|
اسد الضحية ..!!
|
من يقول على ما سيذبح في الاضحية القادمة .. خروف .. فهو مخطئ
ده اسد عدييييييييييييييييييل وما بقدر عليه الا راجل مالي مركزو ( جيبو )
|
|
|
|
|
|
|
|
Re: اسد الضحية ..!! (Re: وليد محمد المبارك)
|
الأخ وليد ربنا يفرج الكرب ... لكن أتوقع أن تنخفض الأسعار في آخر يومين قبل الأضحية ... حتما سيزيد المعروض حتى تمليء الطرقات والساحات مثل كل مرة ... وكل تاجر لازم يبيع بأي سعر حتى يقلل من خسائره ... ولا أحد يستطيع المكابرة والمخاطرة على عدم البيع والتخزين لموسم قادم لإرتفاع كلفة أكل وشراب وحراسة القطيع عيدكم سعيد ... وكل عام وأنتم بألف خير الشفيع إبراهيم
| |
|
|
|
|
|
|
Re: اسد الضحية ..!! (Re: Alshafea Ibrahim)
|
Quote: الأخ وليد ربنا يفرج الكرب ... لكن أتوقع أن تنخفض الأسعار في آخر يومين قبل الأضحية ... حتما سيزيد المعروض حتى تمليء الطرقات والساحات مثل كل مرة ... وكل تاجر لازم يبيع بأي سعر حتى يقلل من خسائره ... ولا أحد يستطيع المكابرة والمخاطرة على عدم البيع والتخزين لموسم قادم لإرتفاع كلفة أكل وشراب وحراسة القطيع عيدكم سعيد ... وكل عام وأنتم بألف خير الشفيع إبراهيم |
الموسم بالنسبة للتجار طويل (العيد + عودة الحجاج)
بالتالي الاسعار لن تنخفض بسهولة وان حدث ذلك لن تنخفض
دون حاجز الــ 400 الف على اقل تقدير وهو مبلغ كبير بالنسبة
للسواد الاعظم من الشعب السوداني ....
تحياتي ياوليد والشفيع وكل عام وانتم بخير ....
| |
|
|
|
|
|
|
Re: اسد الضحية ..!! (Re: omer osman)
|
يا وليد طبعاً أخوك زمان كان شغّال مُروِّض أُسود في جنينة الحيوانات قبلما يعملوها بُرج الفاتِح حتّى أسأل مني جنابو دة كان لمّا يجي يكون عايز يشوف الأسد يحنِّسني حِنّيس شان أقيف ليهو جمب القفص
أها أسدك دة بعد تشتريهو شان ما يعوِّق الأولاد في البيت جيبو لي أروِّضو ليك
يا كتلني يا كتلتو
| |
|
|
|
|
|
|
Re: اسد الضحية ..!! (Re: omer osman)
|
أتوقع انخفاض الاسعار لاقل من الاسعار الحاليه كتير
...... اهم حاجه الناس يشتروا من التجار الرحل والعابرين . لانه ديل ببيعوا بأي سعر عشان يتخارجوا ويرجعوا بلدهم اما التجار المقيمين ديل اختوهم .. بالهم طوييييييل وبنتظروا الحجاج والعرسان ذاتو وما بفرق معاهم يبيعوا ولا لا .. لانه اصلا هم قاعدين .. قاعدين
| |
|
|
|
|
|
|
Re: اسد الضحية ..!! (Re: Alshafea Ibrahim)
|
يا الشفيع بعد الضحية تاتي كرمات الحجاج
وهذا يغري التجار كثيرا
اغرب حاجة كان عندنا كرامه لروح حبوبتنا اول جمعة في رمضان قالو لي جيب خروف وادوني 600 جنيه
مشيت لقيت الخروف البي 600 كراع واحدة .. حاجة صغيرووووووووووونة
مشت للجزار قلت ليه الكيلو بكم قال لي 30 جنيه
قلت ليه اوزن الخروف ده كله ( خروف معلقو ) طلع 12 كيلو وباع لي الكيلو في 28 طلع المجموع 336 جنيه قلت ليه اديني 2 كبده مقفولة اداني الاتنين بي 30 يعني المجموع 366
وكسر الخروف وقطعو ومرق لي الريش براها وختاهو لي في اكياس
رجعت ليهم البيت بخروف كامل بكبدتين ومقطع ومكسر و 243 الف جنيه راجع
ولا ضباح ولا كسر ولا يحزنون
كيف يكون الخروف الحي اغلى من الخروف المضبوح ومفحوص مرتين ؟!!!
| |
|
|
|
|
|
|
Re: اسد الضحية ..!! (Re: وليد محمد المبارك)
|
Quote: يا صبري انت طوالي شايت غلط |
يا وليد أنا ما طوالي شايت غلط ... لكن بتهمني النجيضة ياخ ...
يعني لمّا تقول الكيزان جوكم ... معناها جونا بمنهجهم مُش بأشخاصهم ... كيزان بدون منهج زي الفول بدون زيت ... وزي الهناية بدون كرعين ...
وزي الضحية بدون خروف ...
ــــــ كوز بيحكم بدستور علماني ... خلاص يشيل اسم إسلامي دي وينسى الموضوع
| |
|
|
|
|
|
|
Re: اسد الضحية ..!! (Re: عمر الفاروق)
|
يا عمر نفدت بجلدك
ياخ انا ما جيتكم في العيد وانت ما جيت عيدتا عليها
وبما انك ما بتقدر ترد لينا الزريارة
اتحرك ياخ وحاول تغتيها باي شي
| |
|
|
|
|
|
|
Re: اسد الضحية ..!! (Re: صبري طه)
|
Quote: كوز بيحكم بدستور علماني ... خلاص يشيل اسم إسلامي دي وينسى الموضوع |
والله يا صبري انت مسكين
طيب كان كده بلدنا دي ما فيها كيزان لانها تحكم بدستور علماني
اوعك تقول لي حاكمنها بالشريعة بضحك فيك
| |
|
|
|
|
|
|
Re: اسد الضحية ..!! (Re: وليد محمد المبارك)
|
Quote: والله يا صبري انت مسكين
طيب كان كده بلدنا دي ما فيها كيزان لانها تحكم بدستور علماني
اوعك تقول لي حاكمنها بالشريعة بضحك فيك |
لكن ناسنا أعلنوا الشريعة والمشروع الحضاري الإسلامي وكل ما يُشير إلى منهجهم الإسلامي كمرجعية للحكم والدستور ... طبّقوا ما طبّقوا حكموا ما حكموا دي ما النجيضة ...
النجيضة: هم أعلنوا شريعتهم وعملوا دستورهم ...
سين سؤال: هل أعلن كيزان تونس الدستور الإسلامي ؟
| |
|
|
|
|
|
|
Re: اسد الضحية ..!! (Re: عمر الفاروق)
|
حنكك بيش يا عمر
انا ما جيتك توووووووووووووشك ولا ضربت ليك ولا حاجة
ولو ما كان لقيتك فحمتي في ضهرية العربية كان شخبت ليكم حيطتكم كلها
ده حنك بيش منك
| |
|
|
|
|
|
|
Re: اسد الضحية ..!! (Re: صبري طه)
|
Quote: سين سؤال: هل أعلن كيزان تونس الدستور الإسلامي ؟ |
ومتى اعلن كيزان السودان الدستور الاسلامي ؟
اقصد يعني بعد كم سنة من وصولهم للحكم
| |
|
|
|
|
|
|
Re: اسد الضحية ..!! (Re: وليد محمد المبارك)
|
Quote: ومتى اعلن كيزان السودان الدستور الاسلامي ؟
اقصد يعني بعد كم سنة من وصولهم للحكم |
يا وليد سؤالك دة لذيذ ياخ ... الفرق إنو كيزان السودان جو بانقلاب وبحكم أحادي ... يعني خبزوا خبيزهم وعجنوا عجينهم وضبحوا خروفهم (دي عشان موضوع البوست وكدة) وحكموا خالدين فيها برشاماً ...
كيزان تونس ما حيحكموا إلاّ بعد إجازة الدستور ... وحكمهم سيكون تحت نظام ديمقراطي ...
ما خلف سؤالك ممكن في حالة واحدة بس إذا انقلب كيزان تونس على الديمقراطية والدستور كانقلاب البشير ...
ـــــــ المافي شنو ؟ وسعر الخروف بي كم ؟ وسعر الهروب بي كم ؟
| |
|
|
|
|
|
|
Re: اسد الضحية ..!! (Re: صبري طه)
|
Quote: كيزان تونس ما حيحكموا إلاّ بعد إجازة الدستور ... وحكمهم سيكون تحت نظام ديمقراطي ... |
كااااااااااااااااااااك
ما قلت ليك انت طوااااااااااااااالي شايت غلط كيزانا قلبوها بعد ثورة وحكومة وانتخابات جو فيها التوالت
ديل جو الاوائل من قولت تيييييييييييييييت
وحا يحكمو هم واجازت الدستور حا تتغير فيها حاجات كتيرة زي تعدد الزوجات
بكره بسمع كواريكك هنا
وزي ما كنت ما مقتنع انهم يفوزوا وكت كتبنا بوست الكيزان جوكم في تونس بكره حا نسمع مبرراتك وكت يلخبتوها
ما انت زول غالالالالالالالالالالالالالالالالات ياخ انت غالت في موضوع البرير ما تغالط في الموضوع ده
| |
|
|
|
|
|
|
Re: اسد الضحية ..!! (Re: وليد محمد المبارك)
|
Quote: في زمتك الوطكت داك كنت مقتع انهم حا بفوزوا
في زمممممتك |
ذكرتني واحد صاحبي طاشي شبكة شوية كدة ... سأل تاجر ملابس عن بنطلون وقال ليهو البنطلون دة بي كم ؟ بتاع الملابس قال ليهو بي كدة ...
قام صاحبنا ردّ على بتاع الملابس وقال ليهو طيب أدّيك ليهو بي كم ؟
ـــــــــــ يا وليد والله بصراحة الوكت داك ما كنت شغال بالموضوع من أساسو وما عارف ذاتو هم بعوسوا في شنو ياخ والشيء العارفو إنهم كانوا بكرهوا ابن علي ...
| |
|
|
|
|
|
|
Re: اسد الضحية ..!! (Re: وليد محمد المبارك)
|
الليلة مشيت وزارة الصحة لقيت اعلان بتاع اسد بالاقساط ... اقصد خروف بسعر 550 تصدق .... يعني تاكلو في يوم ويأكلك ستة شهور (مفروض تكون حكمة بوليفية ) .. مقترح ما بين الاقواس وعليه اذا كان الاسد بالاقساط نشوف لينا (ثعلب سكند هاند ) نضحي بيهو حاشية: * تعلب سكند هاند لايعني ان تذبح قطة.
لفتة بارعة ... (يعني عنوان جانبي)
انت ياولي ضبايح السروراب وسندوتشات بيت الفنون ممكن نتم عليها 2 كليو لحمة مفرومة ويكون دفع عداد مقدم للضحية +2 كليو مدعوم .. اقصد مفروم
وشكرا
عمر الحاج
| |
|
|
|
|
|
|
Re: اسد الضحية ..!! (Re: وليد محمد المبارك)
|
Quote: يا الشفيع بعد الضحية تاتي كرمات الحجاج
وهذا يغري التجار كثيرا
اغرب حاجة كان عندنا كرامه لروح حبوبتنا اول جمعة في رمضان قالو لي جيب خروف وادوني 600 جنيه
مشيت لقيت الخروف البي 600 كراع واحدة .. حاجة صغيرووووووووووونة
مشت للجزار قلت ليه الكيلو بكم قال لي 30 جنيه
قلت ليه اوزن الخروف ده كله ( خروف معلقو ) طلع 12 كيلو وباع لي الكيلو في 28 طلع المجموع 336 جنيه قلت ليه اديني 2 كبده مقفولة اداني الاتنين بي 30 يعني المجموع 366
وكسر الخروف وقطعو ومرق لي الريش براها وختاهو لي في اكياس
رجعت ليهم البيت بخروف كامل بكبدتين ومقطع ومكسر و 243 الف جنيه راجع
ولا ضباح ولا كسر ولا يحزنون
كيف يكون الخروف الحي اغلى من الخروف المضبوح ومفحوص مرتين ؟!!! |
يا مفتح انت طيب ما أرسل ليك الضحاكات تعمل مع أخوك واجب:)!! المستنكحين ديل قالو لي الخروف بي 700 جنيه!! خروف ولا كامري أصلو!! أحش الحش ذاتو!
لك الود يا حبيب
| |
|
|
|
|
|
|
Re: اسد الضحية ..!! (Re: عمر الفاروق)
|
Quote: عجبني ليك التليحة البي هنا دي ..عشان تعرف انا بهناك مورررم كيف |
مبالغة ...
السؤال... لما الواحد عايز يتلح التاني ... المفروض يجيهو بالدرب العديل ... مايبوظ بوستات الناس ...
___ بس النصيحة لله ... تليحة بهناك ألذ من تليحة هنا ....تابعتها لغاية آخر الليل ... وجيت الصباح جري .. عشان أشوف الجديد..
__ الشفت وعمر الفاروق ... كل سنة وأنتو بألف خير ..
..
| |
|
|
|
|
|
|
Re: اسد الضحية ..!! (Re: محمد أبوالعزائم أبوالريش)
|
Quote: يا وليد طبعاً أخوك زمان كان شغّال مُروِّض أُسود في جنينة الحيوانات قبل ما يعملوها بُرج الفاتِح حتّى أسأل مني جنابو دة كان لمّا يجي يكون عايز يشوف الأسد يحنِّسني حِنّيس شان أقيف ليهو جمب القفص |
ياعلاء بطل محلسة ... صدقني الاسد عارف انه احرف جزار مابطلع منك ربع كيلو عشان كده قال اخير ابو الريش ده اصاحبه يمكن يسمن .. قال ترويض ...
ياوليد قلنا بعد غياب طويل نعيد في بلدنا فشنو بقيتوها لينا اسد ونمر ومرق دجاج ؟!! نبطل نأجز عندكم ولا شنو ؟!ّ!!
| |
|
|
|
|
|
|
Re: اسد الضحية ..!! (Re: فايزودالقاضي)
|
Quote: صدقني الاسد عارف انه احرف جزار مابطلع منك ربع كيلو عشان كده قال اخير ابو الريش ده اصاحبه يمكن يسمن .. قال ترويض ...
|
بسسسسسسسم الله ..... ود القاضي .. شربوتكم طلع بدري والا شنو؟
| |
|
|
|
|
|
|
Re: اسد الضحية ..!! (Re: وليد محمد المبارك)
|
Quote: يا نوفل
انا لا اتوقع |
اذن انت بعيد كل البعد عن سواق المواشي
يازول ان شاء الله العندو 250 جنيه بضحي والعندو 400 بضحي والعايز يضحي ب 700 بضحي وكان ختينا الخمشه الودتها الحكومه مصر السعر كان نزل لاقل من كده كتير
..... بس زي ما قلت ليك اختأ التجار المقيمين و أقع العابرين
| |
|
|
|
|
|
|
|