قمة المتعة والروعة والإستمتاع بي أعاني تلبنات لمن تسمعا من الصوت العجييييب والحنجرة الغريبة ونقرة الأصابع وإنت بتسمع في الفناناة والفنانة جدا جدا زهرمان.. ياااه يا زهرمان إنتي وين ياخ تغيبي وتخلي الساحة لي ناس مونيكا!!! برامج الدلةكة يبدو آنها بقت سوق رائجة لي قنوات السودان الفضائية لجلب المعلنين والمشاهدين وفي النهاية يطلع الموضوع عبارة عن حنا ورسم وتياب وميج وفسخ وشوش ويدين مع أسئلة مكررة مع إجابات مكررة من ضيوف مكررين لا يمتون للموضوع بي صلة..! وتظل إنصاف مدني العلامة الفارقة والكلمة الشاذة وإمتداد لي جيل قسمة وزهرمان بي نقراتا لي الدلوكة وصوتها وأغانيها ..
تخريمة: إن كان من ميزة وحيدة تحسب فهي غياب أروى الربيع ..
11-08-2011, 11:14 PM
ماضي ابو العزائم ماضي ابو العزائم
تاريخ التسجيل: 09-07-2007
مجموع المشاركات: 3598
صحى القمم مستهدفة!! غايتو زمتك لستك بس قوم لف عامل راسك القاطعوا من راسك ده ياخى البنية زى نوارة البرم شوف وريحة وسمع... الله يصرف اعداء الجمال خيث ما حلو،،،
11-09-2011, 00:09 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
وووووووووووووووو كبير الشنافين وصل ! عمر دا تخصص شناف بنات مش اغانى بنات .. ياخى ديل اتعولقن عولاق ما داير لى عمر ذاتو ! .. لا تمحنا لا تبلينا هو الموضوع محتاج لكل تلك الجموع داخل الاستديو ؟؟ وما دخل الدنقر بالدلوكةمن اصلو ؟؟ اقول ليك كلام قففل بوستيك دا وتعال شنف معاى بى هناك ! مش انا فتحت قبلك ؟ لكن هن قالن شنو ؟ فعلا كلام الطير فى الباقير ..
ـــــــــــــــ منظر الاستديو ذكرنى اغنية مايكل جاكسون الدبلجها طارق الامين فى رمضان .. مبااااالغة !
11-09-2011, 07:06 AM
khaleel khaleel
تاريخ التسجيل: 02-16-2002
مجموع المشاركات: 30134
صديقي اللدود عمر الفاروق كيفك والله مشتاقين وكل سنة وانت والاسرة الكريمه بالف خير وعافية وعيدكم مبارك ،، يا خوي انت ما فهمت الموضوع لانو القنوات السودانية بقت بتروج للتوب السوداني وللجمال السوداني فقط وليس للفن السوداني الاصيل لانو كل توب في السهرة دي اجمل من التاني ولا شنو ،، اها إن شاء الله تكون فهمت هدف السهرات المتكررة في قنواتنا الفضائحية السودانية فهمت ولا ازيدك من الشعر بيت ... واصل لانو نحن مشتاقين لي بوستاتك الحلوة دي يا عميد النقاد في سودانيز ... ياسر العيلفون
11-09-2011, 07:57 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
آففة محتار.. عيدك مبارك.. الزولة دي حسب معلوماتي الفنية ابوها مصري وأمها إيطالية وعايشة في السودان :-) إنتي أقعدي باري حزب الخدر حزب الهدر لما الكريمات والخلطات تكمل من السوق ونا تلقي طريقة تبرطو لي حزبك ده وشو..
11-09-2011, 09:50 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
ريهان يا دفعة.. عيدك مبارك والسنة دي نتلم في ال سي أرات ولا كافتريا عمال وبالعدم أمبدة :-) بعدين ما ملاحظة الفنانات القايمات جداد ديل عندهم حركة صوتية كده في نهاية المقطع بيعملوها يحاكو بيها هاجر كباشي؟ يا زولة لكلكي ويسلكلكي ساي الحبة ما بتجيك
11-09-2011, 10:02 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يقال والعهدة على الراوي أن قريبناط.م.ع. قد أحضر انصاف مدني لصبحية ابنه ع.م.ط, فثارت ثائرتي موبايليا اذ كيف ونحن ناس رزان وعائلة كونسيرفاتف ننحدر بالصبحية لذالك الدرك. ولكن أمس اجبرتني هذه البنت أن أجلس في السهرة حتى النقة الأخيرة مع استخدام الريموت وقتيا عند تداخل عفاف وأعتذر لأبن العم ط م ع. مونيكا احترم جدا هضمها وتعاملها مع ثقافة لم ترثها من أسرتها القبطية على ما أظن ورغم متوسطية صوتها ولكن وجودها كان محاولة أضافة للتنوع السوداني المغلوب عليه.
11-09-2011, 06:03 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
اها عيدكم مبارك يا اخوات و يا اخوان و يا عمر اهو حضرته الإعادة لاحول ولا قوة إلا بالله !!!! الشئ شنو هو !!!؟ معقولة يا احوانا كدا ؟
عمر الفاروق دا يا (دينا) بوستيهو لا بشبه بوستك لا حاجة بطلي لولوة عمر محدد الدلوكة و أنتي عايزة تنيشي الدسته بي فد حجر . يا عمر الشغل الشفته دا لا دلوكة لا حاجة دا دلوكة و دنقر و طالما هو كدا كانو الدنقر الاتخبت دا اقلاها يكتبوهو في العنوان برضو !! ليه يا ناس حتى في الغناء عايزين تهمشو حاجات كدا الحاجات ما بتبقي كويسه ابداً. الشى التاني كدي اول حاجة اسمعوا النماذج دي عن الدلوكة و تعالوا نتناقش :-
بالله ماشاء الله صوت زي الجرس لما تمدّ.
و اسمعو كويس هنابتقعد الغنى كيف :-
11-09-2011, 06:23 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: يقال والعهدة على الراوي أن قريبناط.م.ع. قد أحضر انصاف مدني لصبحية ابنه ع.م.ط, فثارت ثائرتي موبايليا اذ كيف ونحن ناس رزان وعائلة كونسيرفاتف ننحدر بالصبحية لذالك الدرك. ولكن أمس اجبرتني هذه البنت أن أجلس في السهرة حتى النقة الأخيرة مع استخدام الريموت وقتيا عند تداخل عفاف وأعتذر لأبن العم ط م ع. مونيكا احترم جدا هضمها وتعاملها مع ثقافة لم ترثها من أسرتها القبطية على ما أظن ورغم متوسطية صوتها ولكن وجودها كان محاولة أضافة للتنوع السوداني المغلوب عليه.
يا ود الشيخ عيدك سعيد
زيادة على كدا انصاف دي مريخابية حمراء و صفوة ما فيها اتنين تلاته .
اما بخصوص مونيكا و عوضية (عذاب) انتظر شوية بس
و خلينا مع النماذج.
11-09-2011, 06:39 PM
انور التكينة انور التكينة
تاريخ التسجيل: 01-14-2009
مجموع المشاركات: 3374
انصاف مدنى مبدعة لكنها متغطرسة اذ كانت تترفع عن المشاركة ( الشيل ) مع بعض الفنانات فى الحلقة عوضية عذاب ( كماعرفنى سفيان نابرى باسمها ) اجتهدت و ابدعت فى ( الفى عصر مروره ) سارة ابو كانت ملمة تماما بطقوس الزواج القديمة و كانت مشاركتها ايجابية
سهام الخواض اهتمت بالجانب التحليلى و كانت لغتها و عباراتها منتقاة عفاف حسن ايمان ابدعت بتلقائيتها و تمكنها من ادارة دفة الحوار مونبكا متمكنة من الاداء الشعبى .. لماذا لا تحاول الغناء الحديث ؟
11-09-2011, 06:48 PM
انور التكينة انور التكينة
تاريخ التسجيل: 01-14-2009
مجموع المشاركات: 3374
بالنسبة لي مونيكا والناس البتتكلم عن إنها إندمجت في الغنا السوداني فانا ما عارف الإندهاش وين وشايف ده ما سبب يخلي الناس تشيد بيها لي سبب بسيط..أسة لو في سوداني عايش في أمريكا وأولادو ولدوهم هناك وقرو مدارس أمريكية وأصحابهم أمريكان وعرسو أمريكيات وقام واحد منهم بقا يغني أمريكي لأنو أصلا ما بيعرف عربي فهل ده شي كافي يخلي الأمريكان يقولوا والله عثمان بلة ده غناي حالتو ما أمريكب؟؟؟ مونيكا متزوجة سوداني وعايشة في السودان وأظنو ما بتعرف إيطالي ولااا حتى مصري كانت زولة بتاعت دعايات وكالعادة وبما إنو زولة صفرا جات التلفزيون فثقافتنا تحولها بقدرة قادر لي فنانة ويجبروك ويغصبوك بي إنو صوتها جميل ويوفروا ليها لقاءات وبرامج راتبة في الأعياد ومن ثم جلسات في النادي المدعو بالعائلي ثم عكاكيز تطاقش مبشرة وعارضة لي رجال في ستينيات العمر ثم هجيج ورقيص من العمم ثم الفنانة القادمة بسرعة الصاروخ.. سيناريوهات باهتة وسيئة الإخراج باتت تقدمها قناة النيل الأزرق القناة المحببة لدي..وكذلك باقي القنوات ..
11-10-2011, 00:07 AM
ALZOLZATOO ALZOLZATOO
تاريخ التسجيل: 03-14-2002
مجموع المشاركات: 4216
Quote: وبما إنو زولة صفرا جات التلفزيون فثقافتنا تحولها بقدرة قادر لي فنانة ويجبروك ويغصبوك بي إنو صوتها جميل ويوفروا ليها لقاءات وبرامج راتبة في الأعياد ومن ثم جلسات في النادي المدعو بالعائلي ثم عكاكيز تطاقش مبشرة وعارضة لي رجال في ستينيات العمر ثم هجيج ورقيص من العمم ثم الفنانة القادمة بسرعة الصاروخ..
قررررررررررررررررررررررررربت
تاني شوتين زي ديل ناس تراجي وامنة وبشاشا ومحمد سليمان حا يضموك للقائمة حقتهم
_________________ بعيدا عن الجمجرة فعلا مونيكا عبارة عن مانكان في قناعتي انصاف مدني نمرة واحد السهرة فعلا افتقدت ندى القلعة .. رغما عن اللغط الكتير الدائر حول شخصيتها .. لكن شخصيتها الفنية غاية في الاحترام .. غناها رزين والمفردات البتختارة موغلة في التراث والافادة ودائما ما تاتي بالجديد الذي يقلد ويتبع .. الكلام ده في غناها وفي تيابها وفي كريمات وشها وحتى في حنتها
تحية خاصة لندى القلعة فهي اضافة حقيقية
11-10-2011, 01:54 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
كلامك صاح يا وليد...ندى القلعة شخصيتها غريبة والحصل ليها ده ممكن يدمر فرقة مش فنانة:-) لكن الزولة دي خلت الناس تفصل سلوكياتا الخاصة من فنها بي طريقة عجيبة للدرجة الخلت تلفزيون السودان يعمل معاها حلقات متوالية مباشرة بعد مقاطع كانت منتشرة في النت.. ندى القلعة بقت مدرسة في كلو..غنا لبس حنة مكياج وحتى طريقة كلام.. ندى القلعة ماشة في طريق إنها تبقى محمود عبد العزيز حقت النسوان.. بالنسبة لي مونيكا فواضح جدا إنو غشوها صاحباتا وقالوا ليها يا بت إنتي عوويرة؟؟؟والله نلقى شكلك ده نغش نص رجال السودان بي موضة الغنا الطالعة دي.. والله انا خايف بعد الحلقة دي يكون حفلتا بقت بي 10 مليون
11-18-2011, 07:56 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
ماضي ابو العزائم
AMNA MUKHTAR
ريهان الريح الشاذلي
سارة علي
صديق الموج
دينا خالد
khaleel
ياسر السر
سفيان بشير نابرى
محمد عبدالرحمن
MOHAMMED ELSHEIKH
انور التكينة
ALZOLZATOO
د.محمد حسن
فيس بوك
تويتر
انستقرام
يوتيوب
بنتيريست