ما هذا البيان الفطير يا ادارة المريخ؟

Quote: الاخ الحبيب هشام كل عام وانت والاسره بخير يا حبيبى الحال من بعضه لا تعليم لا ثقافه لا فنون لا حقوق ؟؟ ولاات كثيره قرات ما سطرته ورجعت الى ما كتب عن انسحاب المريخ من اداء مباراة كاس السودان فى كل اسفير واستعنت باالايميل والاسكايب والتفلون اولا لا يوجد سبب واضح ومقنع غير اتفاق عام حول سياسات الاتحاد واللجنه المنظمه وانتظرت حتى مساء الامس وفى قناة الشروق وفى برنامج ساعه رياضه اطل المهندس وخت خطين تحت المهندس دى؟؟ وهو المهندس همد تكلم بلغة المشجعين لا عرفنا الضكر ولا النتايه؟؟ وجاب ورق كتير وهاك يا هرجله قبل كده الامل عملوا ليهو والهلال سوو ليهو وفلان اجلو ليهو وعلتكان جمدو ليهو وداك غرموهو اشمعنى المريخ ما يؤجل ليهو؟؟ وفيما قال انهم ناقشوا امر التاجيل فى اجتماع وقامو ناس الاتحاد سمعوا بيهو وقالو ليهم طيب اكتبو لينا خطاب؟؟ يعنى التاجيل كان رجاله ساى وجهل؟؟ وتفرج ياسلام تقول لى لغه؟؟ اخوك انور عبد الرحمن المملكه الهولنديه