|
الدولار (اب صلعة)
|
سمعنا بان سعره قد بلغ من الارتفاع ( عتيا)
ما هو سعره اليوم في السوق الموازي ؟
ارجو من الاخوة الافاضل مدنا باي معلومة
تحياتي
|
|
|
|
|
|
|
|
Re: الدولار (اب صلعة) (Re: الخير محمد عوض)
|
المشورة
في حال المجيئ للسودان هل من الافضل اجيب معاي اب صلعة حي يرزق وللا ادخله في شكل بضائع واذا كان ذلك كذلك ما هي افضل انواع البضائع الممكن الزول يجيبها معاهو. سمعت انه سوق الموبايلات هو الخيار الافضل وخصوصا الايفون. اها يا اهلنا شن الراي !
| |
|
|
|
|
|
|
Re: الدولار (اب صلعة) (Re: الخير محمد عوض)
|
سلام يا الخير,,,,
نصيحة أخوية , قروشك شيلها دولارات وأوعك تفكر في موضوع البضاعة ده , لأنه لو شلتها بضاعة في النهاية لا حتلم في حق بضاعتك ولا في دولاراتك.
في السودان الكاش سيد الموقف.
السعر قبل أسبوع كان بي أربعمية وعشرين.
| |
|
|
|
|
|
|
Re: الدولار (اب صلعة) (Re: elhilayla)
|
سلام يا الخير,,,,
نصيحة أخوية , قروشك شيلها دولارات وأوعك تفكر في موضوع البضاعة ده , لأنه لو شلتها بضاعة في النهاية لا حتلم في حق بضاعتك ولا في دولاراتك.
اسمع الكلام دا ،،الكاش بقلل النقاش.
| |
|
|
|
|
|
|
Re: الدولار (اب صلعة) (Re: Nagat Sid Ahmed Elshiekh)
|
الاخت نجاة تحياتي
Quote: اسمع الكلام دا ،،الكاش بقلل النقاش |
اها هسي انا نجاة انا اتناقش مع العالمين ديل في شنو. الكورة ولما نمشي بنلقى الموسم قفل السياسة ورمينا طوبتها زماااااان. اللوتري وموسمه قفل برضو اها انا هسي اتناقش في شنو تاني ههههههه. لازم يكون في موضوع للنقاش ياخ انا طبعا قصة يلمو فيك الصحاب ويسالوك ( اها بلدكم الجيت منها دي كيف) مااااا بقسم معاي فلازم يعني الزول يتصرف.
سلمتي يا خية وبرضو رايك انزين
| |
|
|
|
|
|
|
Re: الدولار (اب صلعة) (Re: elhilayla)
|
الاخ الهلالية
Quote: أنا جئت من السودان قبال اسبوع السعر ما وصل 4200 بالله يا الخير إدينا الاخبار اول باول |
تسلم يا سيدي علي الافادة ومثلك ساكون في انتظار المزيد من الافادات
سلمت
| |
|
|
|
|
|
|
Re: الدولار (اب صلعة) (Re: Mohamed Abdelmotalib Hassan)
|
الاخ محمد عبد المنطلب تحياتي
تعرف فعلا دا المخوفني جري السوق والمساسكة وتدخل بحمد وتطلع بخوجلي لكن المشكلة في تضارب بتاع اراء شديد اللهجة في الحتة دي... يعني يجيك زول راجع من السودان يقول ليك ياااااااا زول ها عليك بالايفونات فانها لك وجاء ههههه ثم يتمدد ويسترخي ويفيدك بان ايفوناته طلعت ليهو حق التزكرة وكل منصرفات الاجازة التي امتدت لشهرين كاملين ..... اها جنس ديل البجهجهو باكاتنا ويزعزعوا افكارنا..... الرأي التاني وهو رايك وانا شايف انه هو الاقرب اني اعمل بيهو لكن برضو كدي النستشير ونشوف المركب حا ترسى علي شنو.
تسلم يا حبوب
| |
|
|
|
|
|
|
Re: الدولار (اب صلعة) (Re: الخير محمد عوض)
|
السياسة ورمينا طوبتها زماااااان. اللوتري وموسمه قفل برضو اها انا هسي اتناقش في شنو
يا خى رميت طوبته كيف ؟ سؤالك دا ذاتو ما سياسة ،،الدولار بكم ؟؟وطلع السما ليه؟؟؟ والله فى السودان غيرالونسة والشمارات اجازتك ح تكون مسيييييخة هههه. اسأل مجرب .
| |
|
|
|
|
|
|
Re: الدولار (اب صلعة) (Re: Nagat Sid Ahmed Elshiekh)
|
Quote: يا خى رميت طوبته كيف ؟ سؤالك دا ذاتو ما سياسة ،،الدولار بكم ؟؟وطلع السما ليه؟؟؟ والله فى السودان غيرالونسة والشمارات اجازتك ح تكون مسيييييخة هههه. اسأل مجرب . |
يا نجاة انا لي سنين الله في هجرتي هذى فشاعر اني زي داير اخلص لي حق عشرة سنين ونسة دا على اسوأ تقدير ههههههه
الله يكون في عون البلاقيني بمزاج ونسة غايتو
| |
|
|
|
|
|
|
Re: الدولار (اب صلعة) (Re: الخير محمد عوض)
|
سلامات يا مان
اجازة سعيدة وسط الاهل والاحباب
المهم يا حبوب
مرات الواحد بتكاسل من موضوع البضاعة
لكن صدقني عن تجربة مرات كتيرة بتضرب مع الزول
ويقدر يغطي جزء من مصاريف الرحلة
عشان كده فكر كويس لو وجدته بضاعة ناحجه بهناك
ما تترد ......
عليك الله يا حبوب
تلفونات في السودان على الخاص اخوك انس التوم
| |
|
|
|
|
|
|
|