ما شايف زاتو..
كمان قال فرحان بالإكليل المريخي الأدتو ليهو إحدى حرائر المريخ..
لما جا واحد (ملصو) سووووووووووووووووتك من رقبتو..(اللفظ برئ)..
الدنيا ما ضلام عاد..يسوي شنو؟؟
ياخ تاني مشتاقين..
محمود
| |
|
|
|
|
|
|
|
|
|
Re: بمناسبة هلال مريخ حديث الذكريات بين احمد ادم عافية وعاكف عطا (Re: khaleel)
|
Quote: قلت للشباب ولا يهمكم الهلال حا يجيب تلاتة اقوان
انتهي الشوط الاول قاعد وراي شخص ضخم الجثة قام قال لي
ياخي انت بتتكلم ليك ساعة حاجة واحدة طلعت صاح مافي
ياخي انت نحس وانا ما حا اقعد جنبك
قطعت في حناني وسكت
جا الشوط الثاني وفي نصه تقريبا داريو كان حاول يحاور العجب
العجب قطعا واطلق صاروخ احرز الهدف الثاني
عاينت جنبي لقيت المدرجات فاضة والناس عليها غادرت المدرج بالحيطة |
هههههههههه
يازول انت كان كدي اخطر من صاحبك كيكي شربت الهلال شراب
| |
|
|
|
|
|
|
|
|
|
Re: بمناسبة هلال مريخ حديث الذكريات بين احمد ادم عافية وعاكف عطا (Re: وليد عبد اللطيف)
|
بكري المدينة بتاع فنيلتك؟؟
دي كانت جاكة الفاتح النقر
في اللقاء السريع العملوهو معاهو
بالبطارية..الفاتح الأطرش ما شايف زاتو..
كمان قال فرحان بالإكليل المريخي الأدتو ليهو إحدى حرائر المريخ..
لما جا واحد (ملصو) سووووووووووووووووتك من رقبتو..(اللفظ برئ)..
الدنيا ما ضلام عاد..يسوي شنو؟؟
يا حودة صباحك زين
شايف ناس الاستديو التحليلي قالو دي اسواء مباراة لهلال مريخ
فيها تمانين باص غلط والاربعة اقوان ما بتخش في فرق درجة تانية
حودة وارغو مبالغة في السوء وخليفة مبالغتين
| |
|
|
|
|
|
|
| |
khaleel
Farahat Sayed
معاوية محمد الحسن
عبدالكريم الامين احمد
omer osman
وليد عبد اللطيف
Mahmoud Mustafa Mahmoud
فيس بوك
تويتر
انستقرام
يوتيوب
بنتيريست