|
ياهو ده الفَضَل يجيبو لينا السُكَر المنتهي الصلاحية (الفِضَل )
|
ياهو ده الفَضَل يجيبو لينا السُكَر المنتهي الصلاحية الفِضَل
بس ياهو ده تراهو حالنا
ياهو ده الفَضَل يجيبو لينا السُكَر المنتهي الصلاحية الفِضَل
شركتين ( ساريا والشركة السودانية) إستوردوا حوالي 32 ألف طن طن من السُكَر
فقد إكتشف أعضاء اللجنة الأولي التي شكلتها هيئة المواصفات لتقييم شحنة السَكُر المعنية
وجدت أنَّ هذا المنتج منتهي الصلاحية تماماً ..
شوالات السُكَر فيها بلل .. ورائحة غريبة وقد ثبت أنَّ خللاً فيزيائياً قد حدث بشحنة السُكَّر
أها قولو واحد
إنَّا لله ياخ
|
|
|
|
|
|
|
|
Re: ياهو ده الفَضَل يجيبو لينا السُكَر المنتهي الصلاحية (الفِضَل ) (Re: Nasr)
|
Quote: سؤال (بمنتهي البراءة والسذاجة) السكر البيتنج في أكبر مصنع سكر في أفريقيا (كنانة) وباقي مصانع السكر: عسلاية، سنار، خشم القربة، الجنيد بيمشي وين؟؟؟؟؟؟؟؟ يعني بنشرب (ولا نآكل) السكر دا كلوا وبنستوردعليه؟؟؟؟؟؟؟؟؟؟؟؟؟؟؟؟ |
نصر أخوي تحية واحترام يا زول ... لكن سعالاتك في التنك ياخ ..
وهو قالوا ليك العملة السعععععبة دي هم بجيبوها من وين ؟؟ ما ياهو السُكَر ده بتذكر زمانك كدي غايتو إنو كل منتوج مصنع سكر كنانه كان بيمشي الكويت .. بيتباع بالدولارات وهم بيقوموا بدورهم يستوردوا لينا سُكَر بأسعار أقلَ من سعر سكرنا فشنوووووووو زي التقول بإن سُكرنا أٍكر من سكرهم وسكاكرنا أحلي من سكرهم
إنت المعلة دي يمكن في ناس ناسين سكاكر الموت .. يممممممممممكن
الله في يا زول .. الله في وموجووووووود .. إنه يمهل ولا يُهمِل
| |
|
|
|
|
|
|
Re: ياهو ده الفَضَل يجيبو لينا السُكَر المنتهي الصلاحية (الفِضَل ) (Re: Haju Muktar)
|
Quote: بلد حكومته منتهيه الصلاحيه بلد رئيسه منتهي الصلاحيه شنو يعني سكر منتهي الصلاحيه
دي شركات الحكومه وهيئة المواصفات الحكومه الشعب شعب الحكومه سكر فاسد بيض هندي فاسد محاليل وريديه فاسده تقاوي فاسده ادويه فاسده اخلاق فاسده الفساد ذاتو فاسد |
هجو الود الضكران ..
كيفنك يا الحبيب ونعلك والعيال وأمهم الصديقة بألف خير يا رب وأحسن الله العزاء في رحيل أمنا قصب السُكُر وتعازينا للود الشقي عظموتي تصل عبرك بالله
تعرف يا هجو .... نحن ظاااااااااتنا بقينا مُنتهين الصلاحية في إنسانيتنا البقت مسروقه ومافيشه دي .. نسوي شنو عاد الشكية لي الله بس
| |
|
|
|
|
|
|
Re: ياهو ده الفَضَل يجيبو لينا السُكَر المنتهي الصلاحية (الفِضَل ) (Re: امير مصطفى احمد)
|
Quote: ود امي ناصر
مرحب بيك في بوستيك السكر ذيك دا ( طبعا السكر الاصلي بتاعتنا بتاع كنانة ابو زيق في الاطراف ) .
ياخي في حاجة اسمها ماسنجر في المنبر دا |
ماسينجر ؟؟!!!! وده بياكلوه بي ملاح شنو ؟؟؟
أمير مصطفي كيفنك ياخي ...
تعرف دي تاني مره أسمع فيها بالماسينجر الفي البورد ده ...
علمونا ياخي كيفن نتعامل مع ماسينجركم ده .. في شان نحن ماسنجريييياً كدي والنعمنو كدي ما سنجرنا ما قادر يلم في ماسنجركم .. يقدر ماسنجرنا يسنجر ماسنجركم زي ما ماسنجركم ده مُعصصصصصصصصصصصصصلِج معانا ؟؟
لووووووووووووول لأ والله ما عندي أدني فكرة بالماسينجر الداخلي ده يعلم الله وده إعتراف راسو عدييييييييل كده
| |
|
|
|
|
|
|
Re: ياهو ده الفَضَل يجيبو لينا السُكَر المنتهي الصلاحية (الفِضَل ) (Re: Nasr)
|
Quote: مهما كان سكرنا أحلي وأغلي من سكرهم فتكلفة الترحيل (من شرق آسيا وحتي السودان) وزايد عليها أرباح المستوردين وتجار الجملة والمفرق (وفروقات تبديل العملات) بتضيع كل الفرق لسه في حاجات في موضوع السكر دا ما مفهومة العارف يقول لينا |
نصر ياأخوي كيفنك ونعلك طيب يا زول
تعرف أنا في ( الرياضيات ) كنت بجي طيش الفصِل ـــ والله جد جد فبالتالي قولك بإنو فرق الترحيل وسعر السُكَّر المستورد بالمقابل لسعِر سُكَرنا ممكن يكون متساوي دي ما ممكن طبعاً أقدر أحسبها لكن ملاحظتك ملاحظة ذكية بالجد ... وصحي كدي العارف يقول لينا هو في شنو أصلاً في موضوع السُكَر ده ؟؟
| |
|
|
|
|
|
|
|