|
Re: الأنتباهة .... من أين جاءت بهذه ؟؟ !! (Re: رشا بابكر)
|
العزيزة رشا بابكر القومة ليك ولى اهل ود راوة .. الانتباهه كمان بقولوا ليها جبتى من وين ؟؟
لكن انا بختلف معاك فى تقييمك للموضوع ومش عشان الانتباهه هى الاوردت الموضوع طوالى ممكن نستقطب الناس ضده ... التحية للانتباهه اذا بقت تعكس هموم الناس ومشاكلها .. اولا يا ستى انتى خلطتى خلط مريع بين تحليل صحفى يعكس تردى الخدمات فى ود راوة وبين الاساءة لااهلها .. وين الاساءه هنا ؟ بالعكس يجب ان يفرح اهالى ود راوة باى تسليط اضواء على الواقع المزرى !
الواقع المزرى يا رشا مافى ود راوه وحدها وتردى الخدمات ما شتيمة لاهل ودراوة بقدر ما هو لوم للقائمين بامر البلد !
ولو انتى فى ود راوة الماسورة بتكب عندكم فى ضواحى قريبة من ودراوة وجواها الناس بتشرب من الترع ..
يا رشا انتى ماشه تنفى الكلام دا عن ودراوة البعيييدة ديك ليه ؟ الكلام دا كلو حاصل فى الخرطوم .. ملتقى النيلين مش نيل واحد ... المهم
المهم ابراز نقص الخدمات وتردى الاوضاع فى اى منطقة ما شتيمة ولا تقليل من شان اهل المنطقة بالعكس .. اتفقنا ؟
ـــــــــــــــــ يعنى الكلام البتكتب عن مدن وقرى دارفور والشرق والنيل الازرق ديل .. مفروض ينتحروا ؟؟
| |
|
|
|
|
|
|
Re: الأنتباهة .... من أين جاءت بهذه ؟؟ !! (Re: رشا بابكر)
|
فاتنى ان ازجى بالتحية لتلك الصحفية التى تكبدت مشاق الوصول الى هناك فى عمل صحفى جاد وحقيقى مهما اختلفنا فى تقييمه .. عمل صحفى مربوط بهموم الناس الحقيقة ومشاكلهم وعكسها كسلطة رابعة تجبر على التغيير .. عمل صحفى بعيد عن التطبيل والنفاق . والكلام السياسى الاجوف الما بودى ولا بجيب .. بعيد عن الشعارات والمزايدات ,, التحية لها كامراة اولا ..
ـــــــــــــ رشا حدلى بدلى ياخ ! منتظرنك ..
| |
|
|
|
|
|
|
Re: الأنتباهة .... من أين جاءت بهذه ؟؟ !! (Re: دينا خالد)
|
سلامات يا رشا و شكرًا جزيلا يا دينا خالد، من حوالي 4 ساعات و ان بفكر في البوست و جاء علي بالي نفس كلامك بس ربنا ما فتح علي أقوله بطريقة لطيفة ذي اللي انت ختيتيه بيها. ربنا يفتح عليك كمان و كمان.
رشا، انا ممكن افهم وجهة نظرك في الموضوع. لكن كل السودان خارج الخرطوم في حالة صعبة تستحق لفت الانتباه ليها
| |
|
|
|
|
|
|
Re: الأنتباهة .... من أين جاءت بهذه ؟؟ !! (Re: smart_ana2001)
|
سلامات يا رشا
فهمت من بوست منال انك عندك علاقة بكوستي .. لكن الما فهمتو كلو كلو كلامك ادناه:
Quote: نعم اساءت لأهل ودراوة وقد أكدت بأنهم يشربون من مياه آسنه وملوثة يشاركون الحيوان فيها اليست هذه إساءة أخت دينا ؟! قلتي على أهل ودراوة أن يفرحوا !!
|
وين الاساءة للناس هنا؟ و من منو لو وجدت؟ من الصحفية ام من الحكومة، ياخ زي ما قالت دينا خالد كتر خيرا ياخ!
اها في مدينة كوستي الناس قاعد تشرب مش بس مياه آسنة، بل ملوثة بالمخلفات و مياه المجاري .. يا ريت الصحفية دي تمشي تكتب لينا في الموضوع دا .. يا ريت!
-------
في بداية التسعينات، الموضوع دا كان مالي الجرائد .. و صادف مشاركات الهلال و المريخ افريقياً كراكتيرست رسم كاركتير فيو برنسة مكتوب عليها ( كوستي - ربك) شطب كلمة (كوستي) و كتب بدلا (هراري) فصارت (هراري - ربك) ما حسينا وكتها - الكوستاويين - باساءة بقدر ما انو شفناها عكس لواقعنا المزري! و الله صحي
| |
|
|
|
|
|
|
Re: الأنتباهة .... من أين جاءت بهذه ؟؟ !! (Re: jini)
|
سلام _ دينا أشرت أن المقال نشر بعدد أمس الخميس 22/ 12 بصفحة زووم الصفحة 11
وبرضو سلام _ سمارت لفت النظر يكون بالحقائق وليس بما يناقض الواقع شكراً لمرورك
والتحية لقيقراوي أنا من ودراوة أخي ولا تربطني أي علاقة بمدينة كوستي الجميلة بس بسألك بالله عليك لو شخص قال ليك أنت بتشرب مع الحيوانات ( أكرمكم الله ) بالله شعورك بكون شنو ؟ نحن بنشرب من موية النيل والمواسير دخلت ودراوة أوائل الثمانينات وللتذكرة : أنا لم أدخل بوست الأخت العزيزة منال ! الف شكر لمداخلتك
أخي / جني ولتصدق الأنتباهه ولكن الصحفية لم تصدق شكري لمرورك
| |
|
|
|
|
|
|
Re: الأنتباهة .... من أين جاءت بهذه ؟؟ !! (Re: رشا بابكر)
|
سلامات يا رشا و صادق اعتذاري للخلط الحصل .. يبدو اني لخبطت في الاسماء
Quote: بس بسألك بالله عليك لو شخص قال ليك أنت بتشرب مع الحيوانات ( أكرمكم الله ) بالله شعورك بكون شنو ؟ نحن بنشرب من موية النيل والمواسير دخلت ودراوة أوائل الثمانينات
|
عادي لاني فعلاً شربت مع الحيوانات .. و كل ارياف السودان قاعد تعمل كدا
انا متفهم انك زعلانة من انو دي ما الحقيقة فيما يخص ود راوة .. لكن اعرفي انو دي (حقيقة) في حتات تانية
--------
بالمناسبة كوستي برضو بتشرب من المواسير، و فيها محطة تنقية .. و عملو واحدة جديدة .. لكن انقري غيرت حاجة!؟ و لا شئ! لي يوم الليلة الموية بتجي بالماسورة زي موية المطر .. و اكثر اتساخاً!!
تحياتي و تقبلي اعتذاري
| |
|
|
|
|
|
|
|