|
|
 سوق الكتاب المرتجع بامدرمان
|
بدات مجموعة من البائعين عرض الكتب القديمة والمرتجعة في المحطة الوسطى بامدرمان وذلك في منتصف ثمانينات القرن الماضي
وعندما تزايد العدد رات السلطات المحلية ان تنظم هذا العمل الجليل فتم نقلهم وبصورة حضارية للمنطقة الغربية لسور البوستة بامدرمان
|
|
  
|
|
|
|
|
|
|
|
Re: سوق الكتاب المرتجع بامدرمان (Re: ود الخليفه)
|
واستمر السوق بسور البوسته الغربي الى ان قررت حكومتنا التخلص من البوستة ومبناها وما يحيط بها
فنسيت المحلية ما قام به هؤلاء الباعة ومجهودهم في نظافة المكان وتعميره
فقررت التخلص منهم وحشرهم في ميدان صغير جدا شرق الجامع الكبير
والميدان هو موقف ابوروف القديم لمن يعرفه من اهل امدرمان
| |
|
|
|
|
|
|
|
|
|
Re: سوق الكتاب المرتجع بامدرمان (Re: ود الخليفه)
|
زرتهم قبل فتره في مكانهم الجديد
- فتربطني بهم علاقة قديمه منذ ان كنت اتبادل معهم الالغاز والمجلات الى ان عملت معهم بصوره رسميه في بداية التسعينات -
ووجدت ان المكان الجديد قد اضر بهم وبزبائنهم
فالمكان صغير والاكشاك محصوره فضلا ان المكان غير معروف للجميع
وميزة اخرى قد فقدت فقد كانوا بالسابق كلهم على السور الغربي من غير تمييز
اما الان فتم تخطيط الميدان الصغير شرق الجامع الكبير واصبح بين الاكشاك ازقه صغيره
وقال لي احدهم متحسرا ان سوق الكتب تاثر وما يبيعونه الان لا يساوى 10 % مما كان في السابق
| |
|
|
|
|
|
|
|
|
|
Re: سوق الكتاب المرتجع بامدرمان (Re: ود الخليفه)
|
سور البوسته كان يحوي اندر الكتب واقيمها بأقل الاسعار
تتوفر فيه كتب ومجلات ومراجع لا توجد في غيره من مكتبات ومعارض كتب وخلافه
اتحسر معك يا ود الخليفه علي ما آل اليه سوق الكتب وكأن الامر مقصود لمحاربته ومحاربة الثقافه
كل - كشك - او مكتبه كانت تعمل قديما لبيع الكتب والادب والثقافه تعمل الان في بيع العصائر والشاورما - او كما يسموها اصحاب الكافتريات في السودان
| |
|
|
|
|
|
|
|
|
|
Re: سوق الكتاب المرتجع بامدرمان (Re: نوفل عبد الرحيم حسن)
|
سلام يا ود الخليفة وكل سنة وانت طيب ....
معرفتي بالسوق لصيقة وأعرف معظم باعته وتعاملت معهم كثيراً ...
أتفق معك في كل ما ذكرته ... ولهؤلاء قضية يجب معالجتها ...
كذلك قامت إدارة مسجد الخرطوم الكبير بإزالة بائعي الخرطوم
وكانت هنالك محاولات لعمل بترينات لبيع الملابس أو الإكسسوارات
لا أدري ... إلا إنهم يبدو قد أختشوا وخجلوا علي دمهم ... وهو
أمر مؤقت ....
| |
|
|
|
|
|
|
|
|
|
Re: سوق الكتاب المرتجع بامدرمان (Re: زهير الزناتي)
|
الاخوة الكرام نوفل وزهير
السلام عليكم ورحمة الله وبركاته
للاسف اجبرت المحلية هؤلاء الباعة لتؤجر محلاتهم لاصحاب الشاورما او لمن يدفع اكثر
اما الذين افترشوا كتبهم في الخرطوم فقد ازيلوا من سور الجامع الكبير بعد الصيانه وتفرقوا بين مواقف المواصلات
والسور الشرقي للكمبوني وبرندات شارع السيد علي قريبا من الموقف الجديد وحالهم اسوأ من بائعي امدرمان
اما بحري فقد حافظ البائعين على مكانهم المعتاد جوار الكنيسة في المحطة الوسطى بحري وشرق المدرسه
ولي اصدقاء من هؤلاء الباعة في المحطه الوسطى جوار موقف الشهداء (فيصل وكابيلا)
وقد لمست منهم اهتماما ومعرفة لقيمة ما يبيعون
في اخر ايام رمضان السابق اشتريت منهم مجموعة كتب ومازحتهم انو الدنيا عيد منو الفاضي يشتري منكم كتب
فضحك كابيلا مني وقال لي كلكم بتقولو كده
| |
|
|
|
|
|
|
|
|
|
Re: سوق الكتاب المرتجع بامدرمان (Re: ود الخليفه)
|
سلام يا سيد الدار وزواره
علاقتي بهذا السوق كانت أيام المحطة الوسطى امدرمان
بداية بميكي وسمير وطرزان والألغاز والشياطين ال 13 وأرسين لوبين وأجاثا كريستي والفريدهتشكوك
وصولاً للأدب والدين والسياسة
أقيم الكتب التي اختفت من المكتبات ودور النشر وجدتها هناك
وحول سور الأزبكية في القاهرة . والآن اتمتع بهاهنا في الحراج بجدة
أتمنى أن يجدو الاهتمام من أهل السلطة فدورهم يتخطى التجارة للثقافة يا وزارة الثقافة
| |
|
|
|
|
|
|
|
|
 Re: سوق الكتاب المرتجع بامدرمان (Re: singawi)
|
يا سلام عليك يا ود الخليفة
الناس ديل عندهم دين في رقاب ناس كتار و أنا أولهم
منهم إتعلمت العلوم بفضل كتب دار مير العظيمة
و ياما لفيت بالساعات وسط الكنوز السمحه بتاعهم
لازماني زيارة أكيد للمضارب الجديدة ..
كل الشكر
| |
|
|
|
|
|
|
|
|
|
Re: سوق الكتاب المرتجع بامدرمان (Re: محمد قرشي عباس)
|
الاخوة الكرام العوض سنجاوي محمد قرشي
السلام عليكم
للاسف تتعامل معهم الحكومة مثلهم مثل اي بائع في السوق وتفرض عليهم رسوم شهريه
وعندما تم ترحيلهم وعدوهم بالعودة مرة اخرى نظير ايجارات معقولة وتم تخديرهم بوعود
الى ان عرضت المحلات بمبالغ كبيرة لمن يدفع
وتاثر 121 بائع بهذا القرار ورضوا على مضض بالميدان الصغير وللاسف بعض منهم قد اقفلوا اكشاكهم
وبعضهم يعرض مساءا - خوفا من ناس البلدية - في الموقع القديم افتراشا على الارض
| |
|
|
|
|
|
|
|
|
 Re: سوق الكتاب المرتجع بامدرمان (Re: عماد حسين)
|
| Quote: فلا دعمتهم الحكومة بمكان ثابت محترم ولا تركتهم ياكلوا من خشاش الارض |
،
ولا تركت البلد وشأنها يا ود الخليفة. إنما راحت تخبط
في مرافقها خبط العشواء.
نسأل الله السلآمة.
مشتاقين يا زول...
| |
|
|
|
|
|
|
|
|
|
Re: سوق الكتاب المرتجع بامدرمان (Re: معاوية المدير)
|
الاخ عماد
السلام عليكم ورحمة الله
بحثت عن رقم سجلته مؤخرا للاخ زهير وللاسف ضاع في زحمة الاوراق
يوم الخميس ان شاء الله يكون عندك
عزيزي ود المدير
مشتاقين ياخ كيف الحال
في كل الدول يوجد سوق للكتب القديمه ودونك سور الازبكيه في القاهره
معلم من معالم المدينة لا بد من الحج اليه لكل زائر لقاهرة المعز
وجدت تعريف لطيف للتحف بانها ممتلكات للجيل الاول يتخلص منها الجيل الثاني ليمتلكها الجيل الثالث باغلى الاثمان
| |
|
|
|
|
|
|
|
|
|
Re: سوق الكتاب المرتجع بامدرمان (Re: ود الخليفه)
|
وضع محزن حقا يا ود الخليفة..
فهؤلاء وفروا الكتب بأثمان رخيصة لمعظم الطلاب الجامعيين، وبالذات الدراسات ذات المنحى العلمي مثل الطب والهندسة
مثلا (محمد عثمان) و عم بلال كانا مختصين في كتب الهندسة
عم بلال طور المكتبة وفتح واحدة داخل كلية الهندسة، ولكن استمرت علاقته بسوق البوستة بأمدرمان وكان يحضر منها الكتب بإستمرار
المكتبة التي تقع في الكورنة بتاعت البوستة وتفتح في اتجاه الجنوب - نسيت اسم صاحبها - كان مختص في كتب الطب والصيدلة
والموجودة في نفس الكورنة وتفتح اتجاه الغرب كان مختص في كتب الحاسوب والمحاسبة والاقتصاد واظن انه قريب عم بلال
هذا غير الكتب الثقافية القيمة والدوريات والمجلات والكتب الدينية
والله حرام الكلام البتقول فيهو دا يا ود الخليفة، يعني البلد تصل المرحلة دي من التجهيل المتعمد، واتحدى اي كوز يجي و يقول انو التم في البلد فيما يخص التعليم والثقافة من تجهيل ومحاربة لم يكن متعمد
الواحد فعلا بدا يصدق نظرية المؤامرة البتقول انو الكيزان ديل عملاء أتزرعوا في البلد دي عشان يدمروها
| |
|
|
|
|
|
|
|
|
|
Re: سوق الكتاب المرتجع بامدرمان (Re: Shihab Karrar)
|
كان فيهم واحد غرب البوستة أتذكر لقيت عنده أول رواية سودانية إسمها إنهم بشر
(قطع شك حاجة نادرة في ذلك الزمان وهسع كمان)
تقول ليه ليه غالي كدا دا ما كتاب قديم
يقول ليك الكلام الجواه قديم...
ما قصروا معانا ولا مع البلد
كسبنا الثقافي فضلة خيرهم
نتضامن معهم
ونتمحن في حكومات تحرق المراكز الثقافية
وتعلي باعة الهتش
وترخص باعة الكتب
| |
|
|
|
|
|
|
|
|
|
Re: سوق الكتاب المرتجع بامدرمان (Re: Nasr)
|
Quote: الاخ عماد
السلام عليكم ورحمة الله
بحثت عن رقم سجلته مؤخرا للاخ زهير وللاسف ضاع في زحمة الاوراق
يوم الخميس ان شاء الله يكون عندك
|
تسلم يا ود الخليفة
راجيك "فوق جمرن تهب فوقو الريح"
| |
|
|
|
|
|
|
|
|
 Re: سوق الكتاب المرتجع بامدرمان (Re: عماد حسين)
|
ود الخليفة
تحية وتقدير ,,,
رجعته للواحد ذكريات جميلة لزمن جميل .......... في نص الثمانينات في المحطة الوسطي أمدرمان
كنا بنسميهم ( الفراشّه ) يعني الناس البفرشوا الكتب في الواطـه , وكنت واصحاب عزاز ربنا يطراهم بالخير زبائن مستديمين
وفعليا بتلقي عندهم كتب مميزة وباسعار معقوله .......
لحدي ما الواحد سافر 2001 كان برضوا زبون مستديم للفراشه وبتذكر نشاطهم الزمن داك إتركز حول البوسته ام درمان
وتحياتي
| |
|
|
|
|
|
|
|
|
|
Re: سوق الكتاب المرتجع بامدرمان (Re: عبد الناصر الخطيب)
|
الاخ عماد
تلفون الاخ زهير بشير 0918286562 ولمن يرغب في اي مساعدة فقد ابدى استعداده
الاخوه شهاب و نصر وعبد الناصر
السلام عليكم ورحمة الله
وصل سؤ الحال ببعض الاكشاك ان تم قفلها من اصحابها لان العمل اصبح لا يغطي معهم مصاريف الايجار من المحلية ناهيك عن المصاريف اليوميه
| |
|
|
|
|
|
|
| |
ود الخليفه
نوفل عبد الرحيم حسن
زهير الزناتي
العوض المسلمي
محمد قرشي عباس
عماد حسين
معاوية المدير
Shihab Karrar
Nasr
فيس بوك
تويتر
انستقرام
يوتيوب
بنتيريست